اެݪـڪـاެتِـبُـهَ سَ︎︎ـجَــﯽ
قضيه لبوه
بارت الخامس
لا تتراجع أبداً النجاح العظيم يستغرق وقتاً.
♡♡♡♡♡♡♡♡♡♡♡♡♡♡♡♡♡♡♡♡♡
كلنا فتحنا عيونا بالصدمة عبالي ريام صار بيه شي بس شفت ابو قاسم واكع بالكاع والكل مكان دمم عمو شهم ضاربة طلقة حتى ينقد ريام
ركضت لريام واكفه بالصدمة
لبوه....حياتي بيج شي ؟
هززت رأسه بلا اخذت وياي بالطرف انطيتها مي حتى تشرب رفض لأن بعدها مصدومة وترجف
نزار....شلون صار؟
لبوه....بعدها مصدومه وترجف
شهم...شنو نسوي هسه لازم نوديها لبيتها
لبوه....حياتي كولي بيتج وين خل اوديج همم
ريام ...لا لا مااريد ابوي يكتلني
لبوه....منو ابوج شنو اسمه؟
ريام.....مسلم
نزار....هذا مسلم يسوي هيجي لو كافر شيسوي
لبوه....اي وين بيتج كولي ولاتخافي مايسويلج شي اني وياج
ريام....اخاف والله انتوا تروحون هما يكتلوني
ببجي
لبوه....هسه شنسوي؟
شهم......أخذيها لبيتج وباجر نروح نحل موضوع لأن مصدومه من لصار
لبوه....تمام تعاي وياي حياتي
اخذتها لسيارة ورحنا لبيتي وصلنا نزلنا
لبوه....تعالي ادخلي يعيوني
ريام....اسفة للزعاج
لبوه....ولج شنو ازعاج هاي واجبي يلا جوه
دخلنا من جنا دندخل الغرفة شافنا ايهم رفع حاجب وهز رأسه عود شكووو
لبوه...بعدين بعدين تعاي دخلي
لبوه...شوفي هاي حمام اتحممي وهاي بجامة البسي حتى ترتاحين شوية خوش
هزت راسه اني انزل جوه دقيقة واجيج نزلت حتى اشرب مي اجه ايهم وكف كدامي صافن
لبوه ....غمزت واني اشرب مي شكوو؟
ايهم....منو هاي؟
لبوه....صبح اشرح كلش تعبانة فدوه
ايهم...ب.....مكمل كلام ركضت لغرفه سمعت صوت مي يعني تتحمم كعدت امسح مكياج ونزعت كعب فركت رجلي وراسي واطقطق أصابعي دقائق وطلع ابتسمت
رحت تحممت وطلعت كعدت انشف شعري
وامشط شفتها صافنه بفراغ
لبوه....شبيج عيوني؟
ريام...ها
لبوه...بيج شي ؟
ريام...لا. لا اسالج؟
لبوه...اسالي
ريام ...شنو اسمج؟
لبوه ...اسمي لبوه
ريام ...ياي شكد حلوه اسمج
لبوه...حلات عيونج يعيوني
ريام ...يعني انتي ضابط؟
لبوه...اي صح
ريام...صعبه شغلج.؟
لبوه...لا بالنسبة للبوه سهله واحب شغلي
انتي شنو حلمج؟
ريام ...جانت دكتوره بس بطلت
لبوه....هااا فهمت ...يلا حياتي تعاي نامي كلش تعبانه يلا
رحت تمديت على جربايه وهي اجت يمي ونامت دقائق ورحت لعالم ثاني ونمت
صحيت صبح ساعه سبعة ونص ماحبيت اكومه لا ادري تعبانة غسلت وجهي ونزلت شفت امي تسوي ريوك بسته بخدها وطبعاً ماتعرف بالسالفة بنيه كعدت اكل اجى ايهم اخخخ هسه يفتح حلكه
ايهم....صباح خير كعد يمي كرصني من ايدي ورفع حاجب لفوق
لبوه...شبيك مخبل؟
ايهم....كرر نفس حركة مرة ثاني
لبوه....ادري شبيك شجاك؟
ايهم....ثوله والقرآن ثوله ام ايهم هاي بنتج مخبلة
فاطمه.... يااا شبيك من صباحيات الله ويا اختك
ايهم...ولج بنيه جبتيها ليل منو وليش
يمنا
فاطمه....بنيه شنو منو هاي شنو دتصير ولج
لبوه....رجاءً اتنفسوا رجاء رح افهم بهدوء
وانت ابو راس اني اعلمك
لبوه.....فهمت كلشي صار ماما انقهرت على بنيه شوية وأيهم راح للجامعة وكمت للغرفة
لبوه...حياتي كومي هزيت أيدها بااهدوء اشو هاي طفر
لبوه ...اسم الله اسم الله شجاج لج
ريام...عبا.عبالي ابوي آسفة خرعتج
لبوه...لا لا عادي غسلي وجهج وتعالي اتريكي
كعدت استنها حتى تكمل وننزل سوا نزلنا شافتها امي احلى شي بأمي مافتحت موضوع وياها حتى ماتتحسس المهم تريكنا كمت احضر نفسي وهي كملنا صعدت لسيارة
لبوه.....جاهزة؟
ريام.....خايفة
لبوه...لاتخافين ماكو شي تخوف
رحت لبيت نزار لأن يجي ويانا صعد لكدام وهي ورا
مشينا
نزار....يلا نروح نسلم ونهلهل لمسلم همم
لبوه....اي صح وصلنا لبيت بنية
نزلنا ثلاثتنا مشيت دك باب نزار باب
طلع طفل صغير وكال ولججج ريام
نزار....شبيك شفت جني وين ابوك
راح ولد ومااجى بعد نزار ماتحمل ودفر باب برجله وكال الله بالخير يااهل بيت
طلع رجل عرفت ابو ريام سلم على نزار دخلونا جوه
كعدنا ونضرات ابو لبنيه
غضب واني اخزرر وينزل رأسه بالنهاية
متحملت وكلت
لبوه.... هلا عمو وين مودي بنتك لشغل ؟
ابو ريام....للشغل تنضف بيت تجيب فلوس للبيت
لبوه....هااا وانت ليش ماتشتغل؟
ابو ريام ....انه مااكدر بعد تعبت
نزار....ليش ياخويه مسلم كارصك عنگبوت؟
ابو ريام...مافهمت
نزار...اكول لاتصير اثول نعرف وين مودي بنتك وليش مودي بنتك
ابو ريام ....وانتو منو حتى تحجون بهذا طريقة وياي وجايين يمي؟
ضحكت بطرف شفتي هذا بس لو يعرف احنا منو ينجلط
نزار....وياك ضابط نزار شهم
لبوه...واني ضابط لبوه تشرفت يامسلم
ابو ريام فتح عيونه بالصدمة
وكال ليش تجذب.....بعد ماكمل كلام طفر نزار ضربة بوكس على وجهه ونيمه بالكاع وطلع فوق شبع كتل واني عادي كاعدة بطرف وابتسم وريام تبجي
نزار...ولك شلون تودي بنتك لبيت ***** شلون ياحيوان شنو من شرف عندك وين غيرتك على عرضك وينننن يااابلا شرف الا اطلع حليب امك من خشمك اليوم كوم لك كوم
طلعها برا يسحل لأن مابيه شي صاحي
لبوه....امج وينها؟
ريام.... ماادري دقيقة أصيحها راحت تصيح امها اجت مسكينة تعبانه حيل
لبوه...شلونج خاله؟
ام ريام .... حمدالله واشكرج يابنتي رجعتيلي بنتي
لبوه...ولو هذا واجبنا هسه ناخذ زوجج نحجي وياه بهدوء ونفهم وموضوع يومين يصير عندج مثل جكليت صار؟ ابتسمت
ام ريام....مااعرف شلون اشكرج يابنتي
لبوه....عفوا ولو هسه زوجج تضربج صح عرفت من كدمات بوجهه
هزت راسها
لبوه... تمام لاتخافو بعد احنا وياجن خوش
يلا اني اترخص باي ريام اجت حضنتني واني همين وطلعت من بيت شفت نزار رابط ابو ريام برا وهو كاعد كدام يشرب جكاير
لبوه...يهلا وهاي سالفه انحلت
نزار....اي صح بس لازم ناخذ هذا زمال نربيه شوي
تمام ورحنا للمركز يوم عادي عود اليوم عطلتي بس وين ماكو عطلة للبوه
ساعة 12طلعت من مركز للبيت وكبل
ذبيت نفسي ونمت ماكمت الا على صوت امي
فاطمه....لج يلا كومي جهزي نفسج ولج ديلا
وهي تضرب ايدي
لبوه...شبيج ماما شكوو ماتخلوني انام شبيجججج
فاطمه...ولج ويامن احجي
لبوه...كعدت افرك بعيوني شكوو شصار؟
اذا تنضيف مااكوم من هسه اكلج
فاطمه....ياتنضيف اجالج خطابه كومي
لبوه...خطابه ؟
فاطمه....اي يلا لج
لبوه...منو هاي خطابه
فاطمه...ام اسد هاي عنده صالون
لبوه.....اوييييي عيني هاي سلبوحه
فاطمه....لج صوتج هسه تسمعج يلا لبسي شي ونزلي بساع ولج
لبوه ...هزيت كتفي ما ما
فاطمه... شنو ما ما طلي انتي ولج يلا
لبوه....اهوووو هاي كمت كمت رحت للحمام وغسلت وجهي طلعت ماشفت امي بعد نوم راح من عيوني كلت خل العب لعبه بهاي ام اسد شكد اكرها
المهم لبست فستان قصير وحطيت كحل وحمره احمر حيل ونقطه فوق شفتي ولون بنفسجي لعيوني واخذت علج اطقطق بيها نزلت جوا بيدي موبايل دخلت للمطبخ سويت قهوه مر ونوب حطيت ملح
ورحت للاستقبال اني اكول هيجي بحلكي علج واعوج حلكي ضحكت وكلت
لبوه...تفضل خاله ام اسد
رحت لامي تخزر بيه شبيها هاي يالله
انطيتها مي لأن ماتحب قهوه
ام اسد...شلونج بنتي؟
لبوه...كولشش زينه خاله انتي شلون سويت حلكي معوج واحجي بدلع
ام اسد....دوم أن شاء الله دوم اني بخير بنتي شلونها شغلج
لبوه...كولششش زينه توخبلل هيههيي
ام اسد شربت قهوه فتح عيونها بالصدمة ونوب بلعت قهوتها بالصعوبة واني كوه لازمة ضحكتي
لبوه...شلونها قهوه خاله اني سويتها بيده حلوين
ام اسد....تخبل بنتي يلا ام ايهم اني اترخص
فاطمه....وين وين ام اسد هسه اجيتي
تخزر بيه هزيت راسي شكوو ورفعت كتفي
ام اسد... لا عادي بنات بباليت وحدهن
طلع وامي طلعت وياها شفتها راحت
طكيت بالضحكة اجت نبع حنان بالنعال
فاطمه....ولج شنو هاي شكلج شنو لبسج هاااا
لبوه...دعوفي نعال بالله عليك شلون طالعة
فاطمه...لبوه لبوه والله اكتلج تعاي لج
طفرت برا ضربتني بالنعال اجت براسي صحت اخخخخ يمههه اجت عود تضربني
طكها بالضحكه صفنت بوجها ونوب ضحكت وياها
فاطمه.....هههه خبله شفتي شكلج قبل ماتنزلين ؟
لبوه.....اي شفت غير اخبل شبيه؟
موصح بنات ؟
فاطمه....اي تخبلين هههه كومي كومي مخبله غسلي وجهج وتعالي وياي للمطبخ
لبوه...ماما فدوه كولي جنتي تقبلين تنطيني لهذا اسد؟
فاطمه.... بصراحة لا شكد اكره امها حيه
لبوه...اي والله ام راسين تلدغ وضم رأسه
فاطمه....اي صح يلا كومي نسوي دولمه
لبوه....الله عشقي ركضت لغرفتي غيرت ونزلت اني اغاني
لبوه.....خياي زلمه ومو حجي
خياي يالمبجي البجي
سمعت صوت ايهم يغني
ايهم....كشاخ بيك من ارد اهد
لبوه...والعال بسمك ينحسد
ايهم...تجايتي وضلعي الصدك
لو دار وكتي وياك
لبوه....هذا عيوني وضوه عيوني
هذا لماترك ربعه
هذا زلمه وأخو خيته
لو هد محد يرجعه
اجى حضني وباس خدي
ايهم......اروحلج فدوه خيتي
لبوه ....تعال ابوسك بعد كليبي
رحت أبوسه امي صاحت
فاطمه.....عوفو خبال تعاي هنا يلا
لبوه....متخلينا براحتنا ابد
ضحك رحنا نسوي دولمه
فاطمه....يلا ابني اكعد اشوف
ايهم... عفواً انا اسوي؟
ياشر على نفسه بالاستغراب
فاطمه....وشكو بيه اشوف شلون تسوي؟
ايهم...اي خير شعدنه كعد ورفع ردن قميص
وكال شوفي اسوي احسن منج
لبوه....نشوف
سوينا بس والله يسوي احسن مني تخبل هههه كل شويه يكول شوفي بالله عليج زلمه معدل
كملنا شويه طلعت لغرفتي خابرني نزار
لبوه....ياهلا بالضلع
نزار...هلا بحزام ظهري شلونج
لبوه....كلش زينه انت؟
نزار.....عالي العال اي شتسوين
لبوه....دولمه وخلصت هسه
سد خط بوجهي يااا شبيه نزلت تحت صبينا اكل نريد ناكل دك باب راح ايهم يفتح سمعت صوت نزار يحجي
نزار......ادبسززز تسوين دولمه ماتعزمين
لبوه...ادري ماشايف دولمه هسه اجيت اكعد اكل
فاطمه....شلونك ابني شلونها امك
نزار.....هااا زينين اسف ماشفتج
انتي شلونج. استحى عود
فاطمه...هههه عادي ابني اكعد اكل
كعد يمي ياكل وكل شويه ينطيني لفه وهو يأكل كاعد بالنص ايهم ونزار كل ساع واحد ينطي واذا مااقبل انكفخ هههه كملنا غسلت مواعين سويت جاي رحنا كعدنه بالحديقة نسولف
نزار.....اي لبوه اسالج ؟
لبوه....اسال خيرر
نزار....اذا مره من ايام ناديتج باسمج شنو رد فعلج
لبوه....مااسوي شي
نزار .....هااا يعني عادي اكول
لبوه.....اي بس اكسر راسك
نزار....هسه ليش ماتحبين حلوه اسمج
لبوه....مااحب هيجي مو حلوة
نزار....لا حلوة بس انتي غبية
لبوه....مو مووضع غباء ابوي جان يكول لبوه فتعودت على هاي اسم
نزار....هااا خوش
ايهم...اذا اجى فد يوم تتقبل اسمج
لبوه...صح من اخذ ثار ابوي
نزار ...لعد موتي
لبوه....وليش يأبه
نزار....سنوات ندور دليل لنفترض لكينا دليل أو شي اكيد ميت هسه
لبوه... لا رد
نزار....ابوي يدور سنين مالكه تردين انتي هسه تلكين؟
لبوه....اي الكه واني اثق بنفسي
نزار....انجبي كومي سويلي جاي
لبوه.....بلا تتآمر عليه ؟
نزار.....اي امر يلا لج اعتبريني زوجج
لبوه..... اتزوجك انت لو اخر رجل بالعالم
نزار....خاطري تركض بااشارع بدون نعال
لبوه.....ههههه
نزار....وشبينا حبيبي نكرص؟
لبوه....لا تجعص هههه
نزار....ههههه سخيفة
لبوه....صح خل اكوم اسوي جاي احسنلي
رحت للمطبخ اسوي جاي حطيت قوري على نار وطلعت اكواب بالطرف طلعت برا سمعت صوت عمو شهم وامي تحجي
فاطمه.....اذا لبوه تعرف بااسالفة ماتگعد راحه تدري
شهم....ادري ولازم محد يكولها ........
توقعاتكم شنو لازم مااتعرفها لبوه؟
.................................................................
اريد اشوف تصويتتتتتت ولجنن
وهاي بارت لجن ولو زعلانه منجن وكلت ماانزل بعد لأن ماكو دعم وتصويت القصه
وتكسرون قلبي حيل
😔💔بس اني حنونه واحبجن ومااريد اكسرجن ونزلت بارت باي احبجن 🤎