بسم الله
زينـب الـ عادل
______________
مرت الايام عادي بس بقيت اني مكتأبه ع موت علي صار لوفاة علي 3 اشهر اجه ابويه
سعد: بابا كومو خلي اطلعكم مايصير حابسين نفسكم بالبيت
دارين: بابا اطلعو انتو اني ماريد
نورس (ام دارين): ماريد...... توسل ابويه بيها وكوه قنعنا بدلنه وطلعنه
جاي نمشي شفت محل ملابس رجاليه
دارين: علي شوف هذا المحل منزل الملابس التحبهم..... عم السكوت بيناتنه وعيوني غورگت ماكدرت اتحمل كعدت ع مسطبه صغيره وضليت ابجي وابويه وامي يبجون وياي
دارين: رجعوني للبيت
سعد: يلا امشو
رجعنا بالطريق ابويه يبجي منحس الا سياره بوجهنا.... كعدت بالمستشفى محد يمي بس عمتي وابنها
دارين: عمه وين اهلي
العمه: الحمدلله عالسلامه يمه مابيهم شي زينين
دارين: وديني الهم ردت اكوم اجه ابن عمتي لزم ايدي باوعتله بطرف عيني للان يحبني من زمان بس اني ماريده وخر ايده مني
وكال: ميصير تكومين ابقي بمكانج
دارين: وخر معليك انتَ
العمه: يمه دارين لخاطري ابقي
بقيت بمكاني ع نار بس مفعول البنج بعده بيه ف رجعت نمت بقينه 3 ايام بالستشفى وعمتي تداريني وابنها ماعافنه ابد وهايه المده كلها مشفت اهلي لان ميخلوني.... امي كالو متكدر تمشي بعد لازم ع كرسي متحرك انصدمتت ليشش مو اني ليش هيَ..... ياربي اختبارك صعب حيل صعب لاتفجعني باهلي ماريد اخسرهم مثل علي ياربي...... رجعت للدوام وعادي اداوم بس مو دارين القديمه للا شخصيه جديده معتمده ع نفسها وكارها العالم واللي بي ولا تضحك ولاتتشاقه مثل قبل كطعت علاقتي بصديقاتي
رجعت للبيت طبيت لكيت امي متخربطه و واكعه من الكرسي بالكوه شلتها
دارين: يوم حبيبتي ماما كعديي.....شبيج حبيبتي
نورس: دنكت ردت اكنس كلت بلكي اكدر ودخت و وكعت
بعد هالموقف ماداومت لمده اسبوعع وكلت ماداوم بعد امي متكدر.....
كومت ماما وسويتلها غده وانتضرنه بابا يجي حته نتغده سويه... سمعت الباب يدك طلعت وفتحته طلع بابا اجه دخل للبيت.. جاي نتغده وكتلهم...
دارين: ماما بابا عندي موضوع وياكم بس لاتعصبون واني خلص قررت بعد
سعد: اي بابا احجي خير ان شاء الله
دارين: بابا قررت اترك المدرسه لان امي خطيه مت...
نورس: دارين اذا متسكتين تره صدكيني بعد مااحجي وياج وهذا الموضوع تنسينه خلص فهمتي
دارين: ماما شبي خليني اكمل
نورس: ماريد ولاكلمه فاهمه تسكتين وتشيلين هاذا الموضوع من راسج
دارين: ماما منو بالبيت يداريج منو يمج اذا ردتي شي ماما فدوه الكلبج بابا ديشتغل وهوه يصرف علينه واني بعد ماداوم خلص انتي محد يمج وبعد شي اسمه مدرسه انساا... بجيت.وكلت.... ماما بغلات علاوي خليني اترك دراسه ماما محد يمج بلبيت منو يديرباله عليج حبيبتي امي اني هيج روحي خلصت تره محد بقالي غيركم انتي وبابا والمدرسه مو احسن منكم
نورس: اذا تحبيني صدك تدرسين واريدج احسن...دكتوره
سعد: بويه ليش مبطله كملي دراستج انتِ مو حلمج تصيرين دكتوره كملي دراسه والله كريم بنيتي لاتقهرينه عليج حبيبتي انتِ
دارين. بجيت... بابا بس امي متكدر وحدها لازم احد يساعدها
سعد: بنيتي كملي دراستج وخلي هاذا الشي عليه
دارين. تمام تمام بابا بس لاتضوجون
كملنه غده ونضفت المطبخ وسويت جاي صبيتلهم واجيت اصعد وقفني صوت ماما..... دارين تعاي عندي شغله وياج
دارين: تمام ماما اجيت
نورس: مو تردين احد يدير باله عليه
دارين: اي ماما اخير قبلتي اترك دراسه
نورس: لامتركينها
دارين. لعد شللون!.
نورس: ابو علي اسمعني راح احجي بس لحد يقاطعني اسمعوني للاخير
سعد: تفضلي بويه
نورس: صح اني بعد عجزت عن كلشي واريد احد يمي يعيني وبنفس الوكت يعينك ياابو علي وتساعد دارين ف بيت ام جابر جيرنه عدهم بنتهم جبيره ممتزوجه تزوجها انتَ وخليها هم تداريك
سعد: من سابع المستحيلات حبيبتي هاذا شي يصير والله انتِ لو شيصير بيج عندي تسوين الف مره انتي رويحتي نورس تدرين اني شكد عانيت حتى اخذتج تالي ترديني اتزوج
دارين. ماما والله العظيم ابد هيج موضوع ميستحق حتى نفكر بي ابد ابد لاتخلين هيج فكره بالج
نورس: لا ابو علي لازم اذا تحبني تزوج فدوه اروحلك تزوج انتَ محد بقه يسوي التريده لاحد اكيد تريد احد يساعدك بلبستك بطلعتك ب اكلتك.. بجت... اذا تحبني صدك تزوج فدوه اروحلك
سعد: لا اني مو رجال اذا اجيب عليج ضره انتِ بنيتي مو بس زوجتي وشنو يعني عادي ابطل من شغل واني ابقه يمج بالبيت لمن ما دارين تكمل دراستها والله كريم حبيبتي انتِ
نورس: دارين امي صعدي فوك حبيبتي انتِ
دارين. اي تردين تقنعي لبابا يتزوج ماما اذا بابا قبل اني ماقبل
نورس: انتي صعدي فوك وبعدين نحجي...
صعدتت وصار البيت هدوء نمتت كعدت الصبح رحت للدوام امتحنت واني راجعه.....
مجهول: سلام عليكم
دارين: وعليكم السلام
مجهول: دارين عندي موضوع وياج
دارين: العفو منو انتَ ومنين تعرف اسمي؟
مجهول: مو مهم اسمعي الموضوع
دارين: تفضل
مجهول: ادري مو وكته واعرف اخوج متوفي الله يرحمه بس صدكيني اني من شفتج حبيتج واريد اتقدملج ع سنه الله ورسوله واي شي تحتاجينه ما اقصر وياج ابد شتكولين اني حاضر
دارين: طبعاا للا ليش منو انتَ اول مره اشوفك حته اسمك ماعرفه شنو جايني تريد تتقدم وفوكاها تدري اخويه متوفي ناس ماعدها ذوق امشي روح مناا احسلك
مجهول: والله مو صوجج انتِ مو مال احترام امشي ولي منو يحبج انتِ
اني تخبلت هيج يحجي وياي؟ خليته يندار وصل يم سيارته شلت طابوكتين وحده بضهره وحده بجامه السياره الجامه تفلشت
مجهول: يا حقيره بدون ادب ما مربايه اذا اهلج ما ربوج اني اربيج
دارين: امشي ربي نفسك حيوا* ونبي مره ثانيه الطابوكه براسك فهمت يلا ولي
عفته ورحتت رجعت للبيت مكلت لاهلي كبل بدلت ونمت وهكذا.....
وره يومين رجعت من المدرسه فتت للبيت واشوف نسوان ثنين يم امي
نورس: هلا حبيبتي روحي ارتاحي فوك
صعدتت فوك سبحت ورتبت شعري من راحن نزلت جوه...
نورس:اكلج هذني اجن يخطبنج
دارين: سواها النذل
نورس: منو هذا....
سولفت لامي عله هذا الولد
نورس: للا ماما مو عيب هيج تسوين
دارين: ماما خيولي يستاهل
نورس: كتلها نفكر
مرت الايام بين الدوام والمدرسه وامي تعبانه بس متحجي واني مقهوره عليها بس مابيدي شي.......
____________________
للكاتبه زينـب الـ عادل