غَيْهَبَان
بقلمي ساره الشمري
لا تنسون تصويتكم ⭐ وتعليقاتكم ♥
اذكروا الصلاة على محمد وآل محمد
للأجر لي ولكم استغفرالله ربي واتوب اليه
سبحان الله
الحمدالله
لا آله الا الله
الله أكبر
خانني الكل وما خان فؤادي الأمل... أحمد مطر.
في 20 آب 1988 انتهت الحرب العراقيه الايرانيه بعد دعوات مجلس الأمن لوقف إطلاق النار. انتهت الحرب بقرار مجلس الأمن رقم 598، الذي قَبِلَهُ الطرفان. في نهاية الحرب، استغرق الأمر عدة أسابيع لانسحاب القوات المسلحة العراقيه من الأراضي الايرانيه والقوات الايرانيه من الاراضي العراقيه كلفت الحرب كلا الطرفين خسائر بشرية واقتصادية: نصف مليون جندي عراقي وإيراني، مع عدد مماثل من المدنيين، يعتقد لقوا حتفهم، وعدد أكبر من الجرحى؛ رغم ذلك لم تجلب الحرب أي تعويضات أو تغييرات في الحدود.
(( ملاحظه// يذكر ان يوجد اشخاص موجودين في الحكومه الحاليه خونه كانوا يحاربون مع الجيش الايراني ضد الجيش العراقي وكانوا يستغلون الجنود الابرياء من الجيش العراقي ويأخذوهم اسرى للجاره الارجنتينيه منهم من قتل ومنهم من تأسر وبالنهايه كوم حجار ولا هل جار خل نرجع القصتنه احسن مااطلع رون سايد ويجون الذيول يكمزون فوك راسي))
ام قاسم :- حجي الولد حابها ورايدها لا توكف بطريق سعادتو لا تعارض زواجو.
الحجي :- لااااااا يعني لاااااااا على جثتي قاسم يتزوجها انا تالي عمري ابني يتزوجلي وحده مشلتحه ليل نهار وما تحط شيله على راسها.
قاسم :- لا يبه محجبه واي شرط تحطو عليها موافقه.
الحجي :- دام خشمي يشتم الهوا يا قاسم اخت حكيمه ما تصيرلك مره واذا اخذتها اتبره منك ليوم الدين.
قاسم :- يبه فدوه رحتلك لا تكسر بخاطري وگلبي الحابها لا توج بيه النار.
ام قاسم :- حجي فرح ابنك ووافق عليها ما تشوفو شلون حابها وروحو مفرفحه عشگ لا تكسر بخاطرو انت ابو گلب الجبير الي تسوي كلشي للوادم ليش توكف بطريق سعادة وليدك.
الحجي :- اني كلت كلمه وما تثنى قسم ما تصير مره القاسم لو على كص ركبتي.
علياء :- انقهرت كلش على اخوي قاسم ووجهو احتقن من القهر وحاط ايدو على گلبو حسيت بكسرتو وقهرتو النار مشتعله بصدرو وكل مره يحجي بيها ابوي يسكتو وما ينطي مجال يحجي كسر گلبي لمن گال راح تروح مني.
قاسم :- يبه لا تحرمني منها والله راح تروح مني لا توكف بطريقي وتعارض.
الحجي :- تريد تركب راسك مثل اخوك راح وتزوج بدون موافقتي والله ما تصيرولي ولد.
علياء :- انتهى الجدال لهذا اليوم وبقت الايام تمشي جنه بالمطبخ واكفين انا ولمياء وشيماء فجئه شفنه اخوي قاسم اجه صارلو شهر ببغداد ومن بعد حجيه ويه ابوي مادخل للبيت بس هل مره طب علينه سلمنه عليه.
قاسم :- سووي جاي عدنه ضيف.
علياء :- هلا بالضيف خويه ماكتلي منو؟
قاسم :- وكعت على شيخ العشيره وكلتله على الوضع وقبل يجي وياي عسى ولعل ابوي يستحي منه ويقدره ويوافق على زواجي.
علياء :- هنيالها لقسم على حبك ومحاربتك علمودها.
قاسم :- باابتسامه تستاهل كل تضحيه.
علياء :- الله يفرح گلبك خويه ويبرده ويطفي ناره.
قاسم :- بستها براسها الله يحفظج النه لبوتي.
