قيود عشك الشيخ

قيد الثامن عشر

انصعقت وجمد الدم بعروكي بعدني اريد استوعب الصار سمعت صوت اخر شي ممكن اريد يشوفني واكفة هل وكفة وي سرمد::- زهرررة??!!

ماتن رجلية بسرعة التفتت واشوف ثقيف واكف وعلامات التسال والاستغراب تارسة وجها

التفتت للسرمد غمزلي وابتسم كلبي خفق بقوة تقدم ثقيف بخطوات خطرة بأتجاهنا حجة سرمد بهمس::- فكري ورجعيلي الخبر وذا وافقتي اخوج يرجع لحظنج

غمضت عيوني ودمعتي بطرف عيني حاولت ما انزلها حتى ما اثر الشك بداخل ثقيف وصل يمنا وابتسامة مصطنعة كال::- ها خيركم

باوعت لسرمد ساكت ومبتسم كرهت كره ودعيت علية دعاوي تكسر الضهر حجت انا::- ماكو شي شيخ بس اجيت اريدن اكول للسرمد يشلعلي سعف اسعف البيت بي لان كلة بيت عنكبوت

التفتتلي وما مصدك حجة بشك::- ليش مو هاي بيدج سعفة

باوعت اي ولله هاي بيدي انتهيت ولزمتني الرجفة والمشكلة ما اكدر بعد اجذب يعرفني وخاف انكشف وساعتها شيخلصني باوعت لسرمد وعسى ولعلى يساعدني بس الحقير ابتسم وتعدانا ثنيناتنا وما بدر من عندة اي شي لتبرير

فزني الشيخ وهو يحجي صاك اسنانة يعت بية::- زهرةة

باوعتلة وغمصت عيوني::- شفت سرمد وسهى والبنية تبجي تتوسل بي عوزها بس تبوس رجلة استخطيت الموضوع واجيت احجي وياه

فرك وجها ضايج::- شكلت انا هااا شكلتتتت???

رجعت لورة اول مرة اشوفة بهل وضع والعصبية اخذني من ايدي وطلع بية دخل للمطبخ وانا رجلية كوة اسحل بيهن من الهبطة

دخلنا للمطبخ وجميلة التفتت وحجت::- خايبة وينج من ليمتا رحتي مو هياتها الحديقة

التفتتلي وفاتح عيونة ع وسعهن يباوعلي بشك باوعت لحالتنا وسكتت دخل بية للاستقبال

خالتة وسهى يردن يرحن اتصنع الابتسامة وودعهن وطلب من ايسر يرافقهن اجة سرمد كعد بالصالة ويباوع النا ومبتسم وابتسامتة شامتة الله ياخذة الحقير

خزرة الشيخ دنك راسة راد يروح وكف سرمد وحجة::- ثقيف

التفتتلة الشيخ وحجة بنتر::- شتريد

::- رايد اخطب سهى

لحظات سكوت من الكل باوعلي ورجع باوع للسرمد رخت ايدة وحجة::- خوش نروح نخطبها ليش لا

حجت تمامة معترضة::- شنهي يمة تجنيت ماكو غير سهى

هو ساكت بس جميلة ما سكتت::- ليش شبيها سهاوي اشو تخبل تلكين مثلها انتي??!

::- هي مال حلوة حلو بس اخافن تطلع مثل اخيتها عدهه خويط

ما اخس الا ثقيف ترك ايدي وراح دفر الطبلة الكزاز الي يم تمامة فزت ورجعت لورة وسرمد واكف يشاهد حتى بالجذب ما دافع لامة الجبان الحقير

صرخ الشيخ من اعماق روحة::- لححححدددددددددد يييييججججييييييبببببب ططططططااااارررررييييييي الممممممررررررحوووووومةةةةة مووووو مخبببلللةةةة مفففهههوووومممم مووووو مخخخبببلللةةةةة انتمممممم خخخخخخخببببلللتتتتوووووهههههااااااا خلللووووننييي سسسساااااككتتتت اااااكككووووو مرررررةةة لحححكككتتتهااا وتحجوووننن عللليييهاااا يييررررحنن الننننسسسوووااننن كككللللههههننن الللهاااا فدووووااا

كلها نخلست اجت جميلة تركض لزمت ايد ثقيف تبجي وتتوسل بي::- هذا هو خوية لا تصيح راح تموت خاف يصير بيك شي بعد روحي لا تصيح هذا هو محد يجيب طاريها

باوعتلها الي انا مصدومة ومصعوقة من الموقف حجت::- تعاااااييييي صصصععععدددييي

اجيت بسرعة اخذتة من ايدة نتر ادينا ثنيناتنا وراح صعد فوك لزمت كلبي اهدء من روعتة وتمامة سوت نفسها ميتة وواكعة تركت هل مهزلة وصعدت لفوك الباب مفتوح ع كبرة وهو يفتر بنص الغرفة رايح جاي رايح جاي

بس شافني وكفف يباوعلي وجها اصفر دنكت ورحت للكنتور وكلامتة وموقفة ببالي

العباية مالتة جان شامرها والمحابس بالكاع نزلت عدلتهن ورجعت كلمن لمكانة وهو يباوعلي تجاهلت نظراتة كعد وجها اصفر وعيونة حمر من الرجيف

فرك وجها بتوتر وحجة::- زهرة ..

راد يكمل طلعت من الغرفة كلها كام واسرع بخطواتة سحبني من ايدي وحظني حيل راد يدخلني بضلوعة

ابتعدت عنة هو يباوعلي متفاجئ حجة::- زهرة!!

ما نطقت ولا حرف الموقف والهبطة وكلام سرمد موت رجلية وتعبني فوك تعبي وتفكيري

عفتة ودخلت للغرفة تلفلفت بالبطانية ونمت هو اسمعة يجر حسرات بعدها خلة وطلع

ما رجع الا بعد يومين من السالفة الصار نزلت الصبح يوم الثاني لكيتهم صاجين ويعدلون ويرتبون وفتون معتكفة وضايجة وكلساع ضاربة جهالها ومخلية صريخهم مالة والي

رحت للمطبخ وكلعادة جميلة هنا باوعتلي وحجت::- صح الضهر

ابتسمت اول مرة اكعد ساعة تسعة كل مرة اكعد وياهم بس البارحة انتظرت الشيخ لحد الفجر وما رجع ايست ونمت::- البارحة تاخرت بالنومة وهل ظليت لل ضهر ااي شنو هل خبصة بس لا جاينج خطابة

ضربتني وحجت::- وخفة لهل حلك ما فد يوم حجة حجاية بيها حظ

ابتسمت وهزيت ايدي::- ديلا عاد مو زين ادعيلج بالرجل الصالح

ضحكت وظلت ساكتة تهز بديها حجت::- اليوم نروح نخطب لسريمد

جنت جاي اشرب مي غصيت وحجيت موسعة عيوني::- شنننووو تخخخخطططبووون المممننن

فزت وباوعتلي متفاجئة من رد فعلي::- ووجع وهرش مالج تصمي وصيحين خايبة فزعتيني المن قابل غير لسريمد كاتل روحة صارلة يومين ينحش يريد سهيوان

كعدت ع كرسي مهدود حيلي راح تنهي حياتها بيدها الخبلة هاي شجاي تسوي بروحها هو كتال اختها شجاي تسوي يربي

انا بلغتها ما عايزة مصايب تعبت حيل تعبت ما عايزة حجيت ونصحت بيها بس ما اخذت بالنصيحة خليها هي تواجه مشاكلها بنفسها

اجت فتون ودمعتها بعينها وحجت::- انا رايحة لهلي

باوعتلة جميلة بنص عين::- مو عدنا حفلة وخطبة وين رايحة

::- ما احظرها

سكتت جميلة ما حجت شي رجعت كالت::- الفروخ راح اعوفهن هنا عبن يردون يحظرون عرس عمهم عشتو

سكتت جميلة متجاهلتها راحت طلعت انا وراها اباوع الها جان سرمد يعدل بالباب مالتة باوعتلة بحزن ودخلت وركعت الباب غرفتها

وهو ضحك وهز ايدة بسخرية جان ما يدري انا موجودة التفت الية بس شافني ضحك وبينت اسنانة ودزلي بوسة بالهوة

قرفت من كعدتي هنا وكمت بسرعة اريد اصعد لفوك بس دخل الشيخ من بعد يومين غياب تلقت نظراتنا

باوعتلة بعتب عفتة وصعدت لفوك دخلت للغرفة اعصابي ترجف ما اتحمل هل مهزلة هاي بس مجبورة اسكت مجبورة كلة لخاطر عيون اخوي يهون

مسحت وجهي ولزمت راسي يريد ينفجر من كثر التفكير والضغط النفسي تنهدت

انفتح الباب ودخل الشيخ اول ما دخل تقدم بخطوات مترددة وحظني ما بدرت مني اي ردة فعل و حتى ما رفعت ادية وحاوطتة

بعدني عنة وجها باهت لزم ادية وجرني كعدني ع جرباية هو كاعد مقابيلي::- شبيج

رفعت حاجب وحجيت بتسال::- ليش ما تسال روحك يا ترى شبيها زهرة

جر حسرة شكبرها وحجة::- اعتذر منج لان..

كمت بعصبية وقاطعتة::- لان شكيت بيج ولان ما احترمت وجودج وفصحت بحبي لزوجتي وانا ما ناسيها وماكو مرة مثلها

سكت غمض عيونة بقلة صبر مسح وجها بادين ترجف مد ايدة الي سحبني وكفني مقابيلة وهو كاعد صاير اطول مني حجة::- زهرة مو هيج افتهمتي الموضوع كلة من ساسة لراسة غلط بغلط

وخرت ادية من ادية وحجيت بضعف::- عوفني ثقيف تعبانة حيل حيل تعبانة

هز راسة مقهور وادية ترجف حجة::- ابتعدي عن سرمد

جمدت بكاعي ورجفت كل ذرة بجسمي اختنكت وضاك النفس علية حجيت::- ليش مو اخوك ليش ابتعد عنة

دفر الجرباية وصاح::- اخذذذيي بالكلااااممم ولااااا تنااااقشششييينن مففففهههوووومم ممننننن اكككللللجججح ابببتتتعدددييي يييعععنننيييي تبتتعددديييننن قققسسسسماا عظظظماااا لووو لمممحتتت ممممجررررددد للللممححتتت تتتحححجججييين وييياااهه لوووو جاااامعكككمم ممممككككاااااننن ااقققسسسممم بذذذاااتتت اللله ارررمممييي يممميييننن اللللطلللااااككك وارررجعججج منننن ووويييننن مااااجيييتي

واكفة مذهولة من كلامة وعصبيتة الما مفهومة ليش حذرني وليش بالخصوص كالي ابتعدي ليش عن سرمد بالتحديد شديصير الشيخ شيعرف??!! وضام عني?!! معقولة يعرف شي محد يعرفة افتر عقلي ودخت

واكفة منتظر مني كلمة هزيت راسي وحجيت باي هو مسح وجها وحجة::- نزلي ايدج بيد جميلة وحظري نفسجن ترحن للخطبة

حجيت::- ميخالف نازلة بس ما اروح انا للخطبة

باوعلي وكام وكف::- يكون افضل

كالها وطلع تحت صدمتي وذهولي شديصير يا اللهي طلعت لبرة الدنيا الضهر والغدة جاهز

كلها دخلت تصلي وانا رحت للمطبخ شفت فتون وسرمد واكفين فتون دموعها ع خدها وتحجي بحركة كلب بس شافتني سكتت

ما اهتميت الهم دخلت اخذت ماي وطلعت جان اكو حاجز بين الباب المطبخ وبين الصالة وكفت اتسمع ع كلامهم عسى ولعلى اسمع شي يخص اخوية

حجت فتون بحركة كلب::- ليش سرمد ليش تسوي هيجي مو انا احبنك ليش تعمل هيجي بية وهذا ابنك الي بطني شاسويله

شهكت بصوت مسموع ثنينهم طلعو ع صوتي وانا واكفة مصدومة سرمد عيونة بحلقت وصارت بكصتة

اجة يتقدم بتجاهي طكيتها ركضة ع درج وصلت للصالة الفوك لاكاني ثقيف وكفت اتنفس ع السريع والتفت لورة انفاسي لاهثة وعاصرة كلبي من الخوف

تقدم بخطوات مستغرب حجة::- مالج

لزمت ايدة وحجيت::- ثقيف لا تطلع وتعوفني فدوة اروحن الك

سكت يباوع لعيوني وشكلي الي يثير الشك كال::- شبيج منهو الراكض وراج

فتحت عيوني وصحت بصوت::- لاااا لاااا ماكو شي

باوعلي بشك وحجة::- دخلي ارتاحي انا هنا ما رايح

لزمت ايدة وحجيت::- ادخل وياي ولا تروح

::- عجل بوية اليوم خطبت الولد شلون ما روحن ما يصير يا بوية

::- خلي سلام يروح بدالك

سكت يباوعلي ما عاجبة الوضع تنهد وكال::- سلام ب بغداد

سكتت ودخلت لجوة الخوف دخل برجلية اريدهن يمشن ماكو لو لازمني جان خلص علية

فتون هاي فتون حاملل حامل من سرمد كلما اتذكر كلامها المقرف وتوسلاتها الحقيرة بي نفسي تلعب

لزمت راسي بالم مو لازم واحد يسكت انا شيطان شيطان اخرس يشوف الغلط بعينة ومتستر علية بس مو بيدي ولله مو بيدي اخوي ركبتة بين اديه اذا عرف انا انتهي واخوي ينتهي شسوي شنو الحل

جريت حسرة وخليت راسي ع المخدة وانا فكرة تجيبني وفكرة تاخذني فززني صوت الشيخ::- زهرة ليش ما تبدلين وترحين وياهن حالتج ما عجبتني وراح يظل بالي

حجيت بتعب::- ما بية حيل ثقيف روحو انتو لا تتاخرون

همس بحسرة::- ان شاء الله ولو انا ما مقتنع تبقين هين هنا وحيدج بوية

ابتسمت بتعب وحجيت::- ما اكدر ثقيف افهمني تعبانة

تقرب الي بخطوات مليانة خوف ولهفة خلة ايدة ع جبيني وحجة::-مالج بوية قلقتيني شلون اروحن واعوفنج بهاي الحالة

ابتسمت::- ولله ما بية شي بس جاي احس بتعب عظامي يوجعني

تنهد وباس راسي ودنك ع ركبتي شماها::- اووووفف يريحتج جنها ريحة شيلة امي

ابتسمت بتعب ملحوظ على ملامحي هو يباوعلي بتعب بعدها اجانا صوت ايسر يكول::- يلا يابة خلصت

جر حسرة ويباوعلي بخوف حجيت اطمنة::- روح حبيبي ولا تتاخر

::- ما اتاخر انتظريني

::- راح انتظرك

::- حابج حيل وضامج بثنايا كليبي

ابتسمت الة وهو دنك ع راسي باسة وطلع ظلت عيوني تراقبة منا لمن طلع لو ادري راح يصير الي يصير اليوم جان ما خليتة يطلع وتمسكت بي بكل قوتي

...................

شعور بالخوف رجفة بالاطراف كلها وانا كاعدة بنص الصالة والنسوان محاطاتني وانا بالي يم كلام زهرة "ابتعدي عن سرمد ما يفيدج"

ليش هيج حجت وليش تصرفت هل شكل ما اعرف كلامها ما اهتميتلة وحسبتها غيرة او شي ثاني بس ما نسيتة بقت كلامتها وخوفها ببالي ليش نصحتني هل نصيحة ليش

فززني صوت امي الي ما قابلة ع الي ديصير كلة وحجت::- كومي ورة الباب الشيخ منتظر يريد يعقد الكم

ابتسمت وكمت بارتباك وهي تباولي وتهز بديها ما عاجبها الوضع وهاي الثانية ما اعرف ليش رافضتة هم امي وزهرة خلوني اتردد عن الموضوع ويصير عندي خوف

ما حسيت الا ع كرصة وحدة من اقاربي وتصيح::- يلا كولي الشيخ منتظر

حجيت بتردد::- نعم انت وكيلي

الهلاهل والكولات بدت تركع رفعت راسي لامي جانت تباوعلي وعيونها تدمع بسرعة نزلت عيوني منها وحاولت ما اباوع الها ابد ولا تنرفع نظراتي باتجاها

اجت تمامة رافعة خشمها وما عاجبها العجب وتباوع بعين صغيرة ومقهورة ومشمئزة من الوضع كلة بس جميلة وخالتي ام ثقيف فرحانات ويصفكن وباركلي وجميلة تهوس

ما اعرف شلون وشوكت دخل سرمد يريد يلبسني الذهب مرتبكة وخايفة وايدي ترجف بقوة دخل لابس قاط رسمي وعيونة تباوعلي بمكر

ابتسمت وباوعتلة بحب ولهفة وقابلني بنظرات متلاعبة ما فهمت نظراتة كل ظني عبالي حب

كعد ع كرسي اليمي جنت لابسة بدلة نفش ذهبي وتسريحة ومكياج بسيط باوعلي وابتسم::- شنو هل جمال طالعة كيك

ابتسمت وفرحت بل طرت من الفرح ع كلامة جان ابسط احلامي يباوع بوجهي مو انوب اسمع كلام حلو من عندة ابتسم بطرف شفتة من شاف فرحتي

انطتة جميلة التراجي حجة بانزعاج::- شنقضية هسة انا داخل بنص النسوان البسها تراجي شنو ما تعرف تلبسهن

اختفت ابتسامتي وخفق كلبي بقوة من الفشلة بهت وجهي وانا اباوع ع نسوان وحدة تباوع للثانية ويتبسبسن حجت جميلة بهمس::- يول خايب فشل لزوم تلبسها الذهب يلا لا تفشلنا

تافاف بضجر وجر العلبة ولبسني التراجي انوب الحلقة الي جايبتها انا شوية كبيرة علية باوعلها وحجة::- شكد ثولة جايبتلي حلقة بكد راسج

صفنت بوجه مستغربة طريقتة بالكلام واسلوبة وياي عبالك جابرتة درت وجهي عنة وبعد ما نطقت او بدر مني اي فعل من شافني هيج غير تعاملة وكال::- اعتذر بس اليوم صارت مشكلة بالدوام وتعبت واجيت اركض

هزيت راسي وبلعت غصتي وما جاوبته بعدها كالت وحدة::- يلا دخلوهم سوة للغرفة

دخلنا سوة سد الباب وتقدم علية بمكر وما اعرف شنو الصار وبسرعة جرني ودفعني ع جرباية ونام فوكاي وهجم ع شفايفي بنعنف وبقوة

بالبداية ما بدرت مني اي ردة فعل لان انصدمت بس بعدين نزلو دموعي من حسيت شفايفي طكن دم بجيت وبقيت ادفع بي واصرخ من الالم

ابتعد يجر نفس وانا لمست شفايفي وباوعت الايدي مليانة دم باوعتلة دنك ع ركبتي وبدة ينهش بلحمي

صرخت بصوت مكتوم وحجيت بدموع::- كاافي اخخ جاايي اتاذة كاافي

ابتعد وكام بسرعة قفل الباب وواكف مقابيلي يلهث حجة بسرعة::- بسرعة نزعي البدلة

فتحت عيوني ع وسعهن ودموعي تصب اجة تقري رجعت لورة وحجيت::- وخر وخر عني وخر

ابتسم وحجة::- شبيج ما نطول ربع ساعة ويخلص كلشي

فتحت عيوني مصدومة من جرئتة حجيت وانا ارجف::- سرمد عليمن مستعجل الله يخليك خلينا للعرس جاي تخوفني منك

باوعلي بطرف عين وحجة::- ومن جنتي تتختلين وياي بالكل مكان ما جنتي تخافين يلا بسرعة ما نطول

كلبي رجف واطرافي ثلجت حجيت بخوف ورهبة ورجفة سرت بكل جسمي::- لا ما اريد ما اريد كافي وخر طلعني منا يممةة

بسرعة اجة سد حلكي وحجة مخنزر::- ووجع وغمة عليمن خايقة بت الكلب انعل ابوج لابو الخلفج عدلي وجهج بت الفكر راح نطلع

دفعتة ومسحت دموعي بسرعة وردت امشي افتح الباب جراني حظني وكال::- حبيبتي انا اسف

ما بادلتة من الخوف جسمي يرعش وخر وباوعلي بابتسامة وحجة::- انا لو ما احبج ما اتقرب منج واريد قربج انا مستعجل عليج لان احبج

بسرعة ابتسمت الة وراحت الرهبة الي بصوتي وحجيت::- لا عادي بس لا تعيدها

ابتسم ودنك ع ركبتي باسها وكال::- ما عيدها بس راح اقدم موعد الزواج

هزيت راسي وابتسمت تقرب طلع كلنس من جيب بنطرونة ومسح حلكي باوعت للكلنس بيها دم اخذتها من عندة ومسحت الدم ورتبت نفسي ع المراية وطلع هو انا بقيت دخلت امي ولطمت ع صدرها ما احس الا جابتني براشدي::- من عمت عينج خايبة شنو هذا الدم وشنو هاي ركبتج وحلكج

خفت ورديت بسرعة::- من حلكي ولعباس من حلكي انجرحت

دخلن جميلة وخالتي وهم انصدمن حجت خالتي::- يمة صح هو ريلج وما نلومكم انتو شباب وتردون بس يمة ما يصير منا واحد وعالم هسة شتكول من تطلعيهم بهذا المنظر عيب يا امي

دنكت راسي بخجل منهم حجت جميلة::- يلا ما صار شي ابقي هين هسة النسوان تنصرف لا طلعين

هزيت راسي وفعلا النسوان بدت تخف شوي شوي الى ان كلهن راحن دخلت علية امي تباوعلي بقهر حجت بكلب محروك::- هاي انا حجيت وكتلج رفضي وكتلج ما يفيدج وحذرتج وتوسلت وبجيت ولزمت ايدج وبستها بس كون تكولين لا بس انتي ضربتيني بعرض الحايط وكلتي اي ووافقتي ع تعاستج اذا فد يوم اجيتيني وكتيلي سرمد طلع مو الانسان الي اريدة لا استقبلج ب بيتي ولا اريدنج تجين تنطمين ب بيتكم وتكعدين بعد انا مالي يمج حجاية

حجتها وراحت القهر والحركة ستوطنت كلبي امي المفروض تدعيلي بهذا اليوم ليش هيج تحجي وياي سرمد يحبني لو ما يحبني ما يجي ويتقرب ويبوس بية لورما يحبني ما يخطبني

ادري ما راح يخيب ظني بي وراح يطلع الانسان الي تتمنى امي الي وراح اجي ع يوم لامي واكول الها ........يتبع

الـنـهـايـة 🌚❤️

الكاتبة شوك 🧚‍♂️❤️

الفاتحة ع روح المرحوم عبد ابن هدية يرحمكم الله💔💔

اقرو الفاتحة واهدوها لروحة واكون ممنونة منجن 💔

حسابي الانستا تابعوني