هلا حبايبي
رسل:وريف كومي
وريف:هاا (بيأس)
رسل:كومي تريگي وصلي على النبي وخل نروح نشوف البدلات ونأجر الصالون
وريف:اباوعلهة اشوفة تحجي بأريحية وعادي الا النار البگلبي شيطفيهة تتوقعون تطفة بس اجة ببالي لازم افرح واكيد انسا علي واحب سالم هوة أسمة ماينطي التفائل هههههه
بدلت ونزلت تريگت ولبست شال وعباية واجة علينة سالم صعدت امي يمة وانة ورة بس والله ماطايقتة موبيدي أنة ماسلمت وهوة يباوعلي ويگول
سالم:ها وريف لاسلام لاشي
وريف:صباح الخير
سالم:ههههه بعد وكت .صباح الانوار
وريف:سكتنة ضلو يسولفون هوة واني وانة اباوع علشارع لكن بالي ابد مووياهم وجاي أجبر نفسي اتقبلة لسالم وافكر الحياة وين توديني وشتسوي بية بعد مضلومة من چنت زغيرة الدنيا ضدي مووياي بس اريد اعرف مسوية شي غلط وهيج ممتوفقة بحياتي والله اصلي واصوم بس مالت الله سويت غلط من طببت علي لبيتنة بس أحبة والحب ميعرف حرام وحلال
المهم وصلت للعشار لأزياء للشمس طبينة نشوف بدلات تختارين بدلة چويتية لانو جسمي ابيض وچان بهلوقت توة نازل موديل جديد وحلو المهم اجرهة ب٣٥٠هوة يمشي بصفي ويگليه اختاري الي بنفسج سكتت واختاريت عقد وتاج وماسكة اتفق وي سالم وأخذ رقمة علا الجمعة ناخذهة ورحت اشتريت حذاء وهواي شغلات الاحتياجات وعطر لحد الان اتذكر أسمة عطر siفرنسي بس يجنن جان توة مشتهر بهاي السنة وكلهة مشترية منة (وانتو كلولي منو مشترية منوو)رجعنة وهوة يباوعلي من الجامة ويغمزلي بحواجبة وانة حتة ماجاملت والله
رجعت للبيت ضميت الغراض صبينة غدة ورحت درست امتحان باچر كيمياء كملنة وحسيت نفسي مضبطتة نزلت نضفت سويت خلطة وحطيت علا وجهي انتضرت يجف غسلت لليل اجة سالم وويا تلفون امي جابتليا وحاط رقمو بي وگايل لمي خل تراسلني راسلتو
وريف:هلو
وورة دقيقتين
سالم:كل الهلا شلونج حبي
وريف:زينةة
سالم:عندج شي مشغولة
وريف:لا
سالم :نتصل
وريف:لا والله امي تصيحني
سالم:شوفي حبي منا ورايح احنا حنكون متزوجين مال تتعززين علي وتجذبين وماتردين تحجين وياي هلسوالف كلش اكرهةة لازم نسولف اعرفج وتعرفيني واحبح وتحبيني ونتعود واحد علثاني
وريف:وانة سوالف انو تتأمر هم اكرهة ومن اكلك ماريد هلشي يعني ماريدة خلص يجوز استحي شي انتا قدر ضروفي
سالم:ماريد شي أسمة مستحة بيناتنا
وريف:الله كريم
ضلينة نسولف عادي طفيت ويا بحجة الامتحان نمت وكعدت تريگت رحت للدوام امتحنت وجان يوم اربعاء رجعت تغديت اريد انام واني تگولي امشي امشي للصالون ترتب وجهج وشعرج ياربي الي خلك انةة اريد انام أنة ضلت تصيح كمت ورحت والله مطفية أنة حفتلي متت من الالم وضليت ابچي وانى منا اريد الحجة وسوتلي شيرة لزنودي وضهري هم كلش تأذيت بس مالت الله صار جسمي ابيض ووردي يخبل كصتلي شعري موكلش علا طولة بس كصت المتقصف المهم رجعت سويت عشة وبليل ساعة ٩نمت وقررت باجر اغيب كعدت ساعة ١٢بليل علا صوت الاتصال مال الفون وانة بعيني النوم وحلفت مااجاوبة بس غير يطفي التلفون چلب فتحت
سالم:وين جنتيييي
وريف:لا والله ترة نايمة
سالم:احجي عدل اكو واحد بسنة ٢٠١٩ينام ب١٢
وريف:اذا انتا ماتنام اني انام
سالم:المهم حبيبتي باچر نروح نشتري الحلقة
وريف:روح انتا وامي الا أنة اروح
سالم:وانة رايد امج لو رايدج الحلقة غير بذوقجج
وريف:خير انشاللة هسة روح اريد انام
سالم:ورييييف عيب ماتعرفين الادب انتي اكو واحد هيج ينهي الاتصال عمرج ١٥سنة عيب تصرفاتج هاي
وريف:حتة بعدنة ماخطبنة وهيج تصيح وتحجي شو ماخذ راحتك كلش ترة اكدر ارفض اذا تستمر هيج يعني نعسانة اريد انام اكو شخص يتصل بهلوقت خليلي رسالة اكعد الصبح الگاهة وارد عليك
رفض بوجهي فد تنرفزتتت حيلل ورجعت اريد انام ماكدر احس نفسي مغلوبة رجعت اتصلت علية فتحة وگال الو رفضتتة بوجهة ضل يتصل يتصل مارديت بس حسيت بأرتياااح هههه
كعدت الصبح ب٨لكيت عدة رسائل ومنها
سالم: هاي سوالفج اذا ماتوبتج منها
انتي شنو ترفضين بوجهي
مرة ثانية اشيلج واربدج بلگاع هاي السوالف ماتعجبني اني تحترمين نفسج وسوالف البارحة لاتعتقدين ناسيهن مال تشمرين حچي وتتعزين عود وريف كلش ديربالج وعدلي تصرفاتج ترة اندمج والله
هزيت ايدي وتصلت علية رد علي
سالم:(بنار)هااا
وريف:(بكل هدوء مستفز)يمتة تجي
سالم:وريف الى متى تضلين هيج
وريف:مگلت شي كتلك يمتة تجي يعني شتريد اگول
سالم:ليش تسدينة بوجهي
وريف:انتا ليش سديتة بوجهي
سالم:بس انتي تحترميني وماتسدينة بوجهي
وريف:ولازم انتا تحترمني اذا تريد احترمك بس انتا بديت وسديتة بوجهي واني سويت الواجب
سالم:واحنا نضل أنة اكول انتي سديتي وتكولين انتي أنتة سديتة غصبا عنج تحترميني وماترفضين وشأعاملج تسكتين
وريف:الاحترام لمن يستحق وليس لمن يطلب
سالم:اعلمج جاي أنة جاي
وريف:(بأستفزاز وضحكة استهزاء)كل الهلا هههههههه
نزلت اتريگت اتصل علي واني جاي اتريگ
وريف:الو
سالم:أنة بلباب
وريف:انتضرني أبدل ونجيك
بدلت ببطئ وكلساع امي تصيحني وانة ولايمي والله خليتة منتضر وكلساع يتصل وولارد راحتلة امي
وطلعت أنة تتمشى بكل دلال وارتياح اريد اضوجةة
فكيت باب السيارة
وريف :صبااااح الخيرر
سالم:يتراوالي تأخرتي
وريف:لعد شسوي انتا جاي من وقت
خزرني من الجاامة سكتت
رحنة لمحل الذهب أسمة مجوهرات فاطمة بلعشار
اشترينة حلقة ب٣٠٠ثگيلة وزينةة وشكلهة يجنن
واشترت الي امي من الاعداد مالي تخم ذهب كلش يجنن علمود يلبسنيا بلخطوبة لأن گال خطوبة بقاعة
طبعا القاعة اسمهة (قصر الاحلام بشارع الوفود )بس بنات البصرة يعرفونهة
رجعنة للبيت وباجر خطوبتي لأن اليوم خميس يمة وگلبي موتتني احس راح يعدموني مواتزوج حيل خايفة ومتوترة وعلي لسا ببالي موراضي گلبي يقتنع اتزوج غيرة وبس المجربة هلشعور تفهمني يمة اموووت علية روحي من الدنيا علي رغم السوا بية بس اعشقة حيلل
نزلت يم امي بودي اشكيلهة تحتضني تنطيني جرعة امل شي تفائل بس امي شوي جافة يعني هية هم ضايجة رح اتزوج شخص بلاجبار المهم بس متقبلة الواقع گوة
عزمو من يوم الاربعاء واجن بنات خالي بليل وغراضهن وياهن فرحتتت حيللل لأن التمن يمي هنة بس ٤ابنات من اجن فرحت كلش اجتي نسوان خوالي يم امي وخذيتهن فوگ بغرفتي ضلينة نسولف ويشيرن وهاي تكول هيج اريد مكياج يبوووي وخبصة اخير شي أجا ببالي نسهر سهرة بنات وماعندي فلوس اشتري حلويات وهوة اتصل
سالم:هلا
وريف:هلا بيك
سالم:حبيبتي باجرر خطوبتنة
وريف:ي وشنو الجديد
سالم:شبيج ليگول غاصبينج علي شكلج مايساعد
وريف:(اخخخ لوتدري مغصوبة بعلي )اي صدك يعني شنوو
سالم:اي غير فرحان بيج حلوة وصغيرة علكولت خواتي انتي لگطة(يعني قصدهم حورية لأن جميلة وزغيرة وشگرة وبيضة)
وريف:الله يدوم الفرحة (ويعع ماعرفت روحي ههه) اكلك
سالم:عيوني
وريف:سالمات .بس اريد حلويات كومة شون وماعندي فلوس
سالم:اي ادللي جايج وجايب حلويات كومة عكولتج ولاتگعد البغدادية بس انتضريني برةة
وريف: شكرااا
سالم:اي گولي حبيبي شي
وريف:باي
وسدة
طلعت برة اجة دخل انطاني الحلويات جايب علاگة جبيرة كلش ومتروسة ترس حلوياات
بس من دخل حصرني بلزاوية الضلمة اليم الباب
ووو .... يتبع
رجاءا بنات اروحلجن فدوة لاتجبرني اكتب ترة عندي امتحانات
واحتمال احطلجن سلسلة خطوبتي واحطلچن الصور ببارت وحدهن