علياء :- كعدوا يم الشيخ واحنه نتسمع من وره الباب ومع الأسف ابوي فشل قاسم وشيخ عشيرتنه طلع من عدنه زعلان وماخذ على خاطرو لان ابوي مااحترمو ولا قدر كبرتو رجع قاسم للبيت وصار العياط والرزايل عليه وعلينه وگلبها گلاب وكل يوم كاسر گلب قاسم برفضو محد يعرف سبب رفضه اذا جان على اللبس فالبنيه تغيرو لأجل قاسم والي فهمتو من كلام قاسم ان البت مستعده تسوي اي شي لخاطرو بس ابوي راكب راسو ومعاند لان كلنا نعرف السبب الحقيقي ان ابوي جان يريد خالتها لقسم وتقدم الها بس شاءت الاقدار ان تموت بحادث قبل زواجهم بااسبوع ومن ذاك اليوم لهل يوم هو راكب راسو وما يريد منهم بس ليش يكره قسم هل شي ما نعرفو قاسم ما بطل صار كل يوم وكل شهر يجيب شيوخ حتى من البصره وبغداد وكالعاده يجون وابوي يفشلهم ويرحون خلال هاي الفتره قاسم تعب كلش هواي بس بقى الأمل بداخلو.
قسم :- من سنه وقاسم يحاول ويه ابو ومااقتنع وهساعين نحن بنصف سنة،1989 والحال نفسو ما تغير شي غير الصحه تعبت وتمرضت ونمت بالفراش ومااكدر اتوقع شنو الي راح يصير بالمستقبل تركت دراستي لان قاسم كال ابوي ما يقبل بطالبه كلت دام احبو ويحبني وتعب بكثر الناس الي وداها الابو علمودي اني هم اجازف بحلمي لخاطرو بيوم قاسم اجه يريد يشوفني وانا مالي خلك وتعبانه ما كدرت اصعد للسطح تالي ما قصر شويه وسمعت دكت الباب وامي ترحب بي ودخلته للأستقبال لان هو من نسابتنه وعادي يجي ويدخل عدنه اجتني امي للغرفه.
ام طارق :- كومي يمه الولد متعني من درب بعيد وجاي يشوفج فشله من عندو.
قسم :- يمه خاف طارق يجي.
ام طارق :- لا يمه قابل راح اطولون انا لو ما اعرف قاسم ونيتو وتعبو ما اكلج روحي واكعدي يمو.
قسم :- عدلت ملابسي ورحت لعندو وكعدت ورحبت بي انا كعدت بجهه وهو بجهه بقينه واخذتنه السوالف والضحك وماادري شديصير بره.
فاطمه :- جنه واكفين انا وعمتي ام طارق بالمطبخ وخايفين ومتوترين خاف احد يجي ويشوف قاسم هنااحنه نسمع ضحك قاسم وقسم بس نصدمنه من فتحة الباب وطب علينه طارق وبقينه انا وعمتي وحده تباوع بوجه الثانيه وما نكدر نروح ونخبرهم حسيت راح اوكع من طولي وابني راح يجي قبل وكته من الهبطه.
طارق :- هاي منو يمنه اسمع صوت رجال يمه شكوو منو هذا وكاعد ويه قسم شديصير هناااااااااا.
ام طارق :- يمه فدوه اروحلك بس اسمع خل افهمك.
طارق :- شتفهميييين يمااااااا من هذا الكاااااعد ويه قسم.
قاسم :- انا...
طارق :- لزمت قاسم من ياخته يووول شتسوووووي هنا وكاااعد ويه اختي احجييييي.
قاسم :- انا احبها واريدها.
طارق :- حلم ابليس بالجنه ماازوجها لأي بشر.
قاسم :- عجل تريد تزوجها ال......
طارق :- ازوجها للي يعجبني ما الك مره يمنه.
قاسم :- والله اموتها وما تصير لغيري.
قسم :- صارت مشاحنات بين طارق وقاسم وانتهت بطلعة قاسم من البيت وركع الباب وراه والتفت علينه طارق وحرك البيت حرك بغضبه وعصبيته كل هذا وما مد ايده عليه ولا استخدم العنف صح عيونه تحجي حجم الغضب الي وصله بس اكتفى برزالة فاطمه وامي وعصب عليهن كلش.
طارق :- شلوووون تقبلن ادخلنه لهنا عيب عليجن هيجي تتصرفن ما استحيتن لو احد شافه شيكول علينه احنه شنو هنا ما عدنه غيره استغليتوا غيابي وادخلنه براحتجن شكول وشحجي كل الحجي والعتب ضايع وياجن.
ام طارق :- يمه بالحلال رايدها الولد انطوها ولا توكف بطريقهم.
طارق :- ماانطي ثنين خوات الاخوان وبعدين تصير مشاكل لا وفوكاها بالريف.
قسم :- ابوي ياخذ القرار عني وعنك ومن ينزل هو الي يقرر.
فاطمه :- مر كم يوم وصلت الاخبار الحكيمه واجتي هادوده علينه وعلى قسم شلون تحبين اخو جويسم وذبت اللوم بينه انا وعمتي.
حكيمه :- هي مصكوووعه انتن شبيجن يمه من كل عقلج تنطيها القاسم.
ام طارق :- على الاقل خوش زلمه ويدير باله عليها ويحطها بعيونه والاكثر من هذا حابها وعاشگها وديسوي المستحيل علمودها شبي ما عاجبج.
حكيمه :- اسمعي يمه تره اني ما عليه بيها اذا تزوجوا لا دكولين اختج ويمج واطبخي واشتغلي بمكانها مشكلتها هي تتحمل.
ام طارق :- ول هي هاي خوتج من هسه تبريتي من اخيتج.
حكيمه :- انا ما عليه بيتي وحدي وتدرين بعمي ما يخلي جنه تطلع اني وبلكوه لان انا يكرهني وما يريدني وكلعنه بليله كشره وبركبتي كوم جهال.
قسم :- من ادز عليج واكلج ساعديني ذاك الوكت احجي وبعدين من شوكت صايره تهتمين لمصلحتي ومن شوكت صايره تخافين عليه يا يوم سألتي عليه ول حتى من تمرضت ما جيتي ولا سألتي هسه جايه وتردين مصلحتي.
حكيمه :- تحملي اليجرالج من عمي لان راح يطين عيشتج.
قسم :- من اشوف قاسم انسى الطين.
حكيمه :- لا حيل تتحملين 30 نفر انتِ شايفتهم شكد ول بناتهم ليل نهار يمهم.
قسم :- ما عليج حياتي وحره بيها اختياري هذا.
فاطمه :- بعد الكلام الي دار بين قسم وحكيمه طلعت حكيمه وهي تهفي بعباتها زعلانه ومو راضيه بهل زواج كله.
علياء :- قاسم ما بطل وبقى كل يوم يجيب شيوخ وساده ويتوكعون على ابوي في سبيل يوافق ولكن بدون جدوى تعب اخوي هاي الفتره وصارت بس الجكاره ونيسه الي ما تفاركه ابد باوعتله بقهر وانا اشوف صار طريح الفراش والقهر والمرض اخذه وامي تبجي على حاله انتكست حالته كلش واتخربط اجوي اخوتي اخذوا ونقلوا للمستشفى وابوي تخبل عليه من شافه بهل حال وانقهر عليه.
الحجي :- يبه بس كوم على حيلك ادوس على كلامي واخطبلك الي تريدها شتريد على السانك اطلبه وانا انفذ مااريد ادحكك بهل وضع كوم يا بويه.
قاسم :- بصوته التعبان وجسده الهزيل بسبب المرض بويه اريدها جيبولياها اريد اشوفها فدوه راح تروح الغيري واذا صارت الغيري اموت.
الحجي :- صار يا بويه.
علياء :- بعد معانات مرت اشهر وسنين ابوي وافق على خطبة قاسم من قسم واليوم راح يروح لأبوها ويطلبها منه جان واكف بغرفته ولبس دشداشته وعباته وعكاله بس وجهه ما يكصه الطبر على خشمه رايح يخطب قسم توكلوا بالله وطلعوا هو وعمامي واخوتي وراحوا لبيت اهل قسم.
قسم :- اليوم يجون اهل قاسم وامي وفاطمه ديحضرون الظيافه واني كاعده بغرفتي واكل بظافري من التوتر والقلق ماعرف شنو الي ديصير خايفه وخوف مو طبيعي والي عرفته من مخابرة قاسم ان هو مريض وما يكدر يجي شويه وسمعت هوسه وترحيب ابوي واخوي طارق بيهم طلعت يم امي وفاطمه ها شصار؟.
فاطمه :- هسه دخلو شكلج مستعجله خيه.
قسم :- اتدني عليه خيه.
فاطمه :- ها يول شصاير؟
قسم :- خايفه من طارق وردة فعله.
فاطمه :- لا نسبق الاحداث خلينه نشوف شراح يصير.
قسم :- رحنه انا وفاطمه نتسمع من وره الباب وبدأ الحديث ابو بس حسيته غصب عنه يطلع الحجايه.
ابو قاسم :- خويه ابو طارق انت تعرف سبب زيارتنه وانا جدام الوجوه الخيره جاي ومتعني من درب بعيد واطلب ايد بنيتك الصغيره لابني قاسم وانت تعرف قاسم وشغله وتفاصيل حياته الباقيه.
فاطمه :- بعده ما كمل كلامه وطفر طارق وحجى قبل لا يحجي عمي.
طارق :- جيتك على راسي حجي بس ما عدنه نسوان للزواج.
قسم :- ابو ما لح بالموضوع وحسبالك منتظر الرفض من زمان طلعوا وابوي تعارك ويه طارق لان ما احترمه كدام الناس وبسرعه انطاهم الرفض.
علياء :- جنه كاعدين يم قاسم و كلنه متوترين وننتظر ابوي يرجع تأخر وللمغرب دخل علينه كام قاسم وهو تعبان يبه بشر شكالوا.
الحجي :- بس خليتني اروح واتعنى الهم واخذ الوجوه الخيره علمود اتفشل وما ينطون مره.
قاسم :- شنوو ما ينطون شهل الحجي بويه.
الحجي :- الي سمعتوا انساها وانا اخطبلك احسن واجمل بت بالعشيره.
قاسم :- مستحيل استسلم قسم الي الي وما تصير الغيري اسويها دم للرجاب واخذها من حلگ السبع.
علياء :- مرت فتره وقاسم تحسن وضعه الصحي واليوم طلع من الصبح وما نعرف وين راح وعند منو.... للعصر دخل وعيونوا تلمع من الفرح والابتسامه شاكه وجهه وكأن مالك الدنيا او ربحان جائزه ثمينه وقيمه.
قاسم :- يــــمــــــه..
ام قاسم :- الله ينور وجهك ويديم السعاده عليك كول يبعد امك.
قاسم :- يمه هلهلي ابو قسم وافق وكال جيب اهلك وناسك وتعال اخطب .
علياء وام قاسم :- كلللللللللللللوووووووورش.
ام قاسم :- شايف كل خير يبعد امك .
جاسميه :- وتاخذلك طالبه منو يهتم بااكلك وبملابسك هاي اذا تعرف تشتغل وهي بت عز ودلال.
علياء :- انا ولمياء نهتم بااكله وملابسه اهم شي يعيش بسعاده ما عجبها الوضع فاتت من يمي ودتطلع التفتت عليه غمتني ومشت مصكوعه هاي مو طبيعيه.
ام قاسم :- لا تهتم يا يمه مو تدري بااختك تغار وعيونك اله اخليها تصير مره سنعه بس تجي يمك والله ولا نعوفها انا والبنات نعلمها على كل شي اهم شي فرحتكم.
الحجي :- زواجك يتم بس بشروط.
قاسم :- كول يبه شنو شروطك؟
الحجي :- تلبس شال حالها حال بنياتنه وتلبس تنوره طويله.
قاسم :- صار يبه.
قسم :- كعدت الصبح غسلت وجهي ورفعت شعري وفاطمه وامي مجهزات الريوك كعدنه كل احنه تريكنه وكملنه وشويه واندكت الباب راحت بسمه تفتحها واني رحت الغرفتي مالي خلك اي شي شويه واجتي بسمه تركض .
بسمه :- خااااااله .
قسم :- شبيج يول شنو هل ركض.
بسمه :- عميي قاسم هنا كعد يم جدي والله شكله عمي ما يستسلم .
قسم :- ادعيلي بسمه فدوه والله بعد مااتحمل تعبنه كلش تعبنه بعد ما بيه حيل.
قاسم :- عمي رايدها منك دخيلك لا تكسرني اكثر تعبت وحيلي باد وما عندي بعد طاقه اتحمل بيها فرحني بيها اترجاك.
ابو طارق :- تشلع عيوني وتاخذها وما عليك بطارق جيب اهلك وناسك واخطب واذا تريد لا تجيبهم احنه اهل .
