طحت جَمره على طرف فراش
كلها تريد تبعدني .
قراءة ممتعة
...................................................................
دموع:كلامة يخوف وتصرفاتة تخوف رغُم مچنت اعرف شنو ديسوي
كلت واني احاول ابعدة
:وخر شبيك وهيب يكول ميصير احد يتقربلي هيچ
رفع نفسة عني مبتسم سحبني من ايدي وكعدني
الكسار:تعالي احچيلي
دفعت ايدة ارجف وحجيت بخوف
:شحچيلك؟
الكسار:انتِ منو؟
اردفت بأبتسامة
:اني دموع
ضحك بخفة
الكسار:انتِ حزن
:اني دموع مو حزن
رفع ايدة يلعب بشعري مبتسم وهمس بنبرة هادئة
الكسار:متستاهلين الي صارلچ انتِ طفلة المفروض هسة تدرسين وتلعبين وتعيشين طفولتچ
بقيت ساكتة نزل عيونة لجسمي مد ايدة ورفع التيشيرت لأن جان طالع جسمي واردف
الكسار:تعرفين اني منو؟
هزيت راسي بلا سحب راسي ونومني على رجلة
الكسار:اني ابوچ
باوعتلة مستغربة ورجعت كعدت
:اني ابوية سياف ليش تكذب وهيب يكول تروح للنار اذا كذبت
الكسار:خليني احسچ بنتي ماكدر ارتكب جريمة بحق طفولتچ
صفنت بوجهة وكلت
:وجهك يخوف منو انتَ
جرني من ايدي ورجعني بحضنة مبتسم
الكسار:اني الكسار
:كسر؟
هز راسة ورجع كال
الكسار:الكسار بابا حزن الكسار
دفعتة بأنزعاج
:واني مو حزن اني دموع كسر
زفر نفس بقلة حيلة وعيونة تتنقل بملامحي
الكسار:خايف
جاوبتة ببراءة
:من شنو؟
رجع اردف وهو يمسح جبينة
الكسار:خايف اصير كسارچ وكسر گلبچ
سكتت مفهمت كلامة من شافني سكتت كام ومدلي ايدة
الكسار:كومي نامي
هزيت راسي بخوف
:اخاف اكو جني
الكسار:انام يمچ؟
باوعتلة وحچيت بتردد
:هيچ اخاف اكثر
الكسار:وداعت حسن ماسويلچ شي
وكفت وكلت بفضول
:منو حسن؟
سحبني من ايدي يمشيني للغرفة ويحجي بهدوء
الكسار:تعالي نامي حزن
:زين ملاك وين؟
سكت مجاوبني دخلني للغرفة باوع للچرباية وباوعلي
الكسار:ليش سويتيها على نفسچ؟
نزلت راسي خجلانة
:الجني خوفني
راح يشيل بالفراش ويحچي
الكسار:ماكو جني بابا صدگيني
:بس اني سمعتة هنا يحچي والله
الكسار:تتخيلين ماكو شي بعمري مسمعت او شفت شي هنا
شال الفراش وطلعة للحمام ورجع فرش غيرة واني كُلش خجلانة اول مرة اسويها على نفسي
من كمل سحبني ونومني على الچرباية وكال بضحكة
الكسار:عادي اني هم چنت اسويها على نفسي ماكو شي يخجل كل طفل يسويها
كلامة سحب الخجل مني بسرعة ابتسمت غطاني وراح فرش فراش بالأرض بصف الچرباية لزگ اكدر اشوفة ويكدر يشوفني
حط ايدة على عيونة مسوي نفسة نايم حچيت بحزن واضح
:ملاك وين شسويتو بيها؟
مجاوبني بس واضح كاعد نزلت من الچرباية كعدت بصفة
:جاوبني كسرات ملاك وين
تنهد ورفع ايدة عن عيونة باوعلي وكال
الكسار:شتردين حزنة؟
:اريد اعرف ملاك وين
حط ايدة على شعري وكال
الكسار:هي فرح ملاك منو؟
:نفسها فرح
الكسار:ليش تسميها ملاك؟
ابتسمت وغمضت عيوني
:مرات من انام فرح تجيني بالحلم وعندها جناحات لونهم ابيض ومن سألت وهيب عن الجناحات گال هاي جناحات الملائكة ف فرح ملاك لأن عندها جناحات
ابتسم بحزن وهمس شي بينة وبين نفسة مسمعتة
:شنو كلت؟
الكسار:ماكو شي بابا يلا نامي
أيست يحچيلي شي ويطمني عن فرح رجعت للچرباية گلبي يأذيني غطيت راسي ابچي مشتاقتلهم ماعرف شنو حالهم هسة وهيب شنو صارلة هم ديدور علينة لولا فرح وين وشصار بيها
حسيت البطانية انرفعت عن راسي فتحت عيوني شفتة واكف محتار انحنى لزم وجهي وكال
الكسار:المن البچي؟
دفعت ايدة وكعدت ابچي بحرگة
:اريد اخواني
الكسار:حزن نامي
كمت على حيلي وگفت على الچرباية ودفعتة بكُل قوتي
:ماااااريييييييدددددد انااااااامممم اررريدددد اخواااااانييييييييي
لزم ايدي الي دفعتة بيها ولواها
الكسار:صووووتتتتتتچچچ بنت الكللللللببببب
عطت بألم حسيت ايدي حتنكسر قرب وجهة لوجهي واردف بغضب
الكسار:اني مو ابوچ الزوج والگ**اد وترفعين صوتچ وتمدين ايدچ علية اني الكسار اكسر ظهرچ وفقراتچ كلهاااااا فهمتيييييي
:ايدييي ايديييي وخر حبااااب
تركها لزم شعري ورفع ايدة ضربني راشدي فر وجهي فر احس عيوني صار بيهم سواد من قوتة وأذاناتي وشت قبل لا استوعب جرني من شعري ونزلني من الچرباية اخذني للشباك فتحة وطلع راسي من عندة
الكسار:سامعة هالصوتتتتتت؟؟؟؟ أذبچ هنا واخليچ تنوكلييييينن واذا ما انوكلتيييي ياخذونچ الجنوننننن يجروچ من شعرچ
صرت ابجي بصوت عالي خايفة
:ماعيدها والله والله ماعيدهااا
سد الشباك ورجع جرني من شعري طلعني من الغرفة يسحل بية سحل واني اتوسل بي
:انام وماحجي رجعني للغرفة الجني ياخذني عفية ماعيدها
گال بصوت مابي رحمة
الكسار:لا تعيديها خليني اتوبچ من هسة هاي مو مزبلة سياف حتى تتحديني
طلعني من البيت كلة شفت المكان كلة اشجار وصوت حيوانات هواية كلاب ذيابة ضفادع حشرات المكان وحدة چان يرهب شلون وية هيج اصوات
الكسار:اخليچ هنااا؟؟؟؟ محد موجود لو تصيحين منا لباچر محد يسمعچ
بسرعة حضنت خصرة ابچي واتوسل
:اخاف لتخليني هنا انتَ مو تكول اني ابوچ لتخليني هناااااا والله گلبي حيوگف كافييييي كافيي
دفعني بالأرض بكل قوتة وبكل حقارة دخل للبيت وتركني برة كمت اعرج رجلي متأذية وصرت ادُگ بالباب
:افتححح اكو جني حباب افتح الباب ماحجي بعد اسكُت والله
ولا اهتزت شعرة من عندة وما همة توسلاتي وخوفي عيطت هواية صوتي تشحرج وجسمي كُلة يأذيني
صار صوت كلاب قريب علية وحسيت بشي يمشي على جسمي عطت بكسرة وبأعلى صوت عندي
:ربييييييييي رحمتتتتتتككككك
حسيت جسمي باد وعيوني غوشت اطرافي صارت باردة وبس احس بنفسي انتفض وبعدها ماتذكر شنو صار
نايمة واسمع اصوات عالية بالمكان بس جسمي ما احس بي ولا اكدر افتح عيوني
:لككككك شلوووونن تخليييييهااااا بالشارع وحدهااااا ولكككك طفلةةةة ماخفت تموتتتت من الخوفففف ماكلت يمكن يصير بيهاااا شييييييي وانتَ تعرفها جبااااانةةةة
اسمعة يجاوب ويبرر موقفة
الكسار:ماعرف شلون سويت هيچ فقدت اعصابي كلة منهاااا ليشش ترادددنيييييي
:ولك طفلةةة طفلة شبيييككك بيهااا صرع وانتَ سويت هيچ همزين ما ماتت
:واني شمدريني بييييهاا صرع
رجعت استسلمت للنوم وچنت اتمنى بعد ما اگعد
بس مع الأسف فتحت عيوني جسمي متكسر باوعت للغرفها مو نفسها كعدت اتلفت واحاول اتذكر شنو جابني هنا بس مداتذكر
كمت على كيفي امشي بخوف لزمت مقبض الباب اريد اطلع ولفت انتباهي وجود كانونة بأيدي رفعت ايدي اباوعلها مستغربة باوعت لنفسي شفت ملابسي متغيرة ولابسة تراك
رجعت لورة خايفة من انفتح الباب ودخل لابس بس بجامة وجگارة بحلگة من شافني ضل صافن علية وتقرب يريد يلزمني بسرعة تراجعت خايفة
الكسار:ماسويلچ شي بس انتِ زينة؟ شوكت كعدتي
خليت ايدي على گلبي وكلت بصوت تعبان
:اني وين؟
الكسار:انتِ ببيتي صار بيتچ بعد لتخافين ماكو شي هنا حتى كلاب ماكو
بچيت وكلت واني اشهگ
:الكلاب والجني ميخوفني بگدك اتركني الهم بس روح عني
نزل راسة وكال
الكسار:مراح اخوفچ بعد وعد
:ماصدگك بعد
بحركة سريعة جرني من ايدي ودخلني بحضنة يمسح على ظهري من خوفي مسويت شي غير البچي
الكسار:ماسوي شي وداعت حسن
وخرت عن حضنة منزلة راسي وابچي مد ايدة مسح دموعي ورجع سوة حركة بأصبعة الخنصر وكال
الكسار:تصاحبيني؟
صرت اباوعلة وانزل عيوني لأيدة ببراءة بسرعة ابتسمت ورفعت اصبعي الخنصر واحتضن اصبعة
:صاحبتك بس لتعيدها اني اخاف
باس راسي واردف بهدوء
الكسار:ماعيدها وگلبچ الطيب المايعرف حقد ماعيدها وهسة يلا روحي سبحي
بس كال هيج بسرعة صرت اشم بنفسي خاف بية ريحة محلوة
الكسار:شدتسوين؟
حكيت راسي بفشلة
:ريحتي محلوة مو؟
ابتسم وجرني يشم بية ابتعد وكال
الكسار:تخبل ريحتچ
:بس انتَ گلت البارحة ريحتي محلوة
الكسار:لأن چنتي مبللة نفسچ بس هسة لا تخبل ريحتچ بس اني اريدج تسبحين كل يوم النظافة حلوة
هزيت راسي مبتسمة دارني فتح شعري واخذني للحمام فتح الكانونة بحذر ونزعني ملابسي غطيت جسمي خجلانة
:وخر وهيب يكول حرام رجال يشوف جسمي
حط ايدة على شعري وكال
الكسار:بس اني مو حرام بابا
:ليش مو حرام انتَ مو رجال؟
كعد كدامي وفتح المي
الكسار:اني اختلف عن الكُل ومو حرام
سكتت وهو جاب الليفة وصار يفرك بجسمي كمل فرك وجاب شامبو وحطة على شعري
الكسار:غمضي عيونچ بابا مو تفتحين
بسرعة غمضت وهو صار يفرك بشعري كمل وذب علية مي من وكع الشامبو يلا فتحت باوعلي مبتسم
الكسار:هسة امشطلچ شعرچ واخليلچ عطر حلو
هزيت راسي وهو كام متبلل كومني ويا ولفني بمنشف كُلش چببر
الكسار:روحي للغرفة لبسي ملابسچ اني اسبح واجي امشطلچ
طلعت وهو سد الباب ركضت للغرفة ادور ع الملابس ماكو فتحت الكنتور بس ملابسة رحت كعدت على الچرباية اباوع للغرفة جانت هم غرفة اخشاب
نزلت راسي افكر بفرح فرح شاغلة بالي وكل تفكيري بيها بس اريد اعرف وينها وليش ميقبل اشوفها
بنص صفنتي انفتح الباب ودخل لابس شورت وشعرة مبلل
الكسار:ها شو ما لابسة؟
كمت وكفت اباوع بعيونة
:ماكو ملابس اروح اغسل ملابسي وارجع البسهم
ردت امر من عندة واروح اغسلهم بس لزمني من ايدي وسحبني للكنتور فتح الباب وطلع اكياس هواية طشرهم كدامي جانت ملابس وعطور وقراصات
الكسار:هاي كلهم الچ لبسي الي تحبي
باوعتلة فرحانة
:صدُگ الية؟
هز راسة مبتسم كعدت اختار فرحانة اخذت تراك يصير برمودة وردي وملابس داخلية وهو اخذ ملابسة وطلع لبست بسرعة وطلعتلة جان لابس ومكمل بس شافني جر المشط وسحبني كعدني كدامة وصار يمشطلي هالمرة على كيف من كمل سحبني من ايدي واخذني للغرفة طلع عطر من العطور ورش علية
باوع للهوسة مال الملابس وكال
الكسار:فرغتلج هذا الكنتور سطري ملابسچ اني هسة اجي
راد يطلع مشيت ورا
:وين رايح خاف يجي الجني
التفت علية يباوعلي بحيرة
الكسار:ماكو جني هنا والله واكو ضوة بالمكان لتخافين اروح اجيبلچ اشياء حلوة واجي
هزيت راسي راح طلع واني رحت للملابس صرت اسويهم مثل معلمتني فرح واخليهم بالكنتور كملتهم كلهم وهو بعدة ما اجة اخذت العطور وصرت ارتبهم على الميز والقراصات هم خليتهم بالمجر
كملت كُلشي خفت اطلع من الغرفة كعدت على الچرباية اهز برجلي جنت جوعانة وارجف من الجوع
سمعت صوت عرفت اجة كمت اركض طلعت من الغرفة صار كدامي بيدة اكياس باوعلي وابتسم
الكسار:جبتلج اشياء هواية تعالي
تقدمت عليه خجلانة احتضن كتفي واخذني للصالة كعدني بصفة وصار يفتح بالاكياس جايب حلويات هواية واچباس وكرزات واشياء هواية
الكسار:كلهم الچ بس لتاكلين هواية ميصيرلچ
طفرت ببراءة حضنتة بقوة
:شكرا مكسرات
ضحك يطبطب على ظهري
الكسار:ولچ الكسار مكسرات شنو
ابتعدت اضحك سحبت چبس اريد افتحة بسرعة جرة من ايدي
الكسار:تعالي نتعشة وبعدين اكلي اي شي تحبي
فتح علاگة طلع منها كباب ومقبلات ولبن وكعدنة ناكُل وبالي يم اخواني بدون ما انتبه كلت بحزن
:هسة فرح اكلت؟
رفعت راسي من اجة صوتة يكول
الكسار:اكلت لتخافين عليها
ابتسمت وكملت اكلي
من كملنة عزل المكان وجاب نارگيلة وكرزات وعصير خلاهم كدامة صار يصب عصير ويشرب والصالة انملت دخان واني ضجت وحدي اخذت عصير وچبس وحلويات رحت للمطبخ خليتهم بصحن واخذت گلاص ورجعت للصالة كعدت بصفة وباوعلي مبتسم
الكسار:ها شنو تقلديني
:غير ضوجة هسة لو فرح يمي
دار وجهة عني وسكت يدخن ويشرب واني اسوي مثل ميسوي
نعست هواية بس خفت اروح انام وحدي بقيت بمكاني هادئة هو حس كام طفة النارگيلة ومدلي ايدة
الكسار:امشي ننام
لزمت ايدة وكمت رحنة للغرفة نومني وعبالي حيفرش فراش وينام جوة بس تمدد يمي وسحبني نومني بحضنة دفعتة عني بس رجع لزمني
الكسار:ماريد حركة حزن
رجعت دفعتة وحچيت
:كوم اسبح ريحتك محلوة
دارني صار ظهري بصدرة
الكسار:بعد متشمين ريحتي نامي دموع يلا
مكدرت انام واحنة بهالوضع مادري ليش ممرتاحة مع انُ ممسوي شي هاااااادئ تماماً
دقايق وكام عني لازم راسة اخذ تلفونة ووكف بالشباك شوي وسمعتة يحچي
الكسار:ها مَلِك
باچر اجي ماكدر هسة
مابية شي دخنت ودخت روح هسة روح باچر نتفاهم
سمعتة تنهد تنهيدة شگت صدرة وكال
الكسار:ماكدرت مَلِك طفلة عيونها بريئة جريمة بحقها هاي
روح رايح انام
سدة واجة تمدد يمي درت نفسي اباوعلة
:ملاك زينة مو؟
هز راسة مبتسم
الكسار:زينة زينة نامي يلا
غمضت عيوني وحسيت بي يمسد على شعري ويدندن بهمس بكلمات ماكدر اسمعها
كعدت الصبح ملگيتة گمت ادورة بالبيت وهو ماكو رحت للمطبخ شفتة مجهز الريوگ رحت غسلت وكعدت اكُل
من كملت رتبت المطبخ وكمت استكشف البيت جان بي 3 غرف وصالة چبيرة ومطبخ وصحيات والطابق الثاني خفت اصعد
رحت كعدت بالصالة حضنت نفسي واتذكر وهيب وحنيتة
چنت راجعة من المدرسة جان مطر وطين ملابسي كُلها طين چنت خايفة ادخل للبيت اخاف من امي تضربني
بس انجبرت ادخل بس شافتني رفعت الخيزرانة وصارت تضربني بيها دون رحمة وابوية يسمع وساكت
شاهيناز:شنوووو خدامة الخلفوچ توسخيييييننن وانيييي اغسلللل
:من المطر والله ماما معلية اني حبابة اتركينييييي
متسمع مني زورگت جسمي من الضرب
لحد ما اندفعت عني بقوة وصار وهيب كدامي
وهيب:انييييي شكمممم مررررةة كلللللتتت خواتتتتييييي مينضربوووون
جانت منزلة راسها خايفة تقرب عليها مادري شنو همس بأذنها وهي راحت لغرفتها تركض وهو سحبني ضايج اخذني للحمام خلاني اسبح ومشطلي شعري وجان يحاول ينسيني الوجع
باسني براسي وهم غنالي بهدوء لحد منمت
رجعت الواقعي لگيت نفسي ابچي بحرگة وينة وهيب هسة وين فرح وشلونهم
رفعت راسي شفت الكسار واكف بالباب متكتف وصافن علية فتحلي ايديه وأشرلي براسة اجي
كمت مكسورة وامشي وابچي وگفت كدامة بسرعة سحبني ودخلني بحضنة
الكسار:شبيها دموع دموعها مالية عيونها
واني بحضنة رفعت راسي اباوعلة
:كسرات اريد وهيب وفرح اريد اخواني
دخل شفايفة لداخل حلگة محتار رجعت حچيت بغصة
:ماكدر بدونهم بس طمني عليهم اخواني بخير؟
الكسار:اخوانچ بخير بابا
:اذا بخير اخذني الهم حباب
الكسار:ياريت اكدر حزن يارييييييت
دفعتة ورجعت كعدت بمكاني حاضنة نفسي وابچي حسيتة كعد كدامي وحط ايدة على كتفي
الكسار:تردين اطلعچ؟
هزيت راسي بلا وابچي رجع اردف بأبتسامة
الكسار:زين العبچ لعبة؟
مسح دموعي وكال
الكسار:كافي بچي كومي نلعب اني وياچ
هدئت مثل اي طفلة عرضو عليها هيچ عرض
:شنو نلعب؟
حط ايدة على ذقنة ورفع راسة يفكر ثواني وباوعلي
الكسار:تلعبين ختيلان؟
ابتسمت وهزيت راسي گمت فرحانة
:منو يحسب؟
الكسار:بكيفچ
:انتَ احسب واني اختل
هز راسة وراح وكف على الحايط يحسب واني ركضت ادور مكان اختل بي رحت للغرفة فتحت الكنتور دخلت وسديت الباب
سديت حلگي اضحك من سمعت صوت خطوات قريبة شوي وانفتح باب الكنتور وعاط يضحك
الكسار:لزمتتتتتچ
ضحكت بعلو صوتي ضحكات طفولية وبريئة شالني طلعتي من الكنتور وكال
الكسار:هسة انتِ احسبي واني اختل
ركضت للصالة سديت عيوني احسب
:واحد اثنين ثلاثة هاااا حلال؟
اسمع صوتة ومبين يضحك
الكسار:لااااا بعدنييي
ضحكت ورجعت احسب حسبت هواية وصوتة اختفى
:هاااا مكسرات حلال؟؟
ماكو صوت رجعت احسب واحسب واحسب ماكو رد مليت
كمزت من سمعت صوت كُلش قوي عطت خايفة ركضت ادور على الكسار وخايفة
:مكسرات وينك اطلع ما العب بعدددد
ماكو رد ردت اروح للغرفة ادورة بس التفتت من سمعت صوت حركة بالمطبخ ضحكت بصوت واختفى خوفي ركضت للمطبخ
:لگييييييتكككك لگييتككك
دخلت للمطبخ والضحكة شاگة حلگي لكن سرعان ما اختفت ضحكتي وتسارعت دگات گلبي من شفت الكسار متمدد بالأرض ودمة مالي ارضية المطبخ
المنظر يرهب تقدمت بخوف وقبل لا اوصل انسحبت بقوة من ملابسي وحلگي انسد
اجاني صوت احس سامعتة
:بلا حركة ولا صوت حياتچ متكلف طلقة ترة
هزيت راسي خايفة وعيني على جُثة الكسار وشلون الدم ينفر نفر منها وهر ايدة عن حلگي واني فاتحة عيوني على وسعهم
كلت بدون وعي
:الكسار!
قهقه بصوت مُزعج وهمس
:عود الله يرحمة
حچيت بصوت يرجف
:منو انتَ
تقرب لأذني وهمس وانفاسة الحارة تلفحني
:ملك الموت....
..يتبعع..
توقعاتكم؟
.
.
.
.
.
.
.
.
.
3000كلمة اعرف قصير بس ماكدر باجر اكتب او انزل بارت ان شاء الله الاحد بارت طويل🤍
البارت نزل قبل موعدة انا انزل بارت بين يوم ويوم
ضيفو حساب الانستا
وقناتي تلي
اللهم صلِ على محمد والِ محمد 🦋
مها ال عبدالله