مساء الخير شذراتي🧿📿
لاتنسون التصويت/متابعه الحساب/تعليق بين الفقرات
#الجَلْعَد
#بارت33
ـــــــــــــــــــــــــ
وحسبالي من
ابتعد
تتعنه لدياري
وتترسني وينك
مختفي
ضل بالي
كل ضني اهمك
صدك وتهمك
اخباري
ــــــــــــــــــــــــــــ
نيار:
كل فترة الأمتحانات اني ذابه نفسي على الدراسه بس مانكر جنت استرق النضرات من امجد واروح بواهس نضراته ادرس
امتحنه وخلصنه جنت كلش زينه بلمتحانات
بعد كم يوم واروح للعماره اخلص العطله هناك حسيت بهاي لأيام جوان تلمحلي على شي او هيه شاكه بنضراتي لان اكثر من مره تلكفني اباوع لأمجد بس تغلس
ودائما تحجي على شخصية امجد كدامي وانو هوه ماكو منه وكلبه طيب وحنين واني اغلس على حجيها مابينلها اني مهتمه اسمع عنه واني بگلبي طايره من الفرح
اليوم ارجع للعمار
واكفه اجمع غراضي سمعت الباب ندكت كلت فوتي جوان واني صاده على الكنتور اطلع ملابسي سمعت تحمحمه وراي
التفتت لكيته امجد اني لابسه شال وملابسي مستوره
باوعتله برتباك وهوه تحمحم وكال
امجد: شلونج؟
نيار: ت تمام وانتَ؟
امجد: الحمدلله، نيار
نيار: ها
امجد: اكدر احجي وياج بموضوع لو مشغوله؟
تحمحمت وكلت
نيار: تفضل
باوعلي وكال
امجد: نيار تزوجيني؟
باوعتله فاكه حلكي من الصدمه وكلت بفهاوه
نيار: ها
امجد: تزوجيني؟
رمشت بعيني عدت مرات واني مامستوعبه الداسمعه لملمت نفسي وكلت برزانه
نيار: امجد انتَ صديق اخوي وانته ماناقصك شي بس اني رئي من رئي اهلي تريد تعال البيتنه وطلبني من ابوي ورئي من رئيهم
بتسم وكال
امجد: اكيد اني راح اروح البيتكم بس اني ردت اشوف جوابج قبل لا اخطي هيج خطوه وهسه عرفت الجواب وانشالله بعد يومين احنه يمكم
هزيت راسي وهوه كال
امجد: فرقد راح يمر عليج؟
نيار: اي
امجد: تمام، اخذي راحتج في امان الله
عافني وطلع اباوع وراه وارمش شمرت الملابس من ايدي وتوجهت للمرايه اشر على نفسي واكول
نيار: الثكيل اجه بنفسه خطبني معقوله
لمن استوعبة الموضوع كمت اكمز من الفرحه ياييي واخيرا واخير الثكيل راح يصير الي خطيبي
لميت ملابسي وبدلت دك عليه فرقد سلمت عليهم وطلعت وامجد وياي سلم عليه وفرقد شغل السياره وطلعنه للعماره والضحكه شاكه حلكي باوعلي فرقد وكال
فرقد: شبيج تضحكين؟
خففت ضحك وكلت
نيار: لان راح اروح للعماره
هز راسه وسكت
ـــــــــــــــــــــــ
ورق:
كل هاي الفتره اني وفرقد سوه صرت اموت عليه اذا مر يوم وهوه مادازلي رساله لو داك عليه اتخبل اضل كل ساعه داخله الحسابه لو الرقمه اشوف قبل شكد اخر نشاط
اذا جان قريب ادك عليه وتصير عركه من الروس بلتلفون
بس اذا بعيد معناها عنده شغل ومافاتح نت واعذره
وهوه اكثر من مره يكلي احس بذنب من اشوف امجد واني غادره واحجي ويه اخته من ورا ضهره واكثر من مره يكلي اجي اخطبج واكله مو هسه لان بابه مريض وهوه يعصب ويكلي اريدج يمي شنو ماتحسين واخر النقاش ينتهي بعركه
انتبهت على نيار عينها على امجد كيفت لانحسيتها تحبه
كمت وين مالكه امجد ازن براسه شوف نيار شلون حلوه شوف نيار شلون هادئه شوف نيار شلون مثقفه وهوه لا ابالي اخر شي صرت الح عليه بيها هواي لمن صرت المحه من ادنك هيه لو تمشي كدامه يخطف نضرات منها كيفت وفرحتي زادت واخير اخوي راح يطلع من ماضيه وبمساعدت نيار صرت اقرب بينهم اذا كاعدين بمكان بس احنه اطلع حجه واعوفهم وحدهم واكوم حسيت على امجد صار يميل النيار ومن يجي يسأل عليها
لمن اخر شي من رادت تروح للعماره كلت لازم احركه واخلي يحاجيها رحت الغرفته دكيت الباب ودخلت كلت
ورق: امجد
امجد: ها
ورق: شوف راح اكلك شي وجاوبني بصراحه
عكد حواجبه وكال
امجد: كولي
ورق: انته ماحاط عينك على نيار؟
باوعلي وبلع ريكه وكال
امجد: منين جبتي هاذا الحجي؟
ورق: مو كلنه جاوب بصراحه خالها ابالك لو لا؟
تنهد وهز راسه وكال
امجد: اي
بتسمت وكلت
ورق: لعد لاتخليها تروح من ايدك وروح كللها
امجد: وذا هيه ماتريدني؟
ورق: لا متأكده ماىاح ترفض روح جرب حظك لا تضيعها من ايدك والله ماتلكه مثلها
هز راسه واخذ نفس وكال
امحد: اروح هسه
هزيت راسي بحماس وكلت
ورق: اي اي هسه لا تفوت الفرصه
دفعته وصلته الباب غرفته خليته يدك الباب ورحت الغرفتي اضحك على منضره المتوتر
ـــــــــــــــــــــ
ميار:
مارجعت الموافقه لحد ماخلصنه متحانات
ضليت افكر شكل الزينب والله عيب
لمن اخر شي باخر امتحان تجرئت وكلتلها زنوبه كلي لأيهم موافقه كلتلي على شنو كلتلها بس كليله هيج وهاي هيه هوه يفتهم
هزت راسه وسكتت
رجعت للبيت واني متوتره اجت نيار من من بغداد وضلينه سهرانين اخر شي كلتلهن
ميار: بنات اكلجن شي
التفتن عليه وكالن
_كولي
ميار: ايهم خطبني
كمزن وكلت نيار
نيار: عليججج الله
ضحكت وكلت
ميار: والله
جوان: يمته ولج
ميار: بيوم تصاوب شهم كالي وهسه رجعت الموافقه وراح يجي يخطبني
نيار: يالاهييي قلبييي الصغيرر لا يتحملل
ذبت روحه على الجربايه تضحك شويه والبنت طفرت كالت
نيار: اكلجن شي
_شنو؟
نيار: امجد خطبني
كمزنه واحنه نحجي بصدمه
_لج شنو خطبج شنو علاقتكم
ضحكت وكالت
نيار: والله ماعندي علاقه بيه بس عيني عليه يعني معجبه بيه وهوه قبل لا اجي لهنا كالي تزوجيني كتله تعال اطلبني من ابوي
ميار: ياااي حلو ننخطب سوه
جوان: الله يهنيجن ياروخي انتن
حنتنه وهيه تضحك باوعت النيار وسكتنه لان تذكرنه جوان من جانت تحجي بكل حماس اذا جبنه طاري امير هسه منتهيه اصلا المكان البي امير تكوم منه
ضلينه كاعدين نسولف
لثاني يوم الصبح
تريكنه وكملنه وشهم كال نيار ميار تعالن الغرفتي
رحنه ورا واحنه وحده تصفن بلثانيه ونبلع بريكنه من التوتر
دخل الغرفته واحنه ورا كعد على الجربايه واشرلنه نكعد يمه كعدنه باوعلنه وكال
الجَلْعَد: شلونجن
_الحمدالله
الجَلْعَد: محتاجات شي
_سلامتك
الجَلْعَد: شوفن بنات انتن اخياتي وبناتي واني ربيتجن وتعبت عليجن ومايهيلي احجي هل حجي بس خطبوجن مني والله لو عليه مازوجن لان اني مستعز بيجن يوم الي ماسمع صوتجن بلبيت اضل ادور عليجن بس هاي سنة الحياة بعد وانتن شتكولن
وحده باوعت بوجه الخ وكلنه مستغربين عود
_منو الخطبنه
الجَلْعَد: امجد خطبج الج نيار وايهم خطب ميار هاشتكولن
نزلنه روسنه مستحين وكلن
_الي تشوفه خويه احنه انفذه شورنه من شورك
الجَلْعَد: بعد اخوجن هاي مابيها شوري لو شورك هاي عشرت عمر راح تعيشنها انتن مو اني اني اريدجن مقتنعات وانتن الي تنطن الموافقه واني موافق اصلا لان مالكه مثلهم اصدقائي واعرفهم ولد اصل بس يبقى الموضوع يمجن ترفضن انا وياجن توافقن العليه اباركلجن وهسه كومن فكرن وعود ردن الجوب اليه
هزينه روسنه وهوه بوسنه حضنا وطلعنه دخلنه للغرفه وحده باوعت بوجه الخ ومتنه ضحك كمنه نكمز ونصيح واخيراا واخيراا
يتبعععع
التكمله بليل تنزل اذا نانزلت كولو هاي تخربطة لان هسه وكوه فاتحه عيني من التعب اعذروني فدوه الكلبكم والله كلش تعبانه ودايخه
لاتنسون التصويت
وضروري اتابعون حسابي الواتباد
بقلمي الكاتبه فاطمه الموسوي