غْهَبَان
بقلمي ساره الشمري
لا تنسون تصويتكم ⭐ وتعليقاتكم ♥
اذكروا الصلاة على محمد وآل محمد
للأجر لي ولكم استغفرالله ربي واتوب اليه
سبحان الله
الحمدالله
لا آله الا الله
الله أكبر
مشينه اعله الخناجر خوف
وذنوب السوالف حوت
تبلع واهس الملهوف
مشينه والجرح عريس
يضحك والملح زافوف
كاضم العطشان
الحب يعليك ويوصلك لسابع سماء من السعاده والفرح ويخليك عايش بااحلامك الورديه ومخيلاتك ولكن بلحظه وبموقف يجيك من خارج دائرتك المحيطه ينزلوك لسابع ارض هنا راح تصحى وتعيش الخيبه الحقيقيه وانت ما تعرف شلون تتصرف هاي اني تلقيت صدمة عمري خالتي حكيمه خطبتني الابنها الجبير احمد زين وحسام وحبي الو وعلاقتنه مااتخيل حياتي بدونو عفتهم ورحت للغرفه وبس الدموع تجري ادحك الترنيم حسبالك فهمت عليه مسحت دموعي واني بقيت كاعده وخالتي وامي كاعدات سوه وهنه يخططن على موتي ويحكمن عليه بس لا مااكدر اعيش بدون حسام هذا حبيبي وصديقي وروحي شلون اتقبل شخص غيروا بقيت ابجي وابجي بس البجي مافاد.
حكيمه :- ها خيه شكلتي؟
قسم :- والله خيه البنيه بنيتج بس الرأي الأول والاخير الأبوها والها وان شاءلله مايصير خاطرج اله طيب.
حكيمه :- عجل ننتظر الرد منكم اودعناج.
قسم :- الله وياج خيه بقيت محتاره شأسوي انتظرت قاسم من اجه فاتحتو بالموضوع اليوم حكيمه اجتي خطبت لارين الاحمد شدكول انت.
قاسم :- والله احمد خوش احمد وانا رايد القرب من اخوتي وترجع علاقاتنه مثل اول رغم الي سووو بينه بس عمر الأظفر ما طلع من اللحم بس نأخذ رأي لارين ونشوفها.
قسم :- انا اكعد وياها واحاجيها.
لارين :- لليل دخلتلي امي وفاتحتني بالموضوع
... يمه فدوه اروحلج مااريد اتزوج ومااريد ابن عمي عوفوني.
قسم :- يمه ابن عمج احسن من الغريب وهنا قريبه علينه ونروحلج وتجينه شوكت ما تردين.
لارين :- بدموع لا والله مااتزوج.
قسم :- ول يمه هل تشوفين عمتج علياء تزوجت بعيد عنه وبين فتره وفتره يلا تجينه شلون ينطيج گلبج تتأخرين وما تجين علينه.
لارين :- يمه فدوه عوفوني مااريد اتزوج مااريد.
قسم :- عفتها وكمت خليها براحتها عود ابوها يحاجيها.
لارين :- بقيت الليل كلو مثل السمجه المزوهره روحي لايبه والنار مشتعله بصدري ومااندل دربي شسوي وشلون بينه فكري كلو يم حسام دموعي ما نشفت جانت اصعب ليله عليه عيوني جفاها النوم وبس الدموع سياله بقيت انتظر طرت الفجر علمود يصير الصبح وادز توت تروح توديلو الرساله بقيت اكل بأاظافري وافتر بالغرفه والبنات نايمات وادحك من الشباج الليل وسواده جنه گلوبهم الي تريد تفرقنه بقيت لحد طلعة الشمس كتبت رساله الحسام جان محتواها حسام بيت عمي تقدمولي شأسوي فدوه صفطتها ترنيم فدوه اخذيها ووديها الو.
ترنيم :- اخذت الرساله وديتها اله جان واكف يم شجرة الزيتون الي صارت شاهده على حبهم قره الرساله ونگلب گلاب بقى يصيح وعاط بوجهي خوفني.
حسام :- روووحي كليلها تجيييي نفس المكاااااان.
ترنيم :- ابوي موجود ما تكدر تطلع، بقى يفتر مثل الطير المذبوح راح من يمي وعيونو صارن حمر.
ام حسام :- خير يمه شبيك اشوفك صاير بارود.
حسام :- هيجي ماكو شي.
لارين :- جنت كاعده ودخل ابويه كعد بصفي وحط ايدو على ايدي وانا مااكدر اكول احب فلان عيبه بحقنه نحجي هيجي شي كدام اهلنه.
قاسم :- بويه لارينه اول بناتي واكبرهم تعرفين معزتج عندي شنو ومااجبرج على شي ما تردي بس يا بويه هذا الزواج راح يصلح النفوس ويقربنه من بيت عمج صح سوو هواي اشياء ويانه وأذونه بس تعرفيني انا مااشيل بگلبي على احد وبقيت اتواصل وياهم وازورهم واشوف احتياجاتهم واتشاقه وياهم لان اول وتالي يبقون اخوتي واسامحهم وامج هل تشوفيها مداريتهم ومداريه جهالهم وما مقصر بحگ احد وكلهم يحبوها ويكنولها الأحترام يا بويه انا اريدج كبال عيني واكدر اشوفج يوميه وتشوفينه وخواتج قريبات عليج خو ما تصيرين مثل عمتج علياء بعيده وهواي يلا تجي.
لارين :- استمع لكل كلمه يكولها ابوي حسبالك خنجر يطعن بصدري ويريد يطلع گلبي انا گلبي مليان بعشگ ثاني شلون بيه الغصه خنكتني دحكت بوجه ابوي بنظرات حزن مليانه خوف بس بوكتها ولا واحد فهم هل نظرات اردفت كلماتي الي انهت حياتي براحتك بويه الي تريدوا يجرالك.
قاسم :- بارك الله بيج بنيتي.
قسم :- وافقوا الطرفين وباجر خطوبة بنتي الاولى لارين واليوم داجهز الكلشي الخطبتها والبنات ديلعبن بره وخوله وتماضر باجر يجن ويايه فرحانه بلارين صح صعبه عليه فراكها بس هاي سنة الحياة يجي يوم وكل بنيه تمشي بنصيبها وطش الخبر بالمنطقه.
حسام :- جنت بالشارع واجوني شباب اصدقائنه وخبروني احمد خطب ... خير ان شاءلله خطب منو؟
الشاب :- خطب بنت عمو قاسم لارين.
حسام :- بقيت متصنم بمكاني ومصدوم ومااعرف شصار بحالي حسبالك جمدت مشيت بخطوات ودتني البيتهم لكيت توت بره صحت الها ... هاج هاي الورقه انطيها الاختج بدون محد يدري وبعدين كليلي صدك لارين نخطبت لأبن عمج احمد ؟
ترنيم :- اي وحتصير عروس.
حسام :- عروس خو انتي كيفتي.
لارين :- اجتني توت تركض وضامه اديها عرفت جايبتلي مرسال من حسام اخذتها وطبينه للغرفه والرساله جان كاتب لازم اجي يم الشجره لبست وطلعت ويه توت بدون محد يشوفنه لكيته بارود ومشتعل.
حسام :- كليلييييي شلوووون توافقين احجيييييي.
لارين :- والله ما كدرت اكسر كلام ابويه كلش تعب علينه وانت اذا تجي ما ينطوك لان هذا ابن عمي وينهي عليه وتصير مشاكل والله احبك ومااكدر بدونك بس هذا القاسمه الله .
حسام :- هديتي حيلي عفتها ومشيت بحيل مهدود.
مياسين :- اجه حسام حيلو مهدود وعيونو صايره حمر شبي هذا تلكيته ها حسوم تدخل هيجي وينو صوتك شو ما تغني شكو شصاير وياك؟
حسام :- شغني يول وانا روحي طالعه مياسين امي وين؟ اريدها.
مياسين :- جوه حبيبي كاعده تصلي.
حسام :- طبيت على امي وخليت راسي بحضنها وانا حيلي مهدود يمه ادعي الابنج كسرو بيه وانطوها ما خافوا الله وانطوها الهم.
مياسين :- ادحك الحسام شلون يبجي مثل الطفل عليها وامي تمسد على شعره وادقق بكلامو.
ام حسام :- منو هاي العاشگها يول.
حسام :- لارين يمه لارين انطوها الاحمد .
ام حسام :- ول عاشگها وانت صديقها عاشگها وهي ما تمشي بس وياك شمسوي بنفسك يايمه.
حسام :- يمه هي هم عاشگتني نفس ما انا عاشگها بس ما تكدر تكسر كلام ابوها يمه خوافه تخاف من خيالها شلون تواجه اهلها وتكلهم احبه يمه كسروا بختها وانطوها الحكيمه.
ام حسام :- قسمة ربك يمه اجوز بيها صالح.
حسام :- نفسي بيها يمه والله مااكدر اشوفها ويه احمد مااكدر اروح عليهم وهي مرت صديقي كليلي شسوي.
ام حسام :- تبجي على ابنها امسح دموعك يمه وكوم صلي وذب حمولاك على ربك السجاده هي الي تجبر بخاطرك كوم يمه صلي وادعي ربك يبرد گلبك.
مياسين :- كل كلمه يكولها حسام تكطع الگلب هو يبجي واحنه نبجي وياه.
لارين :- مرت كم يوم واليوم يوم اعدامي راح يصير اسمي بأاسم ثاني بقيت كاعده والدموع اليوم راح اصير بأسم شخص ما اكنله الحب ولا اي مشاعر الناس كلها فرحانه بس خالاتي خوله وتماضر ضايجات ما عاجبهن تصرف اهلي.
ترنيم :- ادحك بوجه لارين مابي ذرة فرح عقدولها على احمد وانتهى حبها دموعها تخالطت ويه دموعي انا رغم صغر سني عشت وياها وشهدت على جميع حالاتها قبل ايام جانت طيرة وترفرف بالسماء وهسه مكسوره الجناح وما تكدر تطير جنت بره وحسام جان واكف عيونو تحجي كمية الألم الموجوده بداخلو دموعو تصب وحيلو نهد هو متعلق بلارين بس ليش ماحجه ودافع عن حبوا ليش تركها تروح بهل سهوله افكار طفله ما تعرف من العادات والتقاليد اي شي انتهت الخطبه ومرت ايام وبقوا عمامي يجون علينه وانا العب ويه بنات خالتي حكيمه ويه اولادهم وبيوم ظهر وشتاء وبرد قارص جانوا عماتي علياء وجاسميه واولادهم واولاد عمتي الثالثه يمنه وابوي جاب حطب وكسروا وشعل جمريه وعليها قوري الجاي المهيل وامتزجت ريحتو بريحة الخبز الحار وكعدوا بالطرمه يتدفون وامي جانت تخبز على التنور الطين واجه عمو خالد يهف وكف كدامهم وحجه.
خالد :- شنو رأيكم بهل الجو البارد نسوي جمعيه ونجيب سمج من هذا السماج ونكعد نشوي على هل جمريه ول شلون سمج يخبل.
لارين :- كلها التمت يمنه وجابوا سمج وابوي وخالد وكفوا بالحديقه يشوون جانت اجواء كلش حلوه اجتهم امي.
قسم :- الخبز ما يكفي محد كال راح تسوون هيجي وتجتمعون.
خوله :- انا عاجنه هسه اجيب العجين واخبزه هينه وعلى بركة الله.
ترنيم :- بقوا يسوون غده واحنه اني وريتا وميلا وحياة جنه نلعب شده يا ورد واجه وائل ابن خالتي حكيمه وعمو جويسم يريد يلعب ويانه.
وائل :- لاعبوني وياكم.
ترنيم :- عطت بي انت بنيه وتلعب ويانه مااحس اله جرني من كصيبتي واني بقيت اعيط وهو كتلني واجه بابا وعمو جاسم كتلوا وبابا شالني وعاط بي.
قاسم :- ممنوع تلزم شعره من بطتي اذبحك والله.
ترنيم :- بقيت اشاهك وابجي واخذنه بابا وكعدنه على السفره واني كعدت بصف دمار و وائل مقابيلي وبقيت خازرتو .
دمار :- اكلي كافي خازرته للولد.
ترنيم :- اني كاعده وهو يحجي من يمه.
وائل :- بس يروح ابوج للدوام اكتلج واشكك ملابسج.
ترنيم :- بابا اسمع يريد يكتلني ويشكك ملابسي ويطلع عيبي.
قاسم :- والله سجينه احميها واحطها على اصابعك بس تمد ايدك عليها.
ترنيم :- خلصنه غده وللمغرب كلمن مشى البيته وبقوا بيت علياء وبيت خالد يمنه صار الاذان وكلها توجهت تصلي واني صغيره ومااعرف اصلي وكفت بصف بابا وعمو خالد وعمو حسن اصلي وياهم اشو طولوا بالركعه واني تعبت ومااعرف شسوي فحطت واني مدنكه هم ساجدين واني ساجده وياهم وكلتلهم شوكت نكوم نوكف تعبت كملوا وكفوا واني كلتلهم هف همزين وكفتوا كملوا صلاه ولزمني عمو خالد يضحك ويعضني .
خالد :- شلووون حلوه ام خدود.
قاسم :- خالد فدوه كلشي ولا هاي بشرفك لا تعضها والله تأذيها عضهن كلهن اله بطه.
خالد :- كلهن مااعضهن واعض بطه والله اموت عليها واحبها اكثر من بناتي.
ترنيم :- اله ارجع واكول ال الله عليك اكله عمو يعضني.
لارين :- خلصنه عشه وبقن عمتي علياء وخالتي خوله ما قابلات على خطبتي.
علياء :- شلون تنطين بنتج يا قسم خاف يأذوها مال عيال هي وهم عائله ضخمه.
خوله :- مو حجينه عليها بس مااقتنعت.
قسم :- لا احسهم متغيرين مو مثل قبل.
لارين :-كتبت بورقه وصحت ترنيم توديها صح دنيا ليل والعذر جان ملابس مياسين توديهم تاخذين هاي الرساله توديها الحسام لا تخلين احد يشوفج.
ترنيم :- اخذت منها الرساله ضميتها وشافني بابا من دااطلع..
قاسم :- وين رايحه بطه؟
ترنيم :- بويه حروح البيت مياسين انطيها هذني الملابس مالتها.
قاسم :- البسي ملابس هواي بابا الجو بارد ولا تتأخرين واذا اكو ولد عمج بالشارع لا توكفين يمهم تره يكتلوج.
ترنيم :- رحت مثل الطياره ولكيت حسام بالشارع وكفت يمه.. امشي وديني الاختك.
حسام :- اخذتها ومشيت وصلت البيتنه طلعتلي رساله چن روحي ردتلي من شفت الورقه.
ترنيم :- هاك هاي دزوها الك انطيتها اله واخذت الربع منه ورجع ويايه وصلني لبيتهم وكال.
حسام :- هاي بيت عمج شعندهم يمكم شنو صايره عزايم وهاي.. كولي الاختج خل تطلع وره البيت يم شجرة التين محد يشوفنه ساعه بال12:00 وهاج هاي ربع اكراميه.
ترنيم :- اخذت الربع منه واني طايره طبيت جوه انطيت الملابس المياسين وجلبت بيه ام حسام.
ام حسام :- هاج هاي كليجه الامج وكليلها باجر اجيها اسلم على عمتج علياء.
ترنيم :- ودعتها وطلعت ورجعني حسام وهو يعيد الكلام عليه وطبيت جوه وحجيت الارين عن كلشي عن حسام جان اطب امي.
قسم :- شوداج على بيت ابو حسام؟
ترنيم :- بابا كلي البسي هواي وروحي ووديت الملابس المياسين بقينه نصفط حجي اني ولارين ولفناها عليها ولارين انطتني ربع وصارن عندي ثلاث ارباع... اكلج تره حسومي صار ينطي اكراميه.
لارين :- واذا توكفيلنه شويه وتراقبين انطيج الف واشتريلج هاي اللعابه التحجي وكل يوم امشطلج حلو.
ترنيم :- اني فرحت بفرحة طفله اي وتسويلي ظفيره وحده مااريد ثنين واريدج تسويلي ظفيره هنديه.
لارين :- صارت بال12 الكل نام وبقينه اني وترنيم كاعدات ادحك عليها طفت من النعاس ومددت تريد تنام كبل سحلتها للمغسله غسلت وجهه واخذتها ويايه يلا حبيبتي نروح والله اشتريلج لعابه.
ترنيم :- طلعنه وجان حسام ينتظرها راحتله واني بقيت اراقبلهم الطريق وهم بس يحجون ويبجون ويتعاتبون.
لارين :- ليش فرطت بيه حسام ليش ماحجيت انتظرتك تخرب الخطبه انتظرتك تجي ليش هيجي سويت.
حسام :- بدموع والله حبيبتي مو بيدي اذا اوكف بوجوهم اول شي يسوونه ينهي عليج ابن عمج وهل شي انتي كلتي وتتزوجون غصب.
لارين :- والحل شنو حسام اني احبك مااريد احمد مااريده.
حسام :- نار مشتعله بصدري والله لا تصدكين احد يأخذ مكانج انتي باقيه بگلبي.
ترنيم :- بقوا يحجون هواي وسمعت طركعه ورانه وحسام راح واجتي لارين بصفي وامي طلعتلنه.
قسم :- شدتسون هنا؟
ترنيم :- سويت روحي مختنكه واكح واصيح حمووت ماما ديعذبون بيه بالغرفه.
لارين :- حبست ضحكتي واحجي ويه امي.. اختنكت وطلعتها هنا تشتم هوى وبس تصيح ديعذبون بيه ادحك الترنيم تكح والدموع تجري لوهله صدكت التمثيليه مالتها طلعوا ابوي وخالد وعمتي علياء وعمو حسن والكل تخبلوا عليها ودخلوا انذار.
قاسم :- ولج بابا منو يعذبج؟
ترنيم :- دموعي تجري واصيح هم بالغرفه بابا يعذبوني خبلتهم وبابا اخذني ونومني بحضنو وانا افكر من وين اجتي هل كمية الدموع ههههه وثاني يوم تكافئت بفلوس من قبل لارين و عمو خالد راح جابلي شيخ يقره عليه خلوني كباله وبده يقره عليه ايات قرأنيه.
قاسم :- بشر شيخ شبيها؟
الشيخ :- مابيها شي بس هاي لان جهال يكتلوها تتخيلهم بالليل.
قاسم :- بس اصيح يعذبوني.
الشيخ :- والله ما بيها شي بس لان الجهال يكتلوها.
ترنيم :- ثاني يوم طلعت العب توكي واجه حسام يستفسر.
حسام :- ول توت كولي شصار ورايه؟
ترنيم :- خل لارين تفهمك انطاني ورقه رحت وديتها اللارين ورجعت اكمل لعب وهم التقوا ولارين حجتله عن كل شي وهو ما قصر راح جابلي لعابه تحجي تجنن وصرت اول وحده بالمنطقه تشيل هاي الاعبه طبيت للبيت.
قاسم :- منيلج هاي اللعابه؟
ترنيم :- عمو حسام جابها الي.
قاسم :- خوش بابا.
ترنيم :- مرن كم يوم لارين انطتني رساله اوصلها الحسام وشفت البنات يلعبون توكي وبقيت اضحك والعب ونسيت الرساله ونسيت كل شي كملت لعب ورحت الحسام.
حسام :- وين جنتي ليش تأخرتي.
ترنيم :- جنت العب توكي.
حسام :- هو وكت توكي هسه .. وين الورقه؟
ترنيم :- مااعرف.
حسام :- بعصبيه كلتلج الووورقه وين؟
ترنيم :- والله ماادري.
حسام :- والله از*** العافيه احجييي اكلتيها مو؟
ترنيم :- والله مااكلتها مااحس اله ضربني وهو يصيح عليه وما يصدك اني ما ماكله الورقه عطت بي اله اكول الابويه عليكم لزمني من ايدي حيل.
حسام :- شدكليله؟؟
ترنيم :- اكله عشاق الليل تتواعدون.
حسام :- مو اكله بنتك تجيب رسائل وتودي وهي تراقب النه واخلي يذبحج.
ترنيم :- عفته ومشيت خوفني وصرت مثل الميل اودي رسائل بهدوء وارجعهن بهدوء مرت الايام والليالي وبدوا يجهزون اللارين وهي بلا روح ادحك عليها مطفيه بالكامل واني ابجي عليها مااريدها تروح من عدنه.
لارين :- اجه موعد العرس وبيوم الحنه بس الدموع تلالي وخالتي تماضر سوده عليه حسبالك حست اني مو راضيه بهل زواج وبقت تحجي على امي لان هي ابد ما راضيه وجانت كلش معترضه.
قسم :- تماضر فدوه اضحكي لخاطري.
تماضر :- اضحك على سوالفج وكسران ركبة البنيه دشوفي شلون مختنكه.
لارين :- ادحك الخالتي تماضر وتذكرت موقفها من اجتي وعرفت انطوني البيت حكيمه.
تماضر :- انتي مشربيج نفط مخبله شلون تنطين بنتج الحكيمه شلون هيجي تتصرفين يا خبله انتي مو عشتي وياها ولعبت بيج طوبه بس مااتوبين.
قسم :- والله قاسم يكول علمود نتكارب ليش نضل هيجي.
تماضر :- سحبت نعالي من رجلي وشمرته على قسم امداااج يغبره خل التگارب يفيدج اذا ما رحموا بنتج.
لارين :- موقف خالتي تماضر ما ينسي ابد التموا العالم وكلها ادك وتركص واني احسهم يركصون على جروحي وافكر بحسام شحاله هسه خلصت حنتي وغيرت ملابسي ونسمع هوسات الولد وطب عليه حسام.
حسام :- بدموع الف مبروك بس مع الأسف.
لارين :- حجه هل جمله وراح بس منظره مايروح من بالي كسرته خذلانه نظراته دموعنه الي تحجي شعورنه كلشي نطبع بعقلي بهل لحظه لليل جان اخر لقاء بيناتنه وكفنه كبال بعضنه وبس دموعنه تسولف كمية الألم الي دنعيشه كالي كلماته الاخيره الي لليوم ما تروح من عقلي.
حسام :- شما سوو بيج ابقي قويه واوعدج محد يأخذ مكانج بگلبي.
لارين :- دموعي نزلت واني اشوفو شلون مر من كدامي وراح وحيلو مهدود بقيت كاعده بمكاني بجيت من خاطري ودخلت جوه مددت على سريري وانا افكر بباجر...
ثاني يوم جانت الزفه وبقيت ابجي بحركة مو هذا الي تمنيته ولا هذا الي ردته دائماً من نريد شي يصير عكسه شويه واجتي الزفه وانا كاعده ببدلتي البيضه ودخل عليه احمد وانا مختنكه باس راسي وكعد بصفي وشويه وطلعنه بالباب بابا استوقفه ووصاه عليه وانا كمت ابجي مااحس اله بابا اخذني بحضنو ويبجي ويايه.
قاسم :- احمد هاي امانتي صارت عندك اريدك تخليها فوك راسك وما تقصر عليها بشي هاي بنتي العزيزه اذا أذيتها بيوم انسى انت ابن اخويه وأذيك لا تخلي دمعتها تنزل ولا تأذيها.
احمد :- على راسي اخليها عمي.
جاسم :- على بختك شنو هل بجي تره هاي وينها يمك خطوتين.
ترنيم :- زفو لارين ودخل ابويه يبجي وخالتي تماضر كابلته وتبجي وياه.
تماضر :- حيل ما مرتاحه لهل قسمه شسويت بيها يقاسم شلون تخطون هيجي خطوه.
قاسم :- ضلت يم الله.
قسم :- كمنه نظفنه البيت اني وتماضر وخوله والبنات ورتبنه وعزلنه وكعدنه نسولف وتماضر وسوالفها كابلت خالد وقاسم والولد.
تماضر :- اكلكم شو حنيت الأيام عرسي ما تزوجوني.
سبتي :- حنيتي؟ والله. امشي نعقد بالجديد.
خالد :- ونزفكم مره ثانيه وجهالكم اشمروهم على قسم.
مياسين :- حسام انتهى وصار انسان ثاني ما نعرفو عصبي زياده عن اللزوم يدخن هواي ويعصب علينه وما قبل يروح العرس صديقو ورفض العزيمه بقى وحده بالبيت منهار ومنتهي رجعت من العرس من وكت لكيتوا شكل ثاني عيونو منتفخه والوجه صاير اسود من القهر والجكاير بيدو سمعنه صوت الطلق معلنه على زفاف حبيبتوا وصديقتوا وروحو هج من البيت وما اعرف وين اراضي.
حسام :- كعدت جوه شجرة الزيتون الجانت شاهده على حبنه وصداقتنه وصرت ابجي مثل النسوان الفاكده عزيز وانا اتذكر كل لحظاتنه والذكريات الي جمعناها من صغرنا ... بقيت اصرخ وابجي بصوت عالي وروحي ممروده واحس بركان بگلبي يسعر رفعت راسي للسماء اااااخ ( الليل بلون گلوبهم الفرقتنه) بقيت للفجر وألم بصدري ما ينوصف هيجي الواحد من ياخذون حبيبه يشلعون الگلب وياه ااااخ يا كسرتي.
مياسين :- بقيت للفجر انتظر حسام وانا الوب وين راح وخايفه لا يسوي شي بروحو شويه وطب مترب وشعروا مبعثر وشكلو وحزنو وكلشي بي يفطر الگلب اول ما شفتو دموعي نزلت دحك عليه وطب جوه حط راسو بحضن امي وكال.
حسام :- ياحسرتي اخذوها مني ما تهنيت بضحكتي وياها.
ام حسام :- اوويلي على گلبك يا يمه.
مياسين :- حسام انتهى وره زواج لارين صار انسان ثاني الهادئ الي ضحكته تارسه البيت صار عصبي نار والحزن ما يفارگ وجهه بيوم اسمع شهكاتو مشيت باتجاه غرفتو واسمعه مشغل اغنيه ويبجي وياها ويشرب جكاير جان كل كلمه بهاي الاغنيه تجرح الانسان وتفطر گلبو وهو يدندن وياها ودموعو تنزل ودموعي تنزل عليه وعلى حالتو الي وصل الها .
حسام :-
گوه گوه جبــرونا نتفــارگ گوه گوه
وانا وياه من المحبة صرنا الهم احلى غنوة
انا بديرة وهي بديرة گلبي بحيرة وهي بحيرة
گوه گوه ....
جنت احبها وهي تحبني والعشگ لايگ علينا
جانت تسميني حبيبي وانا اسميها الحنينية
واللي جبرنا نتفارگ وياهم احنا شجنينا
سنتين انا وياها نتحضر على الزواج احنا نوينا
تالي جتنا غيمة سودة ضيعت كل امانينا
واللي جبرونا نتفارگ وياهم احنا شجنينا.
مياسين :- الله يصبرك يا خويه ويجبر بخاطرك كافي حبيبي ارجع الحياتك وربك يعوضك.
حسام :- ماردت شي جبير والله ما ردت ردتها بس هي وراحت مني.
مياسين :- اوووف يصبرك الله خويه عفته بحزنه وطلعت وبقى على هل حال ايام وليالي اله ما بيوم دز عليه عمو قاسم يريد حسام يساعده لان عازم لارين وعيالها مارفضلو طلب وراح.
لارين :- بيوم الزفه شبعت بجي وانتهيت ومنعت احمد ان يتقربلي وكلتله والله تره سوالف اهلك واهلي انا ما ردت هل الزواج.
احمد :- هاي هي من تكونين جاهزه وشوكت ما تقبلبن اني اتقربلج راح اتقربلج مااجبرج على شي ما تردي.
لارين :- شكرته وغيرنه ملابسنه ونمنه من التعب هو بطرف وانا بطرف احمد كلش حباب ومحترم يختلف عن اهله بس اني گلبي هاوي غيره ومااكدر اتقبله للصبح كعدنه واجتي حكيمه دكت علينه الباب كعد احمد.
احمد :- اسمعي لارين اي شي تسألج امي عليه كوليلها كلشي تم وشي ثاني كلشي يصير هنا بالغرفه يبقى بيناتنه وهساعين انا اكوم احاجيها انتي لا تحجين شي خوش.
لارين :- هزيت راسي بااي اخذت كلابيه مال صباحيتي ودخلت للحمام وعفته يسولف ويه امه بس اسمعهم ابتسمت لان حسيتوا متفهمني.
حكيمه :- وينو نيشان مرتك؟
احمد :- هذا الشي بيني وبين مرتي ما يصير تتورجون عليه وانا مااقبل تدحكون شي خاص بينه احنه الاثنين.
حكيمه :- ها يبن بطني بعدك اول يوم وگلبتك علينه.
احمد :- انا ما حجيت شي غلط هل الشي الطلبتي خاص بمرتي وانا مااريدكم تشوفون اي شي وانا شويه ونازل ويه لارين.
لارين :- بوقتها هل شي ما عجب خالتي حكيمه وانا اخذتلي كم يوم ورحت الاهلي وبدن خالتي تماضر وامي وخالتي خوله يحجن عليه لان ما خليتوا يتقربلي و حسام ما نسيتوا ابد ونفس الوقت ما كدرت احب احمد كحب زوج وزوجته بس احترمه وااقدره لان هو ما مقصر بشي ويايه نتعامل طبيعي كدام اهلو ونشاقه ونضحك بس من ندخل للغرفه كل واحد بعالموا مرت فتره وابوي عزمني وانا هسه كاعده اتحضر علمود اروح عندهم.
حسام :- رحت العمي قاسم وانا روحي مو الي واساعدو بالشغل وهو انتبه عليه.
قاسم :- ها يول شو مو على بعضك اخاف عاشگ؟
حسام :- كسروني واخذوها مني احبها اكثر من روحي بس ما كدرت احافظ عليها.
قاسم :- ليش ما حاربت عن حبك ليش تنطي حبك لغيرك .
حسام :- بگلبه( اخ لو تدري اقصد بنتك) عمو ادعيلها الله يوفقها يسعدها بزواجها ما مقسومه الي بس صدكني محد يأخذ مكانها بگلبي ولا اخلي مره تجي بدالها.
قاسم :- الله يصبرك ياعمو.
ترنيم :- وره عزيمة لارين بكم يوم جنت العب بالشارع وصاحني حسام رحتله وانطاني ورقه اوصلها اللارين اخذتها منو ورحت البيت عمو جاسم دخلت عليهم سلمت ولارين كبل اخذتني الغرفتها انطيتها الرساله بس شافتها دموعها كامت تنزل عفتها ورجعت.
لارين :- فتحت الرساله جان كاتب.
رسالة حسام :- كسرتيني بزواجج تمنيتج الي بس ما مقسومه الي الله يسعدج بس صدكي ما راح انساج ولا اخلي غيرج بگلبي تبقين حبي الاول والأخير.
لارين :- بكل كلمه اقراها اشبع بجي وياها منا وانتهت كل صله بيني وبين حسام الصداقه والحب والطفوله كلها انتهت وبقت بس الذكريات مرت فتره لا انا شايفتو ولا هو شايفني اجه على سلام وكاعدين بالحديقه سويتلهم جاي وانا الحسره بگلبي والوجع كلش جبير صبيتلهم جاي وشلت الصينيه علمود اقدم الهم لان الكل يعرف انا وحسام اصدقاء من الطفوله لهل سبب يسمحولنه حتى نكعد سوه دامشي واسمع سلام يسألوا.
سلام :- شبيك يول شو صارلك فتره متغير؟
حسام :- بدموع كسروني بيها اخذوا حيلي من اخذوها.
لارين :- بس حجه هيجي انا صرت ابجي واشاهك وياه وسلام بسرعه التفت عليه وبقى يدحك بيني وبين حسام وحسام يدحكلي واشوفوا شلون متغير قدمتلوا الجاي وانا دموعي تنزل وكتلوا الله يفرح گلبك وينسيها الك عيش حياتك الله يعوضك بوحده تحبك وتصونك .
حسام :- مااكدر افكر بغيرها هي اخذت روحي وراحت.
لارين :- عفتوا ومشيت وانا منتهيه على حظنه.
سلام :- الله يسهل وتنساها بس كلي يول شوكت نروح نلعب طوبه والله كلما انزل من الدوام الكاك جنك وحده ارمله وعدها سبع فروخ وحايره بعيشتهم.
حسام :- اسكت يول ماتدري شكد متأذي صاير مثل بلاع الموس لا اكدر اطلعه ولا اكدر ابلعه هيجي احساسي ول ادمر من اشوفها ويه رجلها حرموني منها انا دوختك اترخص.
لارين :- جنت واكفه بالمطبخ وعيوني حمر ودخل عليه سلام ارتديت ليوره وانا خايفه منو اخاف عرف بينه انا وحسام دحك بوجهي وجان يكول..
يتبع...
قراءه ممتعه احبتي.
_________________________
مرحبا حبايب شلونكم شخباركم مشتاقين كلش هواي طولنه عليكم كلش هواي وبأسمي وبأسم ابطالي اعتذر منكم على التأخير بس الظروف حكمتنه وتأخرنه هذا البارت جنه مقررين ينزل بعد البارت العاشر مباشرة بس صار ظرف وماكدرنه نكتب ولا ننشر اي شي اتمنى تعذرونه وقصة ترنيم وما ادراك ما ترنيم من بعد موافقة البطله نفصلت القصه عن قصة غيهبان وصارت وحدها لان احداث ترنيم كلش هواي وعدنا ابطال بهل قصه احداثهم ايضاً هواي الي اطلبه منكم حبايب تظيفون قصة دمار 427 لمكتبتكم لان هي الجزء الثاني لقصة غيهبان.