بطي: هنددددد تعاليييي
نزلت تحت و شفته فالصاله يشرب جاي
انا: هلا باخوي الحلووو
بطي: سكتي
انا: قول شو تبا
بطي: ليش رمستي سعيد
انا: ما رمسته هو قال اختي ها بيتكم قلت هيه و سال عنك بس
بطي: اهااا
انا: هههيههه
بطي: انزين خلاص روحي
انا: شو اروح مشتاقتلك خذيت دوا ولا لا
بطي: هيه خذيت اذلفي
انا: اوكييي انا بذلففف بسسسي
بطي: شو تبين
انا: ترا اليوم جمعه وين بنسير
بطي: بتسيرين غرفتج
انا: نعم نعم نعمممم
بطي: شفيجج
انا: ترا عيدميلادي عقب اسبوع بستوي 18 ابا سياره
بطي: هههه خير ان شاء الله
انا: ليششش
بطي: انتي شو تبين اصلا اي سياره
انا: ابا جيب رانقيلر سوده
بطي: سهله سهله زين ما قلتي مارسدس
انا: المارسدس عقبببب
بطي: انتي خذي الليسن اوللل
انا: انزين وين بنسير اليومممم
بطي: اليوم بنسير بيت يدوه
انا: اوه صح ترا فهد خبرني بيتاخر
قبل ما اكمل كلامي فهد دش من الباب
فهد: يلااا جهزو يدوه توها تسال عنا تقول يبون ينزلون الغدا
رحت و حطيت ميكب لاني لابسه عادي و لبست عباه لونها كحلي و نزلت
بطي: وين وين سايره و انتي لابسه جي ترا عيال عمي كلهم هناك
انا: اونههه ما كنت ادرييي ياخييي
سرت غرفتي و بدلت لبست مخوره لونها وردي و تعطرت و تبخرت و لبست اكسسوريز silver و يبتلي شيله كبيره بيضه و لبست عبات مخور و نزلت و لبست كعب سلفر بطي راح بسيارته defender و انا سرت ويا فهد و حطيت اغنية اه يا حلو يا مسليني
حبيت جميل يا ريتني ظله
يا عيني
حاز الجمال والحسن كله
آه يا حلو يا مسليني
ياللي بنار الهجر كاويني
آه يا حلو يا مسليني
ياللي بنار الهجر كاويني
تميت افكر فسعيد مادري ليش جي احس اول مره افكر فحد هالكثر
فهد: هنوده
انا: لبيههه
فهد: بطي مقهور
انا: من شو
فهد: خبرني سالفت سعيد
انا: ياربي ترا مافي سالفه اخوك وايد فليم ترا ما ستوا شي
فهد: صح انه ما ستوا شي بس من حقه ينقهر ربيعه جافج و رمسج و هو يعرف ربعه
انا: خلاص برايه شو يباني اسوي يعني
فهد: ماشي بس اخبرج يعني عشان تفهمين ليش مقهور
وصلنا بيت يدتي و سرت اسلم عايهااا
يدوه: يا مرحباا مليوننن
انا: يدوههه الشوققق مليونننن والله
يدوه: اكيد ما تيين عندي ولا تسالين عنيييه
انا: يدوه لو عندي سياره كل يوم بييج
يدوه: ما عندنااا بنات يسوقون
انا: حرام عليج يدوه لازم اسوق خلاص و بشتري موتررر فنان
بطي: تبا تاخذلها سياره جنها قوطي يدوه
انا: عن الغلططط سيارتي حلوه
يدوه: يلا عاد ما عندنا بنات يسوقون
بطي: يدوه لازم تسوق منو بيوديها الجامعه و بيردها وايد صعب نحن المدرسه يالله نوديها الله يخلي الباصات
يدوه: صح بعد
انا: هيهههه
يدوه: تعاليييي نزلي الغدى يلااا هنوده روحي ساعدي البشاكير اعمامج بييون العصر
سرت و ساعدت البشاكير و نزلنا الغدى
يدوه: هند ما شاء الله كبري قدج عروس اجوفج عروس ان شاء الله
انا: لااا يدوهههه لا
يدوه: بلاج
انا: قولي اجوفج فاعلى المناصب ادعيلي اييب نسبه عاليه
يدوه: هيه كل يوم ادعيلج حبيبتي
انا: فديتج يدوه
نزلت صحن ليدوه و يلسنا على طاولة الطعام
يدوه: اقولك بطي متى تخلص و تسفرنا انته
بطي: يدوه ما بقى شييي والله اوديكم فيرست كلاس بعد
يدوه: اكيد فيرست كلاس اذا انته الطيار عيل تبا تودينا العادي لا حبيبي
انا: ههههههههه تستاهلللل
بطي: ما عليج يدوهههه
يدوه: فهد وين امك و ابوك
فهد: مسافرين كالعاده يعني وين بيكونون
حسيت فهد متضايق من صوته و انا صدق زعلت لانه والله ما اشوفهم وايد بس الشي الوحيد الي معوضني عن ها كله هم اخواني
يدوه: انا رمست ابوكم وايد ما يفهم انه عنده عيال و لازم يجابلكم و يجابل بنته عدها صغيره و ما تربت وهم حولها ما يستوي
انا: ههه عادي يدوه ما فيها شي
يدوه: هنوده حبيبي عادي ترا اذا الشي يزعلج من حقج تزعلين لانه البنت تحتاج امها و ابوها حواليها مب جي ما تشوفهم الى فالشهر اسبوع
انا: عادي يدوه والله فهد و بطي ما يقصرون وياي
احاول ابين انه ما يهمني بس عيوني بدت تحرقني بديت ادمع هو الشي يزعل وايد احيانا انا احتاج امي ما عندي اخت تقولي الاشياء الي لازم اعررفها و ما اسويها و انا من انا صغيره تعلمت كل شي بروحي او من الي حولي امي مب وياي تعلمني. ها كله بس في اشياء اخواني علموني اياها و انا صدق وايد احمد ربي على اخواني
فهد: المهم يدوه ها اخبار النخل
يدوه: الحمدلله شي رطب بخلي البشكاره تيبلكم عقب الغدا كلو كلو حبايبي
كلينا بهدوء و يا عمي بلبس الشرطه توا راد من الدوام (سلطان عمره 26)
سلطان: هنودههه كبرتي
انا: كيف كبرت فاسبوع تقولي هالكلام كل اسبوع عمي ههههه
سلطان: امدحج ما امدحج يعني
انا: لا لا خلاص اسفه
سلمنا عليه و يلسنا فالميلس و البشكاره يابت قهوه و رطب و جاي و صبيتلهم كلهم
انا: اقولج يدوه وين حمدان
سلطان: ترا حمدان عمج ليش ما تزقرينا عمي هااا
انا: اوههه عمي ماحب بيمسكها علي و بيذلنييي ههههه
(حمدان اصغر عم عمره 20)
يدوه: ذكرتيني ادق عليه ساير البحر من الصبح ويا ربعه الخمه
انا: لا يدوه عقب بيقول مني انااا تخربين عليه
يدوه: برايه
دقت عليه يدوه و هزبته و دق علي حمدان و حطيت سبيكر
حمدان:هنددد اكيد انتي خليتي امي تدق علي صح
انا: لاااا
حمدان: هيه انتي صح
انا: هذا يزاتي اسال عن عمي مشتاقتلههه
حمدان: بتشوفين يوم برد البيت
يدوه: شو بتسوي يعني
حمدان: اح و حاطه سبيكر بعد اوكيييي
انا: هههه عادي شفيكككك حمداننييي
حمدان: جب جب اسوق بتشوفين عقب
و بند
بطي: والله انج تستاهلين هههه اذا عصب لا تناديني
يدوه: خير يا طير و اذا عصب شو بيسوي مثلا و انا هني
انا سرت و حبيت راسها: فديتج والله يدوههه شو بسوي بدونج هههه
تمينا نسولف يو اعمامي و حمدان و عيال اعمامي و بناتهم البنات ما يحبوني وايد مدري ليش امهاتهم يطلعون عني كلام لانه ما يحبون امي لانها وايد تسافر، حمدان يلس عدالي
حمدان: هاه هند
انا: ايه والله ما يخصني بس سالت عنك و هي هزبتك
حمدان: كله منج ترا
انا: انزين تراك طولت ما مليت خلاص من الصبح و انته فالبحر
حمدان: تبين الصدق مايت
انا: هيهه لاني محد
حمدان: جب جب
تمينا نسولف و ردينا البيت الساعه 9 رحت بدلت و لبست بجامة ورديه حرير و رفعت شعري كنت بمسح المكياج بس حد دق الجرس
انا: ميرييي بطلي الباببب
اوه اكيد راقده تريت حد يبطل الباب بس محد سار و هالشخص تم يدق الجرس
انا: ياربييي شو هالازعاج
بطلت الباب و شفت سعيد و تجمدت من الخوف و تميت اطالعه و سكرت الباب بسرعه لا هالمره صدق بطي بيذبحنييي بطلت الباب شوي
سعيد: اسف عالازعاج هند بس والله محتاج اخوج فشي ضروري وايد متوهق
انا: سعيد ترا بطي بعده ما رد فبيت يدتي هو
سعيد: اوه اوكي تمام
انا: بس فهد هني تبا شي
سعيد: اهه والله ماعرف
انا: تبا اييبلك شي فيك شي
سعيد: لا خلاص مشكوره بسير و خبري بطي يرمسني ضروري
انا: تمام
كنت بسكر الباب بس سعيد تكلم
سعيد: هند
انا: نعم
سعيد: بسالج شي بس لا تستغربين
انا: اممم اسال
سعيد: متى بتخلصين مدرسة
انا: باقيلي شهر يمكن
سعيد: تمام شدي حيلج
انا: مشكور
و سكرت الباب يع شو هالحركات ما حبيت ليش يسالني جي ما توقعته جي خفيف يع سرت غرفتي و مسحت المكياج و دقيت على بطي
انا: بطي
بطي: هااا
انا: ترا سعيد يا و قال يباك ضروري
بطي: و انتي كيف تعرفيننن
انا: هاه ميري خبرتني
بطي: هيه اتحرا بعد انزين برمسه
انا: ليش ما يدق عليك كل شو ايي البيت
بطي: حليله عنده مشاكل فالبيت
انا: هيه اوكيي
نزلت تحت و حطيت فمطارتي ماي بارد ويا ثلج و يبت كتابي "this is how you heal" و حطيت gloss dior عداله ويا نظارتي الورديه ويا الورود و صورت حق الستريك و تميت اقرا لين ما رقدت
—————-
ادري سحبت عليكم 🤭
اسفه نسيت اني اكتب شي اصلا😭😭😭