البارت الاول
بسـم الله الرحمـن الرحيم
لست خير النساء
لكني افضلهن ولست اجملهن لكني جميله ولست ذو حظ عظيم لكني مسلمه قانته ومؤمنه بقضاء الله وقدره ولست افضل من يمرك لكني صادقه
____________________
اثار ::- انزلت من السيارة واني كوا امشي دايخة و وجع مو طبيعي براسي راح هوا الصندوك السيارة نزل جنطتي واجا
مهدي ::- يلا تعاي
راح يمشي الواحد من البيوت الموجودة كبير وحلو من برا حتى جان اكو حارس عل باب من وصل اشر للحارس بيده يفتح الباب ودخل واني ورا امشي
اول مادخلنه صارت بوجهنه حديقة كلشش حلوة كلها ورد
وبعد ما عبرنا الحديقة وصلنه يم باب البيت دفع الباب بيده ودخل دخلت ورا واني كوا فاتحة عيوني
احس راح يغمى علي من التعب وعدم الاكل اول مادخلنه صارت كدامنه صالة كلش حلوه وكبيرة بيها قنفات (كرويتات ) لونهن ازرق فاتح كلش حلو ماجان موجود بيها احد الحد ما صاح
مهدي ::- اهللل البييت وينننكم شنييي محددد
بس صاح كلها اجت وصارت وادم هواي بيها من بنات ومن نسوان كبار وزلم كبار وشباب وين جانو هذول وشمسرع اجو؟ مادري كلها جانت على ملامحة الصدمة ويتباوعولي بستغراب بس شفت وحدة من النسوان كعدت بلكاع تبجي وصيح
ضحى ::- سويتها يمهدي تالي عمرك تتزوج علي مرا ثانية ذيج كلت غلطة وسامحتك هاي شنوو ها هم غلطة يجكارة يمه لححكي بتج
الفهمته منها هاي مرته اصير وعبالها مزوج عليها واني مرته
مهدي ::- ذكري الله يمعودة شفهمتي هسه انتي وكعدتي اصرخين وتنوحين
اجت تحجي وسبقها ولد يطلع عمره بلعشرين اسمر وصاحب ملامح حادة
احمد ::- جا فهمنه بوية ليش مخلينة اطرش بل زفة
بس اسمعته شنو كال التفتت عليه بسرعة
ركزت اكثر بملامحة جان يشبه مرت مهدي التوا تبجي ضحكت بداخلي على حضي شكد جنت الح على امي تزوج بس حتى يصير عدي اخو سند الي بس ماتقبل و تمنيت اعيش وي ابو وتخلى عني واني بطن امي وبنفس الوكت طلع عدي اخو بس مايدري بية أصلاً جاوبه مهدي بعد ما تباوعلي شافني تعبانة ومن كوا واكفا
مهدي ::- نحجي ونفهمكم بوية بس خل ترتاح سجئ
تعاي خذيها تغسل وترتاح
اشر الوحدة من البنات تجي تاخذني تقريباً بعمري
اجت لزمت ايدي وقبل لا تسحبني اردف
احمد ::- لا بوية فهمنه هسه ماشوف عمامي وكلها اهنا نكعد انتاني جنابها شوكت ترتاح وتحجي
جان يحجي وهوا يتباوعلي بستزغار ورافع حاجب
مادري ليش بس رغم تعبي وجع راسي عفت ايد البت
ورحت امشي اله بخطوات ما متوازنة
بس اوصلت وكفت ورفعت راسي لان جان اطول
مني قبل لا يحجي اردفت
اثار ::- ابن مهدي ؟
اردف وهوا مزغر عيونه ومركز حيل بية
احمد ::- اي ابن مهدي انتي منو شنو قرابتج لبوي
جنتي وي ابوي بهل ثلث ايام ؟
بس كال ابن مهدي مادري اجاني حساس غريب
ارفعت ايدي الجانت بيها رجفة خفيفة حتى اتاكد
اني مو بحلم وعدي اخو لامست ايدي خده الجان
خشن اثر اللحية الخفيفة جان مستغرب تصرفي ومو
بس هوا كلها جانت مستغربة مني ومن تصرفي
راد يحجي بس قاطعه صوت من وراي
اقدام ::- السلام وعليكم
الكل ماعداي ::- وعليكم السلام
اجيت التفت اشوف صاحب الصوت بس ماخلاني
لزمني قوي من معصم ايدي اللزمه خده و نزل
راسه المستوى راسي واردف
احمد ::- م ن و ا ن ت ي
جان يحجي حرف حرف وهوا كاز على اسنانه
مبين عصب لان صار هاي جم مرا يسال ومحد
يجاوبه اردفت واني عيني بعينه
اثار ::- عوف ايدي جاي اتاذئ
ماهتم الحجيي عصر ايدي اكثر صرخت لان صدك
عورني
اثار ::- ايييدددييي
بس اصرخت صاح مهدي بي
مهدي ::- احمددددد عوفها
ضل عاصر ايدي ورادف
احمد ::- بل اول خل تحجي منو هية واني اعوفها
اسمعت نفس الصوت التوا كال السلام وعليكم
وهوا يكول
اقدام ::- احمد عوف البت هسه ابوك يحجي
مو هيج تتفاهم
هم ماعاف ايدي وكل الموجودين جانو بوضع المشاهد جانو واكفين يتفرجون علينه ومهدي من شاف مافاد الحجي تقدم علينه وخله ايده على ايد احمد اللازم بيها ايدي واردف بعصبية
مهدي ::- انااااا اجاي احجيي عوفههاا
احمد ::- عذرني يابة بس اني كلت ماعوفها اذا
مافهم الموضوع هسه ومنو هاي
اردف مهدي بتردد وهوا يتباوعلي
مهدي ::- هاي اختك
بس نطق هل كلمتين تراك ايدي وهوا يتباوعلي بصدمة وصارت هواي اصوت بل صالة وبدو واحد يهمس لثاني على ساس مايردوني اسمعهم اسمع واحد كال
" امنين اجت بته تالي وكت بس لا بت حرام
هل جان ضامها "
وحدة تكول
" الله يساعد ضحى عليه جايب بته وجاي "
وسمعت بجي وحدة بصوت وتعاتب بمهدي وهوا يريد يهديها ماكو وبعد ناس
هوايي حجو بس ماكدرت افهم حجيهم لان اسودت الدنية بعيني واغمى علي اخر شيء اذكره من سندني احمد بيده وشالني نفس الايد التوا اذتني هسه سندتني
اخذني السواد الاخر حضن جمعنه
الاخر وجبة كعدنه عليها سوا نسوالف ونضحك
قبل 3 ايام
كعدت الصبح الساعة 6:30 على صوت المنبه
طفيته وضليت بفراشي بس امد جسمي ( اتمغط )
ارتاح من اسوي هيج وهم حجة ماريد افارك مندري
الدافي اموتت من كعدت الصبح ولا بل شتا باردة
والفراش دافي مايهون عليك تعوفه صحاني من صفنتي
وتفكيري صوت امي وهية اصيح
رغد ::- يلا يمه كعدي راح تتاخرين عل الامتحان
اثار ::- كمت يمه كمت
كفيت الغطى عني وكمت رحت للحمام غسلت
وجهي ونضفت اسناني رحت للمطبخ لكيت امي
جاي تلفلي لفة جبن اخذها وياي لان مامتعودة
اتريك من اجوع اكلها
رحت حضنتها واردفت
اثار ::- صباح الخير يلخير كله
ردت علي وهية تضحك
رغد ::- صباح النور يلنور كله هههههه
اثار ::- هههههههه صايرة تقلديني رغودة
رغد ::- من عاشر القوم اصبح مثلهم هههه
اثار ::- ليش تعبين روحج وتكعدين وياي ماعدي
شيء ابدل واطلع
رغد ::- احب اكعد وياج عزيزتي ماكو اي تعب
وروحي بدلي بسرعة لا تتاخرين
بستها من خدها حيل ورحت ابدل
اخذت ملابسي من يم راسي لان احب احضر
ملابسي قبل لا نام جانن قميص عريض وصدرية
عريضة وبشت امي جانت حريصة كلش على ملابسي
واني احب حرصها بدلت وخلصت و اسمعها تستعجلني
رغد ::- ماخلصتي يمه يلا
رحت الها واردفت
اثار ::- اي يمه خلصت عزيزتي راح اروح
رغد ::- اروح فدوه للبنات الشاطرات
اثار ::- هههههه يابعد دكات كلبي
رحت بست ايدها وراسها وطلعت من المطبخ وهية وراي تمشي وتوصية
رغد ::- اقري الفاتحة وهديها الام البنين (عليها السلام)
بنية التوفيق والنجاح ولا ضلين جوعانة اكلي
ولا تتعاركين المدرسة وراح تخلص لا سوين مشاكل
وهيج كضتها لمن اطلعت من البيت وهية وكفت بلباب
اثار ::- خوش يمه افتهمت مشكورة وهسه دخلي باردة
رغد ::- عزيزتي بنيتي كون اريد الشهادة كلها ١٠٠
اثار ::- ادللي يمه بس ادعيلي
رغد ::- دوم داعيتلج بنيتي
اثار ::- يلا يمه راح اتاخر الله وياج
رغد ::- في امان الله يمه
ودعت امي رحت على جيرانه حتى انروح اني وبناتهم تقى ومها وحدة وياي صف رابع وحدة سادس
قبل لا اوصل البابهم بشوي طلعن لوحتلي تقى بيدها بعد ماشافتني ورحت امشي بتجاهن
تقى ::- صباح الخير
اثار ::- صباح النور شلونج بلمتحان محضرة
مها ::- وعليكم السلام عمي شدعوة ماكو سلام علي
اثار ::- ماسلمتي انتي
مها ::- ياهو المفروض يسلم اول لكبير لو الزغير
تقى ::- اهوو شلون سالفة هاي سكتن لا تتعاركن مثل كل مرا على سبب تافه
مها ::- لا تخافين ماعارك جهال
اثار ::- والله ما جاي اشوف جاهل غيرج خليني ساكتة احسن ما انتف اخر شعرتين براسج
مها ::- شوفي اثار ان
تقى ::- اشششششششش كافففي شبيجن ولا مرا انجمعتن ماتعاركتن سكتن اثنينجن كافي
رزلتنه تقى حتى نسكت رغم اني مالي شغل اختها التعيل اول هسه رغم تقى ازغر من اختها ب3 سنوات الا اعقل وافهم منها ذيج مدري ياهو ساحك ذيلها دوم بس تنبح ولا اني تاكلني اكل اذا شافتني تغار من درجاتي دوم عالية وهية عايدة بل رابع هسه البحلها مرحلة أولى كليه وهية سادس مو اول وحدة ترسب وعادي كلش واحد يعيد بس مدري شبيها تريد تسودن عل كلية و اني شدخلني محملة علي مادري
واخيراً اوصلنه للمدرسة الفكر شلون مدرسة هية زين وبعدها ماطايحة
مها ::- يلا تقى روحي لمتحانج اني راح انتضرج هنا بلباب
تقى ::- لا دخلي جوا هنا هسه شوي ويحلون مدرسة الولد
مها ::- مادخل جوا هنا احسن وإذا طلعو الولد ادخل لا تخافين حبيبتي يلا راح تتاخرين
اثار ::- تعاي تقى هم يلا انلحك
رحنا اني وتقى للمتحان ومها ضلت برا علساس جاية ويانا لأن كبيرة عشتو هية بعدهن امتحاناتهم وماعدها دوام هسه متاكدة ماجت على مودنه اجت على مود الولد الادبسزز دوم هيج عينها زايغة وتموت اذا واحد ذبلها حجاية لو تحرش بيها عدها هذا الشيء مدح
خلصنه امتحان من وكت وطلعنه رحنى يم الباب بس ماطلعنه لان مدرسة الولد طالعة وكلها الشباب تتعدى وذب بل حجي السرسرية ضلت تقى ادور بعيونها على اختها
تقى ::- يا وين راحت مها بس لا برا
اثار ::- والله ادري بيها ماراح تدخل تقى مع احترامي الج بس اختج سا***
تقى ::- اثاررر لا تحجين هيج عنهاا والله ازعل منج الدنية حارة يمكن عطشانه وراحت تشتري مي من المحل المقابيلنه
ضلينه شوي انتاني الشباب يرحون ونطلع
تقى ::- يلا امشي راحو
طلعنه بعد ما تعدو الطلاب وضلينه اندور على مها بعيونه
الحد ما شفتها اني واكفة يم شاب وتتموع بحركاتها وهوا يتلمس بخدودها اضحكت ضحكة جانبية بستهزئ على شكلها عمي صدك هل ابنية سا*** يعني بنص الشارع
والوحدهم واكفين لا خافت احد يشوفهم لا خافت على سمعت اهلها من طابوكة تنزلج من السما تفشخ راسج فشخ ادبسزز
اثار ::- تقى شوفي واشرتلها بيدي على مكان مها
اختج اضاهر عطشانه هواي بس مو عل ماي
اتباوع التقى وهية عيونها صارن بكصتها من العصبية لزمت ايدي حيل من المعصم وراحت تمشي المكان مها وتسح بية وياها
اثار ::- جا انتي اختها اني شدخلني وماخذتني ياج ها ؟
تقى ::- انـچبي وامشي ساكتة
راحت لها تقى واني وياها ومها ولا ملاحضة ملتهة اسوالف وي الولد لمن اوصلنة قريب عليهم واشوف مها تاشر بحواجبها للولد مافهمت قصدها الا من دار الولد تباوع علينه وشرد عاف مها وراح يمشي بس شنو مشيته مفعل وضع السرعة بحيث ماشفنه بس التراب وراه
تقى ::- مهااا
مها ::- وجع شبيجج انكرصتي بلشارع احنى هيو
تقى ::- منو هاذا الجان واكف يمج ها
مها ::- ماعرفه اجا يسأل على بيت ابو مريم كتله ماعرف احد اسمه هيج وانا مو منا
اثار ::- جا ليش شرد من شافنه ؟
اشوفها شلون اتوترت من سؤالي
وحاولت تتهرب
مها ::- لا ماشرد بس خلص موضوعه
تقى ::- وحركاتج كدامه وتحريك حواجبج من اجينه وتلمس اخدودج ها ؟
مها ::- جان اكو شيء على خدي وخره و شقصدج ها على شني تلمحين تقى اختج اكبر منج احترمي روحج خوشش
صار حجي ومشاكل بينهن وتقى تحجي ومها تريد تاكلها بسنونها
اثار ::- كافي كافي امشن بلبيت وتفاهمن مو بلشارع عمي عيب شلسالفة صلن عل نبي
مها ::- سكتي انتي راس البلة تريد اصير خيرة عود وهية مامعروف اصلها من فصلها
اجيت ارد عليها واطيح حضها بس تقى سبقتني
تقى ::- مهاا كافي تردين تغيرين الحجي والله اكل الامي على كلشي حتى حجيج على اثار امشي يلا
رجعنه والدرب كله مها تقنع تقى مالها علاقة بل ولد واني ولا ادخلت مالي علاقة بينهن هنا خوات ويصافن
رجعنه وكلمن راح البيته دكيت باب بيتنه شوي وطلعت امي الجفجير بيدها امبين جانت تطبخ
اثار ::- هلو گواج الله يلحلوة
رغد ::- هههههه هلا ومرحبا تعاي تعاي سولفيلي على امتحانج شلونه جاوبتي لا صعب سهل
اثار ::- على كيفج يمه وحدة وحدة خل ادخل واجاوب تلحكين تفتحين تحقيق وياي
رغد ::- يلا بسرعة دخلي بدلي وغسلي وتعاي يمي يلا يلا
اثار ::- هههههههه يلا رايحة بسع
دخلتي للبيت واخذت ملابس وياي ورحت للحمام غسلت
وبدلت ورحت الامي
اثار ::- شنو غدانا يمه
رغد ::- سويت مرك بتيته هل خلصت راح انصي النار واخله براحته بعد وكت عل غدا
اثار ::- اي بعد وكت
رغد ::- يلا تعاي سولفي شلون الامتحان
اثار ::- زين ماهو كلش صعب
رغد ::- الحمدلله يمه ان شاء الله اشوفج دكتورة
اثار ::- ان شاء الله يمه بس لا تنسيني بصلاتج والدعاء ماكو اعضم من دعاء الام
رغد ::- حبيبتي يمه بكل ركعة ادعيلج
اثار ::- بعد گـلبي اكلج يمه خل نطلع مليت من البيت فدوه
رغد ::- وين انروح يمه الدنية مابيها امان وبس احنى محد ويانه وين اروح ها
اثار ::- جاا انموت بيت بيت بيت والله تعقدت اريد اطلع عليج بروح جدي التحبيه
رغد ::- ماكو كعدي وسكتي وچم مرا اكلج لا تحلفيني
اثار ::- يمهههههه ما والله اريد اطلع
رغد ::- خوش طلعي هاذا الدرب وروحي وين ماتردين اني ماروح
اثار ::- جا عليمن اني اريد اطلع وياج عفية والله ضايجة
رغد ::- طلعي انتي وتقى المنتزه اليمنه
اثار ::- خوش نطلع اني تقى بس مو الهاذ المنتزه
رغد ::- لا تحلمين ترحين الغيره من هسه اكول
اثار ::- جا شبي هاذا كلشي ماكو حتى ماتنحسب طلعة علينه
رغد ::- هاذ الموجود ماتردين بعد احسن كعدي وسكتي وهم اريد اسوي تعزيل للبيت ساعديني
اثار ::- لا لا اروح هسه احاجي تقى واكلها والتعزيل اجليه من ارجع
رغد ::- خوش يلا حاجيها
كمت من يم امي ورحت للغرفة مالتنه ادور على تلفون امي بس بلاسم لمي ههههه لان ماتلزمه كله عدي ماتحب التليفونات امي كعدت اراسل تقى عل طلعة ومادري هاي الطلعة راح تحرمني من اخر لحضاتي وي امي راسلت تقى وكالت خوش ابوي يودينه هوا المنتزه قريب بس يخافون علينه
ضليت اشوي العب بلتلفون شوي وصاحت امي
حتى اروح اتغدى عفت التلفون عل
شحن ورحت لكيت امي صابة اكل
اثار ::- يمه ميته جوع ليش تعبتي روحج يمه جان صحتيلي اصب اني
رغد ::- مابيها تعب يمه وانتي كاعدة من الصبح تعبانة يلا تعاي اكلي هسه
رحت كعدت يم امي عل صينية وكلنه بسم الله وبدينه ناكل خلصنه اكل الحمدلله وكمت شلت الصينية وغسلت
ووكفت اغسل الاماعين وامي اسوالف وياي
رغد ::- حاجيتي تقى
اثار ::- اي يمه
رغد ::- شكالت
اثار ::- كالت خل يصير العصر وابوي ياخذنه
رغد ::- خوش يمه بس مو تتاخرن
اثار ::- لا يمه جاي احجي وذكرت موضوع مها اليوم حبت اسال امي يمه اليوم من رحنى للامتحنان ضلت مها برا اتانينه ومن اطلعنه لكيناها واكفة وي ولد ومو اباب المدرسة بلشارع
رغد ::- يمه ماعلينه بل وادم ليش ناخذ غيبة احد
اثار ::- يمه مو قصدي اخذ غيبة احد والله بس حتى من سالناها اتهربت وتوترت ماعرفت شتكول وصراحة مو اول مرا اشوفها وي ولد هواي اشوفها وكل مرا ولد مختلف
الله يساعد اهلها على ما بلاهم
رغد ::- يمه البنات هل ايام كلش مستخفات ومها ماستغرب تصرفاتها لان دوم اشوفها تمشي وي بنات سمعتهن بلكاع بس شنسوي هاي حياتها خلها تخسر الاخرة
اثار ::- اي والله يمه هية التخسر بس اني احجي لان منقهرة على حجي سامي ابوها خطية خوش رجال وامها ماكو منها مافاد تربيتهم بيها هسه هاي تقى مو ازغر منها بس ماكو منها والله ليشوف تفكيرها وكلامها يكول هية الكبيرة مو مها
رغد ::- الله يستر عليها ويهدي اختها يمه
اثار ::- الله يسمع منج رغودة
ضحكت وراحت كالت راح تنام
جان عدنه عادي اكلها رغد رغودة لان ربتني على اني اكون صديقة الها قبل لا تكون امي و امي ماهي كبيرة بل عمر بعدهي شباب عمرها ٣٧ شكد اجوها خطابة بعد ابوي ولحد هسه يجوها بس هية ماترضة تكول انتي تعوضيني عن كلشي ماريد احد بحياتي غيرج رغم اني اريد احد بحياتها لان تستاهل واحد يدلل ويهتم بيها خلصت تنضيف المطبخ وهوا مابي شيء بس رتبته لان محد بس اني وامي ف مايحتاج تنضيف وشغل هواي محد يوصخ
رحت حتى انام لان تعبانة ونعسانة شفت امي متمددة واسبح تسبيح الزهراء رحت ادحست روحي بحضنها وهية ضمتني الصدرها مثل الطفل الخايف امه تروح هيج جانت شبكتي الها كعدت تمسح على راسي بيدها الدافية
اثار ::- يبوييي يحضنج الدافي يداوي اكبر جرح بية
رغد ::- هههههههه لا ضحكين علي بحجيج الحلو
اثار ::- شوكت ضاحكة عليج والله صدك حضنج ماكو منه
رغد ::- صدكتج صدكتج وشوكت تبطلين النومة بحضني ها صار 16 سنة انتي بحضني ماشبعتي
اثار ::- والله حبيبتي حضن امي وبكيفي شوكت اقرر اعوفه اعوفه والحجي بيني وبينج اني حتى زواج مازوج حتى اضل بهل حضن الدافي
رغد ::- هههههه يجوز زوجج يطلع حضنه ادفى من حضني
اثار ::- مستحيل مالكة مثل حضن الام ولا انتي كل الحنان بيج
شفتها رفعت راسها وباستني براسي والدموع بعينها
رغد ::- يمه يبعد عيوني
اثار ::- فدوه لعيونج اروح اني وبعدها كتلها اتكعدني الساعة ب 3:30 حتى اروح التقى
لم اتوقع انه سيكون اخر حضن يجمعنا
ولو عرفت لما تركته حتى مماتي
تستطيع الام فقط تعويض حنان الاب ولكن
لايستطيع الاب والعالم كله تعويض حنان الام ...
_____________________
لا تنسون التصويت
الاحداث الجاية نار وشرار
هنا نختم وياكم البارت الاول
من قصتنه " اثار اقدام "
اتمنى تعجبكم هاي اول قصة اكتبها
وتمنى ماتكون الاخيرة
وياريت لو تنشروها لو اشاركوها
عدكم اي تساولات بخصوص القصة ؟
رايكم بل سرد ؟