مساء الخير شذراتي 🧿📿
اسفه على التأخير
لاتنسون التصويت +متابعه الحساب +التعليق بين الفقرات
#بارت13
ــــــــــــــــــــــــــــ
العين التسولف شفت منها ولكيت انته تفرق شو عيونك غردت
جوان:
كاعدين كلنه ننتضر النتائج على نار لان راح يعلون نتائج السادس ونيار وميار ياكلن بضافرهن والدمعه بطرف عينهن
وامير وهمام يطلعون بلنتائج واحنه واحد يباوع بوجه الاخ
رفع راسه امير وصاح
امير: نزلن النتائججج
ميار: يلا حباب همام فدوه بسرعه
نيار: يلا فدوه كلبي راح يوكع
همام: على كيفج حبيبتي اكيد ناجحات
صار يبحث عن اسماهن صاح همام
همام: نيار محيسن ال....
طفرت نيار واكفه على حيلها ومغمضه عيونها وتضغط على ايدها وتكول
نيار: لا لا حباب لا تكولها
كام همام سحبها عليه حضنها وكال
همام: يروحي الف مبروك ناجحه وبلمعدل الي تحلمين بي ويدخلج صيدله
حطت ايدها على وجها وشبعت بجي
ماهيس غير ميار ميته بجي
كال همام
همام: يروحي كافي هسه اطلع نتيجتج اكيد حترفعين راسنه
رجع كعد يدور بسمها وكال
همام: هاذا ميار محيسن ال...
اباوع الميار تباوع عليه بخوف وتهز براسها وتفرك بديها بخوف
ضحك وكال
همام: لجن رفعتن راسنه تعالن
راح عليهن حضنهن يباركلهن وامي وعمه يهلهلن وابويه كاعد على الكرسي يباوع عليهن افخر واني شبعت بجي على بجيهن
وخرن من حضن همام بعد ما ابوي صاحهن راحن عليه ركض وحضننه وهوه حاضنهن ويمسح على روسهن اني شفته هيج ركضت وطبيت بينهم وحضنته وهوه يضحك
وخرنه منه
وهوه كال
محيسن: ها بابه على الخير رفعتن راسي فخري انتن
بسنه راسه وكلنه
"ربي لا يحرمنه منك عزوتنه انته"
محيسن: اروح الجن فدوه اي يابه شتردن تقدمن على ياكليه
نيار: بابه اني صيدله
محيسن: بس خاف يطلع ابغداد
نيار: اي بعد احسن
محيسن: بعيده وماعدنه احد هناك
نيار: مو فرقد وشهم هناك عادي همه يديرون بالهم عليه واني صرت جبيره بعد
محيسن: اي جبيره يبعد ابوج، اي وانتي
ميار: بابه اريد طب اسنان
محيسن: انشالله يبعد ابوج
امير: اي وهسه انتن نجحتن مو
نيار&ميار: اي
امير: غيغ تسون كيكه
نيار: اي والله بس المواد مخلصين
ميار: امير امشي جيبلنه
امير: ليش يابه اني اجيب بايك فلوس اخوج واني مادغي
نيار: اي بكتنه 30 الف روح شترينه مواد كيكه لا والله بس يجي شهم اخلي يطلع عدالهن واني بعد حذرتك
امير: شوفي لج اني غاح اجيب بس مو لان هددتيني بشهم لا لان اني مشتهي كيكه
نيار: كلش مبين ماخايف
امير: اكوم اطيح حظج
نيار: هسه كوم جيبلنه وعود بعدين طيحه الحظي
امير: بس ها الكوغيه تسويها مو انتن
بتسمت وكلت
جوان: تدلل من عيوني اني اسوي الكيكه
باوعتلي نيار وعوجت حلكها بستهزاء ماهتميت الها وكملت
جوان: تدلل كم اموري عدنه روح جيب واني اسويلك اطيب كيكه
امير: يابه بس انتي احسن وحده بيهم اموت عليج غايح اجيب
دار ضهره يريد يطلع واني ضليت صافنه عليه واردد بكلمته "اموت عليج" فزيت على ضربه بضهري باوعت نيار كالت
نيار: ضلي ضلي لمن يكسرج ويتزوج غيرج يلا ترتاحين
باوعتلها وكلت
جوان: تف تف فال الله ولا فالج بيش طالبتني
نيار: لج بابه ماشايلج من ارضج تردي يحبج ويزوجج وتصيرين ام اولاده لج بابه هاذا بلحلم ميصير
باوعتلها واحس الدمعه بطرف عيني احس الدموع تحجرت بيها وكلت كوه الزم دموعي
جوان: تمام اذكرج بكلامج
نيار: واني من يخطب غيرج اذكرج بتصرفاتج
عافتني ومشت بقيت بس اني بلصاله لان كلهم طلعو بعد ماباركو للبنات وراحو واني ضليت اباوع وره نيار لمن اختفت
شهكت بعد ما الشهكه احسها شكت صدري شك ونزلت دموعي تنهدت ومسحتهن قبل لا يجي احد ويشوفني هيج ويضل يسئل شبيه اخذت نفس بهدوء تهدي نفسي وطلعت رحت للمطبخ احضر الغراض شويه ودخل امير بيده علاكه نطانياها وكال
امير: شنو غئيج نسويها اني وياج كيكه مشتغكه (مشتركه)
جوان: تمام تعال اني وياك نسويها ونصيح البنات حتى يقطعنها
امير: لا ناكلها بس اني وياج
ضحكت وكلتله
جوان: لا خطيه خل يفرحن بيها
امير: اي يلا، بس اوكفي
جوان: شنو؟
امير: خل اشغل اغنيه حتى يصيغ النه واهس
هزيت راسي وضحكت
اباوعله شغل اغاني وصار يهز براسه ويطك اصبع ويغني
امير: انعل ابو الخلفج
ونعل ونعل
ضمي صدرج يول انهودج طلعن
باوعتله بتفاجئ من كلمات الاغنيه وجرائته وكلت
جوان: اميرر عيب شنو هاي الاغنيه؟ طفيها
امير: مالج علاقه الكوغيه خل نبلش نسوي الكيكه
بلشنه نسوي بلكيكه وهوه يغني وينطيني بلمواد بس فعلا كلمات الاغنيه جريئه الى ابعد الحدود بلنسبه الي
وهوه يغني ولا مهتم ولا كأنو اني بنيه واكفه يمه وهوه يغني ومنطلق
كملت الكيكه وحطيناها بلفرن وهوه اخذ جهازه وطلع كال من تستوي دكي عليه نزينها اني وياج
ضليت منتضره الكيكه لمن استوت
طلعتها من الفرن وخليتها على ماتبد علمود يجي هوه يكلبها وثنينه نزينها لان هوه هيج كال
رحت دكيت عليه وكتله كال راح اجي رحت للمطبخ شويه ودخل للمطبخ وكلب الكيكه وطلعنه مواد الزينه وزيناها بلكࢪيمه والفروله لان هوه جايب المواد كلها ممخلي شي مجايبه وكل ساع يمد ايده وياكل الكريمه واني اضل اضرب بيه يليني مباوع ويرجع ياخذ منها وياكل تالي عفته وكملت الكيكه وخليتها بلثلاجه وهوه غسل وراح لغرفته
واني رحت للغرفه لكيت البنات نايمات يمكن تعبن من الهبطه والخوف
امي يم ابوي وعمتي يم عمي والبيت صنطه
تمددت على جربايتي وغمضت عيوني وبعد مادريت
كعدت العصر غسلت ونزلت اسمع صوتهم يسولفون بلصاله
رحت للصاله لكيتهم منجمعين
كلت خل اروح اجيب الكيكه مادام متجمعين
رحت للمطبخ فتحت الثلاجه وفتحت عيوني بصدمه وصحت
جوان: اميرررررررررررر
شويه وصارو كلهم يمي باوعت لكيت امير بلكوه ساد حلكه وزام ضحكته حتى ماينكشف
باوعتلي امي وكالت
سهام: ولجج شبيج ليش اتصيحين
جوان: اليوم موتت امير على ايدي
امير: ليش شمسوي؟
جوان: شمسوي مو
التفتت للثلاجه سحبت الكيكه وخليتها كدامهم وكلت
جوان: هاي كلشي ممسوي مو منو ماكل الكيكه
باوعلي وباوع للكيكه وكال بصدمه
امير: هاي شنو منو ماكل الكيكه
باوعتله وصحت
جوان: ابويي ماكلها منو غيرك ابو نفس الدنيه
امير: لا تذبين تهمه عليه اصلا اني طلعت من المطبخ قبلج وماكو غيغنه يعغف انو مسوين كيكه انتي ماكلتها وتغدين تذبيها بغاسي
باوعتله بصدمه واشرت على نفسي
جوان: هاي انني مو؟
امير: اي انتي الله اعلم يجوز انتي خليتيني امشي الغغفتي ودنت نفسج الدنيه على الكيكه
باوعتله واني مصدومه من كميت الجذب والتمثيل
جوان: والله العضيم انته ماكلها واني اعلمك ومال ال30الف ماناسيتهن والله لخلي شهم يعلكك من كراسيعك
امير: يابه دغوحييي
عافني وطلع
صاحت امي بيه
سهام: ولج قحط هيه كيكه سوي غيرها
جوان: يمه والله سويتها بطلعان الروح وهوه جابلي مواد على كد الكيكه وحده وهسه ماعندي وعود كلت نحتفل بيها بمناسبت نجاح البنات
نيار: هوه هاذا ابو نفس يخلي شي ورا
ميار: الحاروكه ولا يكعد راحه اذا حط شي اباله لازم يسوي يلا يرتاح ابو نفس
سهام: يلا امي مصار شي هسه ادز واحد يجيب مواد وسوي جديده
طلعو من المطبخ وامي دزت على مواد كيكه جابوهن وبلشت اسويها وكملتها زينتها وخليتها بلثلاجه
شويه وطلعتها
قطعتها ورحت الهم للصاله
حطيتها وكلمن اخذ قطعه وصار ياكل فزينه على صوته وهوه يكول
امير: لااااااا خيانهههه تاكلون وماكايليلي ولا تخلولي
همام: ابوي الي اكل كيكه كامله وممخلي بس قطعتين
امير: لا هاي جوان اكلتها وذبتها بغاسي
همام: لا انته اكلتها ماندري بيك قابل متخلي شي وراك وهم ياريت تسمن مدري وين يروح الاكل
تقدم على صينيه الكيك يريد ياخذ طفرت وشلت الكيك وكلت
جوان: والله لو تموت قطعه متحصل
امير: وسممم انطيني هيه ماكله كيكتي وهسه ماتقبل تنطيني يلا انطيني لا والله اخليها بغاسج
جوان: ها يعني لسه مصر اني اكلت الكيكه؟
امير: اي يلا انطيني
جوان: والله مانطيك
صاحت بيه امي وكالت
سهام: جوان انطي كافي دوخت راس
امير: يلا انطيني
قسمت قطعت الكيك اخذت شويه منها ونطيتهيا
باووعتله وكلت
جوان: هاي الخاطر امي
باوعلها وباوعلي وكال
امير: هاي علي ابن شهم ميغضه بيها
جوان: هاذا الموجود تريد اهلا وسهلا ماتريد هم اهلا وسهلا
طفر عليه وكضني من شعري يعت بيه ويجر بلصينيه ويصيح
امير: والله شعراتج اكطعهن اذا ماهديتي الصينيه
جوان: ما ما اهدها
سحل شعري هديت الصينيه وهوه اهذها وراح كعد على القنفات ياكل بلكيكه
باوعلي وكال
امير: غصبا عليج اخذت
ياكل ويباوعلي بخبث
عفتها وكمت رحت للغرفه
واني اغلي من العصبيه وتحلفتله تحلفه كشره
ــــــــــــــــــــــــــــــ
فناء:
مر كم يوم وهتان ماكو
واني الكأبه واصله حدها وياي لان وحدي بلبيت
احس نفسيتي تدمرت
كاعده وصافنه
سمعت الباب تندك عرفته هوه من دكت الباب
رحت البست حجابي ولبست فوك ملابسي صايه
ورحت طلعت بلطارمه
صحت منو
اجاني صوته الي يعمه الهدوئ
وكال
هتان: اني
تقدمت على الباب وفتحته باوعتله بتسمت وهوه ردلي الابتسامه
باوعلي من فوك لي جوه وكال
هتان: سلام عليكم، شلونج
فناء: تمام انته شلونك
هتان: زين طالعه حلوه بلحجاب
بتسمت ومارديت حسيت استحيت باوعلي وكال
هتان: اسف صار كم يوم ماجايج بس والله صار عندي شغل ومالحكت وهسه اجيت اول مخلصت
فناء: لا يابه براحتك، بس فتقتك
بتسم وكال
هتان: واني هم، هاج ذني واي شي تحتاجينه كليلي ولا تترددين انتي امانه يمنه
بتسمت وكلت
فناء: تسلم ربي يحفضك والله ماعرف شلون اجازيكم انته والضابط شهم
هتان: دللي ماسوينه غير واجبنه، صدك سؤال
فناء: اسئل
هتان: انتي مو نجحتي شراح تروحين
فناء: اكيد علمي حتى احقق حلم اختي وحلمي
هتان: وشنو حلمج
كلت بكل ثقه
فناء:دكتوره
هتان: يلوكلج
فناء: تسلم
هتان: كم يوم بس افرغ اقدملج على مدرسه العداديه لان اذا وي بدايت الدوام اطول فهسه احسن
فناء: تمام شوكت ماتفرغ تعال
هتان: تمام،يلا مع السلامه
فناء: الله وياك
سديت الباب ورا بعد مامشه ودخلت شايله العلاليك الي مثل كل مره مسواك كامل مامنقص منه
عزلتهن ورجعت الصفنتي
ـــــــــــــــــــــــــــــ
ورق:
بعد اخر محادثه اني والعاشق المخفي اختفه وماكو حتى اخر ضهور اله من اخر محادثه النه
وحيل فتقته لان هوه جان اذا مو يوميه بين يوم ويوم يراسلني
حسيت نقص بيومي
وخاصه انو افنان ماكو صار اله تقريبا الشهر ونص ماكو والشرطه ادور عليه وهيه ماكو فص ملح وذاب
جنت كاعده بلغرفه وقت الاستراحه
اكل لان جدا اليوم جان متعب لان صاير حادث وهواي اصابات بيه واكو حالتهم خطره لان السياره جانت جبيره
واني صاير اكلي قليل بسبب نفسيتي المزفته
جاي اكل بلفه سمعت اشعار على تلفوني
شلته فتحته باوعت قبل لا ادخل للرساله لكيتها منه حسيت كلبي دكاته تسارعت ماعرف شبيه
حطيت ايدي على كلبي واخذ نفس اهدي
حسيت نفسي هدئت شربت مي
وفتحت المحادثه
بتسمت مادري بروحي اصلا ليش ابتسمت
لكيته كاتبه
"الون الاحمر حين تلبسي يسلب قلبي بأكمله"
وبيها اني فعلا لابسه ستره حمره
شافني شفته
رجع كتب
"شنو مامشتاقتلي"
بتسمت ورديت ابين روحي مامهتمه
كتبت
"انتَ منو حتى اشتاقلك"
رجع كتب
"اني كل حياتج"
رجعت كتبت
"واثق حيل"
رجع كتب
"اكثر مما تصورين"
شفتها وكتبت
"خليك واثق اخرتها تنكسر"
طلعلي جاري الكتابه ورد
كاتب
"اني اكسر مانكسر مو الذيب ينكسر ياورقي"
ضحكت على كلامه وكلت
"هههه والله ضحكتني"
رد كتب
"دوم انشالله اشوف الضحكه بوجهج الحلو"
كتبت انهي النقاش
"دروحح"
سديت النت وخرجت من المحادثه قبل لا يرد
وقفلت الجهاز
صفنت واني الابتسامه شاركه حلكي وماعرف ليش اني جاي ابتسم ماعرف
مسحت وجهي وستغفرت ورجعت الشغلي
ــــــــــــــــــــــــــــــــــــــــــــ
ميار:
بعد ماطلعت ناجحه حيل فرحت ومامصدكه خلص راح احقق حلمي
باوعت منار بصفي باوعتلي وكالت
نيار: فدوه ميوره اطلب منج طلب
باوعتلها صفح وكلت
ميار: مصالح مبينه، احجي شتردين؟
نيار: لا مامرجيه منج اني مصلحجيه، بس يلا المهم حبابه مشتهيه حلويات والككو حتى انتي كمت اتصورج علبت نوتلاا احس نفسي مره حامل وتنسه ترضيها تطلع ببن اختج وبنفسي يلا يروحي
ميار: كافي شكد تلحين الخاطر الله شبيج بابه
نيار: هسه تروحين لو لا؟
ميار: ليش متروحين انتي
نيار: عليج علي والله العضيم احس رجليه اموتاتني ماكدر اروح انتي مو توئمي يلا حبحب روحي
باوعتله نقهرت عليه وكلت
ميار: تمام، نطيني عبايه
نيار: اي
راحت تركض جابت عبايه واجت
انطتني فلوس لبست العباء
وطلعت لبست ننعالي تكرمون فتحت الباب وطلعت البيت جان هادئ لان ماكو احد بلبيت وكلها نايمه الولد طالعين
مشيت على كيفي سديت الباب ورحت للمحل حجي سالم
باوعت الباب بيت ايهم مسدود وبيتهم صنطه رحت للمحل لكيت عمو سالم
دخلت وكلت
ميار: سلام عليكم عمو
بتسملي وكال
سالم: هلا بويه هلا شلونج
ميار: تمام بخير عمو
سالم: اي يبعد عمج كالو ناجحه بمعدل يدخلج طبيه
رحت اختار واحجي وياه منطيته ضهري وكلت
ميار: اي عمو صح
سالم: على الخير بويه انشالله احسن دكتوره بلعراق
ضحكت وكلتله
ميار: تسلم عمو
رحت يمه وحطيتهن على الميز وكلت يلا عمو جمعلياهن شكد يصيرن
سالم: عوفيهن يبعد عمج عليه مال نجاحج
ميار: لا ابد عمو ميصير
بلكوه رضه كتله شكد حسابهن ستوني ردت ادفع شفت ايد حطت على الميز فلوس رفعت راسي وصتكيت ابمكاني بلعت ريكي من شفته واكف وراي وحاط ايده على الميز
عدل نفسه وكال
ايهم: اني ادفعهن
باوعتله وكلت بعتراض
ميار: لا والله ميصير اني هاي فلوسي وادفع
رد عليه وكال وهوه منزل راسه
ايهم: افه عليج اني موجود وانتي ادفعين ازين شاربي اذا اخليج ادفعين واني موجود
ميار: بس والله ميصير ليش تكلف نفسك
ايهم: لا يابه چا غير انتي اخت الغالي وابو الشهامه هواي افضاله علينه
ميار: تسلم ربي يحفضك
رفع راسه باوعلي ورجع نزلت وكال
ايهم: يلا اخذي غراضج ورجعي للبيت
اخذت الغراض وطلعت من المحل احس كلبي راح يطلع من صدري دكاته وصلت الاخر جار بلمنطقه
وكفني صوته وهوه يصيح
ايهم: مياررر
التفتت عليه وكلت
ميار: هاا
تقدم عليه وكال
ايهم: نسيت اباركلج على النجاح، الف مبروك انشالله الاولى على دفعتج وتحققين حلمج
ميار: تسلم، يبارك بيك
ايهم: يلا ارجعي للبيت دنيه الضهر واني هنا واكف على مادخلين
هزيت راسي بقبول
وتوجهت على بيتنه
دخلت واريد اسد الباب شفته لسه واكف باوعلي بتسمتله وردلي البتسامه
سديت الباب
اخذت نفس بعد ماجنت قاطعته
وحطيت ايدي على صدري وركض للغرفه
دخلت الهت باوعتلي نيار وكمزت كالت
نيار: شبيج ميار
تقدمت كعدت على الجربايه وكلت
ميار: شفت ايهم
نيار: وين شفتي هوه مو ملتحق
ميار: مادري يمكن نازل
نيار: اي وشكالج اشصار؟
ميار: كعدت وصرت اسولفله وهيه ميته ضحك الخبله
باوعتلي وكالت
نيار: ههههه انتم واحد يكل للثاني اني افهه منك هوه مبين يحبج واني هم بس محد يعترف للثاني والله يالله هاي لو اني اروح ركض اعترفله
ميار: لا يمعوده منين يحبني وهوه يكلي اخيتي
نيار: يمعوده هاي يستخدموها غطاء للمشاعر الحقيقيه
ميار: اوففف مادري نيار سدي الموضوع
نيار: اوووو كبور
غمتني وسحلت العلاكه مني وصارت تاكل اباوع لجوان نايمه وفاكه حلكها ماتدري طشت لو رشت
ــــــــــــــــــــــــــــــــــــــــــــ
افنان:
بعد ماخلاني اطلع من الغرفه وصار يقفل باب الصاله صرت افتش بكل زاويه بلبيت
حتى بلكي اشوفلي شي مهرب منا
صار اكثر من اسبوعين اني امثل عليه بس حتى يثق بيه و يخليني براحتي
اليوم هوه طلع عنده شغل ويتأخر قفل باب الصاله عليه
وطلع البيت كلش جبير ومرتب ومتروس اثاث لاكن نازك
خليته يطلع واني بدت مهمتي بلبحث
صرت اكلب بلبيت وافتش بيه
الغرف كلبتهن كلاب بس ملكيت شي وارجع ارتب من جديد
الطابق الثاني نفشته نفش صار سبوعين وماكو شي
اخر شي رحت جوه الدرج شفت اشياء هيج مثل الكراتين والميوزه وكراسي مصفطات حركت الكارتونه على كيف شفت شي مثل الحديد دكيته فعلا جان حديد كلبت الكراتين لان جانن صغار صرت اشيل وحده وحده بهدوء اخاف يتكسر الشي الي بيهن
حركت الميز شويه وحسيت هاي مو باب عاديه هاي باب نجاتي باب حريتي
وخرت الميوزه والكراسي
شفتها باب صغيره بس يطلع منها شخص اذا يكعد ويزحف يطلع واني ناعمه اكدر اطلع
باوعتله واختفت ابتسامتي من شفت قفل اكبر من راسي مقفول الباب بيه باوعتله وتقربت لزمت القفل شثكله ومستحيل ينكسر كسر اني لازم اشوفلي طريقه افتحه بيه
ركضت للمطبخ جبت سجينه
وتقربت على القفل وصرت افر بيه بلسجينه
ماكو مايفتح تخبلت وكابلت الباب وشبعت بجي
باوعت ومسحت عيوني وكلت
افنان: اني لازم اكمل الي بديت بيه واطلع منا مستحيل ابقى انتي قويه افنان انتي تعديتي مراحل اقوى من هاي وانتي عمرج مايتجاوز ال13سنه مو عاد هسه
كمت رجعت رتبت الكارتونات والميوزه نفس ماجانن
ورجعت كعدت بمكاني افكر شلون اكدر اخذ المفاتيح منه
اني لازم الكالي طريقه
مر الوقت بين التفكير والتوتر
شويه وحسيت باب الصاله نفتح باوعتله لكيته هوه
دخل وعلى وجهه علامات التعب
دخل سلم وكعد كلتله
افنان: اجيبلك مي
الجَلْعَد: اي والله
رحت للمطبخ جبتله مي وقدمته اله ببتسامه وهوه يباوعلي ويصغر بعيونه ويهز راسه كأنو يكلي افنان اني اعرف شد تلعبين لا تلعبين بذيلج
وفعلا سئلني
الجَلْعَد: ليش جاي تسوين هيج؟
باوعتله وكلت عود مستغربه
افنان: شنو يعني شداسوي؟
الجَلْعَد: تعرفين شجاي تسوين والحليم تكفي الاشاره، افنان شبق وكلتلج لاتلعبين ويه الجَلْعَد لان راح تكون العواقب وخيمه
بلعت ريكي وكلت
افنان: وقابل ليش العب
الجَلْعَد: تعرفين جواب سؤالج اكثر مني
افنان: سكت متنهد وكام دخل الوحده من الغرف وهوه قافل باب الصاله يدخل يقفله يطلع يقفله ابد ماينسه
مر سبوع واني احاول اكسب ثقته واخذ المفاتيح منه وهوه ماكو على كلشي متحفظ
مره جنت واكفه يم ميز الشاشه مال التلفزيون وهوه كاعد على القنفات يدخن
وهوه يباوعلي واني امشط بشعري
كام وتقدم عليه واني واكفه امشط
رجعت ليوره من تقدم عليه وهوه يباوع عليه من فوك لي جوه
واني اباوعله وابلع بريكي من التوتر والخوف
تراجعت ليوره من صار يتقدم عليه
حسيت شي ورايه يمنعني انو بعد ارجع ليوره حطيت ايدي على الميز وهوه تقدم عليه
حط ايده على اديه الي على الميز
يباوع لعيوني وكأنو ديدور على شي بيهن او شلون الواحد الغركان ويريد يلكه شي ينقذه من هل غرق
باوعلي وكال
الجَلْعَد: "ما چانت النّـية حُب بس والله عيونج حلوة"
يتبعععععععععع
اسفه على التأخير
والله مالي واهس بسبب التفاعل جاي اتعب واكتب وماشايفه تفاعل منكم يعني بارت يشوفه فوك ال400واحد ومايصوتون غير70والله حرام
اذا تفاعلكم صعد راح ارجع بحماس وانزل بشكل يومي وبارت طويل
اما اذا بقه هيج التفاعل لاوالله تعذروني اني مو اتعب وماشوف تفاعل
تفاعلو على هاذا البارت وصلو تصويت وتعليقات شكد متكدرون
واني انزل البارت14وانتو بعد بكيفكم
البارت من دون مراجعه خاف اكو اغلاط بيه
لاتنسون التصويت +التعليق+متابعه حسابي الواتباد
احبكم😘
فاطمه الموسوي
،،،،،،،،،،
،،،،،،،،،