نبدأ بذكر الله ﷽🤎✨
اسكوبار
بقلمي ميان أل مالكي
بارت 12.
قراءة ممتعة
🚫لا تنسون التصويت والتعليق بين الفقرات حبايبي..
.
.
.
تـبارك - ششنو قصـدك ؟
اسكـو :- نختـبر اذا هـارون فعلآ يحبج
او يفضل مصالحة الشخصية على حساب.
حفيدتة
تبارك - وشلون راح نتأكد ؟
اسكو :- اول شي انه راح اتراقب اكثر
من قبل لازم طولج ما ينشاف من الشباك
لأن اذا عرف هارون انتِ وياي بنفس
الغرفة
يركص على كبورنه شرقي
تبارك - هو عرف انه شردت ؟
اسكو :- انتِ كتبتي رسالة مثل ما كتلج؟
تبارك - اي كتبت
اسكو :- معناتها عرف
كعدت تهز برجلها خايفة اكدر
اميز رجفة جسمها رفعت راسها حجت
برتباك
تبارك - اا عادي اخذ موبايلك دقائق بس
اسكو :- السبـب ؟
تبارك - اخــابر مهم
اسكو :- منو؟
تبارك - شخص ما تعرفه فــدوة بس
دقائق اشوف اذا يجاوب او لا
اسكو :- ممنوع ليش ما تستخدمين مـوبايلج؟
تبارك - موبايلي مطفيته لأن جدو كم مرا
يراقبني منه
اسكو :- هسه خــلي اسبح عود افكر
بالموضوع
تبارك - براحتــك
هزيــت راسي
اسـكو :- كعدي هنا ديري بالج تتقربين
من الشباك اخلص سبح ادخلين الغرفة
طولج ما اشوفه لحد ما نشوف هارون شيسوي
هـــزت راسها بخـوف تنهدت ورحت
سبحت على ساس اطفــي ناري بس يا نار
الـ تطفة كبال نظرات عيونها
غمضت عيونــي منظرها وهيه خايفة
وشلون تكول منو انتم معقولة ما عرفتنا؟
ناسية يعــني ؟؟
رفعت راسي للسماء اخذت نفس
يارب احس نار بصـدري تسعر شلون اطفيها؟؟
اتذكر ملابسها وتزيد الطين بله شاف
جسمها مكشوف شنو اكبر عــذاب اكثر من هذا ؟
مسحت وجــهي من الماي وطلعت
غيرت ملابسي شفتها كاعدة صافنه بالكاع
فزت من دخلت
اسكو :- روحــي للغرفة ممنوع اطلعين
تبارك - بس.....
اسكو :- بس شنو كملــي؟
تبارك - اريــد مبايل
اسكو :- ليش مصرة ؟
تبارك - فدوة والله بس دقيقة اجرب
يمكن يفتح الخط
اسكو :- حبيبج؟
نزلت راسها
تبارك - اي اريد بس اعــرف ميت عدل
هذا كل الأريدة منه
اسكو :- الج محاولتين اذا ما رد رجعي
المبايل ونسي
تبارك - ماشي
نطيتها موبايلي اخذته بحماس والحُب
يلمع بعيونها كعدت مقابيلها
دكت وخلت المبايل على اذانها
شوي شوي بدت ابتسامتها تختفي
بلعت ريك
تبارك - خلي اجرب مرا ثانية عادي ؟
اسكو :- جــربي
اديها ترجف دنكت ادك وتمسح بدموعها
لحد ما انقطع الخط ماكو رد خلت المبايل
على الطاولة بجت بصــوت عالي
اسكو :- على شنو تبجين واضح كلام
هارون هو فعلآ اتخلى عنج وختار الفلوس
كافي دموع شهل مسخرة
تبارك - لا انه متأكدة جدو اله علاقة
بالموضوع والله شوف هو حلف الي
بالقرآن وعدني يرجع بس يخلص
بس هارون شيء اكيد ما خلا يرجع
خايفة لا مسويله شيء انقطاعه فجاءة
خلاني اخاف بس اريد اسمع صوته
اسكو :- جنتي تراسلينه وهو مــسافر ؟
تبارك - أي
اسكـو :- من ليمته كطــع بيج ؟
تبارك - صار سنتين و شهرين تقريبآ
اسكو :- ماشي انتِ روحــي نامي
وانه اتصرف
تبارك - و انتَ وين تنام ؟
اسكو :- هنا على الكــرويتة
تبارك - تصبح على خيــر
هزيــت الها راسي تأخر الوقت اتكلب
ماكدرت انام ضغطت راسي بالمـخدة
كمزت انافخ
روحــي تلوب مادري شتريد احس
كاعد احترك على البطيئ
شفت الساعة بـ 1 بليل كمت نزلت
جوه اتمشى بالشارع الجو دافي حلو
ناس ماكو
كعدت على الرصيف ضلمة ماكو صوت
ولا حتى ضوة لابس كبوس على راسي
اديه بجيوب بنطروني
روحــي تريـد تصرخ دنكت ونزلت دمعتي
لأول مرا احس نفسي عاجز لأول مرا
ابچي بعد عشر سنين من كل كلبي
لزمت صدري ناحية كلبي اشهك حسيت
ختنكت بالهوة ماكدرت اضم حزني
دكيت على راسي صيحت بصوت عالي
اتذكــر ملابسها لو روحي تحترك
نار نار جواي اريد اطفيها بس ماعرف شسوي
مسحت دمــوعي عاض شفايفي
كمت ع سريع امشي وصلت لبيته
لميت شفتي داخل حلكي افكر سلاحي
ورا ضهري
طلعته ودك الباب بكـل قــوتي بالسلاح
انفتح الباب طلع عامر مغمض نص عين
دفعته دخلت للحديقة اصيح بعلو صـوتي
اسكو :- هاااارون روحيييي تحترككك
كوممم طفيهاااا
عامر - شكو شكو يا ستار
اسكو :- روحــي تحترك عامر روحي ماكدر
انام
كمز عليه حاضني ويدفــع بيه انه ادفع
وهو يدفع
عامر - شبيككك لكك اصحاااا اسكووو
شبيككك
اسكو :- لعبهااا صحح عامر لعبهااا صح
شيطان والله شيطان ولك كلبي يوجعني
ولك اتفق عليه بعد سنين يفتح جروح
من عشر سنين نسيتهن
سد حلكي ويحجي بخفوت
عامر - اهدئ اهدئ تعال وياي اششش صوتك
ما موجود هو اصلآ يدور على حفيدته
جــراني للملحق فتح الباب دفعني
قفل الباب ندار عليه
عامـر - الساعة بـ 1 بليل شطلعك
شجابك ولك لو موجود هنا جان خلا
طلقة براسك وموتك
ضحكت بسخرية افتر بالملحق دفرت السرير
نداريت علي ادك على صدري واحجي
بعصبية
اسكو :- ولك عايشة ابيتها ما لحكت حتى
احجـي وياها شبسرعة عرف اتفق وي
باهر ولك بااهر النذل الحقير
لازمها من ايدها شفت ملابسهاااا انتَ
شفت شلون خايفة شفت شلون ترجف
شلون انام وهيه بيده
شلون روحـي تهدأ وروحي يمها
تعبت انه ولك والله بيوم وليلة
انهي كلشي اقسم بالله افنيهم فني
عامر - هو يريد منك تفقد نفسك يريدك
تضعف ويستغلك شبيك اصحى
قـوي نفسك كافي شبيك امسح دموعك
اسكو :- ماكــدر اريد ناري تطفى
شلون اطفيهااا شلوون
عامر - تعرف هذا تصرفك ممكن يأثر على
شغلنا والأستاذ لو شايفك بهل وضع
جان ضحك وتشمت عليك
قابل يعني يشفق عليك ويكلك
انطيني ايدك نروح نرجعها.؟
انتَ شفت بعينك شنو صار ماكو داعي
احجي اكثر
بس واضح عليهم يردونك تضعف يردون
يشوفون نقطة ضعفك بالظبط بعدين
انه مو كتلك احنا راح نتصرف لا تتصرف
من يمك
اسكو :- كلشي يصير عكس
ماكو شيء كاعد يضبط ويانه سابقنا
بخطوة هارون ذكي مو عبالك شايب
هو يحسب حساب كل خطوة يخطيها
عامر - كل ذكي أكو اذكى منه لا تكوم
تخربط بالحجي ورجع لشقتك
مسحت وجهي دنكت هزيــت راسي
خليت سلاحي ورا ضهري اجيت
اطلع ستوقفني صوته
عامر - الـ بشقتك لازم ما ينشاف والأ
يتهــدم كلشي بنينا سوا
ضحـكت ورجعت للشقة فتحت الباب
الهث فركت صدري ذبيت جسمي بتعب
على الكرويتة
غفيت وانه مو مصدك شنو سويت
قبل شوي جان ممكن انهي كلشي
بتهوري هذا !
هارون فعلآ عرف شلون يلعبها صح
هو راد شوف اذا اتأثر من اشوف شخص
من الماضي
راد يعرف اذا بعد اكو حُب وذكريات بكلبي
لو نسيت كلشي وما عــاد يهمني شيء !
مو بيدي الصار غصب عني لحظة
ضعف وأنهيار المشاعر !
ثاني يوم طلعت ملتزم السكوت التام
جان لازم ابين اله عدم اهتمامي بالي صار
رغم خطئت كدامه
صعدت السيارة وهو كدامي يباوع عليه
بكل تركيز
اسكو :- مضيع شيء بوجهي استاذ ؟
هارون - تعرف تبارك من البارحة مختفية؟
اسكو :- العفو منك انه ما ادخـل بأمورك
الشخصية او العائلية انه مجرد حارس
وبس
هارون - لو عرفت الك أيد بالموضوع
ابترها لأيدك يا ولــد
اسكو :- هيه لعبت علينا وافقت على الزواج
بس داخلها جانت رافضة ومخططة تشرد
ما عدها اقارب صديقات؟.
هارون - عدها بطريقنا الهم حاليآ
اسكو :- زين بلكي نلكاها عدهم قابل وين
تروح يعني؟
هارون - ما انسى شنو سويت امس
لازم تتعاقب حتى بعد ما تتكرر اخطائك
كثرت
لازم تتعلم يا ولــد شلون تصيطر على
مشاعرك حتى عدوك يحتار شلون يسقطك!
اسكو :- اسف استاذ جانــت ردت فعل
غير ارادية
هارون - هل كلام ما يشفعلك
حضر نفسك للعقاب
اسكو :- حاضر استاذ
هز راسه عيونه مقلصة عليه نظراتة بيهن
لمعة شك بس انه مثلت فن الا مبالاة
لحد ما وصلنا
نزلنا وجانت الصدمة انه اعرف هذا المكان
بيت اخته ريناد !
هارون - روح دك الباب
هزيت راسي دكيت الباب ورجعت خطوات
مبتعد انفتح الباب و سمعت صوتها
من ورا الباب تحجي
ريناد - منوو؟
اسكو :- انه وياي الأستاذ هارون يريد
يشوفج
ريناد - شنو يريد بهل وقت من الصبح ؟
اسكو :- هو حاليآ واكف برا منتظرج تفتحين
الباب
ريناد - زوجي مو هنا وانه وحدي بالبيت
كوله يجي غير مرا
هارون - ليش انه غريب مثلآ ؟
ريناد - لا بس انتَ تعرفه لـ بسام
ما يقبل ادخل احد بدون ما يعرف
هارون - زوجج ياخذ الأوامر مني
يعني انه الأحدد منو يدخل ومنو لا
ريناد - انتَ شتريد جاي من الصبح ؟
عصب دفع الباب ودخل شهكت
بصوت عالي وكفت كدامنه وأحنا
مقابيلها
وجها كله مشوة اثار ضرب على اديها
رقبتها عينها زركة وحدة منهن والثانية
داخلها صايرة حمرةةة
واضح متعـرضة للضرب وكف هارون
يباوع عليها دقائق وحجه ابرود
هارون - تبارك عـدج بالبيت ؟
عيونها لمعن هزت راسها بلا
راده بصوت مختنك بالعبرة
ريناد - لا صــار فترة مالي اخبارها ليش
شنو صاير ؟
هارون - القندرة من البارحة مختفية
ريناد - شنوو يعني من البارحة مختفية؟
ويين راحت البت؟؟
هارون - شمدريني كاتبة رسالة و مختفية
اذا عرفت بيج ملفيتها ابيتج اهد البيت
على راسج وراسها افتهمتي ؟؟
بلعت ريك جسمها يرجف
ريناد - خاف صار عليها شيء
هارون - ياريت وخلص منها ومن رعونتها
هل گلبة ليلي كله ادور عليها اذا لكيتها
اذبحها وطم عارها
ريناد - بس اهدأ شيء اكيد هيه خايفة من
شيء لو انتَ جبرتها على شيء هيه ما تريدة
تقدم خطوة منها فزت ورجعت خطوات
مبتعدة عنه تباوع علي بدموع وخوف
وكف رفع ايدة ويحجي بتحذير
هارون - انه حذرتج وقد ا عذر من أنذر
راد يطلع وكف بمكانة من سمع
كلامها الضعيف
ريناد - ما راح تسألني ليش هيج
صاير بيه ؟؟
هـارون - مشاكلج انتِ وزوجج
انه شعلية ؟
تعلمي يا بـنـت تحفضين اسرار
بيتج لوحــدج !
طلع يمشي بكل هيبة وثقة دموعها
نزلت بصمت اجيت احجي وياها
بس سكتت
بقت تباوع محتارة حجت ع سريع
وبصوت خايف
ريناد - فدوة انتَ بمثابة ابني
طمني اذا لكيتو تبارك كلبي راح يبقى
محترك عليها
اسكو :- هيه بخير منو ضاربج بهل شكل ؟
ريناد - انسى
اسكو :- زوجج وين يشتغل.؟
ريناد : ليش ؟
اسكو :- هيج
بعدين نتلاكى عندي فضول اعرف
قصتج كامله بس خلي اخلص من شغلي
ريناد - ليش مهتم انتَ ؟.
اسكو :- اعتبريني ابنج
وشي اكيد انه ما اقبل امي تنضرب
وتنهان من قبل شخص يدعي هو اقوى
من يضـرب مرة
سكتت طلعت ورا هارون وهيه سدت
بابها منظرها مخيف ما يروح من بالي
متغيرة هواي
جانت جميلة مثل الشمعة هسه حسيت
طافية تمامآ وكبرانه سنين فوك عمرها
ماعرف ليش هيج حجيت وياها
بس كلمتها من كالت اعتبرك ابني
فاجئتني
حسيتها فعلآ محتاجة مساعدة لأنها واكعه
بيد واحد يضربها ويعنفها بدون رقيب
وحسيب خليت ابالي لازم اساعدها
رجعت وي هارون وكلبي فاير علي
شكد شلت بكلبي اخخ يا هارون بس كلي
شلون من اموتك؟
يا موته التطفي ناري وترضيني ؟
احركك مثل ما كل يوم تحركني؟
اكتلك مثل ما كتلتني ؟
اشنقك مثل ما منعت عليه الهواء؟
او يمكن توصل وياي اسويهن
كلهن بيك
احركك
اضربك طلقة
امنع عليك الهواء
اريدك تتعذب مثل ما عذبت ناس ومستمر
بتعذيبك الهم
هارون - وديني لبيتي اريد ارتاح
عامر - حـاضر استاذ
اسـكو :- اذا انتَ ردت اشوف باهر وتعرف
علي ليش ما تكلي معن وين ؟.
هارون - شهل كلام يا ولــد ؟؟
اسكو :- مجرد سؤال ⁉
هارون - هل اسألة تزعجني ويكون
بعلمك انه الأقرر وين وشوكت تتعرف
عليهم
او يمكن تبقى لأخر عمرك تتحسر
على سماع صوت واحد منهم
القرار بيدي انه ..
نزل بعصبية يمشي بكل قوة
داخل بيته
عامر - سؤالك مو بمحلة
اسكو :- انتَ انچب
عامر - احترم نفسك اسكو واعرف شلون
تتكلم وشوكت الوقت المناسب
درت علي رفعت حاجبي
اسكو :- اخر واحــد ممكن اخذ نصايح
منه
عامر - لو مو انه جان هسه نشرب
على كبرك ويسكي
اسكو :- وتركصون شرقـي
عامر - شمعنا شرقي ؟
اسكو :- مو الشرقي حلال اكثر
عامر - ههههه هههههه
اسكو :- اضحك اضحك وراك موت
محتم
عامر - كلنا نموت بالنهاية
اسكو :- بس مو نفس اليوم والوقت
عامر - شمدريك يمكن رب العالمين
يسويها ويموتنا ثنينا سوية
اسكو :- حتى بالموت لاحكني
عامر - اسويلك جو
اسكو :- مو بجهنم ماكو ركص وشرب
بس نار شلون تسويلي جو؟
عامر : استغفرالله يمكن نروح الجنه
شمدريك انتَ
اسكو :- هسه انتَ بيها مجال اما انه
صدكني بنار جهنم وبأس المصير
عامر - شدعوة هل كد مئيس
اسكو :- أيس يعبيس وداعتك كل
الكتلتهم منتظرين موتي هسه من اموت
يركضون وراي بالنار
عامر - بس انتم والشيطان
اسكو :- يله همزين حتى اشرب وي
الشيطان
عامر - طـاح حضك اي والله
اسكو :- وحضك ع الواهس
عامر - ما صيرلك جارة
اسكو :- سامع بذيل الچلب يتعدل ؟
عامر - قصفت روحك.
اسكو :- انه رايـح عندي شغلة مهمه
كللهم يبتعدون عني ماريد احد يراقبني
عامر - انه ما ياخذون مني الأوامر
اسكو :- انه كتلك و انتَ بعد بكيفك
تركته يحجي ما قـابل اخذت سويج السيارة
منه وطلعت بطريقي
وصلت كـدام بيتهم اخذت نفس اباوع
على الباب اثناء ما انه صافن انفتح بابهم
طلع منه ولد شاب
عرفته هذا الحقير ابتسمت راح نتسلى
سوية راقبته بالسيارة لحد ما دخلنا
شارع فارغ لأن الدنيا تقريبآ ضهر
والشمس قوية عـرضت بسيارتي كدامه
نزلنا سوية هو صاير عصبي و يحجي
بنفعال
وانه امشي مديت ايدي ورا ضهري طلعت
سلاحــي سحبت اقسام وخليته بضهره
تصنم بمكانه
لزكـت بي هامس بصوت خافت
اسكو :- بدون حركة امشي كدامي
أحمد - مم.. منو انتَه
اسكو :- تعرف بعدين
امشي بسرعةة
جريته غصبآ عليه اشرتله على صندوك
السيارة
اسكو :- افتح الصـندوك
احمد : شتريدد منيي دخيلك
اسكو :- اششش كلما تحجي هواي يزيد
عـــذابك
بلع ريك فتح الصندوك و دفعته وكفت قريب
دنكت بضهر السلاح ضربته على راسه
مرتين
وكع مغمي عليه والدم ينزل من راسه
مستقبل الكاع
بسقت عليه سديت الصندوك وفتريت
ركبــت السيارة طلعت اغنية
حسام يا عيني يم دمعية شفتي شلون
حبنا يبيعة
عليتها اقـوى شيء اركص على جروحي
وأبتسم رغم دمــوعي
دخـلت السيارة هل مرا كلش بالدرابين
بعد ما ضيعت سيارة جانـت مراقبتني
تابعة لـ هــارون
سحلته من رجلي دخلته الغرفة ربطه
على الكرسي بتيغة متينه كطعته كطع
لبست لثام وجفوف رغم هو شافني
بس حتى يحس بالخوف اكثر خليت
سلاحــي على الطاولة كــدامي
ورثت جكارتي وبقيت منتظرة يكعد
عين على الساعة وعين علي لحد ما بلش
يتـحرك انه خلصت نص باكيت
فتح عيونه اول شي دايخ بس من صحصح.
و شافني وباوع على المكان ضل يرجف
ابتسمت
اسكو :- صح النوم بيبــي
احمد - ووين جبتنييي منووو انتَ شتريدد
منيي
اسكو :- هذا المكان مخصص للكواويد
المثلك الي مفلفلين على البنات وحتى
خواتهم ما سالمات منهم
احمد - شكاعد تمضرط خرا بيك افتح
ايديي وشوفك الكواد منو
اسكو :- اكعد لككك كواد عار
جايبك هنا حتى تتأدب ومرا ثانية ما تتحرش
بأختك ابن النعال
احمد - شدراك انتَ شدراك بس لااا
هيه تعرفك صارلها مدة مختفية ودتك
علينا انتَ شتصير منهاا ؟
اسكو :- مو كتلك ممنوع تسأل يا غبي
حاليآ انتَ بموقف كلشش مخيف
وممكن تخسر حياتك
احمد - لاا دخيلك اطيك فلوس اذا
تريد بس عوفني اعيش وداعتك والله
جنت سكران م..........
اسكو :- اششش
وكفت صرت مقابيلة قــريب منه
تنهدت
اسكو :- شنو رايك من ينعكس الدور
و يتحرش بيك واحد ؟؟
لا رد ساكت ابتسمت كمت جبت لاصق
كتمت صوته فتحت الجرار اخذت سجينه
سبق وأن شتريتها وخليتها هنا
هسه و قتها دنكت علي وهو يتحرك
ب هستيرية وخوف مفرط عينه على
ايدي البيها السجين
رفعت راسه بيــدي الثانية خليت وجها
بــوجهي وعيوني بعيونه
بلع ريك هادء وبثانيا دخلت السجين
برجلة اليمين
فتح عيونه على وسعهن تخبط وصرخ بصمت
وانه مستمر ادخلها بغضب وكل
الحقد والنار الجواي طاحت من نصيبة
اسكو :- عــقابك حتى مـرا ثانية تفكر
قبـل لا تتصرف
سحبت السجينه بقوة شهك بصوت
عالي وجسمى توقف عن الحركة
اسكو :- احـمد ربك ما كصيت ****
هل مرا اعديها بالسجين المرا الجاية
ادزك للــجحيم !!
فقـد وعيه وهــذا شيء طبيعي بسقت
علي نضفت ايدي و السجين رجعتها لمكانها
واجهت صعوبة بنقلة لداخل السيارة
بدون ما يدمرها لفيت جرحى بالاصق
وبعدها بوصله شلته على كتفي
دخلته الصندوك وصعدت
طلعت من الدرابين للشارع العام مشيت
بهدوء لحد ما شفت المكان والوقت المناسب
شمرته على جانب الطريق
وصعــدت سيارتـي ولا كـأنو سويت شيء
احس ناري شوية هدئت
مسحت وجهــي الدور الجاي على تبارك
ننتضر هارون يحترك شوية يوم يومين
اسبوع مو مهم
بعدها نفجرله مفاجأة بس كون ما
يصير شيء !
رجعت للشقة ميت تعب صعدت بكل
هدوءء بعد ما غسلت اديه ورشيت عطر
حتى تروح مني ريحة الدم
فتحــت الباب صـرت ادندن وتمايل بجسمي
بس توقفت عن كل هذا وكع مني المفتاح
بالكاع !
جمــدت بمكاني عيوني نطن من العصبية
بلعت ريكي من شفت
هـارون
موجه سلاحة على تبارك وهيه
مدنكه على ركبها للكاع
دمــوعها تنزل بخوف وأثار الضرب
واضح على وجها
اسكو :- ااســتاذ !
ابتسم بطريقة مرعبة رادف
بغموض
هـارون -: لعبتها صح هل مرا يا ولــد
بس الجاي اقوى
ما راح اطلب منك تتزوج حفيدتي
بس راح اطلب منك تبقى حتى تشوف
وتلتقي بحبيبها
تبارك - جدو فدوة لا تسوي شيء فدوة
هارون - اششش الج عين تحجين بعد
ليلي ونهاري ادور عليج تاليها الكاج
بشقة الحارس
تبارك - انته ما خليتلي حللل
جبرتني اتصرف بهل طريقة والله خفت
منك تزوجني غصبآ عليه
حاولت انهي حياتي بس ما كدرت
كل تفكيري يمه فدوة جدو هياتني كدامك
اذبحني بس عوفهم همه الثنين ما دخلهم
بشي
انه السبب
اول واحد جريمتي لأن حبيته
والثاني ساعــدني بدون مقابل حتى
ثنينهم ما يستاهلون الكاعد تسوي
حـرام عليكك
اسكو :- استاذ لا تستعجل ترا.....
قاطعني بصوت قوي وعيونه
ثابته عليه
هارون - خابرته كتله اذا فعلآ تحبها
تعال شوفها لأخر مرا لأن ما راح تشوفها
بحياتك هسه هو بالطــريق
شغلة ساعــة ويبدي عذابكم
الحقيقي
اذا ما ذبحكم انه
اطم عاركم
.
.
.
يتبــــــــــــع
للقصة بقية....
هلوووو حبايب قلبي كل عام وانتم بالف خير
صحة وسلامة يارب
هذا بارت عيدية مني الكم 🤭❤
شنو تتوقعون راح يصير؟؟
🚫لا تنسون التصويت والتعليق بين الفقرات
مع ألف سلامة
الكاتبة ميان أل مالكي