غَيْهَبَان
بقلمي ساره الشمري
لا تنسون تصويتكم ⭐ وتعليقاتكم ♥
اذكروا الصلاة على محمد وآل محمد
للأجر لي ولكم استغفرالله ربي واتوب اليه
سبحان الله
الحمدالله
لا آله الا الله
الله أكبر
تريد الصدگ؟
تعبان كِلّش حالي
مِنين ما أندار تتراوالِي .
جنت واكفه بالمطبخ وحاطه كتلي المي يفور وقوطية الحليب على الكاونتر وبيدي المميه اجلف بيها اخذت المي كاسرتو وحطيت الحليب وتوجهت بااتجاه الغرفه وسمعت صريخ الطفله ركضت عليها لكيت وجهه احمر وسند واكف يمها ويكتل بيها يووووول يمه شسويت ليش كتلتها.
سند :- ما ماما مااريدها خلتولي.
تماضر :- يول امي ما يصير هاي اختك صغيرونه وتلعب وياها من تكبر.
سند :- ماااريدها مو اختي رجعيها.
تماضر :- ول امي بكيفك ما تريدها هاي لعابه حلوه.
سند :- بغيرة طفل مااريدها.
تماضر :- شلت بنت قسم سوده عليه حبيبتي لو امج موجوده ما تخليج بهل حال.
سبتي :- انطيني هل حلوه الاعبها.
تماضر :- شتلاعب يول البنيه عمرها ايام بعدها.
سبتي :- شخبار قسم؟
تماضر :- لسه بغيبوبه ما صحت.
سبتي :- الله يكومها بالسلامه وترجع البناتها.
تماضر :- والله قاهرتني هل بنيه شنو ذنبها وقاسم مايريدها.
سبتي :- يجي يوم ويحن گلبو عليها لا تخافين قاسم يحب بناتو هواي.
تماضر :- قبل ايام ولدت قسم بنتها الاخيره بس مع الأسف دخلت غيبوبه وما نعرف شوكت تصحى وجابولي هل حنفوشه ادير بالي عليها.
بيوم الولاده...
خوله :- جنه واكفين ومصدومين وحطوا البنيه بيد خالتي ام طارق وقاسم يسألهم عن قسم والقهر والقلق مرسوم على وجهه.
قاسم :- اني اختاريت الأم مو الطفل مرررررتي وين؟
الدكتوره :- مع الأسف مرتك صار عندها نزيف اثناء الولاده ودخلت غيبوبه وحولناها للعنايه المركزه دعواتكم الها.
قاسم :- ش ش شنوووووو شدتحجي انتي شنو شغلكم انتتو ليش ما عالجتوها.
الدكتوره :- احنه سوينه العلينه والباقي على الله.
خوله :- اباوع لخاله ام طارق بندت بالكاع وتبجي وحاضنه بنت قسم وادحك بوجهه اويلي حبيبتي شلون بيج رحنه للعنايه المركزه وشفنه قسم من وره الجام حالها ما يسر لا عدو ولا صديق.
ام طارق :- يمه قاسم تعال شيل بنيتك وسميها.
قاسم :- مالي دخل بيها شوفيلج اسم وسميها.
ام طارق :- سميتها ترنيم وشوف هسه كصتها تكون خير عليك وتنورلك حياتك يمه قاسم لا تكره بنيتك من اولها تره ما الها ذنب بحالة امها ربك كاتب هيجي يصير وصار شنو ذنب هل طفله.
قاسم :- والله عمه مااسامح نفسي اذا يصير بيها شي فدوه العينج مااريد اسمع حرف مبينه من اولها شنو كصتها.
ام طارق :- استغفر ربك يمه ما يصير هيجي تحجي وشوفها شلون بريئه بس كلي وين اخليها اخذها البيتك.
قاسم :- مااريدها عمه عوفيني بمصيبة قسم وين تردين توديها وديها.
خوله :- خاله انطينياها خل اوديها يم تماضر على اقل ادير بالها عليها لان بيت طارق كوم جهال خاف يأذوها وتماضر ماعدها احد.
ام طارق :- عفيه عليج يمه هاج خل تعتني بهل مسكينه.
الأن..
تماضر :- ترنيم بقت اسبوع يمي واليوم اجانه الخبر الحلو قسم صحت وراح يطلعوها كمت الملم بغراض الطفله وغيرتلها وكمطتها وشلتها جوه عباتي وسند بيد ابو ورحنه عليهم.
قسم :- ماعرف شكد مر عليه بس احس بجسمي متكسر فتحت عيوني وقاسم عيونو مدمعه ويدحكلي قاسم.
قاسم :- روحو لقاسم الحمدلله على سلامتج حبيبتي.
قسم :- وين الطفل؟
قاسم :- بنيه يم تماضر.
قسم :- صارلي شكد هنا؟
قاسم :- اسبوع.
قسم :- بتعب ودموع يمه سوده عليه بنيتي ماداريتها قاسم قصرت وياها.
قاسم :- من نرجع للبيت داريها.
قسم :- وشبيك تحجي هيج من وره خشمك قاسم لا دكول حملت بنتي الي صار.
قاسم :- هسه راح نطلع بعدين نسولف.
قسم :- اعرف بسوالف قاسم ربي حنن گلبو عليها ولا تخلي يفرق بين وحده ووحده.
قسم :- سجلنه خروج ورجعت البيتي والبناتي كمت احضن بيهن واشمهن اويلي يا ريحة الجنه.
لارين :- ماما كلش اشتاقيتلج وينها توت.
قسم :- توت!
إيفاء :- اي مو بيبي سمتها ترنيم.
قسم :- ابتسمت الهن هسه تجي عند خالتج تماضر.
بقيت انتظر تماضر على نار وقاسم كبالي كاعد ما مهتم قاسم.
قاسم :- كولي حبيبتي.
قسم :- صارن خمس بنات العالم راح تاكل وجهك بسببي.
قاسم :- انا بحال العالم لو نمشي وره العالم نضيع
اهم شي نكون مرتاحين وما اخليكم بعازة بشر.
قسم :- الله يخليك خيمه على رؤسنه.
قاسم :- ذني اميراتي وكلشي الي بالدنيا والله معادلات روحي.
قسم :- وترنيم.
قاسم :- سدي الموضوع.
قسم :- اجتي تماضر وانا گلبي متلهف على بنيتي اخذتها بحضني واشم بيها اووف يا ريحتج يا ماما تعبتج ويايه تماضر.
تماضر :- يعني ترديني اتأثر هساعين واسوي دراما لو شنو.
قسم :- ههههههههه بس لا علمتي بنتي على سوالفج.
تماضر :- اي خيه علمتها تغامز وتلامز ول كلها على بعضها عمرها اسبوع شعلم منها بس ان شاءلله ما تضيع بيها تربية اسبوع وتطلع عليه.
قسم :- بقيت اداري ببناتي ومااقصر عليهن بشي بس ترنيم قاهرتني ابوها ما يتقرب عليها ولا يلزمها من ولادتها لليوم ما شالها بيدو ادحكلوا شلون يلاعب لارين وإيفاء وحياة وميلا وترنيم لا خايفه لا يبقى وياها هيجي وما ينطيها من حنانو كمطتها وحطيتها بكاروكها والصوبه معلوكه لان بداية سنه جديده والجو يكص كص وبديت اسبح البنات اسبح وحده ويأخذها مني قاسم ينشفلهن ويمشط الهن ويرتبهن ويغنيلهن.
قاسم :- يمه البنات خمسه واكول كليلات يمه يمه يمه اميراتي وين اضمهن.
قسم :- ما گلبك يحن على ترنيم وتشيلها تره خطيه حالها حال اخواتها فدوه قاسم لا تفرق بينهن.
قاسم :- اكلج عمتي تجي اليوم؟
قسم :- اي على جيه.
ندكت الباب وكام قاسم يفتحها ورحب باام قسم وباس راسها وطبت تحضن بنتها وتبوس بيها وجايبه اشكال والوان للبنات.
ام طارق :- ول اغدي فدوه لهل الجمال والكمال حفيداتي رحتلجن فدوه.
قسم :- كعدت امي والبنات حاوطنها وجهزت العشه وكعدتلي ترنيم شلتها رضعتها وخليتها بحضن امي وهي استلمت قاسم بذاك الحجي المعدل.
ام طارق :- ول يمه قاسم انت تضل هيجي ويه بنيتك اشوف بعيونك لهفه عليها من ناغت تره ما يصير هيجي يبعد عمتك ثلاث اشهور عمر بنتك وانت حتى ما شايلها بيدك حتى الله ما يرضاها.
قاسم :- عمه من بدايه كصتها مو خير عليه.
ام طارق :- تلعن الشيطان واستغفر ربك هاي بنيتك قطعه من روحك والي صار عدا وراح وهي ما مسؤوله عليه والحمدالله هاي مريتك رجعتلك سالمه وتمشي على طولها وبنيتك شحلاتها وبصحه زينه شتريد من الله بعد شنو يا يمه تبقى هيجي تره حالها من حال الباقيات وربك عوضك بيهن وهن سبب دخولك للجنه يبعد عمري تلعن الشيطان واخذ بنيتك بحضنك.
قسم :- الحمدلله كلام امي جاب نتيجه وقاسم شال ترنيم بحضنو ويبوس بيها وصارت روحو من هل دنيا ياهو اليطب واليطلع يريد يشيلها ما يقبل هاي بنتي روحي محد يدنالها سبحان المغير الاحوال من جان ما يريدها الى التعلق بيها وصارت عزيزته وغاليته جان يمشط للبنات وهو يحاجيني.
قاسم :- تدرين قسم احلى شي بالدنيا وجودكم بحياتي.
قسم :- احلى شي بالدنيا انت ابو بيتي وبناتي.
مرت الايام والليالي والروتين نفسه ماكو شي جديد قاسم يروح للدوام وينزل بوقت الاجازه وانا ملتهيه ويه البنات وبالعطله دمار يجي يمنه ويلعب ومتونس على المنطقه والزرع بس الخباثه الي شايلها ما موجوده عند احد بيوم جانت عطله واجانه هو صف ثالث ابتدائي وقاسم جان موجود طب للبيت اخذ شي وغافلنه.
دمار :- طبيت البيت عمتي قسم اخذت باكيت الجكاير مال عمي قاسم ووزعته على الجهال وخليتهم يشربون جكاير علمود من يرحون لاهلهم ويشتمون ريحتهم و ينكتلون كملنه لعب وراحوا لبيوتهم والله شويه واسمع صريخهم واني مستمتع بهل الاصوات الحلوه حسبالك موسيقى وضحكت عليهم بصوت عالي يستاهلون من كال الهم يسمعون كلامي.
قاسم :- ول قسم هذا ابن اخوج خزانه كدام العالم.
قسم :- ليش شسوه.
قاسم :- هسه من اجيت الجيران يشكون منو والله
دمار ماخذ جكايري وموزعهن على الجهال.
قسم :- سحبت دمار يول عمه خزيتنه ليش تسوي هيجي مو عيب اذا تسوي هيجي مره ثانيه اردك لأبوك سمعتني.
دمار :- هاي هي مااعيدها بعد.
قاسم :- شحدك تعيدها اساساً حتى جكايري ما ادحكهم بعد.
دمار :- بقيت العب ويه بنات عمتي وترنيم الصغيرونه كلش احبها صار الليل ونمنه ثاني يوم طلعت باالشارع ادحك للجهال اريد اسويلهم شي بس شنو بقيت افكر وبعدها دخلت للبيت جبت عودان يابسه وشعلتهن مثل الجكاير ووزعتهن عليهم وهم مكيفين شويه وشافوهم اهلهم وهم كتلوهم وانا واكف على صفحه اضحك واتشمت بيهم حلللل.
الاولاد :- هاي ليش تسوي هيجي بينه.
دمار :- علمود تتعلمون على التدخين زين.
قسم :- جنت واكفه بالمطبخ اجهز للعشه وسمعت الباب تندك طلعت لكيت جهال ها حبايبي شعندكم هنا؟
الاولاد :- خاله هذا ابن اخوج يوميه مسويلنه سالفه ومخلي اهلنه يكتلونه يوم جايب جكاير يوم جايب عوادين حاجي ما يصير هيجي.
قسم :- ولللل دمااااار شسووووويت انت ما دكلي يوميه سالفه من وراك.
دمار :- والله عمه انا ما ضربتهم على ايدهم وكلتلهم اشربوا ويكدرون يكولون ما نريد وبعدين هنا عوادين قابل صدك جكاير.
قسم :- ول دمار راح اردك لاهلك.
قاسم :- يول عمو والله عيب عليك خزيتنه كدام العالم من اجيت لليوم وانت سابي العالم سبايه.
قسم :- قاسم يحجي ويه دمار وطبت حياة تبجي ومفرفحه ها ماما شصاير.
قاسم :- تعالي بابا منو مبجي اميرتي.
حياة :- اخوك.
قاسم :- شبي اخوي شسوالج؟
حياة :- هذا اخوك نحييس ضربني.
قاسم :- كومي ويايه... اخذت حياة ورحت لسلطان هاي ليش ضارب حياة ومخليها مفرفحه.
سلطان :- غير بنتك مجلوبه عضت ابني وخلت دمه بطوله.
قاسم :- ادحك الحياة تناشغ وتبجي هي حتى لبسها مال ولد وشقاوجيه بس سلطان كلش مأذيها وضاربها ليش هيج سويتي يا بابا؟
حياة :- ليش ما يخلوني العب وياهم هذا ابن اخوك طردني وانا عضيته.
قاسم :- وطلعتي دمو.... ليش ما تلعبين ويه البنات يا بابا.
حياة :- لارين مو تلعب ويه حسام.
قاسم :- لارين وحسام اخوان واصدقاء وربوا سوه ويدرسون سوه وكبروا سوه ماعليج بيهم.
عام 2003.
يشهد العراق حاله من الفوضى والاوضاع الغير مطمأنه والشعب العراقي في حالة قلق والجيش العراقي على اهب الأستعداد والجنود كافه في حالة انذار وصل هذا الخبر الى قاسم وخالد وعليهم الالتحاق فوراً الى مراكزهم التي كانت في وسط العاصمه بغداد الكل قلق وخايف والعوائل تخزن الغذاء لان مامعروف شنو الي راح يصير باجر بوش يهدد وصدام يهدد بوش يريد احتلال العراق بحجة ان العراق يصنع السلاح الدمار الشامل وصدام من استفزهم بهذا الشيء الكل قلق ما نعرف شنو المنتظرنه يا ترى راح نعيش بسلام اجاني قاسم والقلق على وجهه.
قسم :- خيرك حبيبي صاير شي؟
قاسم :- اجانه انذار ولازم نلتحق انا وخالد اسمعيني قسم الوضع متوتر والبلد من سيئ الى اسوء وانا ماعرف اذا ارجع على طولي امشي لو ارجع ملفوف بعلم لو ماارجع من الأساس.
قسم :- بدموع حارقه شنو هل حجي قاسم تريد تروح وتعوفني والله اموت اذا صار عليك شي وبعدين ليش هيجي صار بالبلد.
قاسم :- اخذت ايديها بين اديه قسم تعرفيني شكد احبج واعشگج واعشگ التراب الي تمشين عليه.
قسم :- هزيت راسي مأيده كلامه والدموع سيدة الموقف.
قاسم :- ديري بالج على نفسج وعلى البنات اميرات قاسم امانه بركبتج حبيبتي واي شي تحتاجي روحي على عمتي ام طارق الوضع ما يبشر بخير بوش متهم العراق عنده سلاح الدمار الشامل.
قسم :- شلون؟
بعد هجمات 11 سبتمبر / أيلول من عام 2001 التي شنتها القاعدة على مركز التجارة العالمي في نيويورك والبنتاغون في واشنطن، بدأت إدارة الرئيس جورج دبليو بوش في وضع خطط لغزو العراق ، زعم الرئيس بوش أن صدام كان يواصل تخزين وتصنيع أسلحة الدمار الشامل وأن العراق جزء من "محور الشر" الدولي، إلى جانب إيران وكوريا الشمالية.
وفي أكتوبر/تشرين الأول من عام 2002، أجاز الكونغرس الأمريكي استخدام القوة العسكرية ضد العراق وفي فبراير/شباط من عام 2003، طلب وزير الخارجية الأمريكي آنذاك كولن باول من مجلس الأمن التابع للأمم المتحدة إعطاء الضوء الأخضر للقيام بعمل عسكري ضد العراق، قائلاً إنه ينتهك قرارات سابقة لمجلس الامن بسبب امتلاكه برنامج أسلحة دمار شامل حسب زعمه.
ومع ذلك، لم يقتنع المجلس حيث أراد معظم الأعضاء أن يقوم مفتشو أسلحة من الأمم المتحدة وهيئة الطاقة الدولية - الذين ذهبوا إلى العراق في عام 2002 - بالمزيد من العمل هناك للعثور على أدلة عن أسلحة الدمار الشامل.
وقالت الولايات المتحدة إنها لن تنتظر تقرير المفتشين وشكلت "تحالف الراغبين" ضد العراق.
قسم :- اجتمعنه اخر تعلوله انا وخوله وخالد وقاسم دز على سبتي وكعدنه بس هل مره الدموع حاضره والوجهه مگلوب ولمياء خطيه حايره بالجهال وتبجي على خالها.
قاسم :- ابو سند قسم وخوله والجهال بأمانتك.
سبتي :- بعيوني الأثنين اخليهم مو تدلل ابو لارين ان شاءلله تروحون وترجعون بالسلامه.
تماضر :- ول قاسم مو تموت تره ماعندي احد اداهر وياه.
قاسم :- اخلصي مني ام سند.
تماضر :- لا خويه صدك جذب انت ابو غمزه ولمزه شلون اخلص منك.
قاسم :- وصلنه ل2003 ولسه ما نسيتي.
قسم :- بقيت الليل كله عيني ما غمضت وبس دموعي تجري وافكر الباجر شراح يصير وافكر بقاسم معقوله يعوفني ويروح بهل سهوله.
قاسم :- كافي بجي حبيبتي راحت عيونج.
قسم :- خايفه قاسم.
قاسم :- لا تخافين حبيبتي انا وصيت ابو سند عليج وان شاءلله ما تحتاجون احد.
قسم :- احنه بحاجتك مو بحاجة احد ثاني.
قاسم :- انا ضابط قسم والوطن بحاجتي حبيبتي.
خوله :- صار الفجر يعني صدك خالد تعوفني انا وجهالك وتروح ها شلون گلبك ينطيك والوضع صاير نار.
خالد :- اشش حبيبتي ان شاءلله ما يصير شي.
خوله :- بدموع خالد شنو ماكو شي والناس داخله بحالة قلق وخوف الوضع خطير.
خالد :- الجهال بأمانتج ام أثير اريد منج تعوفين البيت وتأخذين الجهال وتروحين يم قسم أأمن الجن تبقن سوه وحده تكسر على الثانيه.
قاسم :- مااوصيج بعد حبيبتي صيري سبعه خلافي وهلله هلله بالبنات لا تقصرين بشي عليهن صيري الاب والام الهن.
قسم :- شمرت روحي بحضنو اوعدني ترجع اوعدني ما تعوفني وتروح.
قاسم :- الدموع مجلبه برموشو رايحين للموت قسم بس تدرين اذا متت هنيالي اموت قبلج مااريد اضوك لوعة فراگج.
قسم :- اششش لا تحجي هيجي يومي قبل يومك حبيبي.
قاسم :- اتمنى يومي قبل يومج حبيبتي.
قسم :- سلم عليه وطلع ودموعه تجري علينه انا وبناته ما معروف يرجعون لو لا راح هو وخالد وانا وخوله بقينه بيتنه لان عمتها كالت الها ابقي يم قسم ومن احتاجج ادز عليج هم خلفله عليها وسبتي صار كل اسبوع يجي محمل بالمسواك وما قصر قاسم وصاه علينه لان يعرف بي كفو ويكول مااكدر اوصي اخوتي لان اعرفهم ما راح يعبروكم ولا يديرون بالهم عليكم بدأ الوضع يتأزم والاخبار ما تبشر بخير وهل مره العراق راح بالرجلين بوش يكول جايين علمود نسوي العراق احسن بلد بالشرق الأوسط وصدام يصيح عندي نووي واقضي عليكم بس الحال راح ينقضي علينه احنه بقينه فتره وبيوم من اسوء الايام الي شهد عليها العراق بالاخبار ان العراق راح ينضرب بتاريخ 20/أذار /2003
في الساعه الرابعه فجراً يوم 20 مارس/آذار من عام 2003 ، بدأت عملية "حرية العراق" بـ 295 ألف جندي من قوات الولايات المتحدة وحلفائها وانطلقت عملية الغزو من الكويت كما شهدت بغداد القصف الجوي الامريكي على عدة مراكز مهمه ومنها وزارة الأتصالات والبنك المركزي وعدة وزارات اخرى واصبح الجيش الأمريكي يتجولون في شوارع العاصمه بغداد وعدة محافظات اخرى والشعب اصبح في حالة ذعر والقتلى بكثره والجوع حل على العوائل بسبب الازمات التي حصلت منها ازمات الغاز والبانزين.
قسم :- صار شهر ونص ماكو خبر لا عن قاسم ولا عن خالد والغارات فوك رووسنه وخايفين لا يجينه صاروخ ويموت جهالنه خلصنه مسواك اليوم وخوله طلعت للزرع تحوش النه مخضر وتجي شويه وطبت الوجه احمر من الشمس والعيون مورمه من البجي على خالد حالها مو احسن من حالي علكت الجوله وكعدت اطبخ عليها الجهال جواعه ولازم يشبعون ما نعرف شنو الي منتظرنه امي دازتلي خبر.
خوله :- شتريد؟
قسم :- تريدنه يمها.
خوله :- ايي شكلتيلها؟
قسم :- خيه كلتلها انا وخوله باقيات هينه وعيال خوله بالهم علينه.
خوله :- ليش ما تروحين عليهم؟
قسم :- خيه ما اكدر اروح عليهم بناتي ويه جهال طارق ما ينحملون وتصير مدرسه خلينه هين ببيتنه احسن وانا هم كلتلها تروح على فطيم لان طارق هم ملتحق خطيه .
خوله :- اسمعي.
قسم :- شنو الجديد يعني هاي الغارات من شهر ونص.
خوله :- اشتاقيت الخالد.
قسم :- ااااخ وجع بگلبي عليهم يا ترى عايشين ميتين وشحالهم كدروا ينهزمون لولا.
خوله :- انا كلش خايفه عليهم لان الامريكان يردون يلزمون شكو ضابط وشكو جندي عراقي يكتلوا بمكانه بحجة انتو بعثيه.
قسم :- بدموع الله يحميهم وان شاءلله يكدرون يطلعون من بغداد.
خوله :- بقينه على الحال لمدة شهرين واحنه ما نعرف اي خبر عن قاسم وخالد انا صرت اطلع للزرع ويه مرت سلطان نجيب مخضر والمسواك الجاف ننطي فلوس السبتي ويجيبو النه مرت هل ايام من اصعب الأيام الي عشناها انا وقسم بقينه ندعي ونصلي والدمعه ما نشفت من عيونه ونطبخ على الجوله والصوبه الجهال تريد وبيوم من اسوء ايامنه عرفنه جندي من المنطقه كدر ينهزم ويوصل الأهله راح سلطان يسأل على خالد وقاسم ونحن كاعدات على نار وگلوبنه رادت تطلع من صدرنه شويه وسمعنه صوت العياط يبس الدم برجلينه وقسم نخطف لونها.
قسم :- خوويه احجييي كلي شصاير ليش تبجون ليش كووول قاسم ما بي شيييييي.
خوله :- تنشغ وتبجي بداعة جهالك وبروح اهلك كول خالد بي شي ليش هيجي حالكم.
سلطان :- رحت سألت الجندي عن قاسم وخالد سكت.
قسم :- احجيييي ليش سكتت احجييييي شبي رجلي.
سلطان :- كال فجروا المركز عليهم وتوفوا وماكو كل أثر الهم.
قسم :- يبوووووووووو لاااااااااا قاسم ما يعوفني ويرووووووح ولللللل حبيبي ما يرووووح ويعوفني انا وبناته اااااااااخ يمه ااااااخ.
خوله :- بلطم وعياط نگلبت حياتنه رأساً على عقب لاااااااا خاااااااالد ويييين رحت وعفتني انا وجهاااالك ول يمممهههه راح ابوووو بيتي راااااااح.
لمياء :- حاضنه بنات خالي قاسم والدمعه تجري على خدي والبيت نگلب بالناس وادحك لخالة قسم ملخت روحها تملخ وخوله خرمشت وجهه وتلطم يردون يسيطرون عليهن ماكو والجهال تبجي وخوالي ونسوانهم والاقارب والفاتحه ماكدروا ينصبوها لان الوضع خطير وما يصير يسوون فواتح خاف ينضربون بقت الايام تمشي والسواد خيم على بيت خوله وقسم .
قسم :- مرت فتره واجاني سبتي.
سبتي :- خويه ام لارين الوضع كلش خطر ومااكدر اروح وارجع بعد تعالن يم اهلجن على اقل قريبات عليه واكدر احافظ على الأمانه.
قسم :- شتحافظ يا خويه الي وصاك بالأمانه انطاك عمره.
سبتي :- جهزن ارواحجن خويه وامشن وياي الوضع كلش خطير وانا يضل بالي عليجن.
قسم :- هاي هي خيي هسه احضر غراضنه ونطلع وياك.
لمياء :- كمنه جهزنه اغراضنه وطلعنه ويه عمي سبتي ورحنه البيت اهل خالتي قسم استقبلونه بالهلا والمرحبا وخاله قسم حالتها حاله رجعت البيت اهلها وبركبتها خمس بنات.
قسم :- بقيت انا وبناتي ببيت اهلي وخوله ببيت اهلها وتجي عليه كل يوم انا ببيت اهلي وما خلصت من ألسان حكيمه.
حكيمه :- رجعت البيت اهلي ووياها خمس بنات والله ياالله شراح يعيشها.
جاسم :- كافي حكيمه لخاطر الله.
حكيمه :- كتلت روحها على خلفه اله سوتهن خمسه وترملت وهسه تعال ياابوي تورط بكوم لحم.
قسم :- وصل الحجي الابويه وابويه خابرها ورزلها وانا بقيت افكر بكلامها صدك اني الى متى ابقى هيجي مر شهر وهاي صار ثلاث اشهور على غياب خالد وقاسم وبيوم جنه نايمين بغرفتي ببيت اهلي انا وخوله وجهالنه وما نحس اله دكت الباب قوي.
ام طارق :- يا ستار يا ربي منو اجانه من الصبح.
ابو طارق :- يمكن مداهمه روحي يم البنات... طلعت للباب فتحتها وجمدت بمكاني افتح عيوني واغمضها ما مصدك الي دااشوفو.
قاسم :- شلونك عمي.
ابو طارق :- اخذتو بحضني اااااااخ يبعد عمك الحمدالله على. سلامتكم شسويتوا بينه.
خالد :- عمي اجينه على نسوانه رحنه لبيوتنه مالهن اثر.
ابو طارق :- بصوت مبحوح طبو طبو هسه اصيحهن.
قسم :- اجانه ابوي وكال خوله وقسم روحن للأستقبال حطينه حجاباتنه ونحن مستغربين منو يريدنه وليش ابوي ماحجه شي غير طبن للأستقبال بقيت حسبه تودي وحسبه تجيب طبينه للأستقبال جمدت بمكاني ماحسيت بشي بعد.
خوله :- بقيت مصدومه اضحك وابجي وشمرت روحي بحضن خالد احضن بي وما مصدكه الي داششوفو معقوله عايش ها خالد هذا انت مو.
قسم :- حسيت على ضربات خفيفه على وجهي ومي على وجهي فتحت عيوني ببطئ واشوف قاسم وانا بحضنو دموعي صارت تجري قاسم هاي انت لو شبح؟
قاسم :- اخذتها بحضني اني يروحو لقاسم اسف والله اسف لان عيشتج هل شعور.
قسم :- فدوه رحتلك حبيبي الحمدلله على سلامتك والله تعبت بفراكك ما تتصور شجان حالي.
قاسم :- باقي يمج حبيبتي.
قسم :- طلعت الشمس وسوينه ريوك والفرحه ما تسعنه.
قاسم :- شعندج مسوده.
قسم :- من كالوا فجروا المركز عليكم احنه لبسنه الأسود.
قاسم :- غير تشوفين جثتي بعينج يلا تلبسين اسود يلا روحي ذبي وتعالي.
قسم :- رحت ذبيت الاسود وشويه وطبت تماضر تهلهل من سمعت بالخبر السار كعدنه سوه ونسولف.
تماضر :- حرمتوا هل نسوان من هل حضن وين جنتو بس لا متزوجين غيرهن والله مبين عليكم شفتو حلوات وبعتوهن بكشر بصل.
قاسم :- ههههههههه ما عاش اليبيع قسم ويبدلها.
تماضر :- وين جنتو؟
قاسم :- جنه بالمركز ومستعدين لواجب اجانه ولازم نطلع جهزنه عتادنه واسلحتنه وطلعنه للواجب
وورانه بس سمعنه دوي انفجار وصلتنه الأخبار ان المركز الي نداوم بي نقصف رحنه للمنطقه الي عدنه واجب بيها وهناك نحصرنه وماكدرنه نطلع واذا واحدنه يطلع بسلاحه وبزيه العسكري ينقتل بمكانه انا وخالد والجنود بقينه نركض من مكان المكان ونطفر من بيت البيت في سبيل نخلص ارواحنه لان صرنا مطلوبين وبعداد الموتى ودخلنه سراديب هواي مشينه مسافه كلش جبيره واحنه كروه ما عدنه نرجع وشفنه الحر والبرد والدنيا مشتعله والطيران فوك رووسنه كلما نشوف طياره تفوت احنه نختل اذا شافونه يقتلونه البيوت الي تفجرت والوزارات الي نقصفت بغداد صارت خرابه والامريكان بالشوارع والناس الغبيه تهتف وراهم وما عدا بعض المتطفلين الي باكوا دوائر الدوله وسموهم حواسم هواي اشياء شفناها وعشناها وبيوم وكعنه دخيل على رجال كبير بالسن وحجيناله موقفنه واحنه ميتين جوع وعطش وهو ما قصر ويانه استقبلنه ابيته وجابلنه صينية اكل وانطانه ملابس مدنيه وذبينه ملابسنه العسكريه واخذنه بسيارته وهربنه ووصلنه لحد مكان قريب على منطقتنه شنسويله هل الرجال ما نجازي وهاي احنه اجينه اول ما وصلنه ندك ببيوتنه فارغه وسمعت من اخوي انتن هنا واجيت.
تماضر :- قاسم يحجي واني مفرفحه من البجي.
قاسم :- دموع التماسيح بطليهن عود خفتي علينه.
تماضر :- ربك لطف بيه واخذت سبتي لو ماخذه ضابط جان هسه اجوعر مثل نسوانكم دحكتلهن كبور التلفجن دترملن واخذلجن واحد حلو دحكت القاسم غمني.
خالد :- مو صوجج صوج العار الي لافج زوجناج كلنه تعقل وبالتالي ما عقلتي كبر طمج.
لارين :- رجعنه البيتنه بعد صراع وتعب وقهر على فراگ بابا رجع النه ورجعت البسمه على وجهنه حسيت ملكت الدنيا من جديد برجعة بابا بقيت اساعد ماما بالشغل والتنظيف لان بابا رفض اداوم هاي الفتره بسبب الوضع التعبان بس حسومي بقى يدرس وماكعد كل يوم يجي بي من المدرسه اروحلو ونكعد بره واليوم بدلت ومشطت وطلعت انتظره شويه واجه كعدنه بالباب شلونك حسام.
حسام :- انا زين انتي شلونج؟
لارين :- انا زينه بس ماما كلش دتتعب.
حسام :- يلا احجيلي شصار وياكم ذيج الفتره.
لارين :- انا احب حسام كلش هو صديقي الصدوق وحتى ما عندي صديقات واحجيلها كلشي يصير كل يومي هو يعرف بي ارتاح من اكون وياه وهو جان يرفض العب ويه البنات بس وياه وبوقت الي هو ما موجود انا العب ويه خواتي وويه بنات خالتي حكيمه.
قسم :- ندكت الباب فتحتها طلعت حكيمه ها شعجب اليوم.
حكيمه :- هاي هيجي تستقبلين اختج الجبيره.
قسم :- اختي!!
حكيمه :- شوفي قسم انا لا الف ولا ادور عندي بناتي الثلاثه اريد ابقيهن يمج ما اريدهن يمي مااحب وجودهن بس ياكلن وينامن علميهن مثل بنتج نادره وتشتغل وهي نتفه.
قسم :- ما يجن هنا لازمتهن اني خل يجن ويه الجهال.
لمياء :- حكيمه جابت بناتها يمنه وخالي قاسم كيف بيهن لان يحبهن.
تماضر :- ول غبره شلون تخليها تسوي هيجي شمرت بناتها عليج ودارت وجهه انتي تبقين فاهيه.
خوله :- يولو هاي كضت عمرها تكره البنات شوكت حبتهن خيه قسم تره مسؤوليه تريد تخلص منهن وشمرتهن عليج.
قسم :- شسويلها الله كريم يجي يوم وتحس بيهن.
خوله :- جنه كاعدين نتعلل ببيت قاسم وفتحوا موضوع دوامهم.
قاسم :- احنه باجر رايحين للدوام.
لمياء :- خالتي قسم وخوله بقن يكمزن ويعيطن عليهم.
قسم وخوله :- هم حتختفون وما تردون.
قاسم :- والله يومين ونرد لا تخافن.
قسم :- راحو ويومين وردوا الحمدالله وايامنه هادئه وبسيطه، بس الناس وحجيهم الي يسم البدن ويعيروني لان خلفتي بنات ومرت سلطان كلما شفتها وشافتني تعيرني مره دنمشي انا وخوله وسمعتها دكول الوحده.
مرت سلطان :- فوك ما خلفتها بنات نوب بيت وخبصه والله عمي حضها كاعد ورجلها مدللها.
خوله :- صيري مثلها وهم يدللج سلطان هي هاي النسوان الزينه يحبن زلمتهن وما مخلياته يباوع الغيرهن لان كلشي يردونه عدهن بس اكو عالم تفكر بالفلوس وما تفكر بغير شي.
مرت سلطان :- شنو قصدج؟
خوله :- فهمتي شقصد لا تغشمين روحج دحكي النفسج لا تدحكين الغيرج التهي بحياتج لا تنفكس عينج .
قسم :- ادحك المرت سلطان صارت تبلعم عافتنه ومشت واحنه طكيناها ضحك.
2004.....
قسم :- بدت عليه اعراض الحمل وهل مره حملي مختلف كلش عن حبالاتي السابقه مرت تسع اشهور بين تعب الحمل والبنات ودراستهن وتجهيزات لمياء العرسها لان نخطبت لابن خالتها وخالد ما عايفها بحالها يحير شيسويلها وهي تصيح عليه طبعاً لمياء مميزه هادئه وجميله جداً والكل يحبها بس خالد يداهر وياها كلما يفوت سواله حركه يضوجها كلش يحبها واليوم انا عليه اعراض الولاده وكلش تأذيت رحنه للمستشفى وبعد ساعات ولدت ابني كرار والفرحه عمت على كل المنطقه والكل فرح اخيراً قاسم اجاه ولي العهد ما عدا من طلعت من المستشفى استقبلونه بالذبايح والرمي والكل فرحان.
ترنيم :- كاعده العب وفات ابويه بابا احبششش.
قاسم :- ول انا احبش انا اخذتها بحضني والاعبها سمعتي قسم.
قسم :- هاي الما ردتها شفت شلون صارت عزيزه نوب لوكيها كل اليفوت من يمها كالتله احبشش.
ترنيم :- ماما احبشش اوووواي (احبج هواي).
قاسم :- كلها بصوب بس هاي بصوب وحدها.
قسم :- ترنيم كلش متعلقه باابوها وهو احسو متعلق بيها اكثر من كل جهالو حتى من جبت كرار بقت معزته الترنيم خاصه مااعرف اذا حس بتأنيب الضمير على سواه وياها بالبدايه لو لا......
يتبع....
كل عام وانتم بخير احبتي عيدكم سعيد وصيام مغفور وذنب مغفور ان شاءلله والله يحقق امنياتكم ويوفقكم بحياتكم ان شاءلله عيد فطر مبارك💕
وهاي عيديتكم حبايبي مشاهد للمستقبل👇
جسار :- طبيت للمكتب بالزي العسكري شفت دمار كاعد يجهز للواجب والجكاره بيده ها عار وين نروح؟
دمار :- واجب لمنطقه...... المهم وصيلنه على اكل طكني الجوع.
جسار :- شتريد سم؟
دمار :- وصيلنه على بيتزا وفنكر.
جسار :- امداك فشله من شواربك يالاغم بيتزا دكول دليميه باجه اكل دسم مو تتموع.
دمار :- مو شغلك عار توصي لو لا؟
جسار :- اكلك الفنكر مو نفسة بتيتة امي لو غلطان والعباس بس تاكل بتيته اكول الامي يشتري 6 قطع بتيته ويكول فنكر وخبز العباس يسميها بيتزا.
دمار :- احسن شي اكل نعل ولا سوالفك المكسره.
جسار :- نكعهن بخل علمود يصيرن طريات.
دمار :- دكوووووم وصيلنه على سم قبل لا يجي الأمر ويش*** بسوالفه.
جسار :- بس يجي الأمر اكله سيدي تعال اكل فونكر وبيتزا.
مشهد ثاني....
جسار :- جنه طالعين واجب لغير منطقه واحنه واكفين وفاتت بنيه ول دمار دحك دحك شحلاتها بووووياااا.
دمار :- ما تهمني عيني متروسه.
جسار :- البشر ما تملي عينه بس التراب داحجي واجتي البنيه تسأل دمار على مكان تريده اشو هذا لبسها ولا جاوب حرام تدفر نعمة الله يل ارعن.... صحت عليها اختي تفضلي شرايده؟
البنيه :- بلا زحمه عليك تندل المكان*****
جسار :- اي ترحين كبل على ايدج اليسرى تلكينه.
دمار :- انت وين تندل هنا ايا ك***.
جسار :- يمعود هسه ترجع تسأل مره ثانيه وارجع احجي وياها اريد اشوف طولها شلون تمشي.
دمار :- تره ما رايح تخطبها انت وامك ودشوف طولها ومشيتها.
جسار :- دسكت خل نشوف خلقة ربك.
.
.
حبايبي ما ضل شي وندخل بقصص ابطالنه الشباب ان شاءلله من البارت العاشر نبلش اتمنى الكم قراءه ممتعه.