قيود عشك الشيخ

قيد السادس عشر

بس طلعت فاطمة دخلت اركض حتى بدون لا اعرف شنو كالت شنو حجو سوة دخلت وجهي لو يذبحوني ما يلكون قطرة دم بية واصفر

بلعمت وهو واكف مقابيلي عاقد حواجبة حجة::- ليش ما كلتيلي زهرة هيج انا مو ثقة

رجف كل جسمي يعني شنو فاطمة كايلتلة ع سرمد لا يا الله واخوي حسن راح يكون بخطر هو هددنا

جسمي كلة كام ينفض ودكات كلبي تنفض بقوة كمت ابلعم وهو منتبه لحالتي بس ساكت يباوعلي وبكل تركيز

حجة كاز ع اسنانة::- شبيج ليش تضمين علية تدرين اكره الجذب زهررررةةة

كز ع الكلمة الاخيرة من كالها بجيت وزادت رجفتي رجلية احسهن صارن خيوط بعد ما اكدر اعينهن

وكف مقابيلي وحجة::- ليش ضميتي علية

بجيت ودنكت راسي::- شحجيتو شكالتلك فاطمة

::- كالتلي ع كلشي

فتحت عيوني ع وسعهن ليش يا فاطمة ليش هيج سويتي كلبي خفق بقوة حسيت روحي جاي تطلع عاط بية::- اححححججيي

فزيت ورجعت لورة خايفة ودموعي تصب جسمي ينتفض::- شش ششحجي

مسح ع وجها بقلة صبر اخذ ادية الاثنين بين اديه كعدنا ع كريوتات::- احجي زهرة حبيبتي

::- سرمد هوو هو..

عقد حواجبي باستفهام::- سرمد شبي سرمد

بعدت ادية عنة بسرعة وصفنت بوجها يعني فاطمة ما كايلتلة عن سرمد لعد شنو الي كايلتلة علية

هو ضاج حيل لو بيدة يكفخني ع وجهي حجو بقلة صبر::- احجي شبي سرمد

حجيت بمتمتة::- اااا هااا ايي يحب سهى

عقد حواجبة ما مقتنع مسح وجها وصفن بوجهي::- اي اعرف بهاي السالفة كتيلي بيها لعد شبيج وفاطمة شمدريها

بلعت ريك منزلة راسي جسمي كلة يرجف اباوع لاديه ينفضن سرت بكل جسمي قشعريرة::- اي هو انا كلت لفاطمة انت مو موصيني سوالف بيتكم ما تطلع وانا رحت كلت لفاطمة اسفة طلعت اسراركم

صفن بوجهي يستوعب الكتلة غمض عيونة بصبر بعدها تمتم بكلمات لا اله الا الله رجع باوعلي بس راد يحجي دخلو ابوي وسلام

فلتت لجوة كوة امشي ما كدرت اوكف بعد بس وصلت للصالة مالتنا وكعت رجلية صايرات خيوط وكلبي يدك وبقوة

شافتني فاطمة واجت بسرعة رفعتني عن الارض وروحي مفرفحة وكلبي يبفض وبقوة دخلتني لجوة بالغرفة تفرك بادية وانا روحي تنفض ومختنكة

لو كاشفني الشيخ لو حاجيتلة هو سوة هيج علمود احجي مثل علية ولعب علية وكلي فاطمة حجتلي كلشي علمود يخليني احجي،شلون صرت غبية لهل درجة

وما عرفتة جان كاعد وبكل هدوء يعني لو يعرف غير يخبص الدنيا يكلب عاليها وواطيها شلون هيج

لو حاجية?!! شجاب صار باخوية هاا شراح يصير بية اخوي حسن ركبتة بين ادين سرمد شراح يكون لو حاجية وطلعت مني حرف واحد

اخخخ كلبي ياذيني فاطمة يمي لزمتها واستفسرت عن الصار بيناتهم وحجتلي الصار كلة غميت كصتي بقهر وتاكدت هاي خطة من ثقيف علمود يخليني احجي

شوية واجتني امي كالت راح يروحون وتتطلب مني حتى اروح اودعهم حجيت بتعب::- يمة فدوة اروح لطولج انا فدوة كليلهم نايمة ولله تعبانة حيل تعبانة ما بية حيل اكوم بعد

ما قبلت واصرت الا اكوم اسلم عليهم::- كومي يمة فشلة رجلج هذل شلون اكلة نامت بدون لا تودعك مو حجي هذا كومي ما ناقصني حجاية زايدة من ابوجن البية كافيني كومي يلا فشلة من الولد واكف بالباب

هزيت راسي وكمت بملل وتعب جسمي لهسة يوجعني وتعبانة ورجلية لساتها بيهن الرجفة ما راحت وصلت يمهم لكيتهم بالطارمة هو وسلام وابوي وياهم واكف

ابتسمت وحاولت ابين طبيعي عاف سلام وابوي وتقدم اتجاهي ابتسمت بوجه تنهد وحجة::- اسف عن صيحت عليج خوما زعلتي

ابتسمت ع حنيتة::- لا ما زعلت

::- خوش انا حجيت وي الوالد وكتلة انشالله الاسبوع الجاي العرس

عقدت حواجبي بعدم تصديق::- شنو الاسبوع الجاي مو ع اساس سبوعين

::- مالها داعي المماطلة وابوج اشوفنة ع اعصابة يسايرنا وبعدين غير طلبتي مني اقدم موعدة اذا ما تردين كليلي اجلة

ابتسمت::- لا هذا هو بكيفك

ابتسم وكرص خدودي وطبع قبلة ع راسي::- يلا رايحة انا اي شي تحتاجي اتصلي وكليلي ديري بالج ع روحج واكلي زيو

هزيت راسي باي بابتسامة هو راح وانا تنفست براحة حسيت جنت حابسة انفاسي كلها

وهيج مر يوم وانا لساتني بصدمتي بحيث كضيتة كلة نايمة لا اكل ولا شرب من الخوف وهول الموقف

ثاني يوم اتصل وكال جميلة وخالتي راح يجون الكم جهزنا الغدة

وفعلا اجو اول ما دخلت جميلة للبيت شفتها وطكيتها ركضة الها وهي فتحت اديها الية وحظنتني وانا حظنتها واحنا نضحك

سلامنا جان حار كعدنا سوة ع غدة وشقة وضحك حجت::- ول خايبة شمسوية لاخوية دوهتني احاولة شوكت لحكتي وانا قبل اكللجن عدلي بدلي تكللي لا الشيخ يقرالي قصة

ضحكت والبنات يضحكن وياي حجيت::- جا شعبالج انا زهرة

::- زهرة هي ام الوصخ ول خايبه صعدي لريلج مكابلتني وكاعدة

ضحكنا حجت::- الحجية تكول ما كدرت اجيج وتتعذر منكم الله شاهد ما تكدر تكوم وتكعد كوة

حجت امي::- لا ولله ما قصرتو وحشاكم من التقصير

ابتسمو ام سلام ساكتة ما نطقت حرف بس تبتسم وتباوع حجت جميلة::- وتسلم عليج يمكسورة الركبة

ضحكت::- الله يسلمها شعجب ما كالت كولي لزهرة اريدن فريخات منها بسرعة

ماتن من الضحك وحتى امي والبنات يضحكن ع سوالفن حجت::- خية هذا الذهب مالج وهاي فلوس النيشان

باوعت للذهب بقجة جبير حجيت::- شنو هاي جميلة ما طلبت هيج اتفقت وي الشيخ ع حلقة وبس

ابتسمت وحجت::- ولله ما علية هو كال هاي لزهرتي يلوك الغالي للغالي وكلي يرخص كدامها

ابتسمت وامي طايرة بالفرح حتى اكثر من عندي ضلن شوية وراحن حاولنا نبقيهن لثاني يوم بس ما قبلن واجة سلام اخذهن

وانا بديت اطلع وي امي وفاطمة نشتري النيشان طبعا زينب هم كامت تطلع وياي وخاصة عرسها هم قرب

وهيج مرت الايام وباجر يصادف عرسي التوتر والخوف من المجهول بحيث كمت ابجي

والبنات يهدئن بية وفاطمة اكثر شي وياي وتهدء بية والخوف تملكني وكلبي يرجف من الالم والخوف

اتصل ثقيف بليل وجاوبتة وصوتي رايح من البوجي بحيث كوة احجي

::- زهرة شبيج

حجيت بمتمتة::- ثقيف خايفة فدوة حل ناجل العرس ما اريد

ضحك وصوت ضحكتة تطرب كلبي ابتسمت من بين خوفي::- وانتي خابصة روحج علمود هاي دنعل ابو العرس ما نسوي نظل هيج وانا اظل ماخذ بغداد روحة جية علمود اشوف حمامتي

ابتسمت حجة بجدية::- زهرتي حماتي ثنيا كلبي

حجيت بخوفت::- ها

::- ليش الخوف بوية

::- خايفة من كلشي اخاف ثقيف اخاف ولله

::- لتخافين انا وياج وبعدين انتي تعرفينا وعاشرتينا عليش هل خوف بعد لا تخليني ولله اجل العرس

::- لا لا فدوة لا تاجلة ولا شي

ضحك ::- ها سلامات الضاهر مستعجلة

::- يااا ثقيف شبيك ليش هيج تخليني استحي

ضحك بصوت واردف::- اروح فدوة لليستحي

ابتسمت علية::- زهرة لا تخافين انا وياج وصدكي ما اسوي شي الا برضاتج

سكتت تنهد واردف::- حظني متعودة علية انتي اخليج بحظني ونام لا تتصرورين اتقرب منج وانتي ما مستعدة

دنكت راسي وعبالك هو يمي غديت ماي من الخجل حجيت بمتمته::- اااا يلا روح روح

ضحك::- يلا رايح رايح بالج ع نفسج بوية

::- تصبح ع خير

::- تصبحين ع حظيني

سديت التلفون بدون لا ارد وكلبي يخفق بكل قوة فرح ع خوف ع توتر والزادها علية من دخلت امي تشرحلي وتفهمني ظل وجهي ينطي الوان

ثاني يوم الصبح كعدت من الفجر صليت صلاة الفجر و كلهن كعدن و اكو بعض من الخطار اجو

البيت صار هوسة وضجة امي طلبت من فاطمة تدخل وياي للحامي هي وزينب وينظفني

وفعلا دخلن وياي سولي شيرة لجسمي وطلعن سبحت وطلعت

وامي وفاطمة راحن وياي للصالون وما اعرف شلون اجازي فاطمة جانت وياي بكل شغلة وما تركتني حتى للصالون راحت

طلبت من ام الصالون ما تخليلي بودرة مجرد كحلة وحمرة وهذا هو لان انا بيضة حيل بيضة واذا اخلي بودر اصير عبالك شبح

حفتلي وشمرت حواجبي طلعت غير شكل ورفعت شعري وسوتلي تسريحة تغير وجهي 180%

ساعدتني فاطمة البس البدلة وفعلا ولبستها العرفتة ثقيف عندة ولد صديقة وكالة عندي بيت فارغ اتزوج بي

وهو ما حب يتعبني بالطريق وهوسة والضجة من بغداد للعمارة وخاصة زفة وهوسة وناس ماحب يخاطر بيهم

وخاصة بليل يصير حظر تجوال والوضع يخوف زواجي صار بالشتة نهاية السنة بشهر ال11

الجو جان حيل حيل بارد كاعد بالصالون وسمعنا صوت المزايق والهورنات تعلن عن وصول الزفة

ابتسمت راحت فاطمة تباوع صاحت::- عززااا عزززاا ولجج رجلج جايب العمارة كلها ياااا باعع الخبببااللل

ضحكت وانا اتذكر كلامة::- ولله لجيب العمارة كلها وازفج

كلبي طار من الفرح وحيل حيل فرحت كمت حتى اشوف جان هو شارع والصالون ع الشارع

باوعت السيارات سدات الشوارع كلها من الجهتين والشيخ لابس القاط الرسمي وهاي اول مرة اشوفة بالرسمي طالع يجنن يجنن يجنن

حيل حيل حيل حلوة طالع بي وشخصية وبارز جسمة وطولة

دخل للصالون وعيونة تشكلت علية والنسوان تصفك وتصيح::- حبها ولك حبها لا تخاف من امها

الهوسة الصارت بداخل الصالون بخارجة مو طبيعي وهو ولا يمة عيونة بس علية تقدم باتجاهي

رفعت ايدة لزم خدي وانا دمعتي نزلت حجة::- لاه لاه لاه لاه

مسح دموعي ودنك باس راسي وادية والنسوان تصيح::- حبها ولك حبها لا تخاف من امها

ما احس الا جراني من خصري ودنك ع نحري وباسة بسرعة رفعت ادية وعصرت اكتافة جسمي كلة رجف من بوستة

ابتعد وانا جسمي يرجف تقرب همس الي::- حمامتي طالعة تخبل

ابتسمت ودنكت راسي بخجل لزم ايدي واجت فاطمة لبستني الكبع الي يصير فوك البدلة وهو بكللها::- غطي وجها كلة ما اريد شي منها يطلع

ضحكت ع حرصة فاطمة توترت وهوسة وناس ابستم وكال الها::- عنج عنج بوية

بتعدت وهو كال يسولياه وخنكني خنك ابتسمت::- شيخ اختنكت

همس::- انجبي ملغطة وجهج وطالعة جنج كمر تردين اطلعج انجبي وتحملي

::- يااا ثقيف ليش تغلط

::- لساني زفر

ضحكت وهو اخذ ايد بين اديه وطلعنا سوة هوسة وناس بالاول رحنا لبيتنا والبنات ذبن لحم وما قصرن

وجميلة وفتون وحدة مكابلة الثانية يركصن ضجت لان شفت فتون بس فاطمة خربت ضحك من كومنها وهي ما تعرف تركص خربت من الضحك عليها

بعدها دخل ثقيف واخذ بايدي علمود الزفة صعدنا انا وياه سوة وسلام بالسدر يسوق

رجفتي زادت كلما يقترب الوقت وانا اتوتر حس بية ثقيف واخذ بيدي وحجة::- اهدي

هزيت راسي وابتسمت حجة سلام::- الف مبروك خوية زواجة الدهر انشالله

::- الله يبارك بيك يوم الالك انشالله

::- اميين الله يسمع منج ماكو منا منا مرة تنطونياها

ابتسمت::- ننطيك اختي اكبر مني تريدها

::- اخخخ فطوم اي وعلي اريدها اروحلج فدوة وسبع فداوت مرت الغالي

فتحت عيوني على وسعهن شمعرفة نوب يكللها فطوم هلو هاي شصاير وراي باوعت ل ثقيف متسالة غمض عيونة وكال::- بعدين افهمج

هزيت راسي وبقئ الفضول يحوس بية رجعت حجيت::- ثقيف هسة كلي

ضحك بصوت وكال::- اعرفنج ما تكعدين كلت شعجب سكتت

ضحكت::- يلا كول

::- الاخ سلام انعجب ب فطوم ع كولتة وايد يخطبها

فرحت بل طرت طرت كمت اصفك واصيح::- واختي تجي يمي الله واروح يمها واضل يمها وتظل يمي

حجة ثقيف::- سلامات بوية جا انا وين وديتيني

سلام::- خوية كول لمرتك ما نستقبل خطار نوب يكعدن سوة ويعوفنا عبالك نسوان ارامل

ضحكت و ثقيف يغلط ع سلام لان كال نسوان وسلام ولا هامة ومتونس وفرحان اوي اوي

وصلنا للبيت العالم دخلت ويانا والهوسة البيت جان صغير بس مرتب حيل مرتب بعدها ثقيف طلع وانا ظليت لليل وكالو

دخلو العروس راح يدخل الشيخ يزفو

صابتني الرجفة وتوترت حيل وكلبي خفق دخلت لجوة والبنات نزلن على عيوني الطرحة والخوف اكلني اكل

اسمع صوت طلقات ثارن بالجو وحركنا حرك لعبو لعب وهوسة وضحكات وانا كلساع فازة غمضت عيوني بقوة فزيت ع طبكة الباب

وثقيف يدخل ويسدها وراه كمت بسرعة واكفة وافرك بدية والرجفة معتلية جسمي الحرارة

تقرب مني خطوات ووكف مقابيلي حجة بهمس::- واخيرا صرتي الي

ضليت ساكتة والرجف معتلية جسمي والخوف بلع لساني ضحك ورفع الطرح طلع وجهي::- يلا ارتاحي بوية وجري نفس ع كيفج وي روحج

هزيت راسي وهو راح اخذ تراك وطلع يبدل وانا كعدت ع جرباية رفعت ادية اباوعلهن يرجفن

رحت قفلت الباب ونزعت البدلة ووخرت الطرحة والماشات من تسرحية فليت شعري باوعت للتعلاكة امي كالتلي لبسي هذا الفستان

رحت حتى البسة جان فستان ستن طويل ورادنة خيوط وضهرة ع طولة مفتوح ع شكل سبعة وفوكاه روب قصير شفاف

لبست وفتحت الباب ورجعت كعدت ع الجرباية شوية ودخل هو متوضي باوعلي وابتسم::- تصلين

هزيت راسي باي وكمت توضيت ومسحت المكياج ورحت لجوة لكيتة منتظرني ابتسمت انطاني تربة وانا لبست عباية وحجاب هو كدامي وانا وراه

بدينا نصلي سوة خلصت هو كان ولف السجادة وانا بقيت ادعي الله يسهلي هل ليلة

و يحفظ اخوي حسن من كل شر خلصت بست التربة وسلمت وسويت تسبيح الزهراء و كمت

التفت الة لكيتة كاعد ع الجرباية اشرلي اروحلة رحتلة بخطوات هادئة وبطيئة وخجلانة حيل

وصلت يمة سحب ايدية وكعدني ع رجلية باس كتفي::- ليش خايفة?

سكتت::- تخافين مني

هزيت راسي ب لا

::- ااممم يلا نامي براحتج بوية ع كيفنا العمر كلة كدامنا

هزيت راسي باي وسكتت هو نام وانا نزعت الروب واجيت يمة نمت بطرف الجرباية بس واحد يكلي بس اوكع ما احس الا سحبني من خصري وخلاني بحظنة::- ليش كل هل خوف بوية ترة ما اكل بشر نفسيتي انا الي جنت تكليلي اريد انام بحظنك ليش هسة باعدة روحج

التفتت الة ودفنت وجهي بصدرة::- لا ماكو شي

تنهد وبقة ساكت شوية وبدت لمساتة تتجرء اكثر دفن وجها بركبتي انيت بالالم رفع راسة وجها متعرق انفاسة لاهثة حجة::- تحملي زهرة صدكي ما اذيج لا تخافين

سكتت عيوني مدمعة حجة::- تثقين بية

::- اي

::- هذا هو سلميني روحج ورخي جسمج ولا تتشنجين

سويت الي كالي علية وتم زواجنا مغمضة عيوني والم موتني موت دموعي تصب تقرب باسني من شفايفي وبعدها من راسي وابتسم::- مبروك عروستي

هزيت راسي بالم وبقيت ساكتة حجة بخوف::- زهرة شبيج اتاذيتي نروح مستشفى

هزيت راسي ب لا بقة ساكت جر حسرة وخلاني بحظنة دفنت وجهي بركبتة ضحك::- شبيج

::- عيب ولله عيب السويتة

ضحك بصوت وانا ميتة خجل::- جا منو الي ملزمة بية بكل قوتها وتصيح اي ثقيف اي انا احبك اموت عليك

عضيتة حيل من ركبتة دفعني ميت ضحك حجيت::- ما تستحي

::- عجل منين استحي يولو غير مريتي

ضحكت ورفعت ادية اغطي بي وجهي ابتسم وباس ادية وبعدهن::- حابج حيل زهرة حيل حابج داخلة بثنايا كلبي

ابتسمت::- ميتة بيك احبك حيل احبك

ابتسم واخذني بين احظانة واردف::- حابج يل شايل محبتج شيلة القرآن ........يتبع

الـنـهـايـة 🌚❤️

الكاتبة شوك 🧚‍♂️❤️

الفاتحة ع روح المرحوم عبد ابن هدية يرحمكم الله💔💔

اقرو الفاتحة واهدوها لروحة واكون ممنونة منجن 💔

حسابي الانستا