بسم الله الرحمن الرحيم
لبوة علي
الكاتبة كفاية كاظم
لازم يصير العكس ويضيع تعبي ...
علمتني الدنيا من ارتاح احط ايدي اعلى گلبي ..
★★★★★★
غزل:-الحجية تحجي وي حيدر ....
بلحظة ما نشوف الا أزل وكعت من طولها التمينه عليها بفزع گام حيدر يضرب خفيف على وجهها
ماكو متحس
امي سودة علية وجهة گام ينطي الوان....
الحجية:-ولكم رشو عليها ماي سوده عليه شجاها
ولج بسمة شبيها بتج
بسمة:-ما بيها شي حجية لا يضل بالج تلگين ضغطها
هبط
احلام:- الله يساعدها النهار كله مخلية راسها بالكتاب
وتقرا
غزل:-رشينه مي عليها ماكو شالها حيدر ودخلها لغرفة خالي جاب جهاز الضغط قاسة
هابط درجتين ....
فتحت عيونها ورجعت غمضتهن خطية امي من شافتهة فتحت عيونها رجع الدم بوجهة ...
بسمة:: يمة انتي زينة
أزل:-ما بيه شي لا تخافين بس اريد ارتاح
غزل:-باستها امي وطلعت هي ومرت خاليي احلام اباوع لوجهة اصفر بقيت كاعده يم راسها اني والبنات زهراء بت خالي محسن ونور بت خالي
ليث ....
زهراء:-اكولج ما تاخذونها لطبيب يقيس ضغطها
و يضربها إبرة توازن الضغط لا يصير عدها مزمن ..
نور :-لا تخافين ما بيها شي عيارة بنات هاي
غزل:-هيييي انتي شنو عيارة شايفتها مثلج
نور :-الحمد لله والشكر ششفتيني
غزل:-شفنة وعفنه شوفي غول مدري نور تولين من يمي لا اراويج عيارة البنات على أصولها
زهراء:-كولن ياالله شبيجن وكت عرگ هسه
غزل:-ما تشوفين هاي العگربة
نور :- ما غيرج العگربة عاد اني مو مثلج من جوة ليجوة
غزل:-دشوف منو اليحجي خليني ساكتة عنج لا احطج براسي والاحطة براسي طوه صفحته بيدة
نور :-كمت ارجف شوفيني
فاطمة:-شبيجن بنات صوتجن عالي
غزل:-صيحي بت عمج لا اجي اشگ حلكها
زهراء:-تره تصير بت خالج مو بس بت عمي
فاطمة:-نور امشي كدامي مو وكتج ما تشوفين البت تعبانة ...
غزل:-اخذت فاطمه نور الغثة وبقيت اني وزهراء
باوعت لازل فتحت عيونها بتعب
فاطمة:-كعدت كعدت ولج غزل اختج كعدت
غزل:-اي شفت شفت شفت شلون صرتي روحي حجت بتعب
أزل :-زينة
زهراء:-اروح اسويلج عصير واجي
أزل:-ما اريد لا تعبين نفسج
زهراء:-ترة عصير ما مسويتلج دولمه دقايق يمج
غزل:-دخلت روان شايلة بيدها صينينه وتتموع بمشيتها
روان:-شلون صرتي كلبي ضل بالي يمج
أزل:-تسلمين ما بيه شي
روان:-سويتلج صينية عفية لازم تأكلين علمود ضغطج لتبقين هيج
غزل:-اباوعلها فاكة حلكي شلون تتموع همستلي زهراء
زهراء:-اكول هاي روان لو غيرها
غزل:-لا هي نفسها
زهراء:-دشوفي شمسوية وهي لروحها ما تسوي
غزل:-لواكة
زهراء:-بس لا البالي
غزل:-هو دة الله ينور عليج
زهراء:-يااا ولج شفتها شلون تباوع لاخوج تريد تاكلة ودشوفي اللبس شنو
روان:-سولفن ويانه شبيجن تتبسبسن شاركنه الحديث المهم
زهراء:-منو كال اكوو حديث كل ما في الموضوع أمسيات شعرية
غزل:-وندري بيج ما تحبين الشعر فكلنة نحجي بصوت ناصي حتى ما نزعجج
روان :-منو گال اني ما احب الشعر اصلا اعشق الشعر
زهراء:-ثاني مرة من نريد نشعر نشاركج مو غزول
غزل:-هو دا
فاطمة:-بنات عوفن أزل ترتاح شويه
زهراء:-هم صدوك يلا غزولة امشينه
غزل:-ازل كلبي انتي زينة اجيبلج شي تريدن ابقى يمج
أزل:-لا ما يحتاج ...
طلعن البنات بقت بس فاطمة نهضت روحي وحجيت بتعب :-صدوك راح يتزوج !!؟؟؟
فاطمة:-اي صدوك ....
البنية يحبها من سنتين وياه بالجامعة الاحد امي وبيبي راحن لبيتهم يخطبنها والخطبة تصيير الجمعة
أزل:-شلون اتحمل اشوفة يتزوج كدامي
فاطمة:-كلشي بالدنيا قسمة ونصيب وأخوي محمد مو من نصيبج وإذا بيه خير الج صار وصدگيني ربي راح يعوضج بشخص يسوى محمد وراح تشوفين هالشي ....
أزل:-ما مفكرة بشخص غيرة شسوي أحبة مو بيدي لو تشوفين يا فاطمة شكد حاولت افكر بيه بس ما يفيد ما أكدر.....
فاطمة:-انتي مو اول وحدة حبت من طرف واحد ولا اول وحده شافت الشخص التحبة يتزوج كدام عينها ومرتاح وما يدري عنها ....
خليج قوية وانسية.....
أزل:-انساه شلون اكدر واني حبي اله يوم بعد يوم يكبر من جنت بالثالث متوسط وهاي اني سادس حاولت أبين اله حبي بس ما گدرت ....
ما گدرت اخون ثقت اهلي وحتى لو گتله اني متأكدة من مشاعرة هو يعتبرني اخت حالي من حالجن ما ردت افشل روحي وانزل نفسي ....
فاطمة:-هو هذا الصح انتي لازم تعاملية بالمثل لازم تعتبرية اخو مثل ما يعتبرج اخت
أزل:-احس كلبي يوجعني
فاطمة:-شبيدي عليج حبيبة يشهد الله اتمنى تصيرين مرت اخوي وتعيشين ويانه بنفس البيت بس هاي بعد قسمة ونصيب....
أزل:-وكلبي شلون بية
فاطمة:-عوفي كلبج بصفحة لا تسمعيله روحي وي عقلج ،ترى اني مو اقل منج حبيت منير ابن عمتي وانتي تدرين جنت اسولفلج عنه من يجي اطير من الفرح عيوني ما تشوف غيرة إذا شفتة بمكان ....
اول ما افتح عيوني اباوع بصورته وقبل لا انام اتاملة وتالي شنو تزوج واني اباوع عليه متت قهر حسيت كلبي تفتت اشوفة شلون فرحان واني ابجي وحاركة روحي ....
سالت نفسي وين العدالة اني هم لازم افرح ليش ابجي على شخص ما حاطني ابالة لازم تصير عدالة
وافكر بيه بالطريقة اليفكر بية، فعلا هسه من اشوفة أحسه شخص أقل من العادي ولا اهتم بوجوده حتى ما اباوع لشكلة .....
أزل:-انتي ما تدرين شحسيت من سمعت بيه خطب احس روحي راحت
فاطمة:-اسم الله على روحج حبيبتي امسحي دموعج وگومي لاتخلين واحد يشك بيج وعلى شي تافة
أزل:-ما جان شي تافة بالعكس جنت اعتبرة شخص مميز فاطمة انتي قويه اني مو مثلج ما اگدر اتخطى ...
فاطمة:-بالعكس ماجنت قوية ابد بس بعدين تعلمت شي أن الوباء يأخذ فترةيخرب كولشي وبعدين نرجع لحياتنا السابقةوكان شيء لم يكن ...
هسه خل نعوف الحب وهاي السوالف الما بيها فايدة خل نركز على دراستنا، مستقبلنا اهم كل شي خل نكون مستقلين ما نحتاج أحد .....
اهم شي الشهادة وضيفة راتب خل نفكر بهيج اشياء راح يزيد واهسنا ونركز حتى نحصلهن ..
أزل :-احس كلامج مثل ألمي الينرش على النار
فاطمة:-جربت هالشعور وحاسة بيج تدرين هسه من اباوعله اغم روحي ميت غمه
أزل:-ههه ليش
فاطمة:-اي يحضي اضحكي شبيج ولج والله صدك اكول شبيه ما عندي عقل حبيتة وبجيت علية عدت سنه من وراه جا هسه اني جامعة مرحلة أولى ...
يجوز اني اشوة بأجر تلزمين النعال ودگ على راسج خاب كله محمد وجهة ما ينطلع بيه لرأس الشارع دخل ندخل جامعة والله كريم...
أزل:-ندخل جامعة نروح ندرس مو ....
فاطمة:-يواش يواش...
افتهمتي غلط ندخل جامعة والولد تسحل رواحتها علينه واحنه ما نطيهم مجال نصير مثل ست محاسن
ومن نتخرج عود نشوف واحد يداوم ويانه ثلاثيني جاد أربعيني شاذ
أزل:-ياااا
فاطمة:-وجعااا ديلا عوفي هاي السالفة الغبرة وكليلي ليش ما داومين ست ازل
أزل:-اريد اكمل المواد بالبيت افضل
من هوسة المدرسة صايرة لعبان روح
فاطمة:-ترة محد معطل بس انتم احنه بعدنا نداوم وامتحانات شهريه جاي ناخذ...
أزل:-امتحنا نص المواد ومن يصير امتحان اروح امتحن وارجع
فاطمة:-هسه انتي شخلصتي
أزل:-لج بابا بعدني وين اخلص جاي أخذ محاضرات
من كل مادة حتى من اكمل اكملهن كلهن سوة
ما تبقى عندي مادة تحمض على گلبي ...
فاطمة:-اني اگول نخلص مادة مادة افضل ...
أزل:-اذا هيج راح تملين من المادة حتى واهس ميصيرلج مثلا قريتي شوية رياضيات انتقل لغير مادة وهكذا ....
فاطمة:-خاب أزل عليج الله لا تنجحين وتعوفيني وحدي بالسادس خلينه ثنينه ندخل جامعة سوى
أزل:-الضاهر ناويه تعيدين
فاطمة:-لا ولج اخاف اعيد
أزل:-اعيد وياج شبية تخبلت اريد بس اخلص من الضيم العندي لا نومتي نومة مثل الناس ولا اكلتي اكلة .....
بدال هذا الكلام والتفكير بالرسوب اقري وياي على الواهس اشرحلج واشرحيلي ندرس المواد سوة وننجح سوة...
فاطمة:-الله لج هاي خوش فكرة...
يلا گومي خل نشوف امي خاف محتاجة شي خوب هاي ديمة بس تعرف تاكل كولشي ما تسوي ....
غزل :-واكفه بالمطبخ اسوي زلاطة ومرت خالي احلام تلگط بالخضرة
احلام:-اي غزولة شلونها الدراسة وياج خو ما
متعبتج
غزل:-يعني زينة ومو زينة ماشي حالها بس اني
شايلة هم للسادس
احلام:-انتي سباعية ما ينخاف عليج تسحلين السادس سحل
غزل:-ههه لا خالة وين السادس محد يكدر عليه دائما هو اليسحل محد.گدر يسحلة ...
زهراء:-الچذابة تطردين عيون إذا ما تطلعين معدل عالي اشرب سم واموت بمكاني
احلام:-دگولي ياالله شبيج وي البنية بعدها ما كايلة بسم الله واذا طلعت معدل عالي بعد شنريد محتاجين دكتورة بالعشيرة تعرفين ولدنة كلها تربية
زهراء:-بس اريد افتهم انتي امي لو امها
احلام:-بنات بسمة معزتهن مثل معزتجن لو بيدي اخذ غزل من عدهم واحطهة بگلبي
غزل:-حتى اني اموت عليج خالة
احلام:-يا بعد گلبي
زهراء:-موتي على نفسج لا تموتين على امي
غزل:-شبيج عدتج بعض الناس
زهراء:-ياناس وضحي قصدج لأن الكرة الأرضية مليانة ناس
غزل:-اففففف شبيج
زهراء:-يمه شنو هاي ادري حتى منار العالم ما تطبخ هيج اريد ابطل ما اكل وانتضر العشه حالي حالكم بس ما اتحمل ...
احلام:-راح تفرغين الگدورة على هالرنة شنطي للعالم
غزل:-الغوووول
زهراء:-غزل مدري هزل بس لو ادري هذا منو السماج غزل شو ذره غزل ما بيج
احلام:-مو جنتن حبايب وعين الله عليجن شني طب بينجن بليس
زهراء:-كامرة خفية حبيبي كامرة خفية نتشاقة وياكممم
غزل:-عابت
زهراء:-عابتلج بس ردت اختبرج شنو راح تكون ردت فعلج ويگولون اليحبك يتحمل تصرفاتك ...
غزل:-خاب طيري حبي ليش اني شوكت حبيتج دمشي ولي ...
احلام:-بنات اني راح امشي ابقن يم الگدر شوية ونصية غزوله بنيتي اعتمد عليج
غزل :-من عيوني خالة
زهراء:-خوب اخذيها لأخوي احمد وفضيها
احلام:-يوم المنى بس اخوج اصغر منها بأربع سنوات يلا اني اروح مو يحترگن
غزل:-يمممي ..
كاعدين بالمطبخ اني وزهراء اثرم زلاطة وهي تخلط لبن دخل عماد ابن خالي ليث بقة يفتر بالمطبخ
ليث:اكول شلونج غزل
غزل:-بخيررر من الله
ليث:-وليش تكولينها من ورة خشمج
غزل:شبيدي عليك اذا انت تشوفها هيج
ليث:-ما شاء الله كبرانة.
غزل:-محد يبقة على وضعة اكيد نكبر
ليث:-شدعواج تريدين دچيني
غزل:-مو هيج بس مالي خلگ زهراء كلبي خلصت الزلاطة ديري بالج على الگدر شوية وطفية ......
ردت اطلع دخلت أزل عيونها حمر وياها فاطمة حسيت اكو فد شي بس وين يطيرن بالنهاية
اعرف ..
فاطمة:-شبيج غزول شكلج عصبية
غزل:-تتخيلين عيناي ..
طلعت من المطبخ رحت للحديقه فاير دمي كلامة مشفر مكروة ابد ما ارتاحلة ...
بقيت گاعدة بالحديقة اجة جود ابن كرار ابن خالي
بقيت العب وياة شويه ودخلن خالاتي وجهالهن ماشاء الله كل وحده عدها درزن جهال كبار وصغار
شگد يخلفن ما يملن .....
عندي ثنين خوال وكل واحد عنده أكثر من ست جهال خالي الچبير ليث مزوج ابنه كرار وعماد اصغر منه بعدة ممزوج وعندة بنات كبار روان ونور وبعد صغار ....
وخالي محسن عدنه فاطمة وزهراء ومحمد خطبتة
بعد كم يوم وأحمد بالمتوسطة وبعد عنده صغار ...
أما خالاتي تلاثة وعدهن عشيرة نصهم ما عرفهم
عدهن ولد متزوجة ونص متخرجة والل يبوو عشيرة والله .....
رحت سلمت عليهن و دخلت جوة سوينة كروب بنات نسولف ونجهز الاكل خلص الاذان بدينة ننقل الاكل عدنه طبع من ناكل كلنه سوة نسوان وزلم ماخذ راحتي بالاكل ....
كملنه السفرة اخير شي رحت اجيب مي اجيت اكعد ما لگيت مكان حجة عماد ....
عماد:؛تعاي گعدي هنا هذا مكان
غزل :-غميت روحي بداخلي انوب اگعد يمة خرب حظي بقيت واكفة بمكاني ....
الحجية:-شبيج بيبي ما تگعدين تأكلين
غزل:-گعدت يمه غصبن علية درت وجهي للصفحة الثانية وبديت اكل اباوع للبنات كل ثنين تلاثة بصفحة يسولفن ...
أزل ماخذتلها صفنة على محمد وروان مفهية على حيدر حتى ما بياوع بشكلها من بعد ذاك اليوم وبنات خالي مكرشات على ولد خالاتي واني اباوع عليهن ....
حسيت بگرصة برجلي باوعت لعماد الچلب مسوي روحة ياكل رجعت اكل وحسيت بگرصة ثانية وايدة على رجلي يبتسم بخباثة نهضت روحي وكمت بسرعة فايرة فور ....
بسمة :-ها يمة شو ما اكلتي
غزل:-اكلت بالمطبخ واحنه نحضر بالعشة
احلام:-اني مو كتلجن لا تاكلن انتظرن العشة هيج احسلج
غزل:-عادي مصار شي
خلصنة عشة والتمينة نغسل المواعين زهراء سوت جاي واني اجيت أصب حسيت بريحة دخان جكاير بوجهي ...
رفعت راسي شفتة يدخن ويشمر الدخان علية
بعد ما گدرت اتحمل باوعت لرجلة لابس شحاطة ذبيت الستكاين على رجلة عاط عيطة ....
كلها لتمت عليه سويت روحي خايفة حالي حالهم ...
فاطمة:-شو بله صارت حمرة أزل جيبيلة طحين بسرعة ...
عبير :-لا جيبي معجون زين للحرگ
زهراء:-اوگف لا تحكها ترى ينزلغ الجلد
نور ::شبيججج مااا تشوفيننن ثولةةة حركتية هسة لو گالبة القوري علية أن شاء الله كسررر بيدددج
غزل:-هيييي كسررر بيدج انتي أن شاء الله ...
ومحمد هسه اجيب القوري اشمرة بوجهج واعلمج شلون تحجيبن الجربة
دخلت أمه وخالاتي على الصوت
ديمة:-فوگ شينة گواة عينة هاي فوك ما حرگتي ابني مادة لسانج هلطولة
غزل:-احترمي نفسج شنو حارگة ابنج جاي أصب وهو اجه شال الصينية وفلتت من ايدة حلوة هاي
صرت اني الحارگتة
عماد:-رحمةةة. للأمة العربية كافي ماااا بيه شي سويتني فرد نوب كافييييي شگد تحبن الدرامااااا
غزل:-هاي امك وأخواتك ...
دخلت روان ولا جنها تعلج بعلجها
روان:-شكو شبيكم صوتكم عالي
فاطمة:-ماكو شي حبيبتي شوية جاي طاح على رجل اخوج
روان:-عبالي مات واحد يلا اني اروح المكان صايرر
ايععععع
غزل:-اخذت اقلدها ...ايعععع والله يا الله
فاطمة:-ولج لا تسمعج
غزل:-واذا خايفة من واحد اني ...
طلع عماد من المطبخ وبقيت الحية وبتها الصغيرة يباوعلي يريدن ياكلني ...
ديمه:-ثاني مرة يا غزل انتبهي زيننننننن
غزل:-قصدج خل ابنج ينتبةةةة زينننن
أزل:-غززززل كافي
حوراء:-(خالتي )يلا ما صار شي واكيد غزل ما متعمدة
غزل:-زي كدا يست هانم الله ينور عليج
عذراء (خالتي):-والله عندج سوالف تنحب
ديمه:-كلششش تنحب
غزل:: أي والله شكرا خالة ابوس اعماق قلبج
طلعت للصالة صاير تجمع للكل الصالة حيل جبيرة
بيبي تحب تگعد بيها گعدت على صفحة واجت زهراء لزگت بضهري بقينة نسمع الهم ....
محسن :-يا جماعت الخير الخميس الجاي خطبة ابني محمد والكل معزوم
حوراء:-منين راح تاخذلة
محسن:-طالبة وياه خريجة هندسة انتاج ومعادن
عذراء:-والناس شلونهم حسب ونسب لو هيج
محسن:-والله يا خيتي الناس محترمة وخوش عالم اعرفهم من زمان وسالنة عليهم العالم تمدح بأخلاقهم
والحسب مو مهم المهم السمعة الطيبة بين الناس
الاء(خالتي):-چا شبيهن بنياتنة ناقصهن شي رايحين للغريب
احلام:-لا والله ابد وحدة دگل للثانية اني احلى منج بس بعد تعرفين الگلب وهوايتة وإن شاء الله يجونهن ولد الحلال ...
الاء:-وانتي بسمة ما تزوجين ابنج شني ما تريدين چنة عاجبج وضعج البگد ابنج هسة عدهم درزن
جهال ...
بسمة:-شبيدي خية هو ما يريد اجيبها واخليها بلبيت
لا هو صغير واجبرة على شي هذا يمچن واسئلنة
حوراء:-ها خالة حويدر ما تريدلك مرية حالك حال الزلم
حيدر:-من تجي وحدة تسرق اعجابي بذاك الوقت افكر
عذراء:-ولا تگلي بهذا عمرك وما عاجبتك وحده هاي البنات گدامك
حيدر:-مواصفات خاصة ما متوفرة هنا
حوراء:-جنك تريد غريبة
حيدر:-شي اكيد هذا اريد وحدة بعمري تناسبني
وهنا ما متوفرة ..
غزل:-اباوع لروان صار وجهة احمر شوية وتبچي
الاء:-يععع تريد وحدة بگدك تريد تاخذ وحده عجوز
حيدر:-هسة لا تحجن شي ومن تصير صدگ علقن
براحتجن
عذراء:-شني البنية البالك
حيدر:-عوفيها ببالي افضل لا تصدمين مو زين عليج
حوراء:-معقولة تحب وحدة وما تقبل بيك اشو
شناقصك جمال وشخصية وفلوس ورتبة كامل مكمل مو الف لا والله مليون بت تتمناك
حيدر:-سامعها قبلچ بس بدون المليون بس الف
(لبو🤭)
الحجية:-هذا حويدر يمي اني اعرفة شيريد
حيدر:-بركاتج صفووو تقرين نظراتي اموت بيج
الحجية::شوكت, نطيني موعد علمود أخذ مهلة من عزرائيل
حيدر:-صايرة واسطة عندج حتى وي عزرائيل
تعجبيني صفوو
الحجية:-الي يوم اشوفك مسحول
حيدر:-مو حيدرا الينسحل
الحجية:-صحبانك الزرگان وين صفة بيهم الدهر عرسو بعدهم
حيدر:-علاء باچر عرسة
الحجية::وهاي منين الاخذها
حيدر:-دكتورة
الحجية:-فلگ طرة هلزرگ وين لگة الدكتورة خاف مطلگة
حيدر:-لا صفوو بنية شابة
الحجية:-خايب امداني الازرگ ياخذلة دكتورة شابة وانته ضال على گلبي دشوف بلگي عدها صاحبة وجلب بيها
حيدر:-تعجبني سوالفج أن شاء الله خير يلا اني اترخص عندي طلعة
الحجية:-بعد وكت ما شفناكم
بسمة:-غير مرة أن شاء الله يلا يمة حضرن رواحتجن
غزل ::رحت اجيب چنطتي لگيت روان تبجي
هزيت ايدي شبيها هاي البنات كله حب استجلن
شوية أشرت لزهراء براسي روحي شوفيها وطلعت .. ....
★★★★
لبوة...
لميت غراضي والأشياء التخصني بجنطة سمعت الباب يندگ رحت افتحة طلعت بوجهي سمر شايلة
ابنها بحضنها هالمنظر كفيل يرجع الابتسامه على وجهي اخذت ابنها من حضنها بقيت ابوس بيه ....
سمر :-ولج فحطت خليني ادخل الشمس حرگتني
حرگ
لبوة:-ياهله ومية هلا بسمرة
سمر:-مشتاقتلج الحقيرة ما تسألين علية حتى بالجذب
لبوة:-تشتاقلج العافيه يعمري واني أكثر ربي يشهد بس تعرفين بطبعي مااحب اتصل بأحد أو اراسل
سمر:-يبووو ما تبدلين طبعج الاگشر شيصير لو اتصلتي اتصال
لبوة:-يصير مثلا شخص عنده شغل ضروري او نفسيتة تعبانه ميتحمل يحجي أو يمة شخص عزيز عليه والباقي عليج انتي تعرفين....
سمر:-امنه بالله باليل الشغل مو بالنهار
لبوة:-منو يكول حسب ..اخذت نفس من ابنها
سمر:-احسج تحبينهم أكثر مني
لبوة:-ليش ما دكولين احبهم على محبة امهم
سمر:-بربج ما اصدك السمعتة صح لو غلط انتي تحبيني لا ودكولينها بلسانج
لبوة:-ذكرتيني بزينة هم هيج حتى ردت الفعل ...
المفروض ماخذه طباع عني اي شخص اتعامل وياه اله معزة بكلبي
سمر:-سابجي
لبوة:-منو كاضج
سمر:-عابت اكولج صدوك صاحبتج زينه شلونها شوكت عرسها
لبوة:-الحمد لله بخير ما ضل شي بأجر تشتري الجهاز ورها العرس
سمر:-قصدج الحنه
لبوة:-لا متسوي حنه هو حنه هو عرس
سمر:-يا ليش !؟؟
لبوة:-افضل تقلل من المخاسير بدال ما يأجرون القاعة يومين ويوكلون ويشربون بالناس يوم واحد ثانيا هي الراح توكع بيها كل يوم صالون وحجز وتعب شهلعبان النفس ....
سمر:-اكيد هذا اقتراحج
لبوة:-ناقشتني بالموضوع طرحت رأيي عجبها
وعلاء ما اعترض بالعكس فرح بهلشي
سمر:-اريد اسئلج سؤال و جاويبني الصدگ بس هلمرة
لبوة:-ليش اني شوكت مجذبة عليج؟؟
سمر:-دائما، وهسه كولي ليش باجية؟؟
لبوة:-ههه هاي منو الباچية
سمر:-ترة واضح على وجهج حتى الاعمة يشوف
لبوة:-اذا تدرين بيه باجية شكو تسألين
سمر:-اووووف صدك لو كالو العين بصيرة والايد گصيرة لو اعرف الشي اليسعدج سويتة من زمان ...
اجيت للعرس زفو العرسان واجيت عليج ابثلج خبر مازن الي انحكم بحدود ست مدري أكثر بعدنا ما متأكدين
لبوة:-ست سنوات!!!!
سمر:-اي ولج هذا طلع مو شخص عادي يبيع مخدرات مدري ينقلهن مثل ماجنا ندري
لبوة:-لعد؟؟
سمر :-لج طلع فد راس جبير ويشتغل مو بس يتاجر بالفلك لا وحتى يتاجرون بالبشر والأسلحة
لبوة:- يتاجر بالببشرررر!!!
سمر:-اي لج عصابة شكبرها وشگدها وهذا ابن عمنا سالفته داچة
لبوة:-اففف شعلعبان النفس لعد شكد طلع قذر أكثر من ما جنت اتصور وانوب راد يجرني وياه هلسافل ما كفاهم السووة بيه انوب اكضي حياتي بالمستنقعات الخايسة....
سمر:-فرصة ولكاها كدامة كالج شلون انحبس وحدي اعيشها الشعور وياي
لبوة:-نذل عساه بالاخس
سمر:-لحد الان ما ناسية الماضي وحاقدة عليه؟؟
لبوة:-ليش الماضي يعوفني حتى انسه "
سمر:-خية انسي وعيشي حياتج فترة من عمرج خلصت وهسه انتي ما شاء الله دكتورة وشابة عندج راتب اطلعي تونسي سافري الحياة گدامج
لبوة:-ما أكدر اطلع من الماضي ...
تدرين كل يوم افز من النوم أصيح لا تحرگينهم افز ادور بالكتب لو بنص نومتي احس رفسة بطني لو اكعد الزم شعري اكلب بيه عبالي گاصته لو حارگته مثل ما تگلي ....
انتي شتحجين وشتعرفين ما أكدر اعيشش بشكل صحيح لو اشوف شي صغير ارجع ليورة وكان هذا الشي يصير هسه وياي ..
سمر:-ليش انتي اول وحده تتعرض للعنف بطفولتها هووواي تعرضوو وهسه هما عايشين حياتهم ..
لبوة:-اني مو بس تعرضت لعنف جسدي تعرضت لعنف جسدي ونفسي بنفس الوقت جنت احط كتبي جوة راسي وكل شويه افز حتى لا تاخذهن وتحركهن...
وحده ثنين ما ينحسبن سوالف سعاد اشتغلت على نفسيتي بشكل ممتاز ورجلها كمل الباقي ...
سمر:-الدنيا دوارة ويگلك يلمعزب لازم تضيف بيوم لو تشوفينها شصاير بيها ضغطها معلگ ودگ وتلطم البارحة الا جابوها من المستشفى ولحد الان ما تدري بالخبر ضامينه عنها
لبوة:-هي جانت تستفزني بالاشياء الغاليه عندي تحجي بسيرة اهلي واني ما احب احد يحجي بيهم تشگك كتبي لو تشخبط بنص الواجب لو توصخة واني مااحب أحد يلزمهن لزمه ..
سمر:-ونوخذ اغلى شي عدها ..
لبوة:-بالضبط سعاد تحب مازن وتفضله على الكل حتى على رجلها بس ما توصل لمحبتي لكتبي ودفاتري الجانت تستفزني بيهم وتحرگ گلبي....
سمر:-العين بالعين والسن بالسن والبادي اضلم
لبوة:-للاسف ما أكدر اشوفها شلون تتعذب نفسياً جانت امنيتي اشوفها محترگ گلبها على مازن
بالذات ...
سمر:-جنج راح تسافرين حتى ما تشوفينها
لبوة:-اكو فرق بين اليسافر واليهاجر، اليسافر يرجع بيوم من الايام أما اليهاجر من سابع المستحيلات يرجع
سمر:-ليش انتي رااااح تسافريننن
لبوة:-اهاجر
سمر:-صدوووك !!؟؟؟
لبوة:-اي لج سمر تعبت نفسيتي تعبت اريد ارتاح ارريد اعيش يوم عادي مثلكم كولشي متعلق بالمكان أما إذا رحت كولشي يبقى بمكانه واخلص منه واعيش انسانه جديده بلد جديد
سمر:-من كل عقلج انتي زين منو اليدري؟؟
لبوة:-ليش اني عندي عقل من وراكم محد يعرف ولا راح يعرفون الا بالوقت المناسب وانتي سمر شاركتج موضوع مهم مثل هذا فرجائا يبقى بمكانة وينسد لا تساليني لأن ما أكدر اجاوبج
سمر:-براحتج سوي الترتاحين اله ليش اني شيهمني غير راحتج زين وايلام شلون تعوفينه
لبوة:-ما عندي غير حل من أستقر اشوف فد طريقه حتى لو تكلفني وهسه ممكن تعوفيني استمتع بمنظر هالطفل البريئ
سمر:-بريئ يا بريئ لو تشوفينه شمسوي بيه بس من يجي يمج يسكت ويصير بريئ
لبوة:-يفهمني من نظراتي اعشق الهدوء و ما احب الصوت العالي والضوضاء لهذا السبب يتجنب البجي صدوك ادهم مختفي
سمر:-لگة شغلة بغداد بالشهر يجي اسبوع ويرجع.
لبوة:-الله يسهله ويوفقة
سمر:-امين ولج اشم ريحه اكل لو يتخيلي
لبوة:-لا ما تتخيلين سويتة ومأشتهي طلع من
نصبيج
سمر:-يا يمةةة شني هاي دباع الترتيب والله الج خلگ ترتبين اني مرات اكل بالجدر ما بيه حيل أصب
لروحي
لبوة:-تضييع وقت لا اكثر
سمر:-بس فهميني شغلة شلون رهمتي عصير وي السمج
لبوة:-لبن وي السمج يسبب مشاكل او فد مشكله أما العصير لا, واني احب من اكل اشرب شي والببسي ما احبه فالعصير هو الخيار الأفضل
سمر:-الخيار لو الطماطة ،احمم اني متغدية بس جعت وانوب اكلج لا يوصف فما أكدر اعوفه
بس عليج الله اكلي وياي سويلي واهس...
لبوة:-ههه هاج ابنج أسبح واجي اكل وياج ...
رحت سبحت واجيت اكل وياها
سمر:-صدوك لبوة هم تمشطين شعرج لو لا
لبوة:-اكيد امشطة بس قصدج ألفة لو اضفرة ....
سمر:-اي هذا قصدي...
لبوة:-صدفات من مزاجي حلو اضفره والايام العادية لا اعوفة مفتوح بس ليش تسألين ؟؟
سمر:-بت حماي ما تقبل تمشط شعرها ولو تشوفين أمه مسودنه تمشطة الها وترجع تفلة تريد تأخذها للسيد و تذكرتج من جنتي صغيرة هم هيج يمشطوله الج وتفلينه
لبوة:-اني جنت امشطة بس ما اضفرة وبعد لا تذكرين مو زين عليج
سمر:-هذا الشي يخصني اتذكر ما اتذكر ، خاب ما كتلج ازهار تطلگت
لبوة:-ههه لا تذكريني بيها تتنعوص تنعوص شطلكاها
سمر:-جا غير رجلها طلكها قابل امي انوب عدها جهال يكولون يكولون استغفر الله عدها علاقة بشخص
لبوة:-شنو من بشر فوگ رجلها سدي الموضوع رحمة لجدج السابع عشر اي زمرد شلونها
سمر:-زوينة للأمانة كل فترة تسالني عليج وامي شو ما سالتي عليها
لبوة:-فطومة ما كاطعة بيها على اتصال اني وياها
سمر:-يمةةة خل الحگ اكل قبل لا يجي رجلي
لبوة:-عافيتوز مقدما
سمر:-على البك حياتو
لبوة:-غيرت سمر من مزاجي للمغرب اخذها رجلها ترست ماعون كليجة وعصير ومكسرات طلعت فلم كرتون اسمة "ماوكلي "فلم قديم من جنت صغيرة اشوف منه حلقات بالبوگة وحاليا عدته للمرة الخامسة..
يحجي الفلم عن طفل بدون أهل ربتة الحيوانات وقدملة الحب والحنان منسجمة وياه ....
رن تليفوني شفته رقم غريب فتحته الوو
..الوو انتي لبوة
لبوة:- اجه بأذني صوت مرة ...اي تفضلي محتاجة شي
...ما اگدر احجي شي بالتليفون اريد اشوفج واحجي وياج
لبوة:-خير أن شاء ليش انتي تعرفيني؟؟
...من اشوفج اگولج بس هسه انطيني موعد اشوفج يمتها انتي فارغة
لبوة:-لحظة لحظة بالبدايه اعرف انتي منو
...وإذا كان شخص محتاج راح تردينه كتلج يا بنيتي محتاجة اشوفج واحجي وياج
لبوة:-تمام اذا هيج اشوف بأجر وقت واتصل بيج
...انتضرج مو تنسيني
لبوة:-ان شاء الله
سديت التليفون متفاجئة اول مرة يصير هيج موقف
شغل بالي فترة قصيرة دگ المنبة رحت انام بأجر وراي دوام ...
رحت للدوام هستوني دخلت ولاگاني جهاد
جهاد:-صباح الخير
لبوة:-صباح النور
جهاد:-دكتور سليم محتاجج فورا عنده عمليه بعد ربع ساعة
لبوة:-محد مبلغني
جهاد:-حالة طارئة
لبوة:-خير أن شاء
رحت لغرفة الدكتور لگيتة يقرأ بالتقارير هستوهن طالعات جانت العملية لطفل عمرة عشر سنوات ضاربتة دراجة و اصابتة خطرة....
تجهزنه اتجهنا لصالة العمليات لگينة اهلة واكفين بالباب والدتة في حالة يرثى الها دخلت وبقة دكتور سليم يحجي وياها....
من مهام الطبيب قبل العملية يحجي وي أهل المريض ويطمنهم ومن يكمل العملية كذالك ...
لكن ابد ما احب هذا الشي شلون انطي امل واني ما اعرف شراح يصير الا إذا جنت متأكدة من نجاح العملية واكو شي بداخلي هادء احچي واطمن أهل
المريض ....
من شفت الطفل نمرد گلبي صغير كولش
سمينة باسم الله وبدينية نشتغل جان اكو امل يعيش لكن بلحظة......
صار نزيف كولش قوي حاولنة بگد ما نگدر ألطفل
خسر دم هواي ضفنالة بطلين وگفنا النزيف أخذنا
نفس بارتياح باوعنة للأجهزة توقف گلبة ....
اخذت جهاز الصدمة حاولت اكثر من مرة ماكو اسوي تحفيز لقلبة استمريت وگفني صوت دكتور سليم من صاح بيه..
سليم :-كااافي خلص ماااتتتت بعد مااا يفيددد
لبوة:-اكو امل بداخلي بعد باوعت اله بعده صغير
رجعت اسوي تحفيز طبيعي لقلبة
سلم :-كااافي خلصصص اااانتهى
لبوة:-حسيت بكمية من القهر والخذلان معقولة خلص مات زين واهلة أمة شلون بيها اول مرة اسوي لشخص عملية ويموت گدامي ....
طلع الدكتور وبقية الممرضين بقيت داخل الغرفة واسمع صوت الصريخ واني منا شلوني وي الصوت العالي اجتمعن علية حسيت بوشوشه لأن الصوت كولش عالي .....
طلعت شفت مجموعة من الدكاترة والممرضين وحتى اليشتغلون بلمستشفى متلمين يم اهلة
وممرضات لأزمات أمه ....
طلعت بوجهي خارج المستشفى ردت اصعد للسطح بس ما گددرت گعدت بالحديقة روحي راحية صوت أمه بقة بذني من تصيح باسمة ....
اباوع لايدي الشرايين بارزات بشكل مو طبيعي اعرف نفسي من انقهر لو حالتي النفسية مو تمام يبرزن بشكل فضيع إضافة للرجفة مو بس بيدي سرت بجسمي ....
بقيت على هالوضع ما اعرف شگد وحالتي شوية احسن صار گدامي بطل مي رفعت راسي شفته جهاد ...
جهاد:-اشربي مي
لبوة:-ما أشتهي
جهاد:-الشي الوحيد النشربة للحاجة وليس للمشتهة
هو ألمي تدرين بهلمعلومة
لبوة:-تؤ
جهاد:-الصار قبل شوي شي طبيعي احنه وضيفتنة
نساعد اشخاص حتى يبقون على قيد الحياة نسوي النگدر عليه والباقي على الله
لبوة:-اعرف بس اني من دخلت طب وتعبت جنت متصورة محد يموت جنت مفكرة راح انقذ الكل ...
جهاد:-مهمتنا نبذل جهد نسوي العلينة نشوف اليعيش وترجع صحته واليصير وياه إعاقة والشبة يعيش واليموت وال ول هوااااي ...
احنه أطباء اشكال نشوف اغرب الحالات لازم نمشي على مبدأ وهو التخطي نتخطة الصار وننساه ونبدي
بيوم جديد بناس جديدة مهنتنا هاي ...
لبوة:-بس اني مااريد هيج مااريد اشوف ناس تبچي
ما اريد اشوف شخص يتوجع ...
جهاد::احنة لو بيدنة نعالج الكل واكيد منخلي شخص يموت عبث الأرواح بيد الله احنة ما بيدنه شي ...
لبوة:-نفسيتي تعبت اني تعبت ردت الوضيفة تضيف امل لحياتي لكن بالعكس فوگ همي زادتني هم ...
تدري كل يوم قبل ما انام يجي بالي المراجعين معاناتهم من يشكولي الالم لو من نشخص المرض
وأشوف حيرتهم بسبب حالتهم المادية ...
كل يوم افكر الشخص الفلاني السويتلة العملية هسه هو زين ميوجعة شي الشخص الشخصتلة المرض وين راح دبر فلوس ...
المراجع اليجي كل اسبوع ليش بطل يراجع خاف صار بيه شي خاف المرض اتفاقم علية ...
أي شخص اقابلة بيومي افكر بية لأن هو اجة الي حتى اعالجة واشيل ولو جزء بسيط من مرضة
جهاد:-ما لازم تفكرين بهل طريقة تدمرين نفسج
تشيلين هم وطاقة سلبية تلحگج من حياة ذولة الناس ....
لبوة::ذولة الناس محتاجينة من بعد رب العالمين ما عدهم شخص يلتجؤن اله ....
شسوي نفسيتي تعبت من اسمع الصريخ كل يوميه ميت واحد اذا مو اكثر كل ما اريد اصير زينة ارجع ليورة ....
جهاد:-انطي لنفسج استراحة أخذي إجازة شهر شهرين سنة سنتين من تشوفين نفسج صرتي احسن ارجعي ...
لبوة:-تحچي صدوك شلون اغيب كل هلمدة واني مرات حتى يوم بالاسبوع ما اغيب ...
جهاد:-اذا هيج نهلك أنفسنا وكولشي ما نحصل لا نفيد ولا نستفيد ...
نفسيتنه تتعب واليجي مريض راح ننقلة الطاقة فوگ طاقة لازم يكون الدكتور عندة طاقة إيجابية حتى المريض من يشوف ترتاح نفسيتة...
لبوة::انت هيج دگول
جهاد:-لبوة يمكن انتي ما صارلج هواي بهلوضيفة اني اقدم منج وعندي خبرة أكثر ....
وهواي من الدكاترة من ضمنهم دكتور سليم ومحمد
اخذو إجازة بالاشهر ودكتورة سليمة تلث سنوات تركت الدوام شافت حياتها ارتاحت ورجعت مو فد مشكلة ....
لبوة:-زين وإذا اقدم تطلع بشكم يوم يومين
جهاد :-ما تقدمين مجرد تأخذين إجازة صحية والفترة الما داومين بيها يكطعون راتبج ومن ترجعين يرجع الوضع طبيعي....
لبوة:-فعلا لازمني راحة وبلنهاية لازم اخذ اجازة يلا اني راح اشوف شغلي ومن بأجر تبدي اجازتي
وشكرا على كلامك
جهاد:-ولو ما سويت شي
لبوة:-كلام جهاد كلة صحيح بلحظة تندمت لان جنت ماخذة علية نظرة كولش مو حلوة بالوقت الغير نظرتة الي غيرت نظرتي وطريقة كلامي وياه ...
رجعت للمستشفى كملت دوامي بطلاع الروح اخذت إجازة وطلعت صاحت وراي تبارك وگفت على صفحة...
تبارك:-شلونج لبوةةةة
لبوة::هلا يگلبي شلونج ابنح شلونة
تبارك:: الحمدلله ماشية ،اگولج صدوك عرس زينه باچر لو هاي تضحك عليه
لبوة:-اي بأجر متشوفينها ممداومة صارلها فترة
تبارك:-يعععع شنلحگ بعدني كولشي ماكو حتى وجهي ما حافتة
لبوة:-عندج منا لباجر العصر تلحگين حتى تجيبين من تركيا
تبارك:-لبوة صدوك تحجين ولج بالخطبة يومين اني الا أجرت فستان على گدي هسة شلون الكة بأجر
لبوة::تلگين وداعتج لا تخبصين روحج
تبارك:-انتي دومج باردة ولا جنج حظوظ هي بالخطبة طلعتي تشگين
لبوة::عوفي هلمصطلحات التافهة وانتي شناقصج عيني شو تخبلين ناقصة جمال لو بيج مرض ...
تبارك:-اي والله ناقصة جمال ما تنطيني رقمة
لبوة:-تافهة مثلج
تبارك:-شو انتي متحترمين
لبوة::عيدي النظر وروحي لام تحسين خل تزلغ وجهج
تبارك:-ولج عوفي وجهي يمتها نروح ناجر فساتين
لبوة:-عن نفسج تاجرين اني اشتري
تبارك:-ماما انتي شبيج الخطبة شتريتي وهسة هم تشترين زين شسوين بيهن هي مرة وحدة تلبسينهم لو فلوس زايدة ما تعرفين وين تشمرينهن ...
لبوة:-مو قصة فلوس زايدة نفسي ما تنطيني البس شي أحد لابسة قبلي مجرد من افكر بهلشي تلعب نفسي وثانيا قياسي مموجود وذوقي صعب ....
تبارك:-هااا تذكرت انتي لبوة ام النظافة والترتيب ممنوع المس
لبوة:-لا تصيرين تافهة الموضوع مو شقة
تبارك:-اشاقة وياج مو تزعلين عليج الله
لبوة::هلمرة ما ازعل بس ثاني مرة لا الوضع يختلف
تبارك:-التوبةةة والله بعد ما عيدها ،باجر اروح وياج عود اتصلي عليه اختاريلي فستان واشتري
الج
لبوة:-ان شاء الله محتاجة شي
تبارك:-سلامتج كبد بس الصراحه حسيتج اخوي الچبير من يگلي محتاجةةة شي
لبوة:-طاح حضج
تبارك:-وحضج
لبوة:-ردت ارجع للبيت تذكرت المرة التصلت علية البارحة رقمها باقي عندي اتصلت عليها جاوبت
بسرعة وكأنها منتظرة الاتصال
الوو.
...الوو ها خالة انتي لبوة مو
لبوة::اي لبوة ردتي شوفيني وهسه ما عندي شي
...حددي العنوان ودقايق يمج ما اتاخر
لبوة:-حددت العنوان وبقيت منتظرة الف سؤال بالي وشتريد مني وإذا فعلا محتاجة مساعدة فلوس أو عدها مريض حجت بالتليفون قاطعت تفكيري مرة
تگول انتي لبوة....
باوعت عليها يجي عمرها بداية الاربعين مبينة فد شخصية حالتها المادية كولش زينة من لبسها
وطريقة وعطرها شكلها كولش جذاب رغم عمرها
لون عيونها خضر ....
حچيت من بعد ما فحصتها فحص رديت باستغراب
::أي اني لبوة منو حضرتج
ندى::ندى دكتورة جامعية
لبوة:-مدت ايدها اصافحها باوعت على أيدها استحيت اردها بس ما اگدر الزمها حجيت بخجل
:-اسفة ما أكدر اصافح جنت بالدوام وادية مو نظيفة
وياج دكتورة لبوة
ندى:-عادي ما صار شي ولا يهمج
لبوة:-بقت تباوعلي جنها تريد ترسمني عندي طبع اتنرفز من شخص يباوعولي بوجهي عن قرب لو يركز بملامحي حجيت بجدية :-حضرتج ردتي تشوفيني بموضوع مهم ...
ما حجت شي بس تباوع سويت مثلها وركزت بوجهة
ملامحها حيل حلووةةة عيونها خضر بياضها شبهتها بشخص بس ما اعرف منو ...
ندى:-اكيد انتي مستغربة من طلبت اشوفج وانتي ما تعرفيني
لبوة:-ليش انتي تعرفيني شي!؟؟
ندى:-اكيد اعرفج لو ما اعرفج ما اطلب اشوفج
لبوة:-هم صح ابدي بالموضوع الجاية بيه
ندى:-ماكو موضوع بس ردت اشوف ....
لبوة:-حجيت بصدمة شنووو!!!
يتبع...
اسفة كولشششش لأن تاخرت بس صدگو من عن لهو اتاخر أن شاء الله من اخلص امتحانات انشر على موعد محدد+ جنت اعدل بالبارتات القديمات
أنطوني رأيكم بالبارت.....
دمتم بحفظ الرحمن 🌺