فاطمه :- تحدد موعد خطبة قسم وجان الكل ناوي على حفله لخاطر التعب الي تعبوا بقينه نركض وما ملحكين اجه يوم الخطبه وقاسم سد الشارع من الطول للطول بالناس الي جابهم بالمشيه ما ترك شيوخ ووجهاء المحافظات وساده ما ترك احد يعتب عليه البيت صار ماكو محطة رجل طبن النسوان وامه وخواته ووحده منهم ما عاجبها الوضع وبس رافعه بوزها.
تماضر :- تهي بهي المشلتحه اجوها شيوخ وساده من جميع المحافظات.
خوله :- يول انتبهي على هاي الي رافعه بوزها وخشتها عبالك هبل.
تماضر :- هههههههه غيرة نسوان.
خوله :- قروا الفاتحه وتمت الخطبة واجه قاسم كعد يم ملاكه قسم طالعه تجنن بمكياج بسيط وهي بيضه والعيون ملونه ووساع وقاسم ما يقل عنها بوسامته واخلاقه العاليه جانت فرحتهم ماليه وجوهم وعيونهم مدمعه من الفرح بعد تعب نالوا الي رادوا وهاي المره تباوعلهم ورافعه بوزها وما عاجبها العجب بس قاسم خزرها خزره خلاها تخلس وتبطل نظراتها الحقوده الي عرفته هاي تصير اخت قاسم الجبيره وعايشه وياهم هي وزوجها واولادها خلصت الخطبه والكل راح لبيته وبقينه نعزل وننظف وقاسم ماجذب خبر اخذلو يومين واجه اخذ قسم وامها وابوها وراحوا عقدوا بالمحكمه وصارت زوجتو بالشرع وبالقانون.
قسم :- مرت الايام وفطوم بطنها كبرت وصارت تمشي مثل الركيه وهي كارهه اكل البيت وما تتقبله والجيران كلهم يعرفون بهل شي من طيبتهم صاروا كل يوم الطبخ على بيت من الجيران ويجيبوا الها ما قصروا ووكفن وكفة الاخت الاختها ومكيفين بيها وفطيم تتذمر على طارق واحنه نضحك عليها وخاص من تتوحم تحير شتحجي على طارق بيوم كاعدين وتخربطت ونفسها كامت تلعب وعاطت بي.
فاطمه :- سوالفك كله من وراااك وصلتني لهل حال اني شورطني شطلعني بذاك اليوووم.
قسم :- حضج حبيبتي حضج طلعج بذاك اليوم.
فاطمه :- شسويت بيه طارق يرضيك هل شي حسبالك بالعه ركيه وامشي والله اني اعلمك بس اجيب اله اذبها عليك واروح الأهلي خربت جسمي.
طارق :- غير ازرع بذرة حبي بيج ترديني اروح الغيرج.
فاطمه :- عوزك والله نوب تسوي بيها مثلي انتو ما عندكم رحمه اشتعلت صفحتك طاااارق.
خوله :- مرت فترة خطوبة قسم واليوم راح نجتمع ببيتهم ونبات عدهم اني وتماضر.
بسمه :- تجمعنه بالليل اني والبنات وجبنه جباسه وتوتو وببسي وحب عين الشمس وكعدنه نسولف ونضحك وسوالف تماضر الي ما تخلص.
تماضر :- ول قسم يعني هاي هي راح ترحين هناك والله شنو شغل وطبخ ونفخ وخبز ودلال امج كله يروح هيجي والله شنو كله لخاطر ابو غمزه ولمزه.
بسمه :- وشلون راح تجرعين سوالف امي وبساميرها والله خطيه اكلج بطلي ولا تتورطين دامكم بعدكم بالبدايه.
ام طارق :- يولووووو مو هو لعب جهال وتبطل والشيوخ الي سدو الشارع والمشيه تسوه خلقتها بهذلت الرجال تبهذل وهسه تريدنها تبطل.
قسم :- لا يمه بعد التعب التعبناه ابطل عافتنه امي ومشت والتفن عليه فاطمه وتماضر وخوله وبسمه مثل الشيطان من يلتف بعقل الانسان ويباوعلي بنظرات ول شبيجن تباعن هيجي خوفتني.
فاطمه :- روحي سوي بي مقلب.
قسم :- مقلب والتفتت على تماضر الي صارت تحجي وتخطط.
تماضر :- روحي انصبي عليه وكليله اني بطلت وما مستعده اعيش بالريف وما اريد اضلمك ويايه لان اني لا اعرف اطبخ ولا اعرف اخبز.
قسم :- الصراحه عجبني انصب عليه واشوف ردة فعله شنو وره يومين جان موعد نزوله اجاني مباشرة بزيه العسكري وسلاحه بخصره استقبلته وسلمت عليه ودخلته للأستقبال ودخلت وراه والبنات يأشرلي علمود المقلب طبعاً عرفن نزوله اليوم واجني من الصبح علينه واجتمعن عفتهن وره الباب وطبيت قاسم كعد واني كعدت بعيده عنه.
قاسم :- ليش كعدتي بعيد عني شكو شصاير ليش زعلانه ووجهج ما يكصه الطبر والله ما نسيت التوتو وجبته وحتى جبتلج احلى شغله راح تحبيها.
قسم :- مااكدر اكمل وياك قاسم اعذرني والله ما مستعده لهل شي بعدني ما مكمله كلامي مااحس اله سحب سلاحه وحطه براسي.
قاسم :- عيددددديييي كلمه وحده من الحجيتي اذا ما فرغته براسج فلا اتسمى بااسمي ولا تخافين الحكج ما اعوفج وحدج اموت وراج.
تماضر :- بسرعه دخلنه عليهم كلنه والله هذا مقلب هاي سوالفنه بشرفك نزل السلاح.
خوله :- بسرعه التفت علينه قاسم ونزل السلاح من قسم وجانت كلش خايفه منه باوع على تماضر.
قاسم :- هاي سوالفج الخايسه اله ازوجج واخلص منج بسيطه.
تماضر :- باقيه على گلبك.
قسم :- بزعل گلبك ينطيك تصوبني.
قاسم :- ها كيفتن هسه من زعلت عليه.
تماضر وخوله :- عادي زعل حبايب هسه تراضيك بعد الحجي وياها تراضوا .
قاسم :- دحكت خوله وتماضر بعدهن واكفات خير شكو واكفات شمعات فكر يلا ولن عزلنه بس والله ماافوتها الجن انا تزعلن عليه قسم بسيطه اني الجن يلا برررره وسدن الباب زين وراجن.
تماضر :- طلعنه وعفنه طيور الحب وحدهم.
قسم :- شنو بالعلاكه.
قاسم :- جبتلج شال ويايه.
قسم :- تريدني اتحجب؟!!
قاسم :- اسمعيني حبيبتي اعرف انتي تحبين شعرج وما تحبين الحجاب ومااريد اجبرج عليه بالأول والاخير هي قناعتج بس انا ماريد احد يدحك شعرج غيري ادري انتي تحبين تبقين بلا شال بس جديات يلوكلج واني واثق هواي انتي حطلعين ملاك بعيوني. وبعدين ميصير اصلين وانتي ممحجبه يصير تواجهين الله بدون شال؟
قسم :- لا طبعاً ما يصير اصلي بدون الحجاب.
قاسم :- عجل محد يستاهل اتشوفينو شعرج وما يصير بس بفروض الصلاه تتحجبين وانتي من تكملين الفروض الواجبه واطلعين كدام الناس بدون حجاب وملابس قصيره هل شي الله ما يرضى بي. صدكيني ما أريد اجبرج واريدج تتحجبين عن قناعه.
قسم :- خوش افكر بهل موضوع اخذت منه الشال جان لونو ابيض وبي بالحافه ورد نيلي الصراحه عجبني دحكت القاسم وعد البسو بس اقتنع ابتسملي و بقينه كاعدين نص ساعه وكام ترخص وطلع العبد وانا رحت اخذ شور البنات.
تماضر :- خير بالج وين؟
قسم :- بنات قاسم يريدني اتحجب شدكولن؟
خوله :- مدام تحبي تضحين بكلشي علموده.
تماضر :- هو ضحى الج بهواي امور ووصل للموت بسببج.
فاطمه :- تره هو يريد جمالج بس الو اتحجبي.
قسم :- بعدم اقتناع ودعت البنات رجعن لبيوتهن وانا دخلت على امي وابوي وانا متخذه قراري النهائي صح قاسم ضحى علمودي وانا كبرت ولازم اتحجب وارضي ربي وما يصير اصلي بدون حجاب عجل ليش اطلع بدونو شيطاني شاطر كلت الاهلي اني راح اتحجب كلش فرحوا وامي كامت تهلهل.
ام طارق :- اكيد قسوم كالج تحجبي.
قسم :- لا اني اريد اتحجب.
قاسم :- عببببد.
عبد :- هلا خويه الحمدالله على سلامتك.
قاسم :- الله يسلمك خويه يرضالك خوله وتماضر يزعلن قسم عليه.
عبد :- ههههههههههه ها لازم وكعت بمقالبهن؟
قاسم :- اي والله وكعني.
عبد :- ما تشوفني لحد الان ما متزوج من وره سوالفهن والله يوكعنك بداهيه هن جانن ثلاثي صارن خماسي شيحملهن.
قاسم :- نصيحه زوج خوله يلا تتزوج علمود ما تشن حرب ويه مرتك.
خوله :- رجعت البيتنه وسمعت قاسم يحجي عليه عصبني كبل عطت بي والله لشن الحرب ديلا عاد والله فلا اتزوج اله اورم گلوبكم بسيطه.
قاسم :- انا وياج والزمن طويل اذا ما زوجتج وخلصت منج انتي وتماضر بسيطه.
خوله :- عفته ومشيت زعلانه منه وهو ترخص وراح بس يريد يخلص من عدنه قابل شسوينه هو مقلب .
علياء :- قاااسم قاااسم.
قاسم :- كولي لبوتي.
علياء :- اريد اروح وياك على قسم ونكعد ونسولف والله اريد اجتمع وياها وويه صديقاتها واريد اتعرف عليهن انت مو دكول خوش بنات ويشاقن اخذنه وياك.
قاسم :- ادللي بس يروح ابوي للبصره اخذجن انتي ولمياء وشيماء.
علياء :- هو باجر يروح للبصره اخذنه.
قاسم :- اخذي شور امي اذا رضت نروح واذا ما ترضى مااخذجن وينسد الموضوع.
علياء :- رحت على امي واني كلي ثقه هي راح توافق يمه تره راح نروح ويه قاسم على خطيبته ونبات شنو رأيج.
قاسم :- يول شوكت كلتلج تباتن يمه تره علياء تجذب والله ما كلتلها اخليجن تباتن هاي من عدها ضافتها.
ام قاسم :- واذا باتن مادام ابوك مو هنا ونسهن وليدي.
قاسم :- خابرت على قسم وخبرتها البنات يردن يجن عليكم شتكولين خاف زحمه من فاطمه.
قسم :- لا بالعكس والله خل يجن نتونس.
علياء :- جهزنه نفسنه ورحنه على اهل قسم استقبلونه بالهلا والمرحبا وما قصروا كعدنه وفاطمه وقسم ما حجن شي بس مكابلاتنه وكاعدات بقينه ساعه على هل حال طكت روحي خايبات دزولي على تماضر انتن ما تونسن قاسم يكول تماضر تونس والله ما جذبن خبر راحن بسمه ولمياء على تماضر واجتي تهف وتعد وتصف وتهلي وترحب من الباب اول ما كعدت بقت تنصب وتضحك موتتنه من الضحك.
تماضر :- ول شطول الاظفر لا وفوكاها بنت عرب وانا بنت ولايه مو مثلج باوعت بعيونها ول كلكم هيج حلوين حسبالي بس ضرتي طفره وراثيه طلعتوا العائله الكريمه كلها حلقوووم.
علياء :- ههههههههههه لا بس اني وقاسم امي بايكتنه من الجيران.
قسم :- بقن علياء وتماضر وحده تشتم وتفشر وتنصب على الثانيه.
ام طارق :- ما دكومن تسون اكل النفسجن تره انا رايحه ويه ام خوله بشغله مع السلامه.
تماضر :- بس طلعت خالتي ام طارق اني وعلياء كمنه شغلنه اغاني وكمنه ندك ونركص للمغرب طفيناه وطب قاسم.
قاسم :- يلا علياء نروح ما نبات.
علياء :- بقيت اكمز لا عليك الله احنه مو اتفقنه نبات.
قاسم :- ههههههههههه لا اجذب عليج باجر العصر ارجعجن لان عندي شغله من الصبح للعصر اني وعابد مو عابد وغمزت اله.
عابد :- اي خويه عدنه شغل.
قسم :- بعصبيه عطت على قاسم وينننن رايح وشنو هاي الشغله من الصبح للعصر شعدكم.
تماضر :- يمعوده ومنو يباوع عليه وجهه وجه الكوجي.
قاