هيلانه الاسر

part 20

فيروزاتي مساء الخير و كل عام و انتو بخير
صحيح متاخره بس اهم شي الفكره 🥹❤️

هيلانه الاسر

زهور الـ سلطان

لا تنسون التصويت و التعليق يهمني رايكم

.

رغم ماتن زرعات اهلنه و تهزلن احبال المراجيح
لچن روحهم ما تذبل بالفاد مشتعله تظل چن غنوه مساجين ....
بقلمي
.

ادم

خلصت شغلي و المخطط ماشي مثل ما نريد
اسباعنه انتشرو داخل معسكرات جيش الكلاب

مو كلهم نجحو و ما تبين شغلتهم بس على الاغلب
تحركاتنه ماشيه بالملم

توجهت لمقرهم و اتمشه بكل رهاوه و هدوئ

.... من لدينا اليوم ابو حرب

_ بشحمه و لحمه

.... جيد لقد غبت كثيرا هذه المره

_ كنت اعمل لم اذهب بنزها لماذا الگ... اقصد
المكان فوضى

..... اليوم بدأنا بذبح كل روافض و المرتدين

_ ماذا

..... كما سمعت لقد فعلا مجزره مريحه للعين بتخلص
منهم و سجنا مقطع ان كنت تريد المشاهده
لماذا تفاجئت الم يخبروك

كوه كبحت نفسي ما اطلع بروحه للمـ***
سكتت ما انطيته رد رجع گال

..... هل انهيت المهمه التي ارسلك بها الامير

_ ولو طبعا خلصتها و اتمنى ما تحشر نفسك با اعمالي

ابو عمر _ تريدو تلعب من ورانا ابو الحرب

ادم _ من قال

ابو عمر _ اغشع افعالك

..... مالناش بلكلام ليوجع راس يابو الحرب
مجينا بنافوخك بأزاه (مصري)

ادم _ اجيتو بس انا شغلي اجيب للامير بس

..... صحيج ذكرتو قبل فتره جينه بناس يخصوك

_ من

.... في البدايه كانت امراتان و رجل

ثم احداهن كانت عاهره جدا منعتنى من جعل لفتاه
الاخرى انتحاريه فقمنا بذبحها و الاخرى الان في
بيت الامير فقط كانت طلب خاص به

قبضت على ايدي امنع نفسي حتى لا افلش وجوهم
ادم _ و البقى

ابو عمر _ اردت ان اذبحه مع الكلاب هذا صباح لاكن جسده و تصرفاته اعجبتني اريد ان يلين راسه و اجعله

.... مجاهد في دولتنا الاسلاميه ....

.... اوافقك انا ايضا اعجبني رجالك جيدون ابو الحرب
لهذا اريد ان امجد جهاده ليس فقط بكونه عميل لك
لتجاره الخمر و الاسلحه

زلمي يعجبون اكبر راس و شغلهم تكسير الروس
عبالك تجيبهم بشكم كلمات هذوله الاصلهم كله
صيت تشتلهم السواتر يهدون بالكلفات ....

.... يي يصير ليش لا

.... هل تشرب معنى اليله

.... لا لدي اعمال

..... انت الخاسر سكتون هنالك نساء ايضا

..... اشعر بتعب و انا مجاهد قوي اريد اكثر من
واحده في ليل

..... يمكنني التبادل بعد الانتهاء

..... يالها من فكره

تحركت عنهم جايين ينشرون الدين من لا دين لهم فجار

و مشيت وواحد من الگواو** گدام
لحد ما صرت مقابيل مخزن جبير

افكر هاي شكد تعبو بيهن يمته لحكوه يحفرون الكاع
و يبنون جوه مكانيات عدهم هالسفله تشگ البغل و ابوه

فتح الباب و گف على صفحه وراح وي دخلتي

كش وجهي و اني اشم ريحه الدم
وودخلت صارت گدامي جثه و رجال منحور
طريقة قتلهم للجنود صارت تحرك افادنه

تقدمت شفت شخص معلگ بسكف باحبال ظهره
مكشوف گدامي كله ضربات سجين و عباره عن قطعه
زرگه من گد الضرب المحصله

صرت اتمتم بـ يا رب صبرك و عونك

تقدمت وصرت مقابيله شفت صاحبي وجهه
مشوه بس الماكدروله هو روحه الما ترضى
بالسوء لحد اخر نفس

جان مغمض عيونه حس بيه و حرك راسه
تف* بالگاع و حجه موجه كلامه اليه بضنه
اني داعشي

قسور (دريد) _ شوكت ناوي تعوفني يا **** ابن لمـ****
كتلك ما صير حمار وياكم حمارررر وياكم ما صير
شتريد تسوي بعد ما كفاك التهيك النهكته صار اسابيع

ادم _ هسه باالله عليك ما تسحتي تحجي وي المسؤول
هيج

بسرعه رفع راسه و فك عيونه بصدمه
عيونه حمر حمارهن ازيد من الدم

قسور _ سيدي

ادم _ بعد روحه

قسور _ اخذوهه مني

ادم _ الله لا ينطيهم بويه راحت شهيده هنيالها

قسور _ طلعني منا بداعه امك
راسي راح ينفجر من تفكير جثتها مرميه

منو يشيلها راح تاكلها ذيابه لو ما رحت
يخربون ملامحها

ادم _ اهدئ نصي صوتك لا يسمعو

قسور _ خلي يسمعون شيهم

ادم _ ام قسيم عمرها كله تتمنى تموت شهيده
مثل العافوها وراحو تنفست بضيق و رجعت كملت
و انت لازم ترجع قسيم منو ظله غيرك

قسور _ ماريده يسألني عن امه و اگله ما عرفت احميها
سكت ثواني و رجع يلوم بروحه

بس بس اني استاهل اني واحد سگط و مو ادمي
شربت و علاقات وو سويت
جميع سوده بالدنيا استاهل استاهل اتعاقب بس
مو بيها ليش ما متت اني ليششش عاررر

خليت ايدي على حلگه حتى ما يفضحنه
غمض عيونه يمنع نفسه و يكابر حتى لا طيح دمعه منه

ادم _ سبعي

فتح عيونه بوهن وجهه صار دماره حمره

يتنفس بطئ عدالك بايگ الهوى بوگه
حجه بتردد كان تذكر شي مهم

قسور _ س سيدي اس اسسف الامانه

قاطعته و گلت
ادم _ اششش مو مهم اهم شي اطلعك من هالطرگاعه
طحنه بيها
خلصت مهمتك من اليوم انتهت ورقه دريد

قسور _ و انت خلصت مهمتك

ادم _ يي بحيل الله خلصت باقي بس ننطي الاحداثيات
لجماعتنه و يكملون و انقل بغير مجان

قسور _ سيدي و البت

ادم _ اطلعها بس اريد الهي نغل** هالگو** حتى لا يروح
الگبره لبيته اليوم

لو بيدي اخليهم يهجمون بس اعرف ما تجي ورانا
سريه دفاع لو يحطونه قوات بدل احتايط جا كسحناهم
من على الخارطه بس تعال للي فهم و يخطط عدل

قسور _ صعب انتصارنه

ادم _ لا سهل بعون الله و رسوله و اهل بيته و ويلادنه العسواتر اله املص اركابهم زمال ورى زمال بس خلي يصبرولي

يومين و اليحاجيك وافق تصير منهم و قبل اصغر مهمه
تتكلف بيها و قبل كل قناعه فاشله راح يحاولون يدسوها
مثل سم بيك اعتبر نفسك طالع منا

قسور _ حاضر سيدي
.

هيلانه

بقيت صافنه بوجهه
فكرت طلعتي ممكن تكون احسن حل حتى انهزم
بس بعد السمعته خابت امالي .....

تنفست الصعداء احاول ابعد الجزع من قلبي

هيلانه _ دسمعين شنو هالصوت يارب احمينا

_ ورا هاذي الغرفه مكان تعذيب

هيلانه _ وين تعرفين انتي منهم ؟؟

_ لا و الحسين لا يمهم و لاحذاهم بس شتغلت
بذاك المكان وي الممرضاتهم

هيلانه _ لا تحجييين وياااي كلبه حالج حالهممم

_ لا و الحسين لا يمهم و لا حذاهم بس
نزلت راسها و كملت ..... مو بيدي نجبرت اشتغل

وياهن بس و لا مئذيه احد اصلا احاول الگه حل افتح وحده من زنزانات الاسره بس شكن بيه و بعدني .....

سكتت مجاوبتها و بعدت اسحل بروحي سحل بسبب
الم رجلي كعدت بركن بعيد عنها بالغرفه حضنت نفسي
و خليت راسي بين اديه

صرت اهز بنفسي احاول اهدئها شويه حتى افكر
لحد محسيت روحي تعبت حيل غمضت عيوني

صرت بين النايمه و الكاعده خايفه انام بس التعب
جاي يغلبني ... واول مستسلمت و غمضتهن مخيلتي

نملت بگعدتنه اني و مارين و تالين نلعب حيه و درج
عمو و خاله يسولفون على السياسه و امير يقرا بكتاب
ايمن يباوع للعبه و ازاد يضحك عليه و يريد الريمون

لان وقت مسلسل الارض الطيبه الشاي خدر رحنه
جبناه خاله صبت و زعت كليجه وياه بديتنه حيل
دافي ...

ما طولت دقايق شهگت جافله من صوت ع طرقات
على باب بقيت على نفس نومتي خليت ايدي على
جهة گلبي و همست لا اراديا امير تالين ...

سندت روحي ....
و وگفت اول منفتح الباب جانو نساوين كلهن منقبات
يتمشن عدالك گاعدات فندق خمس نجوم مو مزبله
او شبه مقبره جوه الارض

گعدت وحده منهن على كرسي خشب و البقيه
واگفات يناضرن الها

لتفتت اليه و اشرتلي بيدها

بقيت بمكاني ما تحركت

.... شو مالها هي يا بنت خربولك سمعك ولا شو

.... بقيت على وضعي ساكته و بس اخزر بيهن
هاتوها يا صبايا

.... اجت عليه وحده منهن و قبل لا تجيسني
بتعدت منقزفه

هيلانه _ وخري اني امشي

.... عجل ليش ما حدرتي من ناديناج
اول منطقت هلكلام سحبتني من ايدي
و دفتني و گعت على ايدي شاغت روحي

و اني ما ناقصني وجع الدمعه وصلت بطرف
عيني بس هيهات انزلها گدام الهمجيات

رفعت روحي بصعوبه و وسط ضحكاتهن و كلامهن

اجت عيني بعين الكاعده على الكرسي خزرتني
و گالت بحده

.... شيلن النقاب محسيت غير نقابي نجر من ورا و طاح
صرت بمرمى نضراتهن القذره

هيلانه _ جلبه الكح*** ليش وخرتي

_ جميله

_ لنسانها كما يحبون
كالتها وضحكن و اني ما فاهمه وين شافن
لساني اصلا

_ دخلك هي راح تبئى اكتر من نص ساعه
جواه الامير

_ نص ساعه عشر دئايئ المهم بعيدات عن كل
ضراب السخن العم بيصير

_ شقصدج ام عبيد چنچ نسيتي شنو انتي
گدام دولتنه

ام عبيد الگاعده على الكرسي
و الي وخرت نقابي وحده بدها تاكل الثانيه

_ ما في شي تؤبريني

رجعت باوعتلي و باوعت للبنت اليمي

.... شسمج

_ اديان

... و انتي

_ حليمه

... بعدجن باكرات لا

_ لا

.... منو اخذج

_ ما اعرف

.... كم مره

اشرت بيدها عشره

.... من واحد
سكتت اديان و ام عييد صرخت بيها

_ لالااا اكثر

.... افحصنها
و انتي

_ هو شنو باكر

..... بيعهن على غيري يا جحشه

_ ما غيرج .... اخخخ

خليت ايدي على حلگي و شلتها بيها دم
_ليشششش ضربتييينييي

.... تستاهلين الكف لا تتطاولي على ستنا

.... حليمه جاوبي

_ شجاوب

.... قصدهن احد نايم ***

هزيت راسي بستمرار اعني برفض الدم صعد براسي
و صرخت بوجوهن

_ لااا شتكولن اني مو وصخه مثلجن بعيرات

.... غريب نادر تبقى وحده بدون اغتصاب

.... اخذوها

اجني كومني و صارن يدفعن بيه حتى اتحرك
خليت ايدي السليمه عالگاع حتى اسند نفسي بيهه

و اگوم بعدني مگايمه وحده منهن دفعت ايدي برجلها
وكعت على راسي بقوه

.... تحركييي يلاا

بقيت ثواني على وضعي الدموع صارت تتسابق من
تنزل اول روحي مهضومه حيل

وينكم عني
احمد ليش هيج مو وعدتني تحميني و متخلي
ذره اذئ تعبر بدربي ليش وحدي ليش شسويت حتى
اتعاقب هشكل ...

حسيت بايد تگومني نترت بيها و صرت اتلفت لحد
مشفت البوشيه خليتها على راسي هذا كله و داسمع

صوت صياح كان اسد غضبان لو يعوفونه ياكلهم
بدون رحمه من الغرفه المقابيله الغرفتي

تحركنه برا الغرفه المكان مثل المتاهه كل شويه
طالعين بمكان لحد ما صرنه گدام باب جبير حديد

و لونه ماروني بس مزلغ و كله ثقوب واضح مرمي
عليه .... الاسمها ام عبيد اشرت الوحده من الوياهه

دگن الباب صفنت وين اكو باب يندگ من داخل ثواني
و نفتح الباب نفسهم الخنازير الله ياخذهم دگو حچي

وي النساوين بنص ساعه و اني صامطتني الشمس
و حتى ما سمعت شي لان بعيدين و بس صوت

ضحكاتهم البذيئه عيوني تتجول بالمكان الباب الطلعت
منه شبه مدفون بالتراب من فوك شلون ما اعرف اكو

بنايه جوه شنو الامكانيه العدهم بحيث كدرو يخفوها
كدامي اكو كرفانات متفرقه و اسلحه و سيارات و هم

مثل النمل يفترون منا و يرجعون منا بقيت هيج لحد
ملتفتت على صوت اعرفه ام عبيد و نساوين بجهه يمنه

و المكان الطلعت منه ورايه كدامي كرفانات و اكو
ناس تمشي و صوت بينهم ياربي احس هو ميخالف

راضيه ارجع و انحبس طول عمري و ترجع سما

.... تحركييي

تحركت وراهن و اجت سيارة جبيره و كفت صعدن هنه
اني صرت بطرف الباب

.... نتحرك ام عبيد

..... لا ننتضر المجاهدات البقيه
حيونات خلني بشمس تنهدت بضيق تذكرت جزء
سحلن اديان و راحن يعني هي راح تجي وياي هاي

الخ مامرتاحتلهه اكثر من هذن

طلعت من صفنتي حسيت اكو عيون تباوعلي
لتفتت بكل جهات ماكو شي لحد ما استقر نظري

عليه فرحت و دموع ترست عيوني
هو و سما و دريد ليش جاين هنا ليش قررو
يبقون بنص الموت واثقه منه يكره الدواعش

رغم فعلته وياي ما تنغفر بس على الاقل

عدو تعرفه و لا صديق تجهله

عيوني عليه كضيت النقاب حتى اشيله
كل املي يعرفني و يحاول يطلعني

بس هو ندار وصار يحجي وياهم

يعني ما انتبه اليه اتخيل يمكن مو هو الكلام
ملئ راسي دنگت بحزن لحد ما كملن و رحنه

لمحطه عذاب ثانيه ....

وصلنه المنطقه كلها بيوت مدمره انقاظ و كم بيت
سليم دخلنه لواحد من هالبيوت جان بي حراس

البيت مدمر و غرفه تجيب المرض ما تنوصف
من البشاعه

.... ستبقين اليله هنا تعقدون و بعدها ينقلج
الغير مكان لو بقيتي تتنغسين

متتت خوف من سوالفهن
و صارن يحاولن يجهزني لاميرهم النگس لا
لو يموتون لو على گص رگبتي انطي روحي

هيلانه _ و خرررررن عنييي طلعووونييي منااا

ادفع بيهن ماكو فايده مچلبات بيه وهن ضخام
ولابسات عبايات و نقبان

_ وخرري ايديج الوسخه ياخـ*** يا خايسه ولنن

محسيت غير نجر ثوبي و نشگ صرخت بفرغ
ولملمت نفسي

تغيرين الملابس العليج لو اصيحنه يدخلج
بهذا شكل .....

ام عبيد .... عوفيها علينا لا تعبيين نفسج

ام مروان .... لازم اجهز عروس الامير بنفسي

هيلانه _ انيي ابدلل

..... هيج و صيري حبابه من الاول
ولو ضيعتي لونسه ....

_ سافله

دفعتني ووهي تگول
.... لا تستشرفين براسي كلج بزر لا اتخليني ا*** هنا

طلعن و اني گدامي الملابس جابنها
ثوب طويل و اكمامه هم طويله لونه ارزك وبي
شذر وتطريز ذهبي .....

كل خوفي على امانه سما ضميتهن زين و طلعت
لاكني يهلهلن و حركاتهن مايعه و تقزز

فتحت باب غرفه و دخلتني

يلا بنات نطلع و هي تنتظر العريس

انعل ابوجن لاابو الحيوان الي دتكولن عليه عريس .....

.

تالين

ثاني يوم اني طلعت الدوامي من الفجر حتى اوصل
من وقت ..... الطريق جان ممل شتاقيت لمناگري وي

صهيب بطريق الرجعه هاي المرة اجاني سايقي
القديم

ابو ضياء _ اعذريني بويه صارلي بشهرين ما اخذج

تالين _ لا عادي عمو اعرف باجي خديجه تعبانه

_ يي و الله بس الحمدالله و ضعها صار احسن

_ الحمدالله

هز راسه و رجع اردف يكول

ابو ضياء _ بس هم الي ياخذج مو غريب

اجه بالي قصده على صهيب زين وين يعرفه
تالين _ وين تعرفه عمو

_ الشارع البعد مدرسة ال.... الابتدائيه

_ يي اذكرت جنت هناك و حتى بالمتوسطه

_ يي جان هو و امه و اخته ساكنين بنفس شارع المدرسه

_ بس ما اذكره حتى رسيل مشايفتها من قبل

_ احتمال ما درستو بنفس المدرسه

_ ما اعرف

سكتنه و اني صار يجي بالي كلام صهيب معقوله
مجنت اعرفه و هو يعرفني زين صداقتي برسيل
جانت صدفه

تنهددت
... صرت افكر بصهيب اكثر لأول مره يجيني

شعور غريب دمعتي صارت
بطرف عيني على جلموتي عزاا تخبلت

اجت بالي محادثتي وياه البارحه ورا ما نهزمت
من كلام ميس و خليت راسي على مخدتي

دگ تلفوني ....

رفعت المخده اخذت من جواهه لتيليفون

ميس _ يي ما يتحمل لازم ينام على صوت الست

تالين _ انجبي مياسه

طلعت من الغرفه بقيت صافنه تالي رديت

صهيب _ صباح الخير حلوتي

تمشيت بالممر و اعرف محد موجود ازاد ينام
جوه يم ام

تالين _ ترا الدنيا ليل متصل بيه متخاف ايشوفوني

_ و ترا الساعه تجاوزت 12 خلي يشوفونج السالفه
البراسي تصير بساع

_ يي و يعني

_ ما يعني شلونج

تنهدت و جاوبته
_ مو زينه

_ هاه شكو شبيج صاير شي

_ لالا بس خايفه على اخواني

_ لا تخافين اخوانج يغرگون الوادم و يطلعوهم
ناشفين

_ لا عليك الله

_ و عيونج قابل اغشجج

_ هسه شنو المغزى من اتصالك

نصه صوته و حسيته عصب
_ احمم لا بس ردت اسمعه الصوتج

_ اسمع صوت فريحه

صهيب _ هم كالت تبن يابه انا رحت بيها و اضناني حب ناس ما ترضى تفهم

تالين _ اضناك

صهيب _ يي و وحق لخله زمردتين بعيونچ

تالين _ شنو يعني

صهيب _ يمعزوزه گلبي و خاطري يعني عذبني

تالين _ ياااا

صهيب _ وجعاه

_ عليمن

_ جاي اكول وجعاه بگلبي

_ يمته معذبتك

_ كل اللحضاتك البعيده عنج هي عذاب

تالين _ انت تحبني صهيب

صهيب _ متيم بيج عزيزتي

تالين _ ما اعرف احسك تبالغ

_ شني مسامعه بالحب من اول نضره

_ ههههه تريد الصدگ وجهك مال عصابات مو مال يحب من اول نضره

_ شنو مشكلتج وي العصابات

_ اتخيلك منهم

_ استمري عزيزتي تخيلي

_ اوكي

_ رايح انطمر تصبحين على خير

_ لتكولها بهشكل

تثاوب و ردت عليه بنعاس
_ صار

_ روح ارتاح

_ ها سجلتلج نقطه

رديت بتعجب
_ نقطة شنو

_ گلتي ارتاح معناها تهمج راحتي

_ ههههههه صهيب

_ عيونه

_ انت ليش هيج

_ شلون يعني

_ دوم شكلك معصب و كل منتشاوف لازم نتمالخ

_ المشاكل اساس العلاقات الناجحه

_ وين اكو علاقه حب اساسها المشاكل

_ هسه مثلا اني احبج و انتي تتمشكلين وياي
نكدر نكول هيج تعبرين عن حبج

_ لا بله

_ و داعت عبدالله

_ هذا منو !

_ انعرف ؟

_ اني ما احبك صهيب

سكتت مارد عليه
الو
صهيب داحجي وياك

فصل الخط مجاوبني رغم كل الاتصالات الي
سويتهن استسلمت و رحت لفراشي حتى انام

بس حسيت نفسي عطشانه ميس و مارين
غاطات بالنوم عبالك ضاربتهن غيبوبه

شفت سراحيه فارغه شلتها
و اخذت شال خليته على متوني لان بجامه نوم

لابسه نزلت و لگيت ضوه الطبخ شغال دخلت
مجان احد موجود فتحت شباك المطبخ شفت ازاد

من بعيد جان يدخن و هاي اول مره اشوفه بيها
يدخن لان يحب يهتم بصحته و يكره ياثر عليه

بس تغير هالايام حيل مو مثل قبل شربت مي
و طلعت قبل لا اصعد فتحت غرفه ماما لكيتها

فارشه مصلايتها و تقرا قران
شافتني و صدقت باست القران و عافته على جنب

لجين _ ها ماما ليش كاعده

تالين _ گعدت عطشانه و شربت مي

لجين _ الف عافيه رجعي نامي وراج طلعه

تالين _ ان شاء الله

لجين _ بنيتي لو تأجلينها

تالين _ ماما مو امتحانات و لا تخافين الموصل
مابيها شي هي عصابات حيلكوهم بابا و جماعته
يحرگوهم حرگ

لجين _ الله يسمع منج و يختفون و يرجعون ابوج
و اخوانج بخير و سلامه

تالين _ ان شاء الله ماما يرجعون

رجعت الواقعي مبتسمت بحزن الهايه الذكره الخلت
گلبي يوجعني حسيت بسوئ حتى لو ما احبه مجان
لازم اذي مشاعره

فتحت عيوني اخذت الجنطه ..... بدون وعي مني
فتحت تلفوني على محادثتنه رسلتله

صهيب
صهوب
جلمددد

ما تجاوز الربع ساعه و رد عليه

صهيب _ يا صلاة محمد ست تلوه تريد تحجي
وي جلمدها

تالين _ ليسمعك يگول ولا مره حاجيه وياك

صهيب _ لا يبوي بس اذا اشتغلت ندارتج عليه ادخل
سطعش الف حساب يلا

تالين _ اوكي

صهيب _ شتردين بويه

_ صهيب على الصار البارحه

_ بويه مو انا الرفض دوزني حجاياتچ گبل
لا تحچين بطلي تجفص بگلبي مو بطني
و هسه محتاجه شي اريد اولي

تالين _ وين !

صهيب _ وين ؟

_ بعدك زعلان مني مو

_ صاير شي حتى ازعل

_ مو انه ....

_ تالين شعدج اختصري عندي طلعه

_ مو داحجي وياك بهدوء ليش معصب

صهيب _ عادي اكرهيني اكثر و لا تحبني لان جنابج الكسيف حجه بهدوء لازم نحجي كلنه بهدوء مو

تالين _ اسفه
ليش سكتت ....

_ على شنو بضبط ؟

_ مو مساع

_ لا مو ولا تبن اصحي بويه اني مو طفل گدامج
ديري بالج تالين

خفت من النبره الي حچة بيها اسمي شد على كل
حرف يگوله بالعت ريگي و جاوبته

_ هسه شسويت

صهيب _ هه ما مسويه شي بس حتى زملائج الفاشلين
تتعاملين وياهم احسن مني ولصبر حد

تالين _ شبيك يا عيني والله ما متعامله وياك مثل كل
احد اصلا انت مميز بحياتي

صهيب _ واضح

تالين _ ابچي حتى تصدگ او لا ابقى زعلان

صهيب _ صحوه مشتاقتلي حتى تراسليني

_ جؤ

_ ما طول هيج حضره الدكتاتوره شتريد

_ اووو صهيب حروح ان شاء الله اموت و تخلص مني

رد بسرعه
_ عمري على عمرج ليش هالحجي الماصخ

_ يهمك البيه تخاف عليه مثلا

_ ليش اني شيهمني غيرج بهالدنيا و
بربج حلمانه بيه بعدين شني كاتبه صهوب

_ ما تعجبك القابي روح لفريحه تگلك هوبي ايعع

_ شني يا فريحه تروحلج فدوه هي و عشيرتها

_ هسه ليش تكول شني مو انت دوم بالموصل
متعلمت شي

_ هوورموتاتج حبيبتي

_ لتكول حبيبتي و انت مو هرموناتك هم مطلعها عليه
احجلي موصلي

اسمعي دزلي بصمه قربت التلفون من اذني و سمعتها ....
صهيب _ گلي بيها لكن اغشعي على قلبي تلقينو ذايب بحبكي

ابتسامه غمرت گلبي بدون اسباب و رديت عليه
تالين _ انت تحبني

صهيب _ روحي نامي و تغطي زين

تالين _ مو سألتك

تاخر يلا رد بصمه

"صحوه عمغي غوحي لقيتها بعيونكي اشنو مااحبكي مستشهد بي انا"

يمهه شنو كميه الدفو البصوته و كلماته تذوب الكيان

_ لالا ارجع احجيها بالهجتنه

_ بابا اريد اطلع لا يشيلوني

_ دعيدها

_ صحوتي اموتن بيج و الخلقج

_ هيج احلى

_ اعرف وليدي هسه اسمع صوتج قبل لا اطلع لو هرموناتچ
ما تسمح

_ من اوصل

_ ليش وين انتي

_ جايه للموصل

تاخر يلاا رجع يكتب
_ تشاقيين

_ لا

_ ارجعييييي تااالين لا توصليين للموصل

_ ليش

_ معقوووله ما سامعيين بالخطف و الاحداث

_ سمعت بس صديقاتي يكولن ماكو شي

_ تلوه ارجعي عليج الكعبه

_ صهييب

_ ارجعي

_ اذا شفت الوضع مابي امان ارجع

_ ما تكدرين طلعين

_ انت طلعني بوقتها

_ لو صارلج شي روحج ما محسوبه بس الج امج
ابوج اخوانج ليش تآذبنهم

بس افهمني
داكمل كتابه رجع دز .....

صهيب _ صحوه اني طالع من دنيا بطرگج انتي
لا دورين كسرتي يابه

سكتت و ما عرفت شنو ارد عليه

_ تالين والله لازم اروح بس بردي

صار يتصل بس مارديت

رفعت راسي موجهه نضراتي للسايق

تالين _ عمو ابو ضياء

ابو ضياء _ ها عمو

_ اتصلو بيه من الييت اني لازم ارجع

_ شنو تضحكون عليه

_ لا عمو منضحك عليك بس موضوع مستعجل

_ اصبري اصلا وصلنه

_ بس هذا مو طريقي

سكتت مجاوبني

فتحت تلفوني و كتله عن سايق ما شافها
اتصلت بي مره و مرتين هم ماكو رد منه

اباوع الطريق مو نفسه الاجي منه كل مره
دكيت على اخواني ماكو محد بيهم يجاوب

حتى امي طلع خارج نطاق تغطيه

صرت اباوع للطريق و ابد ممرتاحه

شفت من بعيد سيارات كدامنه توقعتها سيطره عاديه
لحد ما وصلنه يم السيطره جانو بيها رياجيل لابسين

فانيلات خضره و فوكه مثل ستره بيها اسلحه لحايهم
طويله شكلها يكشش و على راسهم كاسكيته
سياراتهم سوده و جبيره و عليها علم بي
لا اله الله و مكتوب رسول الله هم

تالين _ عمو منو هذولي

ابو ضياء _ يا عمي ذوله مجاهدين دوله الكلاب

_ ششنوو شيسون هنايه

_ اهدئي ابد لا طلعين صوت

_ ارجع

_ ننذبح صيري هاديه بحق محمد و ال محمد نطلع
سالمين .......

.
مارين

فتحت عيوني على ضوه قوي حسيتني مكسره بهالنومه

رفعت راسي متعجبه المكان غريب شلون بستان مكان
اخضر و يمه نهر ملابسي جانن بلون السمه گمت اباوع

رغم جمال المكان بس موحش بس فجاة

لتفتت على صوت اعرفه

انداريت ابتسامه جببره زينت وجهي

و عيوني لمعن بدمع ... قربت بخطوات متردده
لحد مصرت قريبه عنه

همست بتعب
_ امير

شفت شكله احلى من كل مره بحياتي
ابتسامه مزينه وجهه الابيض البشوش حيل

امير _ شلونج بنتي

بچيت و رديت عليه و اني اشهگ
مارين _ اميرررر اميررر ليشش هنه عليك ليش هيجي رحت

امير _ اني ما رحت وياكم انا

_ يعني تكدر ترجع ويايه للبيت

هز راسه بنفي
_ لا راح ابقى هنا و اعيش وي امي

و احنه عووفنه احناه
سكتت ثواني و ردفت گايله ....
_ و تا تا تتالين و هيلانه شنو اكوللهم

_ لا تكولين شي الايام راح تحجيلهم .....

_ ما فهمت

_ صيري اقوى مارين حتى تعيشيين
اذكري كل شي كتله الج

بجيت و گعدت على ركبي
_ ماريد اعيش
بهل شكل اني دااتعب والله

امير _ اتقربي الربنا انسي طفولتج انسي امج
و ديانتها اتمسكي بدين الرسول صير مثل ماعلمتج

مارين _ من اصير ترجع

امير _ كافي مارين كومي علحيلج هيلانه و تالين
محتاجات واحد يصلي ويدعيلهن

مارين _ انت رحت و اخواتي ما اعرف عنهن شي
و اخواني نفس الحاله مالحكت اشبع شوف
منهم و عمو الما اله خبر لو حاله خاله شتحمل
اخذتوو حيلليي اميررر ..... علمنييي شسوي
شدعي شصبر حتى نرجع

امير _ كل شي ينحل وي الايام اصبري و لا تنسين
دراستج و اقري الكتب العايفهن بغرفتي

اني گلبي مطمئن عليج لان أمنت گلبچ من الحزن
بويه بأ امانه ابو الحسنين و موسى ابن جعفر

بس گال هيج راستن اندار و صار يمشي
و اختفى مثل السراب ....

مارين _ اميرررر وين رحتت مره ثانيه ويييين

بعدها كل شي ختفى الهوى صار قوي
اندفعت للنهر اعيط بدون فايده اختنگت

من المي اريد اطلع ماكو .... اميررررر
عطت باسمه اكثر من مره بس عبالك

صوتي اختفى بعد عيطتي الاولى صرت احاول
اسبح حتى لا اغرگ بس المي جان كل شويه يصعد
تعبت و نزلت اديه تاركه نفسي اغرگ لجوه و فجاة

صارت گدامي امير و شكله مثل البصوره وجهه
شاحب مجرح و جروح و اماكن الرصاص بجسمه
بس فاتح عيونه و يباوعلي فزيت مخروعه بلعت
ريكي اليابس ....

و ارجف و رغم هذا مسحت وجهي بأيدي عرگان
و رگبتي هم رجع انتباهي على دگات باب الغرفه

گلت بگلبي
_ امير جان موجود اني شفته

گمت لگيت كتاب امير بعده بيدي حرت بين
ابقي بيدي لو ارجعه المكانه گمت اباوع للغرفه
بحيره رجعت لتفتت ل دنگت خليته
جوه جربايه يو تقدمت فتحت الباب

صارت بوجهيي ميس و ملامحها كلها خوف

حضنتني و هي تكول
ميس _ يمةةة عزااا وگف گلبي عليج

مارين _ هاي اني قابل وين اروح

ميس _ مو المكان بس خفت بيج شي

_ ميس

و خرتني من حضنها و صرت كدامها ميس
اطول مني بشويه باست راسي

و مسحت على شعري و درت

_ عمرها لميس احجي

_ حلمت باامير

ابتسمت و الحزن بكل ملامح وجهاا
_ صدك معناتها انتي عزيزه عليه و يحبج حيل

_ اني هم احبه ميس .... سكتت ثواني و رجعت اردفت
ميس جان فرحان وجهه حلو مابي كل التشوهات

_ اكيد فرحان الشهيد عظيمه منزلته عند رب العالمين
بسس لحضه وين شفتي الصور

_ بتلفون خاله

خلت ايدها على حلگها تمنع شهكاتها

_ دمعت عيوني ووخرت عنها طلعت برا الغرفه
بسرعه انتبهت على الساعه المعلگه بدايه الدرج
جان الوقت بـ 6 ونص

نزلت لجوه و ميس ورايه شفتهم كلهم گاعدين
جدو و بيبي عمو احسان و زوجته ولده بسيل
ازاد خاله عماتي بس عمو فؤاد و ايمن مو موجودين

و الاهم راعي البيت مثل ميسمي عمو فؤاد ابو سالم
راعي البيت

ما صبحت و لا گلت شي وكفت بالباب

اراقب الحديث الدار بينهم

الشيخ داود _ الصور ماريدن احد يشوفها انتو تمسحوها من هل موبايلات و اتشوفلكم طريجه تمسحوها من كل مچان

الكل _ ان شاء الله

جدو ايده الي بيها العكازه ترجف واضح تعبه

_ يلاا امشونه و انت بويه
كالها و هو يأشر على ازاد روح بسلان (بسيل)
و البقيه تحضرو نروح نجيب سبعنه ابو سالم

ازاد _ امي تروح ويانه

_ لو اشوف مالها داعي روحه النسوان

خاله حجت بصوتها الضايع و كله بحه بچي
لجين _ لا عمي اروح فدوه لعينك لا تعرض

ازاد _ ابوي يريدها تجي جدي

_ هذا هو امشونه

ام رائد _ شيخ غير جدته عماته لو نسوان عمه وحده منه تروح اوله من مرت ابوه

اسماء _ صحيح كلامها بويه

الشيخه وضحه _ بطلي سوالفج ام رائد و انتي يمة
اسماء بيا ضيم احنه
راح يجيبون وليدي كبرت فؤاد گرت عين ياسمينه
مسحت بيبي دموعها بشيلتها و بعدها الكل سكت

اباوع الخاله الي كامت مستنده بميس بهاليومين
كبرت سنين فوك سنين عمرها طول الفترة العشت بيها

بهذا البيت خاله و امير ولا مره صار بينهم خلاف على
عكس ايمن كل فتره و تصير بيهم مشاكل حتى بمره

رفع صوته عليها و هي بقت بشهرين او اكثر ما تحجي
و لا تسال عنه شوكت يرجع شوكت يلتحق ما تحجي

بس بمجرد ما تسمع منه كلمه من اعتذاره يرجعون
حبايب و امير گال ما ادخل بمشاكلهم لان اعرف يرجعون

و اني ابقى الطرف المكروه
مجنت افهم شقصده بس بديت استوعب كل شي صار
وياي بكل سنين حياتي الفاتت

دخلت رحت يم بيبي

جانو مشكليلها كانولا لان تخربطت من اجوي البارحه
و اخذوها للمستشفى

مارين _ بيبي

_ ها يمة

_ گوليلهم داريد اروح وياهم

_ هيدي يملگوفه رايحه وي دوجه زلم

_ بيبي فدوه حاجيهم

_ اووف اوووف من فريس و خلفته
ابو صگر اخذو مارين تساعد خالتها جا تعوفون المرة
هيج

_ شبيكم بويه ترا احنه ما غابشين لمتنزه

_ ميخالف فدوه جدو عليك بداعت بابا

_ سكتي و روحي من وجهيي

_ بس

رائد _ ميس اخذيها

اجتي ميس بس دفعتها

مارين _ اكلكم اريددد ارووح حراام عليكممم والله حراام
بقو صافنين بوجهي لان عطت بيهم حيل سحبتني ميس اقوى وكوه عليه صعدت فوگ روحي

تلعب و تغلي و راسي بي دمام يريد يطگ من الوجع
تحرگنت لمن طگت روحي فوگ طلعو يجبون امير

لهنا ما اعرف للنجف گبل بس كل الاعرفه اني اريد
اكون وياهم تعبت حيل روحي هلكت گمت و اني

طالعه روحي ادور شي البسه لان ثوبي قصير
شويه و ماريد وحده تعلق و تسمعني حجايه

بعد حتى ما اسوي مشاكل و اني ادور وگع شي
و سمعت صوت وگعته دنگت شفت علبه لونها

اخضر عرفتها الهيلي ما متبهه عليها موجوده
قبل فتحتها جان اشوف اول صليب حبته هيلي

جان شكله قديم و مو مثل صليب العادي احس
بي شي مميز يا ريت تكونين بخير تؤمي ....

خليت كل شي المكانه و اخذت ثوب بدلت
و رجعت افكر بروحتهم و ليش ما اخذوني .....

بقيت على حالتي هاي ساعات لحد ماجن زينب
و اختها و مريم و لمى و امهاتهن عرفت بااريج

كايلتلهن كاعده يمهن و دومات الحزن محاوطات
جتافي ....

لمى _ حياتي انتي مارينه ما اكولج لا تحزنين عليه
بس بنفس الوقت انطي نفسج قوه

مريم _ يي والله صدكي اني متاثره و ضايجه عليه
اكثر منج منطقتنه راح بيها شهداء صورهم ترست لشوارع

و بشارعكم هم الشباب جاي تروح مثل اليگول
فدوه للوطن

ضحكت بستهزاء و ردييت عليها
مارين _ ياوطن هذا شستفادينه منه شو بس ملتهي ياخذ
من شبابنه

زينب _ يعمري مو اذا بيوم دخلو ناس غربه بالبيتج ماترتاحين راح تنجبرين طلعين منه بس لو اجه مثل ما نگول شخص يحميج منهم و يطلعهم و يبقيج لان انتي بنت هذا البيت و احق بي

اريج _ زينب

زينب _ اسكتي خلكمل و نفس الشي شبابنه جاي يواجهون
الموت على مود نبقى مرتاحين و اذا ماطلعو يدافعون
يجيهم يوم يقاتلون و يرمون من سطوح بيوتهم مو من
السواتر
فكري بكلامي زين اعرف هسه ما تسوعبين وضعج
صعب اخواني و ابو لمى و زوج اختها و اخوها و اهل
مريم و اخوان اريج و اهلج و كل بيت عراقي جاي تطلع منه ناس

مريم _ و شوفي الالاف العوائل خسرو ابنائهم بسبايكر
الله ينعلهم الكلاب سوها مجزره

لمى _ متفائله بفتوه الجهاد مئعرف الجهاد الكفائي

مارين _ شنو يعني

اريج _ هاي يعني كل شخص راح يلتحق بجيش حتى
نكدر نقاتل و تكثر صفوف الحماة

مارين _ و شهداء يكثرون

زينب _ لا تصير عندج قله ايمان رب العاليمن راح يكرمهم و يذل القتله

بسم الله الرحمن الرحيم
{وَلا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ} صدق الله العلي العظيم

ما يهون عليه اشوفج ضايعه و انتي غاليه عليه حيل
مرمر صدگي تهون بس تحصني بالصبر و صلاة

مارين _ اريد اتعلم اقرا مثل الكلام الي توج كلتي
دائما اسمع عمو و امير

البنات _ الله يرحمه

_ لتگولن هيج صعبه هالكلمه

_ حقج

مسحت دمعي بكف ايدي و كملت كلامي
اسمعهم يقرون هالاسور اريد اتعلم مثلها

_ اني اعلمج ادللي شكم مارينه عدنه

لمى _ اووف تدرن اول ما اجه خبر سقوط الموصل
وكف كلبي فكرت بهيلانه انتي كلتي هي وي امجن
بنينوى دعيت بلكي مو بالموصل و كدرت تطلع

دايحچن و گلبي يزيد موجر ما يهيد على گولته
الامير

مريم _ مارين لا تبقين ساكته و تاباوعين هشكل

مارين _
شحجي
عن اخواني
لو عن اختي
لو بنت عمي
لو اخوها الراح
حيل ماضلي فد نوب زال و ما ظنته يرجع

سكتن البنات و بقينه على وضعنه ساعتين وراحن
و زينب وعدتني ترجع باجر حتى تعلمني

خلصت الملايه قرايتها و صرت المن كل شي
زايد و كل كاغد و اذبه ميس و اريح وي عماتي
بالمطبخ خلصت شغلي و رحت يمهن

كالعادة كلهن كاعدات عبالك بيت الخلفهن بس
عمه فرقان تحضر بقواري شاي جبيره و ميس
تخلي بكياس ثواب للنسوان حتى يقرون الفاتحه

على روحه الاضاعت منه تنهدت و رحت وي اريج
المواعين ماليه السنك ساعدتها

و الكل يشتغل ساكت اله الحيايه
الحد منطقت وحده منهن حتى يدخلنه
بحديثهن گالت

حنان _ ميس انطيني المفتاح

رفعت حاجبها
ميس _ يامفتاح و ليش

حنان _ اريد اصعد لغرفه ايمن

باوعت الميس بنضره رجيت تفهمها
ماردت فريحه تصعد لغرفته

ميس _ منو انتي حتى دخلين غرفته ترا بس خطوبه
لا تتغرين

حجت بمياعه و هي تلف طرف شعرها با أصبعها
فرح _ شعليجج حياتي و بعدين من يمته صرتي
مسؤوله عن البيت هذا لو حلالج الوضع ترا حالج
حالنه خطار

ميس _ اني رايعه هنا البيت بيت عمي والله صلافه

وهج _ عوفنها محترگ دمها لو خايفه على مشاعر اختها

ميس _ لا اختي ما عليها و كل مفتاح ما انطي

ام رائد _ شهالسان حشى مو بنت بيت

ميس _ عمه طالعه من بيتكم اني

اسماء _ انجبيي عوفي العها** و صيري مؤدبه

ام رائد _منيلها الادب شو اسكتي خيه اظن چنه ساترينها

فرقان _ شهالحچي ام رائد جاي تهينين بتنه

ميس _ اادب من كل وحده هنا اني اريج مارين تعالن وياي

جان بودي احط بكل راس وحده ماعون بس مالات
خاله حرامات ينكسرن على ناس ما تسوى مشينه حتى نصعد بس لتفتت على وحده منهن

تماره _ مااارينن

مارين _ نعم

تماره _ اريد اختصرها لان ناويه اطلع من هالبيت لعبت نفسي من كل اجوائكم على اساس حزينين

ميس _ استحي شويه تماره و بالبيت اكو ناس

وهج _ عليمن نستحي انتي و اختج هاي خطافه الزلم
ديري بالج منهن دية فرح (بمعنى اختي او خية )

حنان _ اعرف راح تبقى تلاحك ايمن خاصه هو صار الوريث الوحيد

فرقان _ اذكرن الله وين صاير هالحچي و ابنه حتى
ما متأكدين من چثته

ميس _ يا وريث شدةا تخربطينين انتي

حنان _ تفنعيني متعىرفين كل املاك خاله ياسمين و امير راح تصير الايمن ....
يعنييي الي و زوجييي فديري بالج اشوفج مقربه
منه مارين

تماره _ و سامح ابد لا تباوعين حتى لوجهه فاهمه

صفنت بوجوهن احاول استوعب الصار
مارين _ شتاحجيييين ولييييييي من وجهيييي يا ساقطه
همهااا فلوسسس بلا تربيه

تماره _ يا حمارة افهمي لو فكرتي تاخذين سامح اسودنج
و انتي ماناقصج خبله مصروعه

اريج _ اسمها شقيقه يا جاهله

وهج _ لا عيني محد بينه جاهل و علقه فارغ غير هال مخبله فرحانه بعطوبها الصفره المسمومه

مشيت بااتجاهن كمشتني اريج بقوه و همست باذني
اريج _ بربج كل وحده جنها هايشه و احنا زرازير الله
و كيلج ننجعص ....

شو دميلي عني دفعتها و صعدت و اني اسمع عركهن
نفضحنه بكل البيت و النساوين اكيد سمعن و صلت
ليفوگ لغرفة امير و غلقت الغرفه عليه و قفلتها

تنفشت بعمق حتى يبقى الهوى مالها بريتي
وگفت گدام ميز المرايه فتحت الجرار الثاني

اخذت العطر الدايمن يستعمله و رشيت الغرفه
بي حتى تتشبع بيها الريحه گعدت بالگاع و تكيت
على التخت رفعت الدوشگ و طلعت الدفتر

صفنت بي شويه و بديت اگلب بالاوراق بشكل
سريع لحد مو توقفت على صفحه عشوائيه

مكتوب بيها

سبتمبر

غيومه مبعثره كنمش فتاتي ...

اشعر بانها جرم عتيق
لاكن مع ذالك يحافظ على نوره بكل
ما أوتيه من حب

او ربما هي كالحياة بعد التعب
مريحه جدا

الحديث معها كنوم رغيد على غيمه
بااحد احلامي الغريبه

هي كرائحه الجدران و الزرع بعد المطر تملئ قلبي حياة

كانت و لازالت تتسم بكل معاني الدفئ

عندما تمر بي لا استطيع السيطره على مقلتاي التان تتحركان مع كل

حركه بسطه منها محاولا الاحتفاظ
بملامحها بعقلي اكثر من المرة التي سبقت

عيناها تشبه كوب قهوتي و سواد روحي رغم لونهما
العجيب الا انا اراهم بلون ايامي التي اقضيها

لتاملها بدون ان تعلم مشاعري بدون ان تلتفت لي
.... لاكن احبها رغم كل شيئ اراها اجمل
ما اتت به الحياة لي عطيتي من السماء من رب رحيم

هي فاتنه مختلفه ربما كان الامر هوس
او هذا اعتيادي لمجرد اني متيم بها

هي كالاعجوبه
كااقل وصف لها ملامحها العاديه
صوتها و ضحكاتها

قولها بانها تحب ابتسامتي
يجعلني ابتسم حتى في نومي و يقضتي

كالارض التي مرت بجفاف السبع
و عادت للحياة هكذا اشعر بكل

مرة اراها

فتاتي روحها هادئه و مشاعرها صاخبه فتاتي كخلود النجوم
يفيض حسنها في سماء ليملئها غيوم
بيضاء مبعثره تنشر الحياة باعين ناظريها

عيوني نملت دموعي نمش امير معقوله جان
يحب و هو بنصنه و ابد ما حسينه بالهشي

امير جان يباوع بس كل اليگدر عليه هو
الرضا باليصير وياه .....

مسحت دموعي و رجعت الكتاب المكانه
طلعت من الغرفه و اني خطواتي ثكيله

جبل هموم على گلبي حسيت روحي ميته
بكل معنى الكلمه كتشفت الموت اهون من

العيش كجثه شنو فايده كل شي بهالدنيا
ما دمنه مو سعيدين

النمش !!!! معقوله امير اه اه گلبي تگطع

لحضات وگفت نتبهت النفسي نازله جوه
تعاجزت اصعد طلعت للگراج بس الخنگه

زادت بلعومي تمشيت للحديقه الورا البيت
سياجنه البمقدمه عالي و بي سقيفه بس الجهه

الثانيه مو عالي حيل بحيث لو واحد من الولد
رفع رجليه يگدر يباوع على جيرانه بس حوايطنه
الورا كلها ورد

لونه وردي حاظن الحايط و منطي حياة

هاي شداخربط اني

گعدت اباوع لسما شگد ما هي صافيه شگد
ما سوده بعيني

جدو ليش تاخر معقوله صارلهم شي

لا اسم الله هسه يجون

اسمع صوت بچي و صياح ستغربت هالشي
بعدين اجه بالي انو جيرانه هم اجه خبر

حزين الهم هذا هو حال العراق هسه
تگعد تاني موتك و حياتك و ما تعرف
منو اصعب من الخ ......

رجيت راسي على المرجوحه و دفعت نفسي

صرت اهمس بـ كل شي جان ربيع ليش فجاة اجه الخريف وقتل فحوه ربيعنا و ذبل خضار رواحنه

.

يتبع ....👿🎭♟️
.
مشهد مستقبلي

_ مو مهم شكد نجمات تشيل ع چتافك الاهم
تعرف شلون تسخر مكانتك حتى تنجز شي لبلدك

_ يي والله سيدي حجيك صحيح هسه البلد كله
مهزوز وصوج من الكراسي و المعشعشين بيها

_ صفاوي لا تگول سيدي هنا

_ هههههه اموري صدگني گلتها حتى اتعود
.
اني النچر الماگدرلي غير خصرچ من يمل
.
رجوو اخوي يمهه گليلهم اريدده ما شبعت منه
.

قرائة ممتعه فيروزات

شنو رايكم بالاحداث

تدرون مشتاقتلكم حيل

الطبيب ذيج الفتره منعني
اباوع بشاشه لفتره اكثر من ربع
ساعه باليوم لان اسم الله عليكم
فيروزاتي يصيرن حمر و يدمعن

حتى الدوام تعبني ذيچ الفتره
جان بودي اكملها بال اسبوعيين الفاتن

اعرف مقصره بس احاول اعوضكم
طلبوني عيديه باجر الصبح لو اليوم
باليل انزللكم اياهه تدللون

اتمنى التمس منكم العذر على التقصير

و حتى تكونون على اطلاع على كل شي تابعو
حسابي الانستا zuhor__19

شوبابات اسوي الكم قناة تليكرام تحجون وي
البطلات ؟

لو ننتظر النهايه الروايه

لو انطوني اقتراح يعجبكم

الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد