لطفاً متابعة حساب
zarazoz
لا تنسون تصويت للبارتات
____________________________________
__________________$_________________
#ذنوب_على_قيد_الغفران
#البارت_الثامن_والثلاثون
قبل ثلاث ساعات
اروى : علي علي يمعووود وينك
علي : نزلت ركض هااا شكو
اروى : فهد صاير بارود خابرني كال خلي يلحكني لبيت جدي لان المشيه تجي مناك
علي : اي غير مشيه اخويه وعقده خو ما نطلع مبهذلييين لللللك نعاااااال منذر وين صرررت فهد راح يصمط ابهاتنه اليوم
منذر : ابن الزفره شبيك اجييييت انغااام جيبييي سالم خلي اخذه وياي
ايمان : طلعت من غرفتي هاييييي بعدكمممممم الزلم راحت وانتووووو لسه هنااااا
ورده : ادري مسابقه صياح هي شبيكم اهدي يمه الولد هسه رايحين وانتي روحي كملي تبديل النسوان راح يجن من الصالون لهنا حتى نبدي العقد وره المشيه
علي : تعاي تعاي هاي شمسويه بوجهج انتي
ورده : جنت داتميكب عقد اخويه شنو عيب حرام جريمه
علي : لسانج ادبسز وينج وين المكياج بعدج بطول اصبعي امشييي روحي مسحييي
ورده : اكول يمه حاجي حبابه هو اني شخاله بس حمره ومسكاره
منذر : ماعليج حبيبتي بكيفه هو شتردين تحطين حطي وفنه يحاجيج شنو هم عقد اخوج وهم بس نسوان وتعاي اكلج انغام عدها اسوار ويه بدلتج يطلع يخبل صعدي اخذي منها يله بسرعه
ورده : دزيتله بوسه بالهوه اروحلك فدوه انت وفهد بس انتو احبكم صعدت اركض ولج اااااانغام
ايمان : شوووووو بعدكم واكفييييين
منذر : جريت علي صار صار والله رايحين
اروى : هههههه شجاج وياهم يمه
ايمان : شلعو كلبي لطشو هنا وين مرت ابوج وجناينها شو لسه ولا وحده اجت وليلى من الصبح طالعه بايته عد الصالون
اروى : يايمه غير عدنه عقد ومسوين حفله وبعدين شهالجمال هذا شهالفستان الحلو شهالزنود هاي عايزها شيره وتصير زنود الست
ايمان : ضحكت والله سوالفكم مكسره امشينه نتأكد من حاجات ست الحسن مرت اخوج
اروى : اي يله اجيت اروح و وكفنه اني وامي مصدومين نزلت مرت ابويه لابسه بدله مو مال عمرها ابد وصابغه شعرها ومسويه تسريحه والمكياج والذهب ضلينه صافنين اوك هي حره بلبسها بس مو هيج الواحد هم لازم يحترم عمره
سعاد : هاا شلوني
اروى : باوعت لامي وهزيت راسي كوه لازمه روحي ما اضحك
__________________
فهد : كاعد وذوله صرعو راسي بهوساتهم جماعتي خو بدعو ولد الكلب جايين شمتانين كافيييي صرعتو راسي شبالعين اليوم
عمر : يدك على الطبله وراح يدخل للقفص راح منوو الراح يدخل للقفص يا شباب
الولد : ابو الفود
عمر : منو الجان يكول ما اعرس وهسه راح يتوب ويعرس ياشباب
الولد : فهيدااان هههه
ايمان : يا ناقص قبل فتره سويتلي سالفه من ردت اعرس وتالي خطبت كبلي
فهد : كبرنه بعد
مهيمن : له له معقوله هاي الحجايه تطلع منك ابو الفود بس لا سلاحك كام ميشتغل وكلت استلاحك نفسي واعرس قبل لا سلاحي يروح وبعد ميسحب اقسام
فهد : مو سلاحي مثل سلاح ابوك ضل يمعلج بي لمن جاب خلفه طايح حظها مثلك وطاحت براس المكروده امك
مهيمن : رحم الله والديك
ايمن : والله لو ساكت احسلك شتسوالك هسه هاي تشكك بسلاح ابوك
مهيمن : الحجي بيناتنه الحجي صدك سلاحه عاوي والحجيه حايره بزمانها
ايمن : هههه
عمر : اكول شلون راح تدبرها بيوم العرس وكتفك مصوب
فهد : لتخاف ماكو شي يصعب عليه وبعدين كتفي المتصوب ابو قاسم مابي شي الله يحفظه ويطول بعمره وامكانياته
الولد : ههه
ايمن : اجاكم غانم
فهد : اباوع اجه غانم كمت
غانم : الف مبروك ابني واخيراً عشت وشفتك بهاليوم
فهد : ابتسمت لو ابويه عايش هسه ما اشوفه بعيونه هالنظره الي بعيونك
غانم : والله المشيه اليوم لابني مو ضابط عندي عساها زواجه الدهر وان شاءالله ابنك بحضنك بعد سنه
عمر : قصدك بعد شهر
غانم : ههه احسنت هاي فاتتني
فيصل : اباوع الدنيا مكلوبه والشارع مسدود جماعته كالبين الدنيا وكل الجايين مسوؤلين بالدوله شي ضباط وشي عمداء هاي من غير خواله الشيوخ ينعل يومك جايب فيلق كامل وياريت لو مرتك تستاهل الي يشوفه يكول راح ياخذ بت وزير وخابص الدنيا ولو هو من يومه يحب الفخفخه
علاء : ابو حارث وين فهد شوكت نباشر بالمشيه
عباس : ابو حسن عوف فهد ويه جماعته خلي متونس واحنه غدينه العالم الجايه وضيفناهم خلي نطلع بعد ربع ساعه افضل شي
علاء : على شورك خويه ابو حارث
علي : لك منذر عود بمشيتي هم لازم اجيب كل هالعالم
منذر : اي اكيد نسيت احنه ولد منو
علي : اني ما احبذ هالسوالف اسوي خطبه عائليه واخذ مرتي واسافر افضل من الصرف وهالسوالف
منذر : حتى ايمان تشكك بالنص هي متعول تعرسكم وتفرح بيكم وانت تريد تختصر عليها فرحه شكبرها
سامر : يوم الالي كولو امين
علي : ليش انت ياغبره تقبل بيك
سامر : اختك
منذر : شكلت ؟
سامر : هاا هيج ماكو شي اروح اشوف ابويه يصيحلي مشيت شفت مرتضى اجه خرب كملت السبحه اجه تقرب يمنه
مرتضى : الف مبروك ابن الخال تتهنى بغنى
فهد : بتحذير صوتك ولتكول اسمها
مرتضى : باوعتله عندي حقد تجاهه بهاللحظه لو اطلعه اموته بمكانه اجيت اجاوبه
سامر : احم مرتضى تعال اريدك
مرتضى : درت وجهي ورحت وياا
محسن : اهدئ فهد شبيك وجهك مطعون
فهد : اسكت عني محسن تره روحي واصله لخشمي ... وره ربع ساعه كمنه حتى نروح تخطبها رسمي وصلنه لكينه خمس زلم عرفت رجل خالتها جايب جماعته واخوته مدري ليش انقهرت على غنى يعني اهلها عايشين وما واحد كلف روحه و وكفلها بهيج يوم
_______________________
غنى : درت وجهي يله ننزل ... شبيجن
نرجس : تخبلين عزه العزاج
اروى : اسم الله العزه يعزيج طايحه الحظ
غنى : باوعت لروحي لبست فستان اسود تصميمه بسيط بنفشه خفيفه كولش ما ردت البس شي مبالغ بي هو مجرد عقد ... برمت شعري وهو طويل وثخين صار اقصر واحلى
نرجس : بس لو الله يهديج وتخلين مكياج
غنى : كلت مكياج ما اريد اني مقتنعه بوجهي هيج وبعدين اني وره الزواج راح ابقه كدامه بدون مكياج فماكو داعي اخلي مكياج وضيفي انو اني حزينه و وافقت على حفله العقد حتى ما اضوج اهل اروى
اروى : هي هاي العايزه متقبلين نسوي حفله حتى اكسرج خوش والله عرس اخويه ومنسوي حفله ونركص بي
غنى : بهدوء هو هيج اني مستحيل اكون انانيه الحفله الكم وما اريد اضوجكم بس غيرها ما اريد تردون تحتفلون احتفلو بفهد واتمنى متضوجون مني وفهد هم ميحجي شي
اروى : بالعكس ما حجه شي من كلتله الحجيه كال براحتها شتريد تسوي خلي تسوي
غنى : تنهدت يله خلي ننزل نزلت واشوف الدنيا مكلوبه عدنه اعتقد بدت الخطبه من صدوك اباوع النسوان يركصن ويغنن مبين عليهم فرحانين بي
حياة : اللهم صلِ على محمد ولج ليش لابسه مخلع لتنضربين عين يمه
ياسمين : العين الحاره الحمزه يطفيها والعين البارده كل الهلا بيها اي ااي اي
اروى : اليوم اركص ركص واشلع الكاشيه اني اخت الولد مو اخت البنيه
نرجس : واحنه خوات العروس واليوم نلعب جوله خاف عبالكم بس الكم الكولات لا حبايبي
اروى : هههه شكد سخيفه
غنى : كعدت على جهه والنسوان شي يهوسن وشي يركصن واني ساكته واجامل الي يباركولي خو خالات فهد استقبلني ذاك الاستقبال بحيث صفنني عكس بيت جده جانو حديين وياي نوعا ما
عبير : مبروك غنى
غنى : الله يبارك بيج حبيبتي
آلاء : بوستها مبروك عيوني مرت الغالي
غنى : بتفاجئ الله يبارك بيج
سعاد : شو وخرن خلي اشوفها ياا هاي شنو ليش لابسه اسود وما حاطه مكياج ادري عقد لو فاتحه هو
ضحى : احسن حتى الولد يشوفها على الطبيعه من البدايه ما شاءالله هي تخبل بدون شي
غنى : شاورت ساره اكلج منو هاي
ساره : ضحكت هاي عمتي ام فيصل شبيج
غنى : فتحت عيوني ياا والله ولا عرفتها هاي شمسويه بروحها
ايمان : شويه وخرن حبايب ونصن صوتجن شويه همست لغنى افردي وجهج تره مبين عليج كاعده بعزه لتخليني اضوج واليوم يوم فرحه
غنى : جبرت روحي ابتسم صار خاله ... باوعتلي بنظره مكدرت اوصفها حسيت نظرتها مليانه عتاب بدت الحفله وهوسات النسوان للحظه تمنيت امي موجوده ويايه وبيبي زكيه واكفه يمي وتقرالي قران بس مو كولشي نتمنى نحصله تنهدت اباوع اجو هواي ناس ماشاءالله ترسو البيت وحتى ماكو مكان كعده اباوع لخالتي حبيبتي تركض ركض مقصرت ابد لا هي ولاعمو الي استقبل الزلم والمشيه الجبيره الي جابوها عبالك ابويه فدوه لكلبه مشت مراسم العقد لحد ما صاحولي حتى نعقد لبست جادر ابيض كعدت على كرسي وخلن قران بحضني واشرتلي خالتي على هالايه ( آنا فتحنا لك فتحاً مبيناً) ورجليه بمعجانه بيها ياس وهيل و ورد ومي واكفات على راسي نسوان عم فهد ام حارث وام محسن يقرن قران لان معندي احد يقرالي بدت مراسم العقد واخذ الشيخ موافقه فهد و انوب سألني على موافقتي
الشيخ : غنى صالح ... انتي موافقه على فهد سالم علي على مهر مقداره (.....) ومؤخر مقداره (......) ... قولي نعم وان وكيلي
غنى : باوعت لخالتي بسرعه صدمني المبلغ الي ذكره الشيخ
سحر : همستلها لتنطقين خلي يعيد كلامه اكثر من مره ياله تجاوبي
غنى : هزيت راسي عاد الشيخ كلامه اكثر من مره ومجاوبته تالي اشرتلي خالتي غمضت عيوني وجاوبته ( عاده معروفه عد اغلب اهل بغداد ) نعم وانت وكيلي سمعت الهلاهل وكالو فهد راح يدخل واني حسيت الدنيا تدور بيه لزمت ايد خالتي بسرعه
سحر : بخوف شبيج يمه
غنى : نملت عيوني عيوني دموع اختنكت خاله
سحر : من رخصتجن عيوني بس شويه كومي حبيبتي كومي يمه نرجس كاسه مي من المطبخ بسرعه كومتها رجعتها بمكانها اهدي وكولي يا الله هاي بالخطبه هيج اهدي
نرجس : شربتها مي شبيج غنى
غنى : ماكو شي هيج لتخافون تنفست بعمق اباوع للنسوان كامن يتراكضن يلبسن يحجابتهن حتى خالتي وياهن انفتح الباب ودخل فهد والدنيا انكلبت بالهلال
اميره : كلللوووووش مباركلك يا راعيها مباركلك ياراعيها اي اييي اي
غصون : وعلى عناد عماته لعبن لعب خالاته اي اي
غنى : ابتسمت مبينات خالاته يموتن عليه وهو هم ماصدهن بالعكس احسه فرحان بهوساتهن مبين يحبهن اباوعله لابس قاط كحلي ومزين ومخفف لحيته مع انو هو ضابط واللحيه ممنوعه عدهم بس هو يخليها خفيفه ميزينها ومدري شلو
ن ميعاقبو ما ادري اجه وكف يمي
فهد : بعد الهوسه الي سونها خالاتي شفت غنى وانصدمت لابسه اسود وشعرها مدري شمسويه بي بس طالع يخبل وكفت يمها
نسرين : وحبها ولك حبها ولتخاف من امهاا يااا نسيت هي امها ميته
اروى : اباوع لغنى الدمعه صارت بطرف عينها خطيه ماحجت شي والحجيه والكل ماقبل على سوايه عمتي
سحر : ماكو ميحبها اني امها ما اقبل
غنى : باوعت لخالتي اووف ماما ياريتج موجوده ويسوون هالهوسه وانتي يمي
ياسمين : وحبها ولك حبها ولتخاف من اهلها حبها بيبي حبها
فهد : باوعتلها وجها مابي ذره مكياج دنكت بستها بخدها وابتعدت انتبهت ظهر احمرار طفيف على وجها .... اخذت الحلقات من امي لبستها حلقتها اباوع لايدها عباره عن قماشه بيضه وشرايينها مبينات كد ما بيضه
غنى : اخذت الحلقه خليتها بأيده واجه لبسني طقم ذهب ثكيل لان ذهب العرس ماقبلت الحجيه نشتري كالت انتو طلعو جيبو على ذوقكم واني مثل الاله العليه اكول اي وبس مرت مراسم العقد على خير وبدت الناس تروح وبقو بس اهل فهد حتى خالاته راحن
سحر : كومي يمه رجلج كاعد بالاستقبال يريد يحجي وياج
غنى : شيحجي
سحر : غير يتعرف عليج يحجي وياج مياكلج كومي دخلي
غنى : ماشي بس خلي ابدل
سحر : كومي شتبدلين هو شافج شافج
غنى : كمت وكفت يم الباب سمعت صوت ورايه درت وجهي شفت اروى ونرجس
نرجس : غنى مو تسوون وكاحه خليج كد الثقه
اروى : اني ضامنه اخويه بس انتي غنى لزمي نفسج من تغتصبي تره احنه عالم اهم شي عدنه ستر ولدنه
غنى : عيب عليجن استحن شويه
نرجس : ههه ستحت نصره
غنى : هزيت راسي والله فايخات فتحت الباب لكيت فهد كاعد ومرتاح لا ويدخن عبالك البيت بيت ابو رحت كعدت بعيد عنه
فهد : مبروك
غنى : بهدوء الله يبارك بيك
فهد : اكو جم موضوع لازم نتفاهم بيهم قبل الزواج مادام صرنه كدام الامر الواقع وزواجنه صار شي حقيقي وما منه مهرب بعد
غنى : تفضل احجي
فهد : ببرود تعاي كعدي قريب مني حتى نحجي مثل الاودام مو واحد بالشرق و واحد بالغرب
غنى : كمت كعدت قريب عليه اسمعك
فهد : قبل لا نتناقش بالامور الخاصه بحياتنه سؤال واريدج تجاوبيني عليه انتي كلتيلي راح ترفضين وقرارج ما منه رجعه شنو الي غير رأيج وخلاج توافقين
غنى : بهدوء خلي اكون بكامل صراحتي وياك اني ماعندي احد يافهد وما اخجل احجيها اني وحيده وبدون اهل وخالتي ورجلها الى متى يضلون متحملين مسوؤليتي وحسب كلام خالتي انت انسب خيار الي وغير هيج لو ارفضك راح اخسر سمعتي الي جانت حتدمرها امك وتسبب حجي لاهلي الميتين وهاي حقيقه وبس
فهد : خوش مادام الاوراق صارت واضحه خلي ندخل بالمفيد شوفي غنى علاقتي وياج سابقاً جانت علاقه صداقه ومتتجاوز الاخوه ومحور كلامنه جان عادي ومابي اي شي وابد ما تطرقت لامور شخصيه وهواي اشياء بذيج الفتره انتي متعرفيها عني اما هسه كدام الناس وحتى بيناتنه انتي مرتي شرعاً وبعد جم يوم راح تصيرين قانوناً هم فأسلوبي وكلامي وياج راح يتغير ميه وثمانين درجه ... سابقا يمكن جنت متساهل وياج بتصرفاتي وكلامي وبكلشي اما هسه فلا اني عندي قواعد وقوانين وانتي مجبوره تنفذيها بحذافيرها وهذا كلامي لو اي وحده بمكانج جان راح تسمعه فلتعتقدين كلامي هذا بس لان انتي صرتي مرتي
