🌹معادلة بمجهولين 🌹( مكتملة )

part59

59
💟 صفصف الإدريسي

#معادلة_بمجهولين

قربات شوق للباب بحذر باغا تسمع وتشووف كيبان ليها آدم جلس حداها وحط راسو على كتفها وهي كتشوف قداامها ..

بعد عليها ونطق كيشوف فيها..

أدم:غي صبري مبقا والو وترجعي لبيتك نتي هنا غي باش ميقدرووش يوصلو ليك

شافت فيه ونطقاات بصوت عيان ..

-:علاش متخليهمش يوصلو ليا أنا بغيتهم يوصلوو هاد الأعوام كاملة وهما بعاد عليا كنحلم غي بالشوفة فيهم وتجي دابا تحبسني منهم

آدم زيّر على فكو ونطق بغضب: هاد الأعوام كاملة لي ذكرتي علاش متقبلتيش غيابهم وحسستيني بحنانك وبلي أنا ولدك بصح ولا حيت مكنتيش كتبغي باابا؟ حيت أنا ولد ناتج على عملية إغتصاب ياك؟ جيت لهاد الدنيا ونتي مراضياش بيا

**كتشوف قدامها :هادشي مكاينش نتا كتبقى ولدي كبرتك وربيتك بيدي واخا كبرتي وبعدتي عليا ولكن راك فعيني باقي داك الولد الطايش وتصرفاتك كيأكدو بلي نتا طاايش ديال بصح

آدم تبسم بإستهزااء:حيت بغيت ننتاقم لراسي ؟ ولا بنتك تنتااقم وأنا لا ؟ قتلات لي البنت لي كنبغي وبابا ولكن لا هي كتبقا بنت الرجل لي كتبغي وأول بنت ليك ممحسوب عليها واالو

شووق واقفة براا كتشوووف وتسمع وتعاود دور الهضرة فراااسها بحالا صرفقوووها كانت صدمة عمرها مها عاايشة!! والصدمة لي كملات عليها هي آدم هو خوها من الأم ديالها .. حطات يديها على الحيط كتحاول تشد فراسها معرفاات أش تقدم ولا توخر الصدمة غلبااات عليها بزز باش بقات شادة فرااسها كتحاول تقوي عقلها باش يتحمل الصدمة ..

** كتشوف فيه بثقة وبحدة:متخلينيش نندم حيت كنت معاك الأم الحنينة هاد الوقت كلو وحتارم رااسك متنساش شكون وصلك لهنا وخلاك تولي من الجهة العليا بلاصت "ديفيد" الى خديتي السلطة متطغاااش

آدم:كون مخديتهاش أنا شكون كان غياخدمها مثلا نتي؟ مرا مكتخرجش من القصر ديالها بسبب الماضي ديالها كانو غيجيو يهجمو عليك ويخرجووك

..#يتبع غدا 👯🏻‍♀️

كي جاتكم هاد صدمة صغيرة خليو أرااائكم 💸💸