الهم صلي على محمد والـ مُـحمد
# جرائـم
بقلمي : نوُر حـقي 💛.
لاتنسون التصويت + التعليق بين الفقرات + متابعه حسابي واتباد لـطفاً 🦋.
شلون انسانهن ايامك ؟
وانه من كد مامركز بيك ،
حافظ بصمه ابهامك .
•ــــــــــــــــــــــــ(♣️)ــــــــــــــــــــــــ•
_ 1 _
في احــدى مَناطق المُوصـل |
أيــلول : أسمع أمـي تحجي بس مالي خلك أحـجي ، فتحت عيوني بـنعاس لكيتهه فوك راسي وتحجي رجعت غمضت ، صاحت بـعصبيه .....
زهــرة ::- ولج تأخرتي كومي الساعه بـ 9 الصبح .
أيــلول : فتحت عيوني بـنعاس ابتسمت وخَفت ابتسامتهه بسرعه .
- بيش الساعه ؟ .
- بـ 9 الصبح ولج تأخرتي ، لو اليوم ماتروحين ؟ .
ايلول : باوعت ضوه خفيف ولكن ما أنطيت للموضوع اهميــة .
- شنو لا لااا اروح بس حضري الريوك بداعتي .
كمت بسرعه غسلت وجهي فرشت أسناني وبدلت على السريع ، لفيت شالي مخربط ، لكيت الريوك مَـحضر سويت لفه على السريع لبست لـ لاب كوت بسرعه وأعدل بملابسي ....
زهــرة ::- تعالي اكلي يــمه .
أيــلول ::- مااريد ماالحك ، شيخلصنه من جاسم صدك جذب ماكعدتيني من وكت شحجي شكول اله اترزل رزاله زينه من صباحيات الله ، يمه ليش ماكعدتيني من وكت ؟ .
ضحكت بـصوت عالي ، باوعتلهه بـاستغراب وأشد بحذائي كلت بـاستعجال .
- صاير شي ؟ ليش تضحكين ؟
زهــرة ::- دتعالي اكلي يمه الساعـة بعدهه بـ5 ماصايرة .
ضحكت بـفرح كلت بـحماس .
- احلفي .
- مااحب احلف .
أيــلول : ضيكت عيوني بـضحك .
- شو مااصدك وين موبايلي ؟ .
- بالغرفــة هذا موبايلي .
أيــلول : اخذت الموبايل منهه باوعت الساعه بـ 4:48
نفخت بـنفاذ صبر وكلت .
- ليش يمه ليش تكعديني هيج وكت ! .
ضحكت بصوت عالي ، تحاول تضبط اللهـجــة ....
زهــرة ::- چا غير ماتكعدين مَــن وكــت .
ضحكنـة ، نزعت الــحذاء ، و جريت الكرسي كعدت سوتلي لفـه جبن كيري أكلتهه وبست أديــهه كلت وعيني على الفـة الي بـ أيدي .....
أيــلول ::- ماتضبطين اللهجــة ، الحجي يلوك النه احنه البغداديات .
غمزت ، ضربتني على كتفي وكالت بـ ضحك ...
زهــرة ::- خلفله عليه خليتج تحجين بغــدادي .
كالتهه بضحك ، اختفت ابتسامتي انطيتهه الفــة وشربت مي انتبهتلي كالت وعيونهه بـالكاع ....
زهــرة ::- أسفــة حبيبتي لا تزعلين مني .
صنعت ابتسامه مـُجامله حتى اقنعهه اني مابيه شي ، بست اديهه ورحت عدلت ملابسي ، لبست حذائي عدل باوعت الوجهي مو مال اخلي مكياج ويه العمليات الي تموت الواحد يظل مكياج رحت جبت من الكنتور 50 الف خليتهم بـجيبي ، جبت تلفوني خليته بـالجنطـة رحت لبست الحذاء باوعت الأمي صافنه بوجهي وشفايفهه تتحرك عكدت حواجبي بـاستغراب ابتسمت وخفيت ابتسامتي كلت بـضحك ....
أيــلول ::- دتسويلي سحر مو ؟ .
زهــرة ::- دااقره المعوذات على بنيتي .
أيــلول ::- تسلمين ، أخذت ٥٠ الف واليوم روحي تسوكي واذا مابيج حيل بس رمشيلي اني اتسوك حبيبــة روحي .
بست راسهه وطلعت ، وكفت تكسي هستوه مشه التكسي ، و رن تلفوني فتحت الموبايل المتصل "نـور عينــي" ، اتصلت عليهه فتحت الخط
زهــرة ::- أيــلولتـــي مااخذتي الشمسيـة مالتج .
أيــلول ::- نسيت يله مو مُـهم .
- لا يمه تعالي اخذيهـه .
- مااريد ياروحـــي أنتِ .
سدت التلفون بـوجهي عرفتهـه ضاجت ، كلت الابو التكسي ورجعت للبيت فتحت الباب ، دكيت الباب الثاني ، فتحتلي الباب مُـبتسمه الشمسيـة بـ أيدهه أخذتهه منهه بستـهه كالت بـ أبتسامه .
زهــرة ::- عرفت ماترفضيلي طلب من فدوه أروحلج .
أيــلول ::- أسـم اللّٰـه .
بستهه بوسه بـ الهوى و رجعت للتكسي .....
أيــلول ::- وصلت للمستشفى فتحت تلفوني اشوف خاف متأخره الساعه بـ6 ' الصبح الحمدالله مامتأخره ، دخلت للمستشفى ، الدكاتره مال الشَفت الليلي فقــط موجودين ، رحت لغرفه الأستراحه سديت الشباك ونزعت شالي اتنفس بـهدوء ، الدنيا باردة والجـو مغيم ، نزلت دموعي بدون سبب ، مسحتهن كمت لفيت الشال مره الثانيــة ، طلعت بره اشوف منو أجه ، لمحت سيلين جايـة ، أجتي باوستني .
أيــلول ::- هلا بـهل صباح ، شلونج ؟ .
سـيلين ::- الحمـدُالله وأنتِ .
- الحمـدُالله .
باوعتلهـه عيونهـه مدمعـه و تحاول ماتنزلهـه انتبهتلي كالت تتلافى نظراتــي .
سـيلين ::- شنو دكتور جاسم ما اجه ؟ .
نزلت عيونهه وتلف بـالبؤبؤ ، بَعدت عيونــي .
أيـلول ::- لا مااجه بعد ربع ساعـة يجي .
سـيلين ::- شو اليوم جيتي من وقـت ، مو من عوايــدج ؟ .
أيــلول ::- هههههههــه شسوي بعد .
ضحكنـه ثنينـه رحنـه للغرفـة نـسولــف ، دخلـت مُـمرضة البارحـه توضفــت .
جميلــة ::- عيوني شنو هلبرود العدجن دشوفي الناس ، بيا حال وانتن بيا حال .
أيــلول ::- عزيزتي حالياً احنه مو شغلنـه .
عوجت حلكهه طكت العلج وكالت وهي تجر بالكلمــة .
جميلــة ::- لعد شكو جايات اذا مو شغلجن ؟ .
ابتسمت وسـيلين تباوعلي .
أيــلول ::- اجينه قبل بـوقت مانحب نتأخر .
ضحكت ضحكــة عاليــة وراحت ....
ســيلين ::- أستغفر الله هذا اسلوب مـُمرضــه !!.
أيــلول ::- ميصير تأخذين غيبتهه عمري ، يله امشي نبدي شغل حتى من يجي جاسم نكون جاهزين .
كمنه سوه راحت تبدي شغل واني بالغرفه انتظر يبدي شغلنه ونبدي بالعمليات ، دخلوا هواي شهداء ومحروك كلبي عليهم انقتلوا من أشخاص " تحت غطاء الدين " ، رحت لـغرفه التبديل ، لبست ملابس العمليات وبديت اشتغل واحس بروحي نار ، هذا الي ماكدرنه نسيطر على وضعه وامُـه تبجي وهذا اخو والخ .
أيــلول ::- بدينه عمليه وره عمليه ماكو وقت فراغ ، بيهم الي نجحت والي ماكدرنه نسيطر على حالته نزلت دموعي وطلعت لـ أهل الشهيد ، كلت ودموعي تنزل .
- مع الأسف ماكدرنه نسيطر على حاله المريض .
عاطت مَره ، نزلت دموعي ورحت اركض ابدي بـعمليه ثانيه ، اباوع على أرض المستشفى مليئه بالدماء ، بديت اشتغل بـتعب وابذل كل جهدي في سبيل انوا يعيشون .
أيــلول : رحت نزعت ملابسي وحتى الملابس الي جوه ملابـس العمليات ملطخه بالدم ، همزين ماخذه ملابس احتياط ، غسلت ورحت ابدل ورجعت غسلت مره ثانيــة ، لمحت سيلين جايه بـ اتجاهي ، كالت بـ استعجال ....
سـيلين ::- هاا يله نطلع .
أيــلول ::- كملتي شغلج ؟ .
- أي .
- حضري روحج لعد ، منتظرتج .
- تمام .
- منتظرتج بـغرفه الاستراحه ، استعجلي فدوه كلش تعبانه .
أشرت على عيونهه وراحت .
أيــلول : رحت لـغرفه الاستراحه شربت مي وأخذت تلفوني لكيت ٤ مكالمات من امي اتصلت مـَترد ، قلقت عليهه ، فتحت الباب سيلين كمت بسرعه ، وصلنه لـ باب المستشفى وقفني صوت دكتور جاسم انداريت عليه لزم ايدي شهكت بسرعه ، نزل عيونه متوتر .....
جَـاسم ::- أسف اذا تماديت بس حبيت اشكرج على جهودج اليوم ، العمليات الغير ناجحه كُـلش قليل .
وخرت أيده مني ابتسمت بـتصنع احاول اخفي خوفي ، باوعتلي سيلين تحاول تفهم الموضوع ....
أيــلول ::- واجبي هذا ، ماكو داعي للشكر .
أبتسم أبتسامه عريضـه بينت سنونه ، خفت من ابتسامته بدون سبب ، كلبي صار يدك بسرعه .....
جرتني سيلين من ايدي مشيت بدون مااكول شي ،
اسمع ضحكـته بـصوت عالي باوعتلي سيلين وكالت بـهدوء ....
سـيلين ::- شبيج ؟ .
- شبيـه ؟ .
- شنو هلـخوف الي بـعيونج .
- مااعرف اجاني رد فعل بدون سبب ، وجنت كلش خايفه على أمي .
هزت راسـهه وعينهه بالفراغ
- نأجر تكسي لو نتمشى شوي ؟ .
سـيلين ::- بـكيفج .
ضَحكت بسرعـه كالت بـحماس .
- نروح للمطعم ؟ .
ضَحكت على ضحكتهه .
سـيلين ::- يله .
أيــلول ::- على حسابج مو ؟ .
- لا والله ، بطلت حتى مااروح .
ضحكنـه سـوه .
أيــلول ::- خلي اتصل على أمي بـالأول .
سـيلين ::- براحتج .
اتصلت ماترد اتصلت مرة ثانيـة رَدت .
أيــلول ::- هلا يمه ، شلونج ؟ .
زهــرة ::- بخير .
- اتصل عليج ماتردين ظل بالي .
- جان موبايلي طافي هسه صار بي شويه شحن .
- خوش ، حـروح للمطعم اني ويه سيلين .
- تمام ديري بالج على نفسج ، بس لا تتأخرين ، ومن اتصل ردي بسرعه يظل بالي يمج ياروحــي .
- من عيوني .
- مع السلامه .
- مع السلامه .
أيــلول : ابتسمت السـيلين ورحنه للمطعم مشي قريب على المـُستشفى .
سـيلين ::- شنو تطلبين ؟ .
أيــلول ::- گص دجاج ، وببسي .
سـيلين ::- اكلي اكلي بـفلوسي .
ضحكنه وراحت توصي ، طولت مايقارب الـ 10 دقائق رحت اشوفهه لمحتني اجتي بسرعه ، كالت بـتوتر .
سـيلين ::- هسه يجي الطلب رجعي رجعي .
ضيكت عيوني اباوعلهه ، ابتسمت ورجعنه للميز ، دقائق واجه الطلب بدينه ناكل ونسولف اتصلت أمي فتحت التلفون طمنتهه وراحت ، كملت اكل رحنه نغسل ، باوعتلي سيلين ضحكت وكالت ...
سـيلين ::- شبيج وجهج اصفر خلي حمره صخام .
أيــلول : ضحكت كلت واني أرتب بـحجابي
- على هل عمليات وين الحك اخلي حمره .
سـيلين ::- هاج هاج خلي حمره .
أخذت من ايدهه ماحبيت اكسر بـخاطرهه خليت وخليت على خدودي حمره ضحكنه سوه وطلعت .
سـيلين ::- نحلي ؟ .
أيــلول : ضحكت وكلت .
- يله .
راحت سيلين ماطولت دقائق وأجتي كعدنه على الميز ردت اكعد كالت بـحماس .....
سـيلين ::- لاا كعدي هنا .
اشرت على الكرسي الثاني أستغربت بس ماانطيت للموضوع اهميه ، كعدت و بعد ثواني اشتغلت اغنيه لـعيد ميلاد ابتسمت وتذكرت اليوم عيد ميلادي وجنت ناسيه ومحد تذكر باوعت السيلين وكلت .
أيــلول ::- ناسيه شي سـيلي؟ .
سـيلين ::- لا ، ليش ؟ .
تحاول تخفي ضحكتهه ، باوعت ضايجه انصدمت من دخلوا مجموعه شباب وبنات سوه شالين كيكة مااهتميت إلى أن اجوا بـاتجاهي خلو الكيكه كدامي انطوني بـوكه ورد وكارت شعلوا الشمعه حضنتني سيلين كالت بـحماس ....
سـيلين ::- كـُل عام وانتِ بالف خير وصحه وسلامه انشالله الـ 100 سنـة .
أيــلول ::- شسوي بـ الـ 100 سنـة اصير مابيه حيل احجي .
ضحكنه ردت انفخ الشمعه جرت راسي ....
- لا أتمني بالبدايـة .
أيــلول ::- غمضت عيني تمنيت صداقتنه تـديم والله يحفظلي أمي ويبعد عن سيلين وامي كل شر .
نفخت الشمعه وكصيت الكيكه وَكلت سيلين وأكلت راحو العمال حضنت سيلين ....
أيــلول ::- شكراً على المفاجأه ؏ـمــري .
سٕيلين ::- أنچبـــي ، قصدج نسيت شي على عيد ميلادج مو ؟ .
ضحكت وكلت .
- أي شسوي .
أخذت الـبوكه لون الورد احمر وبي ورده بيضـه فتحت الكرت ، قريت الكلام المكتوب ...
- كل عام وانتِ بالف خير وصحه وسلامه
كل عام وانتٌ صديقتي وقطعه من قلبي
ربي لا يحرمني منج .
مميزه عن الجميع بـ جمالك
وحنانك ولطفك وكرمك وكل شيء .
سـيـلـين ....
دمعت عيوني واني اقره المكتوب حضنت سيلين ، رحت ادفع الحساب سيلين ماقبلت وأصرت هي تدفع ، طلعت بره چانت الدنيه تمطر بس مطر خفيف كـُلش ، مشينه واتصل تلفوني باوعت عليه المتصل ..." نور عيوني " .
رفعت سيلين حاجبهه وضحكت حجيت بـضحك .
أيــلول ::- ولج أمـُي أمـُي .
فتحت سبيكر عاطت بيه ....
زهــرة ::- ولج وينج الساعه بـ 11 بـاليل .
أيــلول ::- شوي واجي يمـه لا يظل بالج .
- تعالي مو مرمرتي كلبي .
- سلامه كلبج ، شوي واجي .
- تعالي لا اموتج ايلوللل تعالي لا تفتين كلبي .
- تمام ربع ساعه .
- ولا دقيقه .
- بداعتي .
- يله ربع ساعه مو اكثر .
أيــلول : ضحكت وسديت الخط ، باوعتلي سيلين بـضحك ...
سـيلين ::- عمرج صار 28 وما تعرفين تكولين باي! .
ضحكنه وأجرنه تكسي ، نزلت سـيلين ونزلت أتمشى وصلت للبيت فتحت الباب ، دخلت جوه تلكتني امي من الباب ....
- وينججج ؟ ليش تأخرتي ؟ .
- لما وصلت مامي .
- وسم احجي عدل .
ضحكت وكلت .
- هيج زين ؟
ضحكت وحضنتني كالت بـصوت هادء .
زهــرة ::- كل عام وانتِ بخير حبيبتي .
أيــلول ::- وأنتِ بالف خير ؏ـمــري .
سبحت ومشطت شعري خليت عطر ورحت اصلي ، كملت صلاتي رحت الأمي مسويه الاكل كعدت اكل ، سئلتني امي وتصب بـ الباميه ......
زهــرة ::- شسويتي اليوم ؟ .
ضحكت وبديت احجيلهه كلش صار مثل عادتي حجيت الهه على سيلين لمعت عيونهه بـفرح ....
زهــرة ::- الله يحفظهه الأهلهه ، مبينه حبابه كلش .
أيــلول ::- فوك ماتتصورين كلش كلش حبابه .
زهــرة ::- ربي يخليهه الأهلهه .
نزلت دموعي باوعتلي بـاستغراب .
زهــرة ::- شبيـج ؟ .
مسحت دموعي بسرعه ابتسمت بوجهه حجيت بـهدوء
- ماكو شي .
حجيت اضيع السالفـة .
- شسويتي بـيومج ؟ .
ضحكت وبدت تسولف وعيوني بدت تقفل باوعتلي وضحكت .
زهــرة ::- روحي نامي أفضل .
ايــلول ::- تصبحين على خير .
- وأنتِ من اهل الخير يروح امج .
- مو تنسين تكعديني .
- خوش .
رحت للجربايه تمدت وقتت الموبايل الساعه بـ 4 الفجر ونمت نومه عميقه ماكعدت اله على صوت طَبه قويه بالبيت فزيت مخروعه باوعت الأمي فزت بسرعه مانحس غير انفتحت الباب ....
يـتـبـع 💸.....
•ــــــــــــــــــــ(♣️)ــــــــــــــــــــ•
صح البارت مو كلش طويل 🥺♥️.
ما لحكت أكتب
ان شاء اللّٰـه البارت القادم يكون بارت أطول 🫂♥️.
توقعاتكم حبايب ائلبي 😈🥲؟.
- فـي حـُفظ الـرُحمـٰن -
.♥️.