غَيْهَبَان
بقلمي ساره الشمري
لا تنسون تصويتكم ⭐ وتعليقاتكم ♥
اذكروا الصلاة على محمد وآل محمد
للأجر لي ولكم استغفرالله ربي واتوب اليه
سبحان الله
الحمدالله
لا آله الا الله
الله أكبر
لا سَرك مِثل يُوسف واشمُرة بَبير
ولا أگدر اضُم اليَحترگ بَيه
حُبَّك وين تالِيه؟
جالسه تحت شجرتنا المفضله القريبه من المنزل استمتع بأاجواء منطقتنه وخضارها وزقزقة العصافير الجميله غلقت عيناي وانا استمع للخطوات التي تقترب مني من الخلف واتذكر حالتي منذ ايام شعور غريب يراودني هذه الفتره لم اشعر مثله من قبل ولا اشعر بعده ايضاً لا اعلم ماذا يحدث لي قلبي يخفق بشده وحالتي غريبه لا اريد ان اصدق الشيء الذي يجول في داخلي جلس بجانبي وهو ينظر داخل عيناي بعيون لامعه ومليئه بالحديث ابتسمت في وجهه شلونك حسام؟
حسام :- انا زين من ادحك ضلج.
لارين :- بخجل بقيت ادحك بوجهو اكو حجي بداخلك كولو.
حسام :- باابتسامه رسمت على ثغره اريد اكلج شي بس اريدج تفهميني ولا تتسرعين ابد اخذي وقتج بالتفكير بعدين قرري.
لارين :- حسيت گلبي يريد يطلع من صدري ورجليه نملت واكو شي بداخلي متحمس للحجي الي راح يكولو حسام احم اي كول اسمعك.
حسام :- لارينه انا احبج واموت عليج من الصغر كلما احاول اعتبرج اختي مااكدر انا متعلق بيج احبج واريدج.
لارين :- لا فدوه حسام بابا ما يقبل وماما تذبحني لو عرفت.
حسام :- والله يبقى سر بيناتنه لا تخافين.
لارين :- احنه اصدقاء مو مال حب انت صديقي الوحيد ما اريد صداقتنه تخرب.
حسام :- ما تخرب وداعة عيونج.
لارين :- كمت من مكاني وانا متوتره واحجي بتوتر انا اروح نتشاوف بعدين.
رجعت للبيت وانا افكر بمشاعري اتجاه حسام انا احبو نفس ما هو يحبني بس اخاف من امي لو عرفت تذبحني بقيت صافنه واوزع ابتسامات والفرحه الي بداخلي ماابدلها بكنوز الدنيا.
إيفاء :- ضحكينه وياج.
لارين :- هيجي ماكو شي تذكرت موقف وضحكت.
إيفاء :- جنتي يم حسام؟
لارين :- اي ما طولت ورجعت.
إيفاء :- خوش.
لأرين :- شبيج يول.
إيفاء :- لا رد.
لارين :- عفيه بيت ما تخلون واحد يفكر وحدو اله تكطعون عليه سلسلة افكاروا.
قسم :- لاريييين.
لارين :- كولي ماما.
قسم :- تعالي ساعديني حبيبتي.
لارين :- ماما شوكت يجي بابا اشتاقيتلو؟
قسم :- ان شاءلله بعد كم يوم ويجي.
لارين :- بقيت اسبوع افكر بكلام حسام وانا بداخلي فرحانه واحس بفراشات طايره ببطني شعور حلو عشتوا خلال هل فتره وقررت اروح للشجره مالتنه لان صارلي اسبوع ما شايفتو ولاشايفني لبست ورتبت نفسي وتعطرت وطلعت اتمشى وصلت لشجرة الزيتون ولكيتو كاعد بمكانو ابتسمت وكعدت بصفو.
حسام :- هيجي انطاج گلبج تختفين اسبوع حتى خيالج ما شفتو ليش يا بنت الناس.
لارين :- والله جنت خايفه.
حسام :- لا تخافين وانا بظهرج اتمنى قررتي بهل فتره لا تعلين گلبي كولي.
لارين :- حسام انا مااريد اخون ثقة اهلي.
حسام :- على راحتج بقينه نسولف ونضحك احس براحه وشي بداخلي يريد لارين انا حبيتها من الصغر وما رايد غيرها ولا گلبي يهوى بعدها وحبها بداخلي يبقى للموت يدوم واخذوا وياي لقبري لارين الشي الحلو بحياتي من بعد اهلي هي كل اصدقائي وافضلهم ماعدا ابن عمها سلام صديقي واخوي الي طبتي وطلعتي كلها وياه . اذا ما تحبني عاذرها بس نظرات الحب الي بعيونها من تدحكني تأخذ گلبي لارين جميله وعيونها تسحر وتجذب وانا اخاف تروح مني وما اتحمل بعدها عني بقيت اسولف ومندمج وياها وفاجئتني بكلامها الي منتظروا من ايام ضحكت ومسحت على شعري بيدي وانا ما مصدك الي صار هساعين. عيدي شنو كلتي لارين؟
لارين :- احبك والله احبك بس اخاف تروح ودكول الأمي وتذبحني ، أمي ما تقبل احب دكول بعدج صغيره.
حسام :- لا ابد ما اكول سر هذا لا تخافين.
لارين :- بقينه نلتقي كل يوم جوه هاي الشجره مرت فتره على علاقتنه وصرت اطلع التقي بحسام بكامل اناقتي وعطري والفرحه منوره وجهي وبيوم جنه كلنه كاعدين سوه وانا بعالم ثاني صرت اصفن هواي واسرح بمخيلتي واحلامي البسيطه الي هي بس شوكت انجمع ويه حسام واصير بااسمو حسام حبيبي وروحي وصديقي وبير اسراري وكل الناس تعرف صداقتنه بس الحب بيناتنه وانا ساحبه خصله من شعري وافر بيها وماادري بالعيون الي ادحك عليه رجعني من شرودي للواقع صوت امي.
قسم :- لاريييييين.
لارين :- نفضت راسي من الافكار وكمت ابلعم ها ماما شتردين.
قسم :- وين صافنه شبيج شصاير وياج وضعج ما عاجبني.
لارين :- لا لا م م ماما م ما صاير شي.
قسم :- والله گلبي ما مرتاح.
لارين :- اجه ثاني يوم وبدلت وتأنقت اخر حبه وطلعت وتلكتني امي قبل لا اطلع.
قسم :- ويننن؟
لارين :- ماما رايحه لحسام.
قسم :- سحبتها من ايدها ماما اسمعيني حبيبتي.
لارين :- كولي ماما.
قسم :- وضعج ما عاجبني ماما بيج شي شو احسج مو على بعضج هل ايام احجيلي كلشي انا امج بير اسرارج لا تثقين بأاحد غيري.
لارين :- صفنت عليها وباوعت على رجليها لابسه شحاطه وانا اردد بداخلي اذا احجيلها هل زوج يتكطع على راسي.
قسم :- وين صفنتي ماما؟
لارين :- لا ماما ماكو شي.
قسم :- خوش عجل روحي بس لا تتأخرين .
لارين :- طلعت بسرعه رحت الحسام وانا من الخوف صار عندي رعشه.
حسام :- شبيج حبيبتي؟
لارين :- ول ماما شكت بيه والله لو عرفت تموتني.
حسام :- انا هساعين اروح الها واكلها خاله بنتج تحبني ولازكه بيه وانا ما احبها هي تتلزك بيه ودكول حبني.
لارين :- حسام يحجي وانا گلبي يتگطع ودموعي حسبالك جمر وينزل على خدودي كمت اشاهك وابجي واحجي واصرخ عليه مو صوجك صوجي انا الثقيت بيك يا كلب يا حقير ، انا خبله واصدك بيك واحبك بس بعد ماااااحببببببك الله ياخذني اذا اجي اشوفك عفته وردت امشي.
حسام :- اسف حبيبتي والله مو قصدي داشاقه وياج شبيه خبل اكول حرف عليج بس والله احب اشاقه وياج واريد اشوفج شلون تضوجين.
لارين :- عفته ومشيت زعلت منو ودخلت جوه وهو صاح ورايه راد اوكف ما وكفت غسلت وجهي وكعدت يم امي.
حسام :- ضحكت بصوت على خبالات لارين وعفت مكانه ورحت لبيت سلام طبعاً بيت اهل سلام مابي سياج ومن نكعد بالحديقه نشوف الشارع واليمرون طبيت كعدت بالحديقه واجه سلام.
سلام :- يا هلا بالعاشگ الولهان انجفيت على وجهك وحبيت.
حسام :- بگلبه اخ لو تعرف عاشك بنية عمك ، تعال خويه اكعد.
سلام :- شفت **** ول البارحه شفته واكف ويه بنت *** جيرانه ولا يستحون ما يخافون واحد يلكفهم وتنحجي حجايتهم.
حسام :- انا خايف تكعد تراقبني ودكوم تعير بيه.
سلام :- لا اثق بيك ما اراقبك انت ماعندك هاي السوالف مال تروح وتكعد يمها وتحجي.
حسام :- بضحك اي اي الله يبعدنه هلا بااخيتي وهلا بالجاي.
اخت سلام :- جاي وجذب وجكاير هي هاي الفالحين بيها.
سلام :- اجي اكنس وياج لو امسح قابل شنوو تردين اسويلج.
اخت سلام :- انتو ابقوا خوثه وتحجون على الرايح والجاي وتكصون بفلان وعلان هذا مشيتوا مو عدله هذا يدحك للسما هواي وهذا هيج حالتوا شوكت تبطلون هل سوالف ماادري.
سلام :- احنه هم ما ندري ههههههههههه.
بغداد.....
الجكاره بيدي وصوت صدأ الحديد المزعج اخذت نفس من الجكاره ونفخته بوجه المتهم شنووو ما تعترف اليوم؟
المتهم :- ماعندي شي اعترف عليه؟
خالد :- احجيييييي انت فجرت مكان *****.
المتهم :- لا مو اني.
خالد :- ما تخافون الله بأاسم الدين تقتلون الابرياء كم عائله بعائله نفجعت كم طفل تيتم كم شاب قتلتوا وهو طالع يسترزق احجييييييي شلون فجرت السياره المفخخه على الناس الابرياء احجييييي.
المتهم :- م م ما فجرت اني ما ما سويت شي.
خالد :- وداعة مرتي وجهالي اذا ما تعترف استخدم وياك طريقه ثانيه تنسيك حتى اسمك احجيييي.
المتهم :- لا رد.
خالد :- انت اختاريت الطريقه الثانيه اني اروح ارتاح ومن ارجع اتفرغلك وانت فكر لان انا رايح افكر شلون اعاقبك.
قاسم :- بعد سقوط النظام رجعنه للجيش الي كان بأسم الحرس الوطني وانا بقيت على شغلي ضابط تحقيق بس ترفعت وصرت نقيب بيوم صار انفجار سياره مفخخه ببغداد والقينه القبض على احد المتهمين الي بيد خالد يحقق وياه ندفعت باب المكتب ودخل خالد.
خالد :- كوم قاسم.
قاسم :- هذا لسه مااعترف؟
خالد :- كوم سويله اغراء بلكت يشوفك ويعترف.
قاسم :- شلون اروح اركصله؟
خالد :- اي هاك هذا حزام شده واركصله.
قاسم :- ضحكت انت ارتاح انا رايح احقق وياه عفته ودخلت لغرفة التحقيق خلصني شوكت تعترف مو طلعتها الروح خلودي.
المتهم :- وشلون اعترف وذاك يفكرلي بعقوبات وبس يصيح.
قاسم :- يلا كتهن وحده وحده ادحك عليه اعترف والجندي المساعد يكتب الافاده مالته كملنه وكمت انطيته راشدي صفرت اذنه هاي لان تعبت خلودي.
لارين :- مرت ثلاث ايام ورحت للشجره التقيت بحسام وبقى يغنيلي انسى العالم لرواد جواد.
حسام:- انسى العالم كله انساه
من تكون بحضني انساه
فكر بيه شلون تحبني
و بكل قوتك من تحضني
الي يذوب يذوب الحاله
و الي يموت الله وياه
لارين :- والله صح انسى العالم من اجي يمك بس مو بحضنك عيب حسحوسي.
حسام :- شواربي بطولج حسحوسي شنو؟
لارين :- عجل غير ادلعك.
حسام :- من اروح فدوه لليدلع.
لارين :- بقينه شويه نسولف ورجعت للبيت وخالتي تماضر لكيتها كبالي.
تماضر :- وين جنتي دايحه بس لا صايره تتمعشكين؟
لارين :- هي بس حجت هيجي بلعت العافيه وجمدت بمكاني وحسيت الدم راح من وجهي ونخطف لوني وبقيت صافنه عليها وانا اردد بداخلي هاي بس لا شافتني عززه رحت بالرجلين والله.
تماضر :- ها يول بس لا صدك.
لارين :- لا خاله شنو عشگ لا والله جنت يم مياسين نحجي هيجي على البيت والشغل والجهال.
تماضر :- يول جنج امج ما يعبرن عليه.
لارين :- لا والله خاله ماكو هيجي شي دنحجي وطبت امي سكتنه ثنينه واجتي خاله خوله واليوم يباتن يمنه وبدت تعلولتهن الحلوه الي ما ينمل منها وبدت خاله تماضر تشاقه وتضحك وتسولف على عيالها.
تماضر :- ول قسم انا خبلت عيالي وحمواتي من يجن ناصبه عليهن.
قسم :- يول توبي من سوالف مو صار عندج كوم جهال ولساج على سوالفج الملطلطه.
تماضر :- دسمعي اجني حمواتي وانا بالبدايه استقبلتهن حسب الأصول وبعدها كلتلهن انا اخذت اخوجن اريد اصير حقيره واخربه عليجن بس گلبي ما ينطيني اكول خطيه هن وعمتي دكلي هو وين اكو منج.
قسم :- يولي هسه السانج يعم عليج.
تماضر :- كلهن يحبني ويموتن عليه قابل مثل الحيايه اليمج.
خوله :- الله وكيلج عايشين ومتونسين بحالهن احنه.
تماضر :- ههههههههههه هسه يركعوجن كل وحده مره وذاك الوكت تونسن خوش ونسه.
علياء :- بعد زواجي من حسن كلشي تغير نحو الأحسن حياتي صارت تجنن ومخلصتها طبه وطلعه وونسه وحتى شخصيتي تغيرت نحو الأحسن صح ظروف بغداد تعبانه بهل سنوات الأخيره والرعب بداخلنه والواحد صار يطلع ويخاف ما يرجع بس كل هذا وحسن مدللني وما مقصر ويايه بشي بس اشتاق لقسم والبناتها وولدها الاثنين كرار وباقر الي نولد ب ٢٠٠٦ وصار اخر العنقود كلش احن الديرتي واهواها بس كل شهر لو شهرين اروح الهم وقاسم حبيبي واخويه الحنين الي ما زالت حنيتو تفوق كلشي وكل يوم ياخذ زمنيه ويجي يسلم عليه ويشوفني اذا محتاجه شي لولا،
يكولون الاخ من يتزوج ينسى اهلو واخواتوا ويبقى حاير بمرتوا وجهالو بس الحقيقه الاخ من يتزوج اصيله هي تحببوا باهلو وناسوا ما راح يكدر ينسى خواتو قسم انسانه طيبه وقاسم انسان طيب واستحق يتزوج ثمرة الطيب قسم رب العالمين كال الطيبون للطيبات وهذا الي صار من تكون طيب مع المقابل راح تحصل ثمرة طيبتك نفس ما يكولون اهلنه شتزرع تحصد تزرع طيب تحصد طيب تزرع خبث تحصد خبث بعمر الطيب ما حصد خبث ولا الخبث حصد طيب كن محبوب لدى الناس بافعالك الطيبه ومحبتك للناس وحب الخير لأخيك كما تحب الخير لنفسك.
قسم :- كاعدين وندكت الباب كمت فتحتها جانن نسوان جاراتنه رحبت بيهن ودخلتهن بالأستقبال وكعدت شويه وصحت على لارين جابت الضيافه وهن عيونهن اكلت بنيتي وانا صرت اقره المعوذات بصوت ناصي واشرت البنتي تطلع دحكت عليهن وبلشن يحجن.
لارين :- بقينه وره الباب انا وإيفاء نتسمع شنو يحجن بس الي صدمني المره خطبتني الابنها.
المره :- ونحن ما نلكه احسن منكم نناسبكم شكلتي؟
قسم :- والله خيه مااعرف شكلج بس بنتي صغيره مو مال زواج ولا مفكرين نزوجها اعتذر منج اتمنى تلكون المره الي تناسبكم.
لارين :- بعد رفض امي طلعن النسوان وابوي بعد معرفته بالخطوبه اجاني وكعد ويايه.
قاسم :- بابا لارين.
لارين :- نعم بابا.
قاسم :- بابا بعد لا تروحين وتكعدين يم حسام عيب صرتي جبيره والناس اطلع حجي مو حلو عليج ويخربون سمعتج.
لارين :- صار بابا كمت للغرفه سحبت ورقه وكتبت بيها حسام بعد ما نكدر نتشاوف بابا ما يقبل يكول الناس اطلع حجي وانا اكول بين فتره وفتره نلتقي افضل صفطت الورقه وصحت الترنيم الي كبرت وصارت صف اول ابتدائي وبريدي المتنقل.
ترنيم :- ها.
لارين :- بقيت اتلفت بقلق وخوف اسمعيني توت هاي الورقه تروحين تنطيها الحسام بس لا تخلين احد يشوفها بيدج ديري بالج.
ترنيم :- ربع واروح.
لارين :- هاج هو انتي يا يوم تسخرتي ببلاش كله بمقابل.
ترنيم :- عجل تردين اتعبيني ببلاش ... اخذت الربع منها ولارين صفطت الورقه وحطتها بيدي وحطت ايدي الثانيه فوكاها وشبكت اديني ورحت اركض ووصلت الحسام هلووو حسام هاي الورقه دزتها لارين هاك وانطيني ربع .
حسام :- طير الزاجل مالتنه يستاهل الربع هاج.
ترنيم :- بقيت اوصل رسائل بين لارين وحسام وبيوم الي ما الكه حسام احط الرساله بحلكي وارجع للبيت علمود محد يشوفها صح جنت صغيره وماافتهم بس واعيه واعرف هل شي لازم محد يشوفه وبيوم جنت حاطه الرساله بيدي واركض اريد اروح الحسام وتلكاني ابن عمي سلطان كلش خفت ووضعي تخربط وحرت شأسوي وحسام ينتظرني بقيت بين نار حسام وبين الموقف الي كدامي قبل لا يوصلني ابن عمو حطيت الرساله بحلگي واكلتها وبلعتها وعفت ابن عمي وركضت الحسام لكيته واكف.
حسام :- ها توت شو تأخرتي ، وين الرساله؟
ترنيم :- مو تلكاني ابن عمو سلطان.
حسام :- بس لا شافها بيدج؟
ترنيم :- ها.
حسام :- الرساله وين؟
ترنيم :- اكلتها.
حسام :- ههههههههه الحمدلله والشكر صرتي تاكلين ورق.
ترنيم :- غير من وراكم اكلتها راحت ابطني.
حسام :- بضحك يلا خوش روحي.
لارين :- مرت فتره على علاقتنه انا وحسام واول مره ندخل عام جديد واحنه عشاق كل مره بس اصدقاء صرنه نلتقي بالسر بين فتره وثانيه وكل مره اطلع عذر شكل لأمي واليوم اخذت ترنيم ورحت اشوفو وصلت يمه توت حبيبتي انا رايحه اكعد يم حسام انتي شوفيلي اذا يجي احد صيحيلي نرجع .
ترنيم :- اي خووش دحكت على لارينه راحت وانا بقيت بمكاني اراقبلها الوضع وكالعاده لازم بمقابيل البلاش ما يشتغل عندي.
حسام :- اشتاقيتلج يا عيون الريم.
لارين :- انا الأشوق حبيبي شلونك؟
حسام :- انسى العالم كله انساه
من تكون بحضني انساه
فكر بيه شلون تحبني
و بكل قوتك من تحضني
الي يذوب يذوب الحاله
و الي يموت الله وياه.
لارين :- ما مليت من هاي الاغنيه؟
حسام :- لا ما امل احسها تحجي عني وتوصفني من اجي يمج واشوفج احس براحه انا عاشگج عشگ بس الله يعلم بي.
لارين :- انا احبك حسحوسي اموت عليك وانت الوحيد الي اتصرف وياه بدون قيود.
حسام :- الله يوفقني واجي اخطبج بس خل تسهل عليه.
لارين :- وانا باقيه وانتظرك حبيبي.
ترنيم :- ساعه واجتي لارين وعفنه حسام ورجعنه للبيت وهو راح البيته.
مياسين :- وضع حسام كلش تغير خلال هل فتره احسه عاشگ واليوم طب علينه وهو فرحان ويغني انسى العالم كله انساه.. الدنيا ضاحكتلك خويه؟
حسام :- ههههه اي.
مياسين :- الله يديم الضحكه عليك خويه.
حسام :- محتاجه شي حبيبتي انا رايح السلام.
مياسين :- سلامتك عمري.
سلام :- جنت كاعد واجاني حسام يدندن وفرحان والله خبصتنه.
حسام :- انسى العالم كله انساه
من تكون بحضني انساه
فكر بيه شلون تحبني
و بكل قوتك من تحضني
الي يذوب يذوب الحاله
و الي يموت الله وياه.
سلام :- خاب دطير هي مال عشگ بهل زلك.
حسام :- اي انا عشگتها وميت بحبها.
سلام :- ضل بهاي سوالفك.
قسم :- ماما لارين سوي اكل الخواتج والاخوانج انا وابوج رايحين البيبيتج ديري بالج على خواتج وانتي إيفاء ممنوع تأذين خواتج فهمتي نروح ونرجع ما نتأخر.
لارين :- خوش ماما راحوا اهلي وبقيت انا بالمطبخ اسوي اكل كملتو وصبيتو وإيفاء لا تحل ولا تربط وما تساعد بس كاعده وتتأمر جبت الاكل وحطيتو كدامهم وصيحت لأخواني وخواتي حياة وميلا وترنيم ثلاثتهم مدارس وانا وإيفاء تركنه الدراسه وما رجعنه الها كملنه اكل وكمنه وبقت الصينيه.
إيفاء :- تعالي شيلي الصينيه توت.
ترنيم :- ماا.
إيفاء :- عطت بيها شنوووو بكيفج ماااا يلا كومي شيليها لا اكطعج.
ترنيم :- كلتلج مااا وبس يجي بابا اكوله عليج مااحس اله جرتني من شعري وبقت تضرب بيه وانا اصرخ جوه ايدها واجتي لارين سحبتني من جوه ايدها وعاطت بيها.
لارين :- اسكتي حبيبتي هسه يجي ابويه وكليله عليها.
ترنيم :- بقيت بحضن لارين ابجي وهي تسكت بيه بعدين غسلت وجهي وانطتني فلوس اشتري وطلعت العب ويه الجهال وللمغرب طبيت تلكتني إيفاء.
إيفاء :- توت.
ترنيم :- لا رد.
إيفاء :- فدوه توت اجه ابويه لا دكولين اله والله يكوم يصيح عليه ويرزلني لو عرف انا كاتلتج خليها بيناتنه وبعد مااضربج .. بس الابويه وامي لا دكولين خوش.
قسم :- وصلت البيت اهلي لان هم عدهم بيتين واحد بالانبار واحد ببغداد وسكنهم بين بغداد والانبار لهل سبب نحن نحجي بلهجتين واليوم هم جايين للأنبار ورحنه و لكيت دمار اخذتوا بحضني احبو هل ولد رغم اذيتو بس من دون جهال اخوي هو بگلبي اووف اشتاقيتلك حبيبي.
دمار :- مشتاقلج هواي عمه شلونج؟
قسم :- انا بخير كلي انت شلونك ويه المدرسه؟
دمار :- انا زين تعرفين متوسطه اريد المدرسه تخلص علمود اجي يمكم.
قسم :- هلا بيك حبيبي.. طبيت جوه على امي باوستها وكعدنه نسولف ودمار راح لصديقو جسار.
دمار :- ول شلونك والله مشتاقلك؟
جسار :- رحبت بدمار وكعدنه نسولف ونضحك دمار صديقي واخوي من الصغر رغم فارق العمر بيناتنه شفتوا يدحكني ... ها يول شنو براسك احجي؟
دمار :- اكلك تروح نورط الجهال ونخليهم يشربون جكاير؟
جسار :- بشيطنه اي ليش لا نورطهم ونضحك عليهن خل اكوم اجيب جكاير من ابوي ونوزعلهم.
دمار :- بكنه باكيت الجكاير مال عمي ابو جسار وكمنه نوزع على الجهال بس مع الأسف لا تأتي الرياح كما تشتهي السفن الجهال فتنوا علينه وراحوا العمي ابو جسار وحجوله كلشي واخذنه عمي بغرفته كطعنه تكطع وشغل جكاره وطفاها بدينه علمود يتوبنه من الخباثه رجعت البيتي وجسار بقى بيته وانا متحلف بالجهال اله اكتلهم ثاني يوم هم طلعنه انا وجسار وشفنه الجهال وركضنه وراهم الي يوكع بدينه لو نكتلوا لو يشتريلنه وكالعاده يفتنون علينه وننضرب ونكعد نعتذر من ابوي ومن عمي ابو جسار.
ترنيم :- مرت فتره واجتي العطله وانا العب ويه الجهال بره ودمار جوه بالبيت نكمز ونلعب ومااحس اله الجهال هلسوني وكطعوا شعري ورجعت للبيت ابجي.
دمار :- ها توت شبيج؟
ترنيم :- بدموع دمار الجهال هلسوني وكطعوا شعري.
دمار :- طلعت تعاركت ويه الجهال ودافعتلها وحذرتهم اذا احد يتقربلها اموته... بعد لا تسوين هيج كصايب يغارون منهن.
ترنيم :- يحجي ويايه وراح على امي رزلها.
دمار :- عمه بعد لا تسويلها هيج كصايب طوال لو تكصين شعرها.
ترنيم :- لاااااا لااااا لا ما اكصه بعد اسوي كله كصيبه وحده واخلص منهم.
دمار :- اذا كتلوج لو هلسوج من شعرج اكصه الج.
لارين :- مرت سنه على علاقتنه انا وحسام وثنينه طايرين من الفرح ونخطط احلامنه وكلشي الي نتمنى نسوي من اكون وياه احس بشعور غريب راحه وطمأنينه غزله المختلف الي صوته من يغني انسى العالم صدك انسى العالم من اكون وياه احس بس اني وياه بعالمنه الخاص الحلو لا دكولون صغيره وشلون حبيتي هذا الحب ... انا ما عرفت الحب ولامعناه بس ويه حسام طفولتي حسام مراهقتي حسام كبرت كبال عينه وكبر كبال عيني.
لا تقل لي صغيره بالعمر
فمشاعر الحب هي التي تجلب
العشق
والغرام
والهيام
فانا مجنونه بمن اهوى
كل شيء أنساه إلا حبه
كاعده يم حسام جوه شجرة الزيتون الي صارت شاهده على هذا الحب الجميل دنحتفل بشكل بسيط على مرور عام واحد ونحن احباب وكف حسام.. ها راح تروح؟
حسام :- باابتسامه لا كومي اوكفي ويايه.
لارين :- لحد الان ما افتهمت شتريد تسوي كمت وكفت وياه طلع اداة حاده صغيره وصار يحفر بالشجره او حرف من اسمه واول حرف من اسمي H+L ابتسمت هاي الشجره تبقى طول العمر شاهده على حبنه.
حسام :- واذا تزوجنه وصار عدنه اطفال نجيبهم ونكعد جوه هل شجره.
لارين :- بخجل ان شاءلله .. يلا انا اروح اشوفك بعدين.
حسام :- الله وياج حبيبتي.
لارين :- اخذت ترنيم ورجعت للبيت وتفاجئت بوجود خالتي حكيمه يمنه شعدها مااعرف وهي اساسا تكرهنه وما تحب امي وهسه كاعدات ويسولفن.
حكيمه :- قسم انا جايتج اليوم بموضوع خير وما اريدج ترديني.
قسم :- كولي خيه ما يردج اله السانج.
لارين :- احنه نسمع شيحجن بس امي فقيره وما ترد احد وهي تعرف شنو سوت حكيمه بس جمدت بمكاني من سمعت طلبها.
يتبع....
قراءه ممتعه احبتي..
شبيه حسام يشبهه ابراهيم ب40%👇
لا تنسون متابعة قناتنه بالتلي لان بالمستقبل راح انزل اشياء بيها خاصه بالابطال مااكدر انزلها هنا.