#الخَـازوق الأسـود
ذكرى.
لا تنسون التصويت والتعليق بين الفقرات 🤎.
استمتعوا....
____________________
____________
نحنُ السِراب الذي يلعنهُ التائهون...
نحنُ الرصاص العشوائي الذي يستقرُ بكل شئٍ بلا موعد...
نحنُ صمتْ المقابر...
نحنُ التُراب الذي يقفلُ الشبابيك بوجه الصباح...
نحنُ الحظُ العاثِر للسُفن في عرضٍ البحر...
نحنُ خليط من الأعمار المتشابهة، نضحكُ مع قلبّنا الصامد أمام الظلام...
نـابِـش القبور...
متربصين لهُ من جميع الجِهات، لن يَذهب بعيداً.
ذلك الهدف المرغوب، لن يَذهب بعيداً...
ذلك الجزار لن يذهب بعيداً.
سيموت الجزار بـ خازوقي الأسود...
_______________
ظهرت أبتسامة على شفتي وباوعت على أخوية وكلت بصوت هادئ.
-الهدف.
أبتسم وذب المعول الي بأيدة ونزع الجفوف وكل.
-مثل ما جنة متوقعين.
-جاهز ؟
-بكل وقت وبكل زمان.
دوت صرخة قوية خلتنة ثنينة نلتف نحاول نعرف منين طلعت.
بس كلشي ماكو، جنة الوحيدين الموجودين بين القبور.
باوع علية أخوية وكل وهو رافع حاجبة.
-اذاً طريقنة صحيح.
-من دون شك، يلا خلي نخلص شغلنة.
ظهرت صرخة ثانية ووياهة حسينة ببرد مو طبيعي.
عقدت حاجبي وكلت.
-يلا !!!
-ليش هي الشغلة سهلة اوكف شوية.
تصنمنة بمكانة ثنينة بدون حس ونفس من سمعنة صوت خشن ورانة.
-حذرتكم أكثر من مرة هاي المنطقة لا تخطولهة، الشجاعة الي عدكم راح تذبكم بالهاوية فد يوم.
انداريت وباوعت عليه بملامح مابيهة أي ذرة خوف،
وكف أخوية بصفي وأبتسم وكل.
-الظاهر النباش عندة شغل طالع بهذا الوقت.
-أخذ اخوك واطلعو منا وهاي أخر مرة احذركم بيهة.
-تخسى أنت وأمثالك تهددونة، أحنة الكـابر والأكـبر لا تنسى يالنباش شنو سويت بيك المرة الماضية من هددتنة.
الكـابر: تذكر زين يالنباش ولا تخلينة نعيد الي صار.
.
.
.
اذا كنت تبحث عن الحياه الحقيقية،
ستجدها بين الاموات.
بين تلك الجثث الراكدة في قبورها.
ستقول بأن الموت هو نهاية كل شيء، لاكن ستكتشف انه مجرد بداية، بداية جديدة تماماً.
_____________
شلنة بس احنة الثلاثة التابوت على جتافنة وصحنة بصوت عالي.
-لا إله إلا الله، محمد رسول الله.
ضلينة نكرر هذا الكلام والزلم والعالم ورانة ويكرروهة بصوت عالي.
منزلت دمعة وحدة من عيني.
مراح تنزل دمعة من عيني لحد ما أخذ حقهة بأيدي.
مراح يغمضلي جفن الراحة وهي مدفونة بدمهة الا يموت كتالهة بدمة ويندفن بيه.
نزلنة التابوت وشيث ذب الكرك من أيدة وصاح بصوت عالي.
-الدفان شيث ديحفر قبرهة بأيدة.
ضرب على صدرة حيل وصاح: داحفر قبرهة بأيدي.
_____________
لميت رجلي لصدري ودموعي تنزل واني اسمع الصياح والبجي الي ماعرف مصدرة منين.
احسة ديطلع من كل مكان، حطيت ايدي على اذني وصحت.
-كافييي، عليج الله راحيل كافي.
اندفر الباب بشكل قوي ودخل للغرفة، وبس شافني هيج اجاني ركض وكعد ركبة ونص كدامي وكل.
-هَرم، شبيج ؟؟؟
هَرم: داسمع صوتهة، داسمع صوتهة دتعيط ودتتعذب !!
نفة براسة وكل: ماكو اي صوت شدتحجين !!!
_____________
دخلت بفرع فارغ، مابيه اي أحد بس بيوت مهجورة وجدرانهة مهدومة وأبوابهة عاتية ومشخبط عليهة من اطفال والمراهقين بكلام غير مفهوم.
أبتسمت من شفتهم بنهاية الفرع، ثنينهم واكفين ومتجتفين ووياهم بنية صغيرة نفس أبتسامة أخوانهة بالضبط.
تقربت منهم أكثر ووكفت مقابيلهم، باوع علية بوجه بارد خالي من اي ردة فعل وكل.
-الجـزار...
_____________
كمت أدور حول نفسي والأبتسامة مالية وجهي، داتخيل نفسي بحديقة كلهة ورود واشجار وريحة الطبيعة تارسة المكان ترس.
بس الحقيقة....
جنت أدور بالمقبرة بوسط القبور وريحة التراب تارسة المكان.
.
.
.
تجارة الخوف، رؤية في العمق...
من يعيشون معنا في هذه الحياه ويشكلون المجتمع..
فينشئون اجيال واجيال مكبوتة..
مريضة بالخوف واليأس والعجز..
ملعونه في صراع داخلي مع نفسها في انفاق مظلمة..
لا يريدون منا طرح الاسئلة والتفكير..
لا يريدون منا البحث او المعرفة..
لايريدون منا ان نختار او نقرر..
مثلما يقولون انه حين نسأل ونتعمق نخرج عن القطيع..
نصبح غرباء..
نرتقي لدرجه العقوق..
نكون مختلفين نريد العيش على اهوائنا..
_________________
________
2023/6/1
في أمان الله 🖤.