لبوة على شفا الثار

بارت الثالث والاربعون

لبوة على شفا الثأر

                                       بقلمي:leo Alfatlawi

Ins :le_m3r

بارت الثالث والاربعون

**"ناي***

المقطع جان ثواني بس هد حيلي

كعدت بالكاع كمشتني غسق كالت شبيج

--ماما  ماما عايشه

--شنو امج عايشه شبيج ناي

باوعتلها اريد احجي  افترت الدنيا غمضت شبه الفقدت اسمع  غسق تصرخ بااسمي بس ماكدر ارد شي بداخلي جان ماعرف اوصفه احساس غريب

حسيت وهنه يغسلن بوجهي فتحت عيوني

--ها ناي شتحسين

--وين فوني جيبي

--اصحي اول يمعوده صفره صرتي وشفايفج بيض

وخرتهن وكمت فتحت فوني اتصلت بغيث مارد
رجعت اتصلت اكثر من مره ماكو

اديه ترجف احس بطني مغصتي حيل عصرتها وكعدت يم القريوله استوني اخلي الفون اتصل هو كام  

فتحته جان كاعد يم البحر مامبين منه بس جمره الجكاره ويادوب شكله بس تعبان كلش كوه يفتح عيونه سحب نفس ونفخه

--غيث الفيديو صح لومفبرك

باوعلي وابتسم

--ماما غييث وينها

ضحك وشال قوطيه يمه شرب منها

--غيييث غيث لاتلعب على اعصابي ماما صدك عايشه

رد بكسره تعبت واني ادور عش  هيج سويتي بيه

سولفتج اجمل عشگ واحن شوگ

حبيتج اكثر من لهفتي لحضن امي

اكتفيت بكل حلم بيج 

طيفج حجب ضوه الكون بعيوني ناي تعبان بدونج

--ماتركتك لومااسمعك اشلون اختاريت  بت عمك تكمل وياك وتكون ام لابني

--اختاريتج وحگ كلام الله اختاريتج  مارجعت بوعدي ولادحگت وحده بعدج
دمرتيني

-ماما وين

--ههه امج هاي جانت هديت صلحنا   دكيت صدر بيج ودخلتج رافع راسي رجعتيني بكسره ماراح اتخطها بعمري

--ارد

--ماريدج بس اكضبج اطلع روحج دمج مايكفيني

--ميخالف وين انت جايتك

كلبي يريد يطلع وهو  موبوعيه مبين رد شرب الباقي كله عقج القوطيه شمرها

--غيث

--وعمه الساده راح اندمج والخلق الكون اعذبج عذاب مامار على احد ولاسامع بي بشر

--وين وديتها

باوعلي بكسره كال بصوت ناصي رجعيلي ناي ماكدر بدونج

--ماما وييين

--بجهنم امج حگ وجع كلبي

--وروح عاشق اذا لمست شعره منها راح اخليك تتمنه الموت

--اكثر من هيج ماتصور راس امج مقابل ابني النزلتي وراسج مقابيل السويتي وييييين انتي

-- ماراح ارد وامي راح احصلها وهااا لاتفكر تأذيها وروح بابا اذا بس فكرت تحجي وياها موتسويلها شي يغييث اخليك تنتحر حتى ترتاح

--نااااااااااي نااااي

طفيت الفون لان موصاحي ماعرف حتى شنو احجي ويا

لغيت الصفحه اتصلت ب لحن بسرعه ردت بس صوتها مبين نايمه جانت

--لحن لحن اصحي وياي

--شكو نانو

--ماما عايشه

--شنو ناي بس انتظري

--ولج عايشه والله هسه دزلي مقطع الها غيث ويا

--وينها واشلون لكاها زين هالفتره وين جانت بابا عاشق وياها

--لحنننن لاتتخبلين حبيبتي اهدي

شهكت همست ناي صدك ماما عايشه

خليت الفون يمي وكعدت كمشت راسي اديه ترجف مااسيطر عليهن محتاره شسوي

اسمع صوت بجيتها واعرف شوكها لماما اكثر وحده بينه هيه متعلقه بيها

اخذت نفس فركت وجهي رجعت راسي عالتجوه مال القريوله  ردت ضغطي يتعدل

اشويه وشلت الفون خليته على اذني

--لحن حبيبتي وينج

--ناي كلبي يوجعني صدك التحجي

-- والله موجوده بس ماعرف عنها شي غيث يريدني مقابيل ردتها

--والله يذبحج

--لعد شسوي كليلي ماما ياذيها هذا يشرب وكتلها بدون لايحس ولج كلي راسها مقابيل ابني النزلتي

--اروح لاركان

--لالحن لااا راح يردج بالمقابل و ينتقمون مني بيج

--لعد اشلون ماما انحصلها ناي فدوه اريدها  رديلياها

--ارجعها بس انطيني مجال لحن لاتسوين شي تصعبيها عليه ابوس ايدج

--لالاوالله راح اضل منتظره منج مخابره شراح تسوين

-- ماعرف لان غيث موصاحي هسه خلي يصحه حتى اعرف شحجي ويا

--تمام قبل كلشي راح تتصلين بيه وتكليلي بالتسوي واني بلكي احصل شي يفيدنا

--تمام يلا روحي

سديته  باوعت لرويده بجيت وضحكت سوه حضنتني وبجت وياي

غسق. الحمد الله على عيشتها لو شنو اكول

--خايفه وتبجي غسق سمعتيها اتكلي تعالي خلصيني

--هاي موخايفه ولابوعيها غيث معلمها شتكول مستحيل يأذيها وهو يعرف الطريقه الوحيده الي يردج بيها

--راح اروحله

--ماراح تسوين شي غير ادمرين نفسج ولج هو موبوعيه وشارب واليشرب مايذكر غير الحب وهو يفكر اشلون يعذبج اذا صحى شيسوي بيج

--لعد اشلون يلا نصحيني

--ابنج راح تفقدي وراح يعذبج وامج بشمرها بالمصح ماتكدرين حتى تفتحين حلكج ولج متخبل غيث والله موطبيعي

رويدا. خطيه كسر كلبي من اتوسل بيها

--وره هذا التوسل اذا كمشها يطلع روحها من جسمها بيده ويربطها بحبل ياخذها سحل من تركيا للعراق ناي لاتفكرين ابد ديري بالج يلا كومي ردي لفراشج ننتظر اختج بلكي هالمره تطلع بيها حظ

--لحن تخاف واذا صاح بيها اركان راح تعترف وين مكانها

--لاعاشت عدهم وتعلمت لاتخافين الي ضلت لسه بيت المره وكدرت اتضم روحها تكدر كلشي اتسوي

هيه تحجي واحس بطني وجعتني حيل شافني هيج سندني كمت واهيس مي نزل عليه ويها وجعه خلتي اصرخ بكل حيلي

كعدني ونسبن شيسون رويدا ركضت اتخبر عمت غسق واني الوج شي يتگطع بطني

انطتني المخده غسق كالت عضيها لايطلع صوتج والجوارين يجون

--ولج راح اموووووت غسق

--شسوووي كليلي شسوي

--يماااااا لحكيني بطني ولج دتتگطع

--رويدااااا خبرتي عمتي

هنه يتراكضن واني كل عصره تجيني اكثر من الثانيه موت عالبطيئ

خوف على وجع على قلق شعور ماعرف اوصفه  كمت ماتحملت اكعد امشي وكل ماتجيني العصره اكمش شي واعض ايدي ماتركها لمن يهدء الوجع

احس روحي بهتت والالم مستمر علما وصلتني عمت غسق روحي وصلت اخرتها دخلت تركض شافتني لطمت على وجهه كالت يامصخمات ليش مارحتن لسه

--لالاخاله غيث يلكاني

--ولج دتنزفين تموتين احسسسن رويدا خاله الاقامه ابسرعه

--خالصه مهلتها

--لعد جوازج انكلكم جايه سياحه يله ولج امشينه هنه يجن ورانا

لبست شحاطتي وسندتني طلعت اجر بنفسي شي بداخلي يتشلع احسه ياخذ من روحي 

نزلنه لكيت تكسي جايه بي صعدنه والبنات وياي كل وحده من كاعده من جهه كامشه اديهن الوج غسق تبجي وياي ورويدا تقره دعاء

وصلنه نزلنه اني كبل دخلت وعمه غسق ضلت تسجل دخول والاجراءت اول مافحصتني الدكتوره كالت عمليات حولوها بسرعه الطفل مختنگ بالمي

لافدوه دكتوره لاتكولين ماتحلكين

--ماما الطفل شابع مي وين جنتي

--ابوس ايدج نقذي هذا تعبي كله بي اذا راح انتهي

--الله كريم بس ماوعدج لان طفلج زغير كلش

--لالاتركت حتى ابو لخاطر تركت اهلي وكلشي وراي  عرضت روحي للموت بس حتى يعيش لاتكولين هيج

--ويننن دكتورة التخدير خلي تجي هيه وام التحليل اتكمل اجراءت بسرعه ونقلوها للغرفه ماضل وقت

خلوني على سديه اخذوني لغرفه اجت ام التخدير الي ياخذ تحليل والي يهيئ واني بس ادموع حتى بالوجع بعد ماحس

بلشو بالتخدير رفعت راسي للسكف كلتله طلبته منك يارب لاتكسر بخاطري---

***لحن***.

سديت الفون من ناي ماعرف شسوي كامت ام سروان كالت شبيج يبيبي

شهكت وكلتها ماما عايشه

--يمه اسم الله الابنيه تخبلت

--بيبي والله عايشه والله هسه اختي خبرتني

--وينها لعد

--ماعرف ماعرف هسه اعرف وينها بس خلي اخذ نفس

كامت جابتلي مي كعدت يمي كالت شربي وهدي يبيبي لاتموتين دترجفين

--مامصدگه بيبي تعرفين شنو عايشه رجعتلي يعني راح ارجع انام بحضنها  راح ارجع اشكيلها واذا خفت انضم وراها حتى تحميني

--هدي وشربي المي هسه

اخذت المي ايدي ترجف شربت منه ونطيتيها اخذت نفس اهدء روحي

شلت الفون ماعرف رقم اركان ناسيته  سويت صفحه كلك و  دخلت على صفحه اركان طلبت الصداقه ودزيت مسج اركان اني لحن

رجعت الفون وضليت منتظره وافكر اشلون اكدر اعرف هيه وين

اتعده الوقت بين كامشه الفون اباوع المسج وبين افتر اشلون احجي ويا لوشنو اكله

صار وجهه الصبح ام سروان تعبت ونامت واني افتر رايحه جايه

لمن دخت بعد مابيه رحت لفراشي اتمددت خليت الفون يم راسي بعدني مانايمه رن الفون  شلته لكيت اركان يتصل

رديت كال وينج   متكليلي

شهكت

--عش تبجين يبه لحن وين انتي ابروح اخيج احجي هسه جايج

--ليش اركان شسويتلك اني   كل الردته  منك بس  تحميني عذبتني وهنتني ذليتني كل هذا اتحملته وكلت حقه شذنبه يتحمل وحده مثلي

--لحن لحن سمعي يبه

--لاتقاطعنييييي اركان دتشوفني ابجي وامختنگه من اذكرها اسمها وانت ضامها  ولك ماذيتك اني شنو السويته استحق منك كل هذا

--ضام منهو يولي

--بعدك تنكر عسى وجع كلبي بيك عسى كل دمعه نزلت من عيني تنزل اضعافها منك

--وينج لحن

--هذا الهامك من شمرتني ورحت بدون لاتباوع وراك ماسالت روحك وين اروح من تعرف اهلي ناوين يكتلوني بعد الصار من تدري امنت روحي بيدك وطلبتك من دون هالعالم هسه جاي اتكلي وين

--وكتاب الله بنفس الساعه رحت وراج كالو ماهي لوكالو خبر موت عزازك ولج ماخليت لامجان ولاواحد مانشدتو عنج لانوم دحكتو ولاالراحه كربتلي سوي التردي عتبي احجي بس كليلي وينج.

--ماما وينها

--موجوده والله

--ليش ضميتها

--ماضامها لكيناها من وكت الي رد غيث وجان وضعها تعبان خفنه تموت وتنفجعن من جديد وديناها يم عالم تتعالج   وغيث جان ناوي بس تصحي يكول لناي بالكي تغفرله وترد لذمته  لخاطر هالخبر

--واني شنو اركان

--اني النفس الاخذو

شهكت
--اشلونها ماما

--ابخير وروح اخيتي خاليها يم ناس اجاويد  يداروها وين انتي 

--عايشه يم عالم

--يم منهووو لحن وينج

--ماعرفهم بس حبابين اخذوني من الشارع وخلوني مهم

--لحن لحننننن جايج بالطريج بس احجي وينج

--مارجعلك بعد اركان ماامن نفسي يمك جربتك وتندمت انت موطلگتني بعد ليش دتسال

--رديتج  بنفس الدقيقه وروح اخيي ولج جلمه كلتها بساعه غضب وتندمت بكد عمر الفات

--على اي اساس اتردني واني ماادري باطل هالشي

--تمام تمام هسه اردج

--ميصير بعد طلعت من العده وحتى لوبعدني واعرف النفس بيك ماراح ارجعلك وماما راح ترجعلنه

--يولي بس سمعيني

سديت الفون مسحت الصفحه

دزيت مسج لناي كلتلها بخير ماما  بمكان يكول اركان زين لاتخافين عليها الي كل هالوكت كدرت تعيش تكدر تتحمل كم يوم ديري بالج على ابنج هسه

سديته بثواني اتغيرت طريقه احلامي خليت الفون يم راسي واني اتخيل رجعتلي ونايمه بحضنها
واشكليها من  كل الصار بيه

مر يومين واني ملتهيه ويه ام سروان بالبيت بعدني ماعندي الجرائه اروح لبيت عمي ضاله خاتله
اندكت الباب حيل  ماكو بس اني لان راحت ام سروان تتسوك

رحت عالكيف  باوعت من الثقب لكيت بيبي فتحت الباب دخلت شبكتني حيل وبجت

--شكو بيبي صاير شي

--حكولج بس بيبي اعصابج لايصيرلج شي

--شنو اكو احجي

--امج عايشه

--ادري بس اشدراج انتي

--منين  تعرفين ولج لعد ليش متكليلي

--مصار يومين من عرفت احجي شدراج

--جابها اركان قبل اشويه يمنه وكلي --

ماخليتها اتكمل وخرتها من طريقي وطلعت من الباب لكيت سياره سوده ويمها اثنين شباب ركضت بدون وعي  لبيت عمو دفعت  الباب ودخلت لكيتها واكفه يم اركان وعمي يحجي وياها

احس رجليه اتبنجن بس دموعي تنزل  صحت  مامااااا اندارت باوعتلي فتحت اديها رحت ركض الها  جرتني لحضنها بجيت بصوت واني اشتم ريحتها

--وين جنتي ليش عفتيني مارف كلبج ماكلتي وين تركت بتي

--موبيدي غصبا عني خذوني ولج موبيدي

--مارجعتي اشلون انطاج كلبج هيج تسوين بينه

--والله دكيت بجيت اتوسلت بست حتى رجليهم بس  محد رحمني عذبوني ايام واني ماانام افكر بيجن خايفه ترحن  بخبر موتي  واعرفها ناي ماتسكت

وخرت راسي همست  ناي شبعت تعب وراج اتبهذلت وعاشت بجحيم دمرت روحها ودمرتني وياها

كمشت وجهي وكامت اتبوس بيه رجعتني لحضنها مامصدكه تبجي وتضحك

سحبني واحد من شعري انداريت لكيته عمي كال وين جنتي يالساقطه

بعده يحجي وشاله  اركان من بلوزته كله شحجينه يول

--عيب واني بكد ابوك هيج دتسوي

--عجل ماطولك ابكد ابوي انظب واركد احسن مادفنك

--هدني  ويلا اطلع موطلكتها بعد شكو داخل بيتي

--الطلكت ترد واركد لاتضل اتهوبز حتى لاخربط شكلك

كمشه سمار كله هده لك لاخبر الشرطه

--لاه لاه زلمه بس عش اتخبر الشرطه يول عجل رجولتك وين

--كول لروحك من اخذتها منه ودكيت صدر صارن بأمانتكم تالي اثنينهن انهزمن وخزيتونه وراهن جاي تستقوي عظلاتك علينه وانت ماتكدر الاثنين زعطوطات  

--لاحگ واني وياك بس اكضب ابوك لايكع

شمر ابو عليه لطشهم سوه بالحايط  اجه يمي  يباوعلي يريد يطگ وكفت بيبي بوجهه

--انت كمشت شاربك وكلت مااحجي وياها ولااجبرها على شي بس دليني مكانها

--واني عد كلمتي حجيه بس عش بدون حجاب

--طلكتها مالك دخل بعد بيها

--يااااابه شبليتونيييي نعلت ابو ابوي اردهاااااا هسه

عمي. احنه مانرد بتنه ترد لواحد همجي مثلك

--ابو سمار خليني محترم شيباتك بالقران اهفك بطراك انسيك الدرابه انعدل واحجي مثل البشر

--وين صايرررره ياعالم تاخذ بتنا غصبا عنه الابنيه مارايدتك خلي عندك كرامه

بيبي. انت كلت مااجبرها

--وماراح اجبرها تجي وياي برضاتها

كالها وباوعلي صرت بحضن ماما همست الها ماريد ارجع ويا

عمي. سمعت ماتريد ترد يلا روح

--انكتم انت وانتي عش يابه ماتردين

--ماريدك اريد اضل ويه ماما

--هينه ناخذها ويانها تعيش غادي يمنا

ماما. واني ماعيش هناك وبتي ماانطيها الك شوفها اشلون دترجف شمسويلها وهيج خايفه

--ماما والله نيموني يم الحيوانات وظربوني موتو الطفل ابطني  ومره راد يموتني ضربني طلقه

بيبي. عزه بعينك هاي الامانه الي امنتك عليها

--محگوگ الكم يولي حگم كل التكولو غلطت من خليتها بين هلي وغفلت عنها بس بالقران جان عندي مصايب گاضبتني وناعله ابو اصلي ماكدرت اخذ نفس موش بس اقصر وياها

عمي. اوحنه حقنه مانريده بس خلصنه منك ومن شرك روح

--هذا الشي هيه اتقررو ماريد اسمع نفس منك

بيبي. هيه متريدك روح ابني لاتضل اتلح

  اجه يمي رجعت وره ماما وكمشني سحبني ويا وصل يم الباب دفعني وصار قريب مني

همس  بس احجي وياج وروح اخيتي  ماجبرج على شي

--ماريد احجي وياك ماارجعلك روح

--اعترف اذيتج وتصرفت بحيونه وياج وهذا شاربي موعلي اذا عدتها

--ماريدك بعد

--يولي عطيني  فرصه خليني اصلح العملتو

--ماكدر اعيش وياك

--بس جربي هالمره اذا ماكدرتي وكتاب الله  مااجبرج شتكولين انفذ

--جربت ماكدرت عيشتكم صعبه وعاداتكم اصعب ماعدكم غير الظلم والموت

--اخذلج لبيت جدتي ضلي غادي  يمها  لحد ماارتب اموري واخذلج مجان

--واني كارهه العيشه وياك ماكدر اتقبلك  اركان مااريدك بعد

--بس اريد افتهم انت شايفات روحجن شنهو الخلقجن ماخلق غيرجن

--خلق بس انتم لزكه ماتحسون

ضغط على ايده وشالها ضميت وجهي بسرعه
غمض وعضها حيل

اوخرها واخذ نفس مسح وجهه باوعلي

-- لو يقدموج بطبك ذهب بعد  ماادحگ بجهرتج بعدي عن طريجي انعل ابو اشاربو الي يردج لذمتو 

دفعني وطلع ركع الباب ركعه
دارجع لماما سحبني سمار من شعري كمشت ايده

--ساقطه صار ساعه بحضنه تحجين لو ورانا سشويتي

--لعد ماشفته هو حاصرني ماصرت رجال وخرته عني

--رجاااال غصبا عنج وانعل ابوج اليوم

بعدني ماراده وحسيت الراجدي اجاني بنص وجهي 

ندفرت الباب دخل اركان مالحگ سمار يشرد  كمشها من ركبتها شاله ليفوگ

ركض عمي كمشته يريده يتركه وهو يضغط اكثر

كطع النفس وكام يرفس عمي يبجي وبيبي  كامت اتصرخ  وتضرب بضهر اركان

نزله وهفه براجدي من قوته لطمه بالباب فلشه براسه وكع بالكاع

دنك عليه جره من شعره كومه
--دحگ يول  هالمره لخاطر جدتك راح اتركك الثانيه بالقران لوالدنيا تكف بوجهي هم ادفنك

--اي اي والعذرا مااضربها

--لاااا موش طگها  مادحگ بوجهه حتى

--اي ابد وداعت بابا

--سبع ابن ابوك
كالها ورگع  راسه بالباب

اندارلي رجعت ليوره كمشت بماما
ماما.  اتركها ولك

--مامكرب يمها وولاراح اكرب امني مثل بتج بفلس ماشريها

--لعد اطلع يلا خلصونه منكم شنو ابتلينا نطلع من مصيبه نوكع بانكس

--كضبي لسانج عمه موش احنه الينكال عنه هالجلمه المهم سمعي لج خبري اختج وكلليلها غيث يوصل سلامو ويكلج وصلو حگ امج

--شنو يعني

شال اديه بمااعرف وطلع سد الباب ورا بكل قوته شغل سيارته وشحطها

اجت مره عمي كالت يلا اخذي بتج وطلعي ماريدج هنا كافي مصايبكم

--رايحه لاتخافين ولااني اعيش وياكم بعد كافي الصارلنا

عمي. بناتج متبرين منهن كدام الكل لوتشوفيهن يموتن لاتجينه سمعتي

بيبي. ولك ليش يمه ذني بنات اخيك خالهن امانه عندك

--موامانه كافييي يمه شوفي ابني اتسكط من وراهن عافن الدنيا وراحن اخذن مجرمين اني ماكدرلهم شفتي دخل كتلنا اثنينه واخذ الابنيه حجه ماعرف شنو وياها كدامنه حتى نخاف انكله ميصير

--اذا طلعن منا اروح وياهن

--براحتج يمه سوي التردي المهم ذني مايضلن هنا كافي فضايح كدام العالم

--البيت بيتي

--واني ماطردتج بس اهل ارزيد مايضلون ولااريد اشوف وجهن يله انتي اخذي بتج وطلعي منا قبل لاامد ايدي واكتلج

كمشت ماما الي كوه تمشي تعبانه اخذتها وطلعت اجت بيبي ويانه تبجي رحنه لبيت ام سروان لكيناها استوها راجعه من السوك شافت ماما سلمت عليها وتحمدتلها عالسلامه

دخلنه كعدنه بالصاله رجعت حضنتها
-- مامصدكه رجعتي وين جنتي كل هالفتره

--بالمستشفى مال مجانين

وخرت عنها  متفاجأه من السمعته

--ابو سامر واخو مرته اخذوني شمروني زورو الاوراق دكيت لطمت كلتلهم مومخبله حبسوني بغرفه حالي حال الحيوانه

--لعد ماشتكيتي لدكتور ماكلتي لاحد

--المن اشتكي اذا هو الدكتور يدخل يكلهم عدها انفصام بالشخصيه وخطر وجودها احتمال تكتل هيه كاتله زوجها وابنها  بدون لاتحس وهاي صار اشكد  ينطوني بالابر والعلاج والكهرباء سلمت نفسي لربي

--ليش هيج سوه

--اووووف الله قبيله تركج منه هسه رجعت الحمد الله ناي اشلونها بعدها عد رجلها لا

--لامنهزمه

--عزه ابعينها ماتكعد من يومها ليش انهزمت

-- راد يتزوج وياخذ ابنها يسجله بأسم بت عمه  هيه  اتخبلت صبحت الصيح مخافيه

--ناي حامل

--جابت عاشق قبل يومين بس محد يدري لان ياخذو منها

ضحكت ونزلت دموعها سوه

--ناي صارت ام

--اي والله شفتي  خطيه جابت قبل موعدها من سمعت بيج عايشه اتخربطت وكعت صار عدها ولاده

--سوده عليه ابنيتي وحدها بالغرب جابت اشكال كلبج ييما طلكين وحدج

--الحمد الله هسه بخير اثنينهم اشلون رجعج اركان

--موهو الرجعني غيث لكاني واخذني لبيت ماعرف وين وهاي صار كم شهر بي لاعرف ليلي شنو ولانهاري  بس بنيه داريني واكو ثنين شباب ذوله الجابوني هسه جانو موجودين يمي مايخلوني لااطلع ولااحجي

--ماخبرتي ماسالتيهم وين انتي ماصرختي لميتي العالم

--المكان مهجور وكلما اسالهم محد يرد بس المكان يجو هواي ناس جانو خاليني بغرفه وقافلين الباب ماشوفهم وحتى لهجتهم ماعرف شنو يحجون بس حس حديد واشياء يدخلون

--ماشفتي مريه جبيره لو سمعتي صوتها

--لا لحد اليوم الصبح دخل اركان وهو يخابر جان غيث ويا عالتلفون اسمعه يكله  بالمبارك يخوي هاي هيه اليوم ارها

--عزه عرف ناي جابت بس لا شعرفن اصلا مايدري هيه حامل لباله الطفل ميت

--خبريها ماما اخاف صدك يعرف وناي تتخبل والله ياخذون عاشق منها مره ثانيه

كمت تركتها يم ام سروان وبيبي الي لحد الان تبجي لان طردها ابنها

خبرت ناي مغلق ماكو رجعت اتصلت بغسق حاضرتني اتخاف اتصل بيها ويطلع كدام غيث ويعرف

دزيت رساله لناي اذا فتحتي فونج اتصلي بيه بسرعه

رجعت الفون وركضت لماما مامصدكه بعدني

مر اليوم اني اسلولفلها عالصار بينه بعد مااختفت ساعه تصفن وساعه تبجي

صار اليل فرشتلها يمي وبيبي يم ام سروان نمت بحضنها مثل قبل

صح متلهفه بس حسيت بغربه موذاك الدفو والشعور نفسه

فتحت عيوني لكتها غافيه

عدلت نومتي  خليت ايدي على كلبي شنو دتحسين لحن

داحس روحي مشتاقه لحضنه ومتلهفه اسمع همسه باذني وهو يتغزل بيه

طلبج وتوسل انتي رفضتي

مااكدر اكمل ويا حياته صعبه اني موكدهم احسن قرار سويتي بحياتج امج رجعتلج واختج جابت عاشق تركي كلشي وراج وروحي عيشي يم اختج لحكي على ماتبقى من مستقبلج هذا ماورا بس وجع الكلب

فركت كلبي اطلع اركان منا مثل ماطلعت من حياتي
راح تنسي صيري مثل ناي قويه شوفي تركت الدنيا واختارت حياتها

غمضت اشكد درت انام ماكدرت اجذب على روحي من اكول انساه لوماحبه احسه يدك ويه دكات كلبي
مر شريطه الصبح بعيني وهو مدنك يهمس بتوسل اردله  حتى لايسمعه احد

ضحكت يخاف على كرمته بس مايكدر لكلبه

ماعرف اشوكت نمت بس الاعرفه عدت شكو ذكره بينه

كعدت على صوت ام سروان الصبح وهيه اتكعدني فتحت عيوني

--كومي سمار بالباب ديريد يحجي وياج

--شيريد

--ماعرف كال صيحيها عندي حجي وياها ماطول يلا بيبي لايكعدن خطيه تعبانات بين مااجيب ريوك

كمت لميت شعري طلعت لكيته واكف بالطارمه وجهه منفوخ كمشتني الضحكه الله يهديك اركان محطمه

-- تضحكين مو

--مدااضحك شرايد سمار

--بيبي اتخليها ترجع والهويه مال الراتب اريدها

--شتسوي بيها

--بابا يريدها يكول هاي من حقنه راتب اخوي

--يم ناي

--انعل ابو ناي راح اوقفها منا انطلع بدل ضايع خلي امج تحضر روحها تجي وياي حتى اتوقع

--تره مومن حقكم هيج اتسوون لاتروح ولاتوقع راتب بابا النه

اجه جرني من شعري حيل حسيته انشلع كمشت ايده زاد ضغط

--سمعي لج رجلج السكط ووله بعد مايجي والعذرا اموتج

--اخبره واكله

جره حيل ودنك راسي للكاع ضربني على ضهري صرخت رجع دفرني برجلي احس شگ بطني عصرت نفسي ونيت

-- صوتج قندره

--وخر ايدك فدوه حموت بطني

--اذا خبرتي وكلتيله اموتج تعرفين شنو

--ماكله بس اتركني

--حلفي بروح اخوج ماتكليله يله لجججج

--وروح عاشق مااكله بس اتركني

دفعني وتفل عليه

--الاحد اجي حتى انروح للمركز انبلغ على اختفاء الهويه واذا بس سمعت معترضات اجيب خالج لهنا هو يشوف شغله وياجن

اشرت اي

طلع واني افرگ بطني اخذت نفس احسها متشنجه كمت كوه رجعت للمطبخ اسحل بروحي  ايدي على  بضهري وين عنك اركان يسحلك

دخلت جوه بعدهم نايمين رحت يم ماما لميت روحي منو يكدر يدافع عنه ويكله لا

شلت الفون لكيت الرساله بعدها مامستلمتها ناي فززتني ام سروان وهيه اتكلي شبيج بيبي

--خايفه على ناي ماعرف اشلون اوصللها

--ماعليها نفسه تعبانه خطيه اكيد مخلصتها نوم متريد احد يزعجها

--كلام ماما خلاه حتى فرحت رجعتها تتلاشه شجان يقصد غيث

--كلشي ماكو هو مايعرف حامل اصلا والحمد الله من خلصتن ولج عيني بس شفت شكل زوجج خفت وهو جان واكف طبيعي هذا اشلون اذا عصب

--بس يهدد مايضرب ولامره مد ايده صح اذا عصب ماينحمل وينكلب وحش بس ابد ميأذيني بس يخوفني 

--شراد ابن عمج

--راد الهويه مال الراتب يكول من حقنه

--انطي خلي يولي

--شنطي خاله موعندي والله محتاره هسه وين انحصل مكان  ادري ثگلنه عليج انتي يادوب مكفيه حالج موانوب اجيناج اني وماما

--عز صدك تحجين هيه لكمه نتقاسمها لاتكولين اتفكرين ترجعين لزوجج

-- ههه هو بعد ميريدني  كال مااشتريج بفلس   صح هيه كلمه واني مجنت ناويه ارجع بس احسها شعلت كلبي  لان عرفت انتهت بينا وكلمن صار بطريق

--اتحبي

--كلبي يحن اله وعقلي يكلي سويتي الصح

مسحت وجهي رجعت شلت الفون فتحته هم ماكو ماراده ناي

مرن كم يوم وناي مختفيه نهائيا كلبي كل ماجابه يقلق اكثر ماعرف وين اروح لوالمن انخى

كاعده اثرم بتيته ماما تطبخ  دخلت ام سروان شايله علاكه المسواگ كمت اتلكيتها اخذتها وصيتهن بالثلاجه

ردت ارجع اكمل ثرم كالت نسيت الملح ماجبته

--عادي اني اروح بيبي

--لااخاف عليج خلي اروح وياج

--ماعليه بس انطيني افلوس

ماما. لحن امي غيري تراكج ضيگ وقصير

--محد يشوف الضهاري اروح واجي بسرعه

--لاطلعين هيج سمعي الحجي لاتعاندين

بيبي. اني اروح وياها خطيه خلي تطلع اتفره صار اشكد محبوسه ومحد يشوف هسه اجيت فارغ الشارع منتعطل وسمار هم واكف ديغسل الشارع عينه بينه

--داده ماعندي اعتراض على طلعتها بس دشوفي جسمها اشلون مبين

--داده شبيج مصعبتها امشي بيبي وياي يلا هم ذكريني استري حبشكلات لليل ماعدنه

ماما خجلت ماردت بس ضلت اتخازر لبست نعالي وطلعت وياها صدك حسيت روحي مصلخه نعلت نفسي ليش عاندت

وصلنه لباب عمي لكينا سمار واكف  كال وين

بيبي. دنروح نشتري ملح

--بعد جان جبتو ام عاشق وبيبي هم وياكم شدعوه وحدجن

--لعد ما تصير شهم  وتروح ويه بت عمك مابيه امشي وخاف عليها

--اخذيها وردي ام سروان اني اروح

--لااخذها وياك محتاجه كم شغله هم

شمر الصونده بالحديقه واشرلي يله رجعت بيبي رحت ويا  كل اشويه ودمغني كوه كامشه نفسي لاابجي لمن وصلنه دخلنه اشتريت ودفعت افلوس دااطلع المح سياره غيث واكفه اشويه عن الماركت رجعت دخلت

-- متمشين

--هاا

--ووجع شبيج جنج مطي امشي

--بس نسيت الكرزات دااجيب

--مرض كون بنص گلبج جيبي يلا بسرعه اذا اتاخرتي دقيقه ادخل اجرج من شعرج واخذج سحل بنص الشارع

اشرت اي رجعت جوه اكلب بالجياس مال الكرزات وابالي يم السياره هذا اركان متاكده بس شيسوي هنا معقوله ديتاكد ناي ويانه بس جان دز احد ليش حتى هو يجي

سمار.  يلااااااا لج نعاااال

عضيت شفتي والله واجه صكارك بس انطيني مجال  وانت الثاني اتكول موبحالج يله داشوف اشلون

دخلت بحجت اجيب حب الشمس وصلت جوه عدلت بجماتي وصعدت تيشيرتي طلعت طرف بطني دنكت كفيتها من جوه طلعت رجليه كمت رخيت القراصه

سمعته كام يصرخ شلت الجيس ورحت اركض  دفعت افلوس طلعت صارت السياره بوجهنه صح بعيده بس وكفتها جانت مسيطره عالشارع كله كدامها  سمار  مجان منتبه عينه بيه يريد بس يضربني حتى يحس برجولته جرني دفعني كدامه

--امشي بسرعه بت المطي كلنه خوثه بس موحتى بالمشي مثوله

--موثوله ودامشي

--يعني اتبلاج موو كالها و دمغني حيل بدل ماابجي ضحكت

--عبنج حيوانه وماعندج احساس متعوده عالضرب 

--لابس لان حاسبتك  مثل عاشق وتمون عليه عادي بين الاخوه شقه

--واني مواخوج النكس واختي براسج ماتشرف بوحده مثلج اخت

--انتظر شعري

--شبي

--حتوكع القراصن فدوه بس ضبها حيل ماكدر اديه بيهن غراض

--جيبي الغراض وانتي سوي ماعرف

--دشوفها فالته لولا

انطيته ضهري جرها بيده منامنا ماكو صعدها عدل وجرني من نهايه شعري مشه وخرته من ايده بطريقه شقه وضحكت

بعدنه ماواصلين لبيت عمي وسمعنه سياره  انداريت اشوف نفسها جايه بكل سرعتها

دكيتها ركضه لبيت ام سروان بدون لااباوع دفعت الباب ودخلت  حتى ماعرفت اشصار  ايدي على كلبي وصوت السياره شحطت حيل

شافتني ماما كالت شبيج

--عزه ماما  اركض وراي جلب

--صايره نسخت ناي ماتسمعين الكلام

--لاتحجين عليها ماما

--دخلي جوه واذا شفتج مره لخ بهاي الملابس اكتلج

دخلت شمرت الغراض وعاضه شفتي كلبي يريد يطلع من الفرح حيل بيك مومتشتريني بفلس لعد اتحمل الي حسوي بيك

اخذت فوني هم ماكو ناي رجعته

خلص اليوم واني منتظره خبر منها اروح واجي وماكو

بليل كاعدين ودخلت بيبي عيونها حمر كامت ماما كالتها خيرج

--سمار كامشي شباب قجق ضاربي

--عزه وهسه وينه

--كاسرين ايده مزيني صفحه من شعره ضاربي بوجهه كله مشوه

--مالزموهم الشرطه

--لاداده يكول ماعرفهم ولاشفت اوجوهم حتى من جابو شمرو بابنا وراحو لاعنده عداوه الولد لامأذي احد

--معقوله ضربو هيج زين صوتهم ماسمعه مالمح واحد منهم

--غير يحجي هو شو بس يتصفن ابو كله امشي نشتكي مايرضه يكول لاهمه راحو

--يله الحمد الله على سلامته بعد خلي يدير باله لايطلع الدنيا ماتتأمن صايره ولااكو مخافة الله كعدي عمه وجهج اصفر صاير وانتي لحن جيبيلي العلاج ماما احس راشي دخن

--ام عاشق هذا ابو سمار يكول خلي اتحضر روحها تجي وياي الصبح حتى انطلع هويه جديده

--عمه صدك تحجين لعد منين اتعيش ناي اذا قطعتها عليها هاي بدل ميكول اشلون خالج عد الغربه يصرفون عليجن تعالن يمي

--لج عيني حجيت وفرفحت بس ماكدرله هددني اذا ماجيتي ويا الصبح يخابر اخوج يجي ياخذجن

--عزه بعيني يمه بتي تروح مني وين انطي وجهي

--لج داده مصر ومرته دتحرض بي اتكله بت اخوك سودت وجهنه بالمنطقه عايشه يم وحده شعرفنا شدخل عليها من اهلها

--الله ياخذها وين اهج وين اروح نصحيني اني يوم اذا ماخذت علاجي ارجع انكس وضيع بنتي

--ترحين للامام اتضلين هناك كم يوم بين مايهدء

--اشكد انضل ومنين ناكل منو يشغل وحده مثلي مريضه وجبيره وهاي ثوله ماكدر اشغلها ياخذوها يمه تعالي ليه وين اولي

--روحي ويا طلعي هويه اله وخلصي

--وبعدين عمه تره المره كوه دتاكل عايشه عالتقاعد مابتلت بينه وابنج بس ياخذ الراتب ويامن يخابر اخوي ياخذ لحن مسوين تبادل منفعه بينه

--لعد شسوي والعذرا اتمرض من القهر اني ماكدر ولاالي حجايه اخذي لحن واجري بيت بغير مكان واشتغلن

--منيلي افلوس  دينار ماعندي محتاره اذا خلص علاجي منين اشتري موانوب اطلع منو يرضه يأجر بيته بلاش بين مااشتغل وانطي لبالج الشغل هين رياجيل تركض ماتحصل مواني اكوم واوكع اله استعطي يالله اكدر ادبرها

--لعد شسوي متكليلي هذا مصر اذا مارحتي ويا يخابر خالها

--حتى اكتلها واكتل روحي ولاتكليلي اخذيها ونهزمي للباب اذا طلعت تروح مني لحن لاني صاحيه ولاهيه نادره اثنينه خوثات ماندبر روحنه ويه هالدنيا الغبره 

كمت انطيتها علاجها  لان شفتها ادهورت حالتها صدك التحجي كلشي رادله افلوس وحنه دينار مانمتلك وهذا عمي ماطول مرته زرعه براسه هالفكره عرفته ناوي  يرجعني لخالي بعد ماياخذ الهويه

اتاخر الوقت فرشتلهن نامن وبيبي راحت لبيت عمو
كاعده  يم ماما اتون هيه ونايمه اعرفها خايفه واني مواقل منها   مگابله الفون  اريد بس ناي اترد

بس حتى لوردت شتكدر اتسوي لاجوازات ولافيز هم رادلهن ذاك الاحساب وقت  لان الفيزه صايره صعبه طلعتها

محتاره اخذها واطلع وين اروح ادري بروحي ثوله واخاف مومال ادبر نفسي موانوب ماما مريضه ورادلها افلوس علاج اضل اعرف امرنه محسوم

فتحت صفحتي القديمه بلكي الكيها مراسلتني عليها هم ردت بس اطمأن بطلت

خليت الفون يم راسي واتمددت صافنه بالسكف وين راحت اشصارلها المن اخابر هسه

رن فوني كمزت  لكيت ناي تتصل فصلته حتى لاتكعد ماما طلعت بره استوني اتصل وصلني مسج

لبالي  ناي فتحته  لكيت من اركان كاتب طلعي اني بالباب---

***ناي***

الدنيا تفتر وبلعومي يوجعني الصوره مغوشه صوت ضحك وسوالف يمي

صوت غسق وهيه اتكول ام عاشق تسمعينيي

فتحت عيوني باوعتلها اشرت بديها وضحكت ابتسمت كلمتها امنتني رجعتلي الحياة من جديد همست وينه

--انطينا لغيث كناله اخذ بزرك مابينه حيل انربي

--غسق وينه اريد اشوفه

--بالخدج يتعارك ويه الاوكسجن ولج يرعص مخبل والله لبالهم مختنك بالمي طلع صوته خبص الامه حتى الدكتوره كالت لواعرف هيج مجان ولدتها عمليه

--عزه عليمن طالع هذا

--على ابوي كومي داعدل المخده وراج خلي اشوفج وانتي ام اشلون شكلج

--ماكدر خليني المن يشبه

--والله مامبين بعده زغير بس عنده غمازه من يصرخ طلعت بخده

--هههههه هالكد ماابو صنف عليه صارت بأبنه

--اوووي لويدري عنده ابن شنو شعوره

--ياخذه ويخليني وراه مخبله خبرت لحن

--اي وبشرتها ودزيتلها صوره كضتها مناحه حضرتها لاتزعلين

--خطيه صدمتين بيوم حقها وهم وحدها ضاله رويدا فدوه اريد مي عطشانه

رويدا. ماكو الدكتوره كالت ميصير بعده البنج بيج اتحملي اشويه

دخلت عمة غسق باركتلي كالت ولج يردون ابو الطفل حتى يسلمونه

--كليلهم بالعراق واني جايه سياحه

--كلتلهم بس هم مصرين ميسوون لابيان ولااسم اذا مووالد الطفل

--كلشي لاتسويله اني ازورله بس جيبي منهم

--خلي هسه بعد معتاز شارب مي هواي بين ماتكدرين اطلعين منا ناخذه

ضليت يومين بالمستشفى ثالث يوم سجلولي خروج 

وعاشق كوه اخذنا منهم بعد عركه ودكتور عرف وتعهد وحتى تسجيل ماسووله لاسجلو اسمه لان حتى اقامه ماعندي خالص وقتها ومامجددتها بيه بخت اهلي لوحكومي جان ماحصلته ابد

طلعنه للشقه دخلت اتمددت انطوني عاشق خليته بحضني اباوعله ناعم كلش  بس ما بي شبه من غيث كله الي

غمازته خدوده حلگه حتى  لون عيونه عليه  مع العلم مامبينه بس عرفتهن  لان ماكو بيهن لون ابد شبه بيض

ابتسمت اتذكرت من كال هسه نعرف منو يحب الثاني اكثر

اشتميته وخليته على كلبي تدري ابوك متلهف لشوفتك اكثر مني

بس اكدر اكوم راح اخذك وروحله بلكي وجودك يشفعلي يمه وينسى الصار

خليته بحضني نزعت المداليه خليتها بركبته

خليت اصبعي على خده همست تدري هاي اعز من روحي وماجنت اتخيل نفسي انطيها لاحد

بس انت اعز من روحي ماعرفت راح يجي شخص راح ياخذ النفس مني ويصيرلي الهوا

مشترك بأعز اثنين على روحي
عاشق وغيث

اكبر بسرعه وصيرلي سند خليني انام واني احس روحي بأمان وعندي احد عايش الي

ضميته بحضني شعور الامومه ماجنت متخيلته هيج اتحس قطعه من كلبك  بين اديك
اشكد اتمنيت غيث يشاركني هالحظات ويشوف ثمرة حبنا

مر كم يوم احس روحي انولدت من جديد اسعد انسانه موجوده بالحظه نسيت كل المريت بي اتمنى اليوم مايخلص حتى ارجعه لفراشه كل دقيقه اشيل راسي واحمد ربي على هالفرحه الي عوضتني حتى على ذيج الساعه الراحو بيها

احساس ماعرف اوصفه واني شايلته بين اديه واشتم بركبته رغم عمليتي خضره جنت اضغط على روحي واكعدله

البنات مامقصرات بالاخص بليل للصبح يكعدن ويا بس اخاف عليه موبيدي غريزه ربي يزرعها بالانسان بدون لايحس

طلع السابع وكعت صرته لواتكول صار رجال

قررنه نحتفل  بهذا اليوم البنات طلعن للشغل وصيتهن على كيك وكم شغله

راحن واني بدلتله ورضعته نام خليته يمي   ردت اكوم للحمام اتذكرت لحن من فرحتي وانشغالي مافارغه

اخذت فوني فتحته اتصلت ردت بصوت ضايج كالت بعد وكت

--هههههه ولج والله مشغوله عاشق ماينام لاليل ولانهار شاغلني وهو زغير اخاف عليه يبجي ابشرج اليوم وكعت صرته

--مبروك يكلبي والله كلبي يمج خايفه

--قابل شيصيرلي ولج لاتخافين بعد غير اكو رجال وياي

--يمه فديت الرجال ربي يحفظه متشوقه اشوفه

--بليل امسويله احتفال افتح كام وياج

--اي حتى ماما اتشوفه وياي

--ماما يمج ؟

--اي قبل كم يوم رجعت واتصل بيج ماكو

--اشلونها صحتها هيه انطينياها اوولالافتحي كام انتظري خلي اسبح لاتشوفني هيج تقلق

--بس هدئي  نايمه استوني مطيتها علاجها  وزينه صحتها جابها اركان

--وين جانت كل هالفتره

--بالمستشفى مال مخابيل شامرها خالي واخو باجي

--ليش هيج يسون وهيه مويمهم عايشه

--ماعرف حتى ماما هم تكول يمكن علمود الورث حتى لاداعيهم لوتشتكي وهمه مزورين

--اشلونها هم مأثر عليها

--هسه زينه بس اشلون طلعت مناك ماادري لان غيث مطلعها صار اشهر وحاجزها يمه

--اشلون رجعها وهو كال راسها براس ابني

--ماعرف انوب خوفني اركان كال سلمي على ناي وكليلها يكول غيث وصل حگ امج

--معقوله عرف جبت

--اني هم خفت ولبالي هذا غيابج جاي ماخذكم بس هسه امنت معناتها مايعرف واله مامعقوله لسه ساكت

--اكو شي وره غيث هدوء مخوفني  البنات يكولن حتى ادور بعد مايدور

--يجوز مل واستسلم

--مو غيث اليسوي هيج اكو شي ضامه الله اليستر

--مايصير شي ان شاء الله عاشق اشلونه ماما اتكول مااصدگ ناي عقلت وصارت ام

--لوسمحتي ماكو ناي بعد ام عاشق يمه يوكاحت عاشق دقيقه مايسكت هذا هو كوه يسحب نفس اذا كبر اشلون ماادري

--هههههههه جلب على امه صدك راح اتكولين لغيث لوتضلين ضامته

--بس افتح الخياط اخذه واروحله مهما صار بينه هو ماله ذنب لازم يعيش بينه

--اذا شافه راح يسامحج شتكولين

--ماعرف والله الفكره وحدها راعبتني بس لحدمن اضل خاتله هم مليت وابني يعتاز لقاحات اي شبي صوتج تعبان اكو شي صاير

--هاا لابس مشتاقتلج اشوكت تاخذينه

--افلوس جوازج كملن خلي اكمل افلوس جواز ماما واطلعلجن فيزه مااتاخر

--يعني اشهر مو

--ادري بيجن مامرتاحات بس والله ماواكع شي بيدي حتى افلوس الراتب مداصرف منه غير  لعلاجي واضم الباقي  والله قصرت على نفسي حتى الاكله بس بسبب ولادتي المبكره  خسرت  كلشي

--يعني ضعنا رجعنا لنقطه البدايه

بجيت لان اعرف الصوج مني

--ناي لاتبجين فدوه

--والله سويت كل الاكدر عليه ماضيعت ولادينار  وجبه وحده اكل واكلهن مااشتهي حتى لاادفع افلوس اكل واجمعهن بس ولادتي دمرتني ماجنت حاسبه حسابها

--فدوه الج يمعوده ناي بروح عاشق لاتبجين الحمد الله من اجه بالسلامه ورد ضحكتج بلكي الله يعوضنا بي ويكون سند النه

--عمي الكلب ضاغط عليجن

--اتعودنه ومو بسببج لاتحملين نفسج المسؤوليه انتي شدخلج هواي ضحيتي بروحج لخاطرنه ماقصرتي ويانه بس قسمتنا عوجه من ذيج الساعه الي ماما قررت ترجعنه لنقطه الصفر

--لحن ميخالف لاتحجين كدامها هيج مريضه لاتقهريها موبيدها من صار عندي عاشق عرفت معزت البزر شنو جانت اتريد تحمينه خافت علينه

--من شنو تره رجعنا للضيم وانكس انتي اذا كمشوج يذبحوج اني ضايعه ماعرف شنو مصيري وهيه اذا ضلت بدون علاج تطلع بالشارع ماتندل حتى طريقها هاي اذا ماخالي رد اخذها ورجعها للمستشفى منو يكدر يعترض لو يوكف بوجهه

--ماعرف لحن احس روحي مطوقه من كل الجوانب انتو من جهه خايفه ياذوكم لازم استعجل واجيبجن واني ولادينار  وابني من جهه خايفه غيث يعرف وياخذه مني وحق اخوي من جهه خايفه اموت واني بعدني ماماخذته

--بعدج اتفكرين بحق عاشق مانسيتي

--انسى الدنيا كلها ومانسى ذيج نظرته يباوعلي بكسره  وهمه ينحرو كدامي

--اذا جان ابنج مقابل دم عاشق المن تختارين ناي

--قبل صارو عاشق وغيث نفس الكفه  واحد بمثابه روحي والثاني كلبي دست على كلبي واختاريت اخوي بس هالمره ماعرف شي بداخلي اتغير

--اتحبين ابنج اكثر مو

--لاوروح عاشق لا ماحبيت ولاراح يجي واحد اعز منه ربي ديختبرني اختبار صعب يعوضني بواحد نفس معزته ويكلي اختاري لحن خايفه يجي هذا اليوم وقتها ماعرف شسوي

--ابنج بعده زغير معتازج

--وانسى الجان يكعد بالساعات يهفيلي حتى انام مرتاحه  وهو ميت تعب جاي من الشغل لوالجان يشلع اللگمه من حلگه ويخلينا بحلكي وادري بي جوعان بس يضحك ويكول ماحبها حتى  اشبع اني

--شيصير لو تاركيلنا واحد منهم

--جان مانذلينه ولانكسرت كلوبنا ويه ناس غلط ننجمع وياهم جان كلمنا دراستنا وكل همنه نرجع للبيت نشوف ماما شنو طابخه النه

--هههه  صفينه من بعد ذاك الدلال كل وحده بمكان خاتله من شي خايفه منه اي غلطه اتكلفنه وجع كلب كل  حلمنا نلتم بمكان نعيش بي بهدوء

احنه نحجي ودخلت رويدا تركض كالت ناااي لحكي

سلمت وسديته ويه لحن باوعتلها اشرت شكو

--كرم  اتعارك ويه غيث على شي ماعرفه شنو بس غيث خنگ كرم وكله اذا وصل الخبر روحك متكفيني

--خير شصاير زين هيج كبل اتعاركو لو جانت متخاربين

--لادانزل اكل بالمطعم واجه واحد سال على غيث جان بمكتبه رحت صحتله طلعله انتبهت لفونه ناسي ويرن شلته رحت اودي وراه واشوف الولد طلع جواز انطاه وكله كمل مثل ماطلبت

--اي وشنو

--الجواز من فتحه قراه وضحك اجه كرم شافه كله يعني سويتها رد انكتم يول ونفس مااسمعلك بالقران امحيك خلي النفس عليك طيبه لاتخرب الخوه

--جواز شنو والمن

--ماادري بس بس من راد يخلي بجيبه باوعلي واشرلي بي وغمز

--شيقصد ولج اخاف اندل مكاني هذا شيطان يفر السالفه بدون لايخلي احد ينتبه

--لعد الجواز المن ماكو ربط بالكلام اخاف راح يجيب اسماء هنا ويريدني اوصلح الخبر بلكي تغارين وترديله

--كرم اشلونه

--والله كلب الطبله وضل يصرخ على غيث وذاك يضحك اول مره اشوف كرم هيج معصب تالي ودفر الباب وطلع مارد

--وغيث شسوه ورا

--ماكو شي سلم المفتاح لعثمان وصعد بسيارته طلع ماعرف وين عاد استغليت غيابهم طلعت ركض هم جبت ذني بطريقي واجيت حتى تتصلين بكرم خطيه اخاف اتأذه

--ماعليه لاتخافين دوم يتعاركون مايصير اليل اذا ماكاعدين على نفس الطبله ياكلون جيبي داشوف شنو جبتي

--يمه فدوه جبت لحبيب خالتو ممات ومرطبات فدوه للنومه التخبل ناي نشنش بينت ملامحه

--اي ديكبر بسرعه اتصور خشونته على ابو طالعه ماشاء الله لااحسده

--فدوه شكله عليج وجسمه على ابو هسه غسق اتكول محجوز الي

--ههههههه لاكافيها جود تركض ورا ليل ونهار قفلت

--تره حتى هو يميللها البارحه سمعته من تخبره يكلها صار ساعه خال الفون ومنتظرج تتصلين وينج قلقت عليج خو ماعندج شي

--اثنينهم ينگطون كياته وحتى لوفكر يحب غيرها ماتخلي قانونها يالي ياماتصير لغيري دجيبي دااشوف شنو جبتي

اخذت العلاكه و جاروبات وممات كم لبسه يجنن

كل شغله اشيلها ابوسها يخبلن غراض حديث الولاده الاستعجال ماخلاني اصبر
فتحت ملفه لبسته الجواريب وبوست رجلي

كمت رحت للحمام ماطول نايم استغلها
وكفت جوه الدوش وين وصلت بينه غيث هيج واحد خايف من تفكير الثاني ويحاول يدمره

اندكت الباب وصوت رويدا كالت فضيها داريد اطلع

--هسه خلصت وين ترحين

--غسق خبرتني كالت وصو كيكه   على حسابي راح روح  اجيبها وهم كم شغله معتازه اخاف اطلع ويكعد عاشق

--يله طالعه

كملت عالسريع طلعت وكفت امشط شعري وهيه لمت ملابسه سفطتهم بوسته  وطلعت

لفيت شعري ورحت اله شلته اشتميته يعمري انت لواعرف اكتله لابوك وماانطيك يريد ياخذك اشكد بطران هوانت بطني بس كلبك دگ انهزمت وعرف وراي موت موهسه

بسته واخذت نفس اوووف يريحه  الغثيث
بسته من حلكه

اشتعل كرم موبوسه ترد الروح يمه فديت اليعصب ميرضه على نومته

خليته عالفراش خرطت جاروبته تركتها غطيته

رحت للمطبخ جبت الممات دارجع اندكت الباب البنات كلها بالدوام ماكو احد عرفتها رويدا الفاهيه نست مفتاحها لان شفته عالميز

داافتح الباب وكعت الممه مني دنكت شلتها وفتحت الباب

وكفت احس جسمي كله جمد واني اشوف غيث كدامي مدنگ

ردت اسد الباب دفعه ودخل رجعت ليورا

--غيث والله اصرخ والم عليك العالم

رفع حاجبه وبتسم

--انت اختاريت البعد  اني خيرتك ماتركتك هيج

هز راسه اي

--غيث شرايد

مارد احس الرجفه اخذت جسمي خفت من هدوءه اني ارجع وهو يتقدم وصلت للغرفه كمشني جرني لحضنه
عصرني دنگ باسني وخذ نفس طويل

-- عش اترجفين يولي

--والله ناويه بس افتح الاخياط اجي اكلك

--على شنهو تحجين يولي

--غيث لاتحرك كلبي فدوه اروحلك

--عش احرك كلبج يروحي

شهكت حضني حيل همس اششش

--لاتاخذه غيث اموت والله

وخرت راسي مسح ادموعي وابتسم احس كلبي يريد يطلع

دخل واحد ورا كله تمام غيث مأمن المكان

باوعتله اشرت شكو

باس راسي وسد حلكي جرني للجربايه خلاني عليها كمت ارفس واضرب بي مااهتم كمش ايدي ثبتها برگبه رجله وطلع ابره من جيبه

اباوع للولد  دخل اخذ صوره لعاشق ورسلها   كمت اصرخ بس مايطلع صوتي باوعتلي بترجي ودموعي تنزل

خله الابره بايدي ضربها وشمرها كعد يمي بس ادموعي تنزل

وخر شعري عن وجهي كمشت ايده مااريده يروح عصرتها حيل وباوعتله بكسره دنگ باس راسي وهمس لاتبجين يروحي

عين بي وعين بالولد الي دنك يلف بعاشق  كمت ارفس واصرخ بس صوتي مكتوم رفع راسي خلاني بحضنه عدل  ضم وجهي بصدره وعصرني

كله يله اخذو ----

لاتنسو التصويت♥️