قيود عشك الشيخ

قيد الرابع

لَتمرني بوگت عاشرت بي شمات
ما تسوه رچعتك مر وگتهم عَد!!🖤

الكاتبة شوك 🧚‍♀️❤️

قراءة ممتعة

..............

انصعقت من السمعتة جان واكف بس مو بثبات!! شبي هذا معقولة دايخ!!!

ابو بي شي شهكت وكتمت انفاسي بايدي بسرعة خوفا لا اصدر صوت ويشوفني معقولة سكران!! يا اللهي مصيبة!!

::- حسن كتلك ابقى بمكانك

التفتت يباوع لارجاء المكان بقلق!!

::- ما بيها شي مثل الاميرة عايشة ويانا

::- تاكل خر*اا اكعد بمكانك وانجب

::- ترة انا ما مجبور اساعدك وانت كتال اخوي وابن عمي بس غير محترم العشرة البيناتنا

::- زين

حجاها وسد التلفون بانزعاج وفشر!!

شنو الديصير معقولة هذا الي يحجي وياه يكون حسن اخوي!!

ليش لا بالنهاية هم اصدقاء وجانو سوة!!

بس المحيرني سرمد يشوف الموت وما يشوفني ليش دا يساعد اخوي??!!

معقولة مثل ما كال محترم العشرة الي بيناتهم

فجائة وبدوم سابق انذار وكع من طولة مغشي علية

ردت اروح اركضلة توقفت من سمعت صوت باب غرفة ساجد انفتح

وطلعت مرتة فتون بس شافت سرمد اجتة تركض نزلت لمستواه وخلت راسة ع رجليه!!

شديصير هنا يربي همست بصوت اشبه للهمس بحيث فاتحة كل حواسي يلا كدرت اسمعهم

::- سرمد هذا انت شتسوي هنا هم سكران

التفتت لجهة باب غرفتهم تباوع بخوف وقلق::- كوم كوم لا يجون ويشوفك كوم ساعديني يلا

فتح عيونة وحجة وهو يرفع اديه ع وجها وكرص خدها ورجع باس اديه::- فتوني هاي انتي حبيبتي

شهكت من هول الموقف وهي انخلست والتفتت تباوع بأرجاء المكان بخوف وحذربعدها ساعدتة لحتى يكوم ودخلت وياه لغرفتة?!!

الموقف من بشاعتة وصدمتة ما كدرت اتجاوزة وبقت ادية ترعش ورجلية كوة حاملاتني من الخوف

الباب مالتهم شبه مفتوح عافو تقربت ورجلية وحدة اطك بالثانية

اسمع صوت ونين??! شنو شديسون هاي فاتن جاي اتأن

معقولة ضربها او سوالها??!! شي خفت لا يكون  دياذي بيها او يعنفها??

بس الشفتة خارج قدرة استيعاب عقلي!! الشفتة لا يصدق بهذا عمري وبمحدوديتة تفكيري عرفت هل شي خطا!!

مو بس خطا وانما حرام!! شديصير يربي احس معدتي انكلبت كلاب والغثيان ما كدرت اسيطر علية

رفعت ادية ع حلكي وشردت طلعت من باب الصالة للطارمة فازعة وستفرغت شكو شي اكلتة لليوم

اجاني صوتة الخايف::- زهررة شتسوين هنا

فزعت الة وركضت ناحيتة والتفتت لجهة الصالة خايفة يطلعون ما عرفت افكر بهل اثناء شاسوي شنو لازم اتصرف باي طريقة ممكن اكول الة عن تدهور حالتي!!

مجرد تخايلت دنائة فعلهم رجعت اتقيئ وهو واكف مصدوم من حالتي!!

نزل لمستواي ولم شعري بايدة ويطبطب ع ضهري وصوتة يرتجف::- زهرة شبيج بوية لا تخوفيني احجي شجرالج

اجت جميلة ع صوتنا وحجت::- شنهي الصار شيخ شبيها زهرة

باوعلي بحيرة واني احاول التقط انفاسي بصعوبة::- ما اعرف خوية ذاهت روحها وبس تتقيئ

حجت بفرحة غامرتها::- بلجن حامل

مسح وجها بقلة صبر وما احس الا نرفعت جان حيلي مهدود وما اكدر احجي حسيت بهل لحظات عقلي فقدتة

نزلني يم السنك غسلي وجهي وجميلة تفتر وراه وخايفة

اريد اتنفس هوة مدا اكدر مخنوكة حيل كام يجيب ماي ويذب ع وجهي

رفعت ايدة امنعة اختنكت بالزايد باوعلي بخوف والتفتت لجميلة::- شتكولين ناخذها للمستشفى

هزيت راسي بلا وعصرت ايدة باوعلي بلهفة::- شبيج??

حجيت بصوت مخنوك::- طلعني منا

عقد حواجبة::- وين

::- للحديقة فدوة مخنوكة

هز راسة واخذني من ايدي وجميلة تفتر ورانا بس طلعت كفختني ريحة الزرع والهوة طيب

نزلو دموعي الجنت حابستهن من سنين ظل كاعد يمي وجميلة راحت بعد ما طلب هو منها

ظليت كاعدة وصافنة لبعيد هو كلساع يتنهد حجة::- مشتاقتلهم ??

التفتت علية كاعدة حاجبة حجيت بانزعاج::- لا

::- لهل درجة ماذينج

بلعت غصتي وسكتت تنهد حجيت::- مشتاقة لبيبي

::- تحبيها?!

التفتت الة مبتسمة بحزن::- اي

::- وينها ليش ما اعترضت ع جيتج

::- ماتت من جنت صف رابع

غمض عيونة بصبر وحجة::- لا اله الا الله

سكتت ظليت كاعدة والمكان سادة الهدوء حجيت::- حسن اخوي مستحيل يكتل شخص

باوعت لتعابير وجها احتقن ودار وجها عني كملت::- اخوي جان حنين علينا وما ياذينا وحباب مو هو الكتل اخوك

حجة يكتم غضبة::- زهرة سدي الموضوع

::- اذا طاح باديكم شنو تسوولة

::- نسلمة للقانون هم الي يسوولة مو احنا وانتي..

حجاها وسكت عقدت حواجبي::- اني شنو

كام ونفض نفسة من التراب::- كومي بوية كومي صار الوقت صلاتي

ابتسمت::- ليش ما اجيت وصليتها وعلمتني

::- جنتي زعلانة

::- الزعلان يتراضة

::- وهذا لسانج الما الة جارة شنسويلة

::- لان ما عندك رد لكلامي تحجي ع لساني

ابتسم وهز راسة باوعتلة بزعل وحجيت::- ترة اني ما غلطت عليهم الا ما بعد ضربني وفشرو علية

تنهد::- بس ما لازم تكسرين كلمتي جدامهم المفروض منج اطاوعيني وتاخذين بكلامي عجبج كلامهم يكولون فرخة بعدهي هلطولها ما كدرلها الشيخ

تخصرت::- اكلك شنو كل سالفة وكتلو فرخة مو عيب شنو اني دجاجة

ضحك بصوت عالي وكال هو يلزم خدودي بين ادي الاثنين::- الفرخة معناها صغيرة طفلة مو فرخ دجاج

صفنت::- خوب كولو طفلة مو فرخة حتى مو حلو هل شكل

ضحك::- ديلا فوتي يلطفلة

ضحكنا ودخلنا الغرفة هو راح يصلي واني كعدت مقابيلة اباوعلة وفكري شارد بالي صار بين فتون وسرمد

وكفت كبالة باوعلي ونزل راسة يسبح تسبيح الزهراء عليها السلام

باوعتلة متوترة قابلني بابتسامة مريحة رديتلة الابتسامة نهى صلاتة هو يصلي ع ال البيت عليهم افضل السلام

وكف مقابيلي وكال::- ها شعدج حجي

باوعتلة خايفة عقد حواجبة وجزني من ايدي كعدني يمة ارتبكت حيل وخفت اكول الة

حجيت بمتمتة::- اكول شيخ

جان منتضرني احجي بحيث اول ما حجيت رد بسرعة::- كولي

فركت ادية بين بعض وبخوف وتوتر حجيت::- من يتزوجون الناس

رفعت راسي اباوعلة هز راسة باي ومنتظري اكمل::- شيسون بالليل

فتح عيونة ضافن بوجهي مستغرب سوالي::- شلج بهل حجي بوية

نزلت راسي خجلانة واحس بو تطلع من وجهي عركتني حرك بحيث العرك صار ع جبيني::- بس اريد اعرف

ابتسملي وبعدها عقد حواجبة مزعوج::- بوية لا تفكرين بهل سوالف عيب

::- بس انا هسة متزوجة

::- بس انا ما معتبرج زوجة معتبرج بنيتي وجاي اتصرف وياج ع هذا الاساس

عقدت حواجبي ضايجة ما اعرف شبية بس اضوج من هل موضوع حيل::- انا ما عندي اب ولا راح يصير عندي

باوعلي متنهد دار وجها ساكت بعدها باوعلي وكال بابتسامة::- يلا بوية كومي نامي

هزيت راسي ورحت لفراشي فعلا يعاملني معاملة الاب الي افتقدتها من سنين طويلة وبعد ما حسيت بيها

..................

ثقيف::- سؤالها حيرني الليل كلة انا ما نمت افكر بيها!! معقولة الحجية ملمحتلها ع شي??!! طفلة هاي ما اريدها بعد يومين تكبر وتكول اريدن شاب بعمري ماريدن شايب

لهذا انا اكولن ليها بوية علمود من تكبر تعتبرني اب عم الها ما تعتبر زوج الها

ما عولت يطلع الصبح ونزلت للحجية لكيتها كاعدة تسبخ باوعتلي وابتسمت::- ها يمة صبحج الله بالخير

::- هلا يبعد امك يسعد صباحك يا كلب امك

ابتسمت ودنكت ع راسها وبستة::- شنو وينها مريتك

تنهدت::- يمة هو جايج علمود احجي وياج بهل سالفة وينها جميلة

بعدني احجي وطبت جميلة صبحا علينا باوعتلهن وحجيت::- يمة البت بعدهي فرخة

ابتسمت وانا اتذكر تكلي شنهي تكلي فرخة::- كصدي بعدهي طفلة لا تهش ولا تنش

صفنن بوجهي ما فاهمات هنا جان لازم افوت بالخط العريض::- يمة البت ما جايتها العادة ولا تعرفهه اصلا

شهكن ثنينهن حجت امي::- يمة يثقيف عمت عيني عليك هو هذا حظك يا يمة شنهي ما جايتها العادة خاف البت تجذب تريد تفلت من السالفة

::- لا حجية ما ضنها كتلج لا تهش ولا تنش اصلا يمة كتلها عنها ما عرفتها ولا تعرفها شني هي

امي ضاجت حيل تقربت ليها::- ها يلغاليه اشو تكدرتي

::- طبعا اتكدر يبني حظك من الدنيا كليل(قليل) شوكت ترتاح وشوفنك انت ومريتك وبزرك

::- حجية القاسمة ربج يصير

باوعت لجميلة وحجت::- يمة اريدجن تفوريلي دارسين وتنطيها ليها بلجن تجيها

حجيت::- لا حجية ما حبيتها منج ليش انا شوكت دنت نفسي ع طفلة طفلة هاي يمة حتى ما عدها معالم انثوية يمة حرام عليه خليها تكبر وتراهق الرادتني اضمنها تحت جناحي وان مارادتني ما لومها حكها

باوعتلي امي بلوم::- يمة وتالي وي هل كلب الشايلة دومك تقدم الوادم ع حسابك

ابتسمت وجريت ايدها بستها::- يمة اكيد الله كاتبلني الاحسن والافضل

::- اي ايمت يا يمة مو طك فادي وانا اتاني

تنهدت باوعت لجميلة ضحكت وحجت::- امي ناوية عليك لا راح تخلص منها انت ولا المسجينة الفوك

امي باوعتلها ضايجة::- شنهي يمة جا مو حكي اريدن ابني يصيرلة طفل يشيل اسمة اريدن فريخ يسد حظنة مرية اداري جا وحد عن اخوتة مو هل كلهم عدهم جهال ومستقرين

طب ايسر وي حجيها باوعتلة::- هذا ابني النمشي تجايتي وعكاز ضهري

ابتسم ونصة ع ايدي::- الله يحفظك النا بوية ويخليك خيمة ع راسنا

تريكت وياهم وطلعت للديوان لكيت سلام نايم ابتسمت وكفت فوك راسة ودفرتة فر مخروع::- شنهي الله سلطكم علية من طركاعة السودة يوم الاجيتكم

ضحكت::- شعدك هنا مطمور

حجة بانزعاج::- بوية شنهي جا ما نامن ما ارتاح هناك ساكمني الحجي وهنا انت وين اولي يا ناس يا عالم ماكو واحد يتبناني خوش وليد ويسد وحشة الليل بجدارة

ضحكت::- شبي الوالد العزيز

::- غار منك شافك غاط بالعسل يريدن اتزوج ولو ما ادري انا جا كتلة غاط بالدبس

ضحكت::- اي تزوج يخوي العمر يجري ما نحس

::- وانا اتزوج حي الله مرة صدك تحجي يخوي الا لمن اشوفنها واقتنع بيها جا موش ابوي يريد يخطب بت الشيخ ابو صمد

تفاجئت::- الشيخ ابو صمد?!! ليش شنهو سر هل قرابة فجائة مو جانو اعداء واحد يموت الثاني

سلام بعدم اهتمام::- اندري يخوي اشو ذاك اليوم دخلت ديوانة ولكيت عد الحجي ودك سوالف

انكرص كلبي بس ما حجيت فضلت السكوت الكلوب الحقد عاميها الغيرة عادمتها موش انا الاخرب وي صديج دربي وصاحب سري علمودن الحقد والبغض

ظلينا كاعدين نسولف وسلام يحشش واجانا ايسر كعد وينا وانا صفنت حجة ايسر::- ها بوية مبين ما نايم خير

سلام هو يهز ايدة::- طبعا ما ينام غير غاط بالعسل وانا حاظن الكوشة ونايم مسكين يسليم الك الله يلفقير

ايسر بتجاهل::- نفس الحلم مو بوية

باوعتلة بتعب::- لا يبوي هلايام ما تجيني بالحلم اظنها زعلانة مني

باوعلي سلام ودنج::- روحي مفرفح ع روحها رايد اروحن ليها

سلام بحزن هو يطبطب ع ايدي::- انسى الماضي يخوي وعيش حياتك راح فات

::- الراح بنص الكلب يدك وجعة الفات ما مات الفات عايش ويدك بصدري

سكتو ثنينهم ترخصت منهم وطلعت اشم الهوة النظيف لان اختنكت وجسمي يرجف

شما اكول الفات مات تجيني مثل الكابوس هذا الكابوس الما عرفت اصحة منة

ظليت امشي بين الزرع والخضار وصرت يم الهور كعدت يمة

اعرفنج يلغالية زعلانة علي عذريني يا روحي ضروف وما زرتج

سكتت وانا اتذكر ضحكاتها وسوالفها دلعها وغنجها علي

غمضت عيوني فجائة اجت زهرة ع بالي فزيت بسرعة واكف

شجابها ع بالي هسة شنو هذا الطيف الاجاني لا لا ما معقولة

طلعت بسرعة راجع للبيت بعدما سمعت صوت الاذان الضهر

وصلت للبيت اول ما دخلت البيت هدوء وسكينة عرفت فتون عد اهلها

مشيت لنص الطارمة لكيت جميلة تخبز بالتنور الطين وملثمةتبسمت تقربت ليها::- ها الله يساعدهم

::- يساعد بختك يبعد اختك اخذلك خبيزة حارة

دنكت وخذيتلي كرصة خبز وطبيت بيها كفختني ريحة البخور

والحجية كاعدة بالصالة??!! تسبح!! شنو اول تالي امي تطلع من غرفتها للصالة ولا كاعدة تصلي بيها!!!

اباوع للصالة تلمع لمع ونظيفة وريحتها حلوة::- ها يلغاليه شنهي اليوم هنا تصلين

ابتسمت هي تسبح ستغفرت::- يمة مريتك سوتها تخبل وصليت بيها عبنها نظيفة وطاهرة

باوعت لارجاء الصالة::- نظيفة حيل وريحة البخور تهدء النفس وصوت المسجل عبد الباسط بصوت هادئ سورة الفتح

ابتسمت::- هاي منهي النظفتة جميلة مو

::- مو كتلك مريتك

تفاجئت اول مرة اشوف النضافة والهدوء والسكينة تجتمع بيتنا!!

معقولة هل طفلة هيج تعرف تنضف!!

طفلة ونضيفة وفاتحة قران!! بعدني اباوع للمكان طلعت من غرفة الحجية مسوية حجابها عصابة ورافعة دشداشتها بالداخليات

غضيت نضري عنها بسرعة وهي اجت ما هامها::- ها شيخ شلونك

رفعت عيني ونزلت منها::- هلا بوية كوة حيلج

ابتسمتلي وياوعت للحجية::- حجية تدكرين ترحين لحجرتج ع كولتج

كالتها وضحكت حتى احنا ضحكنا الحجية فتحت اديها الها وحجت::- تعاي ولج تعاي لية خل احبنج ع هل ندارة

خطية ما صدكت بلوعتلي منتظرة الاذن مني غمضت عيوني واشرتلها تروح راحت ركضت والحجي لمتها بايدها وحظنتها::- يمة اروحن فدوة للبنات يمة البنات سبع واكولن كليلات

ضحكنا علينا ترخصت منهم ردت اروحن ابدل سمعت الحجية تهمس لزهرة::- كومي يمة شوفي رجلج حظريلة لبستة

ضحكت الحجية ما تصيرلها جارة كوة تريدها تصيح نكلها ثور تكول حلبو

............

كعدت الصبح باوعت لجرباية ما موجود غسلت وجهي ونزلت لجوة لكيت جميلة تعجن صبحت عليها وكابلتها وكعدت

::- جميلة علميني اعجن

باوعتلي تضحك::- دكومي تريكي كومي

::- علميني واكوم اعجن حبابة علمود النوب انا اعجن الج

ابتسمت وهي تجيب العجين وتضغط علي حيل بايدها::- وين تكدرين بهل حيلج المكضي علمود بس يشوفنج عرفتي يكربسو براسج دعوفي وكومي

باوعت لغرفة فتون وصفنت عليها قررت اكول لجميلة عنها هي وسرمد هي رفعت راسها وشافتني اباوع لجهة بابهم حجت::- لا تخلين راسج وي راسهم ترة يسحكون علية ويمردو الج هلي راسج بارد وبعيد عنهم

فززتني من صفنتي وستغربت كلامها وخفت منة::- ليش هم هيج شرايين وما يحبوكم

ابتسمت وما ردت علية قررت اسكت خفت اكول هذا الشي طفلة جنت وما عرفت اتصرف ما ادري بجهلي وبطيشي راح تنكلب حياتي راسا ع عقب!!!

كمت سويت الريوك وبعدهم غسلت الماعين وبديت انظف بالمطبخ كمية الوصخ الي موجود بي ما اعرف اوصفة!!

الكاونتر البيبان من فوك مالتة جان لون اسود متروس دهن

جبت قاصر وخبطت وياه تايت وماي وغسلتة جلفت الكاونتر كلة جلف جلف

وكلساع تجي جميلة وتكلي عوفي البديج ما تكدرين ما تدري جانت بسعادو مشغلتني عدها مثل الخدامة السودة بالفار والبزون (توم وجيري)

شفت البيبان صارن يلمعن ولداخل يخزي ومركع ستغفرت الله جا تمامة وين جانت عنهم تكومني من النوم وتصج علينا بالشغل وتوكف فوك راسنا الا تشوف كلشي تمام

جا وين راحت عن هذا الوصخ خل تجي وتشوفة بعدني جاي احجي ودخلت هي

ايا طويلة العمر باوعتلي بطرف عينها وحجت::- شنهي هاي شتسوين

رفعت روحي ووكفت::- حجية الكاونتر صاير اسود من الوصخ والدهن رايدة انظفة

باوعتلي واجت يمي تكلب بالباب::- اي عاشت ايدج خوش منضفة

باوعت لجميلة فرحانة وجميلة ابتسمتلي انوب خلتلها كرسي بالمطبخ وكعدت وكالت::- فرغيهن فرغيهن هذني ما بس لو تكسر ماعون او بادية اكسر راسج

جانت مرة قوية ومن تحجي صوتها يرعد ويخوف انا خفت منها وكمت اطلع ماعون ماعون وبجذر

بديت اجلف بيهن ما كامت عني الا من شافتة يلمع

بعدها صعدت للفوك وعفت جميلة تركب الغدة نضفت غرفة ايسر وبخرتها لاكاني وانا طالعة وسادة الباب

عقد حواجبة مستفهم بسرعة حجيت حتى لا يسوء فهمي::- نضفت غرفتك وهاي ملابس ماخذتهن اغسلهن

خجل هو وكال::- لا عوفيهن انا اغسلهن

بعدت روحي عنة وباوعتلة بابتسامة::- لا انا اغسلهن وي ملابس الشيخ

ابتسم وكال هو منصي راسة::- شكرا

عفتة ودخلت للغرفتنا ونضفتها ومسحتها وغريت نزلة الجرباية وبخرتها وهم خذيت ملابس ثقيف ورحت للحمام ترست الطشت تايت وبديت اجلف بيهن

طلعتهن يلمعن سميت عليهن مثل ما معلمتني امي وشطفتهن ورحت للسطح شريتهن ونزلت اكمل باقي تنظيفي بالصالة نظفتها وخلصت

دخلت لجميلة حجيت::- جميلة هم عدكم مسجل

عقدت حواجبها ما فاهمة::- مسجليش

::- مسجل اريد اخلي بي قران

كرصتني من خدودي::- اروح فداوي للنادرات اي اكو عد ايسر صعدي وكليلة

هزيت راسي وصعدت دكيت الباب ع ايسر طلعلي والكتاب بايدة حجيت::- ايسر اريد مسجل اريد افتح قران

هز راسة ساكت وجاب المسجل وخلة بي فلم(كاسيت) وعلمني شلون افتحة ونزلت لجوة

دخلت غرفة الحجية هي صح حلوة واخشابها جديدة بس هوسة وما مرتبة طلبت منها تطلع برة وصدمتني من كالت

::- لا حبوبة ما اطلع واصلي برة وما استنضف الصالة

::- ليش حجية

::- ما ينضفنها عدل واخاف يبطل وضوئي ما اطلع لمجان هنا اصلي

كوة قنعتها ومن طلعت تفاجئت وارتاحت واخذتها زاوية تصلي بيها وهي تباوعلي فرخانة بية

كلش فرحت من شفت شلون يمجدون بشغلي اي احسن عاد هنا اكو من يمجد بيج يحييج ع شغلج هناك بسعادو شما اسوي تبقى ما راضية علية

الحجية بغرفتها عدها فرشات وعلين تور ابيض مثل الفراش مسويتهن بس جايات هيج وهيج

جبتلي كرسي من المطبخ والحجي تصيح وراي::- ول خايبة شنهي هذا شراح تسوين

::- ما عليج حجية الج الصافي كعدي صلي واندعيلنا وياج

::- ام لساين جا حلاتة ما طلعينا لابني بس يمي لسانج شحلاتة

ضحكت وانا ما فاهمة شي بس لان شفتها ختمت كلامها بضحكة فانا وياها ع واهس

فصعدت وياه الدرج ويباوع للممر دخل لايسر وانا رحت للغرفة وطبيت البخور لان صارت هواي ريحة بيها دخل هو

عيونة تفتر ع الغرفة واخرها اثتبتت علية ابتسم::- عاشت ايدج بوية هاي كلها انت منظفتها

ابتسمت وهزيت راسي تقدم تجاهي ووصل مقابيلي بالضبط

جنت اباوعلة بس من اتقرب كلش خجلت حيل ونصيت راسي ميتة خجل

سحب ايدي تحت استغرابي وقدمها لشفايفة وباسها!!!

باس ايدي وانا نصدمت شنو هاي شدايصير معقولة انا بحلم باس ايدي!!

من كد ما مصدومة سحبتها بسرعة من عندة!!!!

هو ما اهتم راح للكنتور طلع ملابسة صفنت هذا ليش ما يبدل هنا جان ابوي يبدل بغرفتهم هو وبسعاد حتى مرة شفتة دخل لامي وهي نزعتة ولبس كدامها

رحت اركض امنعة يطلع الغرفة ::- شيخ شيخ

وكف مستغرب احتجاجي::- ها بوية شبيج

::- هنا انزع

فتح عيونة مستغرب عقد حواجبة::- لا بوية بالحمام اريحلي

::- شوف شيخ ابوي جان يبدل كدام مرتة انا هسة مو مرتك ليش ما تبدل كدامي

تنهد::- زهرة مو حجينا عن هذا الموضوع وكتلج انتي بتي مو مرتي

::- بس انا مو بتك انا بت مامة وبابا

فرك وجها بقلة صبر وباوعلي بنظرة عتب وبعدها كال::- تعاي زهرة تعاي

رحت وراه هو يمشي كدامي وانا وراه ذب الملابس رفعهتن من الكاع وخليتهن ع جرباية هو يباوعلي بعدها ابتسم وجرني كعدني يمة

وبدون لف ودوران وجهلي هل سؤال::- زهرة انتي شتعرفين عن الزواج

صفنت ما اعرف ارد شنو يعني شتعرفين بعدها ابتسمت::- من نتزوج اروح من اهلي واجي اكعد هنا وانت صرت رجلي

صفن بوجهي بعدها دار وجها يستغفر حسيتة كوة يحجي غصبا علية::- اااا احم اا.. يعني اقصد ليلة الدخ**لة شتعرفين عنها

عبالك شلون الطفل من بالمدرسة ويجاوبو ويفرح من بسرعة يرد حجيت بسرعة::- من تجي انزعك جواريبك واغسلهن واغسل ملابسك وهذا هو

صفن بوجهي مصدوم بعدها ابتسم وحجة بصوت هامس بس انا لان كاعدة يمة سمعتة::- اشتعلت صفحتك سلام ما فكرني غيرك كتلي عسل مو من طاح حظك يا كو**اد

بعدها خطرلي سوال::- اكول شيخ

::- كولي

::- انت سنة لو شيعة

::- احنا مسلمين بوية كل سوة سنة وشيعة

حجيت بملل::- يعني اكو سنة وشيعة ومسلمين هم

ضحك::- ولج كلنا مسلمين اقصد ول خايبة بعد شوي اكعد هين الكاج مطلعتنا من الدين

ضحكت::- يعني السنة والشيعة ثنينهم مسلمين

::- باباتي ماكو سنة وشيعة كلنا نموت وكلنا نتحاسب وكلنا سواسية

هزيت راسي::- يعني الله ربكم ومحمد نبيكم ..

اريد اكمل وتوقفت اباوعلة هز راسة منتظرني اكمل ابتسمت ونطلقت::- وعلي امامكم

هز راسة ونفخ بفرح::- اي هيج بوية بس رحمة لذاك الاب الطيب لا تجيبيلي سيرة سنة لو شيعة كورعتي راسي بهل سؤال

راح يكوم وياخذ الملابس::- زين شيخ

غمض عيونة بقلة صبر والتفتلي مبتسم::- ها بوية

::- شيخ اريد اشوف نتيجتي حباب شيخ كول لهلي يجيبوها وانا اروح لهلي اخذها

صفن بوجهي وكال::- انشالله بوية

مشة شوية وكلت::- شيخ

التفتلي مو بزعان وانما طالعة روحة بس كل هذا يبتسم??!! ما حسسني بيوم اسئلتي تافها::- كولي

::- شيخ بدل هنا انا راح اروح انزل لجوة

هز راسة وانا طلعت من الغرفة لاكاني ايسر ودنك يستحي مني ركضت وراه::- ايسر

التفتلي::- تفضلي خوية

::- غسلتلك ملابسك هسة بس يطكهن شمس روح اخذهن لا يطيرن

هز راسة مبتسم::- مشكورة خوية

هزيت راسي ساكتة حجيت::- انت يا صف

::- صف اول متوسط

حجيت بزعل::- انا لو جايبة نتيجتي جا هسة هم صف اول متوسط

ابتسم وهز راسة صاحتلي جميلة من جوة::- زهرة كولي للشيخ خل ينزل يتغدة

بعدنا بنص الدرج همهمت بسرعة ردت اروح اصيحلة وفتحت الباب وانصدم من المنضر الي كدامي يبس بية حتى الدم وتجمدت بكاعي حجيت بخوف::- هايييي شننننوو!!!!
........يتبع

الـنـهـايـة 🌚❤️

الفاتحة ع روح المرحوم عبد ابن هدية يرحمكم الله💔💔

اقرو الفاتحة واهدوها لروحة واكون ممنونة منجن 💔

الي يريد حسابي هنا موجود الرابط مالتة 👇 بصفحتي الشيخصية ع واتباد

دمتن في حفظ الله 🥺❤️

اححبجن❤️