قيود العوف

Part 31

#قيود_العوف
بقلمـَي: ريتـَا

وإني لساعة لُقياك متلهفاً
‏كصائم لصوت المدَفع مُتشوقاً

لتنسون التصويت + التعليقات بين الفقرات + متابعة حسابي قلبي ❤️‍🔥

شبابات صوتوا دوسوا علىٰ النجمَة لتنسون مُهم🤏🏻

يامرحبا مشتاقين شوفوني تفاعلكم وشوقكم للرواية ؟🙈🫣

_________________________________

-هـلا يـا روح گلبـة ولـَِذة عيونـة

ابتسمت من كُل قلبي وشعور غريب احتلني مخلوط بفرحة وخوف وتوتر لأن هو گدام عيوني أنتبهت أكو جروح بوجهة بلعت ريگ وگلت اله بصوت متقطع ...

-جُمان: شنو هاي شصاير الك ؟؟!

ميل راسة بأستغراب بمعنىٰ شكو ؟ وأشرت اله علىٰ الجروح الي بوجهة

-عوف: مقبلات بويه

-جُمان: وين چنت كُل هلوقت ؟

رفع أيده خلاها علىٰ الباب والثانية علىٰ خصرة ابتسم بخفة وگال

-عوف: يم صاحبتي

-جُمان: شنو ؟؟!

-عوف: يم صاحبتي ماسمعتي ؟

-جُمان: صدگ تحچي ؟!!

-عوف: چا اجذب عليج

-جُمان: اهاا شكو جاي لعد ؟

-عوف: جاي اشوف امج مشتاقلها

بلعت ريگ واحس وجهي يريد ينط من العصبية ماا أعرف شبيه حمقت وعصبت هيج ...

ضحك وگال

-عوف: ولچ يابه انتِ تعلمتي توگفيني بالباب شنو ؟

-جُمان: ماما نايمة

باوع للساعة ورد بخبث

-عوف: لا ماتنام هيچ وقت

-جُمان: امي تره مو صاحبتك حتىٰ تعرف متنام هيچي وقت

ضحك بصوت وگال

-عوف: ههههههههههههه لا صاحبتي تنام من وكت

-جُمان: بعد انتَ اعرف

-عوف: چا شلون غير صاحبتي !!

اخذت نفس قووي وزفرتة بقلة صبر ..

-جُمان: شبيك عوف ؟

-عوف: انتِ شبيج شو ضايجة ؟

-جُمان: لا مابية شيء اني

-عوف: لا بيج بيج بس سمعتي بصاحبتي ضجتي

-جُمان: شنوو ؟؟ متوهم

-عوف: متأكدة ؟!

بقيت ساكتة واباوع اله بعصبية واضغط علىٰ فكي ابتسم بخبث وأتقدم عليه واني رجعت خطوات ليورا گال وهو مستمر يتقدم بخطوات ثقيلة

-عوف: يعني ماغرتي ؟

-جُمان: سلاماااات اني لو اشوفك وي بنية ماا اهتم هلگد ترىٰ

-عوف: گولي والله

-جُمان: ليش اغار يعني بصفتي شنو ؟؟

خفق گلبي بلعت ريگ من شفتة اتقرب ابتعدت وهو سد الباب من التوتر انسفطت عليه حط ايديه بالجوانب وجان مبتعد مسافة عني دنم لمستوىٰ راسي وعيونة تتنقل بين عيوني

-عوف: ليش ترجفين ؟

-جُمان: شدتسوي عوف ابتعد عني لا تقترب حرام المسافة القريبة .

-عوف: مامقترب هذا حدي .

-جُمان: ابتعد عني

-عوف: ليش متوترة وخايفة ؟

دفعت أيدة بطرف ايدي ردت اوخرها من الجوانب حتىٰ ابعدها واطلع ماكو ثگيلة متندفع وهو شاد عليها ..

-جُمان: بس ابتعد عني

بحركة رفع حواجبه ثنينهن ليفوگ وگال

-عوف: تؤ

-جُمان: شدتسوي ترىٰ هاي تُعتبر خيانة لصاحبتك ؟

-عوف: اه ؟ لا عفية كل شيء ولا اخونها انه بحلمي من احلم ببنية غيرها افز استغفر

-جُمان: لهلدرجة تحبها ؟

-عوف: ياهي ؟

-جُمان: صاحبتك

-عوف: ها صاحبتي اموت علىٰ ربها

-جُمان: الله يهنيكم

حچيتها واحس انهضمت كُلش بلعت ريگ ونزلت راسي  بقوة قهررني شكد كرهت نفسي بلهحظة بس اسلوبة يقهر شكد اتمنى هسة اسفطة براشدي ابرد گلبي بيه بس لازمتني الاخلاق .

-عوف: بلا رفعي راسج ؟

بقيت ساكتة ماجاوبتة مد ايدة لحنجي راد يرفع وجهي لزمت أيده نترتها عن وجهي وردت اطلع بسرعة رجع حط أيده علىٰ الباب وحاوطني من هلجهة .

-جُمان: وخر أيدك أريد اروح شبيك

-عوف: رفعي راسج

اخذت نفس وزفرتة وحچيت بصوت مُرهق ..

-جُمان: شتريد احچي ؟

-عوف: أكو حچايات ما تنگال إلا عيونچ گبالي ..

رمشت وماا أحس إلا دمعة تسقط منِي انصدمت بيها من نزلت علىٰ خدودي ماا حسيت شوكت غورگت عيوني وليش مديت أيدي مسحت وجهي ومسحتها بسُرعة جريت نفس ورفعت راسي عيونة تلمع مسبلة على ملامحي..

-جُمان: شتريد مني عوف ليش هيج دتسوي ؟

-عوف: شمسوي

ضربت رجلي بالگاع وگلت ..

-جُمان: استغفر الله شبييك انتتت ؟؟

-عوف: ااخ .. بيه هواي

بقيت اباوع اله وشديت علىٰ فكي حسيت الكلام باقي ببعلومي بحيث اول ماثبتت عيوني عليه تلقائياً طلع مني ..

-جُمان: كُل هلخوف والقلق الي قلقتة عليك بهاي الايام والي مريت بيه اخر شيء تگُلي چنت يم صاحبتي عوف ؟!

تقرب خطوات ابتسم بطرف خدة بمكر وگال..

-عوف: خفتي وقلقتي عليه ؟

-جُمان: لا

-عوف: جذابة

-جُمان: وخر عني وروح لصاحبتك اني اريد انام نعسانة

-عوف: ليش تغيرين الموضوع

-جُمان: تعبتني والله

-عوف: انتِ هم تعبتيني ودوختيني

-جُمان: ليش شمسوية اني وتعبتك ؟

-عوف: بدون ماتسوين شيء متعبتني انتِ

-جُمان: ممجبور تتعب بسببي شعندك وياية قابل ارتاح مني ولتتعب

-عوف: احلىٰ تعب تعبتة بحيَاتي هو هذا شلون تردين ارتاح منه

-جُمان: بمناسبة شنو لا عرف ولا ولف قابل صاحبتك اني ؟

ضحك بصوت ضحكة طويلة ميلت راسي عزا عزا راح تجي منار وانفضح والله اذا لزمتني متهدني بعد ميلت راسي اباوع واني داباع رفعت عيني اله ابتسم وهمس..

-عوف: هسة انتِ غرتي من صاحبتي ؟

-جُمان: ترىٰ اثنينكم متهموني وهسة يله ابتعد عني ابتعد برگبتك هذا الحرام الله جاي يشوف اني ماعلية ياربي فدوه جاي تشوف موو اوخر بيه مايوخر اصرخ اللطم شسوي ياربي..

-عوف: اه اه هيج صارت ؟

-جُمان: هي هيچ من البداية

-عوف: چا هاي الدميعة الطاحت عليمن ؟؟

-جُمان: شعرة دخلت بعيني ترىٰ !!

-عوف: شو ماشفتج طلعتيها وين راحت الشعرة

-جُمان: راحت

-عوف: وين راحت ؟

-جُمان: لصاحبتك

ضحك واخذ نفس زفرة وچان واضح عليه التعب وگال

-عوف: ااخ جُمان تعبان

-جُمان: هاي كُله من ورا صاحبتك

-عوف: يابه هسة ليش ماتگولين تغارين ؟

-جُمان: لا عشتو اغار عليمن اوي

-عوف: هههههه

-جُمان: شبيك ترىٰ متهمني صاحبتك حتىٰ اغار منها ؟

-عوف: ياصاحبة ؟ تروحلج فدوه كل نثيه شافتها عيني

جمدت ملامح وجهي وتنقلت عيونة بين عيوني حط أيدة علىٰ گلبة وگال بضياع ...

-عوف: هذا عمرة مـالگاله مكان يستقر بيَه بس هسة احسة بمُكانة ..

بلعت ريگ وبقيت صافنة بيَه رجع گال

-عوف: التعب واصل لراسي ونظراتج هاي تاخذ تعبي كله

-جُمان: يعني مچنت يم صاحبتك ؟

-عوف: لا والله من البصرة لبيتكم وصلت

-جُمان: يعني ماعندك صاحبة ؟

-عوف: لا ماعندي تصيرين صاحبتي انتِ ؟

-جُمان: عوف !!

-عوف: بعد روحة

-جُمان: لعد ليش چنت تگول هيچي ؟

-عوف: أريد أخذ شيء واخذتة

-جُمان: شأخذت ؟

-عوف: جواب

-جُمان: شبيك تحچي بالألغاز !!

-عوف: لا ماي عيني انتِ قليلة استيعاب انه كلامي واضح

-جُمان: صدُگ ؟

باوعت لعيونة الي من نطقت الكلمة تركزت عليها ابتسم وهو مثبت نظرة عليهم وگال وهو حاصر ضحكتة يجر بالكلمة ويحد علىٰ حرف الواو مثلي جر ..

-عوف: اي صدُگ

ضحكت بصوت من سمعتها وهو ينطقها

-عوف: اروح فدوه لضحكتج

ارتبكت وخجلت صرت ماا أعرف شنو أتصرف بسرعة نزلت راسي ليجوة وسحبت نفسي منه وهو ضحك گلت اله بتلعثم ..

-جُمان: تعال فوت جوة متريد تسلم علىٰ ماما ؟

-عوف: چا ماما مو نايمة

-جُمان: ههههههههههه

أتقرب خطوة وميل راسة بقىٰ يباوعلي راد يرجع يحط ايديه من الاطراف ويحاوطني خزرتة وهمست بعصبية..

-جُمان: اهوو عووووووف

-عوف: يابعدهن كلهن اليشوفن ول يمشن

-جُمان: شبيك مصخن اليوم

-عوف: شگيتي ابو الغزل وحك رب الحسين نعلعله ابيه اليتغازل بيج بعد

-جُمان: اي مو علمود هيچي خاف مصخن

-عوف: ما ادري بلا فحصيني انتِ وتأكدي

-جُمان: شنو حامل وافحصك

قلص عيونة ورفع حاجبة وضحك انتبهت لچفصتي اتمنيت تنشگ الگاع وتبلعني ..

كحيت بصوت وگلت اله بفشلة ...

-جُمان: ابقىٰ هنا خلي ابلغهم

-عوف: ميخالف أمري لله بديت اتعود علىٰ هاي الوگفة من وراج

فتت شفت ماما دتسمع لصوت التلفزيون چان طالع برنامج مقالب ونكت ومنار رافعة رجليهة وتباوع حچيت واني اضحك

-جُمان: اجة عوف

طفرت منار باوعت بجمود وگالت

-منار: بس عوف ؟

هزيت الها راسي وعدلت گعدتها واخذت حجابها خلتها علىٰ راسها وگالت ماما بأبتسامة

-امل: يا لچ يوم فوتي عيب موگفتة برة شيگول علينا هسة

-جُمان: اي ماما بس دخلت اگلكم حتىٰ تلبسون حجاباتكم .

بعدني داسولف وهي گالت

-امل: بعدج واگفة الباردة

-جُمان: اوووي ماما رايحة

طلعت من الصالة لگيتة ديخابر ومتخوصر ومعصب ويفشر علىٰ المقابل وچان يگول

-عوفي لا يا ابن الـ

بعده ممكمل كلمتة اول ماحس عليه وراه التفت وهو ديخابر باوع بوجهي وگال

-عوف: لا يا ابن الحلوة

سد التلفون واشرت اله يفوت تحمحم ودخل سلم علىٰ ماما وسلمت عليه منار بس چانت عيونها تدور وتباوع بحزن ..

بعد فترة من السوالف والأسئلة العادية والروتينية الي تنسأل گال ...

-عوف: يابه انه اليوم جايكم بطلب من الحجية

-امل: تأمر انت والحجية تفضل

-عوف: زاد فضلج والله الحجية تريدكم تشرفونة للبصرة

من گالها بقينة صافنين اني ومنار وحدة تباوع بوجه الثانية ...

ضحكت ماما بأستغراب وگالت

-امل: والله يايوم المفروض اني الي اعزمها واضيفها بعد فضلها

-عوف: عساج سالمة مابيناتنة

باوع لمنار وگالت

-عوف: وبنفس الوقت قاسم محتاج مرتة ..

-منار: ليش محتاجني شبي ؟

-عوف: قاسم تصاوب وأجره عملية

بعده ممكمل كلامة وحچت بفزع وخوف منار

-منار: تصاوب وعملية !!

هز راسة عوف الها وهي دمعت عيونها بسُرعة وبين الخوف علىٰ ملامحهة گالت ماما

-امل: الف اسم الله شلون صحتة يمة عساه مامتأذي هواي

-عوف: الحمد لله زين واحسن بس طلعنا من المستشفىٰ لأن مايقبل يبقىٰ بيها

-منار: شلون تطلعونة لعد !! المستشفىٰ أحسن لوضعة اخاف تصير عنده مضاعفات

-عوف: دايرين بالنة عليه ومنتبهين ماعليه غير العافية مو اول مرة تصير وياه

-منار: شلون يعني مو اول مرة تصير وياه ؟؟

رفعت نظري لعوف وهزيت راسي بـ لا .. رفضت يحچي الها هسة شكل منار وصدمتها تذكرني بنفس صدمتي من اتصاوب وحچالي منار من نوع الي تخاف ومتتقبل هيج اشياء ومن صارت شغلة اهلها زاد خوفها وماا أعرف شلون راح تتقبل هلشيء ..

بس ماحبيت تعرف من العوف أريد اني احچي وياها غير الموضوع من گال ..

-عوف: ها يابه شگلتوا حتىٰ باچر نتوكل

ضحكت ماما بحيرة وگالت بخجل

-امل: والله ماا أعرف شنو اگول الك بس دتشوف وضعي اني لا داشوف لا داتحرك شلون أروح كُل هلمسافة

-عوف: ولا تحسين تگعدين بالسيارة علىٰ التبريد

-امل: ههههههه لك يوم ماا اعرف اهلك اني شلون هيج

-عوف: انتِ ضيفتنا ام جُمان

-امل: والله ماا اعرف شنو اجاوبك

-عوف: لا تجاوبين لأن ترحون وياي ترحون اذا ارجع للبصرة وحدي ترجعني بنفس الدقيقة الحجية قافلة

-امل: هههههههه لعد الأمر محتوم

-عوف: محتوم من الطرفين

بقىٰ يسولف شوي وي ماما ويسولف الها علىٰ الحجية جميلة وشلون لحت اله نروح وياه للبصرة حسيت ماما احتارت وخجلت ..

سلم علىٰ ماما ومنار وأكد عليهم وطلع ديلبس بحذائة طلعت وراه باوعلي وابتسم وگال ..

-عوف: خو ما معترضة انتِ هم ؟

-جُمان: اني جوابي من جواب ماما

-عوف: چا ماما بالجيب

-جُمان: هاي ثاني مرة تقلد عليه من اگول ماما

ميلت ظهري ليورا من قرب نفسة وگال بهمس

-عوف: لأن ماما بحلگج حلوة

-جُمان: اي زين ..

لزم طرف أنفي بأصابعة وگال

-عوف: يلا ثيمالا ديري بالج علىٰ روحج

-جُمان: ترىٰ باچر تشوفني؟

-عوف: منا لباچر عندي هواي

گالها وطلع واني عيني بقت معلگة وراه وگلبي يُدگ دمام
صحيت علىٰ نفسي ونفضت ملابسي ودخلت جوة ..

-جُمان: ها ماما شنو ؟

-امل: والله خجلت ماا عرفت شجاوبة مارفضت بس شلون نروح لبيتهم وهمة ناس غربة ومنعرفهم

-منار: لعد شلون خالة تعوفوني وحدي

-امل: لا يمة شلون اعوفج وحدج انتِ امانة عندي بعد ماا اگدر ارفض عزيمتهم وانتِ لازم ترحين تشوفين زوجج

-جُمان: متأكدة ؟ اذا ممرتاحة عادي اني احچي وي العوف وابلغة

نزيت من عاطت بيه وگالت

-امل: لاا عيب هسة شيگول گدامي شكل ووراي شكل ؟ اني مارديتة بس عرفتها نفسها الحجية الي سولفتيلي عليها خجلت أرد عزيمتهم هاي فوگ ماا اني اعزمهم واتشكرهم لأن احتضنوج وحموج وضيفوج ببيتهم ؟

-جُمان: صح كلامج وهي اصلاً انسانة تخبل كُلش وقورة وما حسستني اني غريبة الله يشهد ماما عبالك اني بنتها واجيتها تخيلي حتىٰ مقبلت اسولف شيء

-امل: هايهية لعد شلون ارفض ومنروح

درت وجهي لگيتها گاعدة ومحاوطة وجهة بأيديها

-جُمان: شبيج منار

نزلت دمعتها وبچت بصوت فتحت عيوني بصدمة ولزمت أيدها

-جُمان: ليش ليش دتبچين !!

-منار: والله مليت بس اريد اعرف ليش هيج ديصير بحياتي

-امل: استهدي بالله بنيتي مو گال الج زين وحَتىٰ مطلعينة ؟

-منار: متصاوب وعملية لعد شيُگلي مو زين ويخرعني خالة اني حظي النحس ديلحگ كُل الناس الاعرفهم بس عقد عليه اتصاوب اني حظييي نحسس

-جُمان: شنو هلحچيي ؟؟ شبيج انتِ صايرة كُلش اي شيء يصير تحملين نفسج المسؤولية منار نفسيتج دتنهار بالزايد بسبب تفكيرج هذاا

-منار: هذا الصحيح لچ اني حياتيي تعيسة وحظي أتعس بس عرفني هيچي صار بيه اني شكو أنسان أعرفة يصير بيه شيء

-جُمان: بطلي هاي السوالف وگومي حضري شنو عندج وتردين تاخذينة وياج لأن تعبت من تفكيرج ..

عفتهم ودخلت للغرفة طلعت جنطة الي حطيت بيها الي اريدة وطلعت جنطة لأحتياجات ماما داخلي بالاشياء ودخلت منار اتكئت علىٰ الباب واتكتفت شحيت نظري ورجعت اكمل

-منار: زعلتي مني ؟

ماجاوبتها وهي تقربت گعدت يمي اتنهدت وگالت

-منار: اسفة لا تزعلين عليه

-جُمان: ما زعلانة منج زعلانة عليج ليش هيج دتفكرين ؟

-منار: من الضغط من الخوف صرت أفكر هيچ شوفي كل الي بحياتي اختفوا حتىٰ اهلي !!

-جُمان: وهنا تلومين نفسج ؟ حرام هيچ لتلومين نفسج وتندبين حظج وتگولين بسببة هذا امر مُقدر من الله مو شيء بأيدينا ولا بحظنا احنة البشر ؟!

-منار: ما أعرف من سمعت بيه متصاوب ماا اعرف شصار بيه حسيت حظي الزفت لحگة ..

اخذت نفس وزفرتة وگلت الها

-جُمان: گومي حضري الي تحتاجينة واطردي هاي الأفكار من راسج

سديت الجنط وعفتهن علىٰ صفحة باوعت الها بعدهي گاعدة ومشبكة أيديها

-جُمان: متنهضين نفسج ؟

-منار: تتوقعينة متأذي هواية ؟

-جُمان: لا

-منار: شنو لا ؟؟

-جُمان: عادي عندهم الطلقة

-منار: طلقة ترىٰ ممضروب بمسدس مي !!

-جُمان: اي والله حتىٰ لو طلقة يتحملونهة

-منار: بالغتي جُمان

-جُمان: لا والزهرة بيوم الي العوف راد يجيبني لبغداد سيارتين قطعت طريقنا والي بيها صارو يرمون علينا بوقتها عوف تعرض للأصابة وچانت بكتفة

-منار: الله شايفتها بالأفلام

-جُمان: داحچي صُدگ ؟

بقت صافنة بوجهي ووجها جمد وگالت

-منار: اتصاوب يعني الطلقة فاتت بجسمة ؟؟

-جُمان: لا سلمت عليه وعبرت من يمة

-منار: اهووو بربج !

-جُمان: والله واني عالجتة

-منار: هههههههههههههه

-جُمان: والله شبيج ؟؟

-منار: انتِ ؟؟

-جُمان: اي اني

-منار: انتِ عالجتي شلون يعني انتِ صرصرة تخافين تضربينها

-جُمان: اي صحيح اني اخاف من الصرصرة بس جنت مضطرة وبالاخير ترىٰ هذا دوري بهيچ حالة چان !!

-منار: اي وشسويتي بالولد ؟

-جُمان: مدتشوفينة يمشي مثل الحصان ؟

-منار: مدا استوعب هاي طلقة وفتح وخياط لعد ليش ماراح مستشفىٰ ؟

-جُمان: رفض

-منار: شنو موضوعهم ؟؟

-جُمان: ماا أعرف هواية عن شغلهم بس ألي اعرفة بيه هواية خطورة علىٰ حياتهم وكُله تخطيط وعمليات ومهام ..

-منار: حياتهم خطرة گلتي ؟

-جُمان: اي

اتنهدت وبللت شفتها بحيرة غمضت عيونها وگالت ..

-منار: ماا أريد بعد اخسر ولا أريد بعد اعيش بخوف وقلق أريد انام واني مرتاحة ماا افكر بشيء ولا اخاف من شيء تعبت بكل مرة احط راسي علىٰ المخدة اخاف باچر اخسر منو بعد واصلاً ياهو البقىٰ الي

-جُمان: الله موجود تحتاجين البشر بوجودة ؟

-منار: ونعم بالله جُمان بس يبقىٰ وجود الام مهم ... اني ضايعة بدون امي ضايعة وروحي تأذيني كل يوم قبل ماا أنام اتذكر ضحكاتنا وسوالفنة وگعداتنا دموعي تترس مخدتي اموت كُل ليلة ومحد يدري بيه

-جُمان: مو سهلة ادري أبد مو سهلة بس شبيدج علىٰ هلوضع ؟

-منار: مابيدي شيء غير انُ أنساهم واتأقلم تخيلي أتأقلم علىٰ نسيان أهلي وذكرياتهم والله توجعني من احچيها شعور مر

-جُمان: هذا ابتلاء من رب العالمين والعبد المؤمن يحمد ربة علىٰ البلاء قبل النعم

مسحت دموعها بطرف أيدها وگالت ..

-منار: الحمد لله اذا مرتاحين بدوني ميخالف بس اهم شيء مرتاحين وماما تنام وهية مرتاحة واخواني بخير

اتنهدت وگامت طلعت جنطتها وبدت تحضر فتحت تلفوني دخلت علىٰ صفحتة بالواتس شفتة متصل عضيت شفتي بفضول ويامن ديسولف

بقىٰ فترة قليلة كُلش وخرج من الواتس شمرت تلفوني ورحت گعدت يم ماما ماا أعرف ليش احس بتوتر

*******

فتحت الباب وفتت للبيت لگيتهم متجمعين غرور وسن ودلال گاعدين علىٰ الطاولة وجاي يتغدون من شافني فتت كل وحدة نظرتها صارت مثل نظرة الخنزير عقدت حاجبي وگلت الهن

اخذت نفس وزفرتة بتعب وحچيت واني صاكة علىٰ أسناني ..

-رغد: الحجية وين ليش ماجاي تتغدة وياكم ؟

-غرور: والله منروح نعزم احد شنو اله عزيمة اشو ماخذات البيت فلاحة ملاجة

-رغد: هذا حلگج اذا ماتطلع منه كلمة بيها خير الأفضل تخلينه بس للأكل

نطت بنتها وگالت

-دلال: احجي وي ماما بأدب

-رغد: الأدب أسلوب ممفهوم وغريب علىٰ امچ انا اعرف الأسلوب الي تفهمة ويناسبها

-دلال: ماما اكبر منج احترميها

-رغد: الاحترام للأنسان المحترم مو للأكبر مني

-دلال: والله اله اگله عليج بس خل يجي ا..

بعدهي ممكملة كلامها وصرخت بيها غرور بصوت

-غرور: اسكتييي

-رغد: واو سبحان الله نسخة من اسلوب امج واحنة صغار هذا الكلام حفظنا بس ماكملتي تگولين لمنو ؟

-وسن: كافي عيني خلي نتغدة

-غرور: يلا اكلوا كافي لتردن عليها عوفنها اني أعرف شلون ارد عليها بالوقت المناسب

-رغد: ههههههههههههه ضحكتيني والله

-غرور: ضحكي ليش لا

كملت ضحكتي وباوعت الهن بطرف عيني ومشيت مابيه اناقشهن لو ماتعبانة اوكف الهن عظم بالبلعوم دخلت للغرفة شفت الحجية نايمة ومتغطية

وگفت يمها ابتسمت من شفت وجهة البريء النقي وهي نايمة عزيزة گلبي هاي بلسم جروحي بفضلها احنة اليوم كُل واحد واصل لمكان خاص بيه دنگت بست خدها ورحت بدلت ملابسي وصليت

جاي أصلي وانتبهت الها گعدت خلصت صلاتي وگالت

-جميلة: ها يمة يمتى اجيتي

-رغد: توة وصلت حجية تردين غدة ؟

-جميلة: اي والله يمة جوعانة وما اشتهي اگابل وجوهن واكل

-رغد: صار يمة

-جميلة: چا انتِ ماتاكلين وياي

-رغد: لا شلون ماا أكل وياچ

مابية حيل اگوم خابرت المساعدة گلت الها وسديت الاتصال

شمرت التلفون وبقيت اسوي مساج لراسي احس يريد ينفجر وصلتني رسالة من الانستت حسابي چان عام چنت ناشرة صورة الصبح للمحكمة وانه داخلتهة فتت علىٰ الخاص شفت الرسالة من حساب غريب عليه اول مرة اشوفة چان خاص والصورة الشخصية سلاح وماكو لابايو ولا اسم راد علىٰ الستوري مالتي وكاتب

-محامية ؟

فتحت الرسالة واندگ باب الغرفة دخلت المساعدة جابت الأكل التهيت اكل واسولف وي الحجية وغلست على الرسالة

أتصل بيه عوف جاوبتة وگال

-ها رغد رحتوا لو بعدكم ؟

حكيت خدي بخفة وباوعت للحجية ابتعدت مسافة صرت اطلع بالملفات واحچي بصوت ناصي

-بعدني ماگلت الها

-يمعودة هو شبي چنة ثور يتحمل بس انتوا روحوا يمة ابقوا خاف يحتاج اله شيء

-شنوو يعني مايجون وياك ؟

-لا نجي باچر

-تمام

سديت الاتصال ورحت گعدت يمها ابتسمت بوجهة وگلت الها

-رغد: يمة ارد اگلج شي

-جميلة: گوليي ؟

-رغد: يمة قاسم متصوب

ضربت رجلها بأيدها وگالت بفزع

-جميلة: يمةةة ابنيييي

رفعت أيدي أهدي بيها وگلت الها

-رغد: أهدي كل شيء مابيه وزين هسة هو بالبيت الثاني وعوف خابرني گال روحوا يمة

بعدني جاي اسولف وگامت تدور على عبايتها وهي تگول

-جميلة: وين عباتي ولج رغيدة وينهه

باوعت للعباية چانت گدامهه معلگة بس ماتشوفها لأن صارت تروح منا وتجي منا

-رغد: حجية هاي گدامج !!

التفتت وجهت نظرها عليها اخذتها وگالت

-جميلة: شو گاعدة گومي نروح

-رغد: يمة وين نروح غير ناخذ ملابس نروح بطرگ ملابسنا

نهضت طلعت غراضنا الي نحتاجهة وطلعت الها ملابس اخذت ملفاتي واجهزتي وياي ماطولت حتىٰ نص ساعة وهي گاعدة على نار وكل شوي تگول

-جميلة: اااخ يمتى تخلص ماتخلص

-رغد: يبووووووو على عمري خلصت

اتصلت على السايق وطلعنا وصلت للباب وبقى بالي يم باب الغرفة صحت للسايق ياخذ الجنط ورجعت دخلت قفلت باب غرفتي وهنة ولا وحدة الها صوت خنسن الحياية وطلعت صعدت بالسيارة

*****

مديت راسي من الجامة وصحت بصوووت

-منار: يلاااا جُمان فضيهااا

-جُمان: اييي اجيت داقفل الباب

حطيت أيد على أيد صارلها ساعة صعدنة وفتحنة موضوع وخلصناه ودخلنا بموضوع ثاني وخلصناه وهي بعدهي مدري شتحوس بهلبيت

دگ الها هورن العوف وگال ..

-عوف: عمي اذا انباگيتوا انا الخسار بس تعالي

قفلت الباب وهي تباوع واجت تركض فتحت الها الباب

-منار: شدسوين كل هلوقت

-جُمان: اتفقد الكهرباء اتفقد المي اتفقد البيت شبي مابي لعد نطلع هيچي بلا ناسين شيء مشتغل لو مي مفتوح كل شيء يصير

التفت عليها العوف بأبتسامة وگال

-عوف: والله وكفو

باوعت الها ابتسمت اله وعيونها تلمعع

مرت ساعات الطريق الطووويلة من بغداد للبصرة احس ظهري تكسر شفت جُمان وخالة أمل اثنينهم ناموا گلت لعد بقت عليه تچيت راسي على الجامة وغمضت عيوني

مافزينا إلا على صوت عوف من گال

-عوف: شني بوية ماخذين منوم

-امل: شطولة الطريق

-عوف: وصلنا ..

نزلنا گدام بيت حلو كُلش فخم باوعت للبيوت الي موجود بنفس الشارع كُلها بيوت تجنن وفخمة حييل تُدل علىٰ رُقي أهل المنطقة ..

لزگت روحي بجُمان الي مو أقل مني توترها ليشوفنا يگول ماا أعرف وين جايين بس اثنينة الخجل ماكلنا ومنعرف حتى نمشي

مشت بكُرسي خالة امل ودخلت بيه وگفنا گدام الباب انفتح لوحدة عقدت حاجبي وباوعت الها

-منار: شنو هذا ابو البصمة

-جُمان: بيبان مثقفين امشي

شفت بنية كلش حلوة واگفة گالت الي جُمان

-جُمان: هاي رغد اخت قاسم

-منار: حمااتي

اتقدمت اول ماحضنت جُمان حضنتها وتبوس بيها ووحدة تگول للثانية اني مشتاقتلج أكثر احس غرت اني كُل شيء ولا صديقتي احد يوصلها بس ميخالف حماتي تمون

سلمت على خالة امل واجتني ابتسمت بوجهي وعطرها الطيب يهفف

-رغد: منار مو ؟

هزيت الها راسي بأبتسامة حضنتني وگالت

-رغد: والله من وصفوا جمالج ظلموج انتِ قمر 14

فد استحيت اتلبكت اريد الكلمة تطلع مني ماكو بقيت امتمت فضلت السكوت على ان لا اچفص بحچاية

دخلنة وگلبي يُدگ دمام عيوني تتلفت تدور عليه أريد اشوفة وأطمئن عليه أريد ترتاح روحي بس..

اجت الحجية عرفتها من شكلها ومشيتها كبيرة بالعمر وتمشي على عكازات بس مشيتها موزونة ومن شكلها وطريقة كلامهة مو سهلة ..

سلمت على الكل واحتضتنتي بأبتسامة واسعة

-جميلة: هلا بمرة وليدي العزيز

مرت فترة قصيرة على گعدتنا ونفسها المرة الي يسمونها الحجية گالت الي

-جميلة: گومي يمة شوفي رجلج

من اول ماگعدت واني أريد بس اشوفة بس من گالت الحچاية ارتبكت وخجلت ... گامت رغد وگالت

-رغد: تعالي

اخذت نفس وباوعت لجُمان الي حاصرتها الضحكة عضيت شفتي الها بتوعد نزلت راسها ووجهة صاير احمر الادبسز

گمت وأشرت الي على الغرفة

-رغد: بهاي الغرفة موجود

هزيت راسي بأبتسامة كاذبة ومشيت وصلت للباب وأيدي ترجف متوترة وخجلانة ماا أعرف خايفة الموقف رجفني ضربت أيدي الي ترجف بأيدي الثانية وهمست

-منار: شبييييج ترجفين

زفرت نفسي وفتحت الباب ودخلت رجل تطگ برجل چان نايم على ظهرة ومتغطي سديت الباب ورفع راسة من حس بالصوت عقد حاجبة بأستغراب ويباوع كأنما ممصدگ الي گدامة

گال بذهووول وصدمة

-قاسم: منار !!؟

بللت شفتي وأتقربت گعدت يمة وهو بعدهي ملامح الصدمة واضحة على وجهة

-قاسم: شنو بوية جاي احلم

ضحكت وهزيت راسي

-منار: لا واقع مو دتحلم

-قاسم: شجابج ؟

-منار: جابني عوف

ابتسم بوضوح وعيونة تتنقل بوجهي عم الصمت بيناتنة اثنينة نطقت وگلت اله ..

-منار: شلون صرت ؟

رد بأبتسامة ولهفة واضحة على صوتة وگال

-قاسم: تتعافىٰ روحي بشوفتج

نزلت راسي بخجل رجع گال

-قاسم: وعلي مامصدگ بعدني

كرصتة بأيدة حيل وهو ولا تعبير على وجهة بين

-منار:هسة صدگت ؟

-قاسم: لابعدني وعلي

-منار: شكد تبالغ قاسم لعد شلون تصدگ

اشر على خدة وگال

-قاسم: دبوسيني واصدگ

رفعت اله حواجبي وگلت اله

-منار: شنو خو ماكو شيء

عقچ وجهة وگال

-قاسم: تؤ تؤ لاعندج أحساس لا عندج أنسانية ماتشوفيني بالفراش حتى ماسلمتي عليه اعتبريها بوسة السلام هسة ما بستي رغد مابستي الحجية منا خمسة ومنا خمسة وانه رايد بوسة وحدة وماكو

بقيت صافنة بوجهة وهو قلص عيونة ويهز براسة يتوسل بيه بنظراتة

-قاسم: بوسة بوسة

ضحكت ونزلت راسي واتقربت بستة بخدة

ابتعدت عنة وهو بعدة مغمض عيونة ضحكت وطگيت صبعي بوجهة فتح عيونة وگال

-قاسم: بعدني بتأثيرها هي والعطر اثنينهن دوخني

حاوطني الخجل احس وجهي بوخ ومعدتي صارت تلعي

-قاسم: لو ادري من زمان متصاوب بعلي

-منار: اسم الله ليش هيج تحچي ؟

-قاسم: چا كل يوم صاحتلي البوسة انه

درت وجهي عنة وضحكت بس بسرعة خفيتها ورجعت التفت عليه صار يسولفلي شَلون أتصوب وشلون نقلوه كل كلمة تطلع منه تنغز بگلبي واخذ نفس بيها

خصوصًا من يسولفلي عليهم بنص الدو*اع* وشلون تداهموا ومن ختمها بكلمة " عادي بويه متعودين " گلبي قبضني بس سكتت ..

*****

مرت يومين على وجودنا هنا شفت منار اتغيرت نفسيتها بيهم حسيتها ارتاحت الهم لأن أكثر شيء چانت خايفة منه انُ اهله مايتقبلونهة وينفرون منها بس الي شافتة العكس تعامل الحجية وياها ورغد مايفرق عن تعاملهم وياي صُدگ ناس أصيلين

خلصنة غدة وكُلنا اتجمعنا بالصالة طلع قاسم يمنة گعد يمشي بالگوة گعد يم منار قريب عليها أشوفها تخزر بيه وهو يضحك

صبتلي رغد چاي اخذتة منها شربت منه رشفة ووصلتني رسالة على تلفوني فتحتة وچان المُرسل نور الدين من قريت أسمة اتنرفزت هذا شبي !؟

غلست عنة ماجاوبتة بقينة مندمجة وياهم بالسوالف چانت الحجية تحچي عن بطولاتهة وهي شابة وماما عاد هاية لعبتها طبعاً گالت الهم اني چنت فلفل والحجية ترد عليها

-جميلة: چا مثل بنات هلوكت يخية أبرد منهن ماكو

-امل: اني جُمان مرة گلت الها انطيني گلاص مي ابرد منج

يبووو ردت اطم نفسي هاي امي وين متروح تشهرني وتخززززيننييي

-جُمان: يووم شسالفة أسرار عوائل

ضحكوا كلهم وبقى يسولفون فصل عقلي عنهم من بقت تجيني رسائل منة اتنهدت وفتحتهم چان كاتب

"جُمان جاوبيني "
"أرجوج عندي موضوع ضروري وياج"

اول مافتحت الرسالة أتصل عليه جمدت بمكانة من الجرأة الي عندة عيوني صارت براسة نهضت طلعت من الصالة فتت للمطبخ وهو رجع أتصل مرة ثانية

فتحت الخط ونزلت عليه دوسة ونص

-جُمان: لك انت والله خبلتنييي شتريييد متستحي تخابر بيه أنوب !!

-نور الدين: اني اسف بس أريد احجي وياج

-جُمان: لك انت مريض !! شنو تحجي وياي

-نور الدين: بس گليلي انتي وين صار يومين بابكم مقفول ادگ بيه محد يفتح

حطيت أيدي على راسي وحچيت بقلة صبر

-جُمان: شگلت لنفسك من رايح لبيتنا لك انت منو وتروح تدگ بابنا

-نور الدين: ردت اعتذر منج على اخر موقف صار

-جُمان: لا تعتذر مني ولا تتصل عليه بعد افتهمت

سديت الإتصال واني أفتح واسد بأيدي بغضب زفرت نفسي والتفت ردت إطلع جمدت بمكاني من شفت عوف متكتف ومنتچي علىٰ الحايط وملامحة ماعليها اي تعبير ...

گال ببرود

-عوف: منو هذا الي ماتردينة يتصل بيج بعد

بهت وجهي من گالها حسيت الموقف صعب عليه شنو اگله واحد وصلنة واخذنة رقمة ؟

ماجاوبتة بقيت ساكتة نقذني صوت الجرس من اندگ باوع بعيوني وهز راسَة وراح

حطيت أيدي على گلبي الي صار دمام غمضت عيوني وهدأت نفسي وطلعت رجعت گعدت يمهم بالصالة

لحظات بس لحظات مرت وهذي اللحظات
كانت كفيلة بـ إنُ تغير وجوه الموجودين كُلهم

وگفوا من فات عليهم شخص غير ملامح وجوهم الي السعادة غامرتها قبل ثواني لملامح اعتلتها الصدمة والغضب الشديد ....

يتبع ...

للحكاية بقية ..

______________________________

حسابي بالانستا
rita.almukhtar