جواد.گاعد بالديوان وصاحلي ابو خطيبتي
ابو اميره.شلونك بويه
جواد.تمام الحمد الله
ابو اميره.بويه انت لا ضل معلك بنتي ما تريدها گلها ما اريدج
جواد.شنو مناسبه هل حجي ليش اني شسويت الها
ابو امير.ما سويت شي بس البنيه جاي تشكي مالك خلگها وتحسك مجبور عليها
استغليت الحوار وستفزيته مثل ما گال عامر اذا ماكو سبب نطلع احنه السبب
جواد.افهم من هاذ حجيك تريدني اگعد اغازل بنتك
ابو اميره.شهل حجي بويه تره عيب
عامر.ولله العيب هوه الحجي الي جاي تحجي انت هسه رجال لا يمكم ولا يم بتكم جايه بنتك تتشكه شكو هاي من اابدايه وما مسويلها شي وهيج جا بعدين اذا يزوجون وتصير بينهم مشاكل شلون
التفتت عل عامر يحجي بعصبيه وقله ادب هاذ مو طبع عامر عرفته يريد يخرب وقررت امشي ويا كفو خويه هههه
ابو امير.تره الموضوع ما يستاهل هيه البنيه اجت گالت احسه مغصوب علي
جواد.لا مغصوب ولا شي بس اني ما احب هاي سوالف الخطوبه وطبعي عسر وكلشي عندي يمشي بالقوانين وهاي اول مره واخر مره يصير شي وبنتك تطلعه المره الثانيه طلاك
ابو اميره.لا بعدين ولا شي اني من هسه ح اخصمها لان الضاهر انتو ما ينعاش وياكم هاي بالبدايه وهيج ع گوله اخوك باجر تتزوجون وتصير مشاكل شلون
عافنه وراح واني طرت من الفرحه وعامر مثلي اذا مو اكثر
جواد.سمعت عامر راح يخصمها
عامر.سمعت مبروك
جواد.خاب مو هسه تباركلي انت بس ادعي كون ما يغير رئيه
عامر. نشالله يارب ههه
حضنته واني اضحك حسيت شويه امل وكفت سياره اسد ونزلت بنيتي شكد احبها بس ناويلها على نيه خ تصبرلي نزلت بسرعه راحت للبيت اجه اسد يمنه
اسد.حضنوني وياكم خالكم ناقص حنان
عامر.يييع
اسد.وحمس عليمن يييع حاضن طلي غير اني خالك
عامر. ما احب الحضن
اسد.لا ولله جا منو توه حاضن اسد الي يشوفكم يگول اثنين بشهر العسل غصبا عليك تحضني يلله
حضنه واسد يضحك
اسد.يي هيج صير مطي من البدايه يلله جواد تعال احضني انته
جواد. تعال شعدنه نضل نحضن لصبح
تشاقينه شويه ودخلنه واني احس نفسيتي تغيرت فرحان
""""
شمس .شمس بالصالون جاي تسويلي مكياج وطبت علينه نرجس تصيح
نرجس.ها اجيتن وعفتني همزين احمد وصلني يا جلبات
ام الصالون.عيني صوتج صالون هاذ مو سوك
نرجس اگلج مدام صالون اكيد عندج ديجي
ام الصالون.يي
نرجس. جا ما تشغلينه شمنتضره
ضحكنه كلنه شغلت الديجي وضلن سمر ونرجس يركصن كملت مكياجي وگعدت سمر بمكاني اني ركصت ويه نرجس كملت سمر نرجس گعدت بمكانها وسمر اجت تركص وياي هههه
خلصنه مكياج واتصلت على عمو اسد
اجه علينه صعدنه اني وسمر وره وصعدت نرجس بالصدر التفت على نرجس گلها
اسد.انتي اي وحده بيهن
نرجس. اني نرجس
اسد.ونتي
شمس.ههههه اني شمس
اسد.وهاي الثالثه اكيد سمر
سمر.ههه يي
اسد.الله لا يوفقج يا ام الصالون على هاذ الغش
متنه ضحك مشينه وصلنه البيتنه نزلت شفت اسد حاضن عامر ويضحك
اسد.شبي هاذ خبل مره يضحك ومره يمشي ويعارك المهم بنات تنزلن بسرعه منا ناس
نزلنه وبسرعه دخلنه للبيت دك وركص اشويه واجت اطياف وجها اصفر گعدت وسكتت ما بيها تركص وكل شويه وتركض للحمام تتقيء
"""""
سمر وضع اطياف كلش معاجبني رحت يمها وسئلتها
سمر.شبيج اطياف
اطياف.سمر اريد اگلج شي بس خلي بينه
سمر.احجي خوفتيني
اطياف.اني شاكه بنفسي حامل
سمر.صدك يمه فدوه يااااااي
اطياف.وجعاي فضحتيني خلي اتاكد بالاول
سمر.شلون تتاكدين
اطياف.اريدج تجيبيلي تحليل حمل من الصيدليه
سمر.هاذ هو باجر اجي وجيبلج وياي
اطياف.ماشي امشي خلي نروح يمهم
"""""
شمس صاحلي حمزه اكويله ملابسه صعدت اكوي ولگيت الغرفه مزبله بين الكوي والتنضيف نزلت لگيت الك طالع بسرعه رحت الغرفتي عدلت مكياجي ولبست البشت والحذاء طلعت لگيت السياره ما بيها مكان ضليت واكفه صاح جواد ما تصعدين مو منا عالم
شمس.وين اصعد ماكو مكان
جواد.تعالي
صعدنه بسيارته ومشه
شمس.ومحد يجي ويانه
جواد.لا
مشت السياره وهم عبرونه بهواي جواد يمشي بطيئ كلش استغربت
شمس.جواد امشي سريع ليش بطيئ ح يخلص العرس ونت بعدك مواصل
التفت علي وضربني راشدي تفاجئت
""""
تسواهن. احلا يوم بحياتي خلصت مكياجي واگفه بقاعه الانتضار منتضره ياخذون مني الماسكه حته ينطوها المراد ويدخل وهيه بيده بس تفاجئت من دخل مراد وبيده باقه ورد طبيعيه
وصل يمي ونطاني ياها مديت ايدي حته اخذها اخذ كف ايدي وباسها بعدها تقرب مني حضني صار وجهي بصدره لان هوه اطول مني بهواي نزل على اذني وگال بهمس
مراد.اخذتج صرتي الي مالتي غصبا عليج وعلى ابن عمج وعلى الضروف حلالي صرتي
خجلت من البنات الواكفات ويصورن وهو ولا يمه باس جبيني واخذني من ايدي ومشينه للسياره طول الطريق اصدقائه ولد عمه يركصون ويجون يم سيارته يسووله حركات وهو ابد بس يبتسم حيل ثگيل ورزن شخصيته خياليه ضعت بي وبتفاصيله انتبهت علي لابس قاط رسمي اسود وقميص ابيض ساعته البراند عطره فكه الحاد حواجبه المطبوكات شواربه كلشي بي حلو وصلنه للقاعه وصارت دخوليتنه حلوه گعدنه على الكوشه شويه وطلع مراد وبده الركص اجت يمي اماني بت خاله
اماني.مبروك اخذتي
تسواهن.شكرا
انطتني نضرات حسيت من خلالها تگلي انتضري الجاي اسود ضليت اباوع عليها گعدت على وحده من الطاولات گلبي ممرتاح الها
"""""
حمزه. احبها احب تسواهن يي احبها واموت عليها بس اكتشفت هيه تحب مراد شفتهم من طلعو سويه بعرس امحمد. وعرفت بعدها بينهم علاقه حب قديمه ليش يربي ليش زرعت حبها بگلبي وهيه اصلا تحب اخوي من وقتها تغيرت ما صرت اضحك وسولف بيوم خطوبتهم واكف على اعصابي وصبر روحي هاي مرأة اخوك صارت خلاص حمزه طلعها من دماغك بالعرس ما تحملت رحت الصديقي وابجي حضني وضل يصبر علي. گال انت لازم تروح للعرس حته محد يحس عليك رحت واني مطايق نفسي شفته من نزلها من السياره تمنيت اني شلون راح اتحملهم وياي بالبيت وهم سويه اعرف هيه مو حقي اني ما الي حق بيها حبيتها بعد ما حبها مراد واصلا هيه تحب مراد ما تحبني بس شسوي الگلبي ااااخ ليش هيج
"""""
اطياف.گاعده بالعرس واجت يمي عمتي
گالت بصوت ناصي ها دخلتي البيتج البارحه
ما رديت عليها بس حيل ضجت شلون هاي المره ما راح تحل عني سكتت شويه وگالت لو يضل اهر يوم بعمري اطلكج من محمد
باوعت علبها واني محتاره ليش هيج تسوي شسويت الها اني رحت للحمامات وضليت ابجي شويه ودخلت شمس للحمامات بسرعه صدك شمس وين جانت شافتني ابجي بسرعه اجت حضنتني وتبجي وياي بصوت عالي ما عرفت شبيها