نبدأ بذكر الله ﷽🤎✨
اسكوبار
بقلمي ميان أل مالكي
بارت 10
قراءة ممتعة
🚫لا تنسون التصويت والتعليق بين الفقرات حبايبي.
.
.
احس نفسي وكعت بحفرة ثانية
حفرة اعمق وأوسخ من الجنت بيها !
اباوع بين الوجوه ذئاب منتظرة تنهش
بـ لحمي رفعت راسي اله غمزتله رادف بنبرة
استهزاء
اسكو :- ما جنت اعــرف تحبني هل
كد استاذ
ابتسم مرر طرف اصابعه على وجهي
مرورآ لجرح شفتي ضاغط عليه بقوة
مسببلي نزيف
غمضت عيوني اتنفس سريع
حتى لا اطلع صوت يدل
على ضعفي
هارون - تكدر تكول انه واعوذ بالله من
كلمة انه ارفع منك بالذكاء صح ربيتك
على ايدي
وصرت واحد من اهم الأشخاص المهمين
عندي بس تبقى انتَ عبد وانه المأمور
تاخذ أوامرك مني تمردك هذا يخليك بحالة
صراع بينك وبين حياتك
اسكو :- اولآ حياتي مو مهمه عدي
ثانيآ انه صح اخذ اوامر منك بس مو معناتها
خادم الك وحياتي بيدك !
هارون - غلطان بكلامك كل شخص
يتربى على ايدي تصير حياته بيدي
وأنه بكيفي امشيها
اسكو :- العفو منك على كلامي انه مو
ريناد اختك ولا تبارك حفيدتك انه اسكو
انتَ اكثر واحد تعرفني
ماكو داعي اعرف على نفسي
بنهاية انتَ ربيتني بس خلي ابالك نقطة
ما عاش والا راح يعيش الـ يضحك عليه
مجرد وقت و المسألة تنحل
طبطب على خدي رادف بنبرة
عميقة
هارون - برافو برافو هذا هو اسكوبار
اسكو :- افضل تناديني اسكو اختصار
حتى لا يتعب لسانك
هارون - تريد بعد ضرب ؟
بس انه اشوف وجهك تشوه ماكو
مجان بعد صاحي
اسكو :- بس اريد اعرف ليش
تريدني اتزوج تبارك؟
هارون - انتَ الوحـيد التكدر عليها
وتناسبها
اسكو :- هيه ما تحبني ولا انه
شفتها شلون جانت تبجي وتحجي عليك
بعدين هيه تحب شخص شلون تقبلها على نفسك
تزوجها غصبآ عليها
لا ونوب تحب شخص ثاني بس
اريد اعرف ليش مو مهمه عندك؟
هارون - طبعآ مهمه عدي تبارك بنهاية
تبقى بت بتي مستحيل افرط بيها
بس انه ماريدها تتمرد عليه مثل امها
اشوف بيها نظراتها حركاتها
تمردها وطولة لسانها كاعد تمشي بدرب
امها سوت نفس السوته امها بالضبط
حبت شخص برة العائلة بعيد كل
البعد عن عاداتنا شخص من عائلة فقيرة
جان كل همه فلوسها مو حبآ بيها تزوجها
اسكو :- بس هيه جانت سعيدة
هذا اهم شيء
عيونه نطن بعصبية كح بصوت عالي
عدت مرات ضرب صدرة ناحية گلبة
مسد عليه
دقائق ياله رجع لون وجها كعد
على الكرسي مقابيلي بس الفرق هو
حر انه مُقيد !
هارون - بنتي انه ربيتها على ايدي
سهرت وحدي كبرت وعلمت وحدي
وتالي تعوفني على مود واحد ما يسوه
فلس !
اسكو :- يمكن لو بوقتها منطي فرصة
شايفة متعرف علي مو كبل ترفض !
هارون - انتَ شعرفك بالصار لك انه
جنت راسم ابالي حياتها ما توقعت تسوي
السوته بيوم وتخذل ابوها
بس للأسف خذلتني وكبرتني سنين
فوك سنيني تاالي تموووت وانه ما شايفها
ثنينهم بحادث سير وياهم زوج اختي ريناد
ستغربت ليش كاعد يحجيلي عن
عائلتة وشنو صاير وياهم؟.
-لهذا ماريد بتها تسوي نفسها
اريدها تتزوج الأنه اختارة الها
اخذت قراري خلاص انتَ راح تتزوج
تبارك وألا تخسر وظيفتك و
حياتك !
اسكو :- انه مو من عائلتكم ولا حتى
من اقاربكم ليش تريدني اتزوجها؟؟
هارون - ماريد ابرر الك يا ولد
اسمع الكلام حتى تترقى بعملك
غمزلي بطرف عينه شعر رموشة
ابيض و تشققات حوالين عينه وكذالك
وجها
تنهدت
دنكت افكر جسمي ما حس بي من
كثر الضرب !
لأن رفضت ضربوني وأخذو تبارك
ماعرف وين بس شيء اكيد لمكان
احسن
وبقيت انه احترك وحدي بنار محد
يكدر يطفيها !
مر طيفها كدامي عيونها بعيوني
حسيتهن هنه الـ حركني بوقتها كل
مشاعر الكره تخللن إلى اعماق عقلي !
اخذت قراري خـلاص ويا قرار
موت هارون راح يكون على إيدي
وهذا وعد مني !
رفعت راسي اله اخذت نفس بصوت
زافرة بهدوءء همست وانه اخلي عيونه
بعيوني
أسكو :- موافق اتزوج تبارك
داخلي يحجي
راح يكون موتك على ايدي بس
اصبرلي اخذ الأريدة منك !
ابتسم بطريقة قذرة تتشابة وي روحة
وأفكاره وبصوت عالي صاح
هارون - واحد منكم يحل ادي
دخـل شاب وجها انطبع بعقلي
لأن اكثر واحد ضربني بغل وبقوة
بحيث حسيت نفسي عندي عداوة ويا
طلع مبتسم مسحت اديه باسق
الدم من ثغري وكفت اترنح كل شوي اريد
اوكع
عيني ما اشوف بيها مغوشة قويت
نفسي ما لازم اضعف بسرعة خصوصآ
كــدامه !
هارون - اكو هنا مستشفى خلي
ياخذونك الشباب يعالجون جروحك
اسكو :- ماكو داعـي انه اعالج جروحي
اردفت بصوت خافت فجاءة صارت
عندي دوخة وكعت على ركبي احاول
اتنفس
لزمت خاصرتي اتنفس سريع كعد
كدامي مثني رجلي رفع راسي بيده
رادف ابرود
هارون - شكلك نسيت نفسك عايش
بكلية وحدة وتنفسك ضعيف !
كلامه خلاني بحالة ادراك للموقف
الأنه بي فعلآ بوقتها حسيت روحي تنسحب
مني
مجربين هذا الشعور من تتنفس بس
ماكو هواء يدخل ريتك باختصار تتنفس
تختنك بالزايد
وكعت على صفحتي الثانية
مادريت بروحي بعد اغمى عليه ما قومت
جسمي وجروحي
من كعدت لكيت روحي نايم على سدية
بيدي كانونه بينما جهاز تنفس على انفي
دورت بعيوني على الغرفة محد موجود
كمت بسهولة احس صرت احسن نزعت
الجهاز ودنكت نزعت الكانونة عدلت ملابسي
وطلعت من الباب
لاكاني واحد من اتباعة شافني بقى مصدوم
بمكانة عبرته امشي بثقة رجع يمشي
وراي ويصيح بصوت عالي
- الأستاذ كال لازم تتعافى بالكامل
وانه امشي وداير ضهري رفعت ايدي
سويتله حركه الأصبع راد علي بصوت
عالي
اسـكو :- وصله الكلام
تعافيت وراجع بقـوة هل مرة
طلعت من المكان كله امشي ماكو
سيارات لنص الطريق وكفت يمي سيارة
درت وجهي شاب نزل معترض طريقي
- الأستاذ دزني الك
اسكو :- لو مخلوق كح*** من حضن لحضن
هم ما انطلب هل كد
ابتسم من صدك تنهدت وصعدت ويا
ما عدي طاقة حتى الزم باب السيارة
خليت راسي على الكرسي مغمض عيوني
ماريد افكر بشي حاليآ بس اريد
اخلي راسي ع المخدة ونام
لحد ما وصلني كدام بيت هارون
نزلت وهو راح وجهت نضري للبيت
لعبتها صح هارون الرشيد على كولت
ذاكه الولد
بس ما راح اعديها على خير
بسيطة هايه البداية فقط راح اعلمك
اللعب على أصولة !
صعدت لغرفتي وقفلت الباب
سبحت ورتاحيت لبست بس شورت
شمرت روحي على الكرويتة نايم نومة
عميييقة
- كوم انتَ ضربه
:- انه ؟
- اي شبيك جبان لازم تتعلم
الضرب
:- بس انه ماعرف
- شنو اسمك كتلي ؟؟
-: عقاب
ضربة تلقيتها على وجهي سببتلي
نزيف لساعات !
- لازم تكون بفخامة الأسم حتى
تكدر تتغلب على خوفك
التدريب هو اقسى شيء مريت بي
بحياتي هذا الكابوس هو شيء بسيط عن
المريت بي
خلال عشر سنوات من التدريب
او بل أحرى تعـذيب هل كلمة ما تكفي
توصف بشاعة الـ شفته
نتل بالكهـرباء
تجـويع
ضرب بالسوط
قلاع الأظافر
وغيرها وغيرها من الأمور تخلي
كلبك فعلآ يموت وبعد ما يهمك أي شيء
يسوون هل اشياء بيك بعدها يخلونك انتَ
تسويها بغيرك
حتى تنجح بنظرهم وتصير جاهز
لازم تعذب مثل ما تعذبت سياسة جدآ
صعبة ومؤلمة للجسد من كل النواحي
سواء النفسية
او الجسدية
صوت المبايل فززني من افكاري مسحت
وجهي بحذر متنهد بصوت عالي
اسكو :- نعم أستاذ
هارون - تعال رايدك بشغلة
اسكو :- حاضر
قفلت الخط وكمت غسلت ولبست ملابسي
طلعت بوجهي للبيت دكيت الباب
فتحلي الحارس
دخلت جوه بقيت واكف برا
منتضر احد يطلع دقائق طلعت ريناد
تقدمت يمي بعصب تحجي
ريناد :- انتَ شلووون توافق على الزواج
من تبارك
اسكو :- العفو منج بس انه هم
مجبور وياريت ما تعلين صوتج
ريناد - كذاااب وافقت بسرعة طبعآ
وين تلكى وحدة مثلها فلوس وجمال
بسس اريد اعرف شلون هارون قبل بيك
شلووون
رفعت حاجبي ماعرف اضحك عليها
على نفسي ضحكت بدون صوت
ريناد - على شنو تضحك ؟
اسكو:- كلامج يضحك صراحة
ريناد - ليش كايلة نكته ؟
اسكو :- استاذ هارون وين هو دك عليه
يريد مني شغل
ريناد - لا تتجاهلني مو احجي وياك.
ترا تبارك تحب شخص عدها واحد
بحياتها و مستحيل تنساه
اخر ذرة صبر فقدتها ضربت الشجرة
اليمنه رادف بصوت عالي
اسكو :- حتى انه عندي وحدة
بحياتي ماخذه عقلي وكل تفكيري
ملامحها مطبوعة ابالي..
ضحكتها رغم عشر سنين ما شايفها
بعدهي تتردد كبالي
عشر سنيين انه ما شايفها بس هيه
محفورة هنا بعقلي وبكلبي و مستحيل
أحب غيرها !!
سكتت تبالع بريكها نزلت راسها
وهمست
ريناد - حتى تبارك تحبه من عشر سنين
بس هو تركها بسبب هارون قرر يدرس خارج
العراق وعدها يرجع من خمس سنين سافر
ولحد اليوم ما رجع ولا حتى اتصل
اسكو :- معليه بكل هل كلام وينه
استاذ هارون ؟؟
ريناد - جوه
هزيت راسي تعديتها رافع راسي لشباك
غرفتها شفتها واكفه تباوع علينا بس شافتني
سدت الشباك
نزلت راسي ابتسمت ودخلت جوه
شفته كاعد على الكرويته يدخن
بشراها
كعدت كباله بدون كلام ولا سلام
اضطريت انتظرة حتى يخلص
هارون - وجهك صاير حلو
اسكو :- انه من الله حلو استاذ
هارون - اممم من اليوم ورايح
شغلك يتغير
اسكو :- وشنو الشغل ؟
هارون :- حارس شخصي
رفعـت حاجـبي افكر بالموضوع
وشي اكيد ما راح الكى افضل من هذا
الشغل على الأقل احسن من سايق
سيارة
هزيت راسي
اسكو :- موافق بس منو هذا
الراح يخليني حارسة الشخصي ؟
هارون - كاعد كدامك
فتحت عيوني متفاجأ عاقد حاجبي
سألتة بستغراب
اسكو :- تريد مني اصير حارسك الشخصي ؟؟
هارون - امم بس بعد ما
تعقد على تبارك
اسكو :- موافق
ابتسم اشرلي اشرب عصير
دنكت بدون مناقشة لأن فعلآ ريجي
يبس
كل تفكيري طلع غلط كل مخططاتي
تخربطت لازم اعيد حساباتي من جديد
لعبها صح حتى يوكعني بحفرته
يريدني اتزوجها حتى يأمن على مصالحة
يتأكد من قربه الي يستفاد من خدماتي
مو مهم عنده حفيدته
مو مهم شغلة أيام قليلة وتنتهي
هل مهـزلة
اسكو :- بس راح اتأخر شوي لازم
ارتب اموري حتى نتزوج ع سريع
بدون حفلة وهوسة
هارون - شيء اكيد ما اله داعي
المصروف الهواي على مود يوم واحد
اسكو :- اكدر احجي وياها ؟
هارون - انتَ تعرف الجواب !
اسكو :- اعرف بس دقائق ممكن اغير
رأيها وتوافق بدون ما نضغط عليها
بس دقائق
هارون - ماشي دقيقتين الك
اسكو :- اصعد فوك ؟
هز راسه موافق صعدت لازم اتوقع
كلشي منه هذا كاعد يفاجئني كل شوي
حتاريت منو غرفتها بقيت واكف إلى أن
سمعت صوت جاي من الغرفة المقابيلي
دكيت الباب ماكو رد دكيته مرة ثانية
وثالثة ما ترد اخذت نفس وفتحت الباب
عيوني تتجول بالغرفة
شفتها واكفه يم الشباك مطيتني ضهرها
تقدمت بكم خطوه ما تحركت حتى
وكفت وحجيت بصوت خافت
اسكو :- ممكن نحجي شوية ؟؟
فزت من صوتي ندارت شافتني فتحت
عيونها على وسعهن بصوت خايف حجت
وشفايفها ترجف
تبارك - شتسوي هنااا شصعدك لغرفتي؟
اسكو :- لازم نحجي ضروري عوفي
الدموع على صفحة وسمعيني زين
تبارك - اااطلع برا غرفتيي براااا
كلبت عيوني بملل صوتها طرش اذني
كعدت على كرسي طلعت جكارة ورثتها
حتارت شنو تسوي
يكول نار وشتعلت انوب كامت تبجي
وتحجي
تبارك - مااريد ازوج حبااب كول لجدو
ماريدك وانتَ هم فدوة
اسكو :- هسه انتِ عود ليش تبجين ؟؟
تبارك - شنوو ليش ابجي حياتي راح تدمر
اسكو :- كسرتي كلبي صراحة شنو انه
مو بعينج شاب طول بعرض جمال وأدب
بعد شنو تردين وما توافقين عليه ؟.
عقدت حاجبها مسحت عيونها وضلت
تشهك زفرت الدخان بالهوه طكيت اصبعي
باوعت عليه
اسكو :- ما الج غير هل حل وافقي
مسحت دموعها هزت راسها بمعنى
شنو كلبت عيوني بنفاذ صبر شكد غبية
هاي ما طالعة على جدها
حركت شفايفي بــدون صوت
ما بقى وقت حجيت لحد ما لساني
تعب
اخر شيء كمت اخذت ورقة وقلم كتبت الها
كلشي وخليت الورقة على الطاولة وطلعت
تحمحمت عدلت ياخت قميصي ونزلت
بكل هدوءء وثقة ما لكيته كاعد طلعت
برا البيت صاح عليه عامر
عامـر - الأستاذ منتظـرك بالسيارة
تنهدت فاتح الباب مو سيارة يكول
شقة صعدت كبالة
هارون - حرك بوية
تحركـت السيارة لنص الطريق
سألني
هارون - قنعتها لا ؟
اسكو :- ان شاءالله اسبوع اقل اكثر
مادري بس العقد قريب
ابتسم ربت على فخذي
هارون - سبع سبع
اسكو :- تحب هل مكان دايمآ تضربني
عليه معوز حنان استاذ ؟.
ضحك بصوت عالي مخلي
رجل فـوك الأخ
هارون - يا ولد ميانتك هل أيام
زايدة
اسكو :- نغير جو مو كله تهديد
وقتل
هارون - الك الحك الك الحك
اسكو :- مرا وحدة تكفي
هارون - اعرف اعرف
اسكو :- اظاهر مشحون اليوم
استاذ ممكن اعرف وين رايحين؟؟
هارون - بما انو صرت حارسي الشخصي
عندك مهمه لازم تنفذها حتى تبدي بعملك
اسكو :- شنو هل مهمه ؟
هارون - لا تستعجل يا ولـد
رفعت حاجبي
اسكو :- لا شكو مستعجل
شورانا قابل نحبل نجيب
ابتسم ويشرب بجكارته
مادري ليش ما يختنك ويموت
فطيسة صاير
هزيت راسي ابعد الأفكار من عقلي
مشت بينا السيارة ساعتين اله عشر
دقايق بضبط !!
احسب دقيقة دقيقة بعقلي
طريق مجهول ومكان اول مرا اشوفه
نزلنا داخل كرڤانات وحدة بصف الثانية
داخل احدا الكرڤانات جان موجود
بيها شخص ما ضاهر وجها بس جسمه
لأن مخلين كيس على وجها
رابطينه على الكرسي اكدر الاحض
اثار التعذيب واضحة على جسمى وادي
قطرات من الدم تنزل مستقبلة الكاع
نداريت على هارون ابتسملي غامز
لعامر راح عامر شال الكيس من وجها
و فعلآ اثار الضرب واضحة
تقدم هارون مني هامس بأذني
بصوت بس انه اسمعه
هارون - هل شخص لازم يموت
اسكو :- ممكن اعرف تهمته ؟
هارون - قاتل
رجعت سألته وعيوني علي
اسكو :- اكو بملفة الأجرامي
جريمة أغتصاب ؟
هارون - اغتصب طفل بعمر الـ 10 سنوات
ومات تحت تأثير المخدر GHB
مديت ايدي ورا ضهري طلعت سلاحي
سحبت أقسام وجهت سلاحي على مكان
جبهته بالظبط
هارون رجع عدت خطوات مبتعد
عني عامر يباوع عليه بصمت اخذت
نفس طويييل بعدها ضغطت على الزناد
ثارت طلقة مستقرة بنص جبهته تحرك لحد ما
طلعت روحى
تقدمت
بخطوات منه دنيت وجهي من وجها
هامس بخفوت
اسكو :- نلتقـي بالجحيم !
ابتعدت عنه زافر انفاسي تصفيق كل
عادة من هارون وأبتسامته القذرة
ابتسمت
لا تخاف جايك السرة استاذ هارون
وكلي شوق اشوفك ميت كدامي
هارون - برافو عجبتني ما خطأت
من سميتك اسكوبار !
ضميت سلاحـي
اسكو :- هــذا من بعدك استاذ
هارون - عامر كللهم ينضفون المكان
وتعال اخذنا بجولة نتونس انه وأسكو
عامر - تأمر استاذ
اخذت نظرة صغيرة على عامر شفت
بعيونه الندم والأسى هزيت راسي عاض
شفتي وطلعت
صعدت بالسيارة بنفس بمكاني
دقايق رجع عامر صعد وحرك السيارة
عامر - وين تريد نروح استاذ؟
رد علي هارون وعيونه عليه
هارون :- اخــذنا للـ بيت بس مو أي بيت !
عامر - فهمت استاذ
عقدت حاجبي اعتقد هاي كلمة
سرية او هيج شيء اذا لزك بيه لزك
تمنيت اكدر اروح كدام باب بيتهم مرا
ثانية
اريد اشوفها اريدها تحركني بنضراتها
وطفيني بكلماتها
شلون راح تكون ردت فعلها من تعرف
منو انه ؟
تتذكرني ؟
راح تفرح لو شيء عادي عدها !
تستقبلني لو تطردني
كل هل شيء مو مهم عندي اهم شيء
عرفتها وعرفت هيه وين تعيش بسهولة
حاليآ ماريد احد يعرف
خصوصآ هارون اذا عرف انه دريت
بيها ممكن يخلي حياتها بخطر
فضلت ابتعد عنها هل فترة هيه بأمان
على الأقل
او هيج جنت مفكـر !
بين تفكيري عليها وعلى السويته
قبل شوي وكفت السيارة ونزلنا كلنا
عقدت حاجبي بستغراب
هارون - لا تستغرب تعـال
دخلنـا قاعـة بيها انواع الناس من
الرجال والنساء
تتجرد منهم الحياء
نساء تتعرى
رجـال يصفقون
يشربون الخمر
هناك من بينت عليه اثار السكر
وهناك من يناضر اجساد النساء بشهوة
مفرطة
ضاعت على عقلي الفكرة
اهم برجال؟
ام نساء لديها لحايا ؟
(بالعباس بقلمي )
صوت الموسيقى طاغي بقوة
جلست اناضر تلك الأجساد كيف تتلوى
كـ ثعابين تريد أن تصطاد فريستها
هارون - هنا سوي الـ يعجبك بس ممنوع
تفقد نفسك
اسكو :- مو اسكوبار الـ يفقد نفسه
على مود هل مشاهـد !
هارون - وهذا سبب من اسباب موافقتي
على زواجك من تبارك اعرفك كفو
اسكو :- ترا اكدر هسه اسوي ال يعجبني
و انتَ تعرف قصدي بس مالي واهس
ابتسم
هارون - من اليوم انتَ حارسي الشخصي
وهسه بهل مناسبة والشغلات الحلوة
الراح تصير كوم جيبنا بيدك كاسين ويسكي
اسكو :- حرام استاذ انه ما اشرب
ضحـك بصوت عالي ابتسمت على الواهس
ويا اشر بيده على النادل همس بأذنه
ماعرف شنو هز راسه وراح
ثواني خلا كدامنه كاسات مليانه
شراب هو اخذ وحده وانه اخذت الثانية
قربتها من انفي اشم بيها
اسكو:- ريحتها قوية شلون يشربونها ذوله
هارون - اشربها و انتَ مغمض اول مرا
تحس بطعم لاذع بس بعدين تتعود
و تصير تطلب بس منه
اسكو :- ريحتـه قويـة
هــارون - اشرب بــدون اخذ نفس
باوعت على عامر هز راسه بلا
رفعت حاجبي قابل بيدي يعني ؟
اخذت نفس قبل لا اقربه من انفي
وبحركة سريعة ترست حلكي كله
غمضت عيوني بالع ريك
تحسست الطعم بلساني خرب صدك
لاذع يضل مثل الـ يلجع بالحلك
بس تخطيت الموضوع وهذا ثاني
ذنب ارتكبه
مرات الأنسان يرسم حياته بيده
من الصغر احلامه وأفكارة بس غلط
واحد ممكن يكلفك كل حياتك
وكل عمرك تعيش حياة انتَ تعرف
نهايتها شنو وتعرف كلش زين غلط
بس ما عندك الجرأة تتخلص منها
ممكن يكلف حياتك
اساسآ كل ثانية وكل دقيقة حياتي
بخطر
وجهت نضري للمنصة مخلي رجل
فوك الأخ بيدي جكارة
دخلت وحده تمشي بحذر اكدر اشوف
رجفة جسمها من بدلة رقصها والوشاح
العلى عيونها يخفي معالم وجها
لكن عيونها واضحة ما شفتهن زين
نزلت راسها
حسيت بشخص كعد يم هارون من الناحية
الثانية سمعت كلامهم زين
هارون - شجابك هنا ؟؟
- نفس السبب الأجيت بي انتَ
هارون - تقنعني جاي تتونس ؟
- وجايب بضاعتي وياي
هارون - كريم هل مرا
ضحك وما رد ندار عليه هارون.
هامس بأذني
هارون - صدفة حلوة
عقدت حاجبي سألته
اسكو :- القـصد ؟
هارون - تعرف هسه
سكت مبتسم ستقام من مكانه
اخذ السماعة عيونه علينا تحمحم رادف
بأبتسامة
هارون :- اليوم راح يكون هناك لقاء
انساني بين اثنين من الشباب فرقهم
الزمن
عشر سنوات مرت اخر مرا شافو
بعض عشر سنوات واليوم همه كاعدين
سويه بس للأسف محد عرف الثاني
لهذا انه ولأنو اعرفهم تكفلت
بهذا الحـدث الأنساني اعرفكم على بعض
عقـــــاب
.
.
باهــــر
.
.
يتبــــــــــــع
للقصة بقية..
اعرف البارت قصير حبايبي بس لا تلوموني
هذا الكدرت علي اتعب من الشغل انوب ارجع اكتب الكم حتى لا تنسون الأحداث
ان شاءالله انزل بارت بعد بس خلي اخلص من غسل الفراش 🌚💔
اشبعكم بارتات شعدي غيركم قابل ❤🤤
🚫لا تنسون التصويت والتعليق بين الفقرات
قناتي تلي
مع ألف سلامة
الكاتبة ميان أل مالكي