غنى : هزيت راسي
فهد : اول شي اني شخص احب تكون حياتي الخاصه معزوله على جهه محد يدخل ولا يتطفل عليها واول شي اريده منج هو تكونين سكوتيه شيصير كدامج متحجين علاقتي وياج ابد ما احب احد يعرف عنها شي لا اني شلون اعاملج ولا شيصير بيناتنه بالغرفه ولا اي شي وكتلج اني شخص يعشق الخصوصيه
غنى : اي
فهد : ثاني شي يمكن تعرفي اني اكره المره الوصخه سواء جانت نظافه الغرفه او نظافتها هي اجي الكه الغرفه ما مرتبه او قشايه واكعه بالكاع او انتي وصخه احسبي البيت ينكلب عزه عليج فاريدج دائما نظيفه
غنى : اعتقد الدتحجي وياها مجانت عايشه بحاويه زباله ولا فد يوم طبيت عليك بهدوم لابستها من سنه ولا فد يوم دخلت للشقه وشفتها وصخه هذا كلامك وجه لوحده متعرفها وبالنسبه لنظافتي اني فاني نظيفه لنفسي مو الك انت لان ديني يحتم عليه ابقه دائما نظيفه هاي اذا جنت تدري دينك شيكول
فهد : ادري بيج وشايف نظافتج بس الحذر واجب وكتلج الجاي تحجين وياا مو فهد الجنتي عنده من اشهر وبيناتكم صداقه .... انتي هسه تحجين ويه زوجج الضابط فهد سالم باعتبارج نهيتي كل ذره صداقه بيناتنه بمواقفج السخيفه وبعدم احترامج الي بس مو مشكله شي وانتهى واحنه ولد اليوم ... نرجع لموضوعنه وين جنه اي ثالث شي اني اكرهه الاختلاط سواء ويه الولد او البنات حتى اقاربي ما اريدج تختلطين بيهم اريدج رزنه بتصرفاتج دائما وهذا شي جدا مهم عندي بالاضافه انو غير اروى ونرجس ما مسموحلج تصادقين ومرتضى ابن عمتي لو شفتي كدامج تعبري وتمشين بدون حتى متسلمين عليه لهنا مفهوم
غنى : لا مو تمام هذا اسمه سجن شنو ما مسموحلي اختلط بأحد وبالنسبه لصداقاتي فمو انت الي تقرر اني الي اقرر امشي ويامن وا
صادق منو ومرتضى اني اصلا ما احجي وياا
فهد : غنى كلامي يتنفذ ب ح ذ ا ف ي ره (بحذافيره) وغير قابل للنقاش صدكيني انتي ما شايفه وجهي الثاني تره ذيج الفتره ماشفتي مني غير حمل وديع اما هسه الحمل راح وسويناله بيباي وطلع الفهد يا حبابه فكتلج مادامج صرتي مرتي تعيشين وياي مثل ما اني اريد واقسملج بالله ياغنى لو فكرتي مجرد تفكير تتجاوزين حدودج ويايه راح انكلب طنطل عليج وما اهتم لو جنتي مره لو رجال
غنى : شكلي جنت مخدوعه بيك وذاك فهد جان وجهه جذاب منك مسحت دمعتي بسرعه ... لتخاف ما اتجاوز عليك مو حباً بيك بس الله موصيني ما اعصيك وبالنسبه لكلامك فراح انفذه على قدر المعقول بس انو تسجني وتمحي وجودي هذا شي باحلامك الورديه
فهد : ورديه صفره خضره كلامي يتنفذ حتى نعيش مثلنه مثل اي زوجين طبيعيين ما اريد جهالي باجر عكبه يكرهون حياتهم بسبب مشاكل اهلهم
غنى : ليش واثق انو حياتنه راح تصير طبيعيه مثلنه مثل اي زوجين طبيعيين
فهد : خصم الحجي غنى انتي ترديني لو لا كلمه وحده تختصر كلشي وتكلب موزاين علاقتنه الزوجيه
غنى : للحظه ردت اكله لا اني اريدك واحبك بس انعكد لساني ومانطقت غير ... لا
فهد : بهدوء براحتج اني ما اجبرج على شي خلص حسبي حسابج جم يوم ونطلع نجهز للعرس مادام كلشي مخصوم ماكو داعي نماطل يله اخذيلي طريق اريد اطلع
غنى : طلعت لكيت الكل طالع وخالتي يمكن بغرفتها وعمو .... تفضل طلعت ورا دفعني حيل
فهد : بحده رجل خالتج بالبيت وين طالعه وجسمج كله مبين انتبهي
غنى : باوعتله تره ما انتبهت
فهد : انوب انتبهي ولتطلعين وراي اني طالع وانتي بوجهج لغرفتج
غنى : مسحت على وجهي اللهم صبرني
________________________
ضحى : حبيبتي ليش ما اجيتي حرامات فاتج العقد يخبل
مروه : تونستي
ضحى : كلش تونسنه
مروه : ذبيت الريمون شلون طالعه غنى
ضحى : الله يحفظها تخبل خو فهد ضل صافن عليها خاصه هي بيضه ولابسه فستنان اسود طالعه تضوي الله يحفظهم حيل لايكين لبعض طول الحفله والحجيه تقره المعوذات عليهم
مروه : يعني فهد فرحان
ضحى : اي اكيد غير عقده وبعدين ابن عمج كبر ولازم يستقر بعد الي بكده هسه عدهم جهال مو ستوهم يخطبون
مروه : تره كل عمره تلاثين ليش تبالغون
ضحى : ليش تلاثين صغير يعني تره الزواج بعمر جبير مو حلو على العموم الله يسهله ويوفقه ويه هالبنيه
مروه : عساها بالمرض وان شاءالله ينفصلون وافتك منها هالبت الفكر هاي .... اجتني رساله من شهد
" لج ليش ما اجيتي للعقد " طفيت الموبايل ولبستها ما الي خلك روحي وهاي بطرانه
_____________________
فهد : متمدد بغرفتي واندكت الباب منو
اروى : اني و ورده
فهد : كعدت تعالن
اروى : عادي نجي يمك شويه
فهد : خير شعدجن
ورده : طلعت الايباد تريد تشوف حفله العقد صورتها بالكامره ونزلتها على الايباد
فهد : لا اكو نسوان بالحفله شلون اشوفه
ورده : لا ما صورنه النسوان بس غنى والطقوس الي سوتها خالتها الها قبل العقد كعدت بصفه طلعت صورتها شوفها عفيه فهد هنيالك مرتك هيج شعرها
اروى : ههه راح تحسديها عوفي الصور شوف فهد الفيديو مال نهايه العقد
فهد : اباوع غنى كاعده على كرسي وخالين رجليها بطشت بس مدري شخالين بي وحاطين قران بحضنها باستغراب هاي ليش مسويات هيج
اروى : هاي خالين رجليها بماي وياس وهيل و ورد تكدر تكول عاده والقران يخلوها هالايه حتى تصير فاتحه خير على رجلها واهلها
فهد : هاا كلبت بالصور طالعه حلوه واختيارها للفستان ممتاز حلو ومو مبالغ بي
ورده : عادي اسألك سؤال
فهد : خير
ورده : انت تحب غنى
فهد : وانتي شلج بهالاسئله موعيب
ورده : يعمي هسه شكلنه سألك تحبها لو لا ندسته شنو تستحي فهودي
فهد : ضحكت تره تصرفاتج ابد مو مال عمج ثكلي طايحه الحظ وصيري مثل اروى حضنتها حبابه وهادئه مو مثلج
اروى : شوفي فهد يحبني ميحب ذيج البنيه
ورده : وخرتهم عن بعض وحضنت فهد امشييي لج والله لو تموتين ابقه اني الصغيره وكلها تحبني اكثر منج
فهد : هههه هاا ام الغيره
ورده : ام الدلال والجمال اني
اروى : حمت حمت طفوها
فهد : كافي يله امشن ولن اريد انام تعبان طلعن خواتي واني نمت من التعب بعد ورايه حصبه وجدري
____________________
بعد مرور يومين .... صباحا
غنى : اليوم نروح اني وخالتي وفهد وخاله ايمان واروى نشتري الذهب ونجهز للعرس لان بعد فتره زواجنه وفهد حيروح عكب باجر يلتحق وياخذ اجازه ويرجع وبدينه من اليوم نطلع ... صعدت صباح الخير
الكل : صباح النور
فهد : حركت وين تحبون ترحون
اروى : للمنصور بي ملابس تجنن
ايمان : كعدي كعدي وين ما يضربون بالعالي تردين وياريت لو المديلات حلوه كلها ازرك واخضر فهد اخذنه لمكانات بيعون بيها شغلات خاصه بالعرايس
فهد : كوه لزمت لساني فشله من خاله غنى ... يمه شمدريني اني قابل معرس قبل انطني مكان واني اخذجن
سحر : خاله اخذنه للسوك واذا ما عجبنه شي عدنه اليوم بطوله ماخسران
ين هيج
فهد : هو هيج خاله حركت سيارتي رحنه للصايغ اول شي يله نزلن قفلت السياره ونزلت وراهم
ايمان : فهد اخذ مرتك واشترو الي يعجبكم واحنه راح نروح لهذا المحل نشتري جم شغله للحنه
فهد : هزيت راسي يله تعاي
غنى : مشيت وياا دخلنه للصايغ
فهد : السلام عليكم
الصايغ : وعليكم السلام
فهد : هسه شكله اني اريد ذهب عرس لو شنو احم اريد تخم كامل مال عرس
الصايغ : موجود واكو موديلات كلش حلوه خلي اراويكم ياها
غنى : نزلهن الولد اباوع هنه حلوات بس كبار كولش
فهد : اختاري الي يعجبج
غنى : همست هذني غاليات
فهد : بهدوء ماعليج بالسعر اختاري الي يعجبج وبس
غنى : ماعجبني ولا واحد لفت نظري واحد عازلي على جهه بس يجنن على شكل ورده وبيها ورقات ناعمه كولش
فهد : حلو مو
غنى : اي
فهد : بلا امر عليك نزل هذا
الصايغ : اي بس هذا البارحه وصل
فهد : شكد سعره
الصايغ ( .... )
غنى : شهكت وفهد بسرعه خزرني
فهد : طلعت محفظتي نزله
غنى : شنو ينزله انت شفت السعر
فهد : اي شفته ومو غالي ومره ثانيه لتشهكين هيج احد جنج سديت حلكي ما اريد اغرد ... تعاي خلي نشوف الباقي هذا راح ناخذه عزله على جهه
غنى : فترينه بالمحل اخذت سوارين وهو اخذلي ست بتوت(مثل المعاضد) واخذت محبسين و وياهن كلاده طويله راد يشتري بعد بس مخليته كافي بس التخم الذهب صار بذاك الحساب وهو بكل سهوله يشتري ولا يهتم للسعر
فهد : تردين شي بعد
غنى : بهدوء لا شكرا
الصايغ : اذا تحبين تبدلين الحلقه اجن موديلات فد شي واكو وحده من بين الحلقات بيها الماسه نيليه تطلع تخبل على ايدج تردين اراويج ياها
غنى : اباوع لفهد خزره
فهد : يله كمل .... انطيته الحساب وجريتها من ايدها
الصايغ : بالعافيه
فهد : مارديت عليه
غنى : طلعنه وكام يغرد
فهد : يخبل ابن السكط والله دنعل ابوكم لابو الخلاكم صياغ
ايمان : هاا يمه كملتو كلشي
فهد : اي يله صعدن خلي نروح للسوك
غنى : طلعنه وهو الطريق كله ينافخ هسه الي يشوفه يكول هذا يموت عليها وهيج ضاج وصلنه للسوك ضلينه نفتر لزمت بدله سوده
سحر : لزمت ايدها عليج بروح امج وبروح كل ضحكه طلعت من مروان انسي الاسود وذبي
اروى : اي حبيبتي بسج صار سنه انتي الاسود ملازمج كافي بعد انسي الماضي وابدي حياة جديده اعتبري زواجج من فهد هو بدايه حياه جديده الج
غنى : بتعب ما اكدر والله ما اكدر
سحر : حلفتج بامج واخوج وانتي بكيفج بعد كسري برواحهم وخلي يزعلون عليج
غنى : لا خاله لتحجين هيج حبابه
ايمان : ببرود تره الام مهما كانت تزعل من تشوف بتها بهيج يوم لابسه اسود لان ميصلحلها وليله الزواج لازم تبدي بلون ابيض
غنى : لالا كولشي ولا تزعل امي خلص اذب الاسود والله
سحر : ابتسمت الله يطيج ينرجس ... عفيه عليج بنيتي يله تعاي
غنى : انجبرت اقبل ... خاله اي الوان صارخه ما اللبس
سحر : ميخالف المهم اسود متلبسين
اروى : شوفي نونه هاي البدله تجنن وهم بيها اسود وكريمي مدري رصاصي
غنى : باوعتلها حلوه تخبل
اروى : خلي ناخذها من ضمن بدلات الحنه
غنى : هزيت راسي اخذت بدلتين بعد وبدله العرس على غير يوم نشتريها رجعنه للبيت وضلينه كل يومين نطلع نشتري جزء من غراض العرس فهد قبل ليروح عقدت اني وياا محكمه و وصه على الغرفه وراح وطبعا ماشفته من التحق وطول هالمده اي كلام ما صار بيناتنه غير تردين شي عاجبج هذا اشتري هذا وبس هو ماخذ موقف واني ساكته لا بيه احجي ولابيه اناقش فزيت على صوت نرجس
نرجس : شنو رأيج بهذا
غنى : باوعت جنه بمحل خاص بالعرايس يبيع قمصان نوم تراكات وهالاشياء ... صدوك تحجين !
نرجس : ليش حلو يخبل
غنى : متستحين جماله لازمته بأيدج رجعي عيب
نرجس : تره بعد جم يوم راح تلبسين انكس من هذا لرجلج هاي اذا خلاج تلبسين ملابس كدامه
غنى : بخجل تأدبي
نرجس : اوي يمه ستحت باجر عكبه انتي تعلمينه يله كليلي ناخذه
غنى : لا طبعا
اروى : اجيت اخذته جيبي حبي جيبي خلي اخويه يمتع عينه فديته مالج علاقه بهاي النفسيه جنها مطلكه
غنى : شو انتن بكيفجن تتصرفن
اروى : دتعاي تعاي ... تفضلي حبيبتي نريد كل هذني
نرجس : ركزي على الاحمر ابو الشراشيب مو تنسي بي اغرائات هواي
غنى : والله انتي زايعه المستحه فرد مره
ايمان : يله كملتن خلي نطلع علي اجه
نرجس : دفعنه لغراض غنى وطلعنه شفت علي اخو اروى الصراحه هو حلو مو بجمال فهد بس هم صكوك واني على الصكوك اخرب وادوخ
علي : هاا كملتن
ايمان : اي يمه بس بالبدايه خلي نوصل نرجس امها خابرتني كالت لتتاخر
علي : باوعتلها نرجس الحشاشه معروفه الجماهير
اروى : نرجس خليج يمنا وبالليل نرجعج حبابه
نرجس : لا عيني لا ما اكدر هسه جعفر يلعب بيه جوله تأخرت هواي
علي : طبعاً طريقتها بالحجي تفقد ضحك جنها عجوز ... وصلت لبيتهم نزلت ودكت الباب طلع اخوها نزلت سلمت عليه اني اعرفه تعرفت عليه من فتره شلونك جعفوري
جعفر : هله حبيبي علاوي شلونك وين هال
غيبه صارلي هواي ما شايفك
علي : والله هالتشوف ملتهين بعرس فهد هاي من غير العياده وهوستها
جعفر : الله يساعد كلبك بس على فهد مدري شلون تجرعه والله ... تقربت شلونج خاله تفضلو يمنه
ايمان : هله بيك يمه لا والله تعبانين نزوركم بالافراح ان شاءالله
جعفر : تنورون بأي وقت ... باوعت لغنى شلونج غنى
غنى : الحمدلله استاذ انت شلونك
جعفر : تنهدت بحسره الحمدلله
علي : يله اني اروح سلملنه على الاهل
جعفر : يوصل الله وياكم
اروى : غنى صدك شلون بدوامج هاي انتي الصبح جاي تدوامين والعصر نطلع هاي من غير التطبيق شلون بيج
غنى : احاول اوفق بين الدوام والطلعه وبالنسبه للعرس راح اخذ اجازه لخمس تيام فهد قدمها الي وبقه بس التطبيق وان شاءالله وره العرس اباشر بي
علي : ديربالج تره المعدل كلش مهم بأخر سنه لان اغلب الشركات والمدارس الاهليه تعين على المعدل
غنى : لا الحمدلله المعدل ضامنته
علي : عود اذا تعرفين انكليزي اشغلج سكرتيره عندي بس هاا بدون راتب
اروى : تره غنى عدها دبلوم فرنسي هاي من غير الاختصاص لان هي داخله لغات
علي : هاج تفضلي
غنى : شنو هذا
علي : مفتاح العياده من اليوم باشري
غنى : ابتسمت علي ويه الغربه كولش حدي بس ويه المقربين يصير كولش سبورتي اما منذر فمن كميه اللطافه الشايلها تحسه فطير وكل حقد ماكو بكلبه
علي : يله عيوني خلصت كروتكم لهلكم يله
غنى : نزلت شكرا علي زحمتك
علي : تدللين مرت الغالي انتي
غنى : راحن خاله واروى بعد ما نزلن الغراض وياي اجيت شلتهن و دكيت الباب طلعلي عمو بس شو كالب وجهه
سيف : جيبي عمي جيبي شلون تشيليهن وحدج
غنى : شبيك عمو صاير شي
سيف : طبي بويه طبي
غنى : دخلت جوه لكيت خالتي سهاد وخوالي كاعدين
كامل : هله وين جنتي
غنى : ما رديت عليه ... خاله اني تعبانه حروح ابدل وانام ورايه دوام
سهاد : وين رايحه خالج مو يحاجيج شهالقله الادب هاي
غنى : اكو صوت وشوشه بأذني خاله هاي يمكن لان تعبانه يله تصبحين على خير حصلي وانام لتكعديني صعدت فوك اني وعمو خلينه الغراض تسلم عمو
سيف : شسويت قابل بويه زين سويتي بيهم علاج الجاهل التجاهل يله اني اعوفج ترتاحين
غنى : بدلت ملابسي وتمددت واني اسمع صوت صياحهم عرفت اكو غايه من جيتهم بس مهتميت اذا اضل افكر بيهم ادمر نفسيتي فوك ما هي متدمره ... سمعت صوت موبايلي شفت مكالمه من فهد شعجب خابرني صارله خمس تيام ملتحق ومخابرني ولا مره واصلا علاقتي بي صايره جدا رسميه وهالشي حيل مأذيني بس يبقى احسن ما نتعارك جاوبت الوو
فهد : الوو كاعده
غنى : اي هستوني اجيت من السوك
فهد : ادري كلتلي امي ... خو ما محتاجه شي الفلوس كفتج لو ادزلج بعد
غنى : لا شكرا كفت وزايد هم بعد بقه عندي مبلغ كولش جبير ماصرفت منه شي
فهد : لتتقيدين اشتري الي تردي فلوس واكو وشتحتاجين بلغيني لتكلين لاي احد واني ادزلج بأيد علي خوش
غنى : خوش
فهد : حجزت القاعات وكملت كلشي اكو شي بعد ذكريني خاف ناسي شي
غنى : لا ماكو شي كولشي تمام
فهد : ماشي يله مع السلامه
غنى : الله وياك ... سديته احسه قالب ثلج من كميه البرود اااااااه الوحده تكون فرحانه بهيج ايام وحتى نوم متنام من الحماس اله اني احس كل مابيه دادمر حياتي مو هاي الحياة الاريدها توقعت نفسي سابقاً بهيج فتره اكون اسعد انسانه ويه الشخص الي اختاره كلبي بس للاسف راح اتزوج واحد اختاره كلبي بس شنو الفائده ومشاعري محتفظه بيها لنفسي حفاظا على اخر حبه من كرامتي
______________________
ايمن : هاا فهد شو كالب وجهك خوما صاير شي
فهد : لا ماكو شي بس شايل هم لشغلنه وهم لحياتي
ايمن : كعدت ليش احجي
فهد : اخذت نفس من الجكاره يعني اني هنا بنص الموت وهناك منتظرتني حياة جديده واني مجهوله نهايتي اعيش اموت ما ادري قدرنه مجهول
ايمن : كول يا الله تره مابقه شي وتتحرر الموصل بفضل الكادر العسكري والحشد من بعد فضل الله
فهد : وهذا الي مخوفني لا بنهايه المطاف وتصعد رواحنه
ايمن : لا وداعتك ما دام العلويه كلبها مطمئن علينه كول ماكو شي
فهد : منو هاي العلويه
ايمن : ضحكت امي
فهد : شلون علويه وجابت واحد مصقد مثلك
ايمن : هههه اشكرك
فهد : العفو تدلل
ايمن : ضربت متنه توكل على الله يله اني كايم اصلي وانام
فهد : الله يهديك .... راح ايمن واني كاعد افكر بحياتي الجديده لحد الان ما مصدك خلص بعد اليوم الاحسبله يوم يوم ويه الانسانه الي منتظرها من زمان اجه بس للاسف ويه الانسانه العمري ما تخيلتها تصير جزء من حياتي يله على كولتها وعسى ان تكرهو شيئا وهو خيرا لكم .... تنهدت كمت نمت مرت الايام بلمح البصر اخذت اجازه ونزلت لبغداد وصلت للبيت فتحت الباب ودخلت ... صباح الخير اباوع الكل كام
الكل : صباح الخير عريس الحمدلله على سلامتك
فهد : الله يسلمكم ... منذر الغرفه شديتها مثل ما وصيتك مو
منذر : اي كلشي تم مثل ما انت ردت بس روح نام بغرفه علي
فهد : باستغراب
ليش عود
ايمان : دشنها بليله العرس مو هسه عود بعد تلث تيام اشبع بيها
سعاد : والله عدج سوالف دبطلي يمعوده شهالمعتقدات روح فهد نام بغرفتك امك فايخه
فهد : اروى كومي فرشيلي فراش نظيف بغرفه علي واني اروح اسبح واجي من رخصتكم
ورده : فديت القصف والله
ساره : بتحطي نفسك في مواقف بايييخه
انغام : صوتج لتسمعج يمعوده مالنه خلك منذر فدوه هاك سالم اروح اسويله اكل
منذر : شلت بوست خدوده شوكت تعرس انت
سالم : خله ايده على حلكه ئييييب اني سغير ( عيب اني صغير)
منذر : ههههه اروح فدوه لهالسان
_____________________
سحر : ما فكرتي
غنى : ميجون خاله فدوه لكلبج كافي تحجين بالسالفه
سحر : يا امي مو لخاطرهم لخاطرج اسمهم من طرفج حتى لو مابيهم خير
غنى : خاله انتي وعمو تكفون وتوفون حبابه كافي لا اريدهم يجون ولا يوصلون كمت غسلت وجهي وصعدت لغرفتي حضرتهم جايين ذاك اليوم على حساب يصالحوني ويحضرون العرس عبالهم اني زوج من درو بمكانه فهد كامو يتوددون الي عبالهم افيدهم اني شكد ما اني هادئه وما احجي بس مو غبيه ابد واعرف الكدامي شنو واني متأكده اجو يتعذرون مو لخاطري وانما على حساب مكانه الي راح اخذه ... افف بعد تلث تيام العرس واني كملت كولشي تقريبا بقه بس الصالون وباجر اروح ولو ماكو داعي بس فني احجي تجني خالتي واروى ونرجس يذبحني دزتلي رساله اروى "رجلج ستوه وصل خابري سألي عليه " الحمدلله على سلامته همزين وصل بخير خليت الموبايل على الشحن ونزلت مر اليوم بشكل طبيعي ثاني يوم رحنه للصالون وفهد ماشفته ملتهي بالحنه مالته حيسويها قبل حنتي بيوم لان اني هي حنه هي زفه .... سوتلي الصالون تنظيف وحفتلي ورتبت حواجبي انصدمت بالنتيجه طلع وجهي على كولتهم كلبتني كلب
اروى : تصبغين شعرج
غنى : لا ما اصبغه لونه عاجبني بس خلي تكصلي اطرافه
انغام : متكصين منه ولا شي مالنه خلك لسان فهد حذرنه قبل لا نجي كال اذا كذلتها كصتها اكلب الدنيا على راسها كعدي وسكتي
ايمان : اي يحب الشعر الطويل خاصه اذا مثل شعر غنى
غنى : تنهدت خاله ايمان واكفتلي على الحجايه هالايام ياربي دخيلك صبرني طلعنه من الصالون ومر اليوم واجه يوم زواجي والي ما اعرف شراح يصير ورا وهل ياترى راح اعيش بي حياة سعيده لو لا باوعت لروحي بالمرايه ولاول مره من بعد مرور سنه اخلي الوان على جسمي والله لو بأيدي ابقه العمر كله لابسه عليكم اسود لحد ما اجي وانام بصفكم بس انجبرت اذبه
سحر : بدموع اروحلج فدوه ولج ختام تعاي شوفي بنيتج ام نص لسان شلون كبرت وصارت عروس
غنى : هفيت على وجهي حتى ما ابجي خاله حبابه لتجيين طاري امي فدوه اروحلج
سحر : اباوعلها طالعه لعابه المكياج والبدله مطلعاتها تحفه الله يحفظج ويوفقج بحياتج الجديده يايمه روحي دعوه كلب ام لبتها عسى ايامج كلها فرح وسعاده ومتشوفين ولا يوم مو حلو بيها
غنى : حضنتها حبيبتي خاله
حياة : يله حبيبتي اجه حارث ياخذنه للقاعه هاي شنو ليش تبجن لا لا غنى فدوه لتبجين ليخرب مكياجج يمعوده
غنى : مسحت دموعي اي بس انطني الكبوس خلي البسه ونطلع لبسته وطلعنه وصلنه للقاعه دخلت وبدت الهلاهل كعدت وبدت الحفله
مروه : اباوعلها البدله شنو والمكياج شنو طالعه تلمع عساج بحركه كلبي يا غنى وعساج لا تهنيتي ولا شفتي الراحه
عبير : الله غنى بدلتج تجنن
غنى : باوعت لروحي صدوك
عبير : والله تخبل
غنى : حبيبتي هذا من ذوقج ابتدت الحفله واني نسيت نفسي شويه ويه اجواي الحفله والبنات زميلاتي ما قصرن للحظه حسيت نفسي صديقتهن كد ما شفتهن فرحانات كمت بدلت لبست البدلات ومشت الحنه لحد ما كالو اجت الزفه وشويه ودخل فهد اباوعله طالع يجنن ماكدرت اشيل عيوني عليه جان لابس قاط اسود وحتى القميص اسود بس طالع يجنن اجه وكف يمي باس راسي بكل رسميه وابتعد لبسوني الكبوس وطلعت ويه البنات وره القاعه اخذوني للبيت شويه واجت الزفه واجه فهد اخذني ورحنه للفندق وصلت ويه النسوان صعدت ويه خالتي للغرفه وكعدت تحجي خالتي واشتغلت الاحراجات .... لمن سمعنه الهوسات عرفنه راح يزفو
منذر : فهودي يا جكليته وحامض حلو بباكيته
عمر : فهودي رش الدربونه جت البنيه الخاتونه
علي : وبت الشيخ لابن الشيخ جبناها وبعد ما حافظ التكمله هههه
مهيمن : اوكفو لحظه حافظ كوله هااا عريسنه هااا وكتله وطلع دمه وكتله وطلع دمه حبيب
فهد : بعصبيه الله يطيح حظك يا سافل
الولد : هههه
ايمن : هاي الكوله تحجي حال فهد ... رحت فدوه للغالي كعد بحضني بعد ماجان خالييي
فهد : والله صوجي اني عزمتكم كوا.... يله توكلو ولو
عمر : منتظرين النتيجه
فهد : جريت سلاحي ترحون لو شلون
ايمن : رايحين والعباس رايحين يله شباب الاخ شكله مستعجل جاسميه منتظرته
فهد : راحو الولد واني فتحت الغرفه ودخلت شفتها كاعده على الجربايه ومدنكه اباوعلها تفرك باديها وترجف تقربت وكفت كبالها مديت ايدي شلت البركع
************
يتبع