#جحيم_نيران
كاتبه فاطمه
لاتنسون التصويت + التعليق بين فقرات 🤍
انشرو القصه ب تيك توك حتى تاخذ
حقها ؛ واني استمر بيها.
""""""""""
هاك اخذ جرحك بعد ما اشتهيك
وكلمة انه اهواك ? تحجيها
وبس اوخر عنك اسنينك تطيح
اسنين عمرك ..عمري لمتجيها
ابكاع خدينك انه العاكس ضواي
ابمعنى اخر........ انه لمحليها
ذكرياتك صارن ...الطف ويزيد
حيل اكرهك من يمر طاريها
""""""""""
مر اسبوع تقريبا وكالو نمشي ونملج:
سوه جنت ابد ممجهزه نفسي ولاشتريت
ولا حفيت ؛ كلت املج بدشداشت البيت المن
رايحه ل صلون قابل ماخذه الانسان الحبه
وهيج هتم بنفسي ؛
اصلا ماعرف شوكت قررو للمشيه والملجه
العصر جاب بابا لكيك والعصاير ؛ واني القدم
حالي مو احسن من حال تشتغل بل بيت ؛ ولايكول
عروس مكطوع واهسي حتى من نفس احطلهم
عصير وكص كيك
وادردم سم العافيه ان اشاء الله ماشركون ولاتغصون
ان اشاء الله ابد ؛ ماتندعمون كلو امين كلبوها بكرك
ان اشاء الله ؛ مايوصل شيخ ويعثر ويطيح بحفره ومحد
يدري بي ان اشاء الله
_ماما. لج يمه صمي حلكج مو دوختينا...
_والله مكايلتكم تعرسوني ؛ واني صلا جاي
امتحن لنهائياات ؛ وجاي اقره كملت ورحت
حطيت كتابي وكعدت اقره
خلصت لمشيه وطلعو اجه بابا كال
_جهزوها بليل الملجه!!!
حرفيا نصدمت
_شنو وشوكت ؟؟
_شبيج رجلج مستعجل شوف كلشي
ممكمله ...
_لج ماما هسه على سريع اختج تحفلج وتمكيجج...
_والله يعمي لاحف ولامكيج والله هيج
املج وانغل روحكم يله ...
كعدت ابجي لحد ماطك راسي مو لان ممجهزه لا
راح اروح للغريب ؛ واعوف لانسان الحبيته 4سنوات
راح اروح وحايره شلون نسى ؛ صوته كلامه عيونه
لمساته حنيته كلهن من ذكرهن قلبي يشتاك اوووووف
صبر يارب صبر حلفت ماجهز نفسي وكلشي ماسوي
عن يافرح تحجون ؛ ولفي كاعد يبجي شلون يتقبل الموضوع
مر سبوع ؛ باليوم يشرب سيت كامل جكاير ضعف حيل وتغير
كعدت اختي جبيره تحوس بس اكوم
عدل روحي شويه واني قافله لحد ما اجت
امه واخته وكالت
_ رتبي روحج ..
ا
ستحيت وكمت بدلت لبست بنطرون
ازرك ملكي ويا كيمونه بيضه وجاكيت
زرك ملكي ؛ وحليت شعري جان طويل
جوه من الخصر ؛ صفنت على روحي
اديب يحب شعري شكو خلي يشوفه
مشطت وضفرته ؛ وحطتلي اختي مكياج
واول مره احط مكياج وشرطت يكون خفيف
خلصت واجه شيخ
عقدنا وكملنا والخنكه كاتلتني ماعرف
شسوي ؛ جنت اتمنى هاي لحضه وي اكثر
انسان بنيت احلامي ؛ ويا احلام ورديه كلها
وبالحضه تحولت رماديه دمعه بعيني ؛
وصار الوقت الي يدخل عليه ؛ جابو ودخل
عليه جنت مدنكه راسي ماحب اباوع بجهه
رفع راسي بيده. وكال
_نحنو هنا يابه شبيج رفعي راسج خل نشوف
نعمت الله ..
باوعتله وبتسمت مجاملتنا هوه والله مبين ولا طايقته
بيني وبين نفسي هوه عمي
_ تعاي حضنه لمسه هسه شبيج جافه...
_من شفتك جفيت صراحتنا...
_اخ الله صريحه ام لسان...
_ امم يله كافي شفتك وشفتني خل نطلع
فشله من ابويه ...
_على اقل بوست الملجه ....
_ يله يله بعدين خل نطلع طلع هوه يتف اف....
طلعنه وامه تلكتنه باهلاهل وجكليت وبقو
اخواته ؛ يركصن حفله بسيطه خفيفه بس
خواتي محد موجود ؛ رادني اركص بس اني
دنيا طالعه من عيني مابيه حيل روحي
كمت من هن طبيت سبحت وجان الحلقه
تخرط طاحت مني ؛ وكعت بل بلوعه حلقه
ذهب ومجنه خفت ؛ كلت هسه نكتل من بابا
وحصل رزاله منهم ؛ بس هيه حلقه جبيره
جسمي فلتت مادري بيها صحت
_مامااا لج يووووم لحكيلي ....
_اجتي تركض ها خيرج ولج ...
_لج يوم الحلقه طاحت بل بلوعه...
شهكت وصفت وبوجهي
_ولج شون؟؟
_ والله طبهم مرض جبيره بجذب ماخذوني
اكدرعليه اشم يدي اني شعليه
هيه طاحت اجت امه
_ها خير شكو؟؟ كلتلهه ماما كالت يله فدوه الها
راحت بعد ما راحت دارت ماما دورت
بضوه ملكتها كلتهه
_ فدوه خليها راحت بعد احنا جيبلها غيرها
وزغر ..
_ياا شعجب منكم من شيطان يله فدوتي جا مكيف...
غسلت وطلعت رحت نمت اباوع للفون فوك ال11مكالمه
من اديب مالي عين خابره وحجيلي يومي
واني سولف بيني وبين نفسي دك المبايل قلبي
وكف وي دكه فتحت خط وجاني صوته الممكسوررر
_ هلااااا بتعبي هلااا بنتي هلااا بولفي هلا راح
تروح ومالهه نيه ترجع الحضني هلااااا ها بابا
بشري شسويتي سولفي...
_شسولف ماكو شي ...
_خليهه تولي لتخافين باباتي سولفيلي
ماضوج وداعتج بس كولي باسج كمش
ايدج حضنج..
_لاوالله اصلا كلشي مسويت ولا حتى جهزت
نفسي كافي اديل الله يخليك لسوي هيج جاي تتعب
وتعبني وياك...
_لا موهيج بنيتي بس تعبي وراح مني
شترديني ركص مثلا عكولتهم خذاها
لما تعب بيها ؛ رحتي مني كله بسبب اهلج
واهلي لماكدرو يصبرون سنه علينا ؛ وصوج
ببوي وعلي لوبيدي كتله على حركت قلبي
هاي ؛ كتله حلقههههه حلقه ماقبللللل اكفرررر
ماقبللل ؛ اخخ اخخ روحي توجعني عليج شسوي
_كافي اديب فدوه لسوي هيج شبيدي اني كلي...
_اخ لاتبجين عنوصتي اسف اني بس موبيدي
قلبي يوجعني يحجي وياي وكل ساع ساحبله جكاره..
_اديب ...
_هاا...
_ بسك كافي لاتشرب موزين عليك...
_راح ترحين بعد منو يخاف عليه منو
يكلي ارجع من وكت منو يكلي كوم شرب
دواك تخافين عليه اكثر حتى من هلي...
_اااوف كافي يبعد هلي كافي تره شلعت قلبي اخ....
_يله بنيتي روحي رتاحي ونامي زين باجر
حاجيج مختنك كلش...
_اوك براحتك...
_باي...
_باي يطولي...
صبح كعدت ماالي واهس لكلشي كعدت
افتر بل حديقه واقره ؛عندي متحانات ثالث
متوسط اجه بابا من شغل وجان يشوفني
افتر واقره ؛ اجه خمش الكتاب من يدي وشمره
ليفوك وكال
_الي تزوج ماله مدرسه عندي ...
هنا موبس نكسرت الف نهيار صار بقلبي
جان اخر امل عندي وضيعه بابا برمشت
عين اجتي ماما وكالت
_ ليش هيج ماخليتها عل قل بس تكمل متحانتها ..،
_بخزرهه اني مطيهل صدقه جاريه خبله
واريدها تخلص منه لاضل على قلبي.....
_صرت كتم بقلبي حته مابين ضعيفه مابجي
ليش ابجي وصلا محد مهتم على شنو ابين
ضعيفه امامهم ؛ مثل ماكسروني يجي يوم
وكسرهم اباوعله ؛ وعيوني متروسه حقد
سلمتك بيد الله هوه ياخذ حقي منك لاشفت
منك طفوله ؛ ولا عيشتني بعزه شبابي كسرتني
واني بعمر اجمل عمر عيشتني بضلم من
فتحت عيني ؛ اشوف بعينك شيطان لمن
تعصب لمن تضرب امي : وتلمنه كلنا وتكعد
سطر حجي ماردنه منك لعبه حلوه لاردنه
فستان وردي ؛ ردنه حنيه وحضن يعيشنه ب
امل عدنه ابوو ليش اني يتيمه وذاك طولك
انتَ وعرضك يسد شمس علمتنا على اهانه
علمتنا على ضعف ؛ صرنه مانكدر نواجه
صرنه نبجي لمن يصيحون بوجهنا مانقاوم
مانحارب ؛ امي عكسك حنيه بيها وعلمتنا
نحب عدونه مانكره علمتنا على صبر شما
نصبر الله يجازينه ؛ بكد تعبنا علمتنا على
حرب مانصير ضعاف؛ بس انتَ عيشتنا بجتمع
كله ضرب ؛ بس امي انطتنه عبره طبعك
وسلوبك مانطبعه ونتعلمه
"قاوَم أَنت لَست ضعِيفٌ حَتَّى لَو وصلتَ ممزقاً
لذّةُ الْوصُول ستُرممكَ الفَشِل هُو فِرصَة لِلْبَدء مِنْ
جدِيد بِطريقِه أَكْثَر ذَكَاء"
الانسان كلما ينكسر بعد النكسار يصير اقوه
وقلبه يتحجر ؛ وهكذا اصبحت انا من انسانه
هادئه الا نسانه اكثر قوه وكثر قسوه وي
كلمن يذيني ؛ بس بعدني ضيج طفله لتخاف
لمن تسمع حس ابوها ؛ اواجه ناس كلها بعين
صلفه بس اذا واجهت ابوي وكتله يابه
مو بس اني لا احنا كنا الخوات الي كل
وحده قصتهه شكل واذيه اكثر من ثانيه كلنا
حبينا ؛ وبسبب ابويه وجباره النا ماحصلنا
لانسان الحبينا؛ اذكر وحده
من اختي ماقبلت رفضت حبسها بل
غرفه ؛ وضلمها عليها وحتى الحمام مخلاها
تطلع عافها ؛ لاكل لاشرب 3 ايام وحذر كل
واحد يدنه يمها يتعاقب بدال العقاب عقابين!!
كال الها ماطلعج منا لما توافقين وفعلا بعد
ماوفقت؛ بسس جوعها لان مايحس بيهها
ياله طلعها ؛ لو اختي الكبر منها عمرها
12 سنه وهم جبرهها ؛ وهيه بيضه ماتعرف
تطك...
يتبعععع
اتمنى تاخذون العبره من قصه انتو الاباء
لاتتعاملون ويا بناتكم هيج خليكم سند الهن
خلي يكولن ابويه سند اليه لا جبروهن على
شي لان مو انتو راح تعيشون حياتها ولا
راح جربون طعم الذل ولاهانه وضرب
وخيانه خلوكم سند بنتكم خلي ترفع راسها
بيكم اتمني فهمتو قصدي...🤍
حسابي الانستا متفاعله بي ... faa.tt_r
لاتنسون التصويت 🤎
انشرو قصه على تيك توك🤍
بايييي