صار شي محد متوقعة بيوم العقد والزواج نهى ثقيف ع زهراء الدنيا علكت واخوتها الكبار تعاركو وياه وعمي زعل وكال::- ليش بوية ما كتلي رايدها ليش فشلتني كدام الوادم
ابوي استحة وراد يرد اعتباره كدام الوادم كال ما عليكم بي انا اتكفلة كملو عقدكم
تخبل اخوي وعلك الدنيا وما سكت كال بس تطلع جيلة بيها وراها اني هم اموت وراها
ومن بعد جر وعر ومشاكل كالو اهل الولد احنا بعد ما نريد وهذا هو ما كصرتو وابن عمها اولى بيها
بنفس الاسبوع ابوي اخذ ناسة وراحو خطبو واخيرا زهراء وثقيف انجمعو جانت علاقتنا تقوة بيوم بعد يوم وخاصة صارت مرت اخوي الغالي
جانت دائما تجينا ونروح سوة نطلع نشتري نيشان الها زهراء ثكيلة وواعية وخلوقة حيل خلوقة
واخيرا تزوجو جان اخوي يوم عن يوم يزيد حبة لزهراء جانت الديرة كلها تعرف بحبهم
صيتهم عبر الديرة والوادم كامو يضربون الامثال بيهم جان مداريها مثل الماي بالصينية
وهي الله شاهد ما كصرت لا وياه ولا وي اي احد من البيت جانت قايمة البيت ع تك رجل
ابوي حيل يحبها ويعزها ويحترمها جانت حتى تنظيف ما عليها بفتون تنظف الي عليها المو عليها
حتى فتون كامت تتجنبها وابد ما صارت بيناتهن مشاكل وعلاقتهن طيبة
لحد ما فد يوم زهراء كامت تشوف دم سنونها ولا تشوف فتون وصارت مشاكل للضالين بيناتهن
حاولنا نعرف السبب الحقيقي ورة خلافهن بس زهراء ما قبلت تكوم ولا فتون القبلت تحجي
لحد ما فد يوم وزهراء صارت حيل عدوانية وي الكل??!!
شنو السبب ما نعرف جانت ذائما تسوي مشاكل وعركهم هي والشيخ يوصل لباب الحوش
ويصعد ابوي يهديهم ويصالحهم ويرجعون ثاني مرة يتعاركون
لحد ما عجزو اهلي واحتارو المشكلة يكول الشيخ من لا شئ تصير المشاكل وهي تبجي وتصيح تعبت مو بيدي اكو شي خانكني بحبل
اهلي كالو نصيح لهلها ونكللهم وفعلا كعدنا وي اهلها ومن بعد سين وجيم كالت اريداروح وياكم ارتاح والصدمنا الشيخ قبل وكال الها روحي
وصلت لهناك يومين وسمعنا بيها تحاول تنتحر ومعلكة نفسها بالحبل
تخبل اخوي وراحلها وجابها واجة وهي تبجي وتصيح مخنوكة اكو حبل ملتف ع ركبتي
كامت زهراء تشوف شغلات وتتخيل كلام وهو ما صاير تنسى والم براسها لحد ما تركع راسها بالحايط وتبجي وتصيح من راسها
طرحو علينا نزورها زورناهم ارتاحتلها شهر ورجعت انتكست حالتها بعد ما عرفت بانو هي حامل وبشهرين
خاف اخوي يفقدها هي والجنين الي بطنها فاخذها للدكتور وصدمنا من كال متعرضة لصدمة وهل صدمة مسوية بيها حالة نفسية وجنون
من سمعو اهلها ما قبلو واجو تعاركو ويانا ورادو ياخذوها بس هي ما قبلت واصرت تبقى هنا
جنت انا قريبة من عدها حيل حاولت اعرف شبيها ماكو مجاي اعرف بس الغريب جانت تكول انا مظلومة حيل انظلمت ودائما جانت تتحسب
ما ركزنا وي الموضوع كل ظنا بانو هي جاي تتخيل او اكو علاقة بمرضها
وصلت زهراء شهرها الثامن وطلع بيها ولد فرحنا حيل وبيوم
امي وصتني ع هواي شغلات بالسوك ونزلت للسوك وعفت زهراء نايمة فوك
من رجعت للبيت لكيت الناس يم بابنة وصريخ مالي المكان ملي
ذبيت البيدي ودخلت كلبي يوجعني وخايفة وجسمي ينفض والكاه زهراء مشتعلة بالنار واخوي حاظنها وي مشتعلة
الصريخ عم بالبيت واحتارو الوادم يطفونها لو يطفون اخوي
لحد ما طفوهم زهراء صايرة خشبة سودة ورايحة ذيج معانيها الحلوة واخوي دخل مستشفى وظل بيها تقريبا شهر لان حروقة من النوع الخطير لحد ما طلع كلشي كاضي فاتحتها ودافنيها
تازم وضع الشيخ وخاصة من عمامي تعاركو ويانا ويكولون انطيناكم ياها ما بيها شي شصار وهي صارت حالتها وقطعت خالتي عهد ع نفسها لا تدخلنا ولا تجينا
ابوي انتهى وهو يشوف اخوي متدمر وحالتة حالة بسرعة ورة وفاة زهراء بشهرين توفة ابوي من قهرة ع ثقيف
حجتها ومسحت دمعتها دنكت راسي امسح بدموعي::- الله يرحمهم ولله يساعد كلب الشيخ شلون تحمل هو يشوف مرتة وام ابنة محتركين
جميلة بنحيب::- عمت عيني من شاف روحة ماكدر يطفيهم حظنهم واحترك وياهم
صفنت وانا اتذكر وضع جسمة قشعر بدني وسرت بجسمي قشعريرة
كلبي خفق حيل وانا اتذكر كلام جميلة وحبهم لبعض
طلعت من الغرفة انا عاجزة عن الكلام حرف ما نطقت اخذتني رجلية لبرة للحديقة
ظليت كاعدة ع سياج استنشق هوة والسوال هنا ليش مريت بالي مرت بي معقولة عمل بفعل فاعل
اكيد اي ما معقولة هيج صدفة طيب من خلال كلام جميلة هي صارت زينة شنو صار الها بعد ليش حركت نفسها??!!
ليش عرضت نفسها للخطر يا الله كلبي بقى يوجعني وانا اتخايل منظرها وهي وطفلها يحتركون
دمعن عيوني دعيتلها بالرحمة ردت اكوم ووكفت لحظة لحظة دك ناقوس الخطر عندي
كلام سرمد
- لا تخلينا نسويلهم بح مثل الجماعة
- لا تخليني اخليج ببالي وتاليتج مثل ذولاك الناس
لزمت كلبي خفق بقوة وكلام جميلة براسي
- طلعت للسوك وعفتها وحدها
لا يا الله لا يا ربي معقولة??!! هم قتلوها لزمت كلبي احاول اهدئ من ضرباتة حسيت روحي انسحنت
انفتح الباب دخل سرمد وخرت عنة ولبدت ورة الشجرة دخل يتخبط بمشيتة هل انسان شما اكول عنة يخوف ويرعب البشر ما اوصف حقة جثل حيل وعيونة دائما مخنزرات واصلع ووجها مليان جروح واثارهن محفور بالوجه
بعد ما تاكدت منة دخل لجوة طكيتها ركضة لفوك لاكاني الشيخ بالممر ووجها قلق حجة بخوف
::- زهرة وين جنتي?!
::- بالحديقة اشم شوية هوة
باوعلي صافن بعيوني وابحر بيهن تقربت منة خطوات وصلت يمة::- ثقيف
فتح عيونة ع وسعهن لان ولا مرة كايلة اسمة ع لساني::- شيخي
بنبرة تفاجئ::- زهرة?!!
::- شيخ كلبي وهيبة الديرة
تجمد بمكانة يباوعلي وبوبئ عينة يفتر ع وجهي تقربت اكثر خليت ادية ع كلبة يخفق وبقوة غمض عيونة وتنهد::- زهرة لا تعبيني
::- ليش
::- اتعبج ولله
::- تعبك راحة
::- اجرحج
::- ندوايهن سوة
::- ائذيج
::- فدوة الك
::- زهرة!!!
::- شيخي
عافني وراح ابتسمت رجفت جسمك وخفقان قلبك فاضحك شيخ رحت دخلت نمت بسرعة
ثاني يوم كعدت باوعت للجرباية هو ما موجود كمت غسلت وفرشت ونزلت لجوة لكيت جميلة تعجن صبحت عليها وسئلتها ع شيخ كالت طالع من الفجر عندة طلابة وي ال...
سكتت ودعيت ربي يسهل امرة بديت اسوي ريوك النا وجميلة خلصت اجت تريكت ويانا
كعدت فتون ومن شافتني جمدت وبينت علامات الارتباك ع وجها باوعتلي ودرات وجها عني وحجت::- صباح الخير
صفنت بوجها ابتسمت::- ليش هو اليشوفج يشوف الخير
بلعمت بخوف وردت::- ليش مو زين جاي اتحمدلج
ضحكت::- كالوها يقتل القتيل ويمشي بجنازتة لطام
توسعت عيونها بخوف وارتبكت ما جاوبتني عافتني وراحت عرفت هي ورة الموضوع من ارتباكها بس شلون??!! شلون اثبت هي شلون?!!
بديت انظف وهي دخلت لغرفتها وبعد ما طلعت صار وقت الغدة دخل الشيخ ابتسمتلة ورحت يمة::- الله يساعدك شيخي
باوعلي بتعب وغمض عيونة بقلة صبر::- زهرة بسج!!
ابتسمت ::- ليش شسويت
::- كولي شنو الما سويتي
::- شنو الما سويتة?
عافني وراح ما جاوبني ضحكت صعدت لفوك لكيتة يبدل بسرعة راد ياخذ التشيرت مالتة سرعت خطواتي اخذتهن من عندة وشمرتهن ع جرباية استغرب حركاتي
رفعت ادية امشيهن ع حروقة دمعن عيوني رفعت راسي اباوعلة مغمض وكانو جاي اذي رغم الحروق صارلهن سنين
حجيت بلعثمة::- ثقيف
جراني حيل من كتفي وصفطني ع كنتور وحاوطني بين ادية منا ومنا توترت ما متعودة هل كد القرب بيناتنا حجة مضيق عيونة
::- زهرة وين تردين توصلين
ابتسمت ورفعت ايدي خليتها ع كلبة::- لكلبك
::- تتندمين
::- وانا الممنونة
ابتسم تقرب اكثر توترت ودنكت راسي وحسيت عيوني تطلع منهن نار ضحك بصوك عالي وهو يرفع راسة ويضحك
::- وين راح لسانج
::- اااا شسمة ااا هههو شيخ
خزرتة هو ضحك بصوت تقرب اكثر اخذ خصري بين اديه::- كلتيلي انتي الممنونة?!
::- انا امسلت ما عليك بية
::- الدخول للحمام مش زي خروجة
خفقن دكات كلبي حسيت لو مو الاضلع جان طلع من مكانة غديت ماي هو واكف يباوع لانهياراتي
نقذني صوت جميلة وهي تصيح النا ع غدة ابتعد وانا طكيتها ركضة لجوة وجهي مكلوب اصفر تلكتني جميلة خايفة::- اللهم صلى على محمد وال محمد مالج خية ويهج نومية
::- ااا ههو ااا ممم
اجانا صوت الشيخ من ورة::- ما بيها شي بس حجت حجاية مو كدها
خزتة وهو غمزلي وابتسم اخذ عقلي وفهيت علية ظليت اباوعلة فزيت ع كرصة جميلة::- اخخخ جميلة جسمي راح شبيج
::- شبيج فجيتي حلكج واكلتي اخوي اكل
::- ديلا هسة هو اخوج شلونة
::- يع عمت عينج ولا جنج الهسة فهيتي عليه
ابتسمت ورحنا للمطبخ نحظر بالغدة وانا كلساع صافنة واتذكر الموقف الاخير بيناتنة وابتسم لحد ما عاطت بية جميلة يلا تعدلت
تغدينا وكملنا وجميلة سوت جاي واني نظفت الماعين والمطبخ وصعدت فوك الشيخ نايم او مو نايم يمثل النوم تقربت من عندة وخرت ايدة عن عيونة وحجيت
::- شيخ
::- ها زهرة ها
::- شبيك
::- كولي شنو الما بية
صفنت بوجه بلعت ريكي وادفت بخفوت::- بعدك تحبها
جان صافن بس كتلة هيج فز وكعد يباوعلي صافن بوجهي حجة وصوتة الرجفة اعتلتة::- منو هي
::- زهرااء..?
صفن بوجهي لحظات بعدها غمض عيونة وبلع ريكة وكال::- بثنايا روحي لو جوة التراب
رجف جسمي وانعصر كلبي ما الومة حبيبتة وزوجتة رغم كلشي ما تركها وحارب حتى ياخذها واخذها بس ما تهنى بيها
سكتت ودنكت راسي هو كام طلع وانا نزلت دموعي مسحتهن بعصبية وكمت
زهرة هو لو يحبج جا قبل بيج من البداية لو يحبج ما يرفضج لو يحبج ما بقى طول هل مدة تحت سقف واحد وما تقربلج بس!! بس هو ما يحبج
انعصر كلبي وخفق بقوة لزمتة اهدئ من روعتة ابتسمت بالم::- حتى لو القدر ما جمعنا راح تبقى اجمل قدر واجمل صدفة اول مرة اكول ممتنة حيل ممتنة لحسن جمعني بيك
ظليت للمغرب ما طلعت اذن كمت صليت ونزلت لجوة سوينا عشة انا وجميلة والشيخ لساتة ما اجة بقيت انتظرة اجة ايسر
::- ها ايسر وين الشيخ
::- ابوي ما يجي اليوم يكول عدنا طلابة
سكتت عرفتة ما حاب يواجهني وحاب ينفرد بية صعدت لفوك انسدت شهيتي ما تعشيت
ظليت انتظرة ساعة وساعتين صارت ال12 كمت صليت صلاة الليل وخلصت هو ما اجة
بقيت انتظرة لحد ما غلبني النعاس ونمت كعدت ثاني يوم الصبح فازة باوعت لمكانة مرتب يعني ما جاي
غسلت ونزلت لجوة سئلت جميلة علية كالتلي ما اجة ولا تريك انقهرت هيج ما يريد يلتقي بية او يشوفني
ظليت طول اليوم ضايجة وجميلة تفتر وراي تريد تعرف شبية بس ما اخذت مني كلشي ايست وحدها وسكتت العصر دخلت حتى اسبح سمعت صوتة بسرعة بدلت ملابسي وردت اطلع لكيتة ما موجود
سئلت علية كالت جميلة اجة اخذ مصلايتة وبدل ملابسة وطلع انحمست حمس والدمعة طفرت من عيني يعني شنو معناها هو انا شحجيت وياه مدام هيج ما يريدني خل يجي ويكول لا يظل هيج مسوي وشارد
ظليت فوك ما نزلت ابد حتى للعشة صاحتلي جميلة كتلها ما اشتهي مليت وانا كاعدة بالغرفة جريت القران وبديت اقرة واقرة واقرة لحد ما نكسرت ركبتي رفعت عيني للساعة ب1 بليل هاي شكد قارية ما حاسة بالوقت باوعت ع قران جزء 27 وانا بديت اقرة من البداية
كلت هنا بقن بس 3 اجراء خل اكملهن كملتهن ساعة ب3 ونص بقت نص ساعة ع اذان كمت توضيت وفرشت سجادتي وكعدت اسبح علما خلصت اذن
صليت ورحت للفراش وانا احس روحي حيل خفيفة والفضل يعود للشيخ علمني الصلاة والقران
نمت من التعب كعدت ثاني يوم ساعة ب12 الضهر تفاجئت كمت بسرعة صليت ونزلت لجوة خطية جميلة منظفة البيت وطابخة وخابزة وحدها اعتذرت منها وهي تضحك وتسكت بية
ظليت كاعدة ما اشتهي اكل كمت صبيت الاكل وياها وكعدنا ناكل بهدوء رفعت نظري لايسر وابتسمت حجة من وحدة::- ابوي عندة شغل يومين ويرجع
سكتت ما رديت علية وكلها تباوعلي رفعت نظري لايسر وابتسمت وهزيت راسي
طلع اصيل ابن فتون من غرفتها يبجي جوعان كمت صبيتلة الاكل وكعد ياكل
خلصنا الغدة سويت جاي ونظفت المطبخ اجة اصيل كعد يمي::- خالة
التفتت الة::- ها
::- انا احبج بس ابوي وامي ما يخلوني اجيج واحجي وياج
ابتسمت بوجها وحجيت::- وانا هم احبك بس لازم تسمع كلام اهلك وما تخالفهم
::- بس انا احبج واريد احجي وياج
::- زين نتفق من ينامون اهلك تعال اكعد وياي ونسولف شتكول??
ابتسم بفرح وهز راسة فرحان نزلت بوستة من خدودة وكمت اكمل تنظيف وافكر عجيب امرهم طفل بعدة ويعلمو ع الحقد
الولد انطلق وكام يسولف::- انا عندي هواي كلش هواي خوال
رفع ادي وبدة يحسب::- واحد ثنين ثلاثة اربعة خمسة عندي خمسة
ابتسمت الة::- خوش
::- وعندي هواي اصدقاء هناك والعب وياهم بس امي ما تقبل نروح الهم
عقدت حواجبي::- ليش مو دوم ترحولهم وامكم تاخذكم وياها
::- لا ما نروح الهم من زمان
سكتت كلت طفل ما يعرف غلست عن الموضوع هو بقة يمي وانا طلعت لبرة نظفت الطارمة ورشيت الحديقة وبالي يم كلام اصيل
دك ناقوس الخطر وشمرت الصوندة بسرعة ورحت اركض لكيتة كاعد بالمطبخ لزمت ودنكت علية
::- امك وين تروح من تطلع
صفن الولد يفكر حجيت::- من تطلع وين ترحون
ابتسم::- يجي عمو سرمد ياخذنا
غمضت عيوني وكلبي خفق بكل قوة حجيت::- وين ياخذكم
::- لبيت بي مرة
عقدت حواجبي::- تعرفها هاي المرة شايفها قبل
هز راسة ب لا سكتت والحيرة ماخذة عقلي تفاجئت بدخول الشيخ بس شافني صعد لفوك مغلس ولا كانو شايفني حتى سلام ما سلم علية بحكم هو صارلة اكثر من يومين غايب عن البيت
باوعت لاصيل وحجيت::- حبيبي هذا الكلام الي حجيناه لا تكولة لامك خاف تضربك
هز راسة باي بوستة من خدودة وكمت صعدت لفوك والغضب عامي عيوني دخلت للغرفة وطبكت الباب حيل وحجيت::- شنو معني تصرفاتك هاي
تنهد وباوعلي بنظرة غريبة::- زهرة...
حجيت مقاطعتة::- اريد اروح لهلي
بهت وجها وبلع ريكة يباوعلي متفاجئ::- يعني شنو ترحين لهلج
::- كتلي راح ترجعين وهسة انا اريد ارجع
سكت يباوعلي صافن جر حسرة ودنك رفع عيونة وكال::- يجرالج
كالها وطلع طبك الباب بكل قوتة انهاريت وراه دموعي كامت تصب امسح وحدة ينزلن عشرة اعصابي تلفت حسيت جسمي كلة كام يرجف
ظليت هيج منا لمن صار المغرب نزلت لجوة جميلة جاي تصلي وانا افتر روحي مقبوضة وكلبي يوجعني فتحت باب المطبخ وكعدت برة بالحديقة
روحي رايحة ظليت افكر يا ترى اهلي راح يستقبلوني لو نسوني يتذكروني لو لا هم اشتاقولي امي هم بجت وحنت الية مثل ما اني حانة الها ابوي هم سئل علية وكال هسة شلونها حسن هم يفكر بية ويكول اختي ذبيتهم بنص ديرة ما تعرفهم هم شايل همي
رفعت عيوني للسماء وحجيت::- ربي اذا قاسملي عمر اشوف بي اخوي شوفنياه باٌحسن حال
حسيت ع خطوات تجي بأتجاهي وصوت جميلة تصيح::- خايبة زهرة فوتي لجوة دخللنا الكارص
::- جاية
كمت ودخلت لجوة سوينا عشة والشبخ كذلك هم ما جاي تعودت وما سئلت بعد علية صعدت لفوك ضايجة افتر ما اعرف شسوي
دخل الشيخ تفاجئت بي حجة وهو يتجه للكنتور::- حظري نفسج يومين وترجعين لهلج........يتبع
الـنـهـايـة 🌚❤️
الكاتبة شوك
الفاتحة ع روح المرحوم عبد ابن هدية يرحمكم الله💔💔
اقرو الفاتحة واهدوها لروحة واكون ممنونة منجن 💔