#ملحمة
#مملكة_الطوبجي
#اميره_اسامه
#صاحبه_البطل_الواحد
البارت الثامن والاربعين..
.................
سندت روح راسها علي الأزاز بوجع مش قادره تتخيل ان راجح نايم النومه دي قدامها ولا قادره تتخيل ان هي ممكن تكون السبب في الحاله اللي هو وصلها دي زعلانه منه أوي🥺 لكن زعلانه عليه اكتر💔 و مرعوبه يروح من بين أيديهم
قري منها مراد حط أيده علي كتفها.
بصتله روح بوجع...مش عيزاه يروح مننا يا مراد هموت من غيره والله.
بصلها مراد بوجع وضم راسها لصدره فضلت روح تعيط بقهر.
مراد....هيقوم يا روح هيقوم عشانك و عشاننا كلنا راجح قدها .
روح..يارب يارب يامراد قلبي وجعني انا السبب في كل ده بس غصب عني.
مراد...مش وقته يا روح الكلام ده
قرب منهم داوود بحزن و طبطب علي كتف روح.
داوود....أنتي ملكيش ذنب يا روح ولا انتي ولا زيد انا اللي وقفت لأول مره قدام راجح ونسيت خالص انه ابويا مش بس اخويا الكبير💔
مراد....لا انت ولا هي ولا حتي زيد راجح اتواجهه بالحقيقه مش اكتر عشان كده مستحملش بس انا واثق انه هيقوم منها وكل حاجه حصلت غلط زمان هتتصلح.
روح....الدكتور بيقول ذبحه يا مراد 🥺
مراد...يا حبيبتي متخافيش الدكاتره بيعملوا كل اللي في ايدهم وقالوا اطمنوا اجمدوا يا جماعه الله يخليكم انا مش قادر اقف علي رجلي.
جه سالم وقاسم من بعيد كانوا بيخلصوا إجراءات الحجز وفلوس المستشفي.
سالم.....ايه الاخبار؟
داوود....زي ماهي مفيش جديد.
قاسم....موبايل زيد مقفول بردوا مش عارفين نوصله و مصطفي الجارد بتاعه كلمني قاللي انه وقف في وسط الطريق فضل يزعق جامد وخلاهم مشيوا.
مراد....هيكون راح فين ده؟
سالم...انا بعت ياسين الڤيلا بتاعته يمكن راح هناك.
روح....بوجع ياتري انت فين يا زيد هاتلي ابني يا قاسم دوروا عليه في كل مكان انا مش حمل خبر يقسم قلبي اكتر من كده.
سالم....اهدي يا روح متخافيش يا حبيبتي هو اكيد محتاج يقعد لوحده مش اكتر بس هنجيبه اكيد.
داوود....بقولك ايه يا سالم نبه علي اخواتك محدش يجيب سيره باللي حصل قدام البنات وانت يا قاسم متقولش حاجه لزهره انت عارف ان صبا متعرفش حاجه اصلا عن موضوع الجواز ده
قاسم...اكيد يا داوود اطمن.
مراد...انا من رأيي حد ياخدهم يرجعهم عشان فيروز وزهره كمان الأتنين حوامل مش هيقدروا يطولوا هنا.
قاسم....محدش فيهم راضي يمشي شويه كده و همشيهم.
يوسف قرب منهم هو وجلال.
يوسف....زيد موبايله مقفول بردوا وياسين قال انه مش في الڤيلا وراجع علي هنا.
جلال...بحزن وباين علي عينه الحمراء انه كان منهار 🥺 بقول ايه اكلم منذر بيتهيألي ممكن يكون راحله او ممكن يعرف هو راح فين.
داوود....ايوه صح كلمه بسرعه اكيد منذر عارف بيروح فين.
نادر....استني انا هكلمه.
حط نادر الموبايل علي ودنه واستني الرد.
منذر...الووو ايوه يا نادر.
نادر....ازيك يا منذر.
منذر...بخير مالك في حاجه ولا ايه.
نادر....اه يا منذر بس قولي زيد عندك
منذر...لا مش عندي لنا لسه واصل حالاً الڤيلا ومش موجود حصل ايه؟
نادر....حصل حوار كده كبير وزيد وبابا صدموا في بعض جامد وبعدين زيد خرج وهو مش شايف قدامه وبابا وقع من طوله جبناه علي المستشفي وعنده ذبحه.
منذر...ايه😳 انت بتقول ايه؟
نادر....منذر لو تعرف زيد ممكن يكون فين ساعدنا هو قافل الموبايل ومش في الڤيلا بتاعته ومش عارفين نوصله خالص وهو لازم يعرف علي الاقل لو بابا فاق و شافه هيطمن💔
منذر...طيب طيب أقفل يا نادر وانا هجيبه من تحت الارض قولي انتوا في انهي مستشفي طيب.
نادر...احنا في دار الفؤاد يا منذر.
منذر...طيب تمام يا نادر أطمن هجيبه وهاجي علي طول.
نادر...ماشي يا حبيبي طمني لو لقيته ها.
منذر...وهو بيقفل الباب تاني بسرعه حاضر حاضر يلا سلام.
مراد....قالك ايه؟
نادر....قاللي انه هو هيلاقيه و يجيبه.
.....................
من اول ما خرج زيد من القصر وهو مش شايف قدامه واصل لقمه الوجع والقهر اول مره في حياته يقف قدام أبوه ويقوله انت ظالم 💔
مش عارف قال كل الكلام ده ازاي ولا عارف ازاي قاله انه مش مسامحه بس صدمته في كلام راجح كانت اقوي من اي تفكير في الكلام وقتها شريط مر قدام عينه لأول مره راحله زيد وقاله انه بيحب صبا شاف في اللحظات اللي كان ساكت فيها صبا وهي بتتخطب لأيمن شافها وهي ماسكه في ايده ولابسه فستان ابيض وايمن هو اللي جمبها افتكر اول ليهم بعد الجواز
افتكر المره اللي سافروا فيها بعد الجواز كان وقتها زيد ديماً قاعد في الڤيلا ولما ايمن اتصل بيه عشان ياخد ادوات الصيد قاله انه مش موجود وقاله روح خدها وبسرعه خرج زيد من الڤيلا مكانش قادر يشوفهم مع بعض كان بيتهرب من اي تجمع ليهم مع بعض كان بيتعمد ميشوفهاش عشان ميضعفش.
افتكر المره اللي مقدرش يستني فيها مع مراد في السفر ورجع مخصوص بدري بحجه ان الشغل خلص عشان يحضر عيد ميلادها💔
كان بيحاول يبعد علي قد ما يقدر وفي نفس الوقت كان بيضعف ويروح برجله عشان بس يلمح عينها🥺
كان بيسوق بسرعه رهيبه دموعه مش بتقف لاول مره يطلق صراحها بالشكل ده من غير ما يتحكم فيها كأنه مخزن كل الدموع وكل الوجع لدرجه انه اوقات كان بيحس بخنقه رهيبه كأنه بيطلع في الروح ومحدش حاسس بيه
اتمني كتير صبا تكون بتاعته ولما جات الفرصه رفض وقال لأ💔
حس انه لو قال موافق يبقي بيقضي علي قلبه من غير رحمه🥺
وصل زيد علي العوامه مكانش فيها حد وچورچ كان نايم في المكان الخاص بتاعه راح وقف قدام النيل نفسه يصرخ نفسه يطلع الوجع اللي جواه عشان يرتاح بس مكانش عارف💔
نزلت دموعه بوجع وهو بيفتكر صوت صريخ صبا اللي بيرن في ودنه بص علي المايه كأنها انعكاس للمشهد شايف صبا بتصرخ وايمن بيضربها شايفها وهي بين ايده وبتفتح عينها بصعوبه وبتقوله متسبنيش 💔
أفتكر كل حلم جميل حلمه وكل كابوس بشع صحاه من عز نومه وهو بينادي عليها🥺
افتكر الأيام اللي عدت عليه من بعد جوازها ايام بشعه تقيله مكلنتش بتعظي بسهوله علي قلبه ومحدش دريان باللي بيحصله💔
فاق زيد علي صوت منذر.
منذر....كنت متأكد اني هلاقيك هنا.
بصله زيد ولاول مره يشوفه منذر في الحاله دي و يشوف دموعه باين علي عينه.
منذر...بوجع لو اختفيت عن الدنيا بحالها يا صاحبي مش هتقدر تختفي عني❣️
زيد....قلبي بيتقطع يا منذر💔🥺
منذر...بوجع سلامه قلبك يا حبيبي.
زيد...انا ليه بيحصل فيا كده ليه ديماً بشيل شيله مش بتاعتي ليه ديماً بعمل حساب لوجع الكل ومحدش بيعمل حساب لوجعي💔 ليه انا اللي بتحمل وجعي ووجع غيري قولي يا منذر و متخبيش عليا انا عملت ايه وحش في حياتي عشان احاسب عليه
اللي اعرفه اني لو عامل ذنب كبير ربنا مش هياخد روحي غير وانا محاسب علي كل ذنوبي طول الطريق بحاول افتكر ايه الذنب اللي عملته وبيتردلي الوقت انا عمري ما غضبت ربنا ولا ابويا ولا روح كنت سند وضهر لاخواتي وكل الناس اللي حواليا عمري ما جيت علي موظف في الشركه ولا عمري افتريت علي حد غلبان عمري ما جيت علي حد اتأذي حتي لو من اقرب الناس ليا اللي هما اخواتي بقف في وشهم وبجيب للغريب حقه من عينهم💔
ليه يا منذر بيحصل فيا كده ليه قلبي يحصل في كده ليه اتحرم من الحب اللي اتمنيته ليه هاااا رد عليااااااااا
منذر...بوجع اهدي يا زيد عشان خاطري.
زيد....بصدمه و توهان اهدي ايه طب ازاي اهدي قولي وانا ههدي والله.
ابويا لتاني مره يا منذر بيحطني في نفس الموقف من غير رحمه🥺
زيد طيب يبقي اقسي عليه هيتحمل زيد مبيعترضش زود عليه العيار زيد لايمكن يقف قدامك زود عليه اكتر زيد مش هيخرج عن طوعك زود عليه زيد بيتحمل الوجع اوجع فيه اكتررررر
زيد سكت اول مره لما حبيبته أتاخدت منه لا ازاي نجيبه تاني مره و بدل ما هو كان في خانه الاختيار مع واحد لا المرادي نحطه مع اتنين تانين🥺
بس أنا تعبت تعبت اوي قلبي مينفعش يكون في خانه الاحتياطي يا منذر 💔
منذر....بحزن بصله صبا ليك انت يا زيد مش لحد تاني💔
بصله زيد بصدمه 💔🥺
منذر...بأبتسامه بسيطه ايه كنت فاكرني مش عارف مين هي حبيبتك يا صاحبي انا مرايتك يا زيد اللي بشوف فيها اللي لسانك مش قادر ينطقه🥺
زيد....بوجع بس انا مخنتهوش يا منذر والله العظيم ما خونت ايمن انا حبيتها قبله حبيتها من وهي لسه عيله صغيره وبتكبر قدامي حاولت اشيل حبها من قلبي عشان لما عيني تيجي في عينها وهي متجوزه اخويا مبقاش بخونه بس معرفتش معرفتش غصب عني💔
منذر.....عارف يا زيد انك مخونتش وعارف انه غصب عنك انت مش محتاج تبررلي يا صاحبي انا عارفك اكتر من نفسي وبشوف فيك نفسي
زيد....ابويا وجعني اوي يا منذر وقفت قدامه لاول مره ومش عارف ازاي عملتها وازاي قولتله قدام الكل انت ظالم 🥺💔 قولتله مش مسامحك بس كلن غصب عني والله
منذر...بوجع طيب اهدي يا زيد ارجوك انا بستقوي بيك يا اخويا مش عايز اشوفك كده كل حاجه هتتحل خليني في اللي جايلك عشانه ده اهم الوقت.
بصله زيد باستفهام؟
منذر....زيد أبوك تعب بعد اللي حصل بينكم.
بصله زيد بصدمه😳
منذر...نادر كلمني وقاللي انه في المستشفي ومش عارفين يوصلولك
زيد....انت بتقول ايه؟💔 وهما فين الوقت
منذر...في دار الفؤاد
مستناش زيد منذر يكمل كلامه وجري بسرعه ومنذر وراه
ركب زيد عربيته وطار ومنذر وراه طول الطريق مرعوب من السرعه اللي زيد بيسوق بيها لحد ما اخيراً خد نفسه ووصله.
نزل زيد جري ووراه منذر سألوا في الاستقبال عن مكانه وطلعوا جري علي الدور اللي محجوز فيه
الكل كان واقف قدام الرعايه لمحوا زيد جاي بيجري هو ومنذر .
اول ما زيد شاف روح والبنات بيعيطوا اخواته الشباب باين لمعه الدموع في عينهم.
زيد...برعب حصل ايه ابويا جراله ايييييه💔
مراد....اهدي يا زيد كويس متقلقش تعالي شوفه من الازاز.
روح....راجح تعبان يا زيد جاتله ذبحه💔 انا خايفه عليه اوي🥺
زيد....بوجع انا السبب انا السبب قرب زيد من الازاز واول ما شاف الاجهزه والخراطيم خارجه من جسمه سند راسه علي الازاز بكسره💔
لو جرالك حاجه لا يمكن اسامح نفسي يا حبيبي قوم عشان خاطري قوم متعملش فيا كده🥺
حط داوود ايده علي كتفه هيقوم يا زيد متخافش ابوك جامد.
زيد...مكنتش اقصد يا داوود والله ماكنت اقصد مكنتش في وعيي صدقني💔
مراد...اجمد يا زيد أبوك زي الفل و أنسي اللي حصل خلاص كل حاجه هتتحل المهم هو يقوم بالسلامه.
فضلوا كلهم قاعدين زهره وليلي رافضين يسيبوا روح فيروز وجنه مش عايزين يروحوا غير لما يطمنوا علي ابوهم صبا تايهه حاسه ان في حاجه غريبه بتحصل وهي مش قادره تفهمها مرعوبه علي خالها وخايفه علي روح وعينها علي زيد اللي من اول ما وصل وهو ساند علي الأزاز وفي دنيا تانيه.
الوقت كان بيعدي و لسه مفيش اخبار بعد حوالي اربع ساعات فاق راجح وبقي يفتح عينه و يغمضها مش مستوعب هو فين ولا ايه اللي حصل كل اللي فاكره انه حس فجأه ان كل حاجه بتسود في وشه دخل الدكتور يطمن عليه حالته كانت مستقره
الدكتور....راجح باشا سامعني
هز راجح راسه بتعب.
الدكتور....طيب حاسس في حاجه بتوجعك.
هز راسه بهدوء بمعني لا.
الدكتور...بابتسامه حمدالله علي سلامتك.
رجع غمض عينه من تاني بتعب
وخرج الدكتور طمنهم عليه.
روح...بدموع ارجوك يا دكتور عايزه اطمن عليه والله ما هخليه يتكلم ومش هتعبه صدقتي بس عايزه اشوفه.
الدكتور....صدقيني هو حالته مستقره جداً وممكن كام ساعه كمان ويخرج من العنايه لأوضه عاديه.
روح...مش هتعبه والله صدقني ومش هتأخر كمان.
الدكتور.....خلاص ادخلي اطمني عليه بس بلاش تخليه يتكلم ارجوكي أحنا عدينا مرحله الخطر والحمد لله جات سليمه بس كمان الكلام كتير هيجهده.
روح....أطمن متقلقش مش هتعبه خالص.
الدكتور....خلاص اتفضلي.
مراد وداوود وقاسم راحوا مع الدكتور يطمنوا اكتر علي حاله راجح
ودخلت روح عند راجح فضلت دموعها تنزل اكتر وهي بتقرب منه
قعدت علي الكرسي اللي قدامه ومسكت ايده فضلت تبوسها راجح كان صاحي وحاسس بيها بس مش قادر يتكلم
فتح عينه بضعف وضغط ضغطه بسيطه علي كف ايدها❣️
رفعت روح راسها بسرعه وبصتله وهي بتبتسم من وسط دموعها.
روح...راجح🥺💔 انا اسفه يا حبيبي مكنتش أقصد والله أتعبك لو اعرف اني هكون جزء من تعبك مكنتش أتكلمت
معرفش ازاي قدرت اقولك كل ده بس كان غصب عني والله🥺
يمكن انا أتوجعت اوي عشان زيد بس اتوجعت اكتر لما حسيت ان بعد العمر ده كله ممكن تفكر اني افرق بين ولادنا
ابتسم راجح بتعب وهو ماسك ايدها.
روح....انا حتي عمري ما اتكلمت بيني وبينك وقولت ولادي وولاد حياه لو في حد فيهم هما الاربعه فاكر حياه شويه هيبقي قاسم ومش هيفتكرها اوي كمان🥺 لكن سالم وزيد ونادر مش فاكرين غيري ولا حسوا بحضن غير حضني انا
ازاي يا راجح قدرت توجعني كده🥺
ده لما بيغيب فيهم حد قلبي مبيهداش غير لما بشوفه قدامي انا كنت بموت في الثانيه الف مره وهو نادر في تركيا وقت الزلزال كنت بموت وزيد في الڤيلا ومش راضي يرجع انا حياتي كلها سخرتها ليك وليهم بشوف الدنيا كلها في عينكم انتوا 💔ازاي قدرت تفكر اني ممكن ازعل
دخل زيد في الوقت ده الاوضه من غير ما خد فيهم يحس بيه🥺
فضل واقف باصص علي ابوه ودموعه نازله وسايب روح براحتها محبس يقاطعها اكتفي بس انه يبقي واقف شايفه قدامه💔🥺
روح...انت عارف يا راجح هقولك علي حاجه يمكن اول مره مش بس اقولها لا كمان اول مره احسها بيني وبين نفسي انا عمري ما فرقت بين ولادي كلهم غاليين عندي اوي بس أكتر اتنين مبتحملش عليهم الوجع وقلبي ضعيف من ناحيتهم اوي 🥺
زيد ونادر نادر خد حته من قلبي انا اتجوزتك ونادر عنده شهر كنت باخده في حضني وعمري ما شكيت لحظه انه مش ابني كل لمسه من ايده وهو جوه حضني فكراها لحد الوقت🥺
اما زيد من زمان وديماً عيني عليه كاني براقبه من صغره وهو راجل بيتحمل المسؤوليه بيشيل فوق طاقته لدرجه اني اوقات بستغرب ازاي بني ادم يحاول يراضي كل اللي حواليه بكل الحب ده ديماً كنت شيفاه حزين وعلي قد ما بيتواجد في كل موقف الا اني كنت بحس انه في دنيا تانيه لوحده وديما حزين عارف ياراجح زيد اكتر حد في ولادنا واخد مني كتير 🥺
حتي حكايته مع صبا فيها من حكايتي معاك اقولك علي سر يا راجح عمري ما قولتهولك 🥺💔
زمان اول ما تقدمت لحياه ودخلت حياتنا اتعلقت بيك اوي في البدايه كنت فاكره تعلقي بيك ده كا اخ كبير لان طول عمري كان نفسي يكون ليا اخ ولد
بس مع الوقت يا راجح وحبك اللي كنت بشوفه في عينك لاختي حياه من غير ما احس حبيتك🥺 اتمنيت كتير اوي اكون مكانها الحب اللي كان بينكم ومواقفك معاها غصب عني خلوني اتمناك زوج ليا انا حبيتك حب ميتوصفش لدرجه اني كان عندي يقين كبير ان انت رزقي في الدنيا اللي ربنا شايله ليا🥺 ولما ماتت حياه و اتفتح موضوع جوازي منك كنت منهاره وكنت رافضه بقوه ووقتها حسيت اني كرهاك وجوايا نفور كبير من ناحيتك كنت حاسه بالذنب وحاسه اني خدت حب مش ليا كنت مضايقه نفسي اوي🥺 لدرجه اني كنت حاسه من كتر ما اتمنيتك بيني وبين نفسي ربنا حقق امنيتي وخد مني حياه وفجأه بقيت شايفه اني السبب في موت حياه اختي
عشان كده اول جوازنا كنت تعبانه مكنتش قادره اكون معاك وافرح السبب الوحيد اللي خلاني وافقت ولاد حياه وعشان احساسي بالذنب ده يروح قررت اني اوافق واعوض ولادها اديهم كل ذره حب جوه قلبي بس مع الوقت اتحول النفور ده لسعاده ورجع حبك في قلبي من تاني لما شوفت تعلق الولاد بيا لما حسيت اني فعلا عوضتك انت و اليوم اللي بدأت حياتي تمشي معاك كازوج وزوجه كنت حلمت قبلها بحياه بتضحكلي وبتطبطب عليا وبتقولي حطيهم في عينك🥺💔 عرفت وقتها انها مش زعلانه مني وكمان بتقولي عيشي حياتك انتي تستاهلي الحب اللي اتمنتيه🥺💔
فتح راجح عينه بتعب ابتسم ونزلت دمعه من عينه مسحتها روح بسرعه ونامت علي صدره
روح....متسبنيش ياراجح انا من غيرك هموت والله العظيم اقف غلي رجلك من تاني واوعدك اني عمري ما هزعلك تاني يا احلي حاجه في عمري كله🥺
رفع راجح ايده وضم راسها بقوه لصدره💔
ولمح في الوقت ده زيد كان واقف دموعه نازله وسمع كل اعترافات روح
راجح...بصوت ضعيف زيييد💔
رفعت روح راسها وبصتله ولقيته باصص علي الباب وشافت زيد.
روح...بابتسامه تعالي يا زيد متقلقش يا حبيبي راجح كويس وهيقوم منها.
قرب منهم زيد مش عارف يقول ايه يعتذر ويتأسف ولا يسكت🥺
قامت روح وقفت وسابتله الكرسي وهي بتطبطب علي كتفه🥺
مد راجح ايده لزيد بهدوء مسكها زيد بسرعه باسه وفضل يعيط زي الطفل.
سابته روح وخرجت بره.
راجح...بضعف متعيطش يا زيد انت راجل يالا💔
زيد....اسف حقك عليا يا حبيبي والله العظيم كنت تعبان أوي 💔
مش عارف قولت كل ده ازاي بس انت عارف اني بحبك و مش سهل عليا اشوفك نايم النومه دي ابداً علي فكره انت عمرك ما كنت ظالم 🥺 انت احن اب في الدنيا دي كلها انت صاحبي و ابويا واخويا و سندي مكنتش اقصد المعني صدقني بس انت اكيد حاسس بيا وعارف ان الكلمه طلعت غصب عني
نزلت دموع راجح ومسك ايده اوي🥺
راجح...عارف يا حبيبي ومش زعلان منك انا زعلان من نفسي اوي عشان انا فعلاً ظلمتك.
زيد...لا يا حبيبي انت عمرك ما ظلمتني انا بفضلك بقيت راجل اللي و صلتله في حياتي بفضلك انت 🥺
راجح...لا يا زيد انا ظلمتك فعلاً يمكن فكرت بطريقه غلط بس صدقني مكناش اقصد اليوم اللي جتلي فيه يا زيد كان ايمن اخوك قبلها فاتحني في الكلام وفي نفس اليوم سألت صبا وقالتلي انها موافقه لما انت جيت تاني يوم وقولتلي مقدرتش ازعلك واوجعك الفرحه اللي كنت شايفها في عينك لجمت لساني قولتلك يومها ان ايمن كمان قاللي وعشان مزعلش حد فيكم هقول لصبا وهي تشوف حابه تعيش مع مين اكتر مقدرتش يومها اقولك انا صبا وافقت ولما قولتلك بعد كده انها وافقت كنت بموت عشانك بس انا كمان مكانش في حاجه في ايدي اعملها ويمكن كمان فكرت في روح طول عمرها وافقه جمبي عمري ما شوفتها قصرت معاكم خوفت لو فضلتك علي ايمن و وجعت قلبه تزعل عارف انه كان تفكير غلط وإن روح عمرها ما فرقت بينكم بس كمان موافقه صبا خلصت كل الكلام صبا مكانتش بتحب ايمن يا راجح هي شافته زوج مناسب ابن خالها هيحافظ عليها بس انا واثق ان لو كنت انت سبقت اخوك بخطوه كانت وافقت عليك وواثق انها كانت هتحبك اوي ووقتها كان هيبقي موقفي مع ايمن نفس موقفك صدقني يا زيد مكنتش اقصد اظلمك و صدقني لو مكنتش فاتحت صبا يومها كنت قولتها عليك
زيد...بوجع مش مهم اي حاجه انا مصدقك يا حبيبي ومش زعلان خلاص وراضي بنصيبي 🥺
راجح...صبا هي نصيبك يا زيد 💔 صدقني يا حبيبي صبا رزقك في الدنيا اللي أتأجل وجه الوقت اللي تاخده فيه.
زيد....انا مش عايز حاجه حتي صبا كفايه حبها في قلبي انا عايزك بس تقوم من هنا عشان خاطري🥺💔
راجح....هقوم يا واد ابوك جامد وزي الفل هقوم وافرح بيك انت وهي ربنا ليه حكمه في اللي حصل ده كله صدقني بس ارجع عن قرارك لو فعلاً بتحبني ريحني يا زيد بلاش تخليني عايش الايام اللي فاضله في تعذيب ضمير يا ابني🥺💔
زيد....بعد الشر عليك يا حبيبي ربنا يطول في عمرك قوم انت بس واللي انت عايزه هعمله صدقني.
راجح...عايز اشوفك مبسوط يا زيد عايز ألمح نظره سعاده في عينك عشان ارتاح.
زيد...سعادتي الحقيقيه هي خروجك من هنا وانك تقولي مسامحك علي الكلام اللي قولتهولك💔
راجح....مسامحك من قلبي يا ابن قلبي وراضي عنك يا زيد المهم انت اللي تسامحني.
زيد...وانا مين عشان أسامحك بس ده انت ابويا وهفضل خدام التراب اللي تحت رجلك طول ما فيا نفس عشان بس ترضي عني🥺💔
راجح....راضي عنك يا زيد وعمري ما زعلت ولا هزعل منك ❣️
باس زبد ايده بحب مسح راجح دموعه وخده في حضنه 💔❣️
راجح...يلا امسح دموعك ياولا زيد الطوبجي ما يعيطش ابدا ويلا اخرج طمن اخواتك عليا وخليهم يروحوا وخلي روح تمشي يا زيد عشان متتعبش وانت كمان يلا روح ارتاح
زيد....حاضر يا حبيبي همشيهم بس انا هفضل معاك ومش ماشي غير وانت خارج في ايدي ❣️
حاول راجح يقنعه يمشي بس معرفش راسه أنشف منه.
خرج زيد وطمنهم عليه كان بيحاول ميبصش في عينهم عشان ميشوفوش الدموع اللي كانت في عينه💔
زيد....والوقت بقي انا مش عايز اي حد فيكم هنا الكل يروح وانا هفضل معاه.
الكل قال في نفس واحد واولهم روح
مش هنمشي.
زيد....انا مش عايز مناهده كتير احنا في مستشفي وكويس اوي اننا فضلنا هنا كل الوقت ده هو الوقت هينام ومحتاج يرتاح وجودنا هنا ملهوش لازمه.
روح...لنا مش ماشيه من هنا غير وراجح معايا انت فاهم ولا لا🥺
زيد...يا حبيبتي هو اللي طلب مني امشيكم واول واحده انتي
روح...مش ماشيه هما يمشوا زهره وفيروز تعبوا وبعدين انتوا عندكم شغل بكره لازم تروحوا ترتاحوا شويه مش معقول كلكم متروحوش
زيد...الكل هيمشي يا روح وانتي اولهم مفيش مرافق في العنايه
روح...مش ماشيه يا زيد والله ما همشي وفضلت تعيط🥺
زيد...حضنها طيب خلاص خليكي معايا بس الكل يمشي قاسم يلا اتصرف وخدهم من هنا.
مراد....انا هوصلهم مع قاسم والولاد وهرجعلك.
زيد...يا مراد عشان خاطري
مراد....انا قولت راجع خلص الكلام
سكت زيد ومعترضش عارف ان مراد مضايق عشان اخوه.
داوود....طيب انا مش هعرف اروح واسيبه
زيد....مش هينفع نبقي كلنا مش في البيت يا داوود وبعدين خلينا نشيل بعض الفتره دي الله يخليكم
مراد....يلا يا داوود خليكم معاهم
قرب زيد من داوود وقاسم ونادر وسالم.
زيد....عشان خاطري روحوا وخلوا بالكم كويس متنسوش اننا في خطر المعداوي وابنه لسه مظهروش مش عايزينه يستغل الموقف اللي احنا في ده ماشي.
قاسم...اطمن متقلقش يا زيد.
داوود...ماشي يا زيد.
نادر...لو احتاجت اي حاجه عرفني وبكره هعدي عليك في البريك بتاع الشغل.
زيد...ماشي يا نادر.
ثواني وبدأ سالم يقومهم
سالم...يلا يا جماعه عشان نروح يلا قوموا
قام الكل بصت صبا علي زيد مكانش بيبصلها وكأنه بيهرب من عينها
بدأوا يتحركوا ويبعدوا بص زيد عليها من بعيد لفت صبا ضهرها وبصتله🥺
بسرعه بعد زيد عينه وبص بعيد ومشي الكل وفضلت روح وزيد مع بعض
قعدوا علي الكراسي وخدها زيد في حضنه وفضلوا ساكتين🥺💔
وبعد وقت مش طويل اوي رجع مراد تاني وفضل معاهم.
............
كام ساعه عدت وبدأ يوم جديد راح الكل علي شغله.
اول ما تقي عرفت اللي حصل من امير كلمت مراد بسرعه.
مراد....صباح الخير
تقي....صباح النور انا لسه عارفه من أمير اللي حصل لمستر راجح الف سلامه عليه.
مراد...الله يسلمك يا حبيبي مش هقدر اجي انهارده يا تقي
تقي....لا طبعاً خليك معاه ومتحملش هم اي حاجه
مراد...لو في اي حاجه وقفت قدامك كلميني او قولي لداوود وهو هيتصرف.
تقي....ماشي يا حبيبي متقلقش.
ابتسم مراد بحب لو احتاجتي حاجه كلميني.
تقي...حاضر انت مش عايز مني اي حاجه.
مراد....لا يا حبيبي سلامتك.
تقي....الله يسلمك هكلمك تاني عشان اطمن.
مراد...ماشي يا حبيبي
تقي...سلام.
مراد...سلام.
...........
في مكتب ياسين ساب الورث من ايده وحط ايده علي عينه مصدع و ملحقش ينام و خايف علي ابوه.
ملك....ياسين.
ياسين....اممم
ملك...انهارده مفيش شغل كتير اوي وانت مش قادر تركز قوم يا حبيبي روح وانا هخلص كل حاجه
ياسين...لا اروح ايه انا يادوب اخلص الشغل وهطلع علي المستشفي.
ملك...طيب سيبلي انا الشغل وروح نام حتي ساعتين وبعدين روح علي المستشفي.
ياسين....لا يا حبيبي مش هينفع ومش هلحق اصلا علي بال ما اروح فيها ساعه ونص مش هلحق انام
ملك...طيب بقولك ايه قوم نام علي الكنبه هنا شويه وانا هخرج اخلص الشغل بره.
ابتسم ياسين وبصلها بزمتك ينفع مدير محترم ينام في مكتبه.
ملك...اه ينفع طبعاً مش بدل ما تتعب يلا قوم تعالي.
ياسين...ملك مش هقدر يا حبيبي.
ملك....بقولك قوم يلا تعالي بس معايا قامت ملك مسكت ايده وراحت بيه علي الكنبه.
يلا نام شويه ولو مش هتنام ريح دماغك حبه ومش هدخل عليك اي حد ماشي.
ياسي....ماشي يا ملك
ملك....هكمل شغلي بره وشويه وهاجي اصحيك اتفقنا❣️
ياسين...بحب اتفقنا❣️
خرجت ملك و سابته ينام شويه خرجت لقت جلال ماسك القلم بيلفه بصوابعه وسرحان وباين عليه الحزن.
ملك....جلال جلال
جلال...ايوه يا ملك.
ملك...انت كويس؟
جلال...الحمد لله.
ملك...اول مره اشوفك زعلان بالشكل ده من يوم ما عرفتك وانت ديماً بتضحك وكلك طاقه ايجابيه.
جلال...بابتسامه بسيطه بس يبقي انتي اللي حسدتيني🙂😏
ملك...بضحك اهو هو ده جلال😂
جلال...بحزن لما شوفت بابا بيقع قدامي وشوفتهم بيجروا بيه في المستشفي مش عارف حصلي ايه فجأه حسيت اني مش قادر اجري معاهم وان رجلي مش شيلاني و عرفت وقتها معني ان الاب سند وضهر💔
ملك...بحزن اكيد الاب ده نعمه يا جلال.
جلال...انا اسف والله يا ملك مقصدتش ازعلك🥺
ملك...لا خالص بس انت كلامك صح انا كنت عامله زيك لما بابا تعب بس انا واثقه ان ربنا هيشفي مستر راجح وهيقوم بالسلامه.
جلال...يارب يا ملك ادعيله كتير والنبي
ملك....ربنا يشفيه يارب وبعدين بلاش تكون كئيب كده فك شويه ده الواحد في عز وجعه بيتمني حد يهون عليه وانت شاطر في الحته هون عليهم
جلال....حاضر يا ملك صحيح ياسين بيعمل ايه
ملك....فيك من يكتم السر🤨
جلال....مش عارف علي حسب🙄
ملك...😂😂🙈 ياسين تعبان ومصدع وبعدين مرتين يبوظ الشغل مش قادر. يركز قولتله يرتاح شويه علي الكنبه وينام لانه مرضيش يروح فا سبته نام شويه
جلال....احسن بردوا اصلا يادوب ارتاحنا ساعتين وبعدين جينا هنا محدش فينا عرف ينام اصلا.
ملك....كويس مفيش شغل كتير متراكم علينا بقولك ايه لو عايز تروح انت كمان قوم وانا هخلص كل حاجه.
جلال...لا لا انا زي الفل متقلقيش خلينا يلا نخلص اللي ورانا.
ملك...ماشي يلا🥰
............
في المستشفي.
مراد....انت هتشرب العصير ده ولا تشوف الوش التاني🤨
راجح...بتعب وريني ياواد الوش التاني يلا.
مراد...بضحك اهو هو ده راجح كده انا اطمنت انك بخير😂
روح...بابتسامه الحمد الله علي كل حال علي الفكره الدكتور بيقول انك بخير وهينقلك بعد شويه علي اوضه عاديه.
راجح...انا عايز امشي مش عايز اروح اوضه تانيه.
مراد...تمشي فين مش هينفع طبعا لازم تفضل هنا يومين كمان لحد ما تخرج زي الفل
راجح...انا بقيت احسن والله.
زيد...مش هينفع يا حبيبي وبعدين مجاتش علي يومين تلاته المهم نطمن عليك.
راجح...خلاص يبقي روح تمشي وانتوا كمان انا مش هبقي مرتاح وانتوا تعبانين.
زيد...روح تمشي دي معاك حق فيها بس انا هفضل معاك.
روح...شيلوا روح من دماغكم انا مش ماشيه.
مراد...لا ياروح هما معاهم حق انتي هنا مش بتعملي حاجه تعبانه علي الفاضي في البيت محتاجينلك اكتر وبعدين يا ستي تعالي كل يوم بس اخر اليوم تبقي نايمه في البيت ولو عليا انا وزيد الشباب يبدلوا معانا عشان محدش يتعب.
زيد...ياسيدي انا مش تعبان.
مراد....ياجدع علي الاقل غير خد شاور ظبط نفسك وارجع مش عايزين حد يشتكي من ريحتنا🤨
زيد...ريحتك انت بقولك ايه اطلع من دماغي🤨
مراد...انا قولت اللي عندي فاكرني مش هعرف امشي كلامي عليك ولا ايه اي حد من اخواتك هيجي من الشغل هنسيبه ونطلع علي البيت نظبط نفسنا ونرجع تاني ومش عايز اعتراض.
راجح....ايوه كده عايز اشوفلك موقف مره🙈
مراد....لا بقولك ايه انا لما بقلب ببقي غبي🤨 سمعت يا زيد😒
زيد...ماشي يا مراد بس هرجع تاني
بعد وقت طويل وصل داوود والشباب ومشي مراد وزيد وروح بالعافيه قدروا يقنعوها
وراحوا علي القصر طلع زيد علي اوضته علي طول
صبا كانت هتتجنن وتطمن عليه وعايزه تعرف ايه اللي حصل بس مكانش عندها الجرأة تقرب منه بعد ما شافت حالته
اطمنوا كلهم من مراد وروح و أرتاحوا اكتر.
.................
في ڤيلا عزيز
مريم...كانت قاعده منتظره تسمع خبر يفرحها ورغم فرحتها في عزيز بعد ما بلغت عنه إلا انها كانت مرعوبه.
زينب...بقلق وبعدين يا مريم لسه مفيش خبر قولتلك يا بنتي بلاش
مريم...والنبي يا داده بلاش تقلقيني اكتر ما انا قلقانه انا مصدقت اخد خطوه صح في حياتي🥺 خليني اخلص منه ومن قرفه انا مظلمتهوش يا داده عزيز لازم يعرف ان ده مصيره في النهايه.
زينب...طيب افرضي متمسكش يامريم.
مريم...يبقي نصيبي الاسود يا داده واكيد مش هستسلم وهفضل وراه لحد ما اخلص منه.
زينب....طيب تفتكري يا مريم ممكن يشك ان انتي وراء البلاغ ده
مريم....اكيد لا طبعا وهيعرف منين
زينب...ربنا يسترها يارب بس لو متمسكش يا مريم لازم تهدي شويه يا بنتي وبلاش تلفتي نظره
مريم...حاضر يا داده.
زينب...مش عايزه تاكلي انتي مكلتيش حاجه من الصبح.
مريم...لا مش عايزه بس ممكن تعمليلي قهوه دماغي هتنفجر من القلق.
زينب...حاضر يا حبيبتي.
مشيت زينب علي المطبخ وفضلت مريم حاطه الموبايله في أيدها وكل شويه تبصله .
جابتلها زينب القهوه وسابتها لوحدها
مريم كانت قاعده علي اعصابها.
وفجأه حصل اللي مكانتش متخيلاه
دخل عزيز الڤيلا وهنا كانت صدمه مريم.
مريم....عزيز انت جيت بدري ليه؟
عزيز...بدري من عمرك يا حبيبتي دي الساعه 12
مريم....اااا تمام في حاجه.
مسكها عزيز من شعرها وصرخت مريم برعب.
عزيز....عايزه توديني في داهيه يا بنت الكااااالب😡😡
مريم....انت بتقول ايه انا مش فاهمه حاجه.
خرجت زينب جري وهي بتحاول تخلصها من ايده.
عزيز...ابعدي انتي لسه حسابك معايا اما بنت الكلب دي هتتمني الموت ومش هتطوله شكيت فيكي من يوم نا شوفتك بتلعبي في المكتب واخترعتي وقتها كدبه خايبه زيك فكرتيني عيل وهتدخل عليا عشان مظلمكيش رميت قدامك ورق مهم وحطتلك كاميرا وشوفتك يا مريم وانتي بتصوري الورق وبتديه لزينب😡😡😡
عشان مظلمكيش اكتر رميت قدامك كلمتيني خايبين انا و طارق وعرفتك اني عندي عمليه بالمعاد والوقت والمكان كنت فاكر ان اخرك كام ورقه تهدديني بيهم عشان اطلقك بس طلعتي عايزه تخلصي مني ولسوء حظك انا قدامك يا مريم المحضر اتقفل علي انه بلاغ كيدي انتي لما لعبتي لعبتي مع معلم كبير محدش يقدر ياخد عليه غلطه اللي ورايا ناس تقيله مظلطين كل حاجه عشان لما تيجي واحده من امثالك متقدرش توقعني😡😡
مريم...بصريخ ايوه انا اللي خدت الورق وانا اللي ماسكه عليك بلاوي وانا اللي كنت عايزه اخلص منك وهفضل وراك لحد ما اشوفك علي حبل المشنقه😡
رماها عزيز علي الارض وشافت مريم الموت بعينها عزيز ماسابش حته في جسمها غير وهي بتنـ ـزف من كتر
الضـ ـرب فضلت زينب تصرخ وتضرب فيه وتبعده زقها عزيز بكل قوه بعيد ونادي علي الجارد بتوعه يمسكوا زينب.
مريم...كان صوتها عامل صدي صوت في قلب الڤيلا وهو عقله طاير منه الغضب عاميه😡
زينب....مريييييم سبها يا عزيز سيبها حرام عليك.
عزيز...فين الورق فيييييين😡
مريم...بتعب وهي بتنزف من بوئها ومناخيرها مش هتطوله يا عزيز لو فيها موتي.
عزيز....يبقي هتموتي يا مريم بص لزينب لو نش عيزاها تموت انطقي انتي طلع المسدس وسحب الزناد و وجهه علي مريم انطقي.
زينب...هقول هقول بس سيبها عشان خاطر ربنا هتلاقيه بره في الزرع بتاعها
امر عزيز الجارد يخرجوا معاها وتجيب الورق بس ملاقوش حاجه.
عزيز...انتوا بتلعبوا بياااااا😡
زينب...والله كان في الزرع انا اللي حطيته بأيدي🥺
مريم...بضحك هستيري ودموعها نازله كنت عارفه انك مش هتتحملي عليا حاجه💔 وكنت عارفه انه هيضغط عليكي بضربي قدامك بس اطمن يا عزيز الورق مش هنا انا مشيت كل حاجه من الڤيلا ولو جرالي حاجه الورق بردوا هيطلع🥺💔
عزيز...يبقي انتي اللي جبتيه لنفسك يا مريم وهتفضلي محبوسه انتي وزينب لحد ما الورق يظهر لا هتاكلوا ولا هتشربوا وهسيبكم زي الكلاب.
مسكها عزيز من شعرها يجر فيها وهي بتصرخ من الوجع رماها في العربيه هي وزينب ومشي هو والجارد بسرعه
خدتها زينب في حضنها وهي بتعيط ومريم خلاص بتفقد وعيها.
وصل عزيز بعد وقت بسيط لمبني مهجور خاص بكل شغله الشمال دخلهم في اوضه صغيره مفيهاش غير شباك صغير عامل زي شباك الشفاط مجرد تهويه
رماها عزيز علي الارض وفضل يضرب فيها تاني
عزيز....مش هتشوفي النور يا مريم غير والورق في ايدي 😡
خرج عزيز وقفل عليهم الباب وبص للجارد.
عزيز....تفضلوا قدام الباب متسيبوهمش
مهما خبطوا ورزعوا وصرخوا محدش يفتح الاكل والمايه ميدخلوش غير لما اتصل عليكم و اقولكم دخلولهم واللي يدخلهم عينات يادوب تشبع طفل😡
فاهمين😡
الجارد...تحت امرك يا عزيز باشا.
مشي عزيز زي المجنون وراح علي الڤيلا قلب الأوضه بتاعتها هي وزينب وقلب الڤيلا كلها هو وطارق ملاقوش حاجه.
عزيز...بغضب يا بنت الكاااااااللب😡
طارق...الورق لازم يرجع يا عزيز احنا كده روحنا في ايدها😡
عزيز....روحها هتطلع في ايدي هي وزينب لو الورق مطلعش😡
طارق...طيب اقعد خلينا نفكر
قعد عزيز وبص بعينه لبعيد ونظره الجحيم اللي كانت في عينه تأكد انه مش ناوي علي خير ابداً💔
....................
مر يومين بدأ راجح صحته تتحسن اكتر وصمم انه يخرج وفشل اقناع الكل انه يفضل يومين كمان.
ووافق الدكتور علي خروجه بس هيفضل يتابعه و هيروحله بنفسه لحد البيت.
وبعد كام ساعه وصل اخيراً راجح الكل كان مستنيه بفرحه وكالعاده جلال احتفل بطريقته الخاصه هو وامير
الكل كان بيضحك ومبسوط زيد كان حاسس بالراحه رغم زعله من اللي حصل لكن تعب راجح و رقدته قدامه نسته كل حاجه ❣️
.................
في صباح يوم جديد.
عند يوسف في المكتب اتصل علي خلود يطمن عليها.
خلود...الووو
يوسف....القمر اخباره ايه
خلود...مرعوبه يا يوسف
يوسف..ليه بس.
خلود....هو ايه اللي ليه فاضل اسبوع علي معاد اول حلقه من اول ما شوفت الاعلانات بدأت تنزل بالمعاد وانا مرعوبه
يوسف...احنا قولنا ايه مش قولنا بلاش خوف عشان متتوتريش
خلود....بحاول بس مش عارفه كل ما يوم يعدي بخاف اكتر.
يوسف...لا متخافيش وعموما يا ستي هكون معاكي اليوم ده.
خلود..لا اوعي تقي كمان قالتلي وقولتلها لا.
يوسف...طب ليه؟
خلود...وجودكم معايا هيوترني اكتر وحاسه اني هتلخم ومش هعرف اقول كلمتين علي بعض.
يوسف...بضحك خلاص هاجي ومش هقف قدامك.
خلود...انت بتضحك 😫طبعاً ما انت مش بيهمك تصوير ولا كاميرات.
يوسف...والله الموضوع بسيط اول حلقه بس وبعد كده هتلاقي نفسك انتي والكاميرا صحاب.
خلود...يارب يا يوسف بقولك ايه هروح اكمل وهبقي اكلمك.
يوسف...ماشي هستناكي باي❣️
خلود...باي❣️
...........
زينب...بصريخ افتحوااااا حرام عليكم مريم بتموووت مني💔🥺 هاتولها مايه حرام عليكم يا ظلمه🥺🥺
اتصل الجارد بسرعه علي عزيز
عزيز...خيررر
الجارد...عزيز باشا الست اللي جوه مش مبطله صريخ وعياط بتقول مريم هانم بتموت وعايزه مايه.
عزيز....بغضب دخلهم مايه واكل وزي ما قولتلك عينه تخليها عايشه وبس مفهوووم😡
الجارد...تمام يا باشا.
فتح الجارد الباب وحطلهم صنيه علي الارض وقفل بسرعه.
جريت زينب علي المايه خدتها وراحت رفعت مريم علي رجلها.
زينب...قومي يا بنتي قومي اشربي ربنا ينتقم منهم يارب🥺💔
شربت مريم بضعف وفضلت زينب تحاول تأكلها لحد ما نامت تاني🥺💔
وللحديث بقيه...