#قيود_العوف
بقلمـَي: ريتـَا
ما غوتني عَيون غيرك
وأنتَ تدري عَيونك
ولايه لغربتي
ولا كلت لأحد يروحي
أنتَ رُوحي 💚..
لتنسون التصويت + التعليقات بين الفقرات + متابعة حسابي قلبي ❤️🔥
شبابات صوتوا دوسوا علىٰ النجمَة لتنسون مُهم🤏🏻
______________________________
-سكتي ؟
لزمت كاسة المي بأيدي اجعص بيها واني بداخلي لعنتة الف لعنة علىٰ الي ديسويه شلون نسيت أحضره ولا اتوقعتة يتمادىٰ لدرجة يتصل بيه ويدز رسائل بالفجريات
فززني ورجعني للواقع من دوهنة التفكير الچنت بيه من گال
-جُمانة جاي تسمعيني شنو احچي ؟
-هذا سايق عرفناه من رحنة للزيارة
-شني خاالي ؟
بلعت ريگ من حچة الكلمة وميل راسة بغضب ..
اتقدمت خطوات صرت گدامة من شاف بحلگي حجي اخذ نفس وجر الكُرسي فرة وگعد عكسة عصر عيونة وگال بهدوء
- كملي أغاتي
گعدت گدامة وبديت اسولف الموضوع كُله أله وانتباهي عليه ماقل بكل كلمة اگولها تزيد حدتة وغضبة وهذا الشيء بسُرعة يبين على وجهة رغم چانت عندة ردة فعل وحيل قوية بس ما ظهرها گدامي أبد
-جُمان: وهاي السالفة كُلها
-عوف: وهاي كل سائق تصعد وياه الناس ينطيهم رقمه ؟
-جُمان: لأن شاف حالة ماما هيچ ومتگدر تفتر وتمشي انطاها الرقم
رد بأستهزاء ممزوج بغضب ..
-عوف: الي يمر بالمواقف الي مريتي بيها ياجُمان يكون حذر ، يخاف ، ينتبه ، يركز يمتىٰ تنتبهين وتركزين مو والله راح تششليين گلببيي
-جُمان: يعني شنو شسويت ترىٰ اني ولا فد يوم خابرتة حتى ياخذني لمُكان لو شيء اني اصلاً متقبلت هلموضوع !
-عوف: شلون وصل اله رقمج فهميني هاي النقطة ؟
رمشت بوجهة وصرت اكل بشفتي بتوتر قلص عيونة وگال
-عوف: شضامة ؟ كتيهن
-جُمان: شوف
-عوف: جاي اشوف
-جُمان: ثاني يوم الصبح جاب النة مسواگ ومدري شنو انملىٰ بيتنا علاليگ فـ بوقتهة اني چنت نايمة وما أعرف من گعدت خابرتة وحچيت وياه ورزلتة وخليتة يجي ياخذهن وصار رقمي عنده
نزيت وانصدمت من بسُرعة نهضض وفرك وجهة بغضب وگال من بيَن اسنانة
-عوف: وتگليلي بهذا الشيء هسة هسةة تحچييين ؟
حط أيدي علىٰ الطاولة ونزل ظهرة هز راسه
-عوف: يستوعب منطقج الي جاي تحچينة الي مستوعبة انتِ الموضووع تشوفينة عااادي ؟
-جُمان: يولو شنو ؟
بقى صافن لثواني بوجهي زفر بغضب وأردف ..
-عوف: دخيييلك يابوييية ياعليي راح تحطلي گلب بصف گلبيي
-جُمان: شكوو ؟
-عوف: كم مرة إتصل بيج ووين وشوكت احچي جُمان لا تقطرين بالحچي عليتي گلبي موتيني والله
-جُمان: مرتين
-عوف: الثانية شوكت ؟
-جُمان: ذاك اليوم من دخلت عليه شفتني داخابر بالمطبخ
عقدت حاجبة بغضب وگال .
-عوف: يلح عليچ بالإتصالات والرسائل ؟؟
-جُمان: اي هواية يتصل ويدز رسائل بس اني ماا اجاوبة وبكُل مرة يگُلي جاوبيني جُمان عندي موضوع وياچ لو أريد اجي لبيتكم و
نزيت من كز أسنانة وگال بأنزعاج
-عوف: بسسسس
-جُمان: مو گلت ألي احچي هياتني داحچي وانتَ متقبل شلون لعد
-عوف: المُفيد گتلجج
-جُمان: بعد شنو ؟
-عوف: من إتصل بيج أخر مرة مدة المكالمة شگد ؟
-جُمان: ماا أعرف بس مطولت وياه هماتين رزلتة
-عوف: فتحي تلفونج شوفيلي شگد مُدتها أكثر من دقيقة لو أقل
-جُمان: هااا
-عوف: وعلاا التعل گلبيييي
اخذت تلفوني فتحتة بس مالگيتهة المُكالمة
-جُمان: مموجودة عوف أعتقد حاذفتهة أني أحذف الرسائل والمكالمات ماا أبقي شيء
-عوف: شلووون شلوووون ؟
-جُمان: حاذفتهة
اتنهد ونفخ ضرب الطاولة بأيدة ضربتين .
-عوف: ولجج صيري فطننننة لا تصيرييين فا
راد يكمل الكلمة وسكت
-جُمان: لا تصيرين فاهية كملهة ؟
-عوف: مو ماينطيني گلبي اشبهج بهلكلمة
-جُمان: عوف شنو الموضوع ليش هيچي اتنرفزت وعصبت تدري اني ماا احچي وياه ولا اخابر ماعندي تواصل وياه ومن يتواصل ماا انطي مجال
-عوف: ولچ أعرفج أدري بيچ شنو ماتعلميني بيچ جُمااان !!
-جُمان: لعد من شنو اتنرفزت شبيك معصب ومتتحاچىٰ هيچي
-عوف: لأن هذا الولد سالفتةة مو خاليييه مو لله باوعيلي ول يرحم والديج فتحيلي مخج وركزي وياي راح اسألج كم سؤال جاوبيني عليهن
-جُمان: اي شنوو ؟
-عوف: وين لگيتوه بالضبط شلون حصلتوا ؟
-جُمان: بوقتهة محصلنة سيارة وچان حتصير الدنيا ليل ومگدرت أمشي للكراج الرئيسي لأن ماما وكُرسي وهوسة هناك وعياط بس من محصلنة مشينة للكراج وتوة فتنة دندور وهو اجة
-عوف: هوو الي اجاكم ؟
-جُمان: اي من شاف ماما بالكُرسي ودنمشي بيه منحس اله واحد گال تفضلوا اني أوصلكم وين تردون ، چنة تعبانين ما صدگنا حصلنة سيارة انطيتة العنوان وصعدنة وياه
-عوف: هم سولف وياكم ؟
-جُمان: اووو كووومة كووومة جااب الطريق كُله يسووولف وي ماما
-عوف: لا ربحنةة اي وشني سولف ؟
-جُمان: هو وماما صارو يتبادلون الحديث هو يحچيلهة عن اهلة وعائلتهم على أساس ابو طاردة لأن متزوج على امة وهيچ وديشتغل حتى يعين نفسة وميتعمد على أحد وهيچ
-عوف: بعد ماكو شيء أتذكري ؟
صفنت بوجهة بأستغراب واسترجعت الحديث بمُخي
-جُمان: يعني سأل ماما عن شلون عشنة بعد وفاة بابا
-عوف: ايي ؟؟؟
-جُمان: وسولفت اله شلون صرنة ننتقل لحد ماا اجرنة واستقرينة هنا
-عوف: وبعد هاي هية ؟
بلعت ريگ وجاوبتة بتلبك هنا ..
-جُمان: وماما سولفت اله عنك هماات
غمض عيونة وصك علىٰ وجهة كُله
-عوف: يعني هاي بس مسافة الطريق بينكم وبين الكاظم ومابقىٰ شي ماعرفة عنكم والله الوضعية ماينگال بيها شيء غير احااا
بقيَت أعصر بأصابعي واباوع اله بدون ماا أرد عيونة صارررت حمر من العصبية هـز راسة ورفع نفسة وشال تلفوني خلاة گدامي كظم غيظه وگال ببرود ..
-عوف: فتحي الرمز
-جُمان: ليش جاي تتصرف هيچ غير افتهم شنو سوىٰ أعرف ماا ارتاحيت اله بس ماسوىٰ شيء هو ؟؟
-عوف: فتحي الرمز عيناي
فتحتة وأنظاري عليه اخذة وسجل الرقم بورقة بعدها حط توصالة بتلفوني وفتح اللابتوب بقى لدقائق ، چنت اباوع اله بس سرت رجفة بجسمي رجفة خوف حسيت صار شيء غلط أكو شيء اني مافاهمتة
اخذ الورقة وخلا التلفون گدامي شح نظرة عني وشال اجهزتة وكل الأشياء الچانت موجودة على الطاولة حطهن بجنطة سودة باوع الي وگال
-عوف: هذا الرقم تحضرينة وحتى شريحتج تطلعينهة من التلفون اليوم اجيب الج شريحة
-جُمان: شنو صاير فهمني ليش ماجاي تفهمني من حقي أعرف لأن خفت
عصر عيونة بتعب وگال
-عوف: سهلة اذا ماا انعل ابو طاهركم يا ولد ال***
رديت بأنتفاضة ..
-جُمان: جاووبني شنو صاير ليش مترد ليش من عرفت بهذا الولد هيج أتغير شكلك وتصرفاتك شبي هذا الولد خوووفتنييي حييل
-عوف: بعدييين جُمان بعدني مامتأكد من شكوكيي
قبل مايطلع باوع الي وسلهم عيونة ترك الجنطة علىٰ الطاولة وأتقرب ألي گال بصوت واهن ..
-عوف: شبيج جُمان ؟ لا تخافين ولا تفكرين مجرد شك ويخصني يعني مو يمچ السالفة بس انتِ طيحتي حظي بگلبج الطيب
-جُمان: جاي تقشمر علي وتلهيني حتىٰ متخليني أخاف مو ؟
-عوف: حشىٰ والله لذة عيني رجعي نامي وارتاحي انا طالع لأن عندي شغل
-جُمان: لعد ليش استجوبتني هيچي مثل أول مرة شفتك بيهة أكو شيء بس مجاي تگلي والله عوف مسوية شيء غلط اني بس متقبل تگُلي تخاف عليه انت ادري بيك
-عوف: بكل وقت أخاف عليچ انا بكل تصرف وبكل لحظة بس لا تفكرين بشيء انا كلها روحي يمچ وبعيني أخليج
گال الكلام وابتسم الي بكُل حنية وهو يطمئن بيه وأخذ الجنطة وطلع ، بقت عيني معلگة علىٰ ألباب بس عرفت أكو شيء وخفت حتى بتفكيري صار أكو خوف فتحت تلفوني حضرت رقمة وسديتة
رجعت للغرفة صرت اتگلب بفراشي ، من التفكير والقلق حسيت صار وجع بمعدتي بس أخاف لو أفكر بشيء يتحول لوجع بمعدتي دعيت الله متصير مُصيبة جديدة
سمعت صارت طقطقة باب بالغرفة بقيت خانسة جوة فراشي وحتىٰ نفسي كتمتة من حسيت أكو حركة جمدت بمُكاني وصرت أسمع صوت شخص يهمس
چان الغرفة بيهة ضوء واضح مو ظلمة سويت فتحة صغيرونة من الفرشة ردت أعرف منو هذا
عضيت شفتي بخجل من شفت قاسم متمدد بملابسة العسكرية يم منار وهي نايمة ويحچي وياها بهمس بس الغرفة هدوء رغم همسة بس صوتة مسموع ويگلهة..
-قاسم: مناري ، حبيبتي
چانت نايمة وهو متمدد گدام وجهة مباشرةً ومنطيني ظهرة رفع أيده يلعب بشعرهة ويهمس بأسمهة شوي وصارت عندهة حركة
-نمنمة
وهي نايمة وتهمهم ، من يمي طگت مرارتي وهو ما مل لحد ماگعدت اول مانتبهت اله دفعتة وگالت بغيظ
-منار: روووح قااسم
-قاسم: وين اروح يابعد حيلي ماگدر أروح واعوفج زعلانة وعلي سحنتي ام روحي اليوم
رفعت الفرشة وغطت راسها بيها وگالت
-منار: مابيه شيء اني رووح
-قاسم: لا بيچ تقشمريني شنيي ؟
-منار: جاي شتريد مني ؟
مد أيده وخر الفرشة عن وجهة
-قاسم: جاي أشوف الضحكة علىٰ هذا الوجه يله اروح مرتاح
صار وجهة بوجهة وگالت
-منار: مو گلت الك مابيه شيء ؟
-قاسم: نمنمة لا تطيحيين حظيي من فدوة لحدودج گليلي حاچيني منين انغثيتي من غرور ؟ والله لأسلگ الچ الجابهة وابو الجابهة هم
-منار: لا تسلگ ولا تشوي ماا أريد مشاكل اني
-قاسم: چا شتردين التردينة يصيرر
-منار: ماا اريد شيء
-قاسم: باوعيلي لخاطري اذا الي خاطر يمچ لا تحچين وياي هيچ حطي عينچ بعيني وسولفي شنو الي عندج شنو الي بگلبج لا تضمين عليه
-منار: قاسم گلبي ميتحمل أحد يحچي وياية بهلطريقة ويعايرني أعرف اني أعرف صرت وحيدة مالي اهل كُلها عافتني وشافوني مثل النكرة بس اني ماا استاهل الصار ولا استاهل احد يعايرني هيچ
-قاسم: لا تگولين محد الي تچوين گلبي بهلحچاية نمنمة أصير الج ام وابو واخو وكل شيء تردييينة والله احطج بگلبي ومحد يوصل الچ ويكدر خاطرج بحچاية
-منار: كدرت خاطري قاسَم اذتني بحچيهاا قهررررتني يسم كلامهة
-قاسم: چنت اگدر اسحلهة وامسح البيت بيها بس من ماتت امي قسمنا قسم مانمد أيدينا علىٰ أي مرة بعد الي عاشتة أمي كضتني هااي بس ماتوگف على الكتلة وربج اله اشيبهة من أرجع هية فتحت الباب على روحهة
-منار: قسم شنو ؟
-قاسم: من ماتت امي وأثر الكتل بعدة بجسمهة حلفنة أيدينا ماتنمد على أي مرة
-منار: يمةة سودة عليه قاسم ولا توقعت هيچي
قاسم: منار غرور اذا تطيح بأيدي لو بأيد عوف الله وكيلج تموت ماا نرحمهاا نرتكب بيها جريمة بدون مانفكرر
-منار: اووف من سمعت حچيهة اليوم عرفت شگد هي إنسانة بلا رحمة ونحيسة ويجي مَنها الأكثر والأبشع
-قاسم: تروحلج فدوه لا تفكرين بيهة ختولي السعلوة بعرور منو معبرهة حتىٰ رجلهة اتزوج عليها
-منار: ابوك متزوج عليها ؟
-قاسم: هاي الثانية الاجت وياها الچنهة ترمز مال چاي
-منار: بعد كُل شيء سواه بيكم علمودها أتزوج عليها ؟
-قاسم: والله هو يمكن الحسنة الوحيدة المسويهة بحياتة هي هاي شعلها ششعل بوقتهة
-منار: شلون سكتت اله وقبلت ؟
-قاسم: زعلت ورجعت مثل الچلبة لأن إنذلت اخوانهة مكحتين وهية تريد فلوس وسفر ترضىٰ بكل شي لخاطرهن وين تروح چا
-منار: اييعع شخصيتهة تلعب النفس
-قاسم: خل تصير عندهة شخصية بالأول ولو هنة اثنينهن حياية وحدة تبخ سمها على الثانية
-منار: ههههههههه ثنينهن عافطات
-قاسم: شلون ضحكة تاخذ حيلي يابووويه
-منار: ليش لابس ملابسك العسكرية حتروح ؟
-قاسم: ماروح اذا ماترضين وتضحكين نمنمة أريدچ تصيرين سباعية وقوية لا تهتمين لحچي هاي وهذيج بس الأنسان العندة نقص يحچي علىٰ غيرة بعدين شمالج نمنمة واجرهة واكتلهة
-منار: چنت اتمنىٰ اضربهة بس أستحيت منكم اتصنمت بمُكاني
-قاسم: عمي انا اگلج كتليهة بمكااني وسحليهة سحلل همم لا تسكتين الها
-منار: على الجايات لعد
-قاسم: اروح فدوه للـ لعد
-منار: شگد حتبقىٰ ؟
-قاسم: أسبوع ولو بيدي ماا أروح واگابل هلوجه ليل ونهاارر واشم هلريحة افيشششش
-منار: اي لتروح لعد
-قاسم: خررررب ابووي مو مايصير
-منار: اممم
-قاسم: هسة رضيتي ؟ راحت الزعلة بعد
-منار: ماچنت زعلانك عليك اني چنت زعلانة من الكلام الي سمعتة أتأثرت منه
-قاسم: شبيچ والله مو كفو وما تتجرأ تعيدة بعد هي تدري بينة ماخذين قسم لذلك تجرأت ووصلت لهذا البيت بس بعد الشافتة والسمعتة بنت ابوها اذا وصلت ماتطلع صاحية وربچ
-منار: لتهتم إلها ماا أريدك تسوي شيء غلط بسببهة
-قاسم: نعرفهة ونعرف شتريد هي تريد الغلطة من عندنا بس ماتگدر وربچ
-منار: لعد ختولي متسوىٰ
-قاسم: يله مادام رضيتي انطيني بوسة صلح وخل أتوكل
-منار: بوسة صلح شنو ؟
-قاسم: مو تصالحنة
-منار: مو گلت الك ماچنت زعلانة منك ؟
-قاسم: لا چنتي زعلانة وتصالحنة نطيني بوسة هسة وعوفي هلسوالف
-منار: يعني تريد تسوينة متزاعلين گووة !!
-قاسم: وعلي توة تطردين بيه وتتغنجين عليه تگليلي قاسوووووم رووح نسيتي ؟؟
-منار: لا ماكو هيچي شيء
-قاسم: يعني بسرعة اختلفتي بس رضيتي اختلفتي عليه !!
-منار: هههههههه اشتعلت غرور
-قاسم: وعلي انه الي اشتعلت
-منار: هسة شتريد ؟
-قاسم: بوسة
-منار: ميصير للعرس
-قاسم: وعلي ماحصل شيء ادري بروحي انطيني بوسة هسة انه ماا اگدر أطلع واگف عليها
-منار: بس من الخد
-قاسم: هسة اليسمعج يگول كل من الشفايف شو هي كله من الخد وانا أشوف وأتحسر واگول بگلبي الك الله يقاسم يامظلووم
ردت وهية تتغنج عليه گالت أله
-منار: اي هيچي يله لعد موافقة اذا من الخد ميخالف
أتقدم باسها بخدها بقوة بحيث شفط خدهة شفط الصوت وصلني
-قاسم: نمنمة غير احبنچ واحب عطرج
-منار: ههههه تحب عطري ؟
-قاسم: اموت اطيح اذوب بيه والزهرة چنج فرخة جاهل بيه
-منار: فرخة جاهل شنو يگولون طفل طفل صغيروني
-قاسم: بعد گلبي مو انا مو بغدادي حتى اكول طفل صغيروني جنوبي اميلح شوفيني ويني وين الصغيروني بوية فررررخ جاااهل
-منار: ههههههههههه تنگرط قاسم
-قاسم: بوياي انتِ التنگرطين وعلي ماتنطيني بعد حبة ؟
لفيت روحي بالفرشة ودرت وجهي منين طلعولي هذول بله راح تصير صلاة وهمة گاعدين يسوون رومانسيات يم راسسيي
شوية وسمعت صوت طگة الباب سويت فتحة صغيرونة من الفرشة شفتة ماموجود بـس منار تتگلب بفراشهة وخرت الفرشة ونهضت ألتفت على صوت منار من گالت
-منار: جُمان
-ها
-يمتىٰ گعدتي ؟
-احم ، هسة گعدت أريد أصلي
-ها اي زين لعد جاية اني هم
فتت للحمام توضيت وطلعت صليت ودعيت وهاي الفترة صايرة بعد كُل صلاة فجر أصليها أقرأ دُعاء العهد واسبح تسبيح الزهراء وأهدي لصاحب العصر والزمان أحس براحة وأمان من أسويهن ...
(انا هم مجربتهم لقضاء الحاجة خصوصاً الفجر سُبحان الله جربوها 💚)
رجعت لفراشي وبـَس حطيت راسي غفيت مافزيت بعد .
*****
گعدت وگعدت خالة امل وجُمان بعدهي نايمة باوعت للساعة أول تالي ؟ جُمان تبقىٰ نايمة لهلوقت كُل مرة هي الي تفز قبل الكُل وتگعدنة
ماگعدتهة أخذت خالة امل غسلت الها وطلعنة بالصالة چانوا گاعدات
-منار: صباح الخير
-جميلة: صباح النور ياهلا
اخذت خالة أمل قربت كُرسيهة يم بيبي جميلة گالت رغد
-رغد: يله چا قبل لا تصيرين عروس تعالي نفوت للمطبخ نسوي ريوگ منتظرينكم
-جميلة: چا جُمانة وين ؟
-امل: نايمة
حتى بيبي جميلة انصدمت بالبداية بعدين گالت
-جميلة: نوم العوافي خليها
رحت وي رغد فتت للمطبخ طلعنا الاجبان والبيض والتوست والخبز گعدت على الطاولة دافتح بالاجبان وصفنت مشت عيوني علىٰ المُكان كُله ألتفت لرغد من گالت
-رغد: أحس بيج مستحية حتى حجي ماتحچين
-منار: ههههه لا بالعكس داحاول أتأقلم واتعود
-رغد: عفية لأن بعد يومين تصيرين انتِ صاحبة هذا البيت
-منار: رغد سؤال ؟
جاوبتني وهي دتكسر بالبيض
-رغد: جواب عيونيي
-منار: الطابق الفوگ گلتي لعوف والأرضي لقاسم
-رغد: اي حبي
-منار: احم يعني مداعرف شلون اگولها
-رغد: دفوتي بالموضوع بعد شيبي هية مال مستحىٰ
-منار: هههههه لا دادة شو داحس عيب احچيها
-رغد: العيب بالجيب شنهية السالفة گولي وماگول لأحد بيناتنة
-منار: يعني حتىٰ من نتزوج حيبقىٰ عوف يفوت منا ؟
ضحكت وگالت بطريقة لطيفة عرفتهة اتفهمتني ..
-رغد: لا انتِ ماصاعدة فوگ طابق عوف اله باب خارجي ودرج خارجي مثلة مثل دخولية هذا البيت وأغلب الأحيان يكون موجود بس متعرفون بيه لأن ميفوت منا
-منار: أول مرة أعرف لعد ليش من يجي يضرب الجرس حتى يفوت هنا ؟
-رغد: هاي يجي منا من يريد يشوفنة فـ يجي من هذا الباب ويدُگ الجرس حتى نعرف لأن مينزل من بيتة على هذا البيت گبل
-منار: شگد محترررم لعد
-رغد: اي شوفي هو صح أخواني فالتين علىٰ گولة جُمان بس الصح صح والغلط غلط عندهم ميتلافون هذا الشيء وعندهم صفات حلوة هواي
-منار: صحيح
-رغد: اي حبي فـَ لتشيلين هم لهلموضوع لأن حتى احنة نتكسح بعد ما تتزوجون
-منار: شنو وين ترحون ؟
-رغد: نرجع لبيتنا حُبي ماا اعوف غرور تسرح وتمرح لوحدهة أحب اصيرلهة عظم بالبلعوم بيني وبينج من ما اتعارك أحس وضعي مو تمام
-منار: هههههههه تحبين تعاركين ؟
-رغد: ماچنت هيچ أشو هسة من رجعت لشغلي صايرة أيدي والضربة ولساني والعيطة الكلمة ارجعهة بعشرة ماا أسكت عن الي يحتك بيه يبووو ادوووفة دوووف
-منار: أحسن على الاقل تبردين گلبج ماتگولين حرامات لو مسوية هيچ وهيچ
-رغد: لا مو بقاموسي السكوت بعد الي يحتك بيه اللوص علىٰ عيشتة واصخمها
-منار: ههههههههههه تخوووفين
-رغد: ديري بالچ يا مرت أخوي خاف تفكرين تصيرين مسمومة گدامج مُحامية لسانهة هلطوووول
-منار: اني هم لتستخفين بقُدراتي ترىٰ لساني يخوط أذاني بس هلفترة تعبت ومالي حمل مشاكل كفيت عنهن
-رغد: ها حلو يعني انتِ هم چنتي مشكلجية ؟
-منار: لا اني مو مشكلجية بس الي يتقرب يمي خطية امة داعية عليه وعلىٰ سبيل المثال قاسم اول معرفتة اكلتة وشربتة حتى صار يدعي على روحة
-رغد: لغم انتِ وطگيتي علىٰ أخوي
-منار: ههههههه وخصوصاً بالجامعة محد يوصل يمي لأن ماا انطي عين لأحد لا بنات ولا ولد أبد
-رغد: تدرين أحسن ؟ حتى تتكفين المشاكل ودوخة الراس وتخلصين دراستج وانتِ مرتاحة لا قيل ولا قال ولا لعبان نفس
-منار: مو يگولون قلل ناسك يرتاح راسك
-رغد: بكل زمان ومكان هذا المثل لازم يتطبق
-منار: شلونةة شغلج انتِ ؟
-رغد: اااه تعببب تعببب ودوخةة بس يبقىٰ أحلىٰ شيء عندي هو
-منار: الله يوفقج يارب
-رغد: يوم الالج تكمليين دراستج وتتوظفين يارب
-منار: هههه امييين يارب بس تتوقعين مراح يصير أخوج حقنة وياية ؟
-رغد: بشنو ؟
-منار: بموضوع الدراسة والشغل ؟
-رغد: لاا بالعكس مو گتلج متعرفين أخواني عوف وقاسم ماعندهم هيچ انا محد شجعني وخلاني أرجع لشغلي وأقوي روحي غيرهم چانوا دائماً يشجعوني علىٰ الدراسة لحد ماتخرجت ومن تخرجت صارو يشجعوني علىٰ الشغل
-منار: حلو حبيييت
-رغد: اي دائماً عوف يگول الي يتعب بدراستة ويكمل يستاهل يكمل مسيرتة حرام أحد يمنعة ويضيع تعبة لازم بالنهاية يشوف نتيجة تعبة كل هلسنين
-منار: متوقعتهم هيچ بس تفكيرة عجبني !!
-رغد: عادي من تعاشرينهم تتعرفين عليهم هسة انتِ سطحية بعدين تفوتين بغمج المعرفة
-منار: كون ميصدمني أخوج
-رغد: لاتفكرين ماكو مثل قاااسم اخوووي علمم وربجج
ضحكنة وحضرنا كُل شيء اتريگنا وخلصنة وسولفنة هواية ومرت ساعات وجُمان ماگعدت متحملت رحت الها شغلت الاضوية فتحت البردات شغلت التلفزيون عليت صوتة
متحركت من مُكانهة نفخت ورحت شلت الفرشة عنها ماكو لا حركة لا حس لا نفس أستغربت مديت أيدي على وجهة ناااااار ناار حرارتة تچوي كف الأيد
انخرعت وخفت موووت احچي وياها مترد ماكو فاقدة الوعي طلعت اركضض دخلت عليهم واني اللهث اخترعوا من شافوني طفرت رغد قبل الكُل واني أريد احچي ماگدر بس اللهث
-رغد: مناااااررر شبييييج ليشش هيج وضعجج احچي اخوووي بيه شيء قاسم بيه شيييي
هزيت راسي وگلت بصوووت
-منار: جُمااان جُمااان ماا أعرف شبيهة لا أيد ولا رجل تحرررك فااااقدة الوووعي
-امل: يمممممممة بنتيييي
عبرتني رغد وهي تركض للغُرفة وخالة امل اتخبلت بس تعيط وتصيح بنتي شبيهة ، رجعت أمشي بسُرعة دخلت للغرفة لگيت رغد حاطتهة بحضنهة وتذب على وجهة مي وتحچي وياها
-منار: ميفييد متگعدد متگعدد رغدد
-رغد: شبيهااا بس گليلي البارحة مابيهة شيء اتمرررضت لو شنوو
-منار: ماا أعرف الفجر شفتهة اني گعدنة صلينة چان كُل شيء مابيهة صلت ونامت
رفعت أيدهة وگعت منهة بچيت بقهررر من شفت وضعيتهة هيچ ووجهة شاااحب خفت ورجفت نفس الشيء انعاد عليه موقف خالة أمل
*******
-مُصطفىٰ: صدگ بيها لويصة هاي السالفة
-عوف: ولكك سووودنتني سووودنتني
-مصطفىٰ: شلوون
-عوف: عنييدة ماتاخذ الحچي راسهة يابس ولك اگلهة لا تطلعين مُكانات بعيدة لا تطلعين بأوقات غلط لا ترحين هنا وهنا لا تفترين وحدج وكله تگلي اي
-مصطفىٰ: وشتسوي نوب
-عوف: شتحچي تسوي عكسة وماتنكض ولك مرة لگيتهة بشارع الـ**** تگلي أدور علاج لأمي هنا علاجهة بله هاي تنكض بشرفك
-مصطفىٰ: ههههههههه نچرة ولك هاي بس لا تلومهة تريد تعتمد علىٰ روحهة محد الهم ترىٰ وماتبقىٰ بكل شيء تحتاجة تجي تگلك حسب الي حچيتة انتَ نفسهة عزيزة البنية مستحييل تجي تطلب منك
-عوف: أعرفها ولك أعرف عزة نفسهة ونفسيتهة شنو بس خايف عليها ماتنتبه جُمان عندهة فطرة تشوف الناس كلها گلبها أبيض وزينة شگد مرت بمواقف ماجاي تتغير نفسها
-مصطفىٰ: عوف لا تستعجل بشررررفك توك ترقيت وصرت رائد لا تستعجل بسبب شكوك براسك كون أكو بأيدك دليل
-عوف: مو شكوك متأكد مية بالمية مثل ماشايفك بعيني ومتأكد منك هيچ تأكيدي عليه وراح اجيب الدليل
-مصطفىٰ: يعني متأكد حامد ورة السالفة هاي
-عوف: ما متأكد حامد بالضبط بس متأكد جاي يفترون حولهة لأن عرفوها تخصني من أتردد عليهم وافوت الهم وهنا الموضوع يرجع الي
-مصطفىٰ: يعني بهاي الحالة متابعينك ومتابعين تحركاتك من تفوت الهم وتطلع منهم وتتواصل وياهم
-عوف: بالضبط
-مصطفىٰ: معقولة نفس الي دز الك تهديد ؟
-عوف: ما أستبعد جائز ، بس متأكد واحد منهم وأدري السالفة مو لله ومو صدفة مصطفىٰ
-مصطفىٰ: النثاية ويتصيدون لمرة !
-عوف: يريدون يلوون ذراعي بيها يردون يأذوني بجُمان
-مصطفىٰ: لا تخليهم يرجعون لبغداد بس أحتمال چبير يدرون بيهة موجودة ببيتك وعندك وهنا يزيد تأكدهم وحتىٰ لو چانت عندهم شكوك قليلة أنُ تهمك وتخصك فـ أنتهت
-عوف: ماعندهم شكوك متأكدين وأنا متاكد من رايح لبيتهم وشايفهم ماموجودين خابرهة ومن خابرهة محددين موقعهة وهي ببيتي يعني يدرون
-مصطفىٰ: لا يا ابن الكلب يريد يكضك من أيدك التوجعك ويحط شبكتة علىٰ مرة بس حتىٰ تسكت عنهم خرة بشاررربة
-عوف: أبن الحرام كل شيء يطلع منه بس هين هين وداعتك الي ورة هاي السالفة هو الي لعب بالنار
-مصطفىٰ: اذا حامد وهذا أحتمال چبير كلش لأن اي هاي سوالفة فـ لك هذا أنحصر خصوصاً من صار كل شيء بأيدك عليه مو مثل كل مرة سوالفة تطمطم ويسد حلوگ بچم فلس ويمشي بفسادة أحتار شلون يكضك
-عوف: يخسى يكضني ولك والله لو يمشي السيف علىٰ رگبتي هم أقدم ملفاتة كلهن وأقدم رگبتي علىٰ الحگ
-مصطفىٰ: خايف عليك وعلي أدري بيك گدها بس التهديد الي وصل الك مو سهل وماندري منين لا تنسىٰ عوف انت مو واحد ولا ثنين جواك مو بس حامد عندك هواي وكلهم جاي يتصيدون الك كلهم مافيات وعصابات دمروا الالاف !
-عوف: وانا الها
-مصطفىٰ: شوف بعد اخوك انا اگول هاي الفترة سافر أطلع لحد ما يهدأ الوضع رحمة لوالديك لا تهبطنا عليك ماا أريد اخسرك لخاطر ربك
-عوف: لك مصطفىٰ هاي عود أنتَ وهيچ تحچي
-مصطفىٰ: وعلي خايف عليك من توصل السالفة يمك أصير مطي وأفكر بيك لأن انا ادري كلها تتصيد الك لا تلومني عوف هواي خسرنة هواي أصدقاء راحوا من أيدينا
-عوف: شبيك بووخة اليهدد مابيه خير البي خير وزود يطبق ويفعل مو يدز تهديدات
-مصطفىٰ: باع انا ادري الدنيا شگد طيحت حظك بس بقيت قوي وما استسلمت رغم سلگتك سلگ وشعلت شيب الخلفوك بس چنت گدها
-عوف: رحم الله والديك هذا مدح ذم ؟
-مصطفىٰ: لا تستهزأ لا تنسى مؤيد شلون أستشهد مثلك وما أهتم ونفس حچيك هذا حچاه بالأخير اتصيدوا أله ولد الحرام
-عوف: لأن مخانيث مابيهم خير
-مصطفىٰ: أدري مخانيث وطليان بس هذول فسادهم وخياسهم كله يمك انت المسؤول عنهم محد يتركك
طفىٰ جگارتة وأبتسم بشر وگال
-عوف: والله كل خنيث بيهم أعلىٰ مابخيلة يركبة ولو توصل للركب السالفة والبيها كفيلك داحي الباب ماا أخاف ومايهزون شعرة مني وانا رايدها شر
-مصطفىٰ: انت من راسك لرجليك شر وعالوا بيك
-عوف: خل يتحملونهة
سحب الفلاش حطة بجيبة وكور الاوراق ونهضض
-مصطفىٰ: شني بعد اخوك وين ناويها ؟
-عوف: اطلع نور الدين من فطر الگاع وماا اخلي دين براسة
-مصطفىٰ: انعل ابووووو نور الدين المثلة يعرف دين
-عوف: أشتعلوا أهله بس هذا طلي جوة أيديهم يچم فلس يسرحونة بس هو سرح للشخص الغلط
-مصطفىٰ: بووية ماال واحد يحصرة بالصوووندة هلفررريخ الدجاج هذا
-عوف: ويفوخ گلبي بيه ابن الزفرة
-مصطفىٰ: هسة هاي علمود حامد لو لأن وصل لخطك الأحمر؟
طگني بنظرة هيج بطرف عينة وگال
-عوف: مو انا محد يوصل لخطي الأحمر
-مصطفىٰ: واليوصل ؟
-عوف: اليوصل اشيلة شيييل هوة واليطلع وراه
-مصطفىٰ: رجفتني كبدووش
-عوف: تغطي حياتي
-مصطفىٰ: لاا اشتعل ابوووك
-عوف: انجب لك
-مصطفىٰ: ليش حبييي
-عوف: انا اشعلة اي غيري لا
-مصطفىٰ: رحم الله من شعل أدم ابن
بعدني مامكملهة وشمر عليه كور سبانة چانت يمه على الميز چنت اشتغل بيها ونسيتهة
-مصطفى: اخ خرب يووومك
-عوف: انعل ابهاااتكم چلاب مسوين أدم حديث
-مصطفىٰ: لك ليشش ضلعييي على الاقل واحد يذكرة بالخير
-عوف: ياخير انعل ابووك لابو الجاااابك
-مصطفىٰ: يااابة أقدم اعتذاري لأدم بعد ماا اشعلة
طلع وصل للباب سلمت عليه جعصتة جعصص احبة وعلييي روحي عوف اخوي وسندي وظهري هوة محد يعرفة مثلي نچر ومايخاف وانا اخاف عليه اليشوفنا يگول جهال هذول ماچنهم كل واحد شكبرة شگدة رتبتة على چتفة وبوكت الحگ يتنخون بينا بس أخوي وعزوتي وأدري محد يريد اله الخير خصوصاً من أترقىٰ وصار بهاي المكانة هاي بسبب جهدة بالشغل ونزاهتة
-مصطفىٰ: لكك بداعة نعاااالها للوالدة السالگتني بيه سسلگ بشرفك دير بالك علىٰ روووحك وعلي أريد اجي وياك بس باچر اللتحق شلووون سااالفة
-عوف: ادري شبييك سوووادين براسك يالدثوو الله يطيح حظك بس ميييل عن رگبتي شمالك جاموسة ولافة روحهة عليه
-مصطفىٰ: أسف ضلعع بس عطرك طيب يخلي الواحد يحضنك ومايشبععع ماگتلي شسمة هذا العطر
-عوف: مايفيدك انت العفونية حلوة عليك مومال عطور غالية
-مصطفىٰ: عليك الزهرة عود صدگ وعلي عطووري كلها قوية وغالية تضحك علييه انت
-عوف: اتشاقة وياك ضلعييي
-مصطفىٰ: والله ريحت گلبي هسة
-عوف: بس تبقى ريحتك معفنة
-مصطفىٰ: لككك عووووف
-عوف: ههههههههه بعد روحي يله استودعناك
-مصطفىٰ: بس علىٰ كيفك وية الولد موو تاخذك الغيرة وتجيبة مكسررر لأن يخابر بالچبدبد بالفجريات
-عوف: راح اجيبلك وياي سفري من لحم المرحوم
-مصطفىٰ: دخييييلككك ربببيييي
-عوف: دفووت بزززعتنيي شگد تسووولف
-مصطفىٰ: بحبك وبغاار اه ويلي من الغيررة شعلتي النار
ألتفت عليه فشرر فشاير ماينلبس عليها ثوب ضحكت بعلو صوتي وسديت الباب اتسودن عليها وعلي شني عود هو هذا الحب هيچ يسوي بالوادم
*****
بقينة نلوووب نلوووب اني ورغد گاعدين مقبل يفوتنة الدكتور گالوا انتظروا بررة راحت روحي وخالة امل كُل شوية تتصل ملهوفة وتبچي عليها
واحنة منعرف شبيهة شجاهة شنوو السبب برودة لو شنو صابتهة متت من الانتظار الدقيقة صاررت عندي سااعة
أتصل تلفوني وچان قاسم المتصل جاوبتة اجاني صووتة
-قاسم: نمنمة ام الحدود ووينج أتصل بيچ ماكو شجاج لا انتِ لا رغد وينكم؟
جاوبتة بصوت هززيل ضعيف بالگوة الكلمة تطلع مني ..
-منار: احنَة بالمستشفىٰ ورغد ماجايبة تلفونهة وياهة ناسيتة لأن طلعنة مستعجلين
رد بخوف وفززع عليه وگال
-قاسم: شنوو نمنمة يا مستشفىٰ ياااهووو طايح عندكم شتحجيين انتِ
عبالك چنت منتظرة فرصة بس حتىٰ ابچي بيهة بچيت ورديت بصوت متقطع
-منار: جُمان قاسم منعرف شبيهة نگعد بيهة متگعد لگيتهة بفراشهة وفاقدة وعيهة وهسة ديشوفون وضعهة شنوو
-قاسم: عووود صدگ شبيهة شجاااااهاااا !!
-منار: منعرف أبد
-قاسم: لا تبچين فدوه اروح لدموعج مابيهة شيء ان شاء الله بعد حيلي عوف وين ماهو يمكم !؟
-منار: محد يعرف بس احنة وطلعنة نركض بيهة للمستشفىٰ
-قاسم: منو جابكم منارررر ؟؟
-منار: الحارس جابنة
-قاسم: لا تفترن منا منا ابقن بمُكانچن هسَة اخابرهم انطيهم خبر شلون تطلعن ومحد يدري بيچن
-منار: الحجية تعرف لعد نعوفهة تموووت منعرف شبيهة ومشفت حالتهة شلووون قاااسم تخوووف تخوووف
-قاسم: دخييييل الله شبيهاا البنيية من ورة خوفج انا هم خفتت وربچ بالگوة گاعد بمُكانيي لو بيدي يمچ هسسة
-منار: خاايفة قااسم خاايفة
-قاسم: نمنمة گولي يا الله صلي على محمد واقري الفاتحة لأم البنين
-منار: هسسسسسة راحح أقرأها
-قاسم: يله نمنمة شوية وأرجع اخابرج راح اخابر عوف هسة
گالها وقبل مايسد الخط رجع يوصيني لا تتحركن لا تطلعن لا تروحن ، شنو هاي العائلة الي كل حركاتهة محسوبة نهضما اثنينة ووحدة تباوع للثانية بخوف من طلع الدكتور
وچان وجهة مشحوب لونة وگف گبالنة وبأيدة التحاليل رمقنة بنظرة تخوف غريبة وگال .....
للحكاية خفايا ...
يتبعع ....
شنوو توقعاتكم ؟
حسابي بالانستا
rita.almuktar