الليلُ والشباكُ والمطرُ الشديدُ
وأنا هنا.. في غرفتي قلبٌ وحيدٌ
ولمحت عصفورين يقتسمان دفَء العاطفهْ
لم يمنع المطر الرهيب ولا جنون العاصفهْ
فرح اللقاء ولا الغناء بنبرة متآلفهْ
حدثت روحي: ما بك يابنت.. مالك خائفهْ؟
هيا.. العواصف في ازدياد.. كلميهِ
كلمته.. متردده.. متنهده.. متوقدهْ
فتفجرت أعماقه.. كلماته سيلا رياحا عاتيهْ
بمرارة بحرارة وبرقة متناهيهْ
يا قاسيه.. يا ناسيه.. يا ظالمه.. يا مجرمه.. يا غاليهْ
حبيبتي.. وحبيبتي.. ماذا فعلت بحاليهْ؟
الى اللقاء الى اللقاء الى اللقاء
———————————
زمهرير /
اجود چان يحضني بقوة ، حاولت اوخرة ، دفعتة صار گدامي
-هاي شبيك يول شصاير
هز راسة برفض و گال
-ماكو شي يروحي تعالي
اخذني گعدني ، شفت عمتي عيونها دم ، حظنتها و انا اطبطب عليها
-ها عمة شبيج
-سودة بوجهي يمه سودة علية
-اجود : والدددةة
نتر بيها ، خزرتة احاول افهم محد يرضة يگول شي ، اسال و اسال ما يجاوبون استأذنت اجيت اگوم و مسكني اجود
.
.
.
بعد ثلاث سنوات ....
زمهرير /
متمددة بفراشي و مهيار يمي ادلك رجلية و ما حسيت بس على شي قوي يگمز علية عرفتها هاي بلقيس گالت بصوت يلهث و فرحان
-ماما حميني هثه بابا ابثطني
سمعت صوت اجود و هو يگول بضحك
-وينها وينها اليوم ابسطها
صرخت هي بطفولية و دحست وجهة بحضني اكثر و تعيط
-ماما ماما بثطنييي
شالها و شمرها بالفراش و يكركرها و هي منتهية من الضحك ، شعرها مكفش فوگ ما هو اكفش و لابسة شورت و تعلاگة و وحدة من التعلاگات نازلات و شكلها يموت ضحك
صاحت هي
-اثتثلممم ( استسلم )
تمدد اجود بصفها و هو يلهث و يضحك عليها و هي اخذت استراحة
گالت و هي تبلع ريگها
-بابا اثتلاحة اثتلاحة مراحب ( استراحة محارب )
ضحك اجود و گال
-هاي هيه
ما حسينا بس عليها و هي تگمز على بطنة و ملشت شعرة و لحيتة و گالت و هي تمد لسانها
-حيل بيك اثتاهل ( حيل بيك تستاهل )
صاحت و ركضت تلبد يم جدها و هو ضحك اجة باس مهيار و باسني و ركض وراها
الي يشوف بلقيس يگول عمرها خمس سنوات مو حتصير اربعة لسانها طويل و تركض منا و ترجع منا
و غير الاكل الي تاكلة بحيث مدبدبة و تموت ودك تحطها تعضها مثل اجود و كرلياتها و طريقة حچيها نفس حالتي عندها لدغة و تعوج بحلگها و تحرك ايديها من تحچي
حطيت ابني احرك رجلية ، مهيار يگدر يتحرك بس مو كلش يعني يتحرك و يركض بس يتعب بسرعة لذلك نتجنب نحركة هواي
مهيار حبيبي هادئ كلش و مؤدب هاذي عرمة ام لسانين بس مهيار ابد فد مؤدب و نازك
بس هاذي مصيبة الله هسه مسبحتها شوية تجيني مطينة و شعرها مخربط و ملابسها موصخة و هنا ياهو يكمشها يبسطها و هي تسكت لا والله تكمشهم تملخهم و تروح لجدها تلبد تعرف محد يتقرب منها اذا جدها موجود
حسيت ايد صغيرة تمسد على راسي عرفتة مهيار من هدوئة
-ماما انتي اين هذا ؟
-شعري حبيبي ؟
هز راسة
-اممم انا ما حبيتو فوخرتة كلة
-ليش
-هيج
قاطع حديثنا دخول بلقيس و هي مغندبة و تدردم ، تحجي و تأشر و معصبة
-ماما هذا اكيح عض انانا و انانا
تأشر على زندها و خدها ، و صدگ هي بيضة صايرة حمرة
-هذا هبل ما افهم شي اگلو اوفني ما ااف ( هذا مخبل ما يفهم شي اگلو عوفني ما عاف )
ترفع ايدها و تنزلها و تضرب ايد بأيد
-يا شلون ما يستحي
-اي اي ما اثتحي هبل هذا هبل
-عيب ماما ما يصير
تريد تغلط بعد قاطعها اجود
-ياهو المخبل ولج بت الكلب
-انت كلب و هبل
-ها ؟
-اي هبل و كلب و ما اثتحي ليش عض انا بابا ليش ؟ اور انا اوا ( اي مخبل و كلب و ما تستحي ليش تعضني بابا ليش ؟ تعورت انا اوا )
شالها اجود
-يا بويا شو راويني وين تعورتي ؟
-انانا و انانا
-يا بعد روحي شلون اداويها ابوسها ؟
هزت راسها مرات سريعة حركا راسها يمين و يسار و متحسرة
-بوث بوث انت بث بوث و عض انت ما اعرف شي ( بوس بوس انت بس تبوس و تعض ما تعرف شي )
عافتة و اجت يم مهيار گعدت و عقدت ايديها و گالت
-هيار انت شوف ابوك ؟ شوف اشون هو وكيح ؟
مهيار باوعلي و باوعلها ، ضحك اجود و شال مهيار باسة
-شوفي ابني احسن منج و حباب شوفي شحلاتو
و يبوس بي ، هنا هي وصلت اعلى مراحلها گامت تبجي و اجت لبدت بحضني
-ماما ماما
شبكتني قوي و حطت وجهة برقبتي هنا احس شلعوا گلبي من الالم شايفين من يحطون سچينة حارة على جلدك هنا حسيتها بگلبي
دفعتها بكل قوتي و مسكت القسطرة الي بصدري و اعيط و ابجي احس روحي صعدت و نزلت من الالم
حسيت على اجود من شالها و طلع و رجعلي يحاول يهديني و انا بس اريد افك القسطرة متت الم
ما ادري منو و شنو حولي بس الالم كتلني اريد بس ارتاح ، اريد اشلعة من صدري موتني الالم ينهش بروحي شكد ما اوصفة ما تصدگوني بس يوجع حسيت الالم يضرب بگلبي و راسي مثل الضغط
ابجي و املخ بصدري زلختة بس حتى افكها للقسطرة ، حسيت ايديا وگفن مثل التقيدت و بديت اضرب برجلية اريدهم يعوفوني اريد افكها موتتني
شوية و هدى كلشي حتى الالم اختفى اخر شي شفتة اجود يبوس گصتي و عيونة حمر ، ندهت بأسمة و ظلمت الدنيا
ما ادري ورة شگد بس حسيت ملمس رطب على رگبتي و خدي و صدري و صوت خفيف ، فتحت عيوني
شفت بلقيس تبوس بالقسطرة مالتي الي هسه ورمت و تبجي و تهمس اسف ماما و اخوها كاعد منطوي على نفسة و يبجي
نومتها على ايدي بعيد عن القسطرة الي لهسه احس بألمها بس خفيف يمكن دموع بنتي اذتني لدرجة نسيت الالم
-اش حبيبتي اش شبيج امي ليش تبجين
گالت و هي تناشغ بين كلمة و كلمة
-ما ماما اوا انتي انا ثبب اوا
مسحت خشمها الي نزل و عيونها
-لا يروحي ما بيه شي ما عندي اوا
-بث انتي بجة و دفع انا بعيد حتى عور ايدي ثوفي
طلعت كف ايدها و ايدها من فوگ لجوة مجلخة جلخات بسيطة بس كفها مضمد
احترگ كلبي شلون انطاني ادفعها هيج ، بوست ايدها
-يمه سودة بوجهي شجاني و دفعتج اسفة يروح امج تأذيج ؟ اسفة
باست شفايفي و گالت
-لا اثف انتي انا اثف ماما لان ثويت اوا بيج
قربت شفايفها بعيد عن القسطرة و دزت بوسة بست خدودها و عيونها المورمات من البچي
درت وجهي على مهيار حبيبي شلون نايم منطوي على روحي
-مهيار يوم حبيبي
فز و گال
-ماما
-هياتني يروحي شو باوعلي
اجة يمي بس ما تقرب ، جريتة هو صاح
-لا ماما لا
-ليش حبيبي تعال بحضني
-لا لا
انقهرت ما يرضى يتقرب حتى ما اتعور ، بلقيس شافت اخوها سوة هيج گومي من حضني و اگعدي يمه ، ربعوا و انا حاولت اسند ظهري بس تأذيت
اجة مهيار يريد يساعدني حبيبي بس هم ما گدر ، بقيت نايمة و بلقيس تفتر و تسولف عن عمامها و عن مهيب و عن ابوها و عني و ما بقت واحد ما جابتة حطتة
نوب كعدت تگول
-ماما ماما عندي ثؤال
-اي حبيبتي
-هي خالة اينها ؟
فتحتلي واحد من جروحي ، غزيل الي ما ادري وين صفة بيها الدهر شلون صارت و شلون احوالها ، شتسوي بالعسكرية وحدها شجاني و وافقت تروح هناك
صارلي اربع سنوات الاتصال الي بينا بس تلفون و مو دائماً فد منقهرة اختي اريد اشوفها ما اكدر مو حالة هاي
-خالة قوية تحمي العراق
-يااا
-اي هي قوية و تحميكم و تحمي العراق
-انا ثير مثلها ؟
-بكيفج حبيبتي شنو تردين انتي ؟
گمزت و فتحت ايديها عود شي چبير وگالت
-بس صير كبيلة احثل فلوث اوااايييةةة و واحد الي و واحد لهيار مو ماما ؟
-اي حبيبتي
قاطع كلامنا دخول اجود و عيونة مفتوحة مثل الخايف ، بس باعلنا كمش گلبة و تنهد
-وينكم يا بابا وگف گلبي شفتكم ماكو بفراشكم شلون نزلتو ؟
ركضتلة بلقيس و هو شالها
-بابا انا انا نزلت و هيار نزل انا ثاعدتة انا قوية و احمي علاق
صفن اجود كلشي ما فهم ضحكت و هو بس شافني ارتاح ، اجة تمدد و نيم مهيار على ايد و بلقيس على ايد و انا كمش ايدي يبوس بيها
شوية و نامو الاطفال و هو قطع الهدوء و گال
-شلون صرتي
-احسن
-يأذيج لهسه ؟
-لا
سكت هو و انا سكتت
-زمهرير : اجود
-عيونو
دار عيونة عليه و صفن بوجهي و ابتسم
-ليمته الجلسة و اخلص ؟ تعبت والله القسطرة موتتني
تنهد و گال
-شسويلج يا عيني شبيدي قابل ، اخر جلسة مو هسه
-ليمته چا ليمته
-ما ادري وداعتج بس گال الطبيب هانت ما بقى شي
-و شعري ؟ هم يرجع ينمو ؟
-زمهرير ليش تفكرين بأشياء ثانوية ! انا اريدج انتي يمي شعرج ما يهم المهم انتي يمنا و ويانة شايفة شيصير بينه من تتخربطين و تتمرضين ؟ ول الگاع ما تشيليني احس ودي انطيج من روحي
-اسفة
-نامي حبابة باجر وراج يوم طويل
-جلستي مو
-اي
—————
للحكاية تكملة ...
القصة بقت بارتين او ثلاثة و تخلص انشروها و فرحوني 😭
تابعو التيك bluecordelea
والتلي
هاذي الصورة اخذو هذا ال @ و حطو الاسم الموجود و ابحثوا عنة بالتلي تلگو او اكتبوا اسم القناة الي هي ديجور
و الرابط بالقناة