البارت الثامن والعشرين.
#ملحمة
#مملكة_الطوبجي
#أميره_اسامه
#صاحبه_البطل_الواحد
...........
في غرفه زيد
قعد زيد علي الكرسي بيشرب قهوته والسيجار المفضل ليه وسرح.
ثواني واتصل عليه منذر.
زيد....ايوه يا منذر عامل ايه
منذر...بخير يا صاحبي انت اللي عامل ايه؟
زيد....بخير كله تمام مختفي يعني من اول امبارح.
منذر...بتعب والله يازيد شغل كتير اوي متعطل وكله فوق دماغي وكان عندي سفريه كده سريعه لحد الإسماعيليه و يادوب خلصت الصبح ورجعت علي طول نمت ساعتين ونزلت تاني علي المصنع والله لحد الوقت مروحتش.
زيد...مل ده الساعه داخله علي تلاته يا ابني.
منذر...أعمل ايه طيب في مكنتين عطلانين وفي طلبيات لازم تتسلم والمشكله ان في عندي عماله ناقصه لازم اقف بنفسي اتابع كل ده.
زيد....المكن ده مش صلحته كذا مره وبعدين ما تشوف ناس تشتغل وتلحق نفسك
منذر....المكن جاب أخره خلاص محتاج اجيب غيره. وبالنسبه للعماله انا مش فاضي حتي اشوف اي حد حتي شركه النقل اللي كانت بتنقل الطلبات بقت مقرفه ومحتاج اشوف غيرها.
زيد...لو علي النقل سيبها عليا هبعتلك سواقين من عندنا ولو علي المكن تطلب فوراً ولو الفلوس مقصره معاك الفتره دي متحملش هم.
منذر...لا مش حكايه فلوس خالص والله الفكره اني عشان اجيب مكن جديد لازم اسافر بنفسي واتأكد ان فيها كل المواصفات المطلوبه وانا مش فاضي.
زيد...طيب ما تطلبها بكل المواصفات اللي انت عايزها ومتستلمش من الشحن غير لما المهندسين يتمموا عليها بنفسهم
منذر....مهندسيين ايه بلا نيله عليهم هما كمان
زيد...انت واقع كده من كله في ايه يا ابني ما تظبط دنيتك شويه
منذر...والله يازيد كل حاجه فوق دماغي الفتره دي بجد وحسام انت عارف ملهوش في كل التعب ده اخره يتابع الموظفين في الشركه ويستلم الطلبيات ويمضي عليها ويعرفني وبس ويوم ما بحتاجه في المصنع مش بيفدني اخر مره نزل معايا المكنه حرقت أيده.
زيد...انا مش فاهم اخوك ده بجد مش بيعرف يعمل حاجه مفيده في حياته.
منذر...البركه في كاريمان هانم😏
زيد...طيب بص متحملش هم الصبح تطلب المكن وتعرفني كل المواصفات اللي انت عايزها ولو علي المهندسين انا هظبطلك الدنيا
وعربيات النقل من بكره الصبح هيبقوا عندك انت عارف كلهم تبع المجموعه يعني مش شركات خاصه فا تقدر تاخدهم اي وقت وبالنسبه للعماله قولي الخبرات اللي انت محتاجها ودي كمان عندي
زيد...ربنا يخليك ليا ياحبيبي ديماً كده بتنقذني.
منذر...بطل عبط يالا هو احنا لينا غير بعض المهم انت هتفضل عندك
منذر...مضطر عندي طلبيات هتتسلم كمان ساعتين تلاته بالكتير المشكله اني مش هقدر اسلمهم كمان مع بعض
زيد....طيب ليه؟
منذر....عشان اهم حاجتين اولا النقل مش كله موجوده معنديش غير عربيتين حالياً اللي وصلوا و الطلبيات اكتر من كده بكتير علي الأقل محتاج أربعه معاهم كمان ثانيا العمال الموجودين الوقت مش هيقدروا يحملوا كل الطلبيات دي الموجود معايا عشر عمال بس
الحاجه كتير جداً عليهم دي طلبيات راحه 3 محافظات صعب مضطر استني العربيات او شركه النقل تحن عليا او الصبح بقي اتواصل مع شركه تانيه الوقت خلاص مش هينفع.
زيد...مفيش حاجه مش هتنفع سكت ثواني بقولك أيه انت محتاج علي الأقل كام عامل معاك عشان تنجز
منذر...محتاج علي الاقل حوالي عشرين كمان عشان ننجز ويلحقوا يسافروا بس حتي لو موجودين مفيش نقل ننقل عليه باقي الطلبيات.
زيد....طيب بقولك ايه اديني خمس دقايق وهرجعلك
منذر....في ايه؟
زيد...باجدع اقفل متبقاش زنان هكلمك تاني.
منذر....ماشي يا سيدي سلام.
قفل زيد وفضل ساكت شويه بيفكر في حاجه وبعدين مسك الموبايل عمل كام اتصال بسرعه
قفل وبعدين قام لبس بسرعه وخرج من أوضته.
وهو خارج قابل فرح كانت راحه
علي اوضتها.
بصتله فرح بترقب.
زيد...انتي لسه صاحيه
فرح...بخوف منه ااه انا نزلت بس اجيب ازازه مايه وراجعه اوضتي تاني هو انت خارج يا زيد
زيد...حس انها خايفه منه اتكلم معاها بهدوء اخ يا حبيبتي رايح لمنذر.
فرح...منذر الوقت في حاجه ولا ايه فيروز كويسه.
زيد...لا مفيش يا حبيبتي هيكون فيها ايه دي لسه ماشيه من شويه هي وحسام انا رايحله علي المصنع عنده مشكله بس في العمال وانا هاخدله عمال ونروحله.
فرح....امم ماشي يا زيد
زيد...انتي كويسه؟
فرح...اه بخير.
زيد...فرح مش عايزك تزعلي مني يا حبيبتي مكانش قصدي اتعصب عليكي بس انا خايف عليكي يافرح مش اكتر
فرح....انا بخير صدقني واكيد مش زعلانه منك
زيد....بجد ولا كلام🤨
فرح..بابتسامه اكيد بجد يا زيد بس انا ليا طلب عندك.
زيد....طلب واحد بس قولي يافرح
فرح....زيد عشان خاطري تحاول تنسي الكلام اللي سمعته بيني وبين صبا قبل كده ومش لازم تضايق لما تشوفني مع امير انا وامير وجلال وجنه طول عمرنا قريبين من بعض واكيد هنفضل كده ولازم تعرف اني مش هقدر ابعد عنه لانه في الاخر ابن عمي وقريب مني وهو بيتعامل معايا عادي زي ماهو يعني ملهوش دعوه باي حاجه انت سمعتها عشان كده بلاش تكون مضايق ولازم تعرف ان وجودي معاه طول الوقت ملوش علاقه بأي حاجه جوايا.
زيد....انا فاهم يافرح وعمري ما بشك فيكي او في امير وعارف ان أمير ملهوش علاقه بأي حاجه بس غصب عني بضايق عشان ببقي حاسس بيكي مش عايزك يافرح تعلقي نفسك بحاجه ممكن متحصلش عشان متتعبيش يمكن عارف ان بحكم قعدتنا في مكان واحد فا لازم يكون في كلام بينكم بس غصب عني لما بقيت اشوفك معاه الفتره الاخيره بتجنن
فرح...بحب متقلقش عليا يازيد بعيداً عن اي حاجه يا زيد هو في النهايه ابن عمي ومتربي معايا.
زيد...ماشي يا ستي وانا اوعدك هحاول مضايقش ولا اغير عليكي 🤨
ضحكت فرح وحضنها زيد وباسها من راسها بحب يلا روحي نامي وانا همشي عشان متأخرش.
فرح...خلي بالك من نفسك يا حبيبي.
زيد...حاضر تصبحي علي خير
فرح...وانت من اهل الخير
فضلت فرح واقفه تبص علي زيد بحب لحد ما خرج من القصر يمكن فرق معاها اوي كلام زيد حبه وغيرته عليها حسسوها ان في حد لسه بيفكر فيها او شايل همها❣️
..............
خرج زيد من القصر ووراه الجارد بتوعه.
أتصل زيد علي منذر.
منذر....انت روحت فين ياعم
زيد....معلش اتأخرت عليك شويه المهم شد حيلك شويه ونشط العمال اللي عندك انا جايلك الوقت
منذر....جاي فين يا مجنون انت😳 وجاي تعمل ايه
زيد...جايلك يا اخويا انقذ ما يمكن انقاذه وأساعدك عد الجمايل.
منذر....ايه جاي تشيل مع العمال ولا جاي تحمل طلبيات علي عربيتك🤨
زيد....يخربيت استظراف اهلك اقفل ياض اقفل بدل ما ارجع في كلامي واروح انام في سريري😠
منذر...بضحك طب خلاص حقك عليا يا سيدي بس بجد انت جاي تعمل ايه.
زيد....اتصلت بحاج فؤاد ده المسؤول او رئيس سواق النقل كلمته وقولتله اني محتاج كام عربيه حالاً قاللي جاهزين وجايلك الوقت بست عربيات مش اربعه
وقولتله يتصرفلي حالاً في كام عامل قاللي موجودين بس
منذر...بفرحه انت بتتكلم جد يا زيد
زيد...لا متصل بيك قرب الفجر عشان أهزر 😒
منذر...بضحك طب والله بحبك
زيد....عارف 🤨 هو ينفع متحبنيش اصلاً ياض انت من غيري متعرفش تتحرك😏
منذر...بحب يخربيت التواضع انجز يلا مستنيك
زيد...بأبتسامه ماشي يا صاحبي نص ساعه وابقي عندك سلام😉
منذر...سلام يا صاحبي.❣️
نص ساعه بالظبط فعلاً وصل زيد
عند منذر ومكانش لسه حد وصل من العمال ولا العربيات.
زيد...وهو داخل الله ينور يا رجاله سدوا حيلكم يلااا.
منذر...بأبتسامه من يوم معلم😉
زيد....الكلام المحفز بينشطهم بردوا قرب منه منذر وحضنه سلموا علي بعض
زيد....هو لسه محدش جه.
منذر...لا لسه هما لحقوا انت اللي جاي طاير.
زيد...وهو بيتصل بحاج فؤاد لا طاير ولا حاجه الطريق تمام...ايه ياحاج فؤاد انت فين.
حاج فؤاد خمس دقايق وهبقي قدامك في العنوان.
زيد...تمام مستنيك قفل زيد وبصله خلاص قرب المهم في شغل لسه ولا كله خلص
منذر....لا الشغل خلصان بس بيتقفل بقي انت عارف شغل الجلد لازم يتلف كويس
زيد...متقلقش حاج فؤاد والعمال من الناس اللي بتحسس علي البضاعه احنا شغلنا معاهم سيراميك وأجهزه يعني اللي اتكسر باظ خلاص
منذر....ربنا يستر
جه في الوقت ده حاج فؤاد دخل وسلم عليهم ونزل العمال من العربيات والسواقين ركنوا علي جنب.
زيد....حاج فؤاد بص انا مش هوصيك انت طبعا عارف منذر ده صاحب عمري واخوه جوز اختي يعني احنا نسايب.
فؤاد....طبعاً ربنا يديم المعروف
زيد...الراجل اللي واقف قدامك ده رخم وبيحب شغله اوي واهم حاجه عنده ان الشغل يبقي سليم زي ما انت شايف هو مش مقفل الطلبيات ده مكفنها😂🙈
منذر...بضحك مش للدرجادي يا راجل يا طيب بس ده شغل جلود والخربوش في الجلد بيبقي مرتجع وبنضطر نبيعه فرز تاني وتالت
زيد...يعني من الخر انت مترضالهوش الخساره.
حاج فؤاد...عيب انت عارف شغلنا يا زيد باشا اعتبر البضاعه دي في أمانتنا لحد ما توصل بالسلامه و مفيش خربوش واحد هيطولها
زيد....عارف يا راجل يا طيب يلا حركلنا بقي العمال
حاج فؤاد....بس كده عنيا وبدأ فؤاد ينشط العمال ويشغلهم بسرعه ويأكد عليهم الأهتمام بالشغل اللي كان بيبقي جاهز كانوا بيحملوه علي العربيات وباقي عمال منذر بيجروا في كل مكان يلاحقوا وراهم التقفيل.
زيد...كانت عينه علي منذر ويشوفه بيقفل ازاي الطلبيه مع العمال ويروح يعمل زي ما منذر بيعمل وفي ثانيه كان المكان عباره عن خليه نحل الكل بيجري الكل بيشتغل
ومر حوالي ساعتين بالظبط كان الشغل خلصان ومتقفل واتنقل كمان علي العربيات.
زيد...الله ينور يا رجاله الطوبجيييي عاش يا رجاله الله ينور يا حاج فؤاد
حاج فؤاد....وعليك يا باشا
زيد....بص بقي يا حاج فؤاد الراجل ده شركات النقل مطلعه عينه وطبعاً احنا تقريباً عندنا كل يوم طلبيات ومنذر بيخرج من مصنعه كل اسبوعين او تلاته طلبيات زي اللي شوفتها دي ومحدش يقول للرزق لأ عايزك تبقي معاه ولو في عندنا في المصانع طلبيات تتصرفله مع حد تبعك.
حاج فؤاد....بس كده سهله انا ورجالتي معاك اي وقت يا منذر باشا ولو زي ما زيد باشا قال احنا مشغولين متشلش هم سواقين النقل كلهم حبايبي ولو عايز الف عربيه هيبقوا عندك بعون الله.
منذر...متحرمش منك ياراجل طيب بس هو انا مش اوي كده احنا غلي قدنا شويه مش لدرجه الالف.
حاج فؤاد....ان شاء الله يبقوا الف وأتنين وتلاته كمان عموما متشلش هم من انهارده احنا معاك
زيد..حاجه كمان ياحاج فؤاد
حاج فؤاد....أؤمرني
زيد...الأمر لله هو محتاج عماله كمان معاه واللي اعرفه ان العماله عندنا كامله لو صادف قدامك اي حد محتاج شغل هاته علي هنا لحد ما منذر يقولك استكفيت
حاج فؤاد...ودي كمان محلوله مفيش اكتر من اللي قاعدين مستنين رزقهم
زيد....بس يبقي كده حلو اوي تعبتكم معايا بس انتوا سدادين ديماً وبيضتوا وشي قدام الراجل الجدع ده😉
حاج فؤاد...ده شغلنا ومحدش يقول للرزق لأ ولا حد يقدر يسود وش زيد باشا ابداً
زيد...حبيبي يلا خلي سواقين النقل يتحركوا واااه حساب النقل ويوميه العمال بتاعت انهارده عندي بس بعد كده هو اللي هيحاسب🤨
ابتسم منذر بحب لزيد
حاج فؤاد.....ربنا يخليكم لبعض يلا تؤمرني بحاجه يا منذر باشا
منذر....تسلم يا راجل يا طيب شكراً يا رجااااله🙏🏻
حاج فؤاد....سلام عليكم
منذر...وزيد....عليكم السلام.
أتحركت العربيات و مشي العمال بتوع منذر.
منذر....الله ينور يا صاحبي انا مش مصدق اننا خلصنا بالسرعه دي وكمان العمال كانوا بيقفوا يستنوا تقفيل الطلبيات
زيد....الحمد لله عدت علي خير
منذر....الصبح طلع وانت منمتش وبقالك اصلا كتير من ساعة اللي حصل مش بترتاح ولسه عندك شغل وهتطبق وشكلك مرهق حقك عليا ياصاحبي.
زيد....بأبتسامه مش كل التعب والإرهاق واحد يا منذر في تعب وإرهاق بيخليك ترقد متتحركش او تبقي واقف بس جايب أخرك وفي تعب أخره إنجاز بيخليك تنسي اصلا انك كنت تعبان او انك منمتش ياما طبقنا في الشغل وكنا بنبقي تعبانين بس بمجرد ما تشوف إنجازك ده بتنسي التعب زي اللي حصل انهارده ده.
منذر....ربنا يديك الصحه واشوف اسعد حد في الدنيا
زيد....بأبتسامه طب انا جعان🤨
منذر...بضحك بس كده احلي فطار لزيد باشا الطوبجي عايز تاكل أيه
زيد....مش عارف بس ليا مزاج اروح لچورچ افطر علي العوامه وانا قدام النيل والجو هادي كده
منذر ..بس كده بينا يلا علي چورچ وانا هكلمه الوقت يجهز التربيزه بتاعتنا و أحلي فطار
زيد....أهو هو ده الكلام 😉
طلع زيد ومنذر وراء بعض وبعد وقت مش طويل كانوا قاعدين علي التربيزه في العوامه قدام النيل منظر الشروق ونسمات الهواء البارده وصوت العصافير والهدوء والقارب الصغيره اللي عليه واحد ومراته بيصطادوا كان كفيل يخرج جزء كبير من همومهم وتعبهم.
زيد....اااااااااه يا منذر كنت محتاج القاعده دي اوي.
منذر....وانا كمان والله يازيد بقالنا كتير مجيناش هنا
زيد....المكان الوحيد اللي بيفصلني عن العالم هو عوامه چورچ
منذر....عندك حق انا كمان سافرت كتير اوي صدقني مش برتاح غير هنا تحس يا اخي ان في سر في المكان
چورچ....بأبتسامه وهو بيحط أطباق الفطار أول مره دخلتوا المكان ده كنتوا في ثانويه عامه لمحتكم جايين تجروا من بره وانتوا فطسانين من الضحك
وقفت اشوف مين دول اللي جايين يجروا علي المكان وبيضحكوا قولتولي يومها انكم كنتوا بتجروا من كلب
ابتسم منذر وزيد اول ما افتكروا وضحكوا
چورچ...يومها قولتلكم هو اللي بيجرس وراه كلب بيضحك ولا بيبقي مرعوب قولتولي انكم كان معاكم واحد من صحابكم الكلب مسكه من البنطلون قلعه له في وسط الشارع وانتوا هربتوا علي هنا.
فضل منذر وزيد يضحكوا من قلبهم.
زيد....ده كان عبد الرحمن الله صاحبنا عايش في امريكا الوقت.
منذر....أنت لسه فاكر يا چورچ
چورچ....طبعاً كل واحد جالي العوامه دي كان وراه حكايه ويمكن كمان زمان العوامه مكانتش معروفه خالص في مكان كده هادي وداخل لجوه وانا جنبي حيتان المراكب مكنتش ظاهر وقتها كان اللي بيجيلي كنت ببقي هاين عليا اعمل فرح مكانش في إعلانات ولا دعايا وقتها.
بأختصار يعني عايز اقولكم أن ارتباطكم بالمكان ده وحبكم ليه هي من البدايه صدفه اتحولت لذكري حلوه خلتكم بقيتوا تلاقزا نفسكم في المكان ده
هي الاماكن كده زي البني ادمين بالظبط بتفتكرها بذكري حلوه او وحشه.
تلاقي نفسك روحت مكان جديد و سمعت في أغنيه عجبتك لأول مره بتلاقي نفسك لو عدي عليك الزمن وسمعت الأغنيه نفسها بسرعه عقلك بيسافر بيك علي المكان وتحس انك اشتقتله.
مكان تروحه لأول مره وتاكل في أكله حلوه أوي بتلاقي نفسك كل ما تاكل الأكله دي تفتكر المكان اللي كلتها فيه لأول مره.
و مكان تاني خالص تفارق في حد بتحبه أو تقطع علاقتك بحد كان قريب منك بيبقي بالنسبالك مكان موبوء متحبش تروحه تاني ولو روحته وأنت مضطر بيفكرك بالشخص.
الاماكن ليها اسرار يا ولاد واحنا لينا في كل مكان حياه وحكايه.
زيد...بحب والله انت اللي حكايه عارف يا چورچ انت والمكان ده فيكم من بعض اوي تحس كده أنكم زي التوأم زي اتنين حبيبه سابوا العالم كله وراحوا بعيد اكتفوا بنفسهم عن كل حاجه.
چورچ....دي حقيقه انا والعوامه دي لينا قصه زي اي حد دخلها يا زيد وكمل بابتسامه المهم يلا افطروا عشان الأكل ميبردش عملتلكم احلي فطار زي ما منذر وصاني
زيد...تسلم ايدك يا چورچ.
منذر...ألحقنا بقي بفنجانين القهوه عشان نهضم الأكل اللي يفتح النفس ده.
چورچ....من عنيا احلي فنجانين قهوه لأحلي بشوات في مصر كلها.
منذر...صباحك فل يا أحلي چورچ.
فضل زيد باصص عليه و مبتسم
زيد....الراجل ده جواه كميه طاقه يا منذر رهيبه بجد لما بشوفه وبسمعه بحس اني بتغسل من جوه بجيله شايل حزن الدنيا و بمشي من عنده كأني كنت في جلسه دكتور نفسي هو والمكان بتاعه حاله غريبه بس جميله ولا يمكن تتكرر.
منذر....انت عارف ان چورچ جه يعزيك في ايمن.
زيد....بجد ؟
منذر...اه والله العظيم نسيت اقولك خالص كنت كل شويه تختفي وتظهر ولما جه مكنتش شايفك قدامي خالص واتصلت عليك كان غير متاح ولما رجعت من الزحمه نسيت اقولك خالص وهو قاللي اني اوصلك سلامه واعرفك انه جالك يعزيك.
زيد...مش بقولك انه راجل جميل
منذر....هو چورچ ملهوش حد يا زيد صح.
زيد...والله يا منذر احنا من يوم ما عرفناه مجاش في بالي أسأله السؤال ده بس غالباً ملهوش زي ما انت عارف هو بينام هنا في العوامه وعايش فيها ومش معاه حد.
منذر...بأبتسامه هو مش قالك ان هو كمان ليه حكايه غريبه مع المكان أكيد وراه قصه.
زيد...طبعاً مين فينا ملهوش قصه.
بصله منذر وهو بياكل طيب بمناسبه القصص والحكايات صبا مقالتش بردوا ايه سبب مشكلتها مع ايمن.
بص زيد علي النيل وهو بينفض ايده من العيش لأ مقالتش يا منذر وطول الوقت بتهرب مني بتخاف عينها تيجي في عيني.
منذر....سيبها يا زيد متضغطش عليها.
زيد...واخويا اللي انتحر مليش الحق اعرف انتحر ليه؟
منذر....مقولتش كده بس صدقني السر مبيفضلش سر طول العمر اكيد هيجي يوم وتعرفه.
زيد....معاك حق وانا مش هرتاح غير لو عرفته يا منذر.
منذر..بأبتسامه بقولك ايه انا غلطان يا سيدي المفروض مكنتش فتحت الحوار ده اصلاً احنا جايين هنا نفصل يلا افطر الأكل فظيع والفول بتاع چورچ هو كمان قصه.
زيد....بضحك كل حاجه هنا ليها طعم غريب❣️
.................
في قصر الطوبجي.
صحيوا الجميع والفطار جهز وهما كمان جهزوا لشغلهم.
نزلوا كلهم قعدوا علي السفره.
راجح....هو فين زيد مصحيش كل ده ولا ايه.
روح....ايه ده هو فين صحيح انا لما ملاقيتهوش في اوضته فكرته نزل
فرح...ايه ده هو انتوا متعرفوش؟
روح...بقلق منعرفش ايه زيد ماله.
راجح...في ايه يا فرح
فرح....مفيش متقلقوش بس زيد خرج بليل وقال انه رايح لمنذر انا فكرته كلكم.
راجح...منذر؟؟
روح...فيروز تعبت ولا ايه.
فرح...لا يا مامي ده قاللي ان منذر عنده مشكله في الشغل محتاج تقريبا عمال وعربيات نقل وهو راحله.
روح....طيب و مصحانيش ليه وبعدين هو علي طول حامل هم الكل كده.
ابتسم راجح بفخر من غير اي تعليق.
داوود...انتي عارفه منذر عند زيد ايه المهم انه بخير.
روح...طيب يلا افطروا.
ياسين...وانت بردوا مصمم تنزل الشركه.
جلال...ياعم زهقت من القاعده وانا والله كويس مفيش اي حاجه خليني اغير جو ولو تعبت هرجع.
روح.....خلي بالك من نفسك بس
جلال...متقلقيش يا حبيبتي.
وفي خلال وقت الفطار كان أمير كل ثانيه يروح بعينه علي فرح ويبعدها اول ما تيجي هي تبص عليه لحد ما الفطار انتهي وكل واحد راح علي شغله.
............
بعد كام ساعه من وصولهم كان زيد قاتل نفسه في الشغل وفي وسط شغله كان مركز علي الورقه اللي ملك كتبتها بخصوص التلاته اللي اتعينوا في الوقت اللي حصل فيه السرقه اساميهم كانت مكتوبه قدامه والسيڤيهات بتاعتهم كانت تحت ايده فضل يبص فيها ويراجع كل الشغل اللي تم تحت ايد كل واحد منهم وبعد ما راجع فجأه ركز في أسمين منهم و كانوا مشتركين مع بعض في اكتر من صفقه سيراميك وشغلهم كان مع بعض بسرعه راجع ورق الصفقات دي بالتواريخ و بالارقام لقي ان ملك كانت كاتبه في التقرير اللي سلمتهوله نفس تواريخ الصفقات دي و اللي تمت فيها السرقه
أبتسم زيد بشر ومسك اساميهم في ايده.
علي عبد القادر محمد
عصام فتحي إبراهيم
زيد....وقعتوا و قريب اوي هتبقوا تحت ايدي انتوا والكلاب اللي بعتوكم وبسرعه مسك موبايله عمل اتصال للجارد بتوعه قالهم أساميهم و عناوينهم وطلب منهم يراقبوا كل تحركاتهم الفتره الجايه من بعيد لبعيد وبمجرد ما قفل معاهم بعتلهم صورهم وإلي حد كبير حس براحه.
دخل عليه في الوقت ده سالم.
سالم....زيد عايزك شويه ولا مشغول.
زيد....تعالي يا سالم مش مشغول لأ.
راح سالم قعد وهو بيبص علي كوم الورق اللي قدامه بصله بسخريه😏 امال لو كنت مشغول.
زيد...بأبتسامه لا والله اغلبهم امضي ومراجعه سريعه وخلصت المهم قولي كنت عايز ايه.
سالم...بصله بترقب ثواني...انا هروح لشمس انهارده!
زيد...احنا مش قولنا نستني شويه البنت من يوم موت والدتها مخرجتش من البيت حرفياً اللي مطمني انها كويسه ان شريف بيشوفها كل يوم تخرج تقعد في البلكونه لحد الصبح ما يطلع
اللي مجنني هي بتاكل وتشرب وبتجيب حاجتها ازاي.
سالم...عشان كده لازم اروح يا زيد احنا داخلين خلاص علي شهر وانا بصراحه مش قادر استني اكتر من كده. زيد انا مش بنام تقريباً أحساس الذنب ده احساس بشع ولو عيني راحت في النوم شويه غصب عني مبسلمش من الكوابيس في حاجه بتخنقنى و أنا نايم أحداث اليوم بتتكرر بتنفض من نومي علي صوت صريخ وغالباً بحس ان الصوت ده صوتها بفتكر دموعها وكلامها بفتكرها وهي بتترجاني عشان معملش فيها كده. والغريبه اني بقيت اشوف تعبيرات وشها وهي مستغربه كلامي انا بتكلم علي اني اعرفها وهي مش فاهمه حاجه
نظرات عينها وهي بتبصلي وانا بقولها بتريقه بس اسم شمس ده حلو ومش بعيد عن اسمك بفتكر كل حاجه يا زيد كل حاجه عشان خاطري خليني اروح.
زيد....بحزن وغضب منه حاول يخفيه ماشي يا سالم هخليك تروح وهاجي معاك مش هسيبك بس لازم تعرف حاجه مهمه ادأوي المقابله دي مش هتبقي سهله ابداً ولا عليك من اللي ممكن تسمعه منها ولا عليها لما تشوفك قدامها بعد كل اللي حصل ده.
سالم....وانا مستعد اني اسمع منها اي حاجه حقها وحتي لو قالت ايه صدقني مش كفايه أنا عارف اني كنت معاها أوسخ بكتير من أي كلام هتقوله .
زيد....بس بردوا يا سالم انا قلقان من رد فعلها شمس انا واثق إن حالتها النفسيه بعد اللي حصل معها منك وبعد موت والدتها بقوا تحت الصفر ممكن تنهار تصرخ تكسر يحصلها حاجه او تفضح نفسها في البيت وهي مش في وعيها هي مش ناقصه يا سالم
سالم...صدقني انا عامل حسابي لكل ده وخليك واثق فيا انا هحتوي الموقف علي قد ما اقدر.
زيد...طيب انا هاجي معاك زي ما قولتلك
سالم....عايز تيجي تعالي بس هتفضل تحت خليني اشوفها لوحدي مش عايزها تحس ان في حد عرف اللي حصل عشان متبقاش محروجه او تحس انها اتفضحت
زيد....سالم متفكرش ان شمس ممكن تسمعلك من اول مره
سالم...عارف يا زيد عشان كده خليني احاول معاها مره واتنين وتلاته ولو حسيت انها رافضه وقتها هقولك اظهر في الصوره.
وبعدين انت قلقان من ايه قولتلك انا هحاول احتوي الموقف
زيد....خايف عليك يا سالم!!
خايف تديك بحاجه ولا تموتك انا قولتلك احنا مش عارفين حالتها واصله لحد فين بيني وبينك هو حقها تعمل فيك اي حاجه بس مهما كان انت اخويا حقي اخاف عليك.
ابتسم سالم بوجع...متخافش يا سيدي عليا لو ليا عمر هعيش ومن معرفتي البسيطه بيها شمس اضعف بكتير من كده.
زيد...بسخريه علي اساس انك عارفها اوي 😏
سالم....بلاش تقطيم ورحمه امك انا مش ناقص انا بس عايزك تبقي معايا.
زيد....وانا مش هسيبك ولا هسيبها يا سالم هنخلص شغل ونروح علي هناك وربنا يسترها.
سالم...يارب.
................
في مكتب ملك وجلال.
قام جلال مره واحده وبص لملك
جلال....لا بقولك ايه انا اتخنقت
ملك...بسم الله الرحمن الرحيم خضتني في ايه.
جلال...انا مش متعود افضل ساكت كده الصمت ده مش بتاعي
بصتله ملك بإحراج عايز ايه يعني
جلال....اتكلمي قولي حاجه انا واحد خارج من تعب وبعدين واخده جنب مني ليه أيش حال ان مكنتيش انتي اللي معلمه عليا قدام العيله كلها.
ابتسمت ملك غصب عنها...بقولك ايه اقفل السيره دي عشان هي اللي مخلياني ساكته كده ومش قادره ابص في عينك
جلال...ليه هو مين فينا اللي أتفضح 🥴 مين اللي علم علي التاني ده انتي روقتيني وخلتيني مسخره العيله.
كتمت ملك ضحكها لمحها جلال بتضحك
جلال...اخو ده الكلام ايوه كده ارجعي ملك اللي انا عارفها وفداكي ياستي الفضيحه اللي عملتيهالي هي اينعم كانت قدام اخواتي وانتي طبعا عارفه اخواتي كويس بس يلا الله يسامحك عموماً انا مش مبطل عليكي دعاء🥴🥴🥴
ملك....بضحك نهار اسود انت بتدعي عليا يا جلال.
جلال...بدعي بس بزمتك مشرقتيش وانتي بتشربي خالص اصلي مقطع في فروتك بيني وبين نفسي طول الوقت
ملك....أخص عليك يا جلال😂😂🙈 والله ما كنت اعرف
جلال...بضحك خلاص يا ستي سماح المرادي بس ابوس ايدك اتكلمي قولي حاجه والله انا بجد زهقان اوي.
ملك....طيب يا سيدي خلاص ولو علي الزهق علاجه عندي
جلال...ألحقيني بيه الله يباركلك يا بنتي 🥴 انا داخل علي شهر أكتئاب وتعب والوضع في البيت بقي صعب.
ملك....خلاص بقي صعبت عليا وهعيط أيه رأيك نخرج مع بعض انا وانت وياسين وميار اختي نروح سينما في فيلم حلو اوي أجنبي نفسي اشوفه
جلال....وانا موافق جداً البت اختك موزه كمان وتشجع علي الخروج
ملك...بضحك احترم نفسك تصدق مش خارجه😂😂
جلال ..ياستي خلاص حقك علي اهلي بس تعالي هنا انتي بتقولي سينما ونخرج طب ووضع الأكل معاكي ايه مش هناكل🥴
ملك...اعوذ بالله طفس😒 هأكلك شوف عايز تاكل ايه وانا عزماك يا سيدي.
جلال ...اوعي شكلها لاعبه معاكي😉
ملك...بضحك عد الجمايل بس انت المهم اتفقنا🤔
جلال...لو عليا انا موافق المهم ابو لهب يكون فاضي🥴
خرج ياسين من مكتبه عدي علي مكتبهم وسمعه
ياسين.....ماله أبو لهب 🤨
جلال....😁 ده حبيبي.
ملك...خواف اوي🙈😂
جلال....بصوت واطي ما انتي مجربتيش تاخدي منه بوكس وهو بيهزر تخيلي بقي لو أداهولك وهو مضايق🙄
ملك....لا وعلي ايه الطيب احسن
ياسين...انتوا بتتوشوشوا علي ايه
جلال...اصل صعبت علي ملك لما عرفت اني زهقان وتعويضاً يعني عن اللي هي عملته فيا هاااا😒
ملك...ماقولنا خلاص بقي😒
ياسين....😂😂😂
جلال....ماشي خلاص المهم يعني قالتلي اننا لو جنابك يعني فاضي نخرج انا وانت وهي وميار اختها وهنروح سينما.
ياسين....سينما🤨 سينما ايه ؟وايه شغل المراهقين ده
ملك...بضحك ومالها السينما بقي ايه عمرك ما روحتها.
جلال...يعني انتي لفت نظرك اعتراضه علي السينما وملفتش نظرك انه بيقول عليها شغل مراهقين فا بديهي يعني مينفعش تسأليه عمرك ما روحتها لأنه اكيد راحها وهو مراهق😂😂
ياسين...بضحك اهو أذكي اخواته قالك😂
ملك....لأ بجد معترض ليه بس ده في فيلم جميل وهتجنن و أروحه.
ياسين....مش اعتراض والله بس سينما دي مش حاسسها تمشي معايا خالص😏
جلال....هي بدله😒
ياسين....والله ابوك عنده حق لما قال دكتور مجدي مكانش قادر يقطع لسانك بدل..😂😂😂
جلال...ايوه ايوه طيبه قلبك
ابتسمت ملك وحاولت تداري كسوفها من قلت ادبهم🙈
جلال...ياجدع منك لله البت وشها احمر
ملك...والله انا غلطانه اني واقفه معاكم انا ماشيه
ياسين...بضحك مسكها من ايدها
وبصلها أستني❣️
حست ملك بارتباك اكتر من مسكته ليها قدام جلال ابتسمت و سحبت ايدها بهدوء
جلال...متبقاش رخم بقي قول موافق.
ياسين....خلاص يا سيدي موافق
ورجع بص لملك لو مفيش وراكي شغل روحي انتي عشان تجهزي انتي وميار و هنعدي عليكم
ملك....تمام في بس حاجه بسيطه هراجعها وامشي علي طول
ياسين....تمام
جلال...طيب مالو انت كمان خلصت تعالي نروح و نغير هدومنا دي اكيد نش هنروح كده
ياسين....ماشي انا كمان ورايا حاجه بسيطه هخلصها و نمشي علي طول.
جلال....اشطا.
...............
في ڤيلا الباشا.
كاريمان....الڤيلا مكانش ليها طعم من غيرك يا فيروز
فيروز....تسلمي يا طنط انا كمان البيت وحشني اوي.
كاميليا...مامتك عامله ايه الوقت يا فيروز
كاريمان...اه صح طمنيني روح عامله ايه.
فيروز....والله بتحاول تكون كويسه اللي حصل ده مش سهل عليها خالص ولا علينا كلنا
كاريمان....ربنا يصبرها ويرحمه
كاميليا....ربنا يصبرها اكيد طبعا مش سهل أيمن كان لسه في عز شبابه فكرت والله في موقف روح قولت الحمد لله انها عندها غيره انا لو مكانها كان جرالي حاجه انا معنديش غير سما.
فيروز...بابتسامه سخريه وحزن الوجع مفيهوش عندها غيره او لأ يا طنط ومش معني انها عندها غيره متتوجعش عليه ده مهما كان ابنها حته منها راحت ومش هتشوفه تاني.
كاريمان....صح معاكي حق يا فيروز الضني بيوجع انا مش ممكن اتخيل حاجه وحشه تحصل لحسام او منذر مستحيل اقدر اتخيل موقف روح مع حد من ولادي.
كاميليا....انا مقصدش بس طبعاً أقلل من وجعها علي ايمن انا أقصد الله يكون في عون اللي عنده ابن واحد ويروح منه انا مش قادره اتخيل موقفي بصراحه
فيروز....ربنا يخليلك سما ويخليكي ليها ياطنط بس صدقيني وجع مامي كبير اوي خصوصاً ان مامي مرتبطه بينا جداً وعلاقتها معانا بشوفها غريبه عن أي ام.
كاريمان.....فعلاً روح مرتبطه جداً بيكم
كاميليا...ربنا يصبرها يارب.
سما...بملل أبتسمت ابتسامه صفراء ما تسيبكم بقي من السيره دي هي راجعه عشان تفكروها
كاريمان....علي رأيك يا سما كفايه عليها الأيام اللي فاتت ربنا نا يعودها تاني.
فيروز....يارب يا طنط.
سما...صحيح يا فيروز انتي لسه معرفتيش البيبي ولد ولا بنت
فيروز....لا لسه انا في اول التالت ممكن لما اروح المره الجايه للدكتور يعرفني.
سما...بأبتسامه خبيثه وانتي بقي نفسك في ولد ولا بنت.
فيروز.....مش فارقه كتير المهم انه يكون طفل سليم وبس.
كاريمان...يااااااه انا بحلم باليوم ده اوي ولد بقي ولا بنت المهم اشوفهم قيل ما اموت
فيروز....بعد الشر عليكي يا طنط.
كاميليا....ان شاء الله تقومي بالسلامه يا فيروز وتفرحي بأحفادك يا كاريمان.
كاريمان....يارب يا كاميليا وتفرحي بسما قريب.
بصت سما وكاميليا لبعض.
كاميليا...بتوتر يارب
سما....من جواها وهي مبتسمه ليهم فرحتك مش هتدوم كتير يا فيروز😡😡
........
وصل ياسين وجلال القصر
وقابلوا قاسم اللي روح قبلهم بشويه خارج هو وزهره وجنه
ياسين....ايه ده رايحين فين.
جلال....شكلهم مهاجرين🧐 ادام واخدين جنه.
جنه....😂اه قررنا نسيبك ونمشي
زهره...رايحين نطمن علي الاستاذ وجنه مصممه نروح نشتري لبس البيبي
ياسين....ايوه بقي هيجي اللي يديكي علي دماغك😉
جنه...مين ده🤨
قاسم....ياساتر😂😂 اهي هتتحول منك لله
جلال...انتي أزاي يابنت تخرجي من غير أذني 🤔
جنه....معلش ياعمو سماح المرادي
جلال....عشان خاطر ابوكي بس هتعدي المرادي.
قاسم....الله يكرمك مش عارف اقول ايه علي كرم اخلاقك ده🤨
جلال....متقولش كده بس مره تانيه متكررهاش متسوقش فيها مش عشان ابوها يعني
قاسم...امشي ياض انت هتعيش الدور يا واطي😠👊
جري جلال من قدامه وهو بيضحك خليه ينفعك يا ست جنه😂😂😂
قاسم...عيل مترباش ويلا انت كمان اتكل علي الله.
ياسين....اله طب ما براحه طططططب😒
زهره...نفسي اشوف كبير في العيله دي فيكم 😂😂😂 يلا امشي يابنتي دول مجانين.
ياسين....حط ايده علي كتف قاسم بس موزز مش كده😉
قاسم....ايه رأيك في الأوت فيت ده ياولا.
ياسين....قمر يا اخواتي😉
زهره...عليه العوض ومنه العوض
جنه...😂😂😂طب والله مووز وقمرات وعسل كمان
قاسم....بنت ابوكي😉
ياسين...وقلب عمك😍
قاسم...انت هتصاحبني ولا ايه😒 امشي يلا هنتأخر
ياسين....يخربيت القلبه😒😒
يلا سلاااام
دخل ياسين كان جلال واقف مع روح وأمير بيضحكوا وفرح قاعده تضحك عليهم بس ملامحها باين عليها الحزن غصب عنها.
ياسين....بتضحكوا عليه؟
روح...هو في غيره المصيبه ده المهم جلال بيقولي انكم خارجين مع ملك واختها ايه الحكايه دي🤨
ياسين...هو انت ما بيتبلش في بوقك فوله ابداً😠
جلال...شايفه عشان تعرفي اني مش بخبي عليكي حاجه 😁
روح...ايه الحكايه يا سي ياسين.
ياسين...بأبتسامه والله مفيش حاجه هي وجلال اتفقوا مع بعض وقالولي قولتلهم تمام وأسأليه اهو انا مكنتش عايز 🤨
روح...ليه بس روح يا حبيبي وغيروا جو.
ياسين....اغير جو ايه بس يا روح دول عايزين يروحوا سينما😂
امير...اوبااااا انا راشق مليش فيه نفسي اروح السينما.
جلال....راشق فين يالا انت مش قولت رايح لهشام.
امير....غيرت رأيي وعلي قلبكم😁
جلال....مفيش الكلام ده انت كده هتبقي عزول 🥴
ياسين...ياض ما تحترم نفسك واحنا شاقطين البنات ما تخليه يجي😠
أمير....لا ماهو انا هاجي انا وفرح صح يا فرح🤨
فرح....بأبتسامه بسيطه ايه ده انا لا لا خليهم يخرجوا هما براحتهم
روح...لجلال مش هتعقل ابداً وبعدين خدوا معاكم هو هيقعد علي رجلك في الكرسي واهي فرح كمان تغير جو صح يا فرح.
فرح...بسعاده بسيطه ااا ايوه بس لا لا بلاش.
ياسين...يلا يا فروحه تعالي معانا قومي جنه خرجت مع قاسم و هتفضلي لوحدك وبعدين الرخم ده خلاص علي قلبنا.
أمير...اهو قالك اهو انا راشق بلاش رخامه وقومي يلا.
روح...بحب هزت راسها لفرح بتشجيع يلااا.
قامت فرح وطلعت بسرعه تلبس.
ياسين....يلا يا سي جلال نطلع احنا كمان نغير بسرعه عشان منتأخرش
جلال....يلا.
بصت روح لأمير وابتسمت
ابتسم امير وهو بيحك راسه بصباعه وبصلها
امير....اصل هي بقالها كتير مش خرجت معانا وعشان يعني تغير جو وكده ولا ايه🤨
روح...بحب اللي انت شايفه😉
قرب امير من روح باس راسها وخدها في حضنه خليكي جنبي يا روح ماشي.
روح...انا جنبك ديماً يا حبيبي❣️
.................
في ڤيلا عزيز.
كانت مريم قاعده علي الكرسي ماسكه في ايدها كتاب وبتقرأ فيه
وفجأه لقت عزيز قام وقف وهو فرحان.
عزيز.....أيوووووو بقي💪💪اخيراً
اتفزعت مريم من صوته وبصتله
كان بيتكلم في الموبايل و شكله طاير من الفرحه.
عزيز....طارق بقولك ايه انا طاير من الفرحه احنا لازم نحتفل.
طارق...بضحك بس كده هنحتفل ونفرح ونعمل احلي حفله فيكي يامصر.
عزيز....يبقي بسرعه وفي اقري وقت تجهز كل حاجه وتبعت الدعوات للكل انا عايز أفرح واحتفل.
طارق....وانا كمان يا صاحبي يلا هسيبك الوقت و هرجعلك تاني اقولك اللي تم.
عزيز....تمام يلا سلام قفل عزيز وجري علي مريم
عزيز....مريم عندي ليكي خبر يجنن.
مريم...خير
عزيز....طارق بلغني الوقت اني اتكرمت في الامارات وخدت جايزه افضل مصمم مجوهرات وقاللي ان التصاميم بتاعتي مكسره الدنيا هناك وبسرعه أسم البراند بتاعنا بقي بيتوافد عليه كل الناس هناك ومش بس كده طارق بيقولي ان تليفونه مبطلش رن من الصبح وفي كذا بلد طالبه البراند.
مرسم....مبروك.
عزيز...مبروك علينا يا حبيبتي انا طاير من الفرحه تعبي مراحش علي الفاضي يا مريم.
مريم....انت مبسوط اوي كده ما انت كنت بتتعامل مع كذا بلد قبل كده.
عزيز....فعلاً بس بالنسبالي ان البراند يسمع اوي كده في الدول العربيه افضل لان هما مجانين دهب وألماظات
المهم تجهزي نفسك عشان هنعمل احلي حفله اليومين الجايين دول
مريم.....وايه لزوم الحفله يا عزيز انت مش محتاج شهره يعني
عزيز.....بس ده خبر مينفعش منحتفلش بيه وكمان الحفله دي هتبقي زي الدعايا اكتر كام صحفي في جريده معروفه علي كام صوره مع وجود ناس تقيله الحفله هتسمع اكتر جوه وبره.
حست مريم بالارتباك بس مقدرتش تنطق او تعترض
مريم...في سرها ربنا يستر🥺
...............
طلعت فرح تلبس وهي مبسوطه وفجأه أفتكرت زيد🙄
فضلت واقفه في مكانها شويه وبعدين قررت تتصل بيه وتقوله.
زيد....الووو ايوه يافرح عامله ايه يا حبيبتي.
فرح...بخير يا زيد تمام.
زيد...في حاجه ولا ايه يا حبيبتي.
فرح....زيد اا ياسين و جلال كانوا خارجين مع ملك واختها ورايحين سينما وووو
زيد....ايوه ياسين قاللي قبل ما يخرج من الشركه حصل حاجه ولا ايه
فرح....لا لا يا حبيبي مفيش بس يعني امير شبط فيهم وعايزني اروح معاهم ومامي فضلت تقولي روحي هي وهما فاااا.
زيد...بابتسامه روحي يا فرح روحي معاهم يا حبييتي وغيري جو.
فرح...يعني مش هتبقي مضايق.
زيد...أضايق ازاي وانتي هتغيري جو معاهم وتتبسطي
فرح...بسعاده ماشي يا زيد شكراً
زيد....العفو يا فروحه خدي بالك من نفسك.
فرح...حاضر زيد.
زيد...نعم
فرح...انا بحبك اوي ❣️
زيد...بضحكه جميله وانا بحبك اكتر
فرح...باي
زيد...باي
قفلت فرح وهي مبسوطه لبست بسرعه ودقايق بسيطه كانوا خرجوا
ركبت فرح مع امير وركب جلال وياسين مع بعض.
وصلوا تحت بيت ملك كانت نزلت هي وميار سلمت عليهم كلهم وراحوا ركبوا مع ياسين وجلال
وطلعوا وراء بعض.
وبعد وقت بسيط وصلوا في مكان السينما.
ملك....يلا بسرعه مفيش وقت فاضل ربع ساعه ويبدأ العرض.
جلال.....طب يلا بسرعه
دفعوا فلوس التذاكر ودخلوا بسرعه علي اماكنهم كلهم كانوا قاعدين جمب بعض.
ميار....انا بقالي كتير اوي مروحتش سينما.
جلال....وانا كمان بس مش كنا جينا فيلم كارتون😂😂
ميار....كارتون😂😂
ملك...سيبك منه ده لسه طفل
جلال...والله انتي ما بتفهمي حاجه😒 مش احسن من الضرب والعنف
ملك....ضرب وعنف ايه ده فيلم رومانسي
أمير....طيب ما نبطل رغي بقي الفيلم هيبدأ
ياسين...اسكت انت بلاش رغي فروحه مرتاحه.
فرح....اه يا حبيبي تمام.
بدأ الفيلم وكان بيتكلم عن شخصين صحاب جداً بيهربوا بعائلتهم من بلد لجزيره في وسط البحر بسبب رجال المافيا اللي بتطاردهم كل واحد في الشخصين كان عنده طفل واحد واحد فيهم عنده بنت عندها عشر سنين والتاني ولد عنده 15 سنه ولكن القدر غير كل حاجه وغرقت المركب في وسط البحر قبل ما توصل للجزيره بحاجه بسيطه مات الكل معادا البنت والولد حاول الولد بكل طاقته ينقذ البنت لانه كان بطل سباحه وقدر يعوم بيها لحد الجزيره المهجوره.
بقت الايام تجري يوم وراء يوم وراء يوم والولد والبنت عندهم امل حد يجي ينقذهم لحد ما فقدوا الامل و أضطروا يعيشوا ويتأقلموا كانت البنت مش بتبطل عياط وديماً خايفه لكن الولد كان بيحاول يطمنها كان بيعاملها كأنها بنته اللي القدر خلاه يكون مسؤول عنها وفي لحظه اتحول من طفل لشخص ناضج بيحاول طول الوقت انه يحميها وقرر انه يعمل بيت صغير من الشجر والخشب عشان يحميهم من المطر والبرد فضل يعمل فيه كام يوم لحد ما خلص اخيراً وكانت دي اول حاجه تفرحهم و تحسسهم بالانجاز الكبير كان اكلهم عباره عن فاكهه موجوده علي الشجر وبعد ما البنت زهقت من الفاكهه وبدأت تعيط حاول الولد يجرب يصطاد فشل كتير لحد ما مسك خشبه طويله ليها سن بقي يصطاد بيها ودي كانت تاني انجاز ليهم في الحياه الطبيعيه اللي أتفرضت عليهم.
ولأن الجزيره كانت مهجوره ومش كتير يعرفوها قضوا فيها سبع سنين من عمرهم لحد ما كانوا اتعودوا البنت حبته حب ما يتوصفش والولد كمان بس خوفه ومسؤوليته تجاهها خلوه مش حاسس بالحب ده لحد ما جه يوم وتم انقاذهم الولد كان عنده في الوقت ده 21 سنه والبنت 17 سنه التلفزيون ووسائل الإعلام مكانش ليهم سيره غيرهم.
والدوله قدمتلهم الدعم وكل حاجه اتحرموا منها وساعدتهم يكملوا تعليمهم الولد كان طاير من الفرحه انهم اخيراً خرجوا من الجزيره لكن البنت مكانتش فرحانه وحست بالخوف والغربه اتمنت تفضل معاه لوحدها خصوصاً لما الولد اتعرف علي بنت وارتبط بيها كانت حزينه وحاسه ان العالم اللي حلموا يرجعوله في يوم من الايام مبقاش بتاعها
حالتها بدأت تسوء وتتعب حس الولد بيها وقلبه كان بيوجعه عشانها وفي يوم حكي الولد كل حاجه لشخص كبير في السن كان جاره في نفس البيت.
وفي اللحظه دي سرح أمير مع كل كلمه.
الجار...ما الذي يزعجك الان
الولد...اعلم انها تحبني وانا احب غيرها ولكن قلبي من الداخل يؤلمني
الجار...وما سبب الالم؟
الولد... أكتشفت انني احبها كثيراً ولكن في حياتي أخري احبها ايضاً
الجار...ولم تكتشف حبك هذا إلا عندما أحببت
الولد....كانت معي طوال الوقت كل السنين التي مضت لم تتركني يوم وحينما تم انقاذنا شعرت انني احتاج ان يدخل العديد حياتي غيرها لقد سئمت من حياتي في الجزيره التي كان لا يوجد بها غيرها.
الجار....والوقت؟
الولد....اشعر بالضياع ولا اعرف ماذا أفعل بداخلي انقسام كبير.
الجار....لذا وجب عليك ان تسمع نصيحتي.
الولد...وما هي؟
الجار....لا تترك ميلسا !!
لا تترك من رأت العالم كله بعينيك
لا تترك يدها فا انت في عينيها الشخص الوحيد في هذا العالم حتي ولو أصبحت تري الكثير حولها فتأكد بانها تشعر بالضياع في غيابك.
وجودها معك دوماً جعلك تسئم هذه الحياه وهذا شئ طبيعي التعود شئ ممل في بعض الاحيان ولكن إذا حفرنا بداخلك لم نجد في قلبك سوي ميلسا..❣️
أبتسم أمير وبص علي فرح كانت دموعها نازله ومتأثره بالفيلم
قرب أمير ايده من خد فرح من غير ما يحس ومسح دموعها بحرف صباعه بهدوء
بصتله فرح وهي كل جسمها بيرتجف من لمسته
ابتسم أمير وقرب من ودنها بهدوء
امير....مش قولنا بلاش عياط تاني
ابتسمت فرح وهزت راسها بحب
اما ياسين وملك
كانت ملك مندمجه جداً في الفيلم وفجأه حست بكف ياسين بيمسك كفها بنعومه
بصتله ملك بصدمه.
ابتسم ياسين من غير ولا كلمه وبص علي الفيلم
متعرفش ملك ايه السبب اللي خلاها مسحبتش ايدها لكن كانت مبسوطه وفضلت ماسكه ايده
اما جلال وميار كانوا مقضينها ضحك وهزار وفي دنيا تانيه مع الفشار🙈
...................
عند زيد وسالم
وصل زيد تحت بيت شمس وبص لسالم.
زيد....لسه مش عايزني اجي معاك
سالم...بحزن وارتباك معلش يا زيد خليني انا اشوفها الاول.
زيد....طب يلا اطلع وانا مستنيك
هز سالم راسه وفتح باب العربيه ونزل فضل باصص علي البيت شويه واخيراً خد اول خطوه ناحيه البيت.
وللحديث بقيه....