هيلانه الاسر
زهور الـ سلطان
كل عام و انتو بخير يارب ينعاد عليكم بالصحة
و العافية
لماذا لاتكتبون رواياتكم بالفصحه انتم تسيئون للادب ؟؟؟
₹ ياعزيزي في مختلف الثقافات توجد نصوص و مسرحيات و قصص قصيرة و روايات بنفس لهجه
و لغه البلد ان لم ترق لك فجرب ان تبحث عما يناسبك
نحن هنا نقرا و ليس لنحلل
نحن هنا تحت مقوله من لم يقرا روايه فقد عاش
حياة واحدة و من قرأ فقد عاش اكثر من حياة
.
مهم " لا تنسون المتابعه و التصويت و صلو الف
عالمود البارت الجاي بليل
بالغربهْ شِفت التَعب وإتعلٌمت معناه
وإتعلٌمت عالسهرْ .. والسكتهْ .. والصفناهْ
ذلٌيت ذلْ النهر من ينكَطع مجراهْ
وإعرفت كل شي إعرفتْ
حتىٌ النخلْ ينحني لريح السفرْ من يجي
وجايب غريب إوياهْ
ألله !! يا هالوطن شمسٌوي بيٌه ألله
نيرانه مثل الثلجْ
كلما تدكْ عالضلعْ
أبرد وكَول إشٌاهْ
إللٌي إمضيٌع ذهب!!
بسوكَ الذهبْ يلكَــــــاهْ
وإللي مفاركْ محبْ ...
يمكن سنهْ وينســــــاهْ
.. والطاح منٌه الكَلبْ
قلب إصطناعي إنلكًه ويشكٌلونه إهنـــاهْ
بس إل مضيٌع وطــــــــــــــنْ
وين الوطن يلكَـــــــاه ؟ ؟ ؟
الباااارت بي تكملههه اوكييي فيرووزاتي لتگولون ليش قصير او هيلانه كذا اني داكتب احداث مو مني
اسفه على انتظاركم
.
تالين
يصَّر أن يجعلني دوائه و انا عله و مرض
بلا عنوان يصَّر على ان يحبني بدون موعد
بلا سبب و من اسألة يرد بكل رحابه روح
انتي اذيت روحي العشگتها بلا مواعيد
بعد مشكلة ايمن و مارين حسيت روحي بدوامه
الها اول ما الها آخر اخويه ليش دائما هيج غريب
جدا تصرفاته ممحسوبه و لا على البال هستوه
يمي و هادئ صعب خمس دقايق سواله هوسه
شگدها زين هو يريد مارين لو لا يحبها بعده
عاد لو غير مارين گلت سوتلها شي احتمال
و عافها بس هي اربع و عشرين ساعة بالبيت
عيونها من يوم اجت لبيتنه و هي على ايمن
اتوقع لو گاللها شمري روحج بنار تسويها
يعني حبه الها و اصراره على خطوبته منها
قبل كم سنه .... وهم و كذبه اوووف مجاي
اجمع افكار يمته نرتاح و نبطل مشاكل
بقيت على وضعي هذا لحد محسيت بتلفوني
يهتز شلته اباوع رسالة من صهيب اووف
ان شاء الله يكون غير ... غير عن ايمن
بس هو اخذني البيت وحده وگال هي مرتي
و مرة لخ گال جذب مو مرتي هي شبيها الرياجيل
ما نفهم شناوين و شيريدون
قريت رسالته و بسرعه جاوبته
صهيب _ شلونها تلوة
تالين _ مو بخير شلوني يعني انت شلونك
صهيب _ بالعسل
تالين _ عود دير بالك وقلل داميصير بيك سكر
صهيب _ هم صحيح حقج و يمها سمايل يضحك
شفته مدز شي و اني بقيت اباوع بالمحادثه لحد
مدزيت
تالين _ جلمد سؤال
صهيب _ جواب عيني
_ هو انت مو صديق ايمن و بالحادث اجه أدم يعني
هماتين صديقه
_ يي ؟؟؟
_ هو انتو الثلاثه احسكم ما تنحزرون
_ شلون يعني
_ أدم ابن عمي و ما انشوفه الا نادراً و قبل من چنت
صغيره ابتسامه ما اشوفه يبتسم حتى بوجه
اهله
تاخر يلاا جاوب و دز بصمه و صوته مبين مزعوج
_ و شدعوه هامتك الابتسامة و ضحكه هااااا
_ يلاا شبيك دا احجي جد و بعدين ليش تحجي وياي
بصيغه ولد
_ يمي التبن و شنووو هو الجد ست تلوة ؟؟؟
_ شوف هسه اخويه ايمن تصرفاته هماتين غريبه
و متنحرز مرات احس روحي ما اعرف و حتى
هو اشوفه ميعرف شنو يريد
_ و شدراني بيهم مو كلنا محللين نفسيين مثلج
_ تمام
_ زين وانه شبيه
تالين _ احنه كل ما نلتقي لازم نتعارك و من نحجي واحنه بعاد نكون بقمه الهدوء بس بأخر فتره لا
صهيب _ عاد شلونها آخر عساس نلنقي بنوارس لو بالمتني
تالين _ بلاا تصنيف
صهيب _ اخوج و ابن عمج ينتضرون محللات خاصات بيهم و شخصياتهم بالعكس واضحه بس كولي انتي مفاهمتهم و ها لا تشغلين بالج بيهم انتي عليج بيه و بس
تالين _ لا واثق همين
صهيب _ يمته ماواثق اني ......
تالين _ تصدك قنعيني
صهيب _ بيه
تالين _ لا ، بشخصياتهم صحيح ممكن نكون احنه مفاهمينهم لهذا نحسه غريبه و تصرفات ماكو مبررر الها
صهيب _ لا هي هم قسمتي هاي
تالين _ ههههههه جلمد اسألك مره لخ
صهيب _ اسألي صحوتي
تالين _ هذيج البنيه الي اخذتني البيتها
صهيب _ گتلج طلگتها لا تلحين
تالين _ بس ليش طلگتها هي حلوة و صوتها هم
صهيب _ تمام راح ارجعها على ذمتي
تالين _ شنووو ترجعها
صهيب _ غير گاعدة و توصفين بيها اروح ازوجها
هي صدك حلوه
تالين _ منيه الحلوة جلمد
صهيب _ محد
تالين _ لا دگول قابل شعليه اني
صهيب_ يلاا اروح أتصل بيها عندج شي
تالين _ صدكك متستحييي
صهيب _ هههههههههههههه صار وجهج احمرر هسه مو
تالين _ معليك باي
صهيب _ وين رايحه
تالين _ معليك روح خابر فروحه
صهيب _ انتي تسألين و هم تنگدين هسه شدوس
تالين _ دوس بطنك
صهيب _ هههههههه خرب بيومج
تالين _ اگولك
صهيب _ هممم
تالين _ ذولي البنات الي بصفحه الفيس
صهيب _ شبيهن
تالين _ هم تحجي وياهن
صهيب _ لا
تالين _ ما قتنعت
صهيب _ اانه لو احجي وياهن اگلج طگ بطگ ما اخاف بس للامانه يابه ما عندي غيرج
تالين _ و فرح
صهيب _ سلام الله على الله اجيبها يمنه تردني يسره
معزوزتي جانت عندي مهمه و زواجي منها ساعدني
تالين _ يعني ستغليتها .....
_ لا
_ لعد
صهيب _ اشتغل صار سنه ونص على خليه عدهم شبكه اسلحه و كرستال و غير مواد فشغلي اجمع عنهم معلومات
زواجي منها جان برضاتها و بنفس الوقت ساعدني
بالي ردته
تالين _ خطره هااشغله زين هم ترجعلها من تخلص من داعش
صهيب _ ما اعوف شغلي عنص اكمل كل شي اريدة
تالين _ بس بعدك غامض
صهيب _ بالعكس
تالين _ زين انت ليش متحب باجي
صهيب _ اني يتيم تلوة
تالين _ شنووو !!!!!
صهيب _ مثل ما متشوفين أمي بصراويه الله يرحمها
و سدي السالفه هسه مالي خلگ
تالين _ اسفهه سألتك هيج بس اول مره
اجيت اسأل و رسيل بس كبل مسحت قبل لا ارسل
اني مشايفه جنسيه لو شي يثبت هم اخوان بس
تصرفاتهم و حياتهم و كل شي يثبت هالشي
صهيب _ اول و تالي لازم تعرفين يالتالي مالتي
لكل حادثتاً حديث .......
تالين _ تمام
صهيب _ بس اريد تخلين بالج شي خاف ما ارجع
تالين _ اسم الله لا تحجي هشكل
صهيب _ كل شي يصير العمر بيد الجليل
تالين _ ان شاء الله ترجع سالم
صهيب _ ان شاء الله ، تعرفين شي
تالين _ شنو
صهيب _ چنت انتظرج يومية تروحين للمدرسة حتى
اشوفج و كل يوم اوصل متاخر للدوام
تالين _ عندك صورة الك و انت صغير
صهيب _ اذا ارجع ادزلچاهه
تالين _ جنت تعبان مني و تترزل و انت و صغير
صهيب _ من يوم يومي بروحي تعب عليل يكابر وياالموت و أثار المساطير طابعه بأايدي ليومج هذا هههه
تالين _ و ما كرهتني هالگد تأذيت !
صهيب _بعمرها الاذية ما اجت منج و حتلو
تالين _ و حتلو شنو ؟
تالين _ حتلو منچ تعبي ما ينطيني گلبي اگرهج
و انه اعزچ بگد شيله أمي المابقالي من ريحتها غير هالقماشه
دزيت قلوب مكسورة و هو رد سلامته صحوتي
تالين _ ليش هالگد ؟
صهيب _ ابتسامتج ولمعت الخد يحچن السبب بدون
ما انطق
تالين _ فدوة الك جلمد .....
صهيب _ فدوة الچ الجلمد ، نسيتني صحيح شنو المخليته بحالتج البارحه ليش تخلين صورتج ها
و هالابيات شنو معناها
يسمعني حين يكلمني
كلمات ليست كلكلمات
تالين _ عادي الناس مشوفني من اطلع يعني ليش استحي
اخليها صوره
صهيب _ أولا تفكيرج غلط و هي الأغنية تكول يسمعني حين يراقصني و انتي يراد نوع ثاني من النقاشات وياج لان انتي مو مال اقنعج غلط كلامج برساله .....
تالين _ مو متدين ليش تسمع اغاني
صهيب _ متدين مو شيخ جامع اسمع قليل ذكريني اركصچ و اسمعج كلمات
_ نوب يگول ارگصج
_ شبيها
_ النقاش وياك عقيم
_ ايباخ انتي لو انه تره اليحچي وياج رجال مگرود فقير
_ ايباه
ردت اغير الموضوع رديت
تالين _ عوف الاغاني ههههه انت اذا تصير شاعر كلها تعزل
صهيب _ هيج رايج
تالين _ هههههههه يي
صهيب _ الشعر ما ألي باب رزق بي هو الشمامتي مخصوص ..... تلوة ابقي وياي ماريد تاليها اضل اصفگ
باليدين
تالين _ موجودة اني
صهيب _ تروحين من تعرفين كل شي عني
تالين _ لا جلمد ، شوكت تنزل
صهيب _ بعد ٢٠ يوم
تالين _ شدعوة ليش هالگد
صهيب _ هي صارت هيج بعد أصلا زين و منهم ما ينطون انذار و ابقى بالشهرين
تالين _ دير بالك على نفسك
صهيب _ و انتي هم شمامتي
تالين _ لقب جديد
صهيب _ حافظه كل شي
تالين _ الاشياء التروح للگلب تبقى بي
صهبب _ صحيح ...... يلااا نادو علينه رايح
تالين _ الله و محمد و علي وياك
صهيب _ يا بعدهم انتي صحوتي
تالين _ منمه
صهيب _ كلهم الراحو و الاجو و الراح يجون
بين وريد و شريان تنبض انت ........
تحت الجفن و الرمش تسكينِ انت........
تالين _ ليش مكسرت التاء
صهيب _ ماريدها اللغه التنكسىرين بيها .......
اذا لاحضتي اعترفتي بس بالمشفر و گلتي فدوة الك
و هاي نقطه راح تتسجل .....
تالين _ يول لوين تبقى سجل
صهيب _ لما تگول يحلو ذيج الحچايه
تالين _ يلا مو تاخرت
صهيب _ بأامان الرحمن تلوة
و رجعت كاعدة وحدي و افكر بي لگيت دمعه واگعه
عخدي هو ليش هالگد حنين ... حنين شلون اخويه اووف
گلبي شگد احسه تعبان شلون افهمه اني تعبانة اكثر منه تذكرت من گال بروحي تعب عليل يكابر وياالموت شكد
صحيح كلامه بعد ايام مارين بيهن غايبه عن البيت و بس اني و ماما گاعدين الفراغ شكبرى بگلوبنه ايمن اليوم اخذ بارق لمراجعته و أزاد بعدهه مجاي توقعته بالعيادة
تقريبا ورا الغده واگفه اسوي چاي سمعت صوت
الجرس رحت الكاميرات شفته أزاد طلعت فتحت
الباب و سلمت عليه جان على وجهه ابتسامه طفيفه
مخفيه من مدة طويلة مشه و اني وراه و سألته
شبيك أزاد
أزاد _ امي وين
تالين _ بالمطبخ
راح سريع الها و گف گدامها
أزاد _ يوم حضرو نفسكم خمس دقايق عدكم
لجين _ شصاير احد بي شي
أزاد _ لا اسم الله بس هالامره شي يبشر بخير
بوقتها بدلت على سريع و امشي بمهل ما تحرك
المسافات بعيده ما تساعدني رجليله
بس جانت هناك جانت صدمتي .......
.
مارين
اكرهك
لكن قمت بتضميد كل خدوشِ و كلتا يداك تنزفان
أردت بعدك
لكن اذا بك تقترب و تشُتت كياني بقبله واحده
طلعت جنطه سفر جبيرة من المخزن و صرت اخذ
بكل احتياجاتي لحد محسيت ظهري وگف صرت
احجي بيني وبين نفسي
عزهه هاي بعدني مداخله العشرينات و ظهري يطگطك
اكثر من خاله گلتها و كملت تلملم مطولت دقايق و عفت
كل شي تعبت شنو هاي الترتيب يهلك اروح يم تالين
احسن طلعت من الغرفة اباوع غرفه ايمن مفتوح بابها
أكيد اجه لفوگ شيخلصها ويا
نزلت ليجوى لغرفه خاله شفت تالين متلتفلفه بالغطى
و نايمه رجعت سديت الباب و صعدت دا ادخل للغرفه
جان يصير ايمن گدامي منطيني ظهره و يباوع للجنطه
جان لابس شورت و فلنيله نص ردن سوده و بيها أحمر
فكرت ارجع بخطواتي و انزل مالي خلگ احجي وياه
او حتى اشوفه توني دا اندار بس سمعت صوته و هو يگول
ايمن _ مرِ
غمضت عيوني اطلب الصبر
بقيت ساكته مجاوبته و التفت الة و هو باوعلي و
ملامح وجهه جامدة مابيها حياة هيج حسيت و اني
اباوعله
_ مارين
مرديت عليه هو بسرعه باوعلي و دور عيونه بملل
_ الله يسلمچ
سكتت بفشله ثواني و رديت
مارين _ احم الحمدالله على سلامتك
اجاهل كلامي و حچة بتساؤل و هو يأشر للجنة
ايمن _ المن هالجنطه
مارين _ اليه
ايمن _ شسوين بيها ؟
مارين _ دالم ملابسي بيها واضحه
ايمن _ هممم وين مطيه الوجه على خير
مارين _ وين ما عد الله گاع
ايمن _ شگلتي مسمعت ؟
تلعثمت و اني ارد
مارين _ ها تعرف بارق سوة عمليه و چان مصاب؟
ايمن _ يي !
مارين _ هو حيجي البيتنه هنا بغداد و اني رايحه يمه يعني اداريه
ايمن _ بيتنه
تقرب مني و اني رجعت بخطوات بطيئه ليورى
كمل كلامه بحزم
_ هذا بيتج و بس
مارين _ لا مو بيتي هذا اني اروح وين مچانو اخواني
ايمن _ ههه هسه صارو حنينين وين چانو قبل سنين
_ عاذرتهم عن الايام الفاتن اهم شي رجعو بحياتي
مره لخ
_ و منو رجعهم ؟
_ رب العالمين راد انت بس جنت وسيله
_ صايرة تعرفين تحچين
_ ليش قبل ما اعرف
_ ممم فاهيه ساجذه ينضحك عليج يساع
_ حجة بهدوء مفرط و رمى على مسامعي اسهم من
الكلمات
_ يي الحمدالله من وعيت على نفسي
ممكن تطلع
_ ابتعدت على جهه و هو مشه بأتجاه الباب دايطلع
و اني كمشت الباب حتى اسده
بس فجأة و بدون ما يخطر على بالي التفتت بتجاهي
و دفعني بكف ايده من جهه كتفي و سد الباب .....
بلحضتها رجف جسمي بخوف كأن واكفه على منصه
اعدام هيج ايمن بنسبه اليه بهاللحضات صدرت أكره
الي بين ضلوعي گد ما يدگ بسببه
بلغت ريگي و قويتها النفسي و گلت
مارين _ شتريدد عليش هالحركات
اشتاق ان اتنفس هواء انت تشاركنِ فيه
_ ايمن خليك بعيد عني
ايمن _ ليش شبيها ،
بس سؤال تذكرت اسألة الج
مارين _ يي اسأل براحتك بس أفتح الباب
ايمن _ جؤؤ مينفتح لمن الگاله جواب
تنهدت بضجر
مارين _ اسأل
ايمن _ منو ياخذج و يرجعج لبيت الزگان اخوانچ
مارين _ دنكت راسي شاحه انظاري عنه محد اروح
بتكسي
ايمن _ گلتي تكسي
مارين _ ايمن ايمن عوف ايدي اه
ايمن _ اششش لعد خالتچ گالت بسيل الـ****
نعمله عليه اخذاهه عوزها ما دزج تـ**** استغفرالله
مارين _ عادي شبيها هو ابن عمي هماتين حاله من حالك
ايمن _ لچ كلبه
مارين _ أخ ايديي ايمن موتتني
_ محد بحياتج حاله من خالي اكسرررهااااااا الججج شعندجج وي بسيل شلون طلعين وياه وحدج
_ عوووفهااا ايمن وخرووو عننيييي دتخوفنييي
جرني مقربني منه اكثر وهمس بأذني بهدوء عكس
العاصفة الاحنه بيها
_ لا تخافين مني بس لا تقربين من احد أصلا
حتى اخوانچ لترووحين الهم ما عايزينلچ
_ انت صدگ تحجي شعندي باقيه
_ اليه أنه
_ ابقى و تصير داگوگه بعرسك فدوة عاد بطل
هالحچي و عوفني بحالي
_ صيري مرِ الهادئة ما يلوگلج هيج
_ على گولت مر و زقوم
لاخله راسه على كافي من ورا و شدد قبضه ايده على
خصري
_ والله تعبان و تايه ما اعرف شسوي
_ الله يزل تعبك ان شاء الله بس وخر عندي دا اختنگ
منك
_ كله من وراهم لا خلوني اتهنه وي أمي ، أمي حلوة حيل احلى من صورها چانت نبتسم للهوى عمرها ما مست احد بضر بس تتدرين صار
_ تمرضت الله يرحمها
_ لا بس ما تمرضت هيج منها لله
_ لعد
_ ما اعرف اكو سالفه ماكله راسي و اذا طلعت غلط
اذبحهم كلهم
_ هم منو
_ متعرفيهم
بقيت ساكته و جامده بمكاني جر حسره طويله وكمل
_ من راحت أمي ما ظل الي حيل الدنيا لو ما امير
و هم راح صرت ما اترجى الفجر لان شمسه راحت
وياه مثل گلبي المات بيچ كل شي بروحي مو الي
مكتوب بوجهي ما افرح
_ الصار بعمه ياسمين و امير جان قدر الله يرحمهم
بس الصار بيه اختيارك
_ انتي تحبيني و ما تعوفيني
_ احبك يي بس هسه
ماكو احد بگدي يكرهك ايمن استغليت اعجابي بيك
من اول لحضه شفتني بيها وهمتني حتى بنضراتك
_ اخخخ مارين أبقي هنا ما اخليج تروحين و اني مأيس
تردين
_ محترگ گلبك لان صار الي سند و بعد هو مكفخه الك
_ يمته كفخت بيج
_ لو تنسى اني ما انسى
_ مارينه استهدي باالله خلي شيطايني راكده و اسمعيني
ما اطلعج من هالبيت فهمني
_ ما فهمت اني ما اريد ابقى مكان انت بي أقرف منه
_ تقرفين ! مني ؟
دفعني و راح على الجنطه صار يطشر بكل الملابس
و يشمر
_ عوووف اغرااااااضييي ايمنننن
عتووفهه حرام علـ..... بعدني دا احجي ما حسيت غير طوبتي وكعت و صارت رماد اعز هالطوبه هي صغيره جابلياهاامير بسفرته لدبي هي شلون كره الثلج بس من اهزها تتناثر نجوم بقيت صافنه عليها بذهول
يمكن مجان الموقف يستحق بس بوقتها صرخت
من كل و گلبي و حسيت روحي تهسترتت على
كل شي
مارين _ انتتتت شوووون هيج اسوووي ليششش بشنوو
اذيتكك رجعلييياهاااا رجعهاااااا
اسمع بدگات خالتي الباب تريده ينفتح و ايمن
الواگف گدامي مصدوم بردة فعلي
ايمن _ انه اجيبلج غيرها عوفيها من ايدج
مارين _ لا اريدها اريدها امير جابليها
_ لا تجيسين الگزاز ولججج عووفي
سحبني بعيده و صار يلم بيها اشوف الدم بدة يطلع
من بين اصابعه و بگلبي مرتاحه من منظره الي ابد
مأاثر بيه
لم الگزاز و عافه على جهه راح فتح الخانه بلاستك
معلگيها بالحايط بيها معقمات و ادويه للطوارئ
جاب معقم و گطن و لفاف و لفتلي
لجين _ افتحح الباب ايمن
تالين _ ايمن شنو النكسرر شبيها مارين وگفتوولي گلبي
حجيت برود
مارين _ رجعلياهه
ايمن _ هسه بس خلعقم ايدج
مارين _ شعليك بأايدي أصلا مبيها شي
حچة وي كلمته رجفت شفايفه
ايمن _ شلون مبيها
دنگت شفت اصبعي السبابه من ايدي اليمنه مچگوگة
بي گزازه
باوعت بخوف هاي يمته اجت ليش هسه يلا حسيت
بألمها دنگ عليه رجعت روحي لورا بخوف هو گعد
همس بهدوء
ايمن _ ايدج
ما جتني ردة فعل رجع گال
_ شحجيت
قدمت ايدي خليتها بين اديه عقم اصبعي
و لفاه و اباوع القطرات الدم وگعن على السجادة
مارين _ و انت ؟
ايمن _'هسه اغسلها مبيها شي آسف مارين ما قصدي اكسرها
تمتمت هااكلمات بصوت هامس و دمعه و گعت من عيني اليكسر بنادم كل شي يكسر نمونه الگزاز الراح فدوة
ايمن _ ارجعلج اياهه احلى
وگعت دمعه من عيني مسحتها بسرعه و رديت
مارين _ باجر اروح للاهلي و ارتاح منك
ايمن _ مردج الهالبيت
مارين _ اذا دخلته يمكن يكون سبب هو شوفي الايام القديمه الجان بيها راعي البيت موجود غير هيج لا ينطب
و لا ينعاش بي حاله حال الدار العايفينها اهلها صار سنين
خر* بالبيت هو شضل بي
عافني و گام فتح الباب باوع الخاله و تالين و فات
من يمهن بعدها دخلن للغرفه و باوعلي بخوف صارن
يسألن ، يهدن ، يواسن و اني ساكته عفتهن و رجعت
لفراشي غطيت وجهي خاله صارت تبجي و تحجي
عليه و تالين متدت يمي بس بدون متحجي شي
ثاني يوم الصبح اجتي ميس و شكلها ضايجه اكثر
مني وياهه رائد اخذنه للبيت و لگينه اروى و اصله
قبلنا لان المفتاح بسيل عافه يمها عاد رتبنه البيت
بكل حماس و منتضرين جية بارق رائد و جدو اجو
و جدة وضحه و وهج و متاكدة اجتي لان رائد وي
ميس ...... هو حقها زوجها بس تعاملها يرفع الضغط
كملنا كل شي سوينه خفايف و اكو طباخين موجودين
و جابو ذبيحه بس منتضرين جيته يذبحوها على سلامته
بسيل جاب اريج يمنه وراح
ميس _ تعبت
اريج _ و اني جعت شكوت تخلص
ميس _ انتي يمته موجوعانه شكوت تسمنين
وهج _ شسوي بالسمن يلعب سبعت ارواح
ميس _ شقصدي
وهج _ ما قاصدين شي بس انطي رأيي
اروى _ بالعكس البنيه التارسه و الضعيفه كل وحدة
الها صفة تميزها
ضحكت وهج بسخريه وردت على اروى
وهج _ و لا عرفتج صايرة دافعين
اروى _ ابن أدم يكبر ميبقى يراهق طول عمره
و ماحجيت شي بس الصدك يعني
مارين _ بنات يمكن حيجي تعالو
تالين _ جاية انطوني مجال
مارين _ امشي عكيف
ميس _ يي يمعودة لتنكسرين هنوب
اريج _ عادي نسويلها قريوله بصف بارق واحد
يغير لثاني جو هههههههه
ضحكنا كلنا عليها
اروى _ هههههههههه عاب حلگج ام لسانين
اريج _ لسانج انتي و بنتج مجموعين بية
اروى _ شهالسمعه ماما قدودي يحجون عليج
قمر _ ادكها ( اضربها)
مارين _ يي قدودي كسريها هم
دخل رائد للمطبخ و بيدة كارتون ببسي اول مشافته
قمر ركضت و مدت عيدها بمعنى انطيني
اروى _ لج ماما فشلتينه
رائد _ خليها براحتها لك هله بگمره
شالها و هي ضحكت بوجهه لتفتت لجهتنه و گال
_ راح يجون لا تبقن متلزگات يم الشبابيك مفهوم
وهج _ حاضر
قمر _ انت بيك يلدون يثوفن خالو بالق
( انت شبيك يردون يشوفون خالو بارق)
رائد _ ههههههههه هنيال بالق ، اروى گميرة تشبهج
و يحيى ماله حس عالابو
اروى _ لا حول الله ياهو يحجي وياهه يگول اروى
خزيتووني
رائد _ ههههههه مو گلج تشبهج يلاا ڤيمالا مو تنسن
كل حس ما اريد
اروى _ تدلل ابو وتين
شوية و زادت هوستهم برا عرفنه اجة و كل شوية
وحدة مباوعه الجام مضلل بحيث اگدر تشوفهم و هم
لا جدة كل شوية جاية يمنه و تروح تگعد خطية تتعب
خاله لجين باقية يمهن من اروح اخذلهن جاي لو شي
اشوف دمعتهن بعينهن بسرعه يجي بالي امير ودي
اگعد يمهن وابچي بس داحاول افرح بارق الحمدالله
من رجعنه سالم معافى ......
بعدها صار رمي و هنا تالين گوة وگفناها على رجليها
من گد الهبطه الصارت الها إختفى لونها و حتى رجليها
مگدرت تبقى واگفه عليهن بربع ساعه يلا هدت و بارق
وصل فرحت حيل بهاللحضات أزاد اجة سلم علينه
و مبين شكله شكد تعبان و خاف اكثر من شاف حاله
تالين و طلع نسمعه يعيط بيهم لان رمو عاد هنا عدت
السالفه على خير و صحصحت راحو جدة وخاله و اروى
سلمو عليه و اني نتظرت يخف الوضع يلا دخلنه و سلمنه اني و و تالين و ميس و اريج مقبلت تدخل گالت استحي بس صدك بچيت و اني احضنه شكله وهو ملفوف بااغلب أجزاء جسمه و الحروق يوجعن الگلب و يگطعنه .....
بارق _ وج خنگتيني
مارين _الحمدالله على سلامتك
بارق _ يسلمج الله عيون اخوج
اروى _ يول و اني بعتني
بارق _ سكتي بابا مالي حيل احچي بعد
أزاد _ عفو الولد يرتاح
الشيخ داود _ ياريت تگللون صوتكم و الحركه هم
حجية وضحه _ يي يمة موش ما يگدر ينام اذا تلتمون
هيچ
اروى _ يي جدة منبقى يمه هالگد بعد و هم نقلو بغرفتو
يرتاح اكثر
عيال اروى ثاني يوم اجوي و الكل او هيج اظل انتبهو الرائد و تأمراته على ميس و هي تنفذ ساكته و من يروح
تستلمها وهج و اروى دافع عليها لعبت نفسي من الوضع
و مرن يومين يلا راحو اجاهم سامح و باقي اعمامي
سلمو على بارق و هم گعدو يمنه نص نهار و راحو
فرع البيت و رجعنه النظف بي و نلملم و بليل يبدي
الوجع وي تؤوهات بارق و المة اليجي ورا العلاج اموت
الف موته و اني اسمعه يگول الازاد و ميس
بارق _ جاييي تموتوني لو تنطونيي مسكنن
أزاد _ اهدئ شوي وياخذ مفعوله
بارق _ دخيلكم راحح اموت عضامي توچ عليه غاديه
نار
ميس _ متعيني عليك حبيبي اصبر فدوة
بارق _ اخخ
أزاد _ اطلعي ميس هسه اني ابقئ يمه
طلعت ميس من الغرفة و اني اباعلها تمسح بعيونها
و صعدت تنهدت بحزن و رحت وراهه ثاني يوم اروى
عمتها متخربطه فراحت حتى لا يحجون عليها
و اريج اجتي يمنه اباوعلها ضايجه و متوتره عن غير
عادة
مارين _ اريج بيج شي
ميس _ حتى اني لاحضت يوجعج شي
اريج _ لا
تالين _ دگولي علمين ضامتها
اريج _ اريد ... ااااريد اسلم على بارق
ميس _ متروحين چا
اريج _ خجلانه شبيكم
مارين _ هاي منو الخجلانه ما عرفتج
اريج _ عاابت صوچي اگلكم
تالين _ دروحي داك وحده
اريج _ ها اوكي رايحه
راحت اريج بتردد للغرفه و احنه كملنا سوالف عادي
ما مر وقت طويل و مانحس غير البيت نهرج بعياطه
ركضنا نشوف شكو اني و ميس
بارق _ اطلعيييييي اريججججج
ميس _ شكووو صاير
بارق _ طلعي هاي شلون تخلونها تدخل
ميس _ عكيفك قابل شسوتلك البنيه
سكت عنها و دار وجهه رجعنه للصالة اريج وجهاا
أحمر و منحرجه و ما قبلت تحجي شي و تكول صار
و هم عفناها براحتها مرت ايام هاديه احاول اتعود
بيها على كل شي بهالبيت و على اخواني و كل يوم
اتمنى هيلانه ترجع .......
ورا فترة بارق راح للمستشفى و اروى و ايمن صادف
نازل فأجة و راح وياهم .....
اني نشغلت انظف و عيني على الأكل منتضره يجهز
و بجهال اروى ميس سوت الغده من البارحه و كل فكرها
تقبل بغزوان لان مراسلها و مقترح يجي يخطبها هي تحبه بس خايفه من رائد رغم هي جبيرة و واعية بس ما تحس عدها قدرة تتخذ قرار صارم ..... أزاد هستوه اجه مصار ساعه و منتضر الاكل يجهزز حتى ياكل تقريبا الساعه ١٢ ندگ الباب و كل ضني رجعو .....
مارين _ حياويي حبيبي
يحيى _ ها خاله
مارين _ روح افتح الباب الامك
قمر _ ني افتهه ( افتحه ) ململ
مارين _ يروح ململ اخذها وياك
راحو بالعشر دقايق ما سمعت حسهم ستغربت توني دا اطلع اجه حياوي يكول اكو بنيه بالباب ستغربت منو هاي
حتى صديقاتي بعدني ما نطيتهم العنوان .....
اول مفتحت الباب و شفتها واكفه گدامي بمنضر تعبان و مهلك حسيت الدنيا دارت بيه ما عرفت شنو مشاعري
بذيج اللحضه فرحانه لو مقهوره عليها
توني دااحجي اجتي بسرعه و حضنتني
بادلتها بقوى بدموع صرت اشم بيها اخذ نفس من
واگول افيش هستوني رجعتلي الحياة هيلانه حبي
الها يتخطى كل شي هي شريكتي بكل شي بولاتي
و حياتي و حتى عذابي مدام احنه بعيدات عن بعض
معناهه حياتنه سودة كل كلماتي جانت كلها برجيف
لزمتني رجفه تخلي المقابل يشوفني بنص الشته مو
صيف و الدنيا حاره
لمن اجه أزاد و دخلنه جوه اريد اسالها من سوة بيج
هيج معقوله ماما وصلت بيها القسوة لهدرجه تأذي
بنتها تمنيتها گدامي والله اقتلها و بدم بارد ما تستحق
حتى الحياة من گلهم يجيبونه عالدنيا ليش جابونه بس لحتى يطلعون حرگه گلوبهم و احقادهم بينه
هذا سؤال راودني بكثره رحت جبتلها مي رجعت
شفت ميس واگفه على جهه و مصفصه حستيها
قلقت من منضرها بسرعه گتلها هاي هيلانه حاولت
تكون ثابته و راحت الها بهدوء
شويه و صاحني أزاد طلعت وراه
أزاد _ لا ضغطن عليها شكلها مو نضامي و اني رايح
اجيب أمي و تالين
مارين _ تمام
دخلت لجوه رجعت و نامت بحضني حاولت احجي
وياهه شويه حتى ما اضغط عليها بس ماگدرت ابقى
صامده بدون ما ابجي
جبرتني ميس اسكت و اخذت هيلانه للحمام خوفتني
من كمشت جهه گلبها بضعف بس سرعان مگالت مبيه
شي
رحت للمطبخ گعدت ابجي من كل گلبي ليش هالكد
الراحة صعبه اختي شسوت بحياتها حتى يصير
بيها هيج والله ضلم والله
دخلت عليه اروى شافتني ابجي
اروى _ منو وياچ
مسحت دموعي و رديت
مارين _ بارق اجه
اروى _ يي اخذاه ايمن الغرفته
دخلت ميس للمطبخ شايله قمر
ميس _ هله بماما اجتي ماما يول شلعت گلبي بنتج
اروى _ هالگمر ميشلع الگلب تعالي شووو
طلعت من المطبخ و اني اسمع اروى تگول شبيها
اختج .....
وصلت يم غرفه بارق داادخل بس طلع ايمن وگفت على
جهه منتضرته يتحرك بس اجه بأاتجاهي
ايمن _ شبيج
مارين _ مبيه شي
ايمن _ عيونج حمر شبچاچ ؟
تنهدت
مارين _ هيلانه
عگدت حواجبه و رد بسرعه
ايمن _ شبيها ؟
مارين _:اجتي قبل شويه
ايمن _ جاي تخربطين و أصلا وين جانت
مارين _ ما اخربط داترتاح هسه واذا تگول وين جانت
غير انت ابن عمها و بمقام اخواها جان عرفت
هي وين بدال متطعن بشرفها
ايمن _ لا تطولين للسانج اكصه الج
مارين _ مچذبت انه و رجاء ابتعد عني انت سألتني
و جاوبتك عفته و رحت و اسمع وعيده الي
.
هيلانه
تسموني هيله ؟ شحصلت !
فزيت هيله بطن هاون هبات العطر للغير و دگات اليه
دخلت تالين للغرفه بيدها سراحيه مي بعدهي واگفه
يم بالباب و گالت
تالين _ عود جايه اگعدكم هيله تنزلين يم بارق خطيه
يسأل عليج و اريج هم اجتي
هيلانه _ ليش منو بارق
مارين _ اخونه
هيلانه _ ما اعرفه ما عندي اخوان غيرجج رجاء لا تحجين
شي بعد اوكي .....
عافت تالين سراحيه المي على ميز المرايه هو
و تلفونها اجت سحبت مارين من يمي
تالين _ عوفيها ترتاح مارين بعدين نجي و نفهم
مارين _ هسه لازم افهم هيلانه فدوه لا تحجين وياي
هيج بعد
هيلانه _ طلعييي ماريد احجييي وي واحدددد افهمووووو
عطت بصوت عالي واني كامشه شعري بطريقه عنيفه
ما حسيت غير ادين اروى طوقني
اروى _ بسم الله شسويتن للبت
مارين _ هي گعدت منفعله
هيلانه _ وخررييي عنييي منوو انني و تجيسيني ......
اروى _ هيدي شبلاج بسم الله أهدي يي يلاا كافي
ما اعرف شوكت عصبت و شوكت هديت بس حسيت
روحي محتاجه هيج حضن ابچي بي صرت ابچي
بهستريه و هي طبطب على ظهري محاوله تخليني
هيلانه _ اهدء كله من وراكم انتظرتوني اروح يلاا اجيتو
ليش
اروى _ ممنتضرين شي منيلج هالحچي
هيلانه _ عبالي ارتاح من ارجع بس صرت اتمنى ارجع
و اموت اهون منكم
تالين _ هيلانه حبيبتي بس أهدي و راح نحچيلج كل شي
صار بغيابج ما تعرفين صار بينه متنه موتين و داعتج
يول هياتني مصار ايام من تركت الكرسي المتحرك
و رجعت امشي يا سعادة
مارين _ اني حتى وگفت حياتي و دراستي منتضرتج
تجين
تالين _ احمد بنص الموت بداعش ، ايمن همين و بابا
بارق مصاب و ٣ عمليات يلاا صحه ورجعت نقطه
من عافيته و أزاد كبر فوك السنين سنين محد بينه بخير !!!
گعد على جربايه صافنه بيهن رغم الكلام الگالوه گلبي
و عقلي بصراع مجاي اتقبل شي اكو صرخه عميقه
بداخلي أحتاج احررها ......
رديت عليهم برود عكس العاصف المجتاحه كياني
هيلانه _ خاله وين
اروى _ جوه نجيبها الج
هزيت راسي برفض
هيلانه _ راح انام
صدگ متديت و نمت رغم الألم صايب گلبي
ينغز نغز مو طبيعي بقيت نايمه لحد ثاني يوم
الظهر
من گعدت حاولت مارين تحجي وياي مجاوبتها
شي و اكتفيت اسأل عن خاله و گالت جوه
و بسيل و اريج هم اجوي شعدهم كل يوم جايين
اجتي ميس و گالت اصيحلج خاله و البنات يمها
تالين و مارين و حتى ميس
هيلانه _ اني انزل ؟
ميس _ براحتج
مارين _ يلاا مشينه
لململت نفسي و طلعت من الغرفة نازله ليجوه بخطوات بطيئه و البنات ورايه الدرج مفتوح على الصالة فأاشوف الي گاعدين شفت خاله و اريج و يمها اخوها بسيل و بجهه
الثانية أزاد وواحد منطي ظهره توقعته ايمن من صوته .....
اول وحدة شافتني اريج گبل اجتي حضنتني
اريج _'الحمدالله على سلامتج شهالغيبه
كتفيت بسكوت بدون مجاوبها اسمعهم يسلمون
بس اريد أجاوب ولساني ثگيل و راسي اثگل جهه
راسي اليسرى و تحديدا فوگ حاجبي صار مثل
النبض الغريب كل شويه يروح ويجي ما يخليني
اركز جزيتهم كلهم و دخلت امكان ثاني شفته
المطبخ اجتي و رايه مارين و تالين
مارين _ هيلانه يوجعج شي
تالين _ ناخذها للمستشفى حگول الازاد
همست بضعف
هيلانه _ مبيه شي اريد مي
ركضت مارين جابتلي مي و نضرات القلق ماليه عيونها
اخذت شربت شويه و خليته على سنگي بعدها بشويه
اجيتي اريج و ميس لا هن حچن شي و لا اني اريد اسمع
شي
ميس _ مارين بارق و اروى يردوج ، گامت مارين
طلعت من المطبخ و ميس ندارت عليه مكمله كلامها
هيلانه طبعا واضح مريتي بشي صعب و اني اااا قصدي
و حنه منربد نضغط عليج بس جاوبيني على شي امچ سوت بيج هالشكل
هيلانه _ معليج مراح هذا اريد اروح يم خاله
اريج _ عادي هيلانه روحي يمها بسيل مو غريـ ....
قاطعتها و اني احچي بحده
هيلانه _ لا غريب عجيب تالي عمري تطلعلي شجرة
عائلة
ميس _ ميصير تحجي هيج
هيلانه _ يصير و بعدين ليش لابسين اسود عليه ههه
گامت اريج و تالين وراهه ورا تقريبا ربع ساعة رجعت
تالين وحدها
تالين _ هيله تگدىين تجين راحو بسيل و اريج
گمت على حيلي واني اگول
هيلانه _ خفه وراحه
دخلت للصاله متوجهه لخاله گبل مجاهله أزاد و ايمن
و نظراته گعدت بسدها و تكأت براسي على متنها
هز ايمن ايده وگال
ايمن _ ديلارا الثانية اجتي كملت السبحه
هيلانه _ لو تحفون ما اصير ديلارا
ايمن _ زين بعدج بجسارتچ ، تالين يلاا امشينه
لجين _ عوفها تجي وياي
گام على حيله اخذ السويچ و رد بروده المتعوده عليه
ايمن _ انتي تريدين تبقين وياهه محد يمنعج بس اختي ما اريدها تحجي حرف وي هاي
يلاا فوووتي گدامي تالين
تالين _ بس ايمن
ايمن _ شگلت اني
أزاد _ ايمن شمعنى هالتصرف ترا ما صدگنا نشوفها مره ثانيه
ايمن _ بعمري ماردت شي بگد امنيتي ما ترجع هالبومه الحياتي مرة ثانيه
هيلانه _ مسويتلك شي !
باوع ايمن نضراته تتوزع الكل الموجودين و الغضب
واضح بصوته و لملامحه رد بستهزاء
ايمن _ ليش بعدكم مگايليلها
اروى _ ايمنن كافي هسه معانا خلگ و اخويه جوه مريض
معايزين
وخرت عن خاله وگلت و اني متصنعه القوة
هيلانه _ شصاير
قرب مني دحست روحي حيل بخالتي و أزاد كمش ايد
ايمن يمنعه يتقدم
أزاد _ مشينه نطلع
ايمن _'ولييي عن وجهيي اخووك لو ما اغتالو الگـ****
جان موتاه شكلهااا الجلبه منووو كلججج
طلعييين ليششش من راسچ تصرفييين
يبس الدم بعروگي و خرت عن خاله و اردفت
هيلانه _ ياااا اخووو عن منو تحچون شنو غتالو
أزاد _ زودتها ايمن
اروى _ اطلعو براا و تعاركوو بارق بشفاعات نام بالمهدئ
لا تهمني لا هيلانه و لا انتوو كاافي
ميس _ اروووى
اروى _ استغفرالله
تقربت بخطوات ثقيله من ايمن و أزاد كمشت طرف
الدشداشه بردانه و بدون ما اطخ بأيدة
هيلانه _ ايمننن شننوو حچيت هستوك تقصد منو ليش سكتت
أزاد _ ما يقصد احد اهدئي هيله
هيلانه _ عوووفني ازااد
انتوو احجوو ليش هيچي نخرستوو
نتر ايده ايمن مني
ايمن _ هالافلام على امج سويها ما انسى بيوم بعد امير عني بسببج اني مالحگت احجي وياه قبل لا يروح
هيلانه _ وين يروحححح وين امير اخوييه التحجي عنه !!!
ايمن _ وخرووهاا راح اذبحهاااا مووتتني انعل ساس الاخوة الانتي بيها
هيلانه _ شششنوو يعني شبيي متصوببب لووو مات مو ضربت على وجهي بهستريه اريدهم يحجون شي يجذبوون كلامي
مارين _ هيلانه بس اوكفيي احاچيج
راح يصير بيجج شبيي بسسس كافي
دفعتها عني وگلت وخرووو وخرووو المن اجيت
اني المن مرت لحضات بسنوات بدون سابق الانظار تخربطت بقيت بين الوعي ولاوعي اني اسمع صوت
صرخات هوسه كلام و بدون ما تشوفهم كل شي جان
سواد بسواد
كأيامي التي انطوت مع الماضي البعيد .......
تريد تحزن و تذرف دموع القهر ؟
ابچي لاچن بهداي لا يطلع الصوت و تسمع الشمات
تريد تصرخ
اصرخ ولم سلفهم و الطوايف
منو يمك من شافك
منو هذا يشيل ثگلك و الحزن
اقتنع هاي الحياة
محد يموت علطاري بنادم ........
.
مارين
اجوي اريج و بسيل صعدت حتى ما اشوفهم و لان
مبيه حيل النظرات ايمن !
جنت منتضره هيلانه تگعد بس انصدمت بيها و برده
فعلها الثارت كل غصه بيه
عفتها الثاني يوم ، كسرتي
عبالها چنت مرتاحه
چنت متونسه و عايشه حياتي
هي بقتلي حياة بعد كل شي صار و هسه هي ختمتها
على گلبي حاولت اطول خلگي ما اعرف حالتها النفسية
و المرت بي
لما نزلنه وي هيلانه صاحتني اروى ابقى شويه يم بارق عما تسكتبنتها
بارق _ مارين
مارين _ ها عيوني
بارق _ منو اجه هسه
مارين _ بسيل و اريج
بارق _ ها اريج وياه
مارين _'يي
_ هيلانه گعدت
برطمت شفايفي بحزن و جاوبته
_ گعدت معصبه و متهستره فد نوب
_'اروى گالت وجهه مضروب و بي أثار
_ كلش قويه
_ هي جانت عند امها متاكدين ؟
_ يي عمو فؤاد و امير من راحو گالتلهم تزوجت
و سافرت لتركيا
_ لا مبين بيها السفر
_'شنسوي حبيبي هي هاي قسمتنه بأالام
_ اتولي
يلاا اجتي اروى اشوفك بعد شوي
_ جيبها وياج
رفعت كتفي و نزلته و اني اردف
_ أحاول
توني طالعه من يم بارق و اروى انطته المسكن
شفت هيلانه راحت يم خاله و بعدها ايمن نطق
كلماته الاشبه بسم گدام مسامع هيلانه رجعت
الحالتها قبل شويه فوگ و اسوء اشوفها تجي
منا و ترجع منا مثل حالتي قبل كم اسبوع
اعصابنه تلفتت معقوله هيج صرنا منتحكم
بأ اعصابنه هي رغم ممأكديلها الي يدور بالها
بس اكدلها كلام ايمن و لبسنه الاسود و سكوتنه
اول مجيت يمها دفعتني بقوه نضربت بأايمن
بعدني عنه و راد يروح عليها خفت يضربها لو
شي كمشت ايده
مارين _ شتريد تسوي
ايمن _ ما اسوي تعااالي اروى
توه گال جملته محسيت غير نقطه دم صغيره
طلع من خشمها الهيلانه وگعت من طولها فتحت
عيوني بصدمه رحت يمها وگلبي صار يدگ بجنون
حسيت دمارات راسي طگن من الألم و اني حاضنتها
بخوف اريد بس المح قطره هوى بس مداتتنفس
رفعت راسي خاله تخربطت و تالين و اروى ديساعدنها
و اني و ميس گدام هيلانه دخل أزاد من برا اخذ هيلانه
مني و طلع حسيت ما عندي قوى حتى اطلع
اجتي ميس انطتني حجاب و صايه منها لبست شلون مجان و رحنه وياه جان هو و ايمن بصدر گعدنه يمها
اني وميس
ميس _ أزاد بسرعه نبضها ضعيف
طار بينه أزاد طيوور خاصه ماكو مستشفى قريب منه
و لاطوارئ زينه فصار يسوق بسرعه بينه اكثر من نص
ساعه يلاا وصلنا بهالزدحامات واحس اختي يابسه
لا ايد و لا رجل دخلنها على الطوارئ و ربع ساعة طلعو
دكاترة منها مخبوصين الغير مريض لان جانو جرحى
بكل الطوارئ المناظر مؤذيه بكل هالمستشفى
طلع دكتور گال و هو موجه كلامه النه
الدكتور _ فورا عمليه حالتها ما تسمح تبقى لساعه بعد
گلبها ميسمح
ازاد _ دكتور ما بيها شي البارحه و لا شكت منه
الدكتور _ نسوي اجرائات كامله حالتها مو مستقره و نبضها
ضعيف احتماليه نجاح العمليه قليله
مارين _ يعنييي تموتت
الدكتور _'ادعولها الله يشافيها
ميس _ الله و اكبر ما نطلع من فاينه ندخل بالارهب منها
بقينه كلنا بتوتر رهيب جهزو هيلانه للعملية
الدكتور رجع مرة ثانيه وجنت قلقه بشكل مو طبيعي
أزاد _ بشر دكتور
الدكتور _ ذبحه بالقلب و خطره بس ان شاء الله خير راح نسوي العمليه
أزاد _ دكتور ان شاء الله خير بس على بختك سويها قبل
ليصير شي لا سامح الله
الدكتور _ ابني ما يصير شي ادعولها
راح من يمنه الدكتور و اني وگفت گدام ايمن الي گاعد
على كرسي يدخن و لا كأنما
مارين _ طلع مناا رووح
ايمن _ هيووو حسچ
مارين _ معليكك فهمتتتت حقيررر لو صار بختي شي اموتك
ايمن _ ميلي عن وجهيي خلقتچن تجيب الفگر
مارين _ ليش هيج ايمن تعرف اموت وراهه اذا صارلها شي
ايمن _ ميصير الها شي ......
مارين _ ذبحتو گلبها شيريد يصير اكثر من هالشي
اريد اختي اريددها ميس تفهمني مو
حضنتني ميس و نمسح على اديه و راسي
تحاول تهديني و اني گلبي الجمر اشوه منه
هالمشاكل متفيدها ادعيلها هسه تكوم بسلامه
گمت ادعيلها و خفت ليش تأخرو هلگد شويه
و محسينه غير اجتي خاله و بسيل ايمن عيونه
ظلت تنطنط من الحرگة اجه بسيل سأل أزاد
و هو جاوبه فجأة تخربطت بدون سبب گمت
وگفت گدام باب غرفة العملات اتأمل طلعتهم
صرت اروح و ارجع ارجع بالممر و الناس طابه
طالعة وصلت النهايه الممر و نداريت دارجع
شفت ايمن گدامي
ايمن _ اگعدي لجج دوختينه شفنا طولج تره
مارين _ اني بيا حال ايمن بعدين شعليك
ايمن _ عليه ونص لا اكسر سنونج و اكومهن بحلگج
مارين _ ايمن وخر عن وجهي ترا مصايره هاي كل ثانيه
انقرف منك اكثر من القبلها
رفع حاجبه و ضحك بستهزاء
ايمن _ اعلمج على القرف بس نطلع
مارين _ دروح عنه التهي بحياتك عفيه ايمن زهگتني
عفته و رحت گعدت بعيد عنهم حسيت راسي صار
طبل ورا اكثر من ساعتين ونص يلاا طلع دكتور
و طمنانه انو نجحت عمليتها بس لازم تبقى بغرفه
الانعاش....
و هو راح الصاله الجرحه الميانه جرحى اصوات الناس
وصيحاتهم خلت جمره توچ ( تشتعل) براسي
ميس _ مارين لازم تاخذين علاجج فروحي للبيت احسن
مارين _ مابيه شي
ميس _ ما جاي يشوفين حالتج
أزاد _ يي و حتى لو گعدت مراح يخلونه نحجي وياهه
اني يمها روحي انتي وي أزاد
ايمن _:وراي التحاق أخذها و ارجع للبيت
مارين _ ما اكدر اعوفها افهموني
ميس _ مراح تعوفينها بس اني وخاله وياهه و هي خطيه
ليصيرلها شي تشوفجن ثنينچن واگعات
مارين _ بس ما اريد اروح وي ايمن
حجيتها و عضيت على شفتي اباوعله صار وجهه أحمر
من العصبيه البيها هو بس ميگدر يحجي
بسيل _ اخذج انه
نداريت اباوع المصدر الصوت چان بسيل لتفتت
الايمن النضراته كلها غضب
مارين _ يي ا.....
قاطعني ايمن و هو يجاوب بسيل بنتره
ايمن _ بسيل لا تدخل
بسيل _ شدعوه نمر هي هم بنت عمي
ايمن _ فهمناهه الهاي الگرابه السگط ........
قابل ايمن بخزره و رد
بسيل _ شنوه السگط
ايمن _ ماكو شي ، و انتي فوتي لا اخليج فرجه
الامه محمد
بسيل _ شبيك ما خذنه حاصل فاصل غير نفهم بعدين البنيه حفها تخاف منك اذا شوفك هيج تصرفاتك گدامنه
شلون تروح وياك
ترا احنه گاعدين بيت واحد چنه و تعرف اطباعي
خليك بروحك يالحنين ترا المدفون ميتي.......
لجين _ شجاكم يوم كل واحد شكده تتعاركون على روحه
مارين _ ما متعارك هذا نقاش
يلاا مارين وكفت بعجز و اعرف لو مگايمه تصير
بينهم حچايه و تگب بينهم مشاكل اني بغى عنها
هسه
طلعت وياه وگوه مصبره روحي اني شدااسوي
اريد ابتعد عنه و لعد ليش اجيت وياه اووف
منج مارين داتحرگين نفسج بنفسج ......
اباوعله و هو يمشي گدامي بشارع و احنه دنمشي
مرت من يمنه مجموعة بنات وحده منهن ضلت
مشخصه نضراتها علينه بحيث جزتنه و عينها عليه
بكل صلافه هسه ليشوفه يگول هنيالها ما يدرون
امشي وي قمبله موقوته اني شلون چنت أحبه ؟
شلون جنت ادور عليه بوجوه كل الناس شلون
جنت انتظر منه النظره الحنونه و الكلمة الحلوة
ليش هالگد نطيته مشاعر هوايه تسأولات بالي
مو گادره انطي جواب مقنع الهن ......
صعدنه السيارة انتبه تأخر مدايسوق لتفتت
و هو لتفت بنفس الثانية وگال بصوت حاد
ايمن _ امير بيوم الطلع من بيت الكلبة امچ
اخخخ بيومها ضعف حيل و ما تحمل
امير فقد صحته بسببها
رديت بتفاجئ
مارين _ شلون !
اخذ نفس عميق و زفره بسرعه و كمل و هو يبلع ريگه
ايمن _ وگع على ابوي و نقلاه للمستشفى گلوله سكره صاعد
شهكت بقوه و سكتت مصدومه بدون ما ارد بحرف
ايمن _ وينه وين سكر هو فهاي حوبته شلون ما طلعت من
الشقه تمثل البطوله و هي بگد النعال خر***
عليها و على امها
وگعن دموعي بأانهيار بسبب كلامه و هو
بقى يحجي بدون ما انتبه آلة آخر شي فزيت من
عاط .....
ايمن _ سايق الخلفچ كم مره سقلت و عدت لا تگعدين
ورا
گلبت عيوني بضجر و نقلت لگدام گعدت وسديت
الباب بقوة
وصلني لبيتنه و جان يسوق عبالك يتعارك وي الستيرن
و اني مهتميت بقيه ضاغطه على اعصابي و منتظره
اوصل شكد كرهت روحي بسبب الشقيقة مگدرت ابقى
وي اختي وهي بأامس الحاجه اليه شكد استنقصت
روحي رغم مرضي مو من ايدي اجه
فتحت الباب بس منفتح رفعت حاجبي بستغراب
و نداريت على ايمن شفته يباوع بتجاهي
مارين _ مداينفتح الباب
ايمن _ انه قافله
مارين _ ليش
ايمن _ مارين اني من اكلج لا تحجين وي الحيوان بسيل
ليش تعاندين
مارين _ محاجيه وياه
ايمن _ من سألج اني اخذج ليش قبلتي
مارين _ لان ما اريد أجي وياك
حجه بصيغه امر و يشدد على كل كلامه
ايمن _ نفذي الي اگوله و خلي امورنه طيبه
مارين _ بصفتك منو ابن عمي مو ؟ هو كذالك
ايمن _ بصفتي كل شي بحياتج مرِ
طول الوقت احس بضعف و دوخه براسي بس مردت
اكون ضعيفه گدامه و رديت
مارين _ هالحجي قبل تره كافي والله زهگت راح تخبلني انت مو ضربتني عرض الحايط و بأاسوء فتره بحياتي قررت تروح تخطب و فوگاهه طلعت مطلگني غيابي و جدو راد يجبرك ترجعني يمته تخلص مسرحيتك مو حتى
اختي مسلمت منك لهنا كافي عاد اطلع من حياتي
سحبني بقوه خلتني ارتطم بي ايده ورا ظهري و الثانيه
يمشي براحه اصابعه على خدي حسيت دگات گلبي
راح تملي بغداد كلها اجه بالي منظره و هو يضرب بيه
حاولت ابتعد بس رجعني بقوه
مارين _ ابتعد متستحي يشوفه واحد
ايمن _ لتخافين مضللات الجامات
مارين _ منو گال خايفه الهسبب الله يخليك لتكرهني بيك اكثر من قبل عوفني ايمن
سكت يباوع عليه و بعدها بثواني همس
ايمن _ خاف اروح ديري بالج تقتربين يم بسيل صدكي
لو حط عينه عليج اشلعها الة و اموتج الج و اني حذرت
مارين _ ما اقترب من احد بس بعد عني
اشش اصابعه الي عخدري صارن جوه حنكي رفعه بيده
وضغط عليه باوعت عليه بصدمه و نزلت دمعه من عيني
للحضه تركزت عاطفه عينه على عيوني مره و على شفتي
مره ضغط على اسنانه بقوه و عض شفته و تقدم عليه
غمضت عيوني بخوف حسيت بحراره انفاسه
تلفح وجهي و شي اشبه بقطعه من الجمر لمست
شفايفي خله شفايفه على شفايفي بدون حركه
مثبت كل ذره بيه و و باسني !
قشعريره سرت بكل جسمي احاول ابتعد عنه و هو
يقدمني عليه بأيده الي تتحرك على ايدي برهه و تضغط
عليه لبرهه اخرى اجاني شعور جديد شعور ما عرفت افسره كره لو رجع گلبي ينبض اله لو نفور لو اريد ابقى وياهابتعد عني
و همس
ايمن _ افتحي عيونج
فتحت عيوني بوهن رمقته بنظرات خايفه تطلب
منه ان يتركني
مارين _ انت انتتت شسويت
ايمن _ افيه يا مر گلبي يتارسه عروگي
مارين _ هاي ششسووويت عساك بوجع گلبي
ايمن _ تگولينها چن مو اخوي الميت و حبيبتي مو يمي
گلبها
عوفني تعبت انت هضمتني اني و گلبي امير لو بيدي
اموت بـداله و.....
قاطعني و رد
ايمن _ آسف
مارين _ كمل حياتك وي الفضلتها عليه و روح عني ما اريد اسفك
صفن بيه حسيته رخه ايده بحركه سريعه رجعت
نفسي الورا بكل خوف و رهبه فجأة لزمت حلگي
حسيت بلعبان نفس
رفعت عيني عليه اباوعله مخنزر و بس انظاره
تذبح توه دايحجي بسرعه فتحت الباب و نزلت
و احس لازمه گلبي بثنين اديه أكو شحرجه قويه
بلعومي صايره .... اسمع صاررر يدگ هورن بستمرار
خلي يعرف قربة صار يلعب نفسي اني مو ذيج الطفله
الي تباوع آلة يمته بتسم و يمته حجة كلمه حلوة صار
تنفست بضيق ما اگدر ابلع ريگي هضمتي
شگبرها مليت منه ايمن شيريد فتحت الباب من السيمه
المشكله بالباب و صرت اركض صاعده لفوگ مبيه كل
طاقه اگعد اتناقش وي احد ......
.
اريج
گاعدة افتر باالبيت احس هيج يروح التوتر مني
خاله اتصلت بيه مخبوصه و حجت وي بسيل مگلي
شي بسرعه طلع ضليت الح عليه ساعه كامله بالاتصالات
گلي هيلانه واگعه و حالتها خطره ضجت عليها رغم
اسلوبها وياي بس حسيت بيها مو على طبيعتها
وجاي طلع حرگت گلبها بكل شخص گدامها ......
اباوع أدم طلع من غرفته و رجع امدد على القنفه
عظهره و ايده على عيونه
اريج _ ادم حبيبي گوم
رد بصوت مبحوح
الاسر _ ليش
اريج _ خطيه القنفه شذنبها تنام عليها
الاسر _ سخيفه وين امج اخوج
اريج _ أمي يم سوسن اشكل الها المغذي و ها من هسه اگلك ترا علاقتهن قوت بأي ثانيه تخطبها الواحد منكم هي
صحيح احسن من البومة القبلها بان بس هم تغث
محبيتها
الاسر _ شكد تحجين
اريج _ يا هاي فوك ما اخليك بالوجه ، بسيل راح لخاله
لجين
الاسر _ شعنده وياهه يقوي العلاقات العائليه
اريج _ لا بس راح يوصلها للمستشفى خطيه هيلانه
متخربطه و يگول عدها مشكله بگلبها
سمعتني
أدم
الاسر _ ييي ييي يمعوده بس اسكتي شويه خلدوزنها براسي
بقى على نومته خمس دقايق و فز بسرعه صعد ليفوگ
نص ساعة و نزل كاشخ
الاسر _ اني طالع محتاجه شي
اريج _'يي جيبلك باروكه ههه
عضيت شفتي بسرعه ضامه ضحكتي
الاسر _ شلون يعني بهسالفه العوجه اتخلص من وحدة تجيني الخ اريججججج
اريج _ ههههههه سكتنه بس ما كتلي منو هاي
شوف اني اشاقه انت تخبل بكل حالاتك ، اريد حلويات و جيب عشا جاهز و لا تتاخر من زمان مشايفتك مشتاقتلك
الاسر _ تعاي ام لسان
جيت ما اگول لا .....
بوسني و طلع بقيت الوحدي كالعادة يعني طلعت
تلفوني شفت مكالمات فائته اتصلت اكثر من مرة
يلا جاوبتني
اريج _ هلو اروى داگه عليه ممنتبهه
اروى _ يي من جنتي عدنه دگيت
اريج _ ليش
اروى _ ها لالا ما كو شي بس ردت تسلمين على بارق انتي ممتحمدتله بسلامه
اريج _ لا تحمدتله
اروى _ عجل سلامتج بس هذا الردته
اريج _ الله يسلمج ماكو اخبار عن هيلانه
اروى _ توهه رجعت مارين و گالت طلعت من العمليات
اريج _ الله يشافيها
اروى _ اللهم امين ......
.
هيلانه
فتحت عيوني دايخه و راسي يأذيني وجهه
صدري اليسرى همين احس جسمي خران و الساني
ثگيل ردت احچي بس مگدرت تأوهت بألم
و سمعت صوت قريب من يمي
ميس _ الحمدالله صحيتي
لجين _ سودة بوجه خالتج حبيبتي بنيتي
اجتي يمي خالتي و ميس راحت برا للغرفه
شويه واجه الطبيب انطه فحص روتيني و انطاني
مهدء منع احجي اكثر من كم كلمه باليوم و ما اضوج
و ابتعد عن الضوضاء و امور كثيرة ميس ناقشته
بيها و طلع
جان ودي اسأل عن مارين بس النعاس غلبني و رجعت
العالم الظلام .......
گعدت ورا ساعات شفت مارين گاعدة يمي و تباوع عليه
من شافتني ذبت حسره و باست راسي و تحمدتلي بسلامه
بعدين دخلت وحده نسخه من ميس بس مبينه اكبر
عگدت حواجبي بستغراب و باوعت المارين و همست
هيلانه _ منيه
مارين _ اروى اختنه الجبيرة
هيلانه _ ليش شكم اخت عدنه
مارين _ ثنين هيله شوكت تبطلين هالنسيان
هيلانه _ ما اعرف عطشانه
راحت جابتلي مي و شربتني لحد مرتويت
گحيت بغصه
مارين _ صحه صحه هيله
شويه بقيت على وضعي و نفتح الباب و دخل ....
أزاد _ لك شهل هيل المعلعل متلوگلج هنومه
گلت بگلبي لو تعرف شكد نمتها جان مگلت الگلته
سكتت مجاوبته رجع گال و هو يباوع الاروى
_ باجر العصر نطلع تبقن ثنينچن لو ارجع وحده منكم
مارين _ ترجعين لقمر و بارق
اروى _ لا يم تالين هي و حياوي و بارق ميس اداريه و هو احسن من قبل يگدر يتحرك شويه بالعكازات
أزاد _ براحتج ام حياوي
بقيت بين اروى و مارين احسهن وحده منحرجه
من الثانيه و حتى اني مارين وگوه اقنع بروحي
احجي وياهه طبيعي ......
لثاني يوم ورا الظهر طلعنه جنت تعبانه و مالي حيل خلصتها كم اسبوع نوم و بهالفتره كلها اجتني خاله
تبقى يمي كل الوقت و تالين همين اريج اجتي
سلمت عليه طبيعي ناسيه تصرفي وياهه آخر مره
و بسيل همين اجه صديقاتي الي چانو وياي
صارت علاقتهن أقوى بمارين همين تحمدلي
مريم و لمى و زينب ، و حتى بليله شفت بارق واكف
گدام باب غرفتي عرفته هو لان محد عدنه غريب
حسيت بي يريد يدخل بس محرج و بقى بين الي
يريد يدخل و الممتنع الحد ما رجع المكانه أزاد هم
متركني ، ايمن و اخويه و حتى عمو فؤاد مشفتهم
رغم كل هاالناس بقى الفراغ الاكبر هو امير
حتى بيني و بين نفسي مداتخيل و احسهم يجذبون
عليه لو اني فاهمه غلط ما اسأل و تخاف احجي و هم
ساكنين و سكوتهم موترني حيره طويله عشت بيها
حيره ما بعدها حيره رغم رجعت بس احسني
بعدني غريبه .......
الدنيا غربه بدون النودهم
هالجمله ترددت بالي اكثر من مره .......
بكل مرة يجي بالي امير و هو ساكن بالي
الكل حزين ووجوهم سودة مثل الغيوم الي بجوفها
عواصف خاصه مارين كل ما اسأل عنها و يكولولي
نايمه عجزت منهم فد نوب
و بيوم اني نايمه و فززتني مارين
هيلانه _ شتريدين
مارين _ عمو فؤاد هنا و راح يجي هنا فحبيت اكلج قبل
لا يصعد حتى متحسين بحراج
هيلانه _ شعجب حسيتي بية
مارين _ شقصدج هيلانه
هيلانه _ ما قصدي بس وخري
مارين _ تمام تؤمتي مثل ما تحبين فكري
وخرت عنها و بقيت گاعدة بمكاني لحد ما اجه
عمو فؤاد شبكني حيل بس ما بادلته و لا حاولت ابادله
بتعد عني و خله وجهي بين كفوف اديه
هيلانه _ عمو
فؤاد _ عمر عمج شلونج هاي صاير بوجهج الحلو
نزلن دموع عيني بغزاره
هيلانه _ امير شهگت و كملت كلامي
لي ليشش ما ااجه وو وياكك
مسح دموعي و نزل عينه
فؤاد _ ابوية فدوة للاهل البيت شايفه شكد يوميه
يموتون و يروحون شباب اني نطيت ابني نعمه
و فضيله ........
هيلانه _ يعنييي صدگكك
فؤاد _ شنسوي هذا امر الله
بچيت بصوت عالي و صرت اون من الألم
الم گلبي صارت النبضات تخدش بدال ما تبني حياة
حاول يهديني و اني اناشغ گوه يلاا سكتت
صار يحجي و يعد و يصف ردت اخلي بالي وياه
بس مگدرت و خلصتها فكري شارد بعيد
وياي بابا مو گاعد احاچبچ
هيلانه _ وياك عمو
باللحضات دخل بارق باوعتله و دنگت خجل او لان
احسه غريب
فؤاد _ ما بقيت مرتاح
بارق _ مرتاح عمي و هم لازم اتحرك اختنگ من الگعدة
فؤاد _ گومي هيله نروح للصالة يم اخوانج
جر ايدي قبل لا ارد عليه و اخذني للصالة
گعدت يمة و اجة بارق كد بصفي بفرق مسافه صغيره
فؤاد _ منو مسوي بيج هشكل ديلارا مو
هيلانه _ يي
حسيت روحي ما جذبت خاصه هي السبب الاول
و بعدها ذاك الحقير المايرضى يطلع من احلامي و كوابيسي ......
فؤاد _ بس اخلص و اصفي حساباتي وياهه القديمة و الجديدة
بارق _ حسابات طويلة وداعتك عمي
فؤاد _ گومنه سالم و كل شي يهون
بارق _ حتلو برجل وحدة نفس شي
فؤاد _ تخلص و داعتك هسه ما بيها مجاي
بارق _ خير شنو
فؤاد _ مارين و هيلانه يرجعن وياي
لتفتت اباوع العمو اريد اگله لا و فجأة حسيت بأايد
بارق على راسي و حجة بصوت جهوري خشن
بارق _ لا عمي تسمحلي بس انت كفيت ووفيت
و هسه صار دوري اني و بيك البركه طبعا
فؤاد _ اعرف عمي بس تعودت عليهن و خالتهن هم
بارق _ موجودات يمته ما يريدن أزاد ياخذهن الها
علما طيب
فؤاد _ زين انت هالفتره مريض و يرادلك رعايه و هي
هم مريضه البنات وين يلحگن
بارق _ والله يا عمي صحتها بدت تتحسن و نفسيتها
هم ان شاء الله تتغير ما يظل شي على حاله......
بقى عمو شوية وراح گال باجر الفجر التحق
و احس ضاج و اخذ بخاطرة من بارق
هيلانه _ اريد ارجع وي عموو
بارق _ ليش
مجاوبته گمت بسرعه راجعه للغرفة الي يم غرفته
هي لضيوف بس اني أنام بيها ما اگدر اصعد فوگ
جتي يمي مارين بقت تسولف و اني بس استمع
مارين _ ليش ضوجتي بارق
هيلانه _ اني هم ضايج
مارين _ يمتة تعلمنه نعكس حزنه على الغير
هيلانه _ اني تعلمت حيل اكثر مما تتصورين فلا
تجمعيني وياج نختلف
مارين _ براحتج راح أنام
هيلانه _ جبيلي قمر وياج
مارين _ نامت قمر
هيلانه _ لعد طفي الگلوبات داانام
گامت مارين طفت الضوة بقيت بدون نوم لمدة
و بهالوقت ندگ الباب مرتين و نفتح جان هو
بارق _ نايمه
هيلانه _ چؤؤ
بارق _ نسولف ؟
ساكته نعتبرها قبول مو
هيلانه _ معندي شي احجي بخصوص أمي
عگد حواجبه و جاوب بستنكار
بارق _ بابه منو جاب طاريها طز
هيلانه _ لعد شنو
بارق _ حاولي تتعاملين بلين وي الكل لا تنترين
هيلانه _ هاي اطباعي شسوي
بارق _ ما سمعت عنج هيج اني
هيلانه _ ليش منو مسولفلك عني
بارق _ بعدين تعرفين بس العرفته عنج غير عن الاشوفه
هيلانه _ عادي الواحد يتغير
بارق _ للافضل ميرجع ليورا
هيلانه _ حسب الظروف
بارق _ يا ظروف هاي السالفة قديمة شهدت على مجزره
شكبرها شكدها و نمت وي جثث و اني عايش ما اريد
احجي شي و هي كلها نفسياتها واگعه بس تعلمي
لا تضوجين على اشياء ممكن تختفي و يبقى
أثر صغير منها بحياتج ، فكري بكلامي تصبحين على خير
عافني و طلع و اني بقيت صافنه افكر بكلامه يمكن
صحيح بس شينسيني الفات
مرت ايام أحاول اكون احسن بتعاملي وياهم و هم صار
ينتظرني ناكل سوة لو يطلب مني علاجه احسه يحاول
يعودني ، بس كل ما حاولت اوگف بنص الطريق و گول
وين اني امير فعلا ماكو بعد هالشي عقلي رافضه لو
أحيانا اگعد من النوم مرعوبه اباوع بأايدي و أذكر
الاحبال الي گاعدت تقتلني وي داعش
كيف لي ان امضي و انا قوية
انا إستمر و انزع أقراط الماضي
ان اقف امام الكون و اصرخ
انني نسيت لم اعد أذكر ما يؤلم .....
.
يتبع 👿🎭♟️.....
الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد