لاجئه _ الشيخ

الاخييير ♡

لاجئـه الـشـيـخ

البارت الاخييير

بقلم :- 〘 ☆سـيـمـانـدرآ☆〙

♡♡ الصورة الي فوق شبيهه باهر لحد كبييير !!!

⭐ «««««««««♡♡♡»»»»»»»»»⭐

مندر •-• جان صعب عليه كلش اتقبل الصار ابني المات وريم الراحت ضحيه من غير ذنب ، وايات الحاولت تنتحر وجانت تدري بكلشي وماحجت واكتفت بالسكوت من الخوف مني خاف اسوي شيء ؟

جنت الاعرفه بس هيه مسويتلي عمل والكشف ودل على الحقيقه من شفق من حجت باخر مرة وماجنت متوقع توصل المرحلة من الكرة والحقد لهل مواصيل تروح لاخواني

يمكن الشي الوحيد الي مااتندم عليه هوة جواب ميسم يوم سمعتها وهي تحجي وياها وتتمنالها ان مااكتلها واخليها تتعذب بعيشتها وهي عند ناس غرب واح تعرف الضالم شلون يتجازة

خليتها ؏ ربي وزوجناها بس ابوي ماگطع عنها لانها يتيمه وخالها من اول مااشافها ولحد الان محد يريدها وكل هذا الصار والسويناة الها تنكر كلشي ماجنت اعرف هيه شكد انسانه تكرة وتحقد جنت اعرفها انانيه تحب بس نفسها بس ماتوقعت بيوم توصل لهل مواصيل

وميسم وابوي الوحيدين الجانو يدرون بكلشي من غير العذاب الشافته مني والغلط والضرب ورغم كل هذا مااستسلمت ماانكر هيه فعلا انسانه رغم صغر عمرها واعيه اكثر مني ومن هلي كلهم تعرف كلشي وتفهم اي انسان مهما كان وشلون وضعه وحالته

جانت اذيتي الوحيدة هيه شلون صار وياها هل شيء ؟ شلون وصلت المرحلة وهيه لازم تتعلم توها بس طلعت انه الاتعلم منها مو هيه !

چان گــلبي يرف الها ومن اشوفها ارتاح ، وجنت اكول احبها بس يمكن لان نتشابهه بالالم اتعلقت بيها واروح من ضيم الدنيا الحضنها ، ومن راحت طلكتها من بعد جوابها ومن تقربتلها اتجهت الربي وصليت اذا الي عيشه وياها ومحبه بعد خليها تصير حامل وترجعلي واذا لا وانته اعرف واعلم لاتخليها براسي خليني التهي وكلشي اسوي بسبيل مااتذكرها !

وفعلا انتضرت شهور وماكو خبر عنها وبالصدفه اسمع حجي من اهلي يسولفون بيها لان هيه بقت تتواصل وياهم وابوي كلش متعلق بيها وبسوالفها وهم ماگطع عنها ويروح يشوفها ويرجع وسكينه مرت يوسف هم ادري بيها تتواصل وياها

ومياس البعد عنه مو هواي وصار عدها طفلين ولد ثنين وزوجها شد وياها حيل حتى ماتعلي صوتها وهوة يجي ويكللنه خافن توصلنه حجي ونتزاعل وياهه

بس ابد مااشفتها ولااريد اشوفها وبس بالصدفه مرات من اطلع الصبح اشوفهم كاعدين بالباب ويجي ابوهم ياخذهم اهتميت بنفسي وبصلاتي وراحتي اهم من كل شيء وياي صديقي باهر دخلنه سوى وطلعنه سوة واهتميت بلياقتي وجسمي واناقتي ،

واخواني علاء طلع بيت وحدة ومهيمن طلعته وغصبا عليه يبنيلة بيت ويطلع كافي عليه هواي اتحملته وماريد اشوفه وابوي وكف وياي السواة مو شوية لاهوة ولانوح وهمه اخوتي وكسروني وطعنوني

نوح طلع بيت وحدة همه وتزوج واجاني كدام اهلي ويتعذر مني على السواة ومتندم هواي جان طايش وراكض ورة البنات سامحته بس مارجعت وياهم مثل قبل والاقرب الي علاء ويوسف وبس

وباهر الصارلي اخو نروح للجيم سوة طلعاتنه طباتنه تخرجنه سوالفنه ضحكنه صح عندي غيرة اصدقاء وهوة همه بس مو مثل القرب الاحنه بيه
والحد مااجه يوم كاعدين وهوة حاجاني

باهر •-• مندر امي راحت تخطبلي وتريدني اتزوج

مندر •-• بيها الخير يخوي

باهر •-• طلعت ميسم الجبتها وكتلنه ذولاك العارت

مندر •-• احس تفاجأت معقولة يدور قدرها الباهر ابتسمت كتلة ميسم !

باهر •-• اي يخوي

مندر •-• وانته راضي

باهر •-• اي راضي بس ماكتلي انته منين جبتها ذيج المرة من بيتكم هيه شتقربلكم

مندر •-• تباوعتلة شغلت جكارتي وهوة متانيني

باهر •-• يلا ماتحجي ؟ عندك شيء تعرفه ها

مندر •-• راح احجيلك بس ماريدك تتسرع لان التسرع والتهور يخرب مايعمر

باهر •-• أحـچـي هيه شلعت چلاي

مندر •-• ميسم جانت مرتي ، تباوعلي وضحك بعلو صوته

باهر •-• تشاقه مو لاعليك الله

مندر •-• اي ماضاحك وياك وخليني اكملك

باهر •-• اي كمل بالله

مندر •-• باهر صدك احجي وياك ميسم اجتني هدية

باهر •-• هاا واذا هدية شلون ردتيها ؟

مندر •-• ميسم من اول مااجت هدية الية جنت اللاجئ الوحيد الها من اهلها وهي جانت تتعالج عد دكتور وعدها انفصام بالشخصيه مثلي يعني مثل امراضي وانه من عرفتها هيجي مااجذب عليك احس اكو شيء بيه يريد يكعد ويكابلها ويلمها الحضنه

بس هيه جانت اقوى من واحد يكابلها ويحجي وياها هل حجي تعرف تتحكم بروحها وبهدوئها وماعدها خوف اله من شيء واحد تخاف رجال يمد ايدة عليها لو يحاول يلمسها

باهر •-• وشلون هاي ؟

مندر •-• يعني افهمني تخاف رجال يوصل وياها لنومه هزيلي براسه باي انه ماوصلت ليها بس هددت الدكتور وعرفت سالفتها كلها وعرفت ذولة العارات هم الموصلينها للرعب وهل تخربط العقلي والنفسي كلة

باهر •-• وتعالجت

مندر •-• هذا المرض ماله علاج باهر بس علاجه انه مايتعب ولايفكر هواي ويهتم بهواي اشياء ومايفرغ ويضل كاعد حتى ما تجي التفكيرات ويسيطر عليه كل شيء وهيه من جانت هنا جانت دوم وي ابوي وامي ولعلمك ابوي لحد الان ماگاطع عنها

باهر •-• بعدة يروحلها

مندر •-• اي يخوي بعدة ومرت اخوي ويوسف همه وامي وابوي كلهم يحبونها وعدهم ميانه وياها ويسولفون ويضحكون بس انه مااجذب عليك طول هل سنين ماشفتها مرة ولاسمعت صوتها

باهر •-• تحبها مندر ؟

مندر •-• تباوعتلة ، هي الوضحتلي انه مااحبها من گــلبي انه بس تعلمت عليها وتعلقت بيها

باهر •-• شلون

مندر •-• يمكن لان احس شيء نكسر بروحي من عرفتها هيج صغيرة وواصله مرحلة من التعلم ابوي يفتح وياها مواضيع وكل باب يسدة تفتحلة باب جواب جديد صدك باهر راح تنبهر من عقلها الجبير وفهمها

باهر •-• وانه سوالفي شلونهن حتى تخليني ابلعم

مندر •-• ضحكت لاولك بس يعني ابوي يكول سوالفها حلوة وتفتهم موش مثل بنيات هسه

باهر •-• ماكتلي الصدك تحبها ؟

مندر •-• لا مااحبها بس مااكرها باهر ، انه بس تعلمت عليها لان جانت تشرب جكارة وتسولف وياي وماتخاف مني وهي الوكفت وياي وساندتني بمرضي
وحالاتي من اتخربط وهي الكشفت كل الصار بيتنه هي وابوي وشفت هسه صار ثلاث سنوات ماسمعت بيوم وادم درت عن الصار بيتنه لو الانه حالتي شلونها ماتحجي خذها ولاتوكف على حجي وهنيالك بيها

باهر •-• جم مرة وصلت ليها

مندر •-• تباوعتلة يمكن تجذبني

باهر •-• لا انته اخوي واعرفك كلي الصدك

مندر •-• مرة وحدة بس

باهر •-• هههه تحجي صدك ؟

مندر •-• كتلك مريضه ومااكدر اخاطر بيها يخوي شفت شكتلك

باهر •-• اذا هيجي تسولف عنها شلون مارف كلبك

مندر •-• وارد واكول الحمدلله هيه من نصيبك يخوي واذا حبتك هنيالك

باهر •-• ماحسيت بيها تحبك مرة ؟

مندر •-• هيه صريحه هواي باهر لدرجه ماتتوقعها وكالتلي كالت الشخص اذا حبيته راح ابوسه بكلبة وارجع لشفافه وانته اذا حصلتهن يعني تحبك

باهر •-• اطيها جكارة واخليها تحبني

مندر •-• ابتسمت عاد هيه ماجذب عليك تحب الجكاير جانت تشرب جكارة وحركاتها حلوة اليوكف كبالها ماترحمه شابعه البنات طراكات

باهر •-• طلعت قوية

مندر •-• بس ديربالك عليها ولاتحجي الوادم ماترحم يخوي

باهر •-• الله كريم

مندر •-• رجعت بطريقي لهلي وابتسمت ورفعت راسي للسما بالغلط من جبتها حطت راسها على جتفه وبجت وصار هوة نصيبها دعيت بنيه صافيه كون تعيش وتتقبل وتروح حالتها هاي كلها هواي تعذبت يمي وباهر احسن مني بهواي ويفهم هم هواي ان شاء الله يفهمها !

ميسم •-• وكفت مصدومه من حجي باهر وهوة كبالي

باهر •-• شبيج ها ؟

ميسم •-• بلعت ريجي وكعدت وهوة دنك الية

باهر •-• لاتخافين اعرف كلشي

ميسم •-• طبكت حواجبي وحجيت شني يعني كلشي ؟

باهر •-• اعرف بيج ومرضج واعرف شلون عشتي يم مندر وهوة جان رجلج قبل ثلاث سنوات

ميسم •-• وشلون رضيت بيه

باهر •-• ليش ماارضى بيج ،

ميسم •-• احس بخنكه بلعومي بلعت ريجي وكمت رافعه بدلتي واروح وارجع وهوة واكف شوي وشغلي جكارة وحطها بحلكي خذت نفس وزفرته نسيت روحي وتباوعتلة باهر

باهر •-• ها

ميسم •-• ماادري شني كالك مندر عندي بس لازم تسمعني

باهر •-• اي اسمعج

ميسم •-• انه هناك ماعشت وي مندر كـ زوجه طول عمري انه بس من عرفته حاط بعقلة يكتل ذولاك العارات الحاول يغتصبوني وانه صغيرة ومنها قررت اردلة السواة وياي واحمي
مرته جانت تحقد وتكرة ودوم تأذي وتنكلب شخصيته وانته تعرف مرضه مو هزلي براسه باي خلصت جكارتي وايدي رجفت حطلي وحدة ثانيه بحلكي كعدت وهوة كبالي

مندر جان يتاذة ويصير طفل ويبجي وابقى يمه واحجي وياة لحد مايرجع طبيعي وحاولت بكل جهدي احمي مدام هوى قرر يموت الي اذوني وخلصت حياتي هناك يمه بس حماية الة وكلة وي عمو علي وخالة وسكينه ويوسف

ابد مافد يوم عشت وياة كـ زوجه تباوعتلة بس مرة وحدة كتمت على نفسي وغصبا عليه خليته يوصلني بس علمود مايصير يطلع الحجي بعدين علية انه وعليه هوة وماخليته يلمس ايد ولاشعرة ولاشفته ولاسمعت صوته صدكني

بس مااجذب عليك انه باقيه اتواصل وي اهله عمو علي ويوسف اخوة كلش حبابين وياي ويوسف مثل اخوي وعمو علي احسن من ابوي بعد
وسكينه مرت يوسف صارتلي اخت وباقيه عندي تواصل وياهم وهمه ماگطعو عني وخاصه عمو علي لان جنت دوم وياة وو بعد شغله

باهر •-• بأبتسامه والي هيه ؟

ميسم •-• مادامك عرفت بحالتي انه من طكني الاعصاب اطفي نيراني بجكارة هسه تكول بنيه ومايصير لو خاف تلعب روحك مني بس صير صريح وياي واتمنى تفهمني كبل ماتحبني

باهر •-• وانه فاهم كل حرف تحجينه وادري بي كلة لزمتها من وجهه بثنين ادية وبستها براسها ميسم كليلي ليش تخافين

ميسم •-• لان مااحس بامان العالم موحش باهر كلش موحش وبشر يهدم بشر !

باهر •-• ابنيج ميسم ابني كلشي بيج جديد بس اريدج تبقين على قوتج

ميسم •-• تريدني ابقى قويه

باهر •-• اي ابقى على قوتج هاي وعلى سوالفج كلها وانه ماروح اوصلج الحد ماتحسين بامان وياي وتتعايشين وتتعلمين يالله

ميسم •-• شهكت من البجي ، وابتسمت وهوة يمسح بعيوني وماراح تگطع علاقتي بيهم

باهر •-• هم من حجيج شلون يحبونج هذا يدل على انتي ماسويتي شيء مزين يمهم وهل حبوج وماكطعو بيج وانتي هم ماتكطعين بيهم

ميسم •-• خذت نفس ، راح تفهمني باهر

باهر •-• افهمج من هنا اشرت على صدرها كبل هنا وعلى راسها واطيب روحج وعقلج كبل كلشي بيج

ميسم •-• اول مرة بعمري احس اريد احضن شخص من ارادتي حضنته كل قوتي وشديت على شعرة وهوة باسني بجتفي وبادلني الحضن ، ماوخر عني ولابعدني عنه الحد ما انه وخرت وكمنه بدلنه ونوب جابو الاكل اكلنه وبقيت منزلة عيوني وافكر بكلامه وياي

باهر •-• لاتعيدين الحجي براسج

ميسم •-• ها

باهر •-• عند وعدي وياج بالحجي لاتقلقين خليج تضحكين لاابتسامتج حلوة

ميسم •-• ابتسمت وهزيت براسي باي ولثاني يوم الصبح اجه عمو هوة ويوسف تباركولي وكلش فرحانه بيهم وجان يطب مندر تباوعتلة صار شكد ماشايفته ركزت بعيونه نزلهن تباركلي وكتلة الله يبارك بيك وتباوعت الباهر ابتسملي بادلته الابتسامه وهمه راحو دنك باسني براسي وطلع وياهم

خلص الاسبوع مال العرس وباهر زين وياي وماوصل بس حدة وياي البوسه بالراس ومرات يشوفني احجي وي سكينه مايحجي يبتسملي

وعايشه وي اهله عدة اخوة اثنين اصغر منه واحد اكبر مزوج وامه بس ابوة ميت الله يرحمه ، وهل مرة واكفه بالمطبخ وجاي اطبخ اجت مرت اخوة

كالت •-• والله حضوظ عمي خذيتيلج واحد خريج ومهندس وانتي مطلگه

ميسم •-• تباوعتلها ابتسمت وكتلها ترديلج خريج ومهندس ليش خذيتي واحد يشتغل دكتور جا؟

كالت •-• لاخيه انه عاد مامجيوسه

ميسم •-• والمطلگه حالها من حالج لو خذت عشرة

كالت •-• المطلگه بيها عيب خيه

ميسم •-• والرجال ماخالي من العيوب ، وخلي ببالج كل انسان بيه عيب ماكو شخص خالي من العيوب وربج وحدة الي ساترنه

كالت •-• انه مابيه عيب

ميسم •-• انتي طلعتي عيبج وصغر عقلج بجم جمله صغيرونه لو تفهمين وعقلج مابي عيب جان كلتي هاي صغيرة وتوها عروس جديدة وانه ماشفت منها شيء عيب عليه اروح احجي وياها هل حجي هذا ها صح لولاء ؟

كالت •-• فوكاها لسانج شطولة

ميسم •-• خليج شتكولين عني كولي لان انتي ماراح تأثرين عليه بشيء بس تأثرين على روحج تصغرين عقلج كدام المقابيل !

كالت •-• نشوف حجي هذا ام عقل الجبير يوم طش سالفتج بالديرة

ميسم •-• وياهو اليحجي الا انتي هاي ؟

كالت •-• ماحاجيه خيه هي كلها تدري

ميسم •-• وينها الكلها تدري ماشفت وحدة كالتلي وحجت نفس حجيج طب رجلها وصاح

كال •-• وقز القط بسج عاد سدي حلگج

ميسم •-• تباوعتلة وهوة رجع صاح

كال •-• شني ماعاجبج بت الكلب

ميسم •-• ابتسمت وهزيت براسي والله يخوي مادري شكلك بلايه فهم وعلم شتمتني شحجي وياك بعد المهم شتريد تكول كول وحسابك يم ربك

كال •-• لاعاد انتي شو جنج مالج رداد

ميسم •-• وشحجيت انه ؟

كالت مرته •-• عوفها هيه مطلگه شتترجه منها

كال •-• الكح.. تعاي انتي

ميسم •-• هزيت براسي وضحكت الله يعقلهم يابة ، كملت وجان طب ام باهر

كالت •-• لاتاخذين بخاطرج بتي

ميسم •-• لاخالة خلي يحجي حتى هيه شسويلها هيه عقلها صغير

كالت •-• اي بتي جفينه شر المشاكل ولاتكلين الرجلج

ميسم •-• لاخالة مااكلة انه احل طلايب النسوان احسن ماتدخل بيها الزلم وتتكاتل الخوان

كالت •-• بارك الله بيج

ميسم •-• ابتسمت ودك جهازي فتحت خط ها

باهر •-• وجعا اكو وحدة تكل الرجلها ها ؟

ميسم •-• ضحكت وكتلة جا شني اكول

باهر •-• شني هل ضحكه ولج

ميسم •-• ابيهر شتريد هسه

باهر •-• ولج عمري كلة محد كالب اسمي انتي هسه تكلبين بيه

ميسم •-• يلا اكلك حبيبي

باهر •-• لاتشغلين المشاعر انتي وينج

ميسم •-• جاي احمس بالتمن

باهر •-• يلا بالله بالمطبخ عبالي وحدج بالغرفه

ميسم •-• ها شنو ؟

باهر •-• توديلي بوسه

ميسم •-• وين تريد ابوسك

باهر •-• بحلكي

ميسم •-• والله فلا تستحي امك يمي ترا

باهر •-• طاح حضج وحظي وياج

ميسم •-• ضحكت وهوة همه يضحك

باهر •-• اكول سمرتي

ميسم •-• ابتسمت مادري منين جايب هل لقب ها

باهر •-• راح يجون وياي صحباني ثنين ؏ الغدة حضري

ميسم •-• حاضر كلشي

باهر •-• هسه تبوسني واروح

ميسم •-• من تجي ابوسك

باهر •-• هسه جايج طيور

ميسم •-• ضحكت وهوة سداة وانه حضرت كلشي وجان يجي خذة المصلايات وحطني ورة الباب اشرتلة بحواجبي

باهر •-• يلا بوسيني

ميسم •-• رفعت روحي وبسته خفيف بشفته

باهر •-• شفافج حارة ولج انتي ناار

ميسم •-• نزلت عيوني مبتسمه وهوة باسني بركبتي وراح ومرت ايام رحت لهلي ومناك اجتني خالة وسكينه والتمينه ونسولف ونضحك

وجان يندك الباب رحت فتحته طلع مندر سلم رديت السلام وهوة شغل جكارته وحجه بهدؤء

مندر •-• صيحي امي

ميسم •-• تفضل لجوة

مندر •-• لايبابا ارد اروح يلا سمسمتي بساعج

ميسم •-• تباوعتلة حتى هوة تفاجأ من كلمته وياي مركز بعيوني ورمش على كيفه

مندر •-• بصوت هادء حليانه سمسمتي هواي

ميسم •-• رجعت لورا وهوة تقدم

مندر •-• عايشه وي باهر بخير ها محد مأذيج

ميسم •-• اي الحمدلله

مندر •-• يسميج سمرتي باهر يحبج هواي صدكي

ميسم •-• وانه احبه همه

مندر •-• ابتسمت وطفيت الجكارة بايدي

ميسم •-• مندر لاتنسى روحك

مندر •-• مادري يمكن بعدج طابعه براسي

ميسم •-• راح تنسى ولايهمك انه هم نسيت

مندر •-• انتي قوية ميسم

ميسم •-• شكرا اخوي

مندر •-• ابتسمت صرت اخوج

ميسم •-• جا شكللك

مندر •-• تدرين يمكن الشي الصح هوة انتي وحدج العرفتي من جنتي يمي جنتي تعرفين بنفسج ماتعيشين وياي

ميسم •-• موبس مااعيش وياك مندر احنه ثنينه مرضى ومالنه علاج واذا نكلب واحد بينه يعرف الثاني شلون يرجعه الطبيعته بس اذا نكلبنه ثنينه ياهو الالنه ؟

مندر •-• كلامج صح بارك الله بيج

ميسم •-• هزيت براسي ، لاتعيد هل حجي وياي مرة ثانيه ولازم تتعلم تكظ روحك اخاف على باهر لان هوة حساس بس مايحجي

مندر •-• تخافين عليه ؟

ميسم •-• اي ، وهسه اصيحلك امك رحت صحتلهن وهنه راحن وانه لليل اجاني تباوعتلة ابتسمت لمني بحضنه

باهر •-• اشتاقيتلج ولج

ميسم •-• الصبح يمك

باهر •-• اضوج اذا ترحين لهلج والله

ميسم •-• ضحكت وهوة هزني من فجي

باهر •-• اضحكي يروحي ضحكتج تخبل واموت عليها

ميسم •-• صعدت بالسيارة وهوة شغل اغنيه مجنوني ويغنيلي بيها وياشر عليه بقيت اتباوع عليه وهوة عيونه تلمع باهر وكف السيارة

باهر •-• ها يكلبي وكفت

ميسم •-• لزمت وجهه بثنين اديه ومركزة بعيونه باهر تحبني ؟

باهر •-• شلون ماحبج وانتي صرتيلي روح

ميسم •-• ابتسمت ورجعت لورا وصلنه للبيت لازمني من ايدي دخلنه للغرفه نزعت عبايتي وحجابي وهوة صاح

باهر •-• وينك تعال بحضني يا مجنوني

ميسم •-• ابتسمت وهوة ضحك ، روحه مرحه حيل لبعدين اجه كعد يمي ولزم ايدية

باهر •-• سمرتي شرايج تكملين دراسه

ميسم •-• شكمل وين انجح

باهر •-• انه اقريج وتنجحين والله

ميسم •-• وشريد اصير

باهر •-• بكيفج

ميسم •-• انه احب الاطفال ادرس ابتدائيه

باهر •-• الا مااسويج احلى معلمه

ميسم •-• ابتسمت ، وفعلا جابلي كتب وكعد يدرسني وشديت حيلي ع القراية وابد مااشتكى من شي وفاهمني كبل لااحجي

وهل مرة صار ضغط على دماغي تعبت حيل واحس بديت اتخربط خفت وهوة ماهوة قفلت الباب على روحي ورحت كوة اتصلت عليه بس كتلة باهر

باهر •-• شبي صوتج ميسم احجي

ميسم •-• باهر تعال سداة وشوي وندك الباب فتحته بسرعه احتضني من وجهي

باهر •-• شبيج يروحي ها

ميسم •-• اقفل الباب

باهر •-• هاي قفلته اهدي

ميسم •-• باهر احس تعبت

باهر •-• منين تعبتي ها احجيلي

ميسم •-• شهكت من البجي مادري باهر مادري بس تعبانه

باهر •-• راح تنسين سمرتي ، انتي وصلتي لاتضعفين وانه بضهرج وتحققين حلمج يروحي انتي بوية

ميسم •-• مامليت مني باهر انه مقصرة وياك حيل

باهر •-• ياهو الكالج مقصرة ها ليش تفكرين وحدج بلاية ماسمعين مني ؟ كتلج انه مليت منج بيوم كتلج انتي مقصرة عني ميسم انه اعترفلج احبج لدرجه اخاف من البيج اخاف المس ايدج وانتي لسه براسج الحجي بس مااجذب عليج اهواج واهوى حضنج وروحج وبليل المج الحضني وانتي نايمه وهذا يكفيني
موشرط التقصير الا بذيج السالفه يروحي انتي يكلبي

ميسم •-• فهمني وحجاهن كلهن بدون مااسولف اي شيء باهر اخاف توصلي واصير حامل

باهر •-• ليش تخافين خاف تطلع بنيه ويصير بيها الصار وياج

ميسم •-• هزيت براسي باي وبجيت

باهر •-• ليش تخافين وهيه عدها ام قوية مثلج وابوها وين راح ها يعمري العدة ام مثلج ماراح يسمح لاحد يلمس شعرة منه سمرتي

ميسم •-• واذا اجه ولد وطلع اسمر خاف يعيبون عليه

باهر •-• وليش انه شحبيت بيج غير سمارج الخذة عقلي

ميسم •-• ابتسمت وهوة لمني الحضنه ويمسح بعيوني

باهر •-• ماتتخيلين اشكد احس بفخر وانه مكابلج واسمع حجيج وفهمج وي امي وشلون تحجين وياها وردج اليسد حلوك على مرت اخوي ونضراتج واكتفائج بيه ومااشتكيتي بيوم من شيء وهسه اريد بعد افتخر بيج اكثر وتفرحيني اكثر يروح عمري من تصيرين احسن معلمه ودرسين اجيال انتي القوة الساندتني

ميسم •-• حضنته كل قوتي ودنكت راسي الجتفه وانه ابجي وهوة يحس على شعري

باهر •-• ابجي لاتكتمين لحد ماترتاحين واذا تردين جكارة اصيرلج جكارة

ميسم •-• ضحكني كتلة شلون تصير جكارة

باهر •-• شمدريني والله

ميسم •-• ضحكت ونسيت بواجي كلة وهوة يضحك وياي ويمسح بعيونه شالني ونومني بحضنه والتهيت بالامتحانات وهوة يقريني ويفهمني واخيرا نجحت وووبقى واكف وياي كل هل سنوات ولحد ماتخرجت واحس بفخر وهوة وياي وعمو علي همه موجود ويوسف وسكينه واحس بفرحه موطبيعيه

وجان نرجع ومنتضرة بس التعيين ومرت ايام وتوفه عمو علي حزنت هواي عليه جان الي ابو وسند ومن بعدة محد يمر عليه صح نتواصل انه وسكينه بس تكول مو مثل ماجان عمو موجود مندر ملتهي من شغله للبيت وخالة نعيمه تنگ عليه يتزوج
وهوة مرات يجي لهنانه يتعشى وي باهر واصدقائه وماصادفته ابداً من بعد كلامه وياي وانه عند اهلي

واجاني هل مرة باهر شالني وافتر بيه فرحانه نزلني اريد اعرف

باهر •-• باجر تروحين طبقين حبيبي

ميسم •-• شهكت وشلون اروح يامدرسه غير تكلي

باهر •-• ها ها ها لاتنخبصين بوية

ميسم •-• ملابس شلون بااااهررر ضحك وانه ابجي من الفرحه واخذني اشتريت ملابس وثاني يوم هوة وياي ورحت للمدرسه سلمت وعلى بنات جدد

وبديت مسيرتي بالمدرسه واروح وارجع وباهر وياي كعدت وي روحي وافكر بيه عشت وياة احلى ايام عمري وهل سنين راح يصيرلي 7سنوات وياة وهوة مافد يوم تجاوز عليه بحرف واحد ومحتضني من كلشي وفاهمني وعارفني وواكف وياي وساندني

تباوعتلة عمرة بالثلاثين وماشاكي مني بس مهتم بنفسه حيل ودائما نضيف وانيق طب للغرفه وانه صافنه سوة طكه باصبعه كدامي تباوعتلة

باهر •-• وين صافن الحلو

ميسم •-• وكفت وهوة اطول مني وكفت على الكرسي وهوة لازمني من خصري ومبتسم ويتباوعلي ، باهر

باهر •-• ها يروح روحي

ميسم •-• مادري شلون اردلك كلشي سويته الية من احتضان وفهم و.. سد حلكي

باهر •-• يكيفني احساسج ورقه روحج ونضرات عيونج ووكفاتج وياي باصعب ايام وضحكتج كبال وجهي وبسمتج بكل مرة تتلكني بيها احنه روح وحدة سمرتي ماريدج تفكرين شلون ترجعيلي كلشي سويته اريدج بس صافيه بال ومرتاحه وماريد شي غيرة بعد

ميسم •-• دنگت بسته بگلبة وصعدت بسته بشفته باهر أحبك كون وياي زوج

باهر •-• اصيرلج كلشي تردينه بس اخاف عليج يروح باهر

ميسم •-• انه اريدك باهر احس بامان وانه يمك يروح سمرتك !

باهر •-• سمرة باهر

ميسم •-• ابتسمت وهوة نزلني ودنگلي باسني غمضت عيوني وبادلته عشت وياة ليلة عمر ماتتكرر ولامني الحضنه والصدرة ودكات كلبة عيشني احلى ايام بقربه واحلى من ايام السنوات ذيج كلها

وبعدها عزلنه بيت صغير ؏ گدنه اني وياهه وعلى كم مرة يجي يمنه مندر بس ابد مااطلع واشوفه لو اسلم عليه بس من يجي يوسف عادي نسولف شوي ونضحك ونوب يرحون هوة وباهر يكعدون واني وسكينه كعدنه نسولف جان تكول

سكينه •-• ياع ولج تدرين مياس فروخها ثنينهم صايبهن نزف داخلي وابوهم هسه يركض بيهم بالمستشفيات

ميسم •-• يااع يمه اسم الله

سكينه •-• والله يخيه يكول يوسف مادامهم زغار مايعيشون يموتون ارحملهم

ميسم •-• استغفرت من هل مصايب وضلينه نسولف ونوب راحو ورة ثلاث ايام خابرتني سكينه وكالت ولد مياس ثنينهم ماتو وسوو فاتحه ورايحتلها بس خالة وراجعه مكلوب وجهه

وتالي كالت مياس طاردتها وماتريد تشوفها ومندر صاير عصبي وكايللها بعد ماتروح ولاواحد يوصللها وانه كمل تعييني وبديت اداوم رسمياً

ونوب صرت حامل واجتني بنيه وبيوم طلوكي اصيح باهر ولك راح اموت وهوة يلطم ويملخ بخدود

باهر •-• احويي بووية ديلا طلعيها لهل بنت الكلب هاي شعلت ابو ابوي

ميسم •-• بعز الوجع مايخلص من سوالفه وضحكت وابجي سوى ونوب طلعوة وانه اصيح لما طلعت وسميناها سمرة ومعتنين بيها على اخر حبه وتشبهه ابوها حيل بس ماخذة مني العيون الكبار والشامه الي بالحنج بينت عدها من صار عمرها اربع سنوات
ونوب جان انه بالمطبخ اشتغل واجتني تصيح

سمرة •-• ماما حصلت لوس

ميسم •-• منيلج ياهو اطاج ولج

سمرة •-• من عمو ندر

ميسم •-• ضحكت شوصلج العمو مندر اشرت على حنجها

سمرة •-• سوالي حبه هنانه واطاني

ميسم •-• ابتسمت ولميتها الحضني وجان يجي ابوها وراحتله ركض ولليل تروح تكعد يم ابوها ويحون يوسف ومندر وسكينه

وجان يحاجيها يوسف وهي صاحت وتأشر

سمرة •-• عمو شبيك انته ماتفهم

يوسف •-• ضحك بعلو صوته ولكم هاي مصيبه اخذج لتيم ابني ها

باهر •-• ضمت روحها بحضنه لا انه اخذ بابا وباسته بخدة وبشفته كالها •-• اروحلج فدوة انتي وامج

ميسم •-• ضحكت ، وتيم خذاها راحو يلعبون ، ومرات اخليها تروح يم عمامها يم بيبيتها وشوي وترجع ماطول والحمدلله ربي عوضني فوك ماجنت متخيلة واقسم دوامي وقتي بالبيت

ولاتيأسون مهما كان لان راح يجي عوض تعبكم بالوقت الي تكولون ماراح يتغير شيء !

⭐ «««««««««♡♡♡»»»»»»»»»⭐

نهايه سعيدة وحلوة ♡

لاتنسو النجمه وشكرا لكل شخص صوت وعلق وبقى للنهايه 🤍🤍

🤍⭐❗