مساء الخير عليكم احبتي عساكم بخير ان شاءلله صيام مقبول وافطار شهي على قلوبكم.
يلا يلا عيني عيني ذبو نعلكم تره منظفين ومسوين حملة العيد مو توسخون الي يوسخ اخلي الماسحه تلعب على ظهره يلا خشوا برجلكم اليمنى مو تيهون برجليكم وعبالكم ثنينهن يسرى هههههه اشاقه يلا طبوا👇
بعد بحث وتعب دام لشهر ونص واخيراً لكيت اشباه الشخصيات طبعاً دمار دمرني شهر ونص متواصله ابحثله عن شبيه وبالاخير ما لكيت بس كم واحد ولان اصحاب رتب عاليه ما حبيت استخدم صورهم لان لازم اخذ رأيهم وادخل بسين وجيم وهل شي مااحبه حبايبي هسه راح انزل الكم طبعاً اكو صور للأمانه الشبه ويه الابطال الحقيقين يوصل ل70 او 80% بينهم وخل اكون صريحه وياكم وبدون كل مجامله ابطالي جميلين جداً جداً ويتميزون بعيونهم الجميله على كولة ترنيم حاسدينه على عيونه وحظ ماكو 😂 يلا نبلش بأول صوره
عمو قاسم ويه هل ممثل او المغني مااعرف اسمه الشبه بينهم فضيع طبعاً لما تقدم بالسن وكبر عمو.
خاله قسم تشبه الممثله التركيه جولسوم بس خاله قسم تتميز بشعرها الاصفر الي خلت عمو قاسم ما يندل دربه من وره ضفيرتها الشكره وعيونها الملونه بس كملامح تشبه هل ممثله.
خاله تماضر صاحبة الضحكه الحلوه والفكاهيه والطيبه الجميله والراقيه تشبهه هل صوره طبعاً لكيتها بالكوكل واعتذر من صاحبتها الشبه بينها وبين تماضر 50%
خاله خوله الهادئه والرقيقه واللطيفه وصاحبة الموعظه والكلمه الطيبه هي وهل ممثله الايرانيه من جانت شابه الشبه بينهم 30%.
نجي على الشباب الي دوخوني وتعبوني واني ابحثلهم عن اشباه بس لارين وجسار ما تعبوني خل اصدمكم بيهم.
لارين عيونها وعيون الممثله التركيه اسراء ماكو فرق نفس العيون نفس الملامح نفس البياض يعني اول مادزولي صورتها كلتلهم اسراء بس محجبه جمالها هدوئها غصب عنك تحبها الشبه بينها وبين اسراء 80% وكلامي الله يشهد حقيقي وشنو اوصفهم احس قليل بحقهم.
ميلا وماادراك ما ميلا الشبه بينها وبين هل ممثله 70% الفرق الوحيد عيون ميلا لونهم عسلي ونظراتها حاده جداً بس هي انسانه لطيفه وراح تحبوها كلش 💕😍
نجي على الحب والحرب ريتا الحلوه اللطيفه المحبوبه الي حرت شلون الكالها شبيه بس فجئه طلعتلي صوره تشبهه ب40%.
يلا يلا هنا وسعو وسوو درب ورحبو ويانه باالطف انسانه عرفتها والي تعبت ويايه لان تنقل الاحداث وتجري اتصالات بسبب اسألتي الما تخلص لان روايه من زمن الثمانينات هي ما قصرت شنو اريد تتصل بالاشخاص المعنين وتجيبلي الاحداث الي اني اريدها ترنيم المساعده والناقله لهل قصه طبعاً الشبابات يشوفن تعليقاتكم المهم ترنيم تجنن تجنن حرفياً مو مبالغه بس تشبه هل بنيه هم لكيت صورتها من كوكل الشبه بينهم 70% الفرق الوحيد عيون توت صفرررررر
احححح نجي على السند عيونه وعيون هل شخص ماكو فرق نفس الملامح والذقن ماعدا هذا شوي اضخم.
جسار وماادراك ما جسار الشخص الثاني من بعد لارين ما تعبت بالشبه مالته لان نسخه من مراد واجمل بعد من مراد بس عنده صوره بجلسة التصوير الي خسر بسببها 200 الف ماعلينه افضحك انت وال200 الف 😂 المهم نسخه من هل صوره عيني عيني حركات وكذا ما يكعد ابو السوالف.
نجي على دمار طبعاً راح انطيكم مواصفاته طويل حنطاوي عيونه اخضر غامق (زيتونيه) حاد الطباع عصبي نااااار و نظراته حاده يجيب ويخزر بالوادم ومسويلهم رعب واني من ضمنهم ليش مااعرف 😂
تعديل // واخيراً بعد تعب وجهد طبعاً نزلت ستوري ان ما لكيت شبيه لدمار ودخلتلي بنيه من متابعيني الله يحفظها كالت انطيني مواصفاته واني ابحث وياج طبعاً من ساعات وهسه جابتلي محمود العيساوي عربي الجنسيه طبعاً اوردة الايد نسخه من ايد دمار وجه دمار اسمن شويه من محمود والعيون ولونهم نفس اللون بس عيون دمار اكبر ومو مبطنه اللحيه محلقها بسبب الدوام وعنده شوارب مفتوله وشعر ناصي كشبهه قريب لدمار بعد ما دزيتلهم هل الصوره واخذت رأيهم لان اني ما شايفه دمار بالواقع فقط بالصور فكالوا الواقع غير عن الصور وهل صوره تشبهله بنسبة 40%.
يلا هسه كولوا شنو رأيكم بالابطال 🤔؟
كثرولي تعليقات ونجوم قحط نجوم هنه خمسه بألف.
الي مسويه كليجه خل ادزلي ماعون.