احببتك اكثر مما ينبغي
البارت الثاني عشر
في فيلا خالد الشرقاوي
كانت حور داخله الفيلا بالعربيه
ماجد كان راجع هو كمان من شغله ووقفه
الاتنين نزلو من العربيات
ماجد: وحشتيني
حور: وانت كمان
ماجد: جايه منين
حور: كنت ف المعرض
ماجد: تعبانه ولا ايه
حور: لا انا كويسه متقلقش عليا
ماجد: مالك يا حبيبتي ايه مزعلك
حور: بضيق ريتاج صحبتي اطلقت
ماجد: ليه ايه اللي حصل
حور: الموضوع طويل وقت تاني هحكيلك
ماجد: طيب النهارده بالليل هاخدك ونروح نشوف الشبكه والفستان ايه رايك
حور: ماشي
ماجد: هعدي عليكي
حور: هزت راسه ب ماشي.. وركبت عربيته ودخلت من بوابه الفيلا
ماجد: ركب عربيته ودخل الفيلا بتعتو
♥♥♥♥♥♥
حور: دخلت الفيلا
كان خالد وباسم قعدين سوا
حور: هيا ريتاج منزلتش
خالد: ريتاج مين
حور: ريتاج صحبتي ي بابا
خالد: هيا جت امتي
حور: جت من تلت ساعات
باسم: مشفناش حد
حور: طلعت بسرعه علي السلم
دخلت الاوضه
وكانت ريتاج نايمه بهدوء وباصه للسقف
حور: تعرفي اتخضيت عليكي
ريتاج: لا متقلقيش كويسه
حور: طيب ايه هتفضلي كدا انا خطوبتي بكرا
ريتاج: بتتكلمي جد؟! انا فكرتك بتقولي كدا علشان اسد
حور: لا بجد خطوبتي انا وماجد بكرا ومن قبل ما اقابل اسد
ريتاج: تعرفي ماجد لايق عليكي اوووي.. اول مره اشوفه لما كنتو سوا فكرتو جوزك
باين عليه بيحبك اوووي
حور: ابتسمت طيب ايه مش هتيجي معايا اختار شبكتي وفستاني
ريتاج: اكيد طبعا وقامت من علي السرير
حور: تعالي ننزل ناكل الاول علشان انا راجعه من الشغل مفرهده والله
ريتاج: يلا
ونزلو سوا
خالد: وقف وبترحيب وحب اهلا اهلا طمنيني عليكي يا حبيبتي
ريتاج: الحمدلله يا عمي انت عامل ايه
خالد: الحمدلله ي حبيبتي اقعدي هنا جمبي وحشاني قعدتك الحلوه
ويقعدو
ريتاج: باصه لباسم بستغراب
حور: حطت ايدها علي كتف باسم.. ده اخويا حبيبي باسم
ريتاج: هو عمي خالد اتجوز
خالد: ههههههههه لا مش لدرجادي ده ابن صاحب عمري بس هما اكتر من اخوات
وهو غلاوته زي حور ويمكن اكتر لانو سندي
باسم: بصي يا ريتاج انا اهلي اتوفه وعمي خالد اخدني ورباني وعلمني واعتبرني ابنه وانا اعتبرتو ابويا
حور دي امي واختي وصحبتي دي الحاجه الحلوه اللي خلتني اكمل من بعد موت اهلي كلهم
حور: بتعرف تقول كلام حلو يا واد
باسم: ههههه فصيله
ريتاج: هههههههه من يومها
حور: طيب قوم يا اخويا خلينا نجهز السفره
علشان هموت من الجوع
عامل اكل ايه يا بابا
خالد: فراخ ورز وملوخيه
حور: الله ملوخيه يلا يا باسم بالله عليك جوعت اكتر
باسم: مفجوعه ويدخلو المطبخ
جابو الاكل وحطوه علي السفره
وقعدو ياكلو
حور: انا قبلت اسد النهارده
باسم: شرق وبيكح
حور: هيا سيرتو وحشه للدرجه دي
خالد: هز راسه بيأس
باسم بدا يهدا واحده واحده
باسم: قبلتبه ازاي يعني مش فاهم وازاي سابك اساسا
حور: كنت رايحه ل ريتاج واتفاجأت بيه هناك
باسم: وبعدين ايه اللي حصل
حور: قال انو كان بيدور عليا وانو ما صدق ما لاقيني كلام من ده وانا عزمتو علي خطوبتي ده اللي حصل
محتاره اقول لماجد او لا
باسم: لازم يعرف طبعا
خالد: انا هروح مشوار وقام مشي
حور: اتنهدت وقالت خايفه من رد فعلو
باسم: مش مبرر يا حور هو لازم يعرف بدل ما يعرف من حد تاني ووقته فعلا هقولك خافي من رد الفعل
حور: خلاص هعرفه كل حاجه وبصت ل ريتاج وقالت يلا علشان نمشي
ريتاج: ايوه يلا
وقامو وخرجو وقفه برا البوابه بتاعت الفيلا
ماجد خارج من الفيلا بتاعته بالعربيه
وقف ونزل من العربيه
حور: فين ليلي
ليلي: كانت قاعده وراه.. طلعت راسها من شباك العربيه وقالت انا اهو
حور: ابتسمت وقالت فكرتك مجتيش
ماجد: فتحله باب العربيه
وهيا ركبت
ريتاج ركبت جمب ليلي وراه
واتحركو
بعد شويه وصلو لمحل مجوهرات
ونزلو من العربيه
ماجد مسك ايد حور ودخلو وهما بيضحكو ومبسوطين
بيختارو الشبكه
حور: ماجد انا مش عايزه حاجه تقيله عايزهاا خفيفه خالص انت عارف مش بحب الحاجات دي
ماجد: ابتسم وقال اللي انتي عايزه
حور: ابتسمت وشاورت علي طقم عباره عن سلسله رقيقه وخاتم سوليتير وحلق
صاحب المحل جابو
ماجد: جميل بس قليل يا حور
حور: احنا لو هنفكر بالمظاهر هنشتري المحل كله يا ماجد
انا ده بالنسبالي كفايه اووي ومش هشتري غيرو
ماجد: اللي انتي عايزه با حبيبتي
ليلي: حلو اووي ورقيق
ريتاج: فعلا هيبقي قمر عليكي يا حور
حور: ابتسمت وبصت لماجد مستنياه يقول اي حاجه
ماجد: انتي حلوه من غير اي حاجه بالعكس الحاجه هيا اللي بتحلو لما تلبسيه
ليلي وريتاج ضحكو بسبب نظرات حور لماجد
خلصو وخرجو وراحو مول
دخلو محل فساتين سواريه
واختارو فستان ذهبي ومستلزماته
وماجد دفع واستأذن ومشي علشان يروح يشتري بدله وكمان حب يسيبهم علي راحتهم
ليلي اشترت فستان علشان خطوبة ابنها
حور اشترت فستان ل ريتاج
ريتاج: بحرج حور ملوش لزمه انا مش عايزه
حور: ازاي بس مش هتيجي خطوبتي ولا ايه
انا عايزاكي تبقي احلي واحده ف الخطوبه حتي لو احلي مني برضو عادي
يلا تعالي بقي نشتري فساتين ولبس تنفعي تروحي بيهم شغلك الجديد وكمان بيجامات
واخدتها واشترو كل حاجه
وبعدين قابلو ماجد واخدهم ومشيو
♥♥♥♥♥♥
في بيت تولين
معتز وتولين قعدين برا
خلود مع فراس جوه وبتعمل الاكل
معتز: مش حابب اشوفك كدا
تولين: وانا مش حابها نفسي كدا بس مش عارفه اعيش.. هو انا ممكن اكون بحلم يعني ممكن كل ده يكون كابوس واصحي الاقي ماما نايمه جمبي
معتز: دموعه نزلت علشانهاا مش عارف يساعده ازاي ولا يواسيه ازاي دي اقرب حد ليه اقرب صديقه هيا دايما كانت جمبه ف كل حاجه كانت بتهون عليه كل حاجه ازاي هو مش عارف يهون عليه
تولين: عارف يا معتز انا مش عارفه نفسي بعد ما تمشي انت وخلود من هنا هكون عايشه ازاي
معتز: مين قالك اني هسيبك
تولين: اكيد يعني مش هتقضي عمرك كله ف العربيه
معتز: مسك ايدها وقال مستعد ابات قدام باب بيتك ولا اسيبك
تولين: لامتي مسيرك هتمشي وتنشغل وانا هفضل لوحدي.. شايف البيت؟! عليه باب صح!! انا مش شايفه الباب ده.. شايفه بيت من غير باب من غير شبابيك
معتز: فراس معاكي حتي لو احنا معاكي مسيرو هيكبر ويبقي هو سندك وضهرك
كله سنين وهتلاقي بشنب قدامك
تولين: اهو ده اللي مصبرني علي اللي نا فيه
معتز: يلا قومي خلينا ندخل ناكل لو مجعتيش ف انا جعان
تولين: يلا ويدخلو
♥♥♥♥♥♥
وصلو قدام الفيلا
ريتاج نزلت من العربيه ودخلت ل فيلا خالد
ليلي نزلت كمان ودخلت الفيلا بتاعتهاا
ماجد: بصصله ف حاجه عايزه تقوليه
حور: هزت راسها ب ايوه
ماجد: اتكلمي في ايه
حور: خايفه من رد فعلك
ماجد: انتي عارفه لو مهما كنتي عصبي او صعب معاكي انتي حاجه تانيه يا حور
حور: في حاجه النهارده حصلت ولازم تعرفه
ماجد: بصصله ومش بينطق
حور: وانا رايحه ل ريتاج قبلت اسد هناك
ماجد: كملي
حور: عارفه الموضوع هيدايقك بس انت لازم تعرف
ماجد: هز راسه ب تمام
حور: لو اعرف انو هناك مكنتش رحت كنت بعت ديما وباسم
انا اتفجأت بيه
حتي ريتاج اتفجأت مكنتش تعرف ومعرفتش تنبهني علشان زياد واخد منها الفون
ماجد: بعصبيه ايوه يعني كلمك
حور: اسد صفحه وقفلته يا ماجد انا ولا فاكره ولا فاكرها اي حاجه تخصه
انا نسيته ومبقاش في قلبي غيرك ومسكت ايدو وكملت صدقني انا مفيش ف قلبي غيرك
ماجد: انزلي يا حور علشان تلحقي تنامي بكرا يوم طويل
حور: ماجد
ماجد: انزلي
حور: نزلت ودخلت الفيلا
وهو دخل بالعربيه الفيلا بتعتو
♥♥♥♥♥♥♥♥
في فيلا زياد
دخل الفيلا وكان غايب عن الوعي
بيبص لكل مكان
مستنياه تطلع تتخانق معااه انو اتاخر
تتخانق انو جاي مش واعيي
بيبص علي المطبخ مستنياه تقوله انها مجهزه الاكل
زياد قعد علي الكرسي واتنهد
حاسس انو خسر كل حاجه
حاسس بالندم وقد ايه هو ظلمه وتعبهاا مع انها ملهااش ذنب ف حاجه هيا بس حبته رغم كل حاجه وحشه عمله فيهاا
ذنبها ايه ف كل ده
بس هو محدش ظلمهم غير مامته لانها عارفه انو مش بيحبها وعمرو ما هيحبهاا
ووعدها انو هياخد بالو منها وهيعتبرها اخته وهيجوزها لانسان كويس
بس بلاش تجبرو يتجوزها وهو مش حببها
بس هيا اجبرتو علي كدا وال مكنتش هتسامحه ابدا
وهتموت وهيا غضبانه عليه
♥♥♥♥♥♥♥♥
في فيلا اسد المنشاوي
قاعد بيفتكرهااا ومش مستوعب انها فعلا لحد غيرو
معقوله عرفت تنساااه بسهوله كدا
هتعرف تكون مع غيرو ازاي وهو اللي مربيه علي ايدو
فاااق من تفكيرو علي صوت خالد الشرقاوي
واتفاجأه بيه
اسد: عمي خالد وقرب علشان يحضنه
خالد: شاور ب ايدو يقف مكانه وقال انا مش جاي علشان اشوفك ولا اقعد معاك
انا جاي بس لسبابين غير كدا مكنتش هدخل البيت ده ابدا
اسد: خير ف ايه
خالد: السبب الاول والاهم انك تبعد عن بنتي خالص واوعاا تفكر مجرد تفكير انك ممكن ترجعها ليك
انا بنتي خلاص خطوبتها بكرا وفرحها خلال 3 اسابيع
ف احسلك تبعد عن طريقهاا علشان صدقني لو حولت تخرب حياتها مش هيكفيني فيك موتك
كفايه السنين اللي ضاعت من عمرها بسبب انسان زباله زيك
اسد: واقف مش بيتكلم.. هيتكلم وهيقول ايه وكل كلمه خالد قالهاا صح ومعااه حق فيهاا هو مسبش حاجه تدمر حياته هو وحور غير وعمله ومفقش من اللي بيعمله غير لما ملاقهااش قصاده ومعاه
خالد: بيكمل كلامه والسبب التاني اني عايز اشوف ابوك صديق عمري واللي عمر ما علاقتي بيه هتتأثر بسبب واحد زيك
اسد: بهدؤ اتفضل ادخله انت مش غريب
خالد: سابهو ودخل وراح عند باب الفيلا ورن الجرس
الباب اتفتح
فريد: بفرحه واشتيااق خالد
حضنه بعض بشتياااق
بقالهم 7 سنين مشفوش بعض
فريد: اخيرا رجعت
خالد: انا رجعت بقالي فتره بس انت كنت مسافر
فريد: اتفضل ادخل طيب خلينا نقعد بقالنا زمن مقعدناش
ودخلو وقعدو جوه
فريد: احكيلي بقي كنت فين من وقت ما سبت البلد
خالد: كنت في فرنسا وبعدين رجعت القاهره وبعدين رجعت اسكندريه
فريد: انا حولت اوصلك كتير بس معرفتش
ناهد: اهلا اهلا ب الغالي
وسلمت علي خالد
فين حور دي وحشاني بشكل
فريد: ايوه يعني مجتش معاك اوعاا تقول انها مسافرها
خالد: لا هيا هنا بس بتجهز لخطوبتها مع ابن خالتها
ناهد: بصتله بصدمه وزعل كانت لسه فرحانه انهم رجعو وهتخطبهاا لابنها اللي بقاله سنين متعذب علي فراقهاا
خالد: كمل كلامه الخطوبه بكرا هستناكم تشرفوني
فريد: اكيد ان شاء الله ربنا يتمم بخير
خالد: ادالهم العنوان واستاذن ومشي
فريد: ناهد مالك
ناهد: زعلانه علي كسره ابني بقاله سنين متعذب وبيدور عليه زي المجنون ويوم ما ترجع يلاقيه اتخطبت
فريد: ابنك اللي ضيعه من ايدو وبصراحه هو ميستهلهاش.. احنا بكرا هنروح الخطوبه
ناهد: لا مش عايزه اروح
فريد: ناهد انتي مش من حقك تزعلي ابنك من البدايه غلطان وهيا طبيعي مش هنفضل طول العمر عايشه بتحب واحد عارفه ومتاكده انو محبهااش
احنا هنروح بكرا كلنا وعرفي ابنك
وسابها وقام طلع ل اوضته
ف الوقت ده اسد دخل
تايهه مكسور جواه وجع كبير بيندم وبيلوم نفسه ف كل دقيقه بتعدي
ناهد: حبيبي مالك
اسد: قعد جمبها وقال معرفتش قيمته غير لما بقيت مع غيري
ناهد: حضنته بحنان وقالت كل شي قسمه ونصيب واكيد ربنا شيلك الاحسن يا حبيبي
اسد: امي ممكن تخليني ف حضنك من غير اي كلام
ناهد: حاضر يا حبيبي
❤❤❤❤❤❤❤
عند حور
غيرت هدومها لبيحامه
وواقفه ف البلكونه باصه للسماء بشرود
بتفكر ف حياتها الجايه مع ماجد
من جواه مبسوطه ان خلاص هتعيش حياتها ومع انسان حنين زيي بابهاا بيحبها وبيخاف عليه
واثقه ان عمرو ما هيزعله ابدا
حور: لنفسه.. كان جوايا خوف كبير اني اقرب واحب جديد بعد ما اتكسرت علي ايد بني ادم مريض مبيهمهوش حد كل اللي يهمه نفسه وبس خلاني كرهت نفسي ومرهت جنس ادم... انا اكتر حاجه ندمانها عليه دلوقتي اني مسمحتش ل ماجد يقرب من بدري مكنتش متخيله انو هيداوي كل وجع السنين دي وينسيني كل الوحش اللي حصلي
متجيش تلومني إن النهار ده بقى في حياتي حد ثاني
كنت هفضل كل ده مستني إيه
حب إيه اللي إنت بتدور عليه
بعد الغياب ده مفيش عتاب أتهز ليه
كنت هفضل كل ده مستني إيه
حب إيه اللي إنت بتدور عليه
بعد الغياب ده مفيش عتاب أتهز ليه
عايز الحقيقة
علشان مكانك إتملى عينيك وقلبك غيرانين وبقيت في ضيقة
إنساني لو لسه فاكرني وإنت ليك مليون طريقة
أيامنا راحوا
مقدرش أقولك غير كده ولا ينسى قلبي بكلمتين تعبه وجراحه
مين اللي قالك الحياه وقفت في يوم على اللي راحوا
كنت هفضل كل ده مستني إيه
حب إيه اللي إنت بتدور عليه
بعد الغياب ده مفيش عتاب أتهز ليه
استوووووب ونكمل البارت الجاي
رايكم وتوقعاتكم
الكاتبه الصغيره ASMAA AHMED