قيود عشك الشيخ

قيد الخامس

حتِى صمتي أمامك كأن مُختلف . چَـنت اباوعلك واعيـش.

.................

نصدمت صدمة عمررري وانا اشوف جسمة الي متمكش لحم ع لحم ومطبوك ما اعرف شلون اوصفة بس المنظر يقشعر البدن!!!

فتحت عيوني ع وسعهن وعطت::-هااايي شنوو??!!

هو خطية فز بسرعة وعاط بصوت::-ططللعيي وسددي الباب

من الخرعة والموقف الي نحطيت بي بسرعة طلعت ونزلت لجوة شاردة

لاكتني جميلة تباوعلي بنظرات استفهام::- يااا يااا مالج دية بس لا اخيي بي شي

بس حجتها طفر ايسر يريد يكوم رفعت ادية امنعة جريت نفس مخنتكة وحجيت لاثة::- لا لا مابي شي بس جاي يبدل هسة ينزل وانا اجيت اكلج

نفخت::- الله يطين عيشتج صار بية سكر من وراه خبالج

ابتسمت بتوتر واباوعلها هاي شنو جسمة??!!! ليش هيج متشوه?!!

اجينا كل احنا وكعدنا ع سفرة وانا اباوع لدرج حجت جميلة::- وين صار روحي ندهيلة

هزيت راسي وصعدت اول باية وانا افكر بمنظر جسمة وقشعريرة تسري بكل جسمي??!!

لدرجة كمت اتخايل جسمي هيج وصابتني حكة!!

وصلت للباب ودكيتها هلمرة ادري خلص تبديل بس خفت اترزل مرة ثانية ماكو جواااب!!!

فتحت الباب ع كيف لكيتة نايم وخال ايدة ع عيونة شبسرعة نام!!

تقربت منة وصلت يم راسة وحجيت بهمس::- شيخ كاعد

بعد ايدة عن عيونة وشافني كام وتنهد::- ها زهرة

حجيت بتوتر واحاول ما اخلي عيني بعينة ما اعرف ليش هل موقف اثر بية::- تعال جميلة صبت الغدة

حجة بتعب::- كليلها نام سفرة دايمة ما اشتهي

باوعتلة وحجيت::- شيخ ما يصير تنام جوعان بطنك تظل توجعك وبعدين من تكعد يم اصدقائك تظل تسوي ويييق ويييق وتستحي منهم النوب

ضحك وهز راسة::- و لله عليج سوالف يزهرة

ابتسمت::- شبيهن سوالفي ليكون ما عاجباتك

::- انا العاجباتني

ضحكت وحجيت::- هسة تنزل لو لا

هز راسة وكام نزل وياي بس جنت اشوف التعب طاغي ع ملامحة وعيونة وما حبيت اسئلة بخصوص جمسة وليش هيج متشوه

نزلنا تغدينا وبعدها لميت الماعين وغسلتهن وجميلة صبت جاي الهم

البيت بدون فتون هادئ جانت هي وجهالها مسوين البيت سوك هرج

حجت الحجية تمامة::- اكول ثقيف اخيك سرمد راح للناصرية ويريد يصير ضابط بلكي تحاجي ابو احمد علية ويدير بالة

تنهد الشيخ وحجة::- انشالله حجية ولو انا ما احب الواسطات بس ميخالف احاول احجي وي ابو احمد

الحجية هيلة::- يمة شخبارة ابو احمد ولا رحنالة بعد شلون رجال طيب وذهب صافي جان رفيج الشيخ الله يرحمة

::- الحمدلله بخير هم ملتهي وتعرفين اليصير شيخ عشيرتة ما يلحك بعد انشالله بس افرغ اعزمنة ع وليمة هنا

تقربت من جميلة::- اكلج جمول

ابتسمت وباوعتلي::- اروح فداوي لهل حلك كولي يبعدي

ابتسمت شكد حبابة وحنينة حمحمت::- جا سرمد يريد يصير شرطي

::- ضابط موش شرطي

رفعت اكتافي وكلبت عيوني::- عادي ثنيناتهم يشيلون سلاح

شركت بالجاي تضحك والجميع وجه انظارة عليها واني ابتعدت عنها خفت لا تحجي

ثقيف::- ها خوية سلامات خيرج

باوعتلي وضربتي ع ايدي واني ابتسمت بتوتر::- زهيرة وسوالفها

باوعلي وابتسم::- موش لسان عدها جن برنو تيه كلام بكد راسها وما تعرف معناه

ضحكو وانا اباوعلهم ايسر جان هادئ ورزن يشبه ثقيف اي طبعا غير هو الرابى

بعدها كلمن صعد لغرفتة ونام انا هم صعدت لفوك دخلت لكيت الشيخ يقرة بقران

تقربت من يمة وكعدت كبالة رفعت ايدة باوعلي مستغرب حركتي خليتها ع راسي عقد حواجبة واستغفر::- ها زهرة خيرج

ابتسمت::- اقرة ع راسي فدوة صوتك حلو جانت بيبي تقرة ع راسي لحد ما انام

ابتسم وهز راسة وكال::- خلي راسج ع رجلي هيج تنكسر ركبتي وانت اتعب واتعبج

خجلت بس ما رفضت او اعترضت فعلا محتاجة اسمع القران واغفة ع صوتة

خليت راسي ع رجلة ورفعت عيوني منتظرتة يكمل قراءة اخذلة صفنة بوجهي وبعدها استغفر وهمس::- الله يلعنك يا شيطان

وحمحم وبدة يقرة قران وهو خال ايدة ع راسي

وصل لاية::-  وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ وَلْيَسْتَعْفِفِ الَّذِينَ لَا يَجِدُونَ نِكَاحًا حَتَّى يُغْنِيَهُمُ اللَّهُ مِنْ فَضْلِهِ وَالَّذِينَ يَبْتَغُونَ الْكِتَابَ مِمَّا مَلَكَتْ أَيْمَانُكُمْ فَكَاتِبُوهُمْ إِنْ عَلِمْتُمْ فِيهِمْ خَيْرًا وَآتُوهُمْ مِنْ مَالِ اللَّهِ الَّذِي آتَاكُمْ وَلَا تُكْرِهُوا فَتَيَاتِكُمْ عَلَى الْبِغَاءِ إِنْ أَرَدْنَ تَحَصُّنًا لِتَبْتَغُوا عَرَضَ الْحَيَاةِ الدُّنْيَا وَمَنْ يُكْرِهُّنَّ فَإِنَّ اللَّهَ مِنْ بَعْدِ إِكْرَاهِهِنَّ غَفُورٌ رَحِيمٌ

عقدت حواجبي ما فاهمة شي منها حجيت باستغراب::- شيخ

::- ها

::- شنو معنى هلاية

::- احم ماعرف

كمت من رجلي وباوعتلة::- جا انت ما مسجل بالحوزة

ابتسم::- يا حوزة

::- شنو معناها الاية

::- ما عرف بوية رجعي نامي يلا

رجعت نمت ع رجلي وما حسيت الا روحي شوكت نمت

توالت الايام وانا صارلي سنة موجودة هنا حاولت بكل الطرق اعرف سرمد شنو علاقتة بحسن اخوي بس فشلت لان

سرمد مختفي ومن سئلت علية جميلة كالت عندة تدريب وجامعتة بغداد

وفتون شادة كورها وكوري هي والحجية تمامة عايفات الشغل كلة علية واتعب تعب لحد ما انتهي من الوجع مال جسمي

جميلة عليها الطبخ والعجن والخبز لان محد ياكل الا من اديها ومرة تمرضت وفتون طبخت لان انا ما اعرف اطبخ

ومحد اكل ورجع الاكل نفسيتة اصلا الشيخ من كتلة اليوم جميلة ما طابخة ما نزل للاكل ولا اكل منة

كلمن ونفسيتة وفتون اكلها حشة نعمة الله كلششش مو طيبة ويلعب النفس

اما الحجية هيلة هاي موضوع اخر ما شفت مثلها ومثل طيبتها وحنيتها جانت حنينة لدرجة ما تنوصف

اما الشيخ وما ادارك ما الشيخ ب فضلة عرفت معنى الصلاة واهميتها بحياتنا وعرفت كل داء ودوائه الدعاء وعرفت كل ضيق نفس دوائه القران

صرت احفظ القران وصدمني من عرفتة حافظ القران ع كلبة كلة من اول ورقة لحد اخر ورقة

ووعدني بس احفظ الجزء الاول راح يجيبلي هدية

وانا ليل نهار حتى من اخلص شغل اركض ركض للقران واروح اكعد احفظ منة سطر سطر

ومن يجي يشوفي حافظة لو لا جنت نبهة وبسرعة احفظ وهذا الي خلاني اتميز بالمدرسة ع باقي الطلاب بحيث الشغلة بس ارددها مرتين احفظها

ومن يشوفي متحمسة هيج يفرح ويشجعني بكلمة "عفية بوية" بكد ما جنت اكره هل كلمة صرت ادمنها

بحيث اسوي شغلة تفرحة واوكف كدامة حتى اسمعها منة مدللني ومرات من كد حنانة وحبة الية اروح واطلب منة انام بحظنة ويقرالي قران

جان يصفن بوجهي وبعدها يتنهد ويهز راسة بالموافقة واروح فرحانة وانام بحظنة ويكضي الليل كلة هو يستغفر ويلعن بالشيطان وانا ما فاهمة ليش ديسوي هلشكل

جنت مرات اوكف كدام المراية حيل اخجل وخاصة من بدت معالم انوثي تبين وتبرز بشكل ملحوض

جنت البس الشال وانزلة ع صدري في سبيل ما يبين من اتحرك بالبيت وهلشي مسببلي احراج وما اعرف شلون اسوي

وبيوم اخذتني جميلة ونزعتني الشال لان محد موجود هنا واجة ثقيف ومن شافني بسرعة دار وجها

جنت مستغربة ليش هل شكل دار وجها عني حتى صعد وما سلم علينا ولا ع الحجية?!! وصاح لجميلة

وجميلة صعدتلة وبقت وياه اقل النص ساعة ونزلت مبتسمة وفرحانة واجتني كرصتني من خدودي وانا صافنة عليها ما فاهمة شي

بعدها كالتلي هي رايحة لسوك اذا احتاج شي كتلها لا لان ما جنت اعرف شنو اريد بالضبط

راحت ورجعت ووياها علاليك وايسر يشيل ويحط بيهن تفاجئت وضليت صافنة شنو جميلة تريد تعرس شدعوة هل مسواك??!!

وكامت تطلع بالملابس وتحط كدامي كلهن كلبيات وفساتين كصار ع كدري ويخبلن

فرحت بيهن والفرحني انو ثقيف كايللها علية واخيرا طلعتلي ملابس دا**خلية

تفاجئت بيهن وما جنت اعرفهن شنو. هنا وشلون يلبسن ومن كلتلي جميلة عليهن حيل خجلت ونحرجت منها وبس بنفس الوقت فرحت حيل واخيرا راح اكدر انزع الشال براحتي

اخذتهن ومن لبستهن رتبني حسيت براحة واخذت واحد من الكليبات الي جابتهن الي جميلة ودخلت للحمام ولبستهن

جنت حيل فرحانة بيهن وقررت من يجي الشيخ اشكرة عليهن لان فرحني حيل

جانت الكلبية لونها احمر وبيهن دلعة سبعة وبالصدر تطيز باللون الذهبي

تصميمها كلش حلو وعجبني وخاصة من لبست الداخ**ليات الجابتهن الي حسيت جسمي ترتب بيهن اكثر

نزلت لجووة وسمعت صوت جميلة بغرفة الحجية دخلت الهن وهنا يصلن ع محمد وفرحانات

كالتلي جميلة::-تعاي خايبة خل اخليلج حميرة جبت مكياج لية من السوك

طبعا انا عمري وحياتي ميتة ع هل سوالف وحتى قبل بيبي جانت تخلي ديرم واكعد يمها الا تخليلي وتخلي وافرح

فمن كلتلي جميلة رحت اركض فرحانة فرحانة وكامت خلتلي لشفايفي وبرزتهن وبعدهن خلتلي لخدودي

باوعت لروحي حلوة حيل حلوة اول مرة اشوفن وجهي هيجي باوعتلي وصفنت بوجهي وحجت
::- خايبة شواربج يرادلهن خيط

صفنت بوجها منيلي شوارب لو تشوفين شوارب ابوي عبالك مكناسة سعف بس ما اعترضت راحت جابت الخيط وانا كابلتها

لان خواتي المتزوجات حيل حيل يطلعن حلوات من يحفن وانا هم كلت اريد مثلهن اصير حلوة

واول ما خلتلي الخيط ع شفايفي وانا صرخت ورفستهن رفسة ووكعتها ع ضهرها::- اخخخ ولج يمدهورة من طاح حظج خايبة كسرتي ضهيري

انا من شفت مدمدة ورجليها بحظني متت من الضحك وهي من شافتني اضحك تحلفت بية وكالتلي بسيطة لو انا لو انتي

وما احس الا ركبت فوكاني وكعدت ع صدري وانا صرخة بالارض وصرخة بالسماء

وهي صلختني صلخ شلون الدجاجة من تنهلس عوزها بس ماي حار

من وخرت عني وانا احس بوخة تطلع من وجهي من كدا الحرارة

كالتلي وهي تضحك::- امشي فوتي خلي وماي شكر علمودن ما يطكع

باوعتلها وانا لازمة فوك شفايفي ورحت وهي تضحم وصلت للمطبخ ولكيت فتون بي طول الفترة الفاتت وانا اتجنبها وما احاول اسوي مشكلة وياها لان ادري بيهن تسوي كلشي بعد هل عملة هاي

جانت واكفة ع طباخ من شافتني فتحت عيونها ع وسعهن وباوعتلي بغل وحقد

ما اهتميت رحت جبت ماي بارد وخليت بي شكر وردت اخلي حجت::- منيلج ذني الملابس

التفتت الها واحاول ما اخلي عيني بعينها::- جميلة جابتهن الي،

ضحكت باستهزاء::- ومنيلها جميلة ليكون تشتغل بالمجان

عقدت حواجبي::- لا ما تشتغل هي الشيخ انطانياها

باوعتلي بقرف وحجت::- شوفي ولج لا تسوين روحج طفلة عوذ ما افتهم لكون هيج ما نسمعج طول الليل وانتم تربدون ع سكفنا(سقف) هذن السوالف ما يمشن عليه فاحسلج طلعي جلدج الحقيقي يمي وكبالهم مثلي لان كاشفتج

مافهمت قصدها::- يا سكف شنو ما فهمتج

دفعتني من متني وراحت وعبرتني استغربت حالتها هاي شمسويتلها اي طبعا تغار لان اشتريت ملابس وهي بقت بدوة ملابس الوصخة

اجتني جميلة وحجت::- شني وين رحتي

حجيت هازة ايدي::- هاي فتون تكلي جميلة تشتغل بالمجان وجابتلج وكتلها من الشيخ اشو كامت ترطن علية سوالف وما فهمتها

فتحت عيونها ع وسعهن وما احس الا ركضت وانا من خوفي كمزت وصرت اصيح::- شكو شكو

راحت تركض وانا وراها وما احس الا كبت العيطة بيناتهن جانت جميلة لازمة فتون من شعرها وكل راجدي تنطيها احس روحي تفرفح

ابد ما شفت جميلة بهل حال جانت وجها احممر مطعون طعن وتحجي بحركة وتبجي وهي تنطيها راجديات::- ولجن ما كغاجن السويتنا بيية ما فختن ولجن هجمتن بيتي وطرحتن ضناية وحطمتني مستقبلي ووصلت بيج تعطنن بشرفي الا هاي ما اسكت عليها الا هاي

جانت تحجي بحركة وقهر ودمعها يصب اجت الحجية مخترعة هي والحجية تمامة ركضت انا اجر بجميلة::- جميلة كافي عوفيها ختولي انا كلت الها ما تشتغل الشيخ انطاها ختولي يجي الشيخ وكليلي

باوعتلي بغضب وحجت::- ولي انتي منا لا اطحج وياها الفاهية عليتي كلبي

بتعدت بسرعة نزل ايسر ع درج يركض وبعد جميلة عن فتون وذيج من شافت روحها سيطرت وكامت تدعي وتصيح وتغلط غلط ما ينلبس علية ثوب باوعت لجهالها كسرو خاطري جانو واكفين بالباب ويبجون

وهي بس شافتهن كل واحد انطتة راجدي فرفحت روحي وهم يتصارخون خاصة البنية ضربتها حيل ع وجها خلتها تكمز

جنت واكفة يم الدرج ما احس الا باوعتلي ودفعتني حيل ع درج بحيث الحافة مال الدرجة نبتت بضهري

شاغت روحي وصرخت صرخة من كل كلبي طلعت واجو يركضون واحنا ع هل حال دخل الشيخ

اجة ملهوف يركض ناحيتي::- هاا هاا بوية شكو شكو

باوع النا وشاف حالتنا مو طبيعية واجتة فتون تلطم وتصرخ::- شفت خوية شفت اختك ومرتك اندارن علية وطكني جا مو انت العاكل مو انت تحجي بالعدل والحك اريد حكي منك شيخ ولله ما نامن ولا هيدن اليوم الا اخذ حكي منهن

باوع لجميلة وستغرب هي دارت وجها عنة ونزلت لمستواي::- كومي حبيبتي كومي كسر بايدها كون

نطت فتون ::- تسمع شيخ تسمع شلون ادعي علية

غمض عيونة بقلة صبر::- انا اعرفن جميلة ما تطلع منها العيبة بس لو طلعت ادللي خوية وما يصير الا خاطرج طيب

كامت تبجي ووتتمسكن وتريد تنزل تبوس ايد الشيخ بس ما قبل سحبها منها وامرها تدخل للغرفة

انا كاعدة وعيوني تصب والم ضهري حسيت انتهي كوة اجر النفس بدون مقدمات شالني وانا عطت::- يووججععنننييي يوورججععنننييي راحح اموتت نزلني نزلني

باوعلي ولمحت بعيونة القلق::- تحملي بوية وصلنا

دخلني لجوة وخلاني ع جرباية::- تحملي

الوجع اكل روحي اكل كمت اصرخ ولازمة ايدي واعضعض بيها بكل حيلي::- فدووة راحت اموت ساعدوني راحح اموت من الوجع

باوعلي بحيرة وتنهد::- جميلة تعاي بوية شوفيها وين مكان اليوجعها

هزت راسها واجت ودموعها ع خدها::- سودة علية كسر بايدها كون هل جلبة العايقة بعد عيوني عيونج كليلي وين الوجع

اشرت جوة التفتلتة وحجت::- خوية حزام ضهرها

جر حسرة وحجة::- بوية جميلة انريدنج تغطين رجليها وتصعدين الثوب مالها لفوك وطلعلي المنطقة التوجعها

هزت راسها وباوعتلي وكالتلي يلا انصاعيت للاوامر بس كون انتهي من هل الالم اليذبح

وفعلا نيمتني ع بطني وغطت رجلية ورفعت دشادشتي حجة هو يتنهد::- ايسر بوية جيبلي الزيت الزيتون من الحجية بسرعة

راح ايسر ونزلت جميلة لجوة وعافتني ابجي كعد يمي لزمت ايدة::- شيخ راح اموت

::- اششش بوية هدي لا تجيبين طاري الموت

::- شيخ يوجعني راح اموت

تنهد وبقة ساكت اندكت الباب وراح وسمعت صوت ايسر شوية ودخل هو جنت نايمة حسيت اكو قطرات ع ضهري تنزل

وبعدها حط ايدة وبدة يسويلي مساج وانا وي كل حركة احس روحي تطلع بحيث حتى صريخ صرخت وتوسلت بي يتركني وما يستمر بس جان ساكت وبس يتمتم بكلمات

::- شيخ كاافي كااافي راااح اموت طلعت روحي من الووجع الله يخلك كافي ما ريد بس عوفني الله يخليك ما ريد

بعدها وخر عني يلا جريت النفس جسمي كلة عرك من كد الضغط والوجع الحسيت بي بعدها جابلي عصارة واجة بقة يذهن بي ما اعترضت حسيت نفسي اكتفيت من كد الوجع وصوتي راح من الصراخ

دنك باس راسي وحجة::- معافاية بوية هسة رجعت العصبة لمجانها ودهنتة الج هسة تصيرين زينة

ما رديت بس دموعي تنزل بصمت تنهد راد يكوم لزمت ايدة

::- لا تروح

::- بس اشوفن جميلة

::- اقرالي قران على راسي وابقة يمي لا تروح

جر حسرة وبعدها بدة يقرالي قران ع راسي وانا من كد ما تعبت نمت بسرعة

فزيت هو كاعد يمي وضهري بي الم بس قليل عصرت ع ايدة التفتلي::- هابوية شلون صرتي،

هزيت راسي وحجيت::- اريد اروح للحمامات

هز راسة ومدلي ايدة كلبني ع ضهري كمت انا امشي وحدي بس الم ضهري يوجعني حتى بطتي وياه كامت توجعني ع واهس،

كالت ليش بس،ضهرها خل نزيد الوجع وجعين احسن وسوت مفاوضة هي وضهري

ودخلت للحمام وانصدم من منظر رجلية صرخت بخوووف وبفزع::- يمممممةةةة الحكيللييي اااااخخخخخ

اجة الشيخ يدك ع باب و وسمعت صوت جميلة تدك هو وتريدني افتح::- افتتتحيي البااب بوية خل اشوفج شبيج افتحي

جنت اصرخ وابجيي بعدها فتحت الباب وما لكيت بوجهي الا الشيخ رحت بسرعة حظنتة هو لماني بحظنة خايف علية

::- ها بوية شجرالج احجي شنهو البيج

حجيت وانا امتمت::- ددد مم دددممم ااا ههذ اا دد مم

شهكت جميلة هو صفن بوجها وبعدها ضحكت بفرح ونزلت لجوة تركض وتضحك

استغربت امرها شبيها هاي بس جنت بوضع مو مال اشغل روحي بيها

بجيت وحجيت::- راح اموت انا مو راح اموت شنو هذا الدم

صفن بوجهي وبعدها مسح ع وجها واستغفر وحجة::- كوومي بوية رجعي للحمام هسة تجي جميلة تفهمج

::- شتفهمني انا راح اموت

هزني حيل من اكتافي يباوعلي بخزرة::- كلتلج لا تجيبين طاري الموت اسكتي وكومي يلا دخلي للحمامات راح اصيح جميلة واجي

وفعلا كمت دخلت ووجع بطني لا يطاق اجتني جميلة تضحك حجيت::- جميلة انا ما ريد اموت

ضحكت واجت حظنتني وباستني من خدي::- لا يرويحتي موش تموتني هسة انا افهمنج

وبدت جميلة تسولفلي وانا بودي اغط روحي وبعد نا اطلع ع هل فشلة

وتذكرت مرة سالني عليها وانا بكل غباء اكلة ابوية ما يقبل طاحظج زهرة طاحظج

علمتني اسوي اللازم وبعدها طلبت مني اغط ثلاث اصباع بالحطين

ونزلتني لجوة ورحت لحجية والحجية تضحك وفرحانة وانا مستغربة هسة انا الي اجتني هنا شبيهن فرحانات

صعدت لفوك ودخلت للغرفة منحرجة فرشت سجادتي اريد اصلي التفتلي وكال

::- احم زهرة ما يصير تصلين

التفتلة مستغربة::- ليش

::- احم ما يصير بوية

::- اي غير افهم ليش

::- هذا وضعج ما يصير تقربين للصلاة اول تلمسين القران لان مو طاهرة

افتهمت قصدة وهزيت راسي بخجل ولميت السجادة ورحت لفراشي واحوص بي من الالم اباوعلة عين علية وعين ع كتاب الي يقرة بي

بعدها تصدق ونزل لجوة وصعد جاب بايدة شلون الكيس وبي قبق كال

::- زهرة خلي ع بطنج

::- شنو ليش

::- خلي هسة ترتاحين

هزيت راسي وفعلا خليت الكيس ع بطني وحسيت بدفو غمضت عيوني براحة

فتحتهن لكيتة واكف مبتسم ويباوعلي بنظرات غريبة اتقدم ناحيتي ووو...........يتبع

الـنـهـايـة 🌚❤️

الفاتحة ع روح المرحوم عبد ابن هدية يرحمكم الله💔💔

اقرو الفاتحة واهدوها لروحة واكون ممنونة منجن 💔

مثل ما واعدت بنوتة حليوة انزللكم بارت قبل العيد والا اني ردت ورة العيد يلا انزل تعرفون هل ايام عظيمة واجب نكثر من استغفارنا وصلاتنا

ولا تنسون قرب العيد ولازمة البيت غلس و تشحيم وسوالف المعجنات كليجة وكذا يعني ابد ابد ما فارغة

وطبعا دتلاحظون اواخر رمضان يطلع عليكم التعب كولة والسهر الله شاهد كلش تعبانة وما بية حيل حسيت تعب رمضان طلع علية بهل ايام

طبعا احجي للي تشتغل برمضان مو الي يكعدن ب5 العصر 🙂😂

احبجن