#ملحمة
#مملكة_الطوبجي
#أميره_اسامه
#صاحبة_البطل_الواحد
البارت الرابع والثلاثون.
.................
فتحت شمس الباب وأول ما فتحت شافت سالم قدامها.
اتصدمت لكن المرادي حاولت تكون قويه
شمس.....انت بتعمل هنا ايه؟ هو انا مش قولتلك مش عايزه أشوف وشك مره تانيه انت عايز مني ايه تاني😡
سالم....يا شمس من فضلك انا مش عايز منك اي حاجه صدقيني كل اللي محتاجه منك فرصه بس
شمس...لايه؟ فرصه لايه؟ أسامحك ولا انسى اللي حصل ولا أتعامل معاك عادي ولا افكر في طلبك للجواز مني فرصه لايه بالظبط😡
سالم....انا ولا عايزك تسامحي ولا تتعاملي معايا ولا تنسي وحتى طلبي للجواز مش هطلب منك تفكري فيه الوقت.
شمس...امال انت عايز ايه فلوسك في اقرب وقت هيكونوا معاك😡
سالم....ملعون ابو الفلوس انا مش عايز حاجه ولو خدت منك الفلوس وموافق اني اخد الباقي فا ده عشان أريحك مش اكتر لأني عارف ان طول ما الفلوس دي معاكي انتي عمرك لا هتنسي ولا هتسامحي.
انا كل اللي عايزه منك بس ادي نفسك فرصه تعرفيني.
شمس....وانا مش عايزه اعرفك.
سالم....حاولي يا شمس ولو مؤقتاً تنسي انك عرفتيني قبل كده أعتبريني حد جديد في حياتك اديني فرصه أعرفك مين سالم اصلا؟
شمس...يا سيدي انا مش عايزه اعرفك ومش عايزه حد لا جديد ولا قديم في حياتي انت مسبتليش مكان يا سالم ادخل فيه حد جديد انا حياتي انتهت ولازم تعرف حاجه مهمه اوي اوعى تفكر ان اللي انت عملته فيا هيخليني أشوف ان خلاص مبقاش في حل غير انك تبقى موجود في حياتي و أرضى بالأمر الواقع انت عمرك ما هتتفرض عليا يا سالم ولو هفضل عايشه لوحدي وقافله على قلبي طول العمر اتأكد اني هكون مبسوطه وعمري ما هدخلك حياتي انا مضطره اربط حياتي بيك مؤقتاً لحد ما أجمعلك المبلغ بتاعك وبعد كده هبدأ حياه جديده مع نفسي لا عايزه حد في حياتي ولا عايزه اكون في حياة حد.
سالم....انا عمري ما هتفرض عليكي يا شمس انتي هتقبليني بإرادتك
شمس....يبقى بتحلم يا سالم وهتفضل تعافر على الفاضي.
سالم....عندي استعداد افضل أعافر لحد ما أخليكي تغيري فكرتك عني شمس انا غلطت وعارف انه غلط كبير اوي بس ده ربنا بيسامح جربي تسامحي.
شمس...وأنا مش ربنا ياسالم !!
سالم....شمس انا عايز أساعدك و أساعد نفسي معاكي
وقبل ما تنطق شمس بكلمه جات صفيه من وراء سالم.
صفيه....سلام عليكم خير يا شمس يا بنتي في حاجه ولا ايه ومين ده انا خرجت احط الباسكت بره سمعت صوت قولت اطمن عليكي.
شمس...بتوتر اا أبداً يا طنط صفيه
ده ده استاذ سالم كان 😠 كان زبون مهم في شغلي القديم وكان بيحب يساعد الناس المحتاجه ويقف معاهم و جالي عشان لو في حد محتاج يعني قولتله مفيش حد قدامي.
صفيه....اهلا بيك يا ابني ربنا يكرمك يارب
سالم...بتوتر شكرا لحضرتك انا اسف لو كنت عملت إزعاج بس انا ملاقتش حد غير انسه شمس قدامي خصوصاً يعني أني بثق فيها.
صفيه....لا إزعاج ايه الله يباركلك يا ابني وعلى فكره لو حابب تساعد فعلا انا عندي ناس اعرفهم من المكان هنا محتاجين مساعده بجد في بنتين محتاجين يكملوا حجات جهازهم و الاتنين يتامى امهاتهم بتجري عليهم بنت استاذ سعيد واستاذ شعبان الله يرحمهم انتي عرفاهم يا شمس.
شمس...بتوتر ااا ايوه بس لا يا طنط صفيه حضرتك فهمتي غلط هو بيساعد بس حالات مرضيه 😠
بسرعه ابتسم سالم بينه وبين نفسه.
سالم.....لا طبعاً المساعده ملهاش شروط يا آنسه شمس المهم الحاله تكون محتاجه بجد
صفيه....صراحه انا كنت هقول كده بس محبتش احرجك اللي بيساعد لوجه الله بيساعد اي حاله قدامه .
سالم...بالظبط وانا مستعد طبعاً لأي مساعده عرفيني كل اللي محتاجينه و انا هعمل كل اللي اقدر عليه.
شمس...😡😡😡
صفيه...ربنا يبارك فيك يا ابني ويكتر من أمثالك.
شمس...😏😏😡
ابتسم سالم وبص لصفيه الله يخليكي يا حاجه عموماً اقعدي مع امهات البنات دي وشوفي ايه اللي ناقصهم كله ورقمي مع آنسه شمس خليها تبلغني بكل حاجه
وعلى طول هتلاقيها عند البنات ولو في اي حاله قدامك انا موجود
صفيه....انا مش عارفه اقولك ايه الله يسعدك يا ابني دنيا وآخره و ينولك كل اللي في بالك و يراضي قلبك
بص سالم لشمس ....يارب 🤲عموماً اسف مره تانيه للإزعاج وهستنى كل طلباتكم يا ست الكل
سلام عليكم.
صفيه....تسلم يا ابني عليكم السلام.
نزل سالم وبصت صفيه بابتسامه لشمس شكله جدع محترم وجدع ربنا يكتر من امثاله.
شمس....اه اوي😡 تعالي يا طنط اتفضلي.
صفيه...لا اتفضل ايه انا مش قادره وعايزه انام انا قولت احط الباسكت بره و كأن ربنا خرجني مخصوص عشان اكون سبب خير مع البنات دي المهم هنزل انام وبكره هعرف اللي ناقصهم واقولك.
شمس....تمام تصبحي على خير.
صفيه...وانتي من اهل الخير يا بنتي
دخلت شمس وهي عفاريت الدنيا بتتنطت قدام وشها ومش طايقه سالم عارفه انه بيحاول يفضل جمبها بس هي مش طايقه تشوفه وعايزه تخلص منه و المرادي هي السبب وهي اللي نطقت بنفسها وقالت انه بيساعد 😡
مسكت موبايلها بغضب كتبت رقمه من الكارت واتصلت عليه واول ما رن ضحك سالم كان عارف انها هتكلمه.
سالم....كنت عارف انك هتتصلي عشان تطلعي غضبك فيا🤨
شمس....انا مش فاهمه أنت عايز مني ايه ريح نفسك أنت عمرك ما هتكون أمر واقع أبداً في حياتي ولو عملت ايه عمري ما هشوفك غير بني أدم صغير في عيني😡
سالم....بهدوء والله انا لا عايزك تشوفيني صغير ولا كبير وبعدين لو فاكره اني أستغليت الموقف تبقي غلطانه انتي اللي قولتي للست إني بساعد و أنا أمنت على كلامك.
شمس....اولاً هي طلعت وانت بتقول عايز أساعدك و أساعد نفسي مكانش قدامي حل غير إني أقول كده 😡😡 كان ممكن تسكت و متعرضش خدماتك عشان تبان قدامي حد محترم😡
وبعدين أحنا فيها أنت مش مجبور تأمن على كلامي وعشان كده تختفي خالص وياريت مشوفش وشك ولو على طنط صفيه هقولها انك مش بترد ويخلص الحوار على كده.
سالم.....لو فاكره اني عملت كده عشانك تبقي غلطانه وانا مقولتش أني مجبور على فكره ومعنديش إستعداد إن حد يتعشم فيا في أي مساعده و أخلي بيه وعموماً ده مش موضوعنا.
شمس...بغضب ووجـ ـع أحنا مفيش بينا مواضيع اصلا😡
وبعدين لما أنت عامل فيها البطل الهمام أوى كده وعامل فيها البطل الخارق اللي لايمكن يرد سائل أو محتاج و لا يمكن يخلي بأي حد
لما لجأتلك💔 عملت فيا كده ليه
كـ ـسرتني ليه دمرت حياتي ليه 🥺ما انا كمان كنت محتاجه المساعده دي ايه ضميرك كان ميـ ـت وقتها و الوقت صحي؟
أحنا مش عايزين منك حاجه تغور الفلوس اللي تيجي من واحد ناقص و زباله زيك مش عايزه أشوفك تاني ياسالم انت فاهم🥺
ومش عايزه اسمع صوتك لأخر يوم في عمري و وفر دور البطوله اللي حابب تاخده ده لأنك ممثل فاشل🥺💔
قفلت شمس في وشه التليفون و حدفته بعيد وهي بتعيط
اما سالم ملامح وشه اتغيرت وبعد ما كان مبتسم وحاسس انه لاقي خيط يوصله لشمس إنهارت من تاني كل محاولاته لكن قرر يسمع بنصيحه زيد و ميفقدش الأمل ويفضل يحاول.
.......................
يوم مر بكل أوجـ ـاعه على البعض
وشمس يوم جديد ظهرت بحماس على البعض الاخر.
صحيت فيروز كلها نشاط وحيويه
كان معاد زيارتها للدكتور عشان متابعه الحمل والمفروض أنها ممكن تعرف نوع الجنين كانت متحمسه وفرحانه أوي كانت بتعد الدقايق عشان اليوم يعدي بسرعه وتروح مع حسام ويعرفوا.
..............
اما عند خلود كانت صاحيه متوتره جداً و مرعـ ـوبه وتقريباً مكانتش عارفه تنام المفروض أنها هتروح تسلم نفسها زي ما اتفقوا.
تقى....خلود أفطري يا حبيبتي.
خلود....مليش نفس يا تقى🥺
تقى...لأ ماهو مش هينفع لازم تاكلي حاجه لسه اليوم طويل اوي مش هتقدري عشان خاطري كلي حاجه وبلاش توتري نفسك.
خلود...انا خايـ ـفه اوي يا تقى.
تقى...خايـ ـفه من ايه بس يا حبيبتي كلنا معاكي وانا مش هسيبك ابداً انا انهارده مش راحه الشغل وهفضل معاكي صدقيني يا خلود ربنا عمره ما بيظـ ـلم حد و أنتي اتظلـ ـمتي كتير يا حبيبتي أكيد ربنا هيقف معاكي و يظهر برائتك وكل حد آذاكي وأتسبب في مـ ـوت تسنيم ربنا مش هيسيبه وهياخد الجزاء اللي يستحقه.
خلود...يارب يا تقى انا بس اللي موترني اني أكيد هشوفهم الفتره الجايه خايـ ـفه منهم ونفسي اقتـ ـلهم بأيدي جوايا ألف أحساس عكس بعض.
تقى....هيعملولك ايه بس مستحيل يقدروا يقربولك انتي هتبقي في النيابه يعني مستحيل يقدروا يعملوا حاجه.
خلود...ربنا يستر.
تقى....بطلي انتي بس تقلقي نفسك انتي في مركز قوه يا خلود والكل طمنا انك في امان بس وجودك مهم جداً يلا بقى عشان خاطري كلي حاجه قبل ما يوصلوا.
خلود....والله مش قادره سبيني على راحتي عشان خاطري.
تقى...طيب اشربي حتى العصير ده عشان متتعبيش.
خلود....طيب سيبيه حاضر هشربه.
تقى....هقوم اشيل الاكل و أكمل لبس بسرعه لحد ما يوصلوا.
خلود...ماشي🥺
فضلت خلود قاعده في نفس مكانها مشبكه أيدها الاتنين في بعض بتوتر رهيب حست انها مش قادره تتمالك أعصابها قررت انها تلجأ لربنا في اكتر وقت هي محتجاه فيه قامت أتوضت ودخلت على اوضتها وفضلت تصلي وتدعي من قلبها.
دقايق بسيطه ووصل مراد ويوسف تحت البيت وركن وراهم زيد وفضل مستني تحت مكانش رايق خالص بسبب چورچ و حكايته ومرضه كان مضايق عشانه اوي بس كان مضطر يروح معاهم و سبقهم ماهر المحامي و أمجد ظابط المباحث صاحب زيد.
فضلوا واقفين شويه ثواني وكانت تقى وخلود نزلوا سلموا عليهم.
مراد....جاهزه يا خلود.
خلود....بتوتر ملحوظ ايوه.
يوسف....متخـ ـافيش يا خلود كلنا معاكي اطمني.
خلود...ربنا يستر.
زيد....خير ان شاء الله يلا نتحرك بس عشان ماهر وأمجد باشا سبقونا.
مراد...يلا بينا اركبوا يا بنات يلا.
ركبوا معاهم و اتحرك زيد وراهم.
فضلت خلود طول الطريق ساكته حاولوا كلهم يتكلموا ويفكوها شويه لكن كانت بترد على قد الكلام وترجع تسكت.
وقت بسيط ووصلوا النيابه
وقفوا بره شويه دخل امجد للظابط اللي ماسك القضيه كان صاحبه اتكلم معاه شويه وبعدين طلبوا خلود عشان تدخل.
وقفت خلود وهي حاسه انها بتنهار ومرعـ ـوبه.
يوسف....خلود اهدي وخليكي واثقه في ربنا.
خلود....انا خايـ ـفه يا يوسف🥺
يوسف....متخـ ـافيش كلنا معاكي والله.
زيد...آنسه خلود اطمني والله دي مجرد إجراءات روتينيه.
مراد...سمي الله يلا يا خلود وادخلي يا حبيبتي قولي كل اللي تعرفيه و اظهري برائتك
تقى...بدموع اطمني يا خلود والله انا واثقه ان ربنا مش هيخذلك ابداً
خلود....بخـ ـوف هو هو انا ممكن أتحبس.
زيد....متخـ ـافيش قولتلك انتي جايه برجلك عشان تسلمي نفسك وده لوحده إثبات برائتك يلا ادخلي.
يوسف...يلا يا خلود احنا معاكي وزمان دكتور مجدي جاي كمان عشان يقول شهادته.
خلود...بتنهيده طويله كلها وجـ ـع سمت الله وقالت يارب ودخلت.
كانت بتقرب من المكتب وهي رجلها مش شيلاها.
خلود....سلام عليكم.
رد عليها السلام الظابط محمد شومان اللي ماسك القضيه
محمد....عليكم السلام اتفضلي ارتاحي.
أمجد....اقعدي يا خلود.
محمد....تحبي تشربي حاجه ولا نبدأ التحقيق على طول.
خلود...وهي بتحاول تجيب صوتها
لا نبدأ.
محمد....اسمك وسنك وعنوانك.
بدات خلود تقول بصوت مبحبوح
قالت اسمها وسنها وعنوانها
محمد...احكيلي يا خلود اللي حصل في اليوم ده وايه طبيعه علاقتك بالمجني عليها.
خلود...بوجـ ـع كانت بنت خالتي واختي و صحبتي واكتر حد وقف معايا في حياتي كلها🥺
محمد....تمام ايه اللي حصل يوم قتـ ـل تسنيم؟
خلود....اليوم ده كان في فرح بنت واحده جارتنا في الشارع حسين كان من بدري في الشارع بيجهز الفراشه بتاعت الفرح مع شباب المنطقه.
محمد....حسين مين؟
خلود...ابن خالتي و أخو تسنيم🥺
محمد...تمام وبعدين؟
خلود....الفرح كان خلاص تقريباً بدأ المعازيم كلهم وصلوا ومستنين العروسه توصل طلع حسين عشان يغير القميص بتاعه بسرعه و ياخد ستي معاه وينزل.
محمد....وتسنيم منزلتش الفرح.
خلود....لا نزلت وكانت تحت اصلاً هي وخالتي فضلوا مع الجيران و مكانش معايا غير ستي بس طلع حسين و قاللي أعمليلي كوبايه شاي كنت انا على اخري منه ويمكن كانت اول مره اقف قصاده ورفضت قولتله لأ سمعني كلام خلاني فقدت اعصابي وبقيت ارد عليه وفجأه لقيته فضل يضـ ـرب فيا بكل غل مقدرتش أقاومه
محمد....لا لحظه افهم ايه كان سبب رفضك أنك تعمليله شاي انتي بتقولي كنتي على اخرك منه حصل حاجه قبل الموقف ده.
خلود....بدموع ايوه 🥺 قبلها بكام يوم طلبوا مني أتنازل عن كل حاجه تخصني ودي مكانتش اول مره وكل مره كنت برفض كنت بمـ ـوت من الضـ ـرب في اليوم ده حسين عملي فضيحه في الشارع وقف تحت يشتم و يتهمني بأقذر التهم اني بعرف رجاله واني غلطت مع واحد وهو طلب يستر عليا وانا اللي رفضت كان واقف تحت بعلو صوته ينادي على الناس تخرج وتسمعه ويشهدهم عليا🥺💔 مكانش في ايدي حاجه غير اني اصـ ـرخ من الظـ ـلم اللي بشوفه ده غير انه حاول كتير يتحرش بيا🥺 ستي وخالتي وخالي كانوا بيشجعوا عشان يكـ ـسر عيني و ميبقاش قدامي حل غير اني اوافق على جوازه مني
وبعد ما فضحني طلع كمل عليا
ويومها تسنيم طلعت بفكره اني اهرب بس وقتها قولتلها لا لاني معرفش حد عشان اروحله ومعرفش اصلاً الشوارع والمناطق لأني عشت محبوسه.
محمد....مش فاهم يعني ايه محبوسه؟
خلود...يعني مكنتش بشوف الشارع امي مـ ـاتت وانا صغيره هي وابويا 🥺 لما ابويا مـ ـات سابلنا ورث ولاننا كنا صغيرين امي كانت الواصيه علينا وهما كانوا هيتجننوا عشان ياخدوا كل اللي حيلتنا امي كانت غلبانه اوي وشافت على ايدهم كتير لحد ما مـ ـاتت من قهرتها بس كانت كاتبه كل حاجه باسمي انا واختي وبعدها فضلنا معاهم ومن واحنا صغيرين المدرسه والمعهد كانت عن طريقهم اروح مع حسين وارجع مع حسين معرفش في حياتي غير مشوارين المدرسه والمعهد وطبعا البيت غير كده مكنتش بشوف الشارع ولان اختي كانت هي الكبيره غصبوا عليها تتجوز حسين شافت على ايدهم المرار والوجـ ـع لحد ما في يوم اختي قررت تخلص من حياتها انتحرت ومـ ـاتت 💔
طبعاً حسين ورث منها بس مكانش مكفيهم ومن يومها وهما مصممين يخلوني اتجوزوا عشان ياخدوا كل حاجه حاولوا بكل طاقتهم معايا ضـ ـرب لحد المـ ـوت إهانه فضايح حبسه محاولات لأغتـ ـصابي عشان أضعف لحد اليوم اللي قولت لحضرتك عليه فكره تسنيم كنت شايفه انها فكره الخلاص من حياة الجحيم بس مكنتش عارفه اروح فين خـ ـوفت
قالتلي متخـ ـافيش امشي واول ما تلاقي مكان كلميني ههرب انا كمان وهجيلك لان هي كمان كانت بتشوف على ايد حسين المـ ـوت لما بتدافع عني🥺 وقالتلي هاخد دهب وفلوس ستي و دهب وفلوس امي وحسين رسمت الخطه كلها وقالتلي فرصتك يوم الفرح لان الكل هيبقى مشغول
لحد قبل ما يطلع مكنتش ناويه اهرب لاني اضعف بكتير من اني أجازف المجازفه دي لما أهلي بيعملوا فيا كده أمال الناس بره في الشارع هيعملوا ايه.
لحد ما طلع حسين وشدينا مع بعض ووقفت قدامه لاول مره وبمجرد ما قاللي هتجوزك بكره واكتب عليكي فقدت عقلي وبقيت اصـ ـرخ واقوله مستحيل اتجوزك
كلامي جننه اكتر بقى يضـ ـرب فيا بكل غل بالحزام وبأيده وبرجله
كنت حاسه اني بمـ ـوت خلاص روحي بتطلع وستي قاعده قدامه تقوله ربيها اضـ ـربها اكـ ـسرها🥺💔
و سابني بس لما حس انه تعب من كتر ضـ ـربه فيا🥺 وبعدها نزل هو وستي فضلت في مكاني مش عارفه قد ايه بس مكنتش عارفه اتحرك حاسه ان في وجـ ـع في كل جسمي بس الوجـ ـع اللي كان في معدتي كان اقوى من اني اتحرك
لحد ما لقيت تسنيم طالعه تشوفني عشان سمعتهم لما نزلوا بيحكوا لخالتي عن العقله اللي كلتها قلقت عليا وطلعت لقتني بمـ ـوت فضلت تعيط وتقولي قومي 🥺💔 قومي مستنيه ايه انهارت خلود من العياط.
محمد....اشربي مايه يا خلود واهدي شويه.
مسك أمجد الكوبايه وقربها منها
مسكت خلود الكوبايه وهي ايدها بتترعش جامد والمايه بقت تقع عليها شربت حاجه بسيطه وسابت المايه.
امجد....خلود خدي نفسك وأهدي
خلود....بتنهيده وجـ ـع🥺 سمعت كلامها لاني حسيت وقتها ان ربنا رد عليا لما سالته قبلها بيوم وعملت استخاره قولتله يارب دلني اعمل ايه لاني مش عارفه ولما اضـ ـربت وكنت بمـ ـوت حسيت ان دي إشاره من ربنا بيقولي أنفدي بجلدك وامشي وفعلاً قررت اهرب في الوقت ده تسنيم جريت على اوضه ستي فتحت دولابها وخدت الفلوس ودهبي انا واختي وامي وحتى دهب ستي وبعدها جريت على شقتهم خدت كل حاجه تخص خالتي وحسين ولقتها جايه تجري حطت كل حاجه في شنطه صغيره ولبستني عبايه ونقاب عشان محدش يشوف وشي تحت وانا غرقانه في دمي.
محمد....هربتي منين؟
خلود....مكانش ينفع نهرب من تحت لانهم كانوا قاعدين بالكراسي قدام بيتنا خدتني وطلعنا السطح والبيت كان قريب من سطح البيت اللي جنبنا طلعنا والمفروض اننا ننط مكنتش قادره ولا عارفه اعمل ايه حطت خشبه نعدي عليها وننط في السطح التاني مقدرتش وقولتلها بلاش صممت وفضلت تقويني 💔🥺
وفعلاً جيت على نفسي وعديت وانا مش قادره اقف على رجلي وجسمي كله بيترعش من الخـ ـوف والوجـ ـع نزلنا بهدوء وقالتلي امشي بعيد عنها عشان محدش يلاحظ اننا مع بعض لحد ما خرجنا على اول الشارع ولما وصلنا أدتني الشنطه وقالتلي اجري حضنتها وقولتلها خلي بالك من نفسك وقولتلها هكلمك ووقتها معرفش القوه دي جاتلي منين فضلت اجري و أتحامل على نفسي لما حسيت اني بعدت شويه كنت تعبت وقفت تاكسي وركبت سألني السواق رايحه فين مكنتش عارفه اقوله ايه لقيت نفسي بقوله وسط البلد.
وفعلاً وصلني ونزلت بقيت ماشيه مش عارفه اروح فين مشيت كتير اوي ومعرفش انا فين اصلا او وصلت لفين 🥺
لحد ما كنت على اخري خلاص والدنيا بتسود في وشي حاسه اني بفقد الوعي بس بعافر مع نفسي كان في إشاره حاولت اعدي مقدرتش حسيت اني مش شايفه الطريق سندت على عربيه من اللي واقفين بس الإشاره فتحت وانا مش قادره اسيب العربيه نزل الشاب اللي كان فيها كان فاكرني ست كبيره من كتر ما انا مكنتش قادره ارفع ضهري او امشي من الضـ ـرب قاللي اعديكي
وقتها معرفش ايه اللي حصلي رفعت النقاب عن وشي عشان يشوف شكلي ويساعدني أتصدم
اخر حاجه فكراها يومها قولتله انا بمـ ـوت ساعدني قاللي مين عمل فيكي كده قولتله ابن خالتي وبعدها محستش بنفسي غير تاني يوم وعرفت وقتها اني عملت عمليه.
محمد....عمليه ايه؟
خلود....لما حسين ضـ ـربني برجله في بطني عملي نزيف داخلي وانا مكنتش اعرف التقارير كلها معايا اهي شبكيه العين كانت بتنزف كسر في ايدي العمليه غير الكدمات الكبيره اللي كانت في جسمي صدقني 💔🥺 والله العظيم ما قتـ ـلت تسنيم انا انهارده مش هنا عشان اثبت برائتي اللي ربنا وحده اللي عالم بيها انا هنا عشان حق تسنيم.
محمد...اهدي ياخلود تسنيم كده كده حقها راجع اطمني بس المهم الوقت انك تثبتي برائتك بردوا.
خلود...صدقني مش فارق معايا انا خلاص مبقتش باقيه على اي حاجه بعد اللي حصل فيا
محمد....طيب في حد شافك مع تسنيم وانتي بتهربي.
خلود...لا الكل كان مشغول في الفرح واحنا كنا بعيد عن بعض كنت ماشيه قدامها وهي ورايا لحد ما خرجنا على الشارع.
محمد...طيب تفتكري ليه حسين وخالتك وستك وخالك كلهم قالوا ان انتي اللي قتـ ـلتيها لما هما كل اللي هاممهم انك تتجوزي حسين وياخد كل حاجه منك
خلود....معرفش صدقني بس اللي انا واثقه منه انهم لما اكتشفوا اني مش موجوده وان الفلوس والدهب اتسرقوا عرفوا ان تسنيم هي اللي ساعدتني واكيد وقتها ضـ ـربها ومـ ـاتت في ايده ولما مـ ـاتت عرفوا وقتها انهم اتورطوا ومكانش في حد يلبسوه جريـ ـمتهم غيري وبما اني هربت فا التهمه هتتثبت عليا💔
محمد....عندك أقوال تانيه؟
خلود....لا🥺💔 معنديش.
طلب محمد دخول الشاهد الاول يوسف دخل يوسف وبص لخلود بابتسامه بسيطه كانت ضايعه و عينها حمراء من كتر العياط.
طلع بطاقته وعرف نفسه رحب بيه محمد وقعد وبدأ ياخد شهادته
وحكى يوسف اللي حصل من اول ما شافها لحد ما وصلها للمستشفى بنفسه.
بعدها دخل الشاهد التاني دكتور مجدي رحب بيه محمد وبدأ ياخد شهادته و يطابقها من كلام خلود ويوسف.
محمد....طيب يا دكتور الحاله اللي وصلت عليها خلود كانت عامله ازاي؟
مجدي....حاله خلود كانت صعبه جداً ضـ ـرب في جميع اجزاء الجسم نزيف داخلي حاد في الأمعاء وده ظهر في الأشعه ومقدرناش نستنى دقيقه دخلناها عمليات على طول كان عندها كسر في ايدها ونزيف في شبكيه العين اليمين وكدمات مش بسيطه خالص لدرجه اني مصدقتش في الاول انها قدرت تمشي كل ده الحاله اللي كانت عليها تخليها متتحركش كنت هبلغ طبعاً بس هي رفضت رفض تام كانت خـ ـايفه حد يوصلها تاني في البدايه انا شكيت في حاجتين الاولى انها حاله اغتصاب ولما كشفنا عليها طلعت عذراء و التانيه كنت شاكك انها حـ ـادثه عربيه بس بعد الكشف عليها عرفت من الكدمات ان دي آثار ضـ ـرب وسحل.
محمد....كل ده طبعاً متسجل في التقارير صح؟
مجدي....طبعاً يوسف وقتها خد نسخه من التقرير وهما طالعين من المستشفى وطبعاً المستشفى بتحتفظ بنسخه تانيه من التقرير
محمد...في اي حاجه حابب تضيفها يا دكتور؟
مجدي....لا خالص.
محمد....تقدر تتفضل
دخل مراد بعد كده واكد على كلام يوسف وطلبه في انه يشوفلها شقه لانها متعرفش تروح فين وقرر انه يساعدها.
بعد ما خد كل شهادتهم رجع تاني لخلود .
محمد....خلود في حاجه حابه تضيفيها قبل ما نقفل التحقيق
خلود....لا.
محمد....طيب هو لحد الوقت التحقيق هيفضل مستمر لحد ما نسمع شهادات أهل المنطقه عندك ولازم هيحصل مواجهه بينك وبينهم
خلود....و أنا مستعده لأي حاجه.
محمد....وانا لحد ما اخد باقي الشهادات و أواجهم بكلامك مضطر أتحفظ عليكي أربع ايام على ذمه التحقيق.
خلود...بحزن 🥺 وانا معنديش مانع.
حاول أمجد والمحامي انهم يخرجوها بكفاله بس منفعش وفهمهم ان قانونياً مينفعش المتهم في قضيه قتـ ـل يخرج بكفاله حتى لو سلم نفسه لكن وعدهم انها هتكون في حبس لوحدها عشان محدش يضايقها و أثتثناء ليهم يقدروا يروحلها في أي وقت يشوفوها وهيوصي عليها بنفسه تكون معززه مكرمه.
تقى كانت منهاره وبتعيط وهي حضناها حاولوا كلهم يطمنوها ان كل دي إجراءات عاديه وقريب هتخرج لكن خلود كانت في دنيا تانيه خالص 💔🥺
وقبل ما ياخدوها على مكان الحبس وقفت خلود وبصتلهم.
خلود....انا مش عارفه هخرج من المحنه دي ولا لأ انا راضيه بكل اللي ربنا هيكتبه ليا بس لو مطلعتش منها لازم تعرفوا حاجه مهمه انكم كنتوا ليا الأهل والسند اللي افتقدتهم يوسف 🥺انت احسن حد شوفته في حياتي وقفتك معايا لايمكن انساها استاذ مراد يابخت ابنك بيك بجد💔
وقفتك معايا جميل في رقبتي طول العمر انت ويوسف اما انتي ياتقى ربنا عوضني بيكي بعد تسنيم يمكن قضيت معاكي وقت مش طويل بس يعلم ربنا اني حبيتك من قلبي وأتمنيت تكوني اختي وصدقيني ربنا هيعوضك عن اي وجـ ـع عشتيه🥺
استاذ زيد مكانش في فرصه كافيه نتعرف فيها على بعض بس الكام يوم اللي شوفت حضرتك فيهم عملت معايا اللي أهلي معملهوش💔🥺
شكراً ليكم من كل قلبي❣️
حضنتها تقى اوي وهي بتعيط وبعدين مشيت مع العسكري 💔
الكل كان حزين عشانها لكن كانوا عارفين ان اللي بيحصل ده إجراءات لازم تتعمل مشيوا كلهم بعد ما رجعوا تاني وصوا محمد وأمجد عليها.
.............
عند فيروز وحسام
وصلوا للدكتور عشان يكشف عليها ويعرفوا نوع الجنين.
حسام كان ساكت ومش على طبيعته يادوب بيبتسم فيروز كانت حاسه انه مش طبيعي بس فرحتها بمعرفه البيبي خلتها متركزش معاه اوي.
فيروز....ها يا دكتور نوع البيبي ظهر.
الدكتور بإبتسامه....هو ظهر قدامي بس الأول قوليلي نفسكم في ولد ولا بنت.
فيروز....بفرحه انا نفسي في بنوته اوي بس طبعاً اللي يجيبه ربنا كله خير.
الدكتور....وانت يا بطل نفسك في ايه؟
حسام....ده اول بيبي لينا فا اللي هيجي هكون مبسوط طبعاً
فيروز....بإبتسامه حسام نفسه في ولد.
حسام....🙄هو اكيد لو ولد هتبسط بس كمان لو جات بنوته مش هضايق خالص.
الدكتور....طيب الحمد لله عموماً فيروز تكسب
فيروز....بسعاده بنوته😍
الدكتور....بإبتسامه أيوه يا ستي بنوته و أكيد هتطلع قمر لمامتها
فيروز....بجد يا دكتور🥺
الدكتور.....اه والله بنوته والحمد لله زي الفل كل مقاستها حلوه اوي
حسام....مسك ايد فيروز طيب الحمل كويس يا دكتور مفيش قلق
الدكتور....لا خالص اطمن الحمد لله الحمل كويس جداً ومفيش أي مشاكل اطمنوا وبلاش بس قلق وتوتر نقدر نقول اننا المرادي عدينا مرحله الخطر والحمل ثابت بس بردوا لازم نلتزم يا فيروز بلاش حركه كتير والحركه تكون بحساب خلينا نعدي باقي الشهور على خير وانت يا بطل نخف شقاوه على قد ما نقدر.
حسام....بضحكه بسيطه اطمن يا دكتور هنلتزم بكل تعليمات حضرتك.
فيروز...وانا مش هتحرك كتير اطمن.
الدكتور....ربنا يكملك على خير يارب.
خرجوا من عند الدكتور ركبوا العربيه كانت فيروز طايره من الفرح.
فيروز....حبيبي مالك ساكت ليه مش مبسوط انها بنوته.
حسام....لا طبعا مبسوط ليه بتقولي كده.
فيروز....مش عارفه بس حساك بقالك كام يوم مش على بعضك وحسيت انك متبسطتش اوي انها بنت.
حسام....لا خالص يا حبيبتي مضغوط بس في الشغل لكن اكيد مبسوط المهم قوليلي نفسك تسميها ايه بقى❣️
فيروز....مش عارفه لسه مفكرتش كنت عايزه بس اطمن عليها دي اهم حاجه بس اكيد هنختار اسم حلو ليها😍
حسام...ان شاء الله يا حبيبتي.
كمل حسام طريقه وطول الطريق فيروز بتتكلم معاه وبترغي كتير وفرحتها باينه في عينها وحسام يبتسم ويحاول يجاريها في الكلام
اتصلت فيروز بروح وكلمتها هي وصبا وفيروز وهي طايره من الفرحه وهما فرحانين لفرحتها لحد ما وصلت الڤيلا.
كانوا بيحضروا العشاء.
ومنذر لسه واصل.
كاريمان....ايه يا حبايبي طمنوني عملتوا ايه؟
حسام....الحمد لله يا ماما الحمل بخير اطمني.
كاريمان...الحمد لله يارب طيب ايه فرحوني عرفتوا نوع البيبي.
فيروز....بنوته😍
كاريمان...الحمد لله خير كل اللي يجيبه ربنا خير 😍
منذر...بابتسامه جميله مبروك يا فيروز.
فيروز...الله يبارك فيك يا منذر عقبالك.
كاميليا....تتربى في عزكم ان شاء الله ناويين تسموها ايه بقى.
فيروز....بضحك لسه مش عارفين والله يا طنط.
كاميليا....هتنزل بأسمها ان شاء الله.
سما....بغيظ ابتسمت بس حسام كان نفسه في ولد.
منذر....كل اللي يجيبه ربنا كويس يا سما 😒وولد من بنت مش فارقه كتير ان شاء الله المره الجايه يجي ولد ولا ايه يا بطل.
حسام...طبعاً المهم بس تيجي سليمه وصحتها كويسه.
كاريمان....هتبقى زي الفل ان شاء الله يلا اطلعوا غيروا عشان ناكل وانت يا منذر اطلع عشان تغير.
منذر...ماشي.
فيروز....انا هطلع يا حبيبي مش هتيجي.
حسام....لا انا مش قادر لما نتعشى ابقى اطلع اغير على طول.
فيروز....ماشي.
طلعت فيروز ومنذر مع بعض وراحت كاميليا وكاريمان يشوفوا الأكل.
منذر...بإبتسامه مبروك يا أم فيروز.
ابتسمت فيروز وبصتله ام فيروز😂😂🙈 عايزني اسمي بنتي على أسمي.
منذر....بنظره حب كلها حزن وايه المشكله هو في أحلى من اسمك تسميه لبنتك.
فيروز....بس كده هنعمل أزمه ولما حد ينادي ويقول يا فيروز مين فين يرد
منذر....بضحك هي دي مشكلتك ياستي ننادى و تيجوا انتوا الاتنين وبدل ما نشوف قمر واحد نشوف قمرين و يبقى عندنا فيروز الكبيره وفيروز الصغيره😉
ضحكت فيروز طب بلاش تطلعها في دماغي🤨
منذر....لا هطلعها في دماغك وبعدين انا عمها وعايز اسميها فيروز في مانع🤨
فيروز....لا وانا موافقه على فكره المهم اقنع اخوك😂😂
منذر....هو يقدر يقول لأ ولا ايه🤨
فيروز.....عقبالك يا منذر لما تفرحنا.
منذر....سيبك مني انا المهم تقومي بالسلامه وفيروز الصغيره تنور بيتنا واعملي حسابك هتبقوا تشوفوها بإذن مني.😉
فيروز....ياسلام واحنا نطول المهم بس لو طلعت زنانه تبقى تثبت على موقفك 😂😂
منذر...تيجي هي بس بالسلامه وهتبقى على طول في حضني❣️
فيروز.....يارب يا منذر
منذر...طب يلا روحي غيري عشان انا جعان اوي.
فيروز...حاضر😍
.........
عند حسام وسما خرجوا وقفوا بره في الجنينه.
حسام....مالك ؟
سما....مفيش يا حسام انا بخير
حسام....بس انا حاسس انك زعلانه؟
سما....بحزن مصطنع لا خالص انا بخير مبروك يا حسام🥺
قرب منها حسام ومسك ايدها سما مش عايز اشوفك زعلانه كده ولازم تعرفي ان مفيش حاجه ممكن تخليني أتخلى عنك انتي فاهمه.
سما....بجد يا حسام🥺
حسام....بجد يا سما وعلى فكره
انا جوايا احساس غريب من ناحيتك مش عارف ينفع اقوله ولا لا.
سما...بإبتسامه قول يا حسام.
حسام....سما انا طول الوقت بفكر فيكي مش عارف ازاي بس انتي بقيتي محتله كل تفكيري يمكن في الاول لما حصل اللي حصل كنت متضايق من نفسي وانتي صعبانه عليا وكنت متضايق اكتر عشان فيروز ملهاش ذنب في الغلطه دي بس تاني مره يا سما لما كنتي في حضني كانت غير من وقتها وانا مش عارف ابطل تفكير فيكي مش عارف ده من حقي ولا لأ ومش عارف انتي هتقبلي كلامي ده ولا هتزعلي.
سما...بإبتسامه مسكت ايده اوي حسام انا لا يمكن ازعل منك وانا كمان عايزه اقولك حاجه يمكن بعد اللي حصل كنت تعبانه جدا ونفسيتي كانت وحشه وكل اللي كان فارق معايا احمد بس بعد كده بقيت زيك طول الوقت بفكر فيك لدرجه ان أحمد مبقاش في بالي ومبقتش ارد عليه اغلب الوقت وكمان يوم ما قولتلك عايزه اقابل احمد عشان عايز يفاجئني بعيد ميلادي وانت رفضت كان جوايا شعورين عكس بعض متضايقه من رفضك و فنفس الوقت كنت مبسوطه وحسيت وقتها انك غيران عليا.
حسام.....على فكره انا فعلاً كنت غيران عليكي و أتضايقت من فكره انك تروحي تقابليه سما لازم تعرفي اني مش مضايق من وجودك في حياتي
سما....بدموع وابتسامه حب ولا انا يا حسام 🥺 حسام انا شكلي حبيتك❣️
في الوقت ده فيروز فتحت شباك البلكونه بتاعت اوضتها وهي مبتسمه وبتشم الهواء وعينها جات عليهم تحت😳
أبتسم حسام مسك كف ايدها اوي رفعه لشفايفه وباسها وبأيده التانيه قربها من خدها مسح دموعها وانا كمان يا سما شكلي حبيتك ومش قادر استغنى عنك.
وعلى فكره بقى أنتي وحشاني😉
وحضنك وحشني.
ابتسمت سما بإحراج وبصتله وأنت كمان واحشني اوي❣️🥺
الصدمه اللي وقعت على فيروز كانت كبيره اوي حاسه بتغيير حسام من فتره طويله من أول ما عرفت انها حامل كانت شايفه ان فرحته ناقصه بس ترجمت ده على انه قلق ان الحمل ميكملش وعشان كده فرحته ناقصه طول الوقت سرحان متغير حتى لما رجعت بعد وفاة ايمن محستش منه انها وحشته ولما راح معاها انهارده للدكتور كانت بتسحب منه الكلام سحب فرحته بالبيبي وان الحمل كويس وعدى مرحله الخطر مكانتش كامله والوقت واقف مع سما ماسك ايدها و بيبوسها و مقرب ايده من وشها و واقفين قدام بعض كأنهم حبيب وحبيبته💔🥺
حست فيروز في لحظه ان نفسها بيتسحب منها و بتتخـ ـنق مقدرتش تمنع دموعها وفضلت ترجع بهدوء خطوه خطوه عشان ميشوفوهاش.
وقررت انها متتكلمش ولا تقول أي حاجه لحد ما تتأكد وتركز معاهم اكتر وتحاول على قد ما تقدر تكون طبيعيه.
وبعد وقت بسيط لما تمالكت اعصابها نزلت واتعشوا مع بعض حاولت تكون هاديه وطبيعيه لكن فضلت عينها عليهم ونظرات العيون اللي كانت بينهم اثناء الأكل كانت كفيله تأكد شكوك فيروز💔
...............
بعد ما مشي زيد من النيابه طلع على المستشفى اللي فيها چورچ عشان يطمن عليه.
زيد....بابتسامه ايه يا چورچ صحتك جات على المستشفى ولا ايه.
چورچ...بأبتسامه حب يظهر كده يا زيد.
زيد....اه ماهو واضح منذر لما كان هنا بيقولي انك بتعاكس الممرضين🤨
چورچ....انا ؟!!
😂😂محصلش ده انا معملتهاش زمان هعملها الوقت.
زيد....ياسلام معملتهاس زمان نعملها الوقت قوم انت بس وشد حيلك وهجيبلك بنفسي عروسه زي القمر.
چورچ....بضحك عروسه مره واحده.
زيد...اه عروسه مره واحده ياسيدي انت لسه شباب وزي القمر عيون خضره وشعر اصفر يا جدع انت بس لولا الهم اللي انت شايله كان زمانك غطيت علينا كلنا🤨
چورچ...ربنا يسعد قلبك يا زيد زي ما بتحاول تخفف عني انت ومنذر.
زيد...على فكره بقى احنا مش بنخفف عنك دي الحقيقه انت زي الفل واظن انت سمعت بنفسك كلام الدكتور حالتك النفسيه والكبت طول السنين دي اللي وصلوك للحاله اللي انت فيها وشكلك كده كنت بتتابع حالتك مع دكتور نص كم🤨
چورچ...نص كم ليه بس الدكتور كان شاطر.
زيد....بأماره ايه يوهمك على نفسك ويقولك انك مرحله رابعه والكيماوي مش هينفع في المرحله دي والدكاتره هنا كلهم أجمعوا إنك زي الفل ونسبه شفاك كبيره
جداً وتقولي كان شاطر😒
چورچ....صدقني يا زيد انا مش خايـ ـف من المـ ـوت ولا عندي اللي اخـ ـاف عليه بعد ما امـ ـوت عشان مليش حد.
زيد....ياراجل لولا انك تعبان كنت شوفت شغلي معاك امال انا ومنذر ايه😒 خلاص طلعتنا من حساباتك
چورچ....مين قال كده ده انتوا عيلتي و أهلي وناسي وصحابي وولادي اللي مخلفتهمش.
زيد...طب أمال ايه بقى لازم اقلب عليك🤨 وبعدين ولادك ايه عايز تكبر نفسك انت بس فوق هتلاقي العروسه مستنياك وهتجبلك الواد😉
چورچ....بردوا😂😂
زيد....اه ومش هتنازل عن اني اشوفك احلى عريس وشايل ابنك على ايدك
و على فكره انا مرضتش اناهد معاك كتير انا ومنذر على حوار العوامه وسبتك تكتبها لينا بس اول ما تقوم على رجلك كل حاجه هترجع زي ما كانت ولحد ده ما يحصل متشلش همها انا من بكره هجيبلك كام ويتر وواحد يمسك الإداره والشغل هيمشي كأنك موجود.
چورچ...ربنا ما يحرمني منكم ابداً ولو ليا عمر يا زيد وقومت من رقدتي دي مفيش حاجه هتتغير وهتفضل العوامه بأسمكم بردوا.
زيد...هنتكلم في الموضوع ده بعدين الوقت بس مش عايزك تفكر في اي حاجه غير في نفسك وصحتك والعروسه🤨
چورج....بابتسامه لا ده انت مصمم بقى😂😂
زيد....وانت عارفني دماغي جزمه قديمه😉😂😂 ربنا يبارك في عمرك وتفضل منور حياتنا يا حبيبي.
چورچ...ربنا يديمكم من حلاوه الدنيا يا زيد انت ومنذر ويراضي قلبكم اللي انا عارف انه شايل كتير بس اطمن انا واثق ان الحال ده مش هيدوم كتير وبكره تقول چورچ قال❣️
ابتسم زيد بحب وهز راسه ان شاء الله يا چورچ.❣️
..............
في صباح يوم جديد
في مكتب مراد دخل امير ومعاه ورق شغل
مراد...خير يا سي امير
امير....بقولك ايه البند ده مكتوب في الشروط وانا مش فاهمه
مراد...وانت من امته بتفهم اقعد افهمك يا أخرت صبري😒
أمير....ياجدع ما تفهمني وانت ساكت لازم التقطيم ده😒
ضحك مراد وبدا يفهمه وبعد ما خلص
مراد....ها فهمت ولا اعيد تاني
امير...انا اصلا كنت فاهم على فكره😒
مراد...اه ما انا عارف يا ابن الكلب
دخلت تقى في الوقت ده.
تقى....مساء الخير
امير...مساء السكر😉
ابتسمت تقى غصب عنها.
مراد...اظبط يالا بدل ما اضـ ـربك قدامها🤨
امير....وانا قولت حاجه🙄
تقى...بابتسامه مستر مراد مش هتقوم تاخد بريك شويه عشان تاكل حاجه.
غمز امير لمراد من غير ما تقى تاخد بالها😉
مراد...😒😒😒
ااا انا مش جعان والله يا تقى انا بس عايز قهوه.
تقى...لا طبعاً كفايه قهوه انت شارب اكتر من سته من غير اكل وده غلط عليك يلا قوم بقى.
اهتمام تقى بمراد كان ملحوظ جدا لمراد نفسه كان بيحاول ديماً يتهرب وخايـ ـف انها تكون فعلاً متعلقه بيه خـ ـاف احتياجها لأبوها واهلها يخلوها تتعلق بيه خصوصا بعد معاملته الرقيقه معاها.
وقبل ما يعترض مراد.
امير....صراحه هي عندها حق خـ ـاف على صحتك و وفرها يا برنس😉
مراد...ابتسم وعض على شفايفه ياض هزعلك والله .
امير...بضحك الله هو انا قولت ايه غلط بس بقولك ايه يا تقى ده ابويا وانا عارفه مبيجيش معاكي سكه غير لو حطتيه قدام الامر الواقع روحي هاتي اكل ليكي انتي وهو وكلوا هنا مراد مش بيحب ينزل الكاڤيتريا كتير.
تقى....بإبتسامه لو كده ماشي هجيبه.
مراد...انتوا الاتنين بتتفقوا عليا يعني.
امير...ماهي جاتلك بالذوق رفضت وبعدين عيب في حقك يا برنس في واحد چان زيك كده يرفض ياكل مع القمر دي.
ابتسمت تقى بإحراج😊
مراد....لا وانت بتفهم في الذوق اوي.
تقى...احمم انا هروح اجيب الأكل هتاكل يا امير اعمل حسابك
امير...لا انا هنزل اكل مع ياسين وجلال وملك وكمان فرح اول يوم ليها هاكل معاهم.
تقى...تمام بعد اذنكم.
مراد...تقى فكي وشك شويه ومتقلقيش على خلود هتخرج.
تقى...يارب.
امير...خير ان شاء الله ادعيلها بس
تقى....ربنا يرجعها بالسلامه يارب يلا بعد اذنكم.
اول ما خرجت وقفلت الباب بص مراد لأمير بغضب.
مراد...مش هتبطل رخامت اهلك دي😡
أمير...الله انا نطقت بس بقولك ايه😉 انا ملاحظ ان المزه مهتمه بيك على الاخر.
مراد...يا ابن الكلب مزه ايه دي قدك تقريباً يعني اخلفها😡
أمير...بس انا مش شايف انها شايفه كده 🤨
مراد...ولا قوم من هنا بدل ما اضـ ـربك وانت شحط كده😡
امير...بضحك على فكره بقى انا بتكلم جد عايز تقولي ان مراد باشا بنفسه مش شايف الاهتمام ده كله😒
مراد....لا شايف بس مش هينفع يا امير البت صغيره قدك عايزه واحد من سنها مش واحد قد ابوها.
امير....بقولك ايه بلاش والنبي قد ابوها دي انت اللي بيشوفك معانا بيفكرك قدنا وانت عارف كده ولو عالسن ده مجرد رقم البت حلوه ومؤدبه وشكلها واقعه فيك يا ڤالانتينو 😉
مراد....هرج هرج انت مش فالح غير في كده.
امير...والله ما بهرج يا مراد ليه لا لازم تفكر في الجواز
مراد...قولتلك مينفعش انا بشوفها زي بنتي ولو ياسيدي هفكر في الجواز مش هتبقى تقى حرام اظلـ ـمها معايا دي لسه صغيره محتاجه شاب تشوف في عينه حلاوه الدنيا ويعوضها عن قساوة اهلها.
امير....بالعكس بقى واسمحلي اقولك لاول مره ان تفكيرك غلط مش كل الشباب هيقدروا يعوضوها على فكره ولو على العوض تقى مش هتلاقي حد احسن منك يعوضها يا مراد البت شكلها اتعلقت بيك بجد من يوم ما انقذتها وانت ديماً واقف في ضهرها طبيعي قلبها يميل لقلبك و لو على الشباب كلنا هنا قدامها تفتكر متعلقتش بينا ليه؟
مراد...ليه يا ناصح🤨؟
أمير...عشان هي لقت فيك اللي ملقتهوش فينا وده مش عيب فينا بس هي قلبها اختارك شافت فيك الاب والاخ و الصاحب والداعم والاهل كلهم معملتش زيك وبصت للسن يا مراد اسمع مني اه انت ابويا والمرفوض انت اللي تنصحني وتوجهني بس انا كمان المفروض لما الاقيك محتاج نصيحه وتوجيهه أقول من غير كسوف البت بتحبك يا مراد وانت بتقاوح و كل تفكيرك في فرق السن اللي بينكم.
مراد....ماهو ربنا عرفوه بالعقل يا امير انا اكبر منها بأكتر من عشرين سنه انت شايف انهم قليلين
امير....لا مش قليلين معاك بس الكلام ده لواحد مش واخد باله من نفسه لواحد مدمر صحته مش رياضي زيك لواحد مش في حنيتك لواحد ميعرفش يحتوي الست ويبقى رومانسي انت كل ده فيك يا مراد انت بس اللي مش عارف قيمه نفسك خدها مني نصيحه يا مراد سيب نفسك وانسى حوار السن ده مش يمكن تقى تكون عوض ليك زي ما انت عوض ليها على فكره مش عشان انت ابويا بس لو انا مش عارف انك احسن حد في الدنيا مكنتش قولتلك كده انت جميل يا مراد وقلبك ده مفيش زيه وهتحافظ على تقى هتبقى بنتك وحبيبتك ومراتك ومش بعيد تبقى ام ابنك وتجبلك عيل يلحس دماغك وتنساني😉
ضحك مراد بحب قوم يالا من هنا وروح كل انت جاي تبوظ دماغي😒😒
أمير...اه بصراحه بقى واعمل حسابك اني موافق على العروسه😉 ومش عايز غيرها البت قمر و هتجبلك عيل قمر زيها .
مراد...طب يلا امشي بطل صداع يلا.
امير...😉😉همشي وهسيبك تفكر ياعريس.
مراد...امشي يا ابن الكلب من هنا😡
امير...بضحك وهو قايم يجري طب خلاص ماشي يلا سلام.
قفل امير الباب وخرج.
ابتسم مراد وفضل يهز في راسه.
فتح امير الباب تاني ودخل راسه ايه فكرت🤨
مراد...بضحك امشي ياض من هنا😡😡😂😂😂😂
...........
وللحديث بقيه....