قيود عشك الشيخ

قيد العاشر

جسمي كلة انهز بطريقة مرعبة كعدت لكيت الشيخ يمي ولازم ادية دفعتة بخوف ورجعت لورة لازمة ركبتي كام بسرعة فتح الضوة واجاني ملهوف وادية ترعش رعش

::- شصار زهرة شبيج بوية

بس شفتة واستوعبت الصار رميت نفسي بحظنة اشهك من الخوف

وكلساع عيني تروح لجهة الباب الي دخلت الها البنية وارجع اغمض عيوني بخوف بعدني عن حظنة ولزم خدودي بهدوء وحجة::- شبيج بوية

هزيت راسي بلا ودموعي ع خدي وجسمي ينفض::- ما بية مجرد كوابيس تجيني

سكت يباوعلي بخوف تنهد اجاني وجع ما ينحمل براسي لزمتة بالم وصرخت::- راااااااسسسسيييي رررراااااسسسسييي اااخخخخ يييييممممةةةة

كمت اضرب ع راسي بس رايدتة يهدء من الالم اخذني لحظنة خايف::- شبيج بوية وكفتي كلبي

::- رررااااااسسسسسسيييي رااحححح اموووووووووتتتتت

بسرعة شالني ورفعني طلعني من الغرفة دخلني للحمام واني اصرخ غسل وجهي وادية حسيت نفسي تلعب منة دفعتة وتقيت دم?!!!

انخبص هو اجة يتقرب عطت بي::-وخخخخخخررررررررر عععععننننننننيييييي ووووخرررر

::- اهدي بوية اهدي تمام تمام راح اروح بس هاج شربيلج مية راح تموتين

سديت باب الحمام علية بدون لا اجاوبة وكعدت لزمت راسي بالم ودموعي ع خدي

غمضت عيوني واجت البنية الدخلت علية ع بالي حسيت الهوة ضاك علية وبنفس الوقت اكو نسمة هوة صارت بالحمام!!! مع العلم الحمام مقبط وماكو اي فتحة بي

كمت رايدة اطلع الباب الحمام مقفول صرخت بخوف::- شششششييييخخخخخ طلللعنننييي منووووو هنااااا شييييخخخخ

ماكو صوتي مجاي يطلع جان اكو ضوة اصفر بالحمام فجائة كام يرمش بطريقة تخوف التفتت علية وصرخت من طك وتناثر الكزاز ع وجهي حجيت::- شششششششييخخ مننوووو هناااا

الحمام اضلم فجائة حسيت بانفاس غريبة تضرب بركبتي مع العلم محد بالحمام غيري?!!!

التفتت ووكع كلبي وانا اشوف شي اسود واكف مقابيلي حسيت كلبي وكف وفجائة وكعت مغشي علية من هول الموقف

كعدت انا بالغرفة!! لزمت راسي بالم حيل يوجعني الم مو طبيعي والشيخ كاعد يقرة قران يم راسي حسيت كلما يحجي شي راسي يضل ياذني كمت مفزوعة وصحت بي::- ككككككككااااااااافييييييي ككككككاااااافففيييييييي لااااااااا تقرة

خطية فز وبسرعة طبك القران لزمت راسي بالم وابجي الغرفة بوووخة بوووخة ماكو نفس بيها لزمت ركبتي مختنكة والغرفة جهنم

اجة الشيخ تقدم ناحيتي خايف ونظرات الاستغراب واضحة علية حجة::- زهرة شبيج يبعد عيوني انتي كليلي شبيج بوية

رفعت عيوني اتفحص الغرفة وضحكت وبنفس الوقت بجيت!!!

...............

نزل ثقيف ووضعة ما يعجب دخل لغرفة امي وصاحني وجعني كلبي كلت اكيدن بي شي رحت وراه تنهد وحجة::- يمة زهرة مدري شبيها

شهكت امي::- شبيها يمة

::- يمة تكوبس وتصرخ وتضحك وترجع تبجي وتصرخ من الم راسها وساعة تكلي ليش مطفي الضوة هو مفتوح

لطمت ع صدري وشهكت::- يمة البت مالها كبل يومين ما بيها شي وتفتر جنها وردة

باوعلي بحيرة وعيونة مدمعة::- خوية خايف لا يصير بيها شي

جان طول الوقت امي ساكتة بعدها رفعت راسها وكالت::- يمة جميلة جيبيلي القران

كمت وجبتلها القران وكامت توضت واجت قرت ايات وسمت باسم الله وفتحت القران وننصدم من تكول::- البت مسويلها شعوذة

شهكت بخوف باوعلي الشيخ حاير جر حسرة شكت كلبة::- عرفتها لان حالتها فجائة بينت البت مو طبيعي

حجيت بهمس::- الزمن يعيد نفسة دخيلك يا اللهي استر علينا

رغم همست بس الشيخ سمعني رفع راسة وحجة::- ما اسمح هل مرة تروح زهرتي

الحجية طلبت ينزلها جوة يمها طلب مني اصعد ليها

صعدت وليتني ما صعدت لكيتها شعرها نازل ع وجها وراسها تضرب ع حايط والدم يسيل منها

شهكت وهي التفتتلي عيونها بيض صايرات??!!

خفت ورجعت لورة بس ما اعرف بلحظة البرق وصلت يمي وخنكتني كمت اصرخ واستنجد واحد يجيني

اقرب واحد الية هو ايسر اجة بسرعة يحاول يسحبها ضحكت بجنون وبصوت يخوف 

تحجي بكلمات ما مفهومة فجائة وكع ايسر مغشي علية ركضت بسرعة ناحيتة

وكلبي وكف عيوني تشخصن ما بية لا اعوفها ولا اعوف ابن خوي ضليت حايرة لحظات هي بس لحظات ودنكت حتى ارفع راس ايسر بحظني والتفتت لزهرة واشوفها وشهكت والرعب مالي صدري

جان مكلوبة وجها للكاع وواكفة ع اصابيع اديها وتضحك?!!

دب الخوف براسي وخفت حيل من منضرها وخاصة وهي واكفة ع اصابع اديها وتضحك!!!

شلون واكفة كل ثكل جسمها ع اصابع اديها الرقيقة شلون?!!

بعدني صافنة وحايرة وخايفة اجة الشيخ يركض ع الدرج صرخت مفزوعة بسرعة شافتة وبجت وبنفس الوقت تضحك!! 

اجتة ملهوفة وتصرخ::- روووح رووووححح راااحححح يكتلوووككك روووحح

يريد يسيطر عليها وهي تتلفت وتخزر وترفع عيونها وتضحك بنفس الوقت!!

انهارت وهي ادفع بصدر ثقيف وتبجي وتصيح راح يكتلوك روح!!

دك ناقوس الخطر ع كلبي وخاصة هاي الحالة مارة علية مشابها الها نزلت لجوة اركض وابجي بس ما سحلت ايسر لغرفتة

جفتت غرفة امي وهي كاعدة تسبح وتبجي حجيت بانفعال وروح رايحة::- يمة دخيل بختج يمة اروحن نذر لرجليج سوي جارة

نزلو دموعها بحيرة وتهز براسها فزيت ع صرخت ورطمة قوية فوك فزيت خايفة يمة اخوي يمها!!

عفت امي تصرخ وصعدت الها::- بروح ابيك خوية سوي شي

واكف وعيونة مبحلقة وجسمة ينفض بشكل غريب تقربت يمة وحجيت::- خوية تسمعني

التفتلي وعيونة ملايانة دموع::- راح تروح

بهت وجهي وفهيت باوعت زهرة كاعدة وتجر بشرعة ويوكع بايدها!!

وتباوع للشيخ وتصيح روح يردوك تموت وكف شعر راسي وكعدت يمها::- زهرة باعيلي زهرة حبيبتي

كاعدة بالزوية ولامة رجليها لصدرها باوعتلي ابتسمت بوجها وهي بجت بجيت وياها وتقربت مسحت دموعها::- شبيج

صوتها مليان رعب وخوف وعينها وراي::- المرة وراج راح تخنكج

فزيت بسرعة والتفتت ماكو شي??! حجت بسرعة::- كوومي جميلة اجتج اشششررددديي اشششررددديي

وكف كلبي وبتعدت رجعت لورة باوعت للشيخ وابتسمت::- شيخ

::- عيونة ها بوية ها
ها زهرة ها

بجت::- شيخ المرة تخنكني بشعرها

غمض عيونة::- منو هي

سكتت تباوع بالفراغ رفعت اديها واشرت ع فراغ التفتنا ماكو شي?!!

باوعلي حاير كال::- تكدرين تبقين هنا وي زهرة يومين واردن

التفتت اباوع مكزة نضرها بالفراغ تبجي وتضحك وتسولف وبعدها تجر بشعرها

تنهدت ونزلو دموعي وهزيت راسي باي سكت يباوعلي حجة::- لا تفاركيها

هزيت راسي وهو دخل لغرفة ايسر شوية طلعو هو وياه ما اعرف لوين

وهيج مرت اليومين ع نار وضع زهرة كلما جاي يزود لو تاذي ايدها لو تصفن بوجهي وتضل تخزر بية وتفتح عيونها وترفعهن لفوك وتخلي بس البياض بيهن

ومرة جان الدنيا مغرب وزهرة نايمة دخلت كعدتها اشو بس سمعت صوت الاذان وهي ثارت اخذت الصلاحية مال الماي وركعتها بالحايط وكامت تفتر وتحوس وتبجي وتصرخ سكتوو راسي يوجعني

حاولنا نلزمها امي اجت رادت تقرة عليها قران وما احس الا هجمت ع امي نريد نوخرها ماكو اخر شي وكعت ما تشيل لا ايد ولا رجل

صرخت وتكربت صوبها ما تتنفس عم الصراخ بالبيت والعويل دخل الشيخ من بعد غياب يومين هو يركض وفحطان وكوة يتفنس وعيونة شاحظة

اجة بسرعة متقدم ناحيتها ويصرخ::- لااااا بوووويةةو لااااااا موووو هيييججج اتفقنا زهرة بوية كعدي مو ردتي تشوفين امج مو ردتي ترحين لهلج وتعيشين بينهم راح اوديج زهرة باوعيلي زهرةةة

بوية لا تحركين كلبي كافي علية حركة كلبي الصار بوية هواي ع كلبي هواي ولله هواي كومي بوية كومي يبعد عيوني راويني طولج زهرة اتفقنا تصيرين دكتور واجيج اداوي كلبي العليل يمج كمي يبعد كل جرح بروحي

جان حاظنها لصدرة ويحجي ودموعة ع مكابرة وما تنزل بس مبينات هذنيج هنا بعيونة وغصتة وصوتة اليرجف وجعت كلوبنا

فجائة هبط صدرها ونزل فز يباوع الها ويستمع دكات كلبها فجائ باوعلي وحجة::- بوية بسرعة بسرعة جيبيلي عباية

هزيت راسي وكمت بسرعة جبتلة عباية وانطيتها الة لفلفها بيها و بسرعة شالها هو يركض ويصيح ع سلام وايسر يستعجلهم بسرعة طلعو وراه وعافونا بنارنا

ظلينا هيج لوجه الصبح اتصل الموبايل وما بية حيل اكومن ردت فتون شوية ووجها كام ينطي الالوان وردت بتمتمة::- ااا جميلة ااا هههذذ اا الشيخ ييرددج

كمت بسرعة واخذت السماعة من عدها حجيت بلهفة::- ها خوية بشر

رد بحزم وصرامة::- تسمعيني كلش زين ترحين هسة تصعدين لغرفتنا وتكلبين عاليها وواطيها وتجيبين شكو شي غريب اخذي خلي بعلاكة جاي سلام بالطريق انطي الة

حجيت باستغراب::- شكو شي خوفتني كلي شلونها زهرة

تنهد::- مثل ما كالت الحجية مسويلها عمل شيطاني

شهكت بخوف التفتت فتون تباوع ونظرات الفظول بعيونها درت وجهي وهمست::- وينها هي كلي شصار بيها

جر حسرة::- وينها يبعد اخوج وينها زهرة بين الموت والموت

شهكت::- يمة اسم الله وهسة خوية شصار وياها

::- ما صار يبعد اخوج ما صار نتوكل ع الله افضل ولا تنسين مثل ما وصيتج بعد اخوج وراحتة انت

::- لا يروحي انت هذا هو

::- شوفي جميلة تخلين سطل وماي وخل وملح خشن وتمسحين البيت من الفوك لجوة ما اريد غرفة تبقى

::- صار خوية صار

طبك الموبايل ورحت لغرفة امي وسولفت الها بالتفاصيل كالت اجي وياج طلبت منها ترتاح لان هي ما تكدر لصعدة الدرج لكن رفضت واصرت تصعد وياي!!

صعدنا سوة لفوك ومثل ما طلب الشيخ كلبت الغرفة كلاب ما لكيت شي يلفت النظر تعبت وامي هم تعبت خطية حيل وكعدت بالكاع

فجائة لفت انتباهي شوية علاجة صايرة جوة الجرباية ومعلكة فوك

تقربت وحجت امي بستغراب::- ها ولج مالج

::- يمة مدري شنهي هذا جوة الجرباية

ما احس الا امي عاطت::- ميلي ميلي روحي جيبيلي علاكة فوتي بسرعة

رحت انزل للدرج لكيت فتون كاعدة ع نص الدرج بس اجيت كمزت استغربت حالتها تلكتني بوجه خايف::- شكالج الشيخ مالها زهرة??!

::- هسة صارت تهمج زهرة اشو بس تكابلج تضلين بزبزين بيها بكلامج اليسد النفس وتكدرين خاطر البنية منين اجتج هل حنية فجائة

::- شمالج هو سوال قابل كتلت

::- دوخري وخري مالي نفس احجي البيني كافيني

::- مالج هو سوال كحط

عفتها ومشيت للمطبخ اخذ علاكة من زمان احنا تكررت هاي الحالة عدنا ما نعرف منو الي يريد يضرنا ويسويلنا سحر??!! وخاصة للشيخ

هواي كرايبنا كلش هواي وما نعرف منهو الزين من الشين رحت صعدت فوك اخذنا العمل وظليت مكابلتة وكاعدة لعبت نفسي وجزت من ريحتة ما اعرف شلون جان ما مبين وهسة من طلع عبالك فطيسة

سمعت صوت التلفون ركضت الة ورفعت صوت ايسر يلهث

::- ها عمة بشري

::- وينة ابوك

::- يابة هاي عمة جميلة

::- الو ها خوية

::- هلا خوية تعال دز سلام

::- دزيتة من ساعة تم بعد اخوج مو??

::- تم بعد رويحتي

::- هذا هو

جاوبني بفرح وارتياح سديت الخط من عندة وحجيت لامي هزت راسها. ساكتة

شوية ووصل سلام لبست حجابي وطلعتلة::- بشر خوية شصار

جر حسرة::- البت مغمي عليها وفاقدة كالو السادة ما نكدر نتصرف اذا ما شفنا العمل وبطلنا

::- حسبي الله ونعم الوكيل ع كل ظالم مسكينة

باوعتلة عيونة لمعن انخطف كلبي لزمتة::- بس لا خوية البالي بالك كول غيرها يبعد اختك مالها زهرة

::- لا ولله مثل ما كتلج بس..

دنك بقهر::- بس شنهي خوية كول

::- تذكرت المرحومة مرت مثل حالها بس الفرق محد صدكها وادعو عليها بالجنون

دنكت راسي وبجيت::- الله يرحمها روحها طيبة خلصت من الدنيا الغبرة والبيها

::- هسة زهرة وين هي

::- تعرفين الشيخ كلما تضيك عنة الوسيعة يروح للناصرية للشيخ ابو احمد وبالصدفة كالة هيج وهيج وكالة تعال اخذها للسادة ال حمد

::- سادة ال حمد?!!

::- اي خوية يكولون هل ناس بخات وكل العراق يجي من اخر العالم ويزورو

::- وين صاير مكانهم

::- بالناصرية ع اطراف

::- بلكت الله وترجعلنا البت تمشي ع رجليها الشيخ لون فكدها يموت

هز راسة هو خانكتة العبرة وراح صعدت لفوك وانا افكر صدك الصار مثل ما صار بابمرحومة اخخخخ يا صديقة عمري وبت عمي اخخخخ يا روحي الله يرحمج يا رفيجة دربي

مرن يومين ثانيات وماكو ولا خبر عنهم وبيوم بليل جاي اصلي صلاة الليل ساعة ب12 سمعت صوت خطوات برة

بسرعة طلعت لبرة وانصدم من اشوف الشيخ لازم زهرة وزهرة تمشي بروح خاوية ونظراتها فارغة والتعب ماخذ من حيلها حيل

رحتلهم طاير كلبي عليهم واخذت زهرة وحظنتها وبوست بيها وابجي مو بس مرت اخو هاي صارت عبالك بنيتي تحمدت الها ع السلامة وهي لساتها صافنة وما انطت اي ردة فعل!!

باوعت للشيخ باستغراب تنهد وبقى ساكت اشرلي اسكت سكتت ردت الزمها اسندها دفعت ايدي وخزرتني ما نعتني اتقربلها حجة الشيخ

::- زهرة نصعد لفوك تنامين يلا بوية

دمعن عيونها::- خاف تجيني

جر حسرة واخذ راسها لحظنة::- مو كتلج بعد ما تجيج

::- شعرها طويل وتخنكني بس ووجها اسود خاف تجيني

باوعلي ساكت تنهدت تقربت منها وخليت ايدي ع شعرها دفعت ايدي بغضب وحجت بنتر::- وخررررييي لاااا تلزموووني

اشرلي الشيخ ابتعد وكفت ع صفحة امسح بدموعي مسكينة هل بنت بقة الشيخ يقنع بيها::- زهرة بوية شو باوعيلي

::- ها

::- نصعد فوك نام

::- تخليني بحظنك

ابتسمت والشيخ رفع راسة منحرج الية جانت هي تباوعلة تطلب موافقتة بعيون تدمع ابتسم باحراج وكال::- اي

::- ما تعوفني

رجع رفع راسة وانا خليت حجابي ع حلكي وضحكت رد::- اي بوية ما اعوفج

::- تقرالي قصة

ضحكت والشيخ غط من الاحراج بس ما يكدر يكسر خاطرها::- اي بوية اقرالج قصة ع امام علي??

::- لاااااا

::- يلا بكيفج انتي تحددين نصعد هسة لو لا

::- رجلية توجعني ما اكدر امشي

كالتها وبجت تنهد واخذها لحظنة ورفعها عن الكاع وهي مثل الريشة بحظنة دفنت راسها بركبتة وصعدو

وانا دخلت نمت ما دريت بالدنيا بعد هل ثلاث اشهر هلكنا بيهن

ثاني يوم كعدت الصبح لكيت الشيخ وزهرة ينريكون وهي عبالك بتة لازكة بي هو ينطيها لكم صغار ويوكلها

صبحت عليهم وتفاجئت من زهرة ردتلي الصباحية وابتسمت دنكت بستها ابتسمت وبقت ساكتة

::- اروحلج فدوة يبعد طولي مشتاقتلج

هزت راسها ساكتة رحت للمطبخ حظرت الغدة وفتون عد اهلها اليوم مستغربة روحاتها الهواي. ل اهلها

خلصت الغدة ووكت الضهرية كامت زهرة تصلي وعيون الشيخ وراها وين ما تروح

ابتسمت الضاهر الشيخ واكع وما حاس ع روحة

اجت وصلو سوة كملو وكعدو لمت السجادة وتخاف تصعد لفوك ترجعهت اخذتهن منها ورجعتهن ورجعت

الشيخ كال هو يباوع لزهرة::- الله بالخير عليكم

::- الله بالخير والعافية يبعد امك

::- يمة زهرة يومين ورايحة لهلها

جمدنا بمكانة نباوع لزهرة الي تباوع للشيخ وعيونها مغرغرة بالدموع حجت امي::- يمة زهرة صدك تردين ترحين وتعوفينا وحيدنا

::- يمة لا ضغطين عليها

::- انا وبنيتي

هز راسة باوعلها هي هم هزت راسها تريد تروح حكها البت صغيرة ونحرمت من اهلها وشافت وعانت هواي سكتنا

هم صعدو لفوك وانا رحت لغرفة امي وظليت اواسيها::- يمة لا تكدرين خاطرج الشيخ خايف تنعاد سالفة زهراء بزهرة ويخاف يخسرها

::- فرحانة عبالي استقر وراح يبني عويل ويصيرون جهال عندة

::- يمة مبينة هي زهرة شلون جان يداريها عبالك بتة وكال هو معتبرهه بنيتي

فجائة دخلت زهرة للغرفة وحجت بانفعال::- يا زهراء وشتصير للشيخ

باوعت لامي هزتلي براسها تنهدت باوعت لزهرة بحيرة::- تعاي فوتي خل اسولفن الج

هزت راسها وفاتت لجوة وكعدت مقابيلي::- سولفي

::- زهراء تكون بت عمي وصديقة طفولتي

فلاش باك الماضي"عودة"

جنا انا وزهراء بت عمي مثل الصديقات وخوات ودائما سوة رغم هي تصغرني بكم سنة بس انا وياهت روح وحدة وكلب واحد

وهي زهراء مو بس بت عمي بت خالي همين جنا نروح انا وياها للمدرسة لحد ما صار ونجحنا من الثالث مترسط طبعا اني ارسب بهواي دروس لذالك لحكتني

بطلوني وخطبوني لاخو فتون وجابو فتون لساجد اخوي بجيت بوكتها وردت انهزم وردت اشرد بس لزموني وابوي كسر الخيزران ع ضهري تعبت من الصد والرد والضرب اضطريت اوافق

زهراء كملت دراستها ورغم هل شي ما عافتني جنت دوم اجي شاردة من ظربة وابجي واصرخ واصيح الغوث منة لان سكير ويضربني وما تعامل وياي بالحسنى

هاي الاحداث وكلها وثقيف جان ب بغداد يدرس كلية وما داري بوضع اخيتة

وبيوم اجة وانا عد عيالي وسمعت بي وردت اروحلة وخاصة صارلي اكثر من سنة ما شايفتة ما قبل رجلي وضربني وحبسني بالغرفة وخلاني لا اكل ولا شرب

لحد ما انفتح الباب ومرتبك ويكول اخوج هنا اذا فكيتي حلكج اذبحج

فرحت ورحت انزل اركض الة وبس شافني جمد بمكاني دخلت بحظنة ابجي واطلب يطلعني منا

وفعلا بدون لا يعرف شبية مجرد طلبت منة استرخص منهم وهم صارو وياي مثل الماي بالصينية وخلو ياخذني

وصلت لهناك وما تحملت وحجيت كلشي لثقيف الي كلب عاليها وواطيها ولعب لعب بيهم ولحد هسة اتذكر كلمتة من كال محد يمسها وانا اشم الهوة

ابوي ما كابل علية ويكلة ردها لرجلها وانا ارجف وابجي وما قابلة لحد فد يوم اجت زهراء

وسولفت الهم كلشي طبعا اني بس كايلة الهم يضربني ما كايلة الهم سكير اجت ووكفت بين عمامي والولد وكالت يسكر ويروح للنسوان

وبفضلها وبفضل مساعدتها واخيرا تطلكت زهراء جانت صاحبة جسم طويل رشيق وعيونة وسيعة وحلوة حيل حلوة

وجانت تدرس كلية وي اخوي لحد ما فد يوم واجانا اخوي متخربطة اوضاع وكال لامي" يمة ميت بيها يمة خذت كلبي"

حباها حب ما صاير وقدسها ورادها بس للاسف جانت زهراء معتبرتة اخ الها لا فقط

تعب الشيخ هو يحاول وياها وهي ترد محاولاتة بالفشل لحد ما سمعنا زهراء نخطبت لواحد

منين هل واحد ما ندري تمرض اخوي ووكع بالفراش وشعر السبيب الثخين كلة وكع وتعب بفراكها ورادها بس هي ما حبتة

وبيوم خطبتها بس امي راحت وهي من شافتني ما جيت دزت امها خالتي ودزت نسوان بس علمود اجي وما رحت مو هينة اشوفن اخوي طريح الفراش بسببها

وبيوم اجتنا وهي سمنانة وحليانة والحلقة كاشخة بايدها من شافها الشيخ شرشطتت روحة واول مرة اشوفن اخوي بهل وضع وهو يكول" يمة خذت حيلي بكشخة الحلقة"

تعب الشيخ وهي جان سلامها بارد وياه هو هم كابر وسحك ع كلبة وكام يعاملها بالمثل

لحد يوم المشؤوم واجتني زهراء تبجي وتكول::- جميلة انا احب الشيخ اروحلج فدوة سويلي جارة راح اموت

فزعت وضربتها ع حلكها::- مالج ولج سامعة اليحجي حلكج انتي دهر صابج كون اسكتي لا يكتلوج خايبة

::- جميلة ولله العظيم اذا اتزوجت واحد غيرة اموت

::- شنهي ستوج فزيتي مو جان كاتل روحة عليج من دهر صاب راسج المجيم

::- ما ادري ما ادري حوبتة طلعت بية كليلي شسوي

رغم هي حبتة وحيل حبتة بس زهراء تستحرم وفضلت تحتفظ هل سر بينها وبين روحها ما حبت تفصح عنة وسكتت

يوم عن يوم اشوفها شلون تذبل ولحد ما قرب موعد عرسها وهي كامت تنحب وتبجي وتصرخ ساعديني

وانا ابجي وياها وما اعرف شلون اساعدها الفاجئنا كلنا والي ما حسبنا بالحسبان وصار يوم المشؤوم هو...........يتبع

الـنـهـايـة 🌚❤️

الكاتبة شوك 🧚‍♂️❤️

الفاتحة ع روح المرحوم عبد ابن هدية يرحمكم الله💔💔

اقرو الفاتحة واهدوها لروحة واكون ممنونة منجن 💔

بنات لا تنسن التفاعل والتعليق بين للفقرات والتصويت للبارت

قراءة ممتعة ❤️
احبجن ❤️