#ملحمة
#مملكة_الطوبجي
#أميره_أسامه
#صاحبة_البطل_الواحد
البارت الثلاثون..
في قصر الطوبجي.
أجتمع الجميع على السفره على العشاء.
روح...يلا يا جماعه اقعدوا.
راجح....يلا ياولاد كلوا
روح....هو فين جلال المقرف ده على طول متأخر كده.
أمير....نازل يا روح كان معاه تليفون بس.
ياسين....فرح هاتي السكـ ـينه اللي جمبك دي.
فرح....حاضر قربت فرح السكـ ـينه منه وهي بترجع بأيدها خبطت طبق الشوربه وقع منه حبه على رجلها صـ ـرخت فرح ورجعت بسرعه وراء بالكرسي.
زيد....وقعت عليكي؟
روح...جرالك ايه؟
فرح....بسيطه بسيطه.
أمير....اطلعي غيري بسرعه وحطي عليها تلج.
فرح...بسيطه والله مفيش حاجه.
زيد....أسمعي الكلام و أطلعي حطي عليها مايه بسرعه.
فرح....حاضر.
راجح....روح خلي عايده تلحقها بالتلج بسرعه.
عايده....سمعته حالاً يا باشا.
روح....نادي الجزمه ده وانتي جايه قوليلوا يخلي عنده د م الأكل اتحط.
فرح....حاضر يا مامي.
بدأوا ياكلوا كلهم
روح....مجبتش ليلى ليه يا داوود مش قولت هتجيبها معاك.
داوود....مرضيتش والله يا روح قالتلي مش قادره وهتجيلك بكره تقعد معاكي شويه.
روح....هتنور طبعاً هستناها.
مراد....هي عامله ايه الوقت؟
داوود...يعني احسن كتير من الأول.
راجح....داوود عايزين نستنى شويه كده بعد الاربعين وبعدها نتكلم في موضوع جوازكم.
بص داوود لروح وليهم كلهم
داوود....ايوه ياراجح بس ميتهيأليش هينفع الوقت خالص
راجح...انا مقولتش الوقت يا داوود انا بقول بعد الاربعين نبدأ نتكلم.
داوود...بيتهيألي صعب حتى لو هيكون مجرد كلام.
راجح....لو على ليلى سيبهالي انا هتكلم معاها.
داوود...مش حكايه ليلى بس اولا ليلى اكيد مش هتقدر الوقت وانا كمان مش هقدر صعب عليا وعلينا كلنا يا راجح أيمن لسه واجـ ـعنا كلنا.
بصت روح بحزن على الفراغ🥺
راجح....لسه واجـ ـعنا ولسه وجـ ـعه مكمل معانا أيمن مش هيتنسى يا داوود.
داوود...أكيد بس على الاقل تعدي سنه على وفاتهم.
راجح...بنبره قاطعه وهو العمر في كام سنه يا داوود ؟ أظن عدى كتير اوي وانتوا بعيد العمر جري بيك وبيها بلاش تضغط عليا اكتر من كده وتحسسني طول الوقت بالذنب.
داوود...لا يا حبيبي والله ما قصدت بس كل الحكايه ان سنه هتبقى مبلوعه شويه.
راجح....و هتقدر تطمن عليها كل ده وهي لوحدها داوود ليلى مبقاش ليها حد وحتى لو بتشوفها و بتطمن عليها كل يوم مبقتش ينفع تبقى لوحدها ولو خـ ـايف على زعلي عشان ايمن انا ابوه وبقولك اتجوز وهات ليلى تعيش وسطنا الجواز لا هو عيب ولا حرام.
روح...بحزن راجح معاه حق يا داوود.
داوود...انتي يا روح اللي بتقولي كده.
روح....ايوه يا داوود انا حاسه بي
ليلى وعارفه هي عامله ازاي مبقاش ينفع تفضل لوحدها ولا بقي ينفع تفضل في الحزن ده علي طول اتجوزوا وخليها تيجي هنا وكلنا نبقى مع بعض اللي راح مش قد اللي جاي متضيعش عمركم بايدكم يا داوود ومتنساش ان ليلى مش لسه بنوته صغيره وانت اكيد فاهم كلامي ليلى سنها بيكبر وفرصتها في انها تبقى ام بتقل بلاش تحرمها من الامومه يا داوود.
داوود...انا اكيد مش عايز احرمها من الأمومه بس كمان الحزن مش زرار ندوس عليه ينتهي ياروح.
روح....معاك حق لا ليلى هتقدر تنسى ولدتها ولا احنا هننسى ايمن بس الحياه لازم تستمر يا داوود مينفعش نوقفها.
مراد....خلاص عندي حل كويس نقسم البلد نصين فات شهر تقريباً على وفاتهم نستنى لحد ما يتموا على الاقل ست شهور وتعتبروا الفتره دي زي تجهيز تقرروا فيها الڤيلا بتاعت ليلى هتفضل موجوده ولا هتتباع وتجهز الجناح بتاعك بفرش جديد عشان ليلى تحس انها عروسه فعلاً خصوصاً يعني ان بيتهيألي مش هينفع فرح.
داوود...فرح ايه انت كمان انا حتى لو أستنيت سنه مكناش هنعمل فرح خلاص.
مراد...يبقى اتحلت هنعمل قاعده عائليه جميله تكتبوا الكتاب ونسهر سهره حلوه بره مع بعض وبعدين ترجع معانا وممكن بعدها تاخدها وتسافر اي مكان تقضوا فيه شهر العسل تعويض يعني ليها عن موضوع الفرح.
قاسم....انا شايف ان ده حل حلو اوي.
راجح...وانا كمان موافق عليه.
داوود...بحزن وأنتي يا روح؟
روح...بإبتسامه موافقه طبعاً يا داوود أهم حاجه عندي سعادة ليلى وسعادتك وأهي مناسبه حلوه تغير مودنا كلنا.
داوود...ايوه بس ااا
زيد....بس ايه يا داوود ما خلصنا انت مطمن عليها وهي بعيد لوحدها كده اكيد لا واظن كتب الكتاب بينا وبين بعض حاجه عاديه يعني افرح يا داوود وفرحها انتوا مستنين اللحظه دي من زمان يا حبيبي واحنا مستنيها اكتر منك بكتير.
سالم...صراحه انا نفسي اشوفك عريس يا داوود والله العظيم❣️
راجح....بنفس النبره الجاده وأعمل حسابك انت وهو وهو تفكروا في الموضوع ده انتوا كمان ولا عجبتكم حياه العزوبيه دي.
بص سالم وزيد ونادر وياسين ويوسف لبعض.
سالم...بابتسامه بسيطه وتوتر في ايه يا باشا فكره الجواز مسيطره عليك كده ليه انهارده.
راجح....بعصبيه بسيطه طلع بطاقتك انت وهو وشوفوا فيها اعماركم بقت قد ايه انا في سنكم كنت جايبكم كلكم تقريباً😠
نادر....ااا ايوه ياباشا بس كان في حد في حياتك وقتها إذا كانت حياه الله يرحمها ولا روح لا كن احنا. اااا
قاطعه راجح بصرامه...انتوا ايه؟ عايز تقنعني ان مفيش حد في حياتك انت وهو ولا خلاص اتعودتوا على السرمحه واللف ورا البنات ونسيتوا الحلال.
كلامه وجـ ـعهم كلهم فضلوا يبصوا لبعض باستغراب وحس زيد ان الكلام وجـ ـعه اوي ساب المعلقه من ايده وبق يهز رجله من غير ولا كلمه.
مراد....مالك يا راجح فيك ايه يا اخويا انهارده ولادك زي الفل و أوعى يغرك يعني سهرهم وخروجهم والكلام ده بس زي ما قالك نادر يمكن لسه ملاقوش بنت الحلال ومتنساش ان الشغل واخد كل وقتهم.
بصله راجح بغضب...أتلهييييي انت كمان ما انت زيهم بالظبط 😠
نزلت في الوقت ده فرح وجلال واتصدموا من صوت راجح العالي قعدوا من غير ولا كلمه.
جلال...بصوت واطي لأمير هو في ايه؟
أمير....مش عارف أبوك نازل فيهم جلد بقولك ايه بلاش هزارك الوقت خالص بدل ما يلبسك الاطباق دي كلها وانت جمبي 🥴
جلال....ماشي.
مراد....بإبتسامه عشان يلطف الجو اتبستطوا اهو شايفني انا اللي بوظتكم كمان.
راجح....لا بوظتهم ولا بوظوك احوالكم كلها مش عجباني وانت اولهم تقدر تقولي سايب نفسك كل السنين دي من غير جواز ليه طول السنين دي وانا اقول بكره يتجوز ويعملها تاني بس واضح ان البيه عايش على الذكرى القديمه مع اللي سابتك انت وابنك.
بمجرد ما نطق الكلمه دي بص مراد بسرعه لأمير اللي ابتسم بوجـ ـع كلهم أتصدموا من هجوم راجح بالشكل ده و بصوا على امير بسرعه.
روح....راجح في ايه مالك يا حبيبي.
راجح....ايه مش عاجبك كلامي انتي كمان ياروح؟😠
ابتسمت روح بهدوء وجـ ـعتها طريقته بس حبت تحتوي الموقف وتحتوي غضبه اللي هي عارفه سببه.
روح....لا يا حبيبي بس بهدوء شويه.
فضل مراد باصص على أمير بوجـ ـع
وامير عينه في الطبق اللي قدامه
حط جلال ايده على رجل امير طبطب عليه.
راجح....هدووووء ودول ينفع معاهم هدوء عاجبك حالهم ابقى مخلف 8 رجاله ميتجوزش منهم غير اتنين وميبقاش لينا احفاد غير ولاد قاسم.
بقلم اميرة اسامة
بصت صبا بسرعه لراجح بوجـ ـع💔
بصتلها روح وهي بتكلمها بعينها كانها بتقولها حقك عليا.
مراد....راجح اسف اني هتعدى حدودي لاول مره بس ارجوك خلي بالك من كلامك يا اخويا انت عمرك ما كنت قاسي كده.
راجح....وعشان عمري ما كنت قاسي وصلتوا لكده وجه الوقت اللي أقسى عليكم عشان تشوفوا حياتكم وإلا العمر هيجري بيكم واظن كفايه العمر اللي جري بيك انت يا مراد ايييييه خـ ـايف على امير ما اهو بقى راجل قدامك مستني ايه كل ده.
مراد....دي حياتي يا راجح وانا اللي المفروض أمشيها زي ما انا عايز.
امير...بوجـ ـع وهو باصص للطبق قاطع غضب راجح قبل ما ينطق
عمي معاه حق يا مراد رفع وشه وبصله بإبتسامه بسيطه انا مبقتش صغير وحياتك مينفعش تقف على اي حاجه لو وقفتها عشاني فا انا معاك عايش وسطكم وعايش معاك من صغري واكيد لو أتجوزت هتفضل معانا زي داوود
ولو عايش على ذكرى اللي سابتنا زي ما عمي قال فا انت غلطان يا مراد هي نفسها اكيد نسيتنا وعاشت حياتها.
بصوله كلهم بوجـ ـع💔
مراد...بغضب طلعه على امير لكن من وجـ ـعه عليه. ايييييه انت كمان هتحكم عليا اعيش حياتي ازاي.
أمير....لا يا حبيبي انا عايز اشوفك مبسوط بجد كفايه عليك اوي لحد كده انت عمرك ما سبتني ولا قصرت معايا ابقى اناني اوي لو منصحتكش يا صاحبي🥺❣️
بصله مراد بوجـ ـع🥺💔
راجح...اهو قالك يا مراد العيل الصغير طلع بيفهم اكتر منك شوف حالك ابنك نفسه مش هيفضل من غير جواز وانتوااااا
اظن كلامي وصل ليكم كلكم حياتكم دي تتغير وفي اسرع وقت .
سالم...بغضب بسيط يعني ياباشا نعمل ايه عايزنا نصحى الصبح نجبلك عرايس ونقولك جاهزيين هو في كده.
ضـ ـرب راجح بأيده على التربيزه بغضب...ايييييوه في كده😠 ولو مش هتعرف تجيب ياسالم باشا انا اجبلك.
سالم....هتجبرنا على الجواز يا باشا هو احنا قدامك صغيرين ده احنا بقينا رجاله.
راجح...قول لنفسك لما انت شايف انك كبرت وبقيت راجل مستني ايه عشان تفتح بيييييت انت ناسي انك تاني ولادي يعني انت اكتر واحد المفروض ياخد الخطوه دي😠.
كلامي مش هكرره تاني وحطوه حلقه في ودنكم كلكم وانت كمان يا ابن الكلب.
بص جلال حواليه بطريقه مضحكه اناااا😳 طب وانا مالي انا لسه صغير.
راجح....24 سنه وصغير انا في سنك كنت فاتح بيت😠
جلال....وانت عايزني انا افتح بيت ده انا مبعرفش افتح علبه تونه😒
ابتسم ياسين ويوسف وخبوا وشهم 🙈
راجح....لا فالح يا اخويا و بتتباهى اوي انك خايب😠
جلال....اهدى بس ياباشا كده وروق هي روح مزعلاك ولا ايه.
راجح...اتلم يا جلال بدل ما اقوم امد ايدي عليك مش وقت هزارك ده😠
جلال....طيب بزمتك في احلى من الهزار وبعدين يا باشا يعني انت ابو الحنيه كلها ينفع يعني تزعل الكل منك كده🙄
راجح...اللي يزعل يشرب من البحر ولا الصراحه بقت تزعل.
جلال....اه طبعاً بتزعل هو في احلى من التطبيل😁
راجح...هقوملك يا جلال😠
جلال...اهو بعد جلال دي والله ممكن ازعل منك واخد على خاطري كمان بزمتك وبصراحه بقى قدام انت من مؤيدين الصراحه انت مش شايف ان من الظـ ـلم ان اصغر واحد في ولادك الصبيان تسميه جلال.
ضحك داوود...انت عايز تضـ ـرب فعلاً
راجح....وماله جلال إن شاء الله ده يزيدك شرف انك على اسم جدك.
جلال....مقولتش حاجه بس كمان يا باشا يعني ربنا رزقك قبلي بسبع صبيان الله اكبر يعني انا مش بحسد بس مفتكرتش تجامل ابوك غير فيا انا😒
تخيل كده يبقى اخواتي اللي اكبر مني قاسم زيد نادر يوسف ياسين سالم ايمن والصغير اسمه جلال صراحه ربنا انا شايل منك اوي😒
داوود....ماهو عشان انت اخر العنقود بقى وبيحبك اوي سماك على اسم الغالي.
جلال....امال لو مكنتش انا اخر العنقود كان عمل فيا ايه😒
داوود....اللي اعرفه ان ابوك مسماش غيرك انت روح اللي سمت اخواتك كلهم وعلى حظك صمم يسميك جلال.
بص جلال لروح...😒 ايه الشخصيه القويه جات لحد عندي وراحت للي خلقها مكنتيش قادره تدلعي عليه.
ابتسمت روح وهزت راسها شمال ويمين...مفيش فايده فيك.
راجح...احترم نفسك يا ابن الكلب
جلال...ماشي يا حاج😒
خد راجح نفس طويل...اظن كلامي مفهوم ليكم كلكم قدامكم فرصه لحد ما داوود يتجوز وبص لمراد نفس المده اللي حكمت بيها يا مراد باشا الست شهور هتطبق عليكم كلكم مفهوووم.
قام راجح بغضب طلع على فوق.
فضلوا كلهم قاعدين لا بينطقوا ولا بيتكلموا💔
حاول جلال يلطف الجو خصوصا عشان أمير لكن الوضع كان موتر جداً
وبمجرد ما قام راجح وطلع قامت روح من مكانها راحت على امير و طت على راسه باسته بحب وضمت راسه لصدرها حقك عليا انا يا حبيبي.
أمير.....وانتي ذنبك ايه بس يا روح انا مش زعلان صدقيني
مراد....عاجبك اللي عمله ياروح.
روح....حقك عليا يا مراد انت عارف راجح اكتر مني اللي كان قاعد ده مش راجح انا واثقه انه فيه حاجه تعباه وجات فيكم.
سالم...بغضب يحدد معاد وكأننا بنات ويحكم علينا نتجوز وتقولي جات فينا ياروح.
روح....يا حبيبي انت عارف ابوك عمره ما كان كده صدقني.
زيد...بعد طول صمت💔 روح معاها حق يا سالم
سالم...معاها حق انت معانا في حكمه ده على فكره.
زيد....سالم برغم ان اللي حصل ده ضايقني اوي وكلام ابوك وجـ ـعني بس انا مبسوط.
نادر....مبسوط عشان اللي عمله فينا ولا على اللي عمله في مراد وامير.
زيد...بوجـ ـع مراد انت وامير حقكم على راسي انا عارف يا امير انه وجـ ـعك بس صدقني هو ميقصدش وانت عارف عمك كويس.
امير....والله ما زعلان منه يا زيد هو معاه اصلاً واللي قاله ده واقع فعلاً ومقالش حاجه غلط.
مراد....بحزن طيب وتفسيرك ايه يا زيد للطلعه اللي ابوك طلعها فينا دي الكلام كان مع داوود وفجأه اتحول.
زيد....صدقني يا مراد هو كان محتاج للطلعه دي أوي مش من انهارده من اول ما ايمن مـ ـات💔 بابا طول الفتره اللي فاتت لا بين وجـ ـعه ولا اتأثر ولا شوفناه نزل دمعه واحده على ايمن تقدروا تقولوا كده ان الوجـ ـع وصل لأخره عنده وزي ما احنا عارفين كتر الضغط يولد الإنفـ ـجار وهو طول الفتره اللي فاتت بيحاول يكون قوي ثابت جامد كتم جواه وكبت نفسه على الأخر لحد ما انفـ ـجر زي ما شوفتوا.
روح....بإبتسامه لزيد براڤو يا زيد معاك حق في كل كلمه فضلت روح واقفه جمب امير حاطه ايدها على كتفه وبصالهم
ابوكم ده عشرة عمري بفهمه وبعرفه من عينه ببقى عارفه اللي جواه من قبل حتى ما ينطقه لسانه عدينا بحجات كتير اوي انا وهو مع بعض عمري في حياتي ما شوفته في الحاله دي عمري ما شوفته قاسي ويمكن كمان اول مره راجح في حياته يعملها ويتعصب عليا اه يمكن نكون اختلفنا كتير في حياتنا زي اي زوجين بس عمره ما زعلني ولو حصل و أتناقشنا وكان متعصب عمره ما يعملها قدام أي حد بس انهارده عملها قدامكم للحظه حسيت اني اتضايقت بس بسرعه شوفت في عينه نظره وجـ ـع وكسره مشوفتهاش غير مره واحده زمان يوم ما حياه اختي مـ ـاتت كان ضايع وحاسس بالكسره والوجـ ـع والحزن كان مالي عينه وانهارده شوفت في عينه نفس النظره وفهمت على طول ان راجح واصل لدرجه كبيره من الوجـ ـع مقدرتش ألومه وسبته يخرج اللي جواه عشان يرتاح
زيد معاه حق وشاف في عين ابوه اللي انا شوفته وانتوا كمان اكيد حسيتوا بيه🥺💔 عشان انتوا عارفين راجح وعارفين طيبه قلبه وحنيته وانه لا يمكن يجـ ـرح حد او يقسى عليه إلا لو مكانش في وعيه.
داوود...هيهدى و هيبقى كويس وهينسى كل حاجه قالها .
روح....مراد لو انا غاليه عندك انت وامير متزعلوش منه
مراد...بحزن انا مقدرش ازعل منه يا روح راجح مش بس اخويا ده ابويا انا بس كلامه وجـ ـعني واللي وجـ ـعني اكتر اني شوفت في عين ابني حزن لأول مره اشوفه ياروح حسيت وقتها اني مقدرتش اختارله ام صح💔
امير...بابتسامه في ايه يا مراد مالك قالبها دراما ليه ام ايه بس وبتاع ايه انا لو ليا ام يا مراد هتبقى روح مش الست اللي انت اتجوزتها
حضنته روح بحب❣️
مراد....حقك عليا يا امير سامحني💔
أمير...بابتسامه هسامحك بس بشرط🤨 اختار عدل المره الجايه الله يباركلك😒
ابتسم مراد بحب لأمير مره جايه😏
أمير...اه يا اخويا مره جايه بس بقولك ايه ابقى هاتها موزه كده زي روح وليلى.
داوود...ما تحترم نفسك يالا🤨
أمير...بتغير هااا😉
زهره...بإبتسامه حزن ايوه كده أضحكوا والنبي وبلاش تاخدوا الموضوع بحساسيه زي ما قالت روح انا مش بحب اشوف حد فيكم زعلان.
روح...ربنا ما يجيب زعل يا حبايبي بس ده مايمنعش يعني اني موافقه على كلام راجح وهأيدوا وبشده في المده اللي قال عليها🤨
نادر....قوم ياعم انت وهو 🤨
سالم....اقعدي بقى كلي لوحدك😒
يوسف....خليه ينفعك ياست روح😒
ضحكت روح وهي شيفاهم كلهم بيقوموا بقى كده.
جلال...والنبي اسكتي بقى مقولتلهوش ليه انك بتساعديني في فتح علبه التونه😒😒 قال في سنك كنت فاتح بيت قال يلا ياعم انت وهو بلا كلام فارغ.
فضلت روح وزهره يضحكوا على جلال وعليهم كلهم.
روح...طب تعالوا كلوا طيب.
زيد....كلي انتي خلي الاكل ينفعك ياروح 😒
روح...بصدمه وهي بتضحك حتى انت يا زيد ده انا بقول عليك عاقل.
زيد...وهو بيشوح بأيده عاقله ايه بقى هو اللي يعاشر العيله دي يعرف عقل.
روح...بضحك ماشي يا زيد اصبر عليا انت واخواتك🤨
صبا....طيب يا جماعه انا هطلع أنام انا كمان.
روح...خديني معاكي يا صبا.
طلعت روح معاها
روح....صبا متزعليش من كلام راجح يا حبيبتي
صبا....مش زعلانه ياروح والله انا عارفه خالو كويس وبعدين هو مقالش حاجه غلط هو فعلاً ملهوش أحفاد غير من قاسم
روح...دي حاجه بتاعة ربنا يا صبا و صدقيني عمر راجح ما حتى اتكلم في الموضوع ده معايا ولا حتى مع نفسه يمكن كان يتمنى ايمن يكون عنده اولاد بس هو في النهايه عارف ان دي حاجه خاصه بيكم.
صبا...بحب عارفه والله ياروح وبعدين بطلي تشيلي هم الكل كده مين زعل ومين مزعلش صدقيني يمكن خالو انهارده كان قاسي في كلامه شويه بس كلنا عارفينه ومستحيل نزعل منه فكي انتي كده بس وادخلي أدلعي عليه على رأي جلال😉
روح....حتى انتي يا مجـ ـرمه😒 امشي يا بت على أوضتك.
ضحكت صبا وفتحت الباب ودخلت واول ما فتحت النور ظهر زيد من وراها وقبل ما تصـ ـرخ حط ايده على بوئها😳🥺
...............
دخلت روح على اوضتها واول ما دخلت مسح راجح دموعه بسرعه وبعد وشه عنها.
ابتسمت روح بهدوء وراحت قعدت جمبه من غير ولا كلمه.
رفع راجح عينه ليها....اسف ياروح مكانش قصدي أتعصب عليكي.
روح....عارفه ومش زعلانه❣️
راجح....حقك عليا انا عارف اني زودتها شويه عليكم كلكم بس غصب عني.
روح....مش حلو يا راجح ابداً انك تكتم وجـ ـعك بالشكل ده حتى لو مش عايز تزود وجـ ـعنا بس لازم تعبر عن اللي جواك على الاقل معايا ده احنا روح واحده يا راجح وياما خففنا على بعض
راجح....مش عايز أوجـ ـعك اكتر من كده كفايه الوجـ ـع اللي شايفه جوه قلبك💔
روح....طول عمرنا بنقسم الوجـ ـع بينا يا حبيبي بس اول مره تخبي وجـ ـعك انت فاكر لما تخفيه عني مش هحس بيك وبعدين أفرض الضغط ده عملك حاجه هعرف اعيش من غيرك يا راجح🥺
ابتسم راجح بحب و باس ايدها حقك عليا
نامت روح في حضنه عشان خاطري بلاش تشيل فوق طاقتك انا موجوده في الدنيا دي عشان تسند عليا تقويني و أقويك
بقلم اميرة اسامة
راجح....باس راسها وحط ايده على شعرها حاضر ياروح انتي عارفه
رفعت روح راسها وبصتله كمل راجح بضحك
راجح...لولا الواد جلال ابن الكلب ده ادخل مكنتش عرفت اقف وكنت زعلت مني مراد وامير اكتر من كده
روح...بإبتسامه اول مره يعمل حاجه صح🙈
راجح....فعلاً مناغشته دي خلتني هديت أينعم اه كنت عايز اقوم اضـ ـربه بس فكني شويه.
روح...ربنا يخليك لينا يا حبيبي وعشان خاطري ابقى راضي امير مراد يمكن زعل بس زعل عشان امير مش عشان كلامك معاه وصراحه وجـ ـعتلي قلبي لما جيت عليه.
راجح....هراضيه متقلقيش انا عارف اني جيت عليه بس متقلقيش.
روح...ماشي يا حبيبي❣️ يلا نام بقى وارتاح
راجح....حاضر❣️
....................
بصت صبا بخـ ـوف لزيد وهي بتاخد نفسها بسرعه ايده على بوئها و باصصلها بغضب وهو بيتنفس بسرعه هو كمان.
زيد.....متخـ ـافيش ياصبا هشيل ايدي بلاش تعملي صوت.
صبا...ااا زيد انت بتعمل ايه هنا وايه اللي بتعمله ده🥺
زيد....هو سؤال يا صبا هقوله وهخرج من هنا على طول.
صبا...سؤال ايه؟
زيد....ايمن مكانش بيخلف؟
بصتله صبا بصدمه🥺 ايه اللي انت بتقوله ده.
زيد....ده مش كلامي طلع من جيبه موبايل ايمن وفتحه وجابلها رساله جايه على الأيميل بتاعه من المستشفى.
بصت صبا على الرساله بصدمه.
زيد...طلعت من تحت لمحت موبايل أيمن منور بصيت فيه لقيت الرساله دي جايه على الايميل بتاعه من مستشفى في إنجلترا لعلاج الخصوبه و الإنجاب
وباعتين رساله لايمن يطمنوا عن اخر أوضاعه بعد العمليه الرساله مفيهاش حاجه واضحه بس أطمئنانهم ده وكلامهم عن عمليه ملوش غير تفسير واحد إن ايمن مكانش بيخلف.
صبا....بتوتر اا لا لا أيمن كان كويس وانت عارف انا وهو كويسين مفيش حاجه.
زيد...امال عمليه ايه دي واخويا عمل عمليه واحنا منعرفش انتي كنتي عارفه حاجه زي دي.
صبا...لا لا لا قولتلك ايمن كان كويس وبعدين معملش اي عمليه ايمن من يوم ما سافر كان طول اليوم بيتكلم معايا في الموبايل يعني لو كان عمل عمليه كنت اول واحده هعرف أكيد الرساله دي اتبعت غلط.
زيد...امال ليه أتوترتي اول ما شوفتي الرساله؟😠
ورساله ايه دي اللي هتتبعت غلط لأيمن اكيد مش صدفه انه يتبعتله رساله من مستشفى في نفس البلد اللي كان فيها.
صبا....قولتلك معرفش معرفش وبطل بقى تفضل تحقق معايا انا تعبت وصبري قرب يخلص ولو فضلت تلف ورايا كده هقول لخالو🥺🥺
زيد....بابتسامه تمام قوليله معنديش اي مشكـ ـله على الأقل نعرف كلنا سبب انتحار أخويا
على الأقل ارحم عقلي شويه من التفكير لاني خلاص هتجنن😠
صبا...بدموع زيد ارجوك عشان خاطري بلاش تعمل فيا كده بلاش تقول لحد كفايه اللي حصل انت مش شايف الكل حزين ازاي متفتحش تاني الوجـ ـع واحنا بنحاول نقفله🥺
زيد....و خـ ـايفه ليه انه يتفتح؟
صبا...مش خـ ـايفه بقولك بس حتى لو قولت صدقني مفيش حاجه اقولها ليهم غير اللي قولتها ليك بلاش تخليهم يحسوا اني سبب في حاجه ربنا عالم اني مليش ذنب فيها هي في دماغك انت بس🥺
زيد....لا يا صبا مش في دماغي من غير سبب الف حاجه تخليني اشك ارحميني ياصبا انا عقلي هينفـ ـجر انا وعدتك قبل كده إن أي حاجه هتقوليها مهما كانت هتبقى سر بينا.
صبا....وانا معنديش اسرار🥺
بصلها زيد بنظره غضب تمام يا صبا هعمل نفسي مصدقك عموماً الفتره الجايه عندي كام حاجه تخليني اكون مضطر ابقى موجود في مصر وأول ما أخلص الي ورايا هسافر إنجلترا بنفسي وهروح المستشفى وهعرف إذا كانت الرساله اتبعتت بالغلط ولا انا صح وشكي في محله.
وقبل ما يمشي مسكته صبا من ايده وهي بتترعش.
صبا....استنى يا زيد🥺
بص ويد على ايدها اللي بتترعش و متلجه من خـ ـوفها وبص في عينها ودموعها اللي نازله تجري.
صبا....يعني حتى لو فرضنا ان ايمن مش بيخلف وعمل عمليه فين المشكـ ـله؟ تفتكر يعني ده سبب يخليه ينتحر
زيد....الله اعلم مش يمكن المشكـ ـله اللي حصلت بينكم دي كان مثلا ضغط منك عليه بسبب الموضوع ده.
صبا...انت ليه مصمم تطلعني انا المتهمه الوحيده مره تشك فيا وتقولي منعتي نفسك عنه طول الفتره دي يبقى في حد في حياتك ومره تانيه تقولي انه انتحر بسبب ضغطك عليه في موضوع الخلفه هو انت ايه
غبييييي🥺 امال لو مكنتش سمعت الڤويسات اللي سجلهالي وهو بيترجاني أسامحه على اللي عمله فيا مسألتش نفسك يا ترى عمل فيا ايه محستش من كلامه ان هو اللي عامل فيا حاجه مش انا🥺 انت ازاي بقيت كده ليه بتقسى عليا بالشكل ده ليه بتحملني نتيجه اللي عمله عشان هو أخوك🥺 طب وانا انا يا زيد مصعبتش عليك💔
بصلها زيد بوجـ ـع 💔 هتصعبي عليا ازاي وانتي مش مدياني فرصه افهم ريحيني يا صبا عشان خاطري انا جوايا الف حاجه وعكسها مشـ ـكله ايمن معاكي الحاجه الوحيده اللي خلت عقلي وقف عن التفكير اشوفه بيمد ايده عليكي وهيمـ ـوتك في نفس اللحظه اللي شايف في عينه ضياع ووجـ ـع اروح بيكي المستشفى واسمع من الدكتوره انك عذراء اخويا ينتحر وقبل ما ينتحر يبعتلك رسايل كتير كلها ندم و إعتذارات وطلب السماح يجيلي الوقت رساله من المستشفى واعرف ان اخويا عمل عمليه في مستشفى لعلاج الخصوبه و الإنجاب طب ايه افهم ايه مش عارف مين فيكم اللي كان مظـ ـلوم ومين اللي ظـ ـالم كل اللي اعرفه اخويا انتحر بس مش عارف السبب حطي نفسك مكاني.
صبا.....مش كل حاجه لازم نعرفها يا زيد في اوقات بيكون في حجات مش من حقنا حتى ندور وراها.
زيد....ده لو حد غريب يا صبا مش اخويا🥺 عموما انا قولت اللي عندي يا صبا قدامك فرصه يا تيجي تحكيلي كل حاجه يا هسافر واعرف بنفسي واطمني مش هعرف حد حاجه كفايه اكون انا اللي شايل هم انتحار اخويا.
صبا....زيد💔🥺
زيد....تصبحي على خير.
خرج زيد بسرعه من اوضتها وفضلت صبا تعيط💔🥺
..................
عدى اليوم ونزل الكل على شغله عادي كان اليوم ماشي هادي إلي حد كبير وبعد ما خلص الشغل
خرج مراد وتقى عشان العزومه اللي وافق عليها مراد.
جابت تقى الأكل اللي اختاروا وراحت هي وهو على النيل كان الجو جميل والمكان إلي حداً ما زحمه قعدت تقى على السور وربعت رجلها.
مراد...بضحك واضح انك بتحبي الكباري والنيل والجو ده
تقى...بضحك ايه مش عاجبك المكان ولا ايه🤨 لا بقولك ايه لازم تعذرني انا عليا ديون.
مراد...بضحك طيب يا ستي ربنا يفك دينك.
تقى...طب ايه هتعرف تقعد ولا لأ.
مراد....🤨عيب عليكي ميغركيش البدله والشكل انا متربى في الشارع 😂😂
تقى...بسعاده طب يلا اقعد
قعد مراد قدامها وربع رجله زيها
ومسك الأكل وبدأوا ياكلوا فضلت تقى تحرك رجلها الاتنين في الهواء بسعاده وهي بتاكل.
مراد....خلي بالك لا تقعي انا مش بعرف أعوم😂
تقى...لا متخـ ـافش انا قعدت القاعده دي كتير اوي كل ما كنت احس اني مضايقه ومخنـ ـوقه اجي اقعد نفس القاعده دي.
مراد....اااه متعوده بقى.
تقى....يعني حاجه زي كده سكتت تقى ثواني وبصتله ماما كلمتني انهرده.
مراد....بجد طب كويس عرفت حاجه من اختك.
تقى...بإبتسامه لا هي اصلاً كانت بتكلمني وهي متعصبه وعرفت منها انها مضايقه عشان مش بنسأل عليها طول الفتره دي تقدر تقول كده انها كانت بتكلمني عشان تعرفني انها زعلانه مني انا واختي.
مراد...طيب وقولتلها ايه؟
تقي....قولتلها اني اشتغلت واستقريت لوحدي مع بنت زميلتي في الشغل.
مراد...وردها كان ايه اعترضت؟
ضحكت تقي بوجـ ـع...تخيل لأ دي حتى مسألتش على العنوان ولا سألت أشتغلت ايه اصلاً قالتلي هبقى اطمن انا على اختك وقفلت.
مراد....عادي المهم ان في حد فيهم عرف انك بخير.
تقى...والله مش فارقه كتير سيبك مني المهم مالك حاسه ان في حاجه مزعلاك.
مراد...بضحك حاول يخبي انا ما انا زي الفل اهو قاعد على سور وبيني وبين النيل خطوه وبكل برود اعصاب باكل😂😂
تقى....بضحك الحق عليا بخليك تعيش تجربه حلوه.
مراد...الحق عليكي فعلاً😂😂
تقى....هو انا ممكن أسألك سؤال ولو مش عايز تجاوب متجاوبش؟
مراد....طبعاً أسألي.
تقى....انا تقريباً كده عرفت كل حاجه عنك وعن اخواتك و ولادهم والعلاقه الملغبطه اللي بينكم و سنكم القريب من بعض بس بصراحه عندي فضول اعرف فين مامت امير هي عايشه ولا لأ لو مش عايز ترد اعتبرني مسألتش
مراد...بضحك طيب ولو مردتش اخبار الفضول عندك هيبقى ايه🤨
تقى...بصراحه🙄 هتجنن
مراد...😂😂 ماشي يا ستي وانا ميرضنيش جنانك وعموما هي عايشه.
تقى...😳بتتكلم جد انا فكرتها مـ ـاتت طيب ليه انفصلت عنها؟
مراد....ده كده فضول تاني🤨
تقى...😂😂 لو مش عايز ترد متردش🙄
مراد...اه و تتجنني ناقص انا مجانين في حياتي بصي لو اني مبحبش اتكلم في الموضوع ده بس هو تقريباً اليومين دول الموضوع بيتفتح ومش عارف السبب هحكيلك وامري لله
مامت امير تقريباً انا انفصلت عنها وامير لسه بيبي عمره سنه تقريباً
هي مصريه امريكيه اتعرفت عليها في امريكا حبتها و أتجوزتها بس وقتها كنت لسه صغير شاب يعني وهي كانت صغيره اوي 19 سنه تقريباً فا تقدري تقولي مكانش في نضوج قررت اجيبها ونعيش هنا عشنا اول سنه تقريباً هناك كنت بسافر وارجعلها لان اهلها هناك بس لما عرفت انها حامل قررت اننا نعيش هنا نزلت معايا بس تقريباً مقدرتش تتأقلم هي اه مصريه لكن عمرها ما عاشت في مصر حاولت كتير اخليها تتأقلم معرفتش وبدأ يبقى في بينا مشـ ـاكل كتير اوي اوي اوي اتحول الحب لعداوه كبيره ولدت امير هنا وبعد ما شدت حيلها اتفاجئت انها خدت امير وسافرت اتجننت وسافرتلها كانت مستخبيه مني طبعاً في البدايه وقتها عشان اخليها تظهر بلغت اهلها اني هديها مليون دولار مقابل انها تظهر وتديني ابني وقتها المليون دولار يمكن مكانش كتير بس كمان كان مبلغ و لأنها بتحب الفلوس وده اكتشفته متأخر من عشرتي ليها ظهرت لحد اخر لحظه كنت فاكر الموضوع هيتحل بظهورها وهنتكلم وكنت متخيل انها اكيد مش هتتخلى عن ابنها بس هي خالفت كل توقعاتي ورمتلي امير مقابل الفلوس جاتلي صدمه في البدايه عرضت عليها تتنازلي قانونياً عنه وميبقاش ليها اي حق فيه غير انها لو حابه تشوفه تيجي تشوفه في مصر وافقت ودي كانت صدمه ليا لحد ما مضت الورق وبقى امير في حضانتي الشخصيه وادتها الفلوس ونزلت بيه في الاول قولت هترجع في كلامها وتيجي وكنت ناوي والله لو جات ارجعها مع اني كنت قرفان منها اوي بس من بعد اللحظه دي مسألتش حتى عليه وبقيت انا كل فتره اكلمها وابعتلها صوره لما حسيت انها مش مهتمه بطلت ابعت قولت يمكن يوحشها نسيته تماماً وبعد حوالي سنه من نزولي بأمير عرفت انها اتجوزت راجل امريكي وغني جداً ومن اللحظه دي خرجتها من حساباتي انا وابني والحقيقه ان هي كمان خرجت امير بره حياتها واعتبرته غلطه او صفقه كسبت فيها ومن يومها بقيت انا كل حاجه لأمير ابوه امه اخوه صاحبه كل حاجه والحقيقه روح مرات اخويا كانت ونعم الام لابني وفضلها عليه وعليا كبير اوي.
تقى....بحزن يعني لحد الوقت مشافتش امير؟
مراد...بابتسامه بسيطه ولا تعرفه ولو خبطت فيه فالشارع بالصدفه مش هتعرف انه ابنها حتى امير ميعرفهاش ولا يعرف شكلها يمكن انا فضلت محتفظ بصور جوازنا بس مش عشان بحبها او عايش على ذكراها بس عشان لو امير طلب في يوم انه على الاقل يعرف مين هي امه شكلها ايه
تقى....وطلب؟
مراد....لا عمره ما طلب انه يشوفها وعمره ماجاب سيرتها امير اصلا وهو صغير لما بدأ يكبر ويفهم كان فاكر ان روح هي امه.
تقى...وعرف امته انها مش امه؟
مراد...تقريباً كان في سنه رابعه ابتدائي وانا اللي قولتله عشان ميجيش في يوم يحاسبني على اني خبيت عليه.
تقى...وكان رد فعله ايه.
مراد ...وقتها كان مصدوم مش فاهم اوي بس ربنا كان كريم معايا جدا الموضوع عدى ومتأثرش كنت خـ ـايف يتوجـ ـع يأثر عليه بس الحمد لله الخبر كان ابسط شويه من انه يتعب والحقيقه زي ما قولتلك روح كان ليها دور كبير اوي في ده وطبعاً ولاد اخواتي كلهم طول الوقت كانوا في ضهره محسسهوش بالوحده
تقى...بإبتسامه حزينه انا اسفه لو بجد ضايقتك والله ما كنت اعرف ان الحكايه بالشكل ده.
مراد...خالص والله مضايقتش زي ما قولتلك هو الموضوع من امبارح بيتنكش فيه.
تقى...يعني ايه هي ظهرت.
مراد...بضحك لا بس راجح طاح في الكل امبارح وانا معاهم عشان محدش فيهم اتجوز وبهدل الكل وشايف ان سننا كبر
تقى....مره واحده كده🤨
مراد...تقريبا موضوع ايمن ضاغط عليه فا جت فينا
تقى...طيب ممكن سؤال
مراد...أسألتك كترت🤨
تقي...😂😂انت ليه فعلا مجربتش تاني كنت بتحبها ولا اتعقدت من اللي حصل.
مراد...ولا ده ولا ده وبصراحه مش عارف ايه السبب يمكن كنت فاكر اني بحبها بس مع الوقت اكتشفت اننا كنا لسه مش ناضجين اوي عشان نجرب خطوه زي دي والحقيقه اني متعقدتش بس الشغل خدني اوي وكنت بحاول بردوا اكون موجود في حياه امير بشكل كبير كنت عايز أعوضه بكل الطرق وقدرت وبقيت ليه صاحب واخ اكتر بكتير من اني اكون اب.
تقى...عشان كده أمير بيقولك مراد مش بابا❣️
مراد....يمكن بس كمان سعات بيقول بابا لما يلاقيني واقف مع بنات في ميتنج مع بنات ابن الكلب بيرخم عليا🤨
ضحكت تقى عليه...اااه بيغير يعني عليك.
مراد...ممكن بردوا وسعات لما بيزعل مني اوي بيقولي بابا
تقى...تعرف اني بحب علاقتكم ببعض اوي.
مراد...امير ده حياتي النفس اللي انا عايش بيه يمكن اوقات كتير مش بكون ليه اب مثالي بس انا فضلت علاقتي دي معاه اكتر اني اكون صاحبه سره ميبقاش في الحدود اللي بين اي اب وابنه دي افضل كتير من اني اكون الاب المثالي الحازم مع اني لما بشوفه بيغلط بروقه بس ترويقه الصاحب غير ترويقه الاب يا تقى عشان كده علاقتنا حلوه.
ابتسمت تقى بحب لمراد كل يوم تكتشف فيه حاجه حلوه.
تقى....انت ازاي كده؟
مراد...كده اللي هو ايه؟🤨
تقى....انت ميكس غريب اوي يا مراد شخصيه عمري ما شوفتها قبل كده.
مراد...بابتسامه حلوه يعني ولا وحشه😉
تقى....انت احلي حاجه في الدنيا❣️ كان لازم تكون موجود من زمان في حياتي يا مراد
بصلها مراد بارتباك وحس للحظه من نظره عينها بحاجه غريبه تجاهه واتصدم.
مراد...بإبتسامه أرتباك ااا طب ايه هنفضل هنا ولا هنتمشى شويه ولا فلوسك خلصت ولا ايه حكايتك🤨
تقى....لا ممكن نتمشى لسه في شويه فلوس مدكناهم على جنب من الراجل اللي مديوناله🙄
ضحك مراد....هقوله على فكره
ابتسمت تقى وبصتله...ممكن اطلب منك طلب.
مراد....اكيد
تقى.....ممكن تفضل في حياتي🥺
مراد....بإبتسامه انا موجود يا تقى وهفضل موجود زي ما وعدتك وهتفضلي بالنسبالي زي امير
بصتله تقى بحزن وبعدين ابتسمت وهزت راسها🥺
...............
في ڤيلا عزيز.
عزيز...داده زينب طلعي الفستان ده لمريم في اوضتها عشان تلبسه بكره في الحفله.
داده زينب حاضر عنيا وقفت ثواني وهي مرتبكهى صحيح يا باشا هي الحفله دي هتكون بسيطه ولا فيها ناس كتير.
عزيز...بسعاده لا بسيطه ايه دي فيها ناس كتير اوي
داده زينب....اه يعني ناس نعرفهم
عزيز....وناس متعرفيهمش وناس اول مره تيجي اصلاً باختصار كده يعني فيها كل الناس المهمه
ابتسمت زينب وهزت راسها كانت نفسها تعرف مين بس مقدرتش تطول معاه في الكلام اكتر من كده وطلعت على فوق.
خبطت على مريم ودخلت.
زينب....الفستان ده عزيز باشا بعتهولك عشان حفله بكره
مريم...عرفتي حاجه؟
زينب...حاولت بس مقالش اي حاجه غير انها حفله كبيره وفيها ناس مهمه
مريم...طيب مسألتيهوش ليه هما مين؟
زينب....ازاي بس اقف اسأله على حاجه زي دي هيشك فيا اصلاً لأني عمري ما سألته سؤال زي ده انتي بس لو تفهميني فيكي ايه.
مريم...بحزن معلش يا داده سيبيني لوحدي شويه.
زينب...بقلة حيله حاضر يا بنتي
خرجت زينب وفضلت مريم قاعده في مكانها وهي متوتره وخايـ ـفه.
..........
في عياده دكتور
قعدت سما وهي متوتره من اول ما صحيت وهي تعبانه و بترجع عملت تيست في البيت وعرفت انها مش حامل بس حبت تطمن اكتر خرجت الممرضه نادت عليها ودخلتها.
بدأ الدكتور يكشف عليها وهو مبتسم.
سما...بتوتر خير يا دكتور؟
الدكتور....خير مبروك يا مدام حمل بس لسه في الاول خالص
سما....حمل؟ انا عملت اختبار ومظهرش حاجه.
الدكتور...ده حقيقي لان الحمل لسه في البدايه خالص يمكن اسبوعين وقدامي حتى النبض مش ظاهر لسه مفيش قدامي غير كيسين.
سما...كيسين؟
الدكتور...بابتسامه ايوه انتي حامل في توأم.
حست سما انها اتصدمت او حاجه وقعت على راسها مش عارفه تفرح ولا تخـ ـاف مش عارفه تحس بالانتصار ولا تقلق من العواقب كان الدكتور بيشرحلها تاخد ايه وتهتم ازاي والتحاليل اللي المفروض تعملها والادويه اللي تاخدها وهي كانت في دنيا تانيه خالص.
خلص الدكتور كلامه ابتسمت سما
سما....شكراً يا دكتور.
الدكتور...العفو اتفضلي.
خرجت سما وهي بتحاول تجمع افكارها لكن دماغها كانت واقفه ومحتاجه تقعد شويه وتفكر في اللي هتعمله.
وبعد طول تفكير قررت سما انها تخبي خبر حملها ده مؤقتاً لحد ما تخلص من فيروز واللي في بطنها خالص.🥺
............
بعد يوم شاق وصل زيد للقصر
دخل بعربيته من البوابه ووراه الجارد ومشافش خالص العربيه اللي ماشيه وراه من بعيد.
مصطفى الجارد بتاع زيد
زيد باشا انا حاسس ان في عربيه ماشيه ورانا بس وقفت على اول الشارع لما قربنا.
نزل زيد وخرج بره على البوابه يشوف بص شمال ويمين ملقاش حد.
زيد....مفيش حد.
مصطفى...صدقني كان في حد ماشي ورانا انا واثق ومش حاسس انها صدفه.
زيد...فتحوا عينكم يا مصطفى وتبلغ الكل بكده عينكم على القصر وعلى كل اللي فيه ديماً خصوصاً سالم مفهوم.
مصطفى....اطمن يا باشا مفهوم.
دخل زيد كان امير واقف بيلعب في الموبايل
زيد...واقف كده ليه يالا🤨
أمير...مستني الاتوبيس 😏ايه اللي اخرك كده كلنا رجعنا من بدري
زيد...انت مراتي ياض وانت مال اهلك🤨
امير...وانت تطول ابقى مراتك ده انا قمر😎
ضحك زيد وهز راسه وفجأه سمعوا فرح بتصـ ـرخ.
امير....فرح
زيد....في ايه جريوا بسرعه على فوق
لقوها بتجري في الطرقه الطويله وجلال وراها وهي ميته من الضحك هي وجنه وجلال بيغرقهم بالمايه.
زيد....بالزمه ده ينفع 😠
امير...بغضب يا اخي ينعل ابو شكلك انت وهي 😠 وقعتوا قلبنا
جلال....دخلت غرقتني هي والجزمه التانيه اسيبهم
روح...مفيش فايده ربنا يشفيكم نزلت روح تحت
زيد...اعقلوا مش كده صرعتوا البيت كله😠
فرح...بضحك طيب انا غرقته حبه صغيره بص هو عمل فيا ايه😂🙈
امير...والله العظيم بتستعبطوا وانتي ايه سرينه في صوتك 😠
زيد....بص على هدومها هي وجنه هدومهم الداخليه بان لونها 😠ادخلي غيري انتي وهي بسرعه بلاش مناظركم دي
جريوا على اوضهم وهما بيضحكوا بص زيد لجلال
جلال...ايه انا مالي كنت قاعد في حالي
زيد...على اوضتك يالا😠😠😠
امير...احسن😒😒
جلال...حتى انت😒
..............
في صباح يوم جديد
الكل كان واقف على قدم وساق في فيلا عزيز تجهيزات من نار عشان الحفله تطلع بالشكل المطلوب وصل طارق صاحب عزيز من بدري وكان معاه اما مريم كانت في اوضتها وقررت انها متنزلش واللي يحصل يحصل لأنها معندهاش بديل🥺
..............
في شقه شمس بدأت شمس تفوق اكتر وترجع تقف على رجلها الشغل خلاها تبدأ ترجع من تاني للواقع و تحاول تكون قويه وتنسى اللي حصل لفتره مؤقته كان قدامها هدف واحد وهي انها تجمع المبلغ لسالم بأي طريقه ولكن بطريقه حلال ومشروعه خرجت شمس من الشقه و نزلت لجارتها صفيه خبطت دخلتها صفيه وفرحت بزيارتها
صفيه....ايوه كده اخرجي يا بنتي وحاولي تكملي حياتك الحياه مش بتقف
شمس...بإبتسامه عشان كده انا جيالك يا طنط صفيه.
صفيه...خير يا بنتي.
شمس...انتي عارفه طبعا اني نزلت شغل جديد.
صفيه...اه عارفه ربنا يجعله قدم السعد عليكي ويرزقك يا حبيبتي.
شمس....عشان كده انا كنت عيزاكي تشوفيلي جمعيه يا طنط بالله عليكي عايزه حد يظبطلي الدنيا شويه عايزه أئمن نفسي واشيل مبلغ اتسند عليه انتي عارفه ان كل حاجه راحت مع ماما وانا مش عايزه الزنقه والضيقه اللي كنت عايشه فيها الفتره اللي فاتت تتكرر تاني ومفيش حاجه
هتلزمني غير الجمعيه.
صفيه....عيني الاتنين انتي بنت حلال يا شمس في جمعيه بنلمها هتبدأ اخر الشهر
شمس....بلهفه بجد والنبي
صفيه...اه والله بس هتكون جمعيه كبيره وداخل معايا فيها تجار جمله ومعلمين ناس معاملتهم زي السيف وملتزمين
شمس...وانا والله هكون ملتزمه جربيني ومتخـ ـافيش
صفيه...انا اضمنك بحياتي يا بنتي انا مربياكي مع امك خلاص انتي معانا هتدخلي بقد ايه هي هتكون بألفين في الشهر.
شمس....هدخل معاكي بالألفين يعني نفر كامل.
صفيه...هتقدري انتي عندك إلتزامات.
شمس...هقدر انا مرتبي 3500 غير التيبس اللي بيجي يعني هقدر اطمني.
صفيه....تمام اللي يريحك انا بس مش عيزاكي تزونقي نفسك.
شمس...متخـ ـافيش بس هي قبضها كام .
صفيه...هي هتكون 15 او عشرين نفر يعني ما بين 30 الف وبين اربعين
شمس ..بابتسامه حلو حلو خلاص انا معاكي ماشي .
صفيه....ماشي يا حبيبتي ربنا يرزقك.
شمس....يارب❣️🤲
...................
في ڤيلا عزيز بدأت أجواء الحفله كان الجو جميل انوار في كل مكان المدعويين بدأوا يجوا
دخل عزيز على مريم لقاها واقفه قدام الشباك فستانها على السرير ولسه زي ما هي وداده زينب بتحاول تقنعها
اتصدم عزيز لما لقاها مجهزتش.
عزيز....انتي لسه مجهزتيش يا مريم😳
مريم...بتوتر عزيز انا مصدعه جدا ومودي مش احسن حاجه وشايفه ان نزولي ملهوش لازمه يعني
عزيز....لما مراتي تبقى واقفه جمبي في يوم زي ده وانا بحتفل يبقى ملهوش لازمه.
مريم....قولتلك بطل نغمه مراتي مراتي دي انا مش قادره ولو نزلت هيبقى دمي تقيل وهحرجك معايا يا عزيز باشا وانا مش عايزه ضيوفك يزعلوا.
عزيز.....انا جايب اخري قسما بالله يا مريم هي نص ساعه لو منزلتيش ورايا وجهزتي زي الناس لا هنهي الحفله دي و هخلي حياتك جحيم ادام الذوق معاكي مش نافع😠 ومش انتي يا مريم هتكوني دراعي اللي بيوجـ ـعني عشان تحرجني قدام الناس واقف لوحدي من غيرك دراعي اللي يوجـ ـعني هقطعه😠😠😠 انتي فااااااهمه
خرج عزيز وقفل الباب بغضب.
بصت مريم لزينب وهي دموعها نازله...انا مبقتش قادره اتحمل🥺
زينب...قومي يا بنتي قومي خلي اليوم يعدى على خير وانا مش هسيبك هفضل جمبك من بعيد يلا قومي اغسلي وشك وتعالي أساعدك في اللبس💔
.................
الحفله بقى فيها ناس كتير اوي عزيز وطارق بيرحبوا بكل الناس حاول طارق يخلي عزيز اهدى بعد اللي حصل من مريم و وقفوا يستقبلوا الكل في الوقت ده ظهر شباب الطوبجي عربيات بتقف وراء بعض ونزول للشباب بكل هيبه.
كل الشباب ومراد وداوود معادا راجح اللي ماراحش لأنه مش بيحب الأجواء دي و بيتعب بسرعه.
راح عليهم عزيز وطارق رحبوا بيهم اوي و دخلوهم عشان ينضموا لباقي رجال الاعمال
انتشروا في كل مكان جلال وامير راحوا يلفوا في الحفله على البنات وراحوا على البوفيه ياكلوا ولا في دماغهم حاجه🙈
عزيز....مراد باشا نورتني والله انت وداوود باشا وكل شباب الطوبجي
مراد....مبروك يا عزيز ديماً كده مشرفنا.
عزيز.....من بعض ما عندكم يا باشا زيد باشا وسالم باشا سامع انهم مكسرين الدنيا.
زيد....شكراً يا عزيز ومبروك ليك ولطارق.
طارق....الله يبارك فيك يارب وقف عزيز الويتر في اللحظه دي عشان يقدملهم المشروبات.
عزيز....مراد باشا تعالى سياده المستشار كان حابب يتعرف عليك اوي انت وداوود باشا.
مراد...اوي اوي اتفضل خد مراد المشروب في ايده وراحوا مع عزيز.
فضل طارق يتكلم مع قاسم وياسين ويوسف.
اما زيد ونادر وسالم وقفوا يتمشوا كده ويسلموا على أي حد يعرفوا
نادر...بضحك امير وجلال هيفضحونا ولاد الطفسه😂
زيد....ده الطبع بتاعهم ماهما يا يمشوا ورا النسوان يا يمشوا ورا بطنهم😂😂😂
سالم....اتنيل هو في نسوان عدله😏
زيد....ماهما عشان كده مشيوا وراء بطنهم😂
سالم...صحيح الواد منذر مجاش ليه مش قولت انه راحله دعوه.
زيد...عامل فيها مشغول عشان ميجيش منذر مش بيستخف عزيز زيي بالظبط بس انا مضطر بقى.
سالم....والله ولا انه بستخف طارق ده
نادر....ما تيجي نروح نضـ ـربهم ونخلص😂😂 بس سيبك انت احلى حاجه في الحفله العصير الازرق ده هو ايه عصير ايه ده.
سالم....دي مايه بحر😏😏😏
زيد....بس عشان سالم بيتلكم على الخناق ابعد عنه😂😂
فضل نادر يضحك وفي لحظه لمح مريم من بعيد خارجه من باب الڤيلا وهي بتتلفت.
نادر....😳😳😳😳مريم
خرجت مريم بالعافيه وهي عينها بتلف بسرعه بارتباك بتحاول تلمح اي حاجه تأكدلها هو جه ولا لأ.
وبمجرد ما عزيز لمحها ابتسم وراح يمسك ايدها ويعرفها بيهم
نادر....مريم زيد
زيد....بتتكلم جد فين.
نادر...بابتسامه فرحه انه شافها قدامه رغم غضبه منها عشان قلقته عليها
هناك اهي تعالى.
سالم...مريم مين.
زيد...مش وقتك تعالى بس.
سالم....طب فهمني🤨
زيد....مش وقته تعالى بس.
فضل نادر يقرب ليها وعزيز رايح عليها ابتسمت مريم بمجامله لعزيز عشان الناس وفجأه لمحت بعينها نادر بيقرب😳😳💔
وفجأه وقف نادر لما لمح عزيز قرب منها و بيبوس كف ايدها
وراح بيها عليهم
كان واقف نادر وزيد وسالم بالقرب من التربيزه اللي عليها مراد وباقي اخواته.
زيد....هو ايه اللي بيحصل هي تعرف عزيز
نادر...بصدمه مش فاهم حاجه😳.
زيد....يمكن شبهها.
نادر....مستحيل💔
قرب عزيز في الوقت ده.
عزيز....مراد باشا أعرفكم بمريم مراتي🙂❣️
بمجرد ما نطق الكلمه بصت مريم بخـ ـوف بطرف عينها لنادر🥺💔
نادر....😳😠😠😠
بص سالم و زيد لبعض زيد بصدمه وسالم بجهل لكل اللي بيحصل.
قرب زيد من ودن نادر.
زيد....أرجع خطوه كده مش هينفع.
بصله نادر بحزن💔
نادر...انا لازم أفهم في حاجه غلط💔🥺
زيد....مراته عايز تفهم ايه اكتر من كده😡
بصله نادر بوجـ ـع ورجع بصلها...🔥🔥🔥
وو للحديث بقيه..
بقلم اميرة اسامة