قصـة : فحيـح الافعى
بقلمي : نـون النعيمي ✨
لتنسون التصويت والتعليق بين الفقرات حبايبي ❤️!
.......................................
اضرب ع خده بس ماكو فاقده
خليت أذني يم صدره بس ماكو صوت نبض مداسمع لان
رجعت خليت أصبعي يم خشمه مداحس بنفس بس شي كلش خفيف
عطت بكل قوتي ع الشيخ
أشهب : دكككك ع الاسعااااف وكففف تنفسه كاااعد تموتتت
قويت قبضـة أيدي
وكمت أضرب ع صدره حيل
اتهسترت كلش أضرب وارجع أضرب واخلي راسي ع صدره أتأكد من النبض رجع لو لا اخر شي
رفعت أيدي وضربته ضربه كلش قويـه
چان تشهك ودكوم تكح وترجع تتنفس
خليت راسي ع راسه واني اشكر رب العالمين
لان مخلاني اعيش الموقف وتموت بأيدي
خليت راسي ع راسه واحاول ما انهار لان كلش ضعيف كدام هاي المواقف .. كلما اخذ نفس اذب وراه حسرات
اباوعله وجهه كلش شاحب
عيونهـا من الارق طابه جوه .. مبين عليـة التعب
كمت ع حيلي شلته خليته ع القنفه
ورجعت للشيخ
أشهب : شنسوي هسـه ؟
ضاري : السحر طلع من عده بس الصفقه الاولى اللي ويه الجن مخلصت ترا لان مسويت شي اني غير بس طلعت السحر
أشهب : لعد شلون
ضاري : لازم ترتاح لان ماتت ورجعت عاشت يادوب راح تطلع من الصدمه هيـه
أشهب : ارجعه للبيت ؟
ضاري : اني ما افضل تبقه بالبيت
أشهب : لعد وين اوديه
ضاري : مو كالت ابويه عنده مزرعه وبيت
أشهب : اي
ضاري : اريده اهناك تبقـه
أشهب : بس ما اندل البيت وين صاير
ضاري : روح البيتهم اخذ الملفات اللي چانن بأيده اكيد مكتوب بيهن
أشهب : وخواته شلون ماتوقع كايلتلهم يعني شلون اطب للبيت شلون اصخم شكول الاخته وين حتبقه
ضاري : ماعرف انتَ دبره
أشهب : هيه فاقده اصلاً شلون راح اوديه اهناك وحده
ترا شغلـه واكفه
ضاري : اعتني بيه بين ما تكعد
أشهب : اكو احد كلك مفتح حضانه اني ! ترا بابا هاي طفلـة اذا كعدت ولكت نفسه اهناك اتسويلي مصيبه
ضاري : من تكعد حتصير عده اثار جانبيه ممكن اتصير عدوانيه بهل حاله شلون انبقيه يم خواته برئيك ؟
أشهب : ماعرف
ضاري : بيه مس شيطاني مستحيل راح اتكون ع طبيعته فـ دبر انتَ الموضوع
أشهب : خوش
كمت جبت بطانيه غطيته واخذت سويچي وطلعت
اخذت تليفوني شغلت السيارة وتوجهت البيت ريتال
دكيت ع حسن بأول مره جاوبني
حسن : ها سيد
أشهب : وين انتَ
حسن : بالمركز ليش ؟
أشهب : منتظرك يم بيت ريتال
حسن : ليش
أشهب : بعدين افهمك سالفـة طويله
حسن : خوش
أشهب : لتتأخر لان حوصل اني الطريق فارغ
حسن : ديلا طالع
ضربت ع راسي بعد ما تذكرت جنطة ريتال
يمكن بيه رقم لو عنوان شلون طلعت من بالي هاي الفكرة
ع السريع غيرت الطريق ورجعت البيت الشيخ
زين ما اذكرت متأخر
طبكت ونزلت ع السريع
فتحت الباب ودخلت شفت الشيخ كاعد كباله وبيده قران كاعد يقره بس شافني صدق وسد القران
ضاري : شكو خير
أشهب : جنطته اهنا يمكن بيه عنوان لو شي
ضاري : وشكو رجعت چان دكيت عليـه اني اشوفلك اياه
أشهب : لك راحت من بالي
ضاري : ع كيفك لتتشوش وتنخبص
أشهب : ميخالف
رحت ع جنطته شلته وفرغته ع القنفه
مچان بيه شي مهم بس جزدان وعطر وعلچ وقصاصه ورق صغيره وجداحه ومفتاح صغير
ماعرف شسوي بالجداحه بس اكيد مدخن
فتحت القصاصه اكو رقم بس مامكتوب يمه شي
بس حسيت المفتاح راح يفيدني بشي
اخذته خليته بجيبي
ورجعت لميت الغراض ورجعتهن بالجنطه
ضاري : مابيه شي مو
أشهب : لا .. حطلع اني ديربالك عليـة بين ما اجي
رجعت طلعت ع السريع ركبت السيارة وحركت البيت ريتال بس ماعندي فكرة شلون حدخل وادور بغرفته
سويت الطريق دقائق اول موصلت لكيت حسن منتظرني اهناك
حسن : صار ساعـة منتضرك !
أشهب : مو نسيت شغلـه ورحت سويته وجيت
حسن : هسـه مكتلي شنسوي اهنا
أشهب : اريدك تدخل ويايه جوه تلهي مروه بين ما ادخل الغرفـة ريتال
حسن : شسوي بغرفـة الابنية
أشهب : اخذ شغلـة بعدين اسولفلك
حسن : هيـة ريتال وين ؟
أشهب : بالبيت يم شيخ ضاري
حسن : يعني تعرف بيك اهنا ؟
أشهب : اهووو شكد تسأل الخاطر الله شنو مثق بيـه !
حسن : دكلي ذب روحك بالشط اذبه .. لا چذب ما اذبه بس داتأكد شبيك
أشهب : لتتأكد سوي اللي اكلك عليـه واسكت
حسن : ديلا امشي
دكيت الباب مره وحده ثواني وفتحته مروه چانت متلهفه بس من شافتنه تغيرت ملامح وجهه وصارت كله قلق
دغيت حسن لان ضل صافن عليـة عبالك مشايفه قبل
وابد مو وكت صفنات هسـه
حسن : احمم
مروه : خيركم خوما اكو شي ؟
حسن : مشتهي اشرب چاي امهيل ومحد يقبل يسويلي
مروه : شنو
حسن : شنوه غير چاي قابل شطالب
غمضت عيوني وكتمت ضحكتي ودرت وجهي لان كلش واضح حسن جفص شنو چاي بهل ليل هسـه منو يلومه اذا كالت علينـه مخابيل
أشهب : جذب خيتي حسن يريد يشوفج فـ سحلني وياه لان ممنوع نطلع من المركز اليوم عدنه اوامر
اندار عليـه حسن يخزر بيه ويحرك بحلكه واضح كاعد يدردم معجبه الحچي
أشهب : شنو حضلين موكفتنه بالباب
مروة : لا تفضلو دخلو
جيت ادخل صار حسن ورايه يدغ بظهري ويهمس
حسن : شنوو اريد اشوفه شهل مسلتهه هااي
أشهب : غير فشلتنه انتَ شنو چاي مهيل طاح حضك
حسن : اي شكول لعد
كعدنه ع القنفه راحت مروه للمطبخ
أشهب : كوم وراها شمنتظر يعني ؟
حسن : اروح وراها شسوي صدك تحچي
أشهب : ماعرف لهيهه سولف وياها اول متسمع صوتي كاعد احمحم يعني كملت تعال
حسن : استغفر الله شلون كراوي تعبانه
اول مكام حسن كمت وراه ع السريع للغرفـة حاولت افتحه بس منفتحت مقفوله .. خليت أيدي ع راسي بهل حالـه اني شراح اسوي
باوعت ع القفل السنون ملاته صغار
اذكرت المفتاح اللي اخذته من جنطت ريتال
اول ماخليت المفتاح بالقفل دخل بسهوله
اول طكتين چان تنفتح الباب .. دخلت للغرفـة وسديت الباب ع كيفي
رحت ع الكومدي اللي يم الچربايه ادور بالمجرات مالته بس ماكو شي فارغات
رحت ع الميز ادور بالغراض بس هم ماكو شي
باوعت ع الكنتور رحت فتحته وياريت ما فاتحه ادكول واكعه قنبله بي من الهوسه
بديت ادور بين الملابس
داكلب بالملابس چان تجي ملابس داخليه حمره بأيدي ضليت لازمه ومصدوم
عفته ع السريع وسديت باب الكنتور .. فتحت الدكمه مال قميصي لان داحس بحراره مو طبيعيه حته صخنت يمكن
كعدت ع الچربايـه ادور بعيوني بأرجاء الغرفـة يعني وين ممكن تخليهن ماكو مكان بعد
جيت اكوم چان اسمع صوت شي يطكطك جوايه
رفعت الدوشك من الچربايـة
چان يصيرن اوراق كدامي وملفات ومفاتيح وفلوس
خاله حياته كله جوه الدوشك
شلتهن كلهن حشكتهن بفايل واحد
ورفعت تشيرتي خليتهن جواه وثبتتهن بالحزام
والمفاتيح والفلوس خليتهن بجيب سترتي
طلعت من الغرفـة بهدوء ورجعت قفلته ورجعت للصالـه
عدلت ملابسي وكعدتي ومسحت العرك اللي ع جبيني ..
من التوتر حته عركت
مروه : شعندك كاعد اهنا ؟
حسن : اباوع عليـج من تسوين چاي
مروه : شنو كاعد تتعلم
حسن : اي داتعلم شلون اتخطه جمالج وهم من نتزوج اني اسويلج چاي الصبح
مروه : سامع بأحلام العصر ؟
حسن : اي الاحلام الوردية
مروه : اي هو انتَ عايش بيهن
حسن : هيج اشوفين ؟
مروه : اي
حسن : لعد لدكعديني من هاي الاحلام
كمت اتقربت عليـة چانت منطتني ضهره واكفه تخوط بالچاي صرت وراها وهمست بأذنه
حسن : احلا حلم حلمته بحياتي
فزت وذبت الخاشوكه من أيده واندارت عليـه
صرنه وجهه ابجه
ضليت صافن بملامحه وتوتره وخوفه العجيب
نزلت عيوني ع ركبته لان مبينه من جوه الشال .. ممغطيه المنطقه كله
حسن : ملامحج عن قريب كلش حلوة وبريئه
مروه : وخر احسلك ترا اصيح والم عليك العالم والله
حسن : يلا صيحي بعد احسن حته يعرفون انتَ تاليتج الي
مروه : شبيك تخبلت داكلك وخر ليش هيج اتسوي وخرر
حسن : واذا ما اوخر شسوين
مروه : وخر عفيه كلش اكرهه هذا قربك السخيف مني وخرر داكلك لتسوي هيج
حسيت كامت ترجف ووجهه صار اصفر رغم اني ممسوي شي بس واكف كباله وحاصره بأيدي حته متوخر
تقربت ع شفته اول مشافتني كاعد اتقرب غمضت عيونـة
وكامت تتوسل حته اوخر
بس حسيت ع روحي فاقد ماكدر اسيطر ع
هذا الشعور الغريب .. اريد اوصل الشفته مهما كان الثمن غالي رغبتي بشفته فضيعه
طخت شفتي بشفته الترجف
جيت اكمل رغبتي العميقه
بس سمعت صوت أشهب يصيح عليـه
ضربت الكاونتر بأيدي بغضب لان أبد مو وكته أبد
اتقربت الأذنه وهمست :
حسن : يلا هاي المره ادعي الأشهب مره ثانيه مراح اعوفج
وخرت من عده واني اسمع شهكاته
ونفسه القوي .. رجعت للصالـه
أشهب : مدكليي شدسوي
حسن : هوه انتَ غير موقته فد توقيت خايس خرب حظي
أشهب : ليش اشصار
حسن : هيج غلس يمعود
أشهب :: دخلت مروه بيده صينية الچاي خلته كبالي وكعدت مقابيلي
واضح عليـة شكد منزعجه وعلامات التوتر ع وجهه
أشهب : ريتال وين ؟
مروه : والله مادري كلش تأخرت
أشهب : اني مريت من يم عمله فـ سلمت عليـة كالت عندي شغل اذا مريت المروه كول اله راح ابقه يم صديقتي
مروه : صدك ؟ لعد مكلتلي
أشهب : دكيتي عليـة انتِ ؟ لان دكيت قبل ما اشوفه طلعلي مغلق
مروه : اي اني هم يطلعلي مغلق مسألته ليش مغلق !
أشهب : تليفونه عطلان
مروه : اي صحيح متفلشه الشاشه مالته بس غير تجي للبيت ادكلي مو تعرف ايضل بالي
أشهب : مادري بس ع الاغلب لازميه دعوه او هيج شي
مروة : اهاا
أشهب : اي اذا رحتله باجر للمطعم اكول اله مروة قلقه عليـج
مروه : اي فدوة بالي يمه ماعندك عنوان صديقتـة ؟
أشهب : لا والله بس كتلج اذا امرله باجر اسئله وتدللين
مروه : فدوة الكلبك خويه ماتقصر
اخذت رشفه من الچاي وكمت اترخصت من عده وطلعت
چانت متباوع ع حسن تتجنب نظراته وضلت تلعب بأصابيعه هذا دليل ع انو هيـة متوتره
صعدت بالسيارة طلعت الاوراق خليتهن ع رجليه واندارين ع حسن .. چان شارد بفكاره
أشهب : شسويت المروه ؟
حسن : كلشي ماسويت شكو تسأل
أشهب : كاعد تكذب عليـه ؟ بابا البنيـة وجهه دينطي الوان شبيك انتَ
حسن : داكلك كلشي ما سويتله
أشهب : رجع عقلك براسك لا انعل والديك افهمت لو لا لتقتربله اصلاً لان اذا سمعت شي والله مارحمك
حسن : شكو مهتم لهل درجة
أشهب : مثل ما كتلك بس اسمع مسويله شي مارحمك
حسن : ميخالف
عافني ونزل من السيارة مبين ما عجبه كلامي
ضليت واكف منتظره يروح يلا اني احرك
ثواني وحرك سيارة .. دقائق وحركت اني
وصلت البيت الشيخ ضاري طبكت بالباب طلعت الاوراق وكمت اكلب بيهن وحده وحده
احس حياته مخربطه
عباره عن اوراق ومستندات
اجت ورقه بأيدي مكتوب بيه عنوان المزرعـه
واكو مفتاح ابطن الفايل اتوقع هذا مفتاح البيت اللي كالت عليـة ع الاغلب
خليتهن ع الكشن ونزلت فتحت الباب وطبيت
لكيت الشيخ بعده ديقره قران .. ثواني وصدق
ضاري : ها بويه لكيت العنوان
أشهب : اي بس بربك لو مبقيه اهنا مو احسن
ضاري : لا اهناك راح تحس بالامان اكثر
أشهب : خوش
اتقربت من عده لفيته بالبطانيه وشلته
اخذت غراضه وطلعت
خليته بالسيارة ليوره عدلت راسه
وصعدت ليكدام وحركت
دكيت ع عمر ثواني وشال التليفون
عمر : ها سيدي
أشهب : شلونك اخي
عمر : والله الحمد الله سيدي ماشفتك اليوم
أشهب : عندي شغلات مشاكل عائليه والله
عمر : خير ان شاء الله
أشهب : محتاجك بشغلـه ومحد يدبره غيرك
عمر : أأمرني
أشهب : اتسويلي اجازه ضروريه خمس ايام
عمر : هواي خمسه
أشهب : ماعرف دبره هوه دكيت عليك لان بس انتَ ادبره
عمر : ماشي سيدي
أشهب : من اتكمله ردلي خبر
عمر : صار سيدي
سديته من عنده وكمت اسوق الطريق صار كلش ظلمه
ومنا الطريق بعيد عبالك رايح بچوله
الطريق يخوف ماعرف شلونه
تقريباً ساعـة اسوق يلا وصلت للعنوان الموجود بالورقه
خمس ايام اذا ما كعدت اروح اسولف الاخته
لان ماكو شي بيدي .. الشيخ كال ابعده عنهم لان خطر عليهم منعرف من تكعد شحيصير
اسوق واباوعله بالمرايه
اخاف كعدت لو شي
وكفت كدام مزرعـه كلش كبيرة
نزلت من السيارة الهوى يلهف بيـه .. والجو كلش حلو
ماشوف شي غير بس تحركات الزرع من الهوى
اكو بيت صغير مثل الكوخ صاير بنص المزرعـه
قفلت السيارة ع ريتال ورحتله
حاولت افتح الباب بس مقفوله
طلعت المفاتيح العندي الاخذتهن من ريتال جربتهن كلهن
اخر واحد يلا فتح الباب
دخلت جوه البيت امأثث بس الاخشاب ماكلهن التراب
مو نظيف كلش .. شلون حتبقه اهنا ماعرف
وصلت الغرفـة هم چانت مقفولـه
حجيت بصياح
_ يعنييي الحياتتت كلهه مقفللله شنووو السالفـة
طلعت المفاتيح ورجعت واحد واحد احاول وياه
لحد ما انفتح
استغربت من الغرفـة شكد نظيفـه
حته الفراش معطر
رجعت طلعت من الكوخ شلت ريتال طلعته من السيارة
وتوجهت للكوخ
چنت امشي بين الزرع وشايل ريتال
والهوى يكفخ بيـه .. ويه كل نسمة هوى شعر ريتال يطير
ويكفخ بخشمي ريحة عطره المميزه
اتمنيت هذا الطريق ميخلص
بس بالنهايـة خلص .. دخلت للكوخ خليته ع الچربايـة
وخليت غراضه بالكاع .. ماعرف شسوي هسـه
شنو اللي اسوي مادري
كمت غطيته ونزعته الجاكيت لان شويه الجو دافي
غطيته وكعدت كباله
احچي بصوت عالي لان ماكو احد يمي فـ ماخذ راحتي شريد احچي احچي
شكد حلوة تحس حلاة الدنيا كله بيه
ماعرف رب العالمين شلون تعبان بيه وهيج خالقه
تحس رب العالمين معتني بأصغر تفاصيل بيـة
تحسه شي كلش مبالغ بي .. قبيحة بس بصورة جميلة كلش
طلعت من افكاري وكلامي
واخذت تليفوني وطلعت من الغرفـة سديت الباب ورحت للصالـة
كله تراب شسوي مادري
ماكو غير امي هيـة الوحيدة اللي اكدر اثق بيـه هيـة الحل الوحيد
دكيت عليـة بأول رنه شالته
سمر : ابن القندره هاييي انتَ وينككككك
أشهب : وعليكم السلام علويه
سمر : انعل ابوك لا ابو الجابك متشيييل حته تليفونن تسأل عليـة طايح الحض
أشهب : بس انطيني مجال اسولفلج
سمر : انطيك مجال مو ما تستاهل المجال يا ادبسز
أشهب : حدزلج واحد من الولد تعاي وياه محتاجج وجيبي اشياء مال تنظيف وياج وجيبيلي لكمه فدوه الكلبج
سمر : بهل ليل ؟ دشوف ساعبيش انتَ
أشهب : يلا يمه لا اطوليه فدوة الكلبج
سمر : ديلا خوش
أشهب : تأكدي من نور نايمه يلا اطلعين وكولي للحارس يراقب زين
سمر : ميخالف
أشهب : ديلا منتظرج
سديته من أمي ودكيت ع حسن
شويه وشاله
حسن : ها سيدي
أشهب : وين انتَ
حسن : بالفندق ليش ؟
أشهب : روح ع امي حدزلك عنوان جيبلياها
حسن : خوما صاير شي
أشهب : لا ماكو شي
حسن : ديلا هسـه طالع
أشهب : خوش
سديته واخذت كرسي ودخلت للغرفـة يم ريتال
خليته بصفه وكعدت
رجعت راسي عليـه وغمضت عيوني
تعبان كلش .. باوعت الساعـة بـ ٣ وربع
شراح يجيب امي بهل ليل لو ادري مأجله ع الصبح
هم صدك رجعت دكيت ع حسن
حسن : ها سيدي
أشهب : وين انتَ طلعت ؟
حسن : لا بعدني جاي البس
أشهب : عوفه ع الصبح الوقت تأخر
حسن : خوش احسن
أشهب : دك ع امي كله الصبح اجيج
حسن : ماشي سيدي
قفلت تليفوني وخليته بجيبي .. رجعت راسي ع الكرسي وغمضت كلش تعبان اليوم عبالك ركضت طويريج عندي
ماكعدت ابد
غمضت عيوني وچان اغفه
....
امشي بطريق طويل كله ابيض
واكو مثل السچه حديد تقريباً مثل مال قطار
بس مدافهم اذا اني بواقع لو خيال
احس كلشي خيالي لان ماكو هيج شي حقيقي اصلاً
طريق كلش طويل احس مابي نهايـة
لان مداشوف شي كدامي
لمحت مسطبه او شي مثل الكرسي
واكو شخص كاعد
ركضت ع السريع اله .. طلع ابويـه
اول مشافني ابتسملي واشرلي اكعد بصفه
كعدت بصفه وكمت احرك برجلي افر بيهن
خله أيديه ع راسي وكام يمسح عليـة وهوه مبتسم وفرحان
:- بابا وين اني
:- مكان مثل الانتظار بابا
:- شننتظر
:- ننتظرج تكعدين
:- هذا حلم ؟
:- اي
:- ماريد اكعد
هزلي براسه وابتسم .. وخر أيده من راسي
وكام يباوع ليكدام ميباع عليـه
ثواني ورجع حچه
:- لازم تكعدين اذا مو هسـه بعدين
:- بس اني ماريد اكعد
:- ليش
:- تعبت كلش واريد ابقه اهنا وياك .. مداحس بشي الاول مره .. مداحس بتعب ولا بهم بس شي فارغ اول مره ماحس ورايه مسؤوليه ولازم اضل قويـه .. اريد ابقه وياك لان كلش محتاجه هذا الشعور
:- بس اكو من يحتاجج بالحقيقـه
:- بس يكدرون يعيشون ورايه اكو مزرعه واكو بيت
:- بس همه محتاجيج الج خواتج يردوج يمهم .. حته أشهب هم يحتاجج
:- بابا تعبانه ماريد ارجع اريد ابقه وياك والله
جسمي كله يوجعني من الاشياء من الوجع
:- بقيج يمي ومن تحسين بنفسج تردين ترجعين ارجعي
:- ماشي بابا
( بعدين راح تفهمون هذا المشهد )
.....
مغمضه عيوني بس ماكدر انام
بالي يم ريتال .. احس اكو شي غلط لان هيه ابد متعوفنه وحدنه وبدون متنطي خبر
احس اكو لعبة بالموضوع بس مدافهمه
ومنا كلش متنرفزه من وره حركات هذا حسن
داحاول انسى الموضوع واتلافه عنه بس تجي صورته بجهي وشلون اقترب من عندي
ديجيني هذا الاحساس اللي حسيت بي الغريب
احساس ماعرف اوصفه اصلاً
بطني وجعتني وحسيت بتوتر وخوف ومشاعر ملخبطه
احسه ديلعب بأعصابي ويريد يوصل المغزه معين
بس مداستوعب أبد
ديقلقني بتصرفاته الغبيـه مثله
طلعت من شرودي وافكاري وكمت ع كيفي
حته ما يكعدون الجهال .. طلعت للصالـه
رحت الغرفـة ريتال بس مقفوله اول مره تقفله
مادري ليش
دخلت للمطبخ صبيتلي اكلاص مي وكفت اشرب
لان ماعندي نوم داحاول الهي روحي بلكي اتعب وانام
سمعت صوت طكطكه
ذبيت الكلاص ومشيت ع كيفي للصالـه
دخلت بس ماكو شي .. سمعت صوت همس قوي بسرعه انداريت المصدر الصوت
چان جاي من غرفـة شيماء
تمشيت ع كيفي للغرفـة كلما اقترب كلما يزيد الصوت بس داسمع صوت طفل مثل القحقحه او الطفل اللي كاعد يناغي .. وكفت كبالـه چانت كاعد تجي اصوات غريبـة كلش
عبالك مو صوت واحد اصوات
لزمت كلبي لان صدك حسيت بخوف مو طبيعي
كاعد يجي ضوه من جوه الباب عبالك ضوه شمعه او هيج شي لان خفيف واصفر ويروح ويجي
اتقربت ع اليده مال باب خليت أيدي عليـة بحذر
اخذت نفس ونزلته وفتحت الباب ع السريع .. فتحته كله
شهكت وخليت أيدي ع حلكي
اريد استوعب اللي داشوفه ماكدر حسيت نفسي ماكدر اتحرك لو اسوي شي
شيماء كاعده بالكاع متربعه وراسه رافعته للسكف وتحچي أشياء مو مفهومه
وداير مدايره شموع ع شكل دائره وريحة الغرفـة كلش مقززه بشكل مو طبيعي
انتبهت ع أيهم مخليته كباله ومصلخ ملابس شي
مستحيل اني قبل شويه چان يمي نايم بس كمت شربت مي كلشي ماسويت حته ماتأخرت
لاحضت اكو ع جسمه رسومات بلون احمر بس عبالك مو الوان عبالك .. دم
عجزت عن الحركـه ماعرف شأسوي اكو خوف بكلبي مو طبيعي يمنعني من التقرب
جمعت كل قوتي
وركضت ع أيهم شلته من الكاع جيت اركض چان تنركع الباب بكل قوة
عيطت وأيهم كام يبچي
انداريت ع شيماء لكيته منزله راسـه وتباوع عليـة وتبتسم
نزلت نظره ع أيهم چان تتغير ملامح وجهه
ملامحه تحولت الشي كلش مخيف عيونهـا صارن كلهن سود .. حسيته تريد تكوم تفترسني
درت وجهي وكمت ارفس بالباب اريد احد يفتحه حسيته عليـة كامت والشمعات مال غرفـة انطفن وحده ورى الثانيه
كمت ارفس بالباب وابچي وأيهم يبچي ويايه
ماحسيت غير احد فتحه جريت المفتاح مال باب وطلعت ع السريع
سديته وقفلت الباب بالمفتاح ووكعت بالكاع ابچي وأيهم بحضني
كامت ادك بالباب وترفس بيه قوي
وتعيط بصوت كلش غريب
انداريت لكيت زينب واكفه متجمده بمكانه من الخوف
كمت ع حيلي اخذته ورحت للغرفـة
خليتهم بالغرفـة ورحت للمطبخ
سويت ممه الأيهم واني احاول اوازن روحي واوخر دموعي
اخذت وصله بيه مي ورجعت للغرفـة
خليت الممه بحلك أيهم .. وكمت امسح الكتابه ع جسمه واني ابچي وارجف
وزينب كاعدة بصفي بس تبچي ما وكفت
كلش منصدمه من اللي شافته
مروه : رجعي نامي ماما
زينب : ماكدر
مروه : ميخالف حاولي وراج دوام باجر
زينب : ليش خالـة شيماء هيج تخوف ليش صوته هيج
مروه : ليش اني ادري شبيه اتسودنت هاي المره
زينب : اريد خالـة ريتال
صفنت ع زينب ورجعت نضري ع أيهم امسح بجسمه
خنكتني العبره .. لان حته اني اريد ريتال لان كلشي يتخربط بدونه
زينب : ماما هيه وينه والله دكي عليـة خل تجي والله اريده
مروه : كاااااافيييي عاااد كومييي ع افراشج انطمرييي
باوعتلي وكامت لفراشه غطت وجه وكامت تبچي
اسمع صوت شهكاته
ركعت الوصله بالكاع وخليت أيدي ع راسي
ماعرف شسوي الوضع كلش يقلق واني منا متوتره واعصابي خربت فـ مداسيطر ع نفسي
لبست أيهم ملابس وخليته بفراشه خطيه رأسن نام
سوده عليـة شنو ذنبه هذا الطفل
اتقربت ع زينب لكيته نايمه
مددت بفراشي وغمضت ثواني وسمعت صوت رنة مال تليفوني
...
حسن :: مدد ع الچربايـة وعيوني ع السكف
عيوني تفتر ويـه البنكه
كلش جوعان بس ماحب اكل البره
بس محروم من اكل البيت من وره امي وهاي الزركه
كمت طلعت جكاره وطلعت بالبلكونه
اخذت تليفوني داكلب بي
ماشفت نفسي غير فاتح محادثه ويـه مروه
بس مدزيت شي
مداكدر اتخطى شعوري بقربه مني .. كلما اتقرب من عده احس كلبي يصير براسي مو بصدري
تعجبني الأبعد الحدود يعجبني كلشي بيـه
ماكدر اتخطاه بسهولـه ولا اكدر امنع نفسي من عده
تعوذت وسديت التليفون ورجعته بجيبي
وضليت كاعد بالبلكونه
دقائق ورجعت لفراشي ضليت اتكلب ماكدر انام
اتنهدت وطلعت تليفوني ودزيت رساله المروه
:- كاعدة ؟
وخليت تليفوني ع صفحه
ثواني وسمعت صوت الاشعار .. اخذته ع السريع حته اشوفه شدزت
:- اي كاعدة
:- شدسوين
:- داحاول انام
:- حته اني مداكد انام بس داحاول
:- خوش ضل حاول
:- ضايجة مني مو ؟
:- شهل سؤال السخيف طبعاً ضايجه وكارهتك هم
:- اسف ع اللي صار اليوم
:- بعد وكت بعدين لتتأسف ولا اتشوفني خلقتك
:- اهو مو اتأسفت هسـه
:- اي صحيح
:- شلون اراضيج بيا طريقـة ترضي كلبج ؟
:- لشوفني خلقتك هيج ارضه واكون ممنونه هم
:- لا هاي صعبه الكي غير شي
:- لعد شو دولي اني صوجي جاوبتك
:- لج هاي عليمن دولي مو اطلع من التليفون حلكج اشكه
مرت دقيقه تقريباً هيه شايفه الرسالـه وممجاوبتني
فقدت الامل برده خليت تليفوني جوه راسي وغمضت
ورايه كعده ومبين مشوار طويل باجر
والحد هسـه ما نايم بلكي اكدر انام
...
فزيت من النوم ع شي او احساس شبيه حكه بخشمي
حكيت خشمي حيل
_ خرب*** هم صبحنه
لزمت ركبتي حيل لان لازمه دمار مادري تشنج
ضليت احرك بيـه شويـه استعدلت
اتقربت ع ريتال وخرت الشعر من وجهه
وخليت اصبعي جوه خشمه اتحسس التنفس مالته
اطمنت بعد ما شفت اكو تنفس
باوعت الساعـة بـ ١٢ وربع الظهر
صوت العصافير وضوه الشمس محتلين الغرفـة
كمت فتحت الشباك اللي فوك راس ريتال
دخل نسيم مال هوى كلش حلو وبارد
انتبهت ع رجليـه مكشفه
اتقربت من عده غطيته بس لفت انتباهي اثر يم حجل قدمه مشيت اصبعي عليـه
عبالك اثر حبل او واير هيج شي
بس واضح اثر قديم بس مسبب ندبه واضحه
غطيته ورجعت للكرسي قربته عليـة
وكعدت بصف وجهه بالضبط
اول مره بحياتي اشوف بنية هلكد عده ندبات وجروح
بالعاده اتصير عند الولد مو عند البنية بش متأكد اني ورى كل ندبه وجرح اكو قصـة طويلة
لاحضت اكو ندبه جوه شحمة اذنه بالضبط
صايره بلطول بس متبين لان شعرهـا دائماً بهذا المكان
اتسائلت بيني وبين نفسي
يا ترى شنو سبب هاي الندبه !
حجيت بصوت مسموع
_ اتمنى تكعدين واتسولفيلي قصـة كل ندبه .. صدكي راح اسمعج منا الحد ما تكملين عسى ما تبقين شهرين اتسولفين راح اسمعج بدون ما امل .. بس اكعدي
فتحت خط بعد ما التليفون رن مرتين واني مشايله
:- ها حسن
:- وين انتَ سيدي ؟
:- دشوف سيارتي لو لا
:- اي داشوفه
:- اطبك يمه وتعال الهذا الكوخ اللي صاير بنص المزرعـة
:- انتَ بس لا كاتلك واحد وهناك ضامه !
:- يابه لتمسلت وبعدين شهل غباء قابل حكلك حته تفضحني
:- هم صدك .. ديلا جايين
سديته من عنده ووكفت بالباب شفت امي وحسن بيده كومه علاليك
شويـه شويـه يقتربون مني
سلمت ع امي واخذت العلاليك من حسن
:- يلا توكل
:- هاي صدك هسـه ع الاقل كلاص مي
:- دمشي روح شوف شغلك
:- هوه هذا كوخ منو ؟
:- مالتي اشتريته
:- صدكك
:- اي
:- لعد متحچي شنو تخاف من العين
:- اخاف من عيونك لان تجي بالكصه
:- اتفل ع هيج خوه
:- ميخالف عود بعدين .. يلا شوف شغلك
هزلي بأيده وفات انتظرته يطلع من المزرعـة يلا دخلت للكوخ .. خليت الغراض بالكاع
لاحضت امي ماكو
رحت للغرفـة اللي بيه ريتال شفته واكفه كبال الچربايـة
وخاله أيده ع حلكه وتباوع بصدمه
ماحسيت غير مصلوخ راشدي
خليت أيدي ع خدي وضليت اباوع ع امي اللي دموعه تنزل وشفته ترجف حسيته راح تتخربط
أشهب : اشكرج ع الراشدي ما تقصرين
سمر : ولك شمسوي بالبنية يلمعزييي صخاام الصخمني
ليش هيجج يبن بطنيي ليييش
أشهب : بس خل افهم..
سمر : ولك شتفهمنيي هاي تربيتيي بيك ولك ابني شلتك ابطني تسع اشهر بالاخير هيج اجازيني
أشهب : هسـه انتِ فتهمتي السالفـه اكلتيني وشربتيني
سمر : شفتهم يلمصخم بس لا امسوي اسوايتك يا أشهب والله اتبره منك وماسامحك طول عمرييي بس لا مأذيي البنية
أشهب : وووووو علويييه شبيجج خلينيي اشرحح وعوود غلطي وتوعدييي براحتجج
سمر : شتشرححح مدكليي
أشهب : يعني شفتهمتي هسـه شنو قابل مغتصبه لوو شنوو
سمر : لا يل معزييي يا كلب يا**
أشهب : غير تنطي صبر عاد البنية داخله غيبوووبه
سمر : غيبوبه ؟
أشهب :ايييي
سمر : لعد ليش مكتلي من البدايـه ؟
أشهب : ليش انتِ تخلين واحد يفك حلكه ويمضرط
سمر : هسـه اني شمدريني قابل .. يمه بس لا تأذيت من الراشدي
أشهب : هيه بس چان عايزه راشدي وتكمل
سمر : شلون دخلت غيبوبه بعدين شسوي اهنا !
أشهب : البارحه باليل جنه يم الشيخ ضاري فـ سواله جلسه استخراج السحر او هيج شي فـ اتقيئت ووكعت ومن البارحه الحد هسـه هيج
سمر : لازم انجيب دكتور يشوفه يخليله مغذي لو شي لان اعراض الغيبوبه خطره
أشهب : ماعرف علويه شسوي الشيخ كال لتوديه يم خواته لان ممكن من تكعد متكعد هيه ريتال
سمر : قصدك اتكون خطره عليهم .. اعرف بهل شي
أشهب : والله مادري شسوي حته اخذت اجازة خمس ايام كلت اذا ما تكعد منا الخمس ايام اضطر اكول الاخته
سمر : ميخالف ارجع الشغلك اني اعتني بيه منا الحد ما تكعد
أشهب : لا ماكدر اعوفج يمه هوه اني زلمه شكبرني بلكوه سيطرت عليـة من ديطلع السحر منه
سمر : مسكينه هل طفلـة مبين ولا مرتاحه بحياته ابد
أشهب : بس نظفي لان ماعرف اسوي شي اني ومنا ما ماكل لكمه من البارحه الحد هسـه
سمر : هوه جبتلك اكل وياي مكتلي هذا بيتمن ؟
أشهب : بيت ريتال وارثته من ابوه
سمر : زين شعجب بس هاي الغرفـة نظيفه ؟
أشهب : والله ماعرف حته اني استغربت المهم بس كملي وارجعج للبيت لان نور وحده
سمر : دزيت المربيه يمه والحارس هم موجود فـ ما عليـة شي
أشهب : واذا اجه هذا حيدر شلون ؟
سمر : ميجي اخذه مني
أشهب : خوش انشوف
طلعت من الغرفـة رحت بره بالباب
كعدت ع الدچة مال باب لان الهوى كلش حلو يفتح النفس
اجه بالي دكتور اعرفـه كبير بالعمر
كعدت ادور رقمه بس ما اتذكر شنو مسمي
ضليت ادور باللسته مال الاسماء الحد ما لكيته دكيت عليـه مره ماجاوبني رجعت دكيت مره ثانيه يلا جاوب
:- الو
:- هلا بأشهب شلونك
:- الحمد الله سيد
:- وين ما وين مختفي صاير ما تجي
:- والله بهل دنيا بس رايد من عندك خدمه
:- بخدمتك اني كول
:- لا حشاك سيد .. انتَ بنفس العياده مالتك مو ؟
:- اي
:- حلو راح ادزلك واحد يجيبك العندي بس جيب وياك غراض مريض داخل غيبوبه حته ليش ترجع اتجيبهن
:- ماشي صار
:- ديلا خل ادك ع احد يجيبك
:- منتظرك
سديته من عنده ورجعت دكيت ع حسن
ثواني وشاله
:- وين انتَ حسن ؟
:- راجع للمركز
:- تذكر الدكتور اللي جنت اروحله ذيح الفتره ؟
:- اي شبي
:- اريدك تروح اتجيبه وتجي للمزرعه
:- صدك تحچي لو تشاقه ويايه
:- مشاقي وياك قبل ؟
:- ترا مو سايق يم الخلفك شنو السالفـة
:- هسـه روح وبعدين نتناقش
:- استغفر الله يا الله
:- ديلا اعتبره واجب لو أمر
:- خل انشوف شوكت نخلص
سديته من عنده واني اضحك خليت تليفوني بصفي
واخذت نفس وذبيته
ثواني وشفت امي كعدت بصفي بيده سفرطاس وخبز وخاشوكه
انطتني اياهن وكلتلي.. اكل
فتحتهن وخليتهن كبالي ع الدچه وكمت اكل
:- اويلي بركان مو برياني عمي خل يعتزلون العالم
:- لتحچي وانتَ حلكك مليان حرام ماما
:- هم مو صوجج صوج اللي يمدح بأكلج
باوعتلي صفح ودارت عيونهـا ع المزرعه
ضليت اكل اني
:- حبابه ريتال كلش
:- وانتِ منين تعرفيه حته دكولين حبابه
:- الانسان الخوش مبين من عيونـه ميحتاج يوضح هل شي
:- مادري بطلت انخدع بالمضاهر
طبطبت ع چتفي وعافتني وكامت رجعت اكمل اكلي
دقائق وشلته ودخلت جوه
لكيته كاعد تنظف بالصالـه
:- يمه اساعدج ؟
:- امسحلي الاخشاب
هزيتله براسي ورحت بللت وصله وظليت امسح بالتراب الماكل الغراض اكل
تقريباً مرت ساعـه يلا امي كملت
رجعت البيت جديد يلمع لمع كعدت تستراح
چان اسمع صوت باب الكوخ يندك
اشرت الامي تلبس حجابه .. انتظرته تلبس يلا فتحت الباب
فتحت الباب لكيت حسن والدكتور
سلمت عليـه ودخلته كبل الغرفـة ريتال
لاحضت علامات الدهشه ع حسن
فـ جريته ع صفحه وهمستله
:- مو تجفص شي كدام مروه ترا داخله غيبوبه
:- لا عمي شجفص اتريد تبليني شيخلصني من حلكه
:- اي ديربالك
لاحضت امي تخزرني
ابتسمتله ورحت يم الدكتور
بده يفحص بيه ويفحص بنبضه
قاس ضغطه والسكر هم
:- كلشي مستعدل ماكو شي يخوف
سمر : يعني شوكت تكعد دكتور ؟
:- حسب حالـة الصدمه مالته او سبب الغيبوبه
سمر : صدك اذا حچينه يمه تسمعنه ؟
:- ع الاغلب اكو هيج شي انتو حاولو تحچون يمه بلكي تستجابلكم
سمر : ماتخليله مغذي لو شي
:- راح اخليله هسـه وانطيج كم مغذي هم .. كل ساعتين او هيج علكيله واحد لان هوه صغير فـ مراح يأثر
سمر : انشاء الله
:- ليش مموديه مستشفى شعجب بهيج مكان جايبيه ؟
باوع ع امي وحچه بتشكيك لاحضت امي كامت تتلعثم ومتعرف شتحچي وحسن وجه كام ينطي الوان
أشهب : هاي خطيبتي !
امي وحسن ثنينهم اندارو عليـه ويباوعولي بصدمه
بس ماعرف شلون اتلافه الموضوع فـ اطريت هيج احچي
:- الله يسعدكم .. بس شنو هذا بيتك ؟
أشهب : صراحه دكتور اني ماحب الناس الفضوليه اللي تدخل بشي ميعنيه بس راح اجاوبك اي بيتي
:- اعذرني سيدي مو قصدي ادخل
سمر : يمعود عادي هوه أشهب عنده نبره شويه حاده ولا يهمك
:- هههه الله يحفظه
حسن : يلا دكتورنه امشي اوصلك
وصلتهم للباب وهمست الحسن يحاسبه وبعدين انطي فلوس ووصيته ميحچي شي
كعدت بره الدنيا بدت اظلم
كايمه اظلم من وكت النهار مر سريع ماحسيت بي
شفت حسن حرك سيارته
دقائق وسمعت طبه بالبيت .. ركضت جوه
شفت امي واكفه اباب غرفـة ريتال لاحضت واكع من أيديه بطل مي
چانت واكفه مثل الصنم اباب الغرفـة وعيونهـا صايره ع شي
اتقربت من عده ثواني وراحت عيوني ع الشي
ضليت واكف برهبه من اللي داشوفه
امي اتأشر عليـة واتصيح ريتال
شلون هيج جسمه صاير احاول استوعب ماعرف
جسمه صاير شلون العنكبوت
وحده من رجليناته مكلوبه وصايره جواها
وأيده مثل المكسوره والثانيه مدندله من الچربايـة
صدره مرفوع وراسه راجع ليوره
وحلكه مفتوح
مستحيل اكو بشر يستوعب هذا المشهد
احاول ما افقد صوابي وانجن بس المنظر يرعب كلش
شفته تحرك براسه مثل الشخص اللي ديكول لا
داحسه كاعد تقاوم شي بس مكاعد تكدر
ثواني ووكفت راسه وعدلته سمعت صوت طكه
جايه من عظم من اعظامه
رفعت راسه ووجهته علينـه
ثواني وفتحت عيونهـا وهيه نفس وضعيت جسمه
ياريت لو مفاتحه عيونهـا
اول مفتحتهن امي شهكت وكامت ترجع ليوره
عيونهـا سود كلش سود فحم
اتحس مابيهن رحمة الله
فتحت حلكه وكامت تضحك بصوت عالي
بس مو صوته صوت كلش خشن ويقشعر البدن
كامت تنزل ماده سوده من حلكه
ودمارات برزن بوجهه
ثواني ووكفت ضحك ووجهت نظره الأمي وحچت بنبرة متنوصف كله خوف نبرة دمويه مو نبرة بشر
:- بعد ماكو ريتال ...
.
.
يتبـع ...😈
~~~~~~~~~~~~~~~~~~~
هذا اللي اقصده من اكول عيونهـا سود ..
إِنَّ كَيْدَ الشَّيْطَانِ كَانَ ضَعِيفًا