هلا
وريف:صارت عدنة قراية بيوم من الايام سفرة لام البنين وعزمنة مرت عمي رائد وضلينة نسوي فطائر وبسبوسة وازبري وداطلي وحلويات ولفات كباب شوي ولبن المهم رتب البيت واجتي الملاية وقرينة وخلصنة
مرت عمي رائد كالت اتصلي علا محمد كليلة خل يجيني
طبعا امي راحت للقراية الثاني هية وبيبيتي وعماتي ضلن يمي ومرت عمي رائد اتصلت على لا محمد بسرعة رد كتلة
وريف:تعال أخذ امك
محمد:لا سلام لا شي بعدج زعلانة
وريف:لاعشنو يهو اليستاهل ازعل من ورا
محمد:تمام جاي
سديت التلفون
نزلت أنة جنت اكنس بلبيت وهوة اجة سلم مارديت طب يم أمة انطيتة ازبري كال ثاانكيوو
اني ساكتة جان اجة وراي للمطبخ كال
محمد:اخخخ يازعل ورييف شكد ثگيلل
وريف:طبعا أنة حصرتني الضحكة بس قاومتت والله
راحو بس احس روحي راحت وياا
وطبعا هذا اخر موقف حلو صار ٢٠٢٢
من هذا البارت حيبدي حدث جديد الي هوة الحدث الي آذاني الي خلالي ندبة بگلبي مستحيل انساهة من ورة هلموقف انقلبت حياتي رأسا علا عقب
بسنة ٢٠٢٢بنهايتها طبعا اني بلخامس العلمي ببداية الدوام تحديدا بشهر ال١٠هنا اني طبعا بنية عمري ١٧سنة حلوة كبرت وصرت اجمل من قبل اضعااف
اهتم بمنضري بأناقتي طبعا احنا بالمدرسة اني وبت عمي مريم دائما نطلع نشتري من السنتر الي مقابيل المدرسة
ذاك اليوم مريم ادور عليه مالگيتهة رحت طلعت السنتر واني متأكدة الگاهة هناك بس من رحت لگيت مريم واگفة وي ولد (طبعا احنا نطلع شوي من شعرنة من الشال ولابسة عباية اني يعني مثل الخليجيات اما مريم بس تطلع نص شعرهة من الشال وماتلبس عباية )
رحتلهة لكيتهة واكفة يم الولد اني انصدمت شنو هلجرأة العندهة واكفة وي الولد وبلشارع وتدري بابوي وابوهة يتعدون منا مخافت يلكفوهة ففجأة رحتلهة
وريف:مريممم هاي شنووو
مريم:هههههه لعد متدرين
وريف:شكوو
مريم:اعرفج علا الاكس مالتي بارق
وريف:لاااا والله والاكس بعدد
مريم:اي والله شبيج
واني احجي وياهو واحاسبهة لكيت ولد كاعد علا الدراجة هوة اسمر طويل ولابس ملابس مدرسة الأهلية قميص نيلي وبنطرون بيج وفاتح اول دكتين ولابس سلسال وكاسكيتة ويباوعلي بحدية وكذلتة علا جبينة عركانة حارة الدنيا ويشرب جكارة ويباوعلي أنة ارتبكتت حيل بحيث عفت مريم هسة وبارق وطبيت السنتر وهوة طب وراي رحت احاسب ابو السنتر وأيدي ترجف ممتعودة هيج والله
فجأة هوة طلع ٥من جيبة ودفع حسابي كتلة أنة
وريف:بس اني ممجدية منك
وهوة خزرني بكل ثقة وكاني اعرفة
طلعت أنة أجرت سيارة (طبعا اروح فورتات)
وهوة لحكني بالدراجة هوة وبارق وأجر للسيارة الي صاعدة بيهة اني واجة كعد يمي احس گلبي طاح ببطني ضليت دايرة علا الجامة وكلبي نبضاتة سرررريعة وخايفة حيل ولادرت علية اصلا والسيارة فارغة بس اني ويا وبعد بنية والسايق
وصلت لبيتنة كتلة نازل هوة نزل واني من نزلت ات عيني بعينة غمزلي فهنا لزم ايدي ودارني علية وبلشااارع ينااس بلشارع ومقابيل بيتنة كتلة هااا
المجهول:هاي ورقة وراسليني ضروري
وريف:اعرفك من قبل
المجهول:انتي لا بس اني اي
وريف:تمام اراسلك بس روح لحد يطلع ويشوفني وياك ويفهم غلط
المجهول:اي راسليني واذا مراسلتيني باجر نحجي وجه لوجه
وريف:قلقني حيلللل وامنيتي لوااعرف شيريد اساسا اليوم شافني شبسرعة عرفني
رحت وانة التفت علية و بگلبي اكول سالفة موهينة وجهي مابي قطرة دم من الخوف ووالله احس كلهة تدري بية اني اخذت الورقة من الولد وجان يمي
صعدت لغرفتي كبل لأن بس اضل مگابلتهم أفضح نفسي بنفسي
بيومهة جان عدنة ثوااب لجدي وعمي
نزلت اشتغلت وي اني يس بالله بالي وي الولد وموراضي عقلي ينساا خاايفة حيلل أنة تبت من علي ماريد لااحب ولاانحب وقررت اهتم بدراستي والحب والزواج اخر همي بس صاار العكس المهم ساعة بل٥العصر راسلتة
وريف:سلام عليكم .
اني البنت الصادفتني اليوم
شنو الموضوع المهم
وسديت فون امي
نزلت هم صبينة العشة اجو عمامي ومحمد ابن عمي ومرت عمي واولاد عمامي كلهم
تعشينة وانة من شفت محمد نسيت الدنيا كلهةة خلصو وقدمتلهم چاي ورحت اغسل المواعين واني جاي اغسل اجة محمد جاب صينية الاستكاين وحط ايدة علا خصري احس رجفةةة سرت بجسمي وكرصني بخصري وكال عاشت ايدجج علا كلشي
باوعتلة وصار وجهي بوجهة امي طبت هوة ابتعد عادي بس أنة ضليت مستحية من اميي رتبت المطبخ وامي كلما تباوعلي تضحكك فأخذت تلفونهة وصعدت لغرفتي وخاايفة ساعة ٩هلحچي فتحت الإنستا لكيتة كاتب
الولد:هلا وردة
أنة اسمي حسين انتي شنو اسممج
الموضوعع انطيني مجال علية ليش مستعجلة اول وتالي تعرفين ومن تعرفين تكرهين نفسج وتتمنين انج لومتعرفينة
للصرااحة قلقتت وكتلة
وريف:اني اسمي رونق
طبعا انتا فد واحد ملعب وتريدني ارسلك وتكولي موضوعع انو موضووع ليش تجذب
بسرعة رد
حسين : بالله الكريم مو جذبب بس الموضوع خل اضبطة وبعدين اكلج بي هسة خل نتعرف بلبدااية
وريف:وانتا تكولي اعرفج منين عرفتني
حسين:اني فد شخص عرفني عليج بس ماكلي اسمج ولاكلي شكد عمرج بس راواني شكلج ومن زمان احاول الكااج وجه لوجه واحاجيج بس ماترهم بس اليوم انتي برجلج اجيتي ورهمت وحاچيتج
وريف:ومنو هلشخص
حسين:هذة شغلي وذن اسرار ميخصج حبيبي
وريف:اممم حلو يعني شغلل وشغل بلبنات
حسين:بلعبااس احلا شغلل بي استفادة وأرباح هواية
وريف:(للعلم ماصدكتة واعتبرتة انسان عادي لكن هذة اسوء تفكير فكرت بي انو هوة انسان عادي لاهوة اسوء شخص صادفتة بحياااتي)
وريف:تمام عود اي هسة شنوو
حسين:عرفيني عليج
وريف:انتا اول
حسين:كتلج اسمي واني مواليد ٩٩طالب سادس علمي هسة تستغربين بس اني بكل صف لازم اضل ٣سنين
وريف: هههههه كسوولي
حسين:اي والله
وريف:اني رونقق طالبة خامس علمي مواليد ٢٠٠٦
حسين:يعني مرااسبة فلككك فلكج ودهر صاابج موعقل حااسبة
وريف:كببررر صلي علا محمد
حسين:هههههههه اشاقيجج
....يتبعع
لا تنسون التصويت حبايبي...