400♥
وراكباها الخلعة بغات اتنفس وتهرب تاني واخة معارفاش مناش عهد شافها وقفات بانت ليه مخدة هزها وﻻحها عليها وغوت:عنداك اتشدك.مﻻك مغمضة عينيها كتنفس حتا سمعاتو وهي تكمش فراسها وهي تجي فيها المخدة من لور وبدات تغوت وتركل:واااااع اااااااااع عاااهد لله اكبر بعدي مني اي ضرباتني اعهد اجي عتقني واااع بسملله الرحمان الرااااحيييم هااااااع.حﻻت عينيها فاش سمعاتو كيغوت وصوتو تبدل وﻻ كيخلع شافت فيه مخرجة عينيها لقاتو معوج كلو وفمو عوج وداير حركة فوجهو كتخلع كان كيشوف فلحيط تاضار بشوية شافيها بجمود وقفات بشوية وعﻻمات الخوف بادية فوجها منتابهاتش للمخدة غاع اصﻻ فينهو لعقل ولعينين لي يفكرو فشي حاجة دابا نطقت بصوت شاحب:عهد مالك.خطوا خطوة هكاك عوج ونطق بداك الصوت:انا ماشيييي عهد هاهااااهاا.وبدا جاي عندها كيزرب بديك المشية خلعتها كثر وماد يديه باغي يشدها طلقات رجليها للريح وقربات تبكي وكتقرا فالقران وكتغوت بسمية عهد وكتسمعو وراها كيغوت:عهد مشا كاين غي انا هاهاهاهاه.كيطلقها بضحكة كتخلع مع داك الصوت.شافت لدروج وهي تشدها لبكية متجي فين طلع تايكون شدها وجرات تاني كضور غي تما معرفت فين تخبا فينما مشات كيكون وصل عليها معندها تاحل من غير الدروج وخايفة طلع فيهم وتقال ويشدها ودارتها فيد الله ومشات ليهم طلعاتهم كاملين وحست مبقاش تابعها تامن صوت خطواتو مبقاوش ضارت بالزربة فاخر درجة وبان ليها واقف هكاك فاول الدروج وكيشوفيها تبسمت بنصر وخوف كتنهج وقلبها غيسكت بالخلعة:صافي مقديتيش تطلع فينهو عهد.عوج راسو بشوية بطريقة كتخلع وعلى فمو كترسم ضحكة اكثر رعبا وتحنا على يديه فالدروج وطالع على يديه ورجليه بطريقة كتخلع غادي وكيزرب:هيههيهيييييه عهد باااح.غوت بصوت غليض كيخلع:اجييي عندييييي.مﻻك تغرغرو عينيها بدموع الفزع
.... يتبع
401♥
الفزع وضارت كتجري تاني بان ليها اول بيت جرات ليه حﻻتو كان ديال لقطوط كانت اتبجغهم وسدت لباب بالزربة وبعدت كتقلب على السوارت وغتسخف بالخلعة تسحابو تسكن اما هو برا حبس تيشد الضحكة بزز وغلض صوتو تاني وبدا كيخبط فلباب:حلي لباب.
مﻻك بتلفة:عااهد فيناهوما السوارت.حبس الضحكة كان ايتفرش وغلض صوتو:ﻻش بغيتيهم.
مﻻك كترعد:باش نسد مدخلش عليا.
عهد:هي لباب محلول هاهاهاهاهاهاااا.شدت على فمها مخرجة عينيها وتسمع السقيل مبقاش كيخبط لباب تحنات تطل من لباب واش باقي حتا كتلقاه تاهو كيطل عليها ومخرج عينيه كيخلع:حليييي لباااب.وهي تغوت وناضت قافزة كترعد حتا سقﻻت وجمدو خﻻياها كلهم فاش سمعت لبواني كيضور هزت عينيها بشوية لقاتو كيحلو بشوية بلعات ريقها بخوف وغادة راجعة بلور بشوية والقطوط مشاو تجمعو على لباب حتا حلو وبان وتم جاي ليها بالجري ملقات فين تهرب وهي تجمع فراسها وبدات كتغوت حر جهدها تﻻح عليها وبدات تركل وشدها بدا كيضحك سمعاتو وهي تحبس بقات تشوفيه:هههه واصافي خخهه ناري طيرتيني هههه اغي ضاحك.ضرباتو فصدرو فالجهد:حشومة عليك.بدات كضربو بالجهد تاعيات وجلست كتبعد دوك الزغبات على وجها وﻻت كلها حمرا بالجرا شافيها ومد يدو لغرينات:عنعنعنننن.ضرباتو فيدو:بعد مني.
عهد:شداكشي فكمارتك.
مﻻك:لخرا.صرفقها بشوية:طليه على كمارتك تعاوديها نقطع ليك اللسان.قلبات عينيها بعصبية وهو قرب وجهو عندها:مالكي قالبة وجهك صافي غاضحكت معاك وريتك الخليع كيداير ماشي بحالك جاية ناغزاني.بدات تغيبن:خلعتيني بزاف.وتخشات ليه فصدرو مخبية فيه وبدا كيضحك عليها:ناري على خوافة منسحابكش هاكا.
مﻻك:واراكنسحابك تسكنتي.غلض صوتو تاني:واراني مسكون.قفزات مبعدة منو وبدا يضحك:بيك احبيبة.ميقات فيه:باينة غامن الخلعة لي درتي ليا كنت انطلقها فحوايجي.ضحكات
... يتبع
402♥
ضحكات فاش بانو ليها لمشاش جايين عندهم وهزت وحدة كتبوس فيها معنقاها:هه زوينين شكون جابهم مقلتيش ليا.حك قرفادتو بتوتر:واحد الصديق قديم مقدش يجي وسيفطهم.
مﻻك:منهبطوهمش للجردة.
عهد:اه يالله هزي مشاشك.
مﻻك:كيغندير ليهم.
عهد:هزي غالصغار لكبار يمكن يتبعونا.هزات ثﻻثة وهز ليها جوج لوخرين حطهم حداهم وهي معنقاهم كلهم وكتضحك ناضت حتا كتلقا راسها مهزوزة وشافت فيه وغمزها:وانا نهز مشيشة ديالي.بقات تتفرنس وخشات وجها وسط لمشاش لي عجبهم لحال جالسين يتلواو فوقها وكل مرة تشد وحدة تيبغيو يتﻻوحو ضورت راسها وبانو ليها لكبار تاهوما جايين بشوية عليهم عهد قرب لسرير ديالهم وهزو كانت فيه ساشية صغيرة محلولة ديال لماكلة لي حط ليهم منها جبران فاش جابهم وﻻح معاهم تاطيس فين كيحطو ليهم الماكلة ولما كانو خاويينهم تيهز وحاضي ليشقلبهم مباغيش يحطها والو ممفاكش هز داكشي وخرج هبطها للجردة وحطهم وبداو كيجريو لقاو الحرية ومﻻك تابعاهم كضحك تاشدها:مغتفطريش نتي ياك فيك الجوع.كتشوف للمشاش وكتنهج باغة تفك منو داغي تمشي:اه واخة جيبو لينا هنا ﻻبغيتي.تفكت ومشات كتجري تاني تابعاهم معجبوش الحال بحاﻻ معطياهش قيمة نسا بلي تاهي عاد لقات حريتها معاه وكتحس بحاﻻ عاد تطلقات نسا اول لقاء ليهم شنو كان سبابو هو عدم قبول والديها تلعب مشا معصب للكوزينة كمل تقاديك لفطور كانو غي شي كيكات وشي حلويات مغربية غي ليهم بجوج وعصير ليمون صايب داكشي فبﻻطو مكرهش ميديهش ليها يخليها تموت بالجوع على ديك التنخيلة لي دارت ليه ولكن اش ايدير لحب ميشاور ميقدش يخليها بالجوع مشا وعاقد حجبانو لقاها جالسة وحاطة لماكلة فيديها وكتوكلهم مشا بالزربة حط لبﻻطو فوق كرسي كان تما ومشا عندها:حيدي واش مخفتيش تكون فيهم شي حاجة يقمشوك.تنترت منو:مفيهم والو نقيين.ورجعت.... يتبع
403♥
رجعت هزت ديك الماكلة بين يديها وتجمعو تاني حيت كانو هربو خلعهم فاش غوت وشتت ليها داكشي من يديها بقا مخنزر مكرهش يضرب دوك المشاش يطوعهم ملقا فاش يبرد غدايدو وجرها من غريناتها:برهوشة.خرجت ليه لسانها:هي ختك.خرج فيها عينيه:وكترادي معايا.عوجات فمها فيه وهبطات عينيها كتشوفيهم وكيهروها بزغبهم كتبقا تفرنس قرب وجرها تاني من شعرها:مغتفطريش.
مﻻك:واخة بﻻتي.
عهد:مغنخليش ليك.هزت كتافها زعما انا مالي ومشا جاب داك لبﻻطو حطو فالارض قريب ليهم وتكا جنب طاوي يدو متكي عليها وبدا كياكل شافت فيه لقاتو تيسرط فداكشي ممسوقش ليها ومشات لعندو كتحبو ومدت يديها اتاخد وضربها ليها:غسلي يدك بعدا.
مﻻك بتغبان:منجي فين نرجع تاتكمل كلشي.نعت ليها:راهو روبيني حيدي التيو وغسلي.مشات كتجري وكتلفت تاتلقاه كمل حلوة فجوج دغمات غسلت داغي ورجعت تﻻحت قدامو وبدا يدفع فيها:احيدي عليا ترمتك خليني ناكل.دارتها بلعاني باش يحبس يخلي ليها نطقت فمها عامر وتتشرب فالعصير:براكة عليك.دفعها منها بشوية:حيدي لتحزقي عليا تاني.تهزت شوية وضارت عندو كطل عليه شافيها لقاها كتعصر وقطب حجبانو:امالكي.ماجا فين يكمل تاسمع طز وبعد مخصر وجهو وهي بدات كضحك وجرت لبﻻطو عندها:يعع تفوو دخلت ليا الريحة لفمي.هز كاسو ديال لعصير كملو وبدا كيشوف معاها كتزرب باش ميسبقهاش:ابشوية عليك.مد يدو غيهز وحطت يديها مخبية داكشي وفمها عامر:تانتقاد معاك بعدا.ضربها فيدها بشوية:حيدي قاﻻك منسحابكش جيعانة.مد يدو هز غاهاديك لي كتبان زوينة وبقات غي هي من نوعها مداقتهاش هو كﻻ كلشي:خلي ليا هاديك مدقتهاش انا.كان خشا نصها ففمو وبقا مخرج النص ﻻخر وقرب ليها بغات تشدها بيدها وشدها ليها ونطق هكاك:بفمك.قربت حلت فمها خداتها تاقاست سنانو وبعدت كتفرنس ونطق:عجباتك.
مﻻك:امم زوينة.قرب... يتبع
404❤
عندها:نعاودوها.ضحكات ببرائة:هه رالحلوة لي زوينة ماشي باش كليتها.قسم شوية من لكيك:ايوة انا عجباتني الماكلة هكاك.شد لكيك تاني بفمو وقرب ليها:عضي.قربات كتبتاسم حشمانة وخداتها تاني وبعدت كتمضغ خﻻها سرطت وهز دارليها ففمها وهي تخشيها كاملة:اصبري البقرة بﻻتي ناري معندكش مع الرومانسية.كتضحك وحاطة يدها على فمها كتمضغ:ههه وايسحابلي غتوكلني.قسم تاني:وارابغيت ناكل من فمك سرطي داغي.سرطات ودارليها ففمها بقات شاداه غي كيقرب كتبعد كضحك حمقاتو تاشدها من عنقها كﻻ ليها فم وكيك ولسان جبد ليها تاليكان ففمها وبعد كيضحك:اممم اح الله شحال بنين.كملو لفطور بالضحك واللعب والقطوط طايحين حداهم كيستاراحو عياو بالجري عهد بعد لبﻻطو جنب وتكا تاني على ضهرو طاوي يديه تحت راسو حاضيها جالسة على ركابيها وجامعة يديها قدامها كتريمش فالمكان باينة عاجبها ومرة مرة تخرج تنهيدة طويلة مد يد دوز على ضهرها بحنان:مالك.شافت فيه وتبسمت:والو.وحنات راسها:ايمتا انمشيو.
عهد:صافي سخيتي بيا.
مﻻك:ﻻ بالعكس مكرهتش منمشيوش.
عهد:لبغيتي نبقاو بﻻما نمشيو.
مﻻك:ﻻ حشومة ايجيو دارنا لممشيناش ايتقلقو.
عهد:ايوة باقين منمشيو تاتعاشا لعشية على خاطرنا.تبسمت ليه ومدت يديها قاست كرشو بصبعها:انتكا عليك.
عهد:ههه مرحبا.ضحكات وتكات عليه كيشوفو فالسما تانطق:شتك مسولتينيش على شهر العسل فين انديك.هزت كتافها:فينما كان اصﻻ مكرهتش نبقاو غي هنا.عهد:ﻻ ضروري نديك لشي بﻻصة.
مﻻك:لي بغيتي.
عهد:ومغتقوليش ليا زعما فين مبغاش تعرفي.
مﻻك:هه باغة نعرف.
عهد:امم قولي فين فنضرك.بدات كضور فعويناتها وتلعب فشعرها:امم فين مشا طارق وصفاء.
عهد:ﻻ حسن منها.
مﻻك:ممم المالديف.
عهد:ﻻ حسن منها.
مﻻك:اممم فرنسا.
عهد:ههه ﻻ.
مﻻك:هههه هي مغديني لتابﻻصة.
عهد:ههه ﻻ غنديك فكري