#أمارجي
بقلمي |فـطم العلي
لاتنسون التصويت + التعليق بين الفقرات + متابعة الحساب لطفاً fti_f2 🤎
""""""
خوف على رهبة كلها اجتمعت علية واسماعيل اجه يصعدلي احسه يريد يريد ينهش لحمي ، بس امه مغمي عليها راح الها وهوه يصيح على رقية
أسماعيل :: بنت الكلب روحي فتحي السيارة ، وانتي ولج راجعلج والله لندمج بنت سير النعال .
بقيت مصفصفه خايفه كلش كلش روحي احسها تنسحب مني كبل اجه ببالي شي واحد وقررت اسوي اليوم لو على كص ركبتي .
طلعو همه واني كملت صعدتي ركض لقرفة اسماعيل رحت ركض للكنتور فتحته وطلعت سفطة مال فلوس اجت بيدي هواي كلش ، اخذتهن ضميتهن بملابسي ورحت ركض لغرفة رُسل لان هاي رقية نحيسة طلعت منها بلوز ابو الكلاو اهم شيء وطلعت بنطلون عريض ماريد شي من جسمي يبين ودورت كمامة ردت بس مالكيت كلبت الغراض بس ماكو طارت .
عفتها ورحت لغرفة بباي مرة عمي ردت مستمسكاتي بس ماكو ملكيت شيء ابد ، رحت ركض سحبت شال بس ريحته لعبت نفسي منه ذبيته ولبست الحذاء وطلعت من الباب الخلفي ركض .
كل هذا و اني اركض بسرعه احس اسماعيل بأي دقيقة يدخل عليّ وهنا مستحيل شخص يخلصني من بين ايدة ! .
ركضت تقريباً نص ساعه اركض واني مدنكة راسي بس الي جذبني اول مطلعت لمحت شخص يراقبني !
شايفتة ياربي بس مادري وين بقيت مركزه ويا منو اريد اذكر ماكو شفتة رفع حاجبة من ورا الكمامة نزلت راسي ودخلت بالفرع اركض احاول اضيعه اركض مكان ما اندلة وين اول مرة ادخلة متروس ناس اخر شي طلع كدامي سوك فكرت بشيء بس والله ما اعرف شلون اجه ببالي دخلت لمحل موبايلات اول مدخلت كلتله
أمارجي :: رايدة موبايل حته لو مستعمل بسرعه .
- شنو عيني السلام بفلوس .
- اهو شلون اني بهل عطلات تنطيني سم لو اولي؟
- أُمري اغاتي شنو تحبين انطيج .
- بله نزل المنيو ، يعني هوه موبايل؟ كلتلك اي شي رايدتة حته لو مستعمل .
حجيتها وسمعت ضحكه خفيفة بصوت ناصي من وراي التفتت وشفت نفس الشخص فتحت عيوني بصدمه ،
رحت اله وحجيت بنتر
- لك انت شنو دتتقصد تتبعني لوشنو؟ .
رفع حاجبه بحركه استهزاء واردف بهمس
- الحرية ! .
باوعت اله بتمعن شنو يقصد؟ حته ابوي جان هيج يكول اجيت اسئلة بس عافني وطلع ركضت ورا ما لكيتة !
اخذت موبايل عادي وردت ويا شريحه بس كال ميصير انطيج وبقه يذب كلام ذبيت علي الفلوس وطلعت
حطيت التلفون بالجيب وصعدت الكلاو وطلعت ركض صار المغرب واني امشي ما اعرف وين دامشي والمح سيارة اسماعيل فتح الضوه علية وطكيتها ركضة دخلت بواحد من الفروع واشوف طابوكه شلتها ورحت علي والله ما افوتها الك .
دخلت من الفرع الي ورا هنه يصير ثنين يعني من الضَهر ومن كدام يعني فرعين وبالنص يصير فد بيت المهم صايرات واحد ورا الثاني .
شمرت الطابوكه اجت ترس بالجامه نزل منها واحد فتحت عيني بخوف ، عزا بعيني هذا موهوه ! شوية وطلع اسماعيل قبل لا يلتفت شردت اشوفه اجه وراي يركض .
ركضت وركضت بس اخر شيء طحت بأيدة اجه الولد الي ويا مبين جبير بالعمر يمكن عمره ب30 لزمني من ايدي ضربته دفره بين رجلي عافني وعفس وجهه بألم وكعد نص كعده .
التفتت ردت اشرد صار بوجهي اسماعيل باوعلي بأستهزاء ردت اشرد كام الولد صرت بينهم عرفت ماعندي مفر بعد بحركه سريعه اجاني بوكس من اسماعيل متت من الوجع لو شكد ما احاول اكون قوية بس الكثره تتقلب على الشجاعه !
وهمه اقوة مني اخذني اسماعيل سحل للسيارة لمحت كامرة بباب واحد من البيوت حسيت شيء ارتاح بس تمنيت يطلعون الي عندهم الكامرة براسهم خير ويقدمون فد شكوة صخام براس نورس بباي .
سحلني للسيارة حطني بالكشن الورة نركع راسي بالجامه غمضت عيني بتعب اسمع الي ويا يكلة
- يمعود هاي اغمة عليها شنسوي هسه؟ .
أسماعيل :: اخذها للعمارة اسوي لرادته امي واكسر عينها .
- يولي انتَ ليش ما تركد حرام والله .
أسماعيل :: هههههههههه صرت تحجي مثلة ، المهم يا ابو الحرام عوف الحرام عليّ موعليك و ترا امي خالتك لاتصير خنيث وانت تدري شسوت بيها لولا ؟! .
- ادري وانت شبيك هيج تضيع روحك على مود ثار بين نسوان؟ .
أسماعيل :: النسوان الي تحجي عنهن هاي امي وهاي الي يمك اندمها وربك ، وبعدين ماراح تهمني العسكرية ولا سوالفها شلي بيها يمعود ترا داخل بس حته اأمن الهم اماكن .
- واذا حالوك محكمة عسكرية؟ موتنشك شك وعود بعدين كول شلي بيها واشتغل زور .
- هههههههه بس خلي اخلص من ابو لُبدة واني اعرف شسوي .
حجه ويا بصدمه
- ابو لُبدة الانباري ؟!! .
أسماعيل :: ههههههههه اي يولي عش تضل تهتر وماتسكت هههههههههه .
- يفيدك ضحكك ، المهم نزلني هنا عندي شغل اخلصة .
أسماعيل :: اي شكو بيها .
نزل الي ويا وندار باوعلي شافني مركزه وياهم ضحك بقوه وكال
- خليج خليج حياتي مو اليوم اكمل شغلي وياج .
بقيت ساكته مانطيت ردة فعل عكس السيارة ورجع بينا للبيت من شفت الشارع اختنكت حسيت موديني للأعدام اجيت انزل درت وجهي علي وتفلت بنص وجها وشردت اشوفه اجه يركض وراي دخلت للغرفة وقفلت الباب يدفر بالباب ومافتحه ونورس تعد وتصف انواع الغلط وضافتلهن مكسرات شوية صارت لوز .
شوية عاف الباب وصاح .
- اندمج والله اندمج بنت سير النعال ولج انا هيج تسوي بية بنية مع الاسف راجعلج انا اعلمج .
- كلش اشوفك زلمه .
همستها ورحت للفراش كعدت افكر ذكرت الموبايل كمزت دورت علي لكيتة بعده بالملابس اخذت نفس براحه فتحته ماكو لا نت ولاصخام بقيت محتاره اخر شيء ضميتة بالملابس وضميت ويا الفلوس اثاري طلع المكان السري بي فايدة وما ادري اول مرة اجربها .
حته ما بدلت ملابسي حطيت راسي ودكيتها نومة مال شهر فزيت على دكة الباب وصوت همس يمه !
اريد اركز ماكو الدنيا ليل كلش طلعت التلفون اريد اعرف الساعه طلعت ب3 الفجر متت خوف واني بهيج سوالف مال همس روحي تطلع من الخوف .
شوية وراح الصوت رجعت للفراش اطكطك من الخوف غفيت كبل فزيت الصبح على مرة عمي تعد وتصف تنهدت ومسحت وجهي اني مو مال ابقه ساكته هاي تتونس اذا تشوفني اشتغل واتوسل بيها اني اعلمها بعد مومال ابقه ساكته الها لان من صدك الوضع صار لا يطاق زودتها كلش حته ملابسها اني اغسلهن !
فتحت الها الباب شفت وجها وطكيتها بضحكه من صدك ضحكت راسها ملفوف ووجها مورم من الطيحه بس من يم حنكها صاير ازرك هجمت علية لزمتني من شعري عفية شعر هذا الجاي والرايح يسحلني منه ومن اريد اكصه كلبي مينطيني لزمتها من بداية دشداشتها وصحت بوجها
أمارجي :: شوفي عمة خلينا نخلي اتفاق بينا؟ .
نورس :: دنعل ابوج لابو الاتفاق ولج انا هيج يصير بية! ومنين منج انتِ؟ .
- اهو باع هذا الي يكلك لا تحترمني .
- يااااع ولج انا تحجين وياي هيج ولج انااا .
- افتهمت انتي ترا افتهمت بس على كيفج عمة ترا اني مو عدوتج والله ممسويتلج شي على شنو هيج تتعاملين وياي؟خافي ربج مرة رجلج بالكبر عمري ما اذيتج ولا مسيتج بكلمة بس هسه اجه الدور اني اخليج توكفين وكفتي ! .
داكمل حجي وسمعت اسماعيل يصيح من فوك
أسماعيل :: ولللللج هيييي بنت الحيوان جايج اشوف شلون تطولين لسانج على اسيادج .
حجت مرة عمي وهيه تباوعلي بحقد لامه حقد الدنيا كلة مخليته بكلبها .
نورس :: عوفها يمه عوفها ونسوي الي كلتلك علي الضاهر هاي مومال احترام .
ضحك بأستهزاء وفرك ادينة بحماس
أسماعيل :: اي يمه هاي الاخبار الزينة هههههههه .
- تعاي وياي تعال .
دخلو لغرفتها وبقيت صافنه اريد افهم على شنو يحجون ؟! صار الهم اسبوع يمكن يحجون بنفس السيرة اجذب اذا اكول ماخفت لا خفت كلش لان ادري ما بكلبهم رحمة لو ينكسر خاطرهم على احد خلص الوكت واني قافلة الباب بكت الرمز مالت النت من رسل الفاهيه جريت السانها .
رسل ابد مو مثل رقية هاي رسل من النوع الي يخاف وتكت الاول والتالي براشدي واحد .
دخلت للغرفة من المغرب اكلت ودخلت بس مرة عمي مغلسة عني وهذا الي خوفني اكثر ، بقيت افكر شنو وشلون هيج سكتت ماعرفت .
طلعت التلفون وخليت الرمز وبديت ابحوش باليوتيوب اكتب شلون افعل وغيرها هواي اشياء لحد ما ضبطت الي احتاجهن كلش صارت ب12 ضميت التلفون جوه المخده وغفيت ، فزيت بعد وكت ما اعرف شكد .
احس بشيء يمشي على جسمي بس عبالي الحلم ينعاد مثل كل يوم بس صحصحت شوية شفتة اسماعيل كدامي !! .
اجيت اصيح سد حلكي وحركته مو موزونة عرفتة راجع للسم الي يشربة .
اريد ادفعه ماكو مايندفع ضخم كلش ! جردني من ملابسي واني روحي تطلع جوا .
ادفع بي وماكو اجه يتقربلي واسمع الاصوات تعالت برة والدورية مالت الشرطه ! .
هوه من سمع كأنُ بده يصحصح شال ايده مني واني بحركه سريعه دفعته ارتد للورة وطاح بالطرف الثاني .
يريد يفتح عيونه مايكدر لبست البلوز والبنطلون شلت التلفون من جوه المخده صدك محضوضة من عفتة بهل مكان بس الفلوس للاسف ماكدرت اخذهن .
طلعت للباب راد يطلع وراي دفعته الداخل الغرفة حيل يحاول يدفعني بس ميكدر ماعنده طاقة .
دفعتة ألداخل الغرفة كلش ، سحبت المفتاح من الباب من الداخل وحطيتة من برة وقفلت الباب علي .
كل هذا واني جسمي يرجف اول مرة اخاف هيج اجواء رعب صار ، اول مرة بحياتي اعيش هيج شيء صح انهزم واضرب واقتل بس هيج خوف مستحيل اوصفة شكد ما احجي ! .
طلعت اركض للحديقة من الباب الخلفي لان باب الصالة يحاولون يكسرونة الجيش والبيت مطوق بالجيش درت وجهي واشوف باب الصاله نكسر الكزاز بطلقة .
طلعت اركض وصلت للفرع اركض واديرة وجهي للورة وصلت لفرع بيتنا وبحركه سريعه نشاليت من مكاني .
بوصلة صغيرة تخلت على خشمي وحلكي سوية وصوت شخص يهمس يم اذني .
- اشششششش حريتي ! .
يتبع .! 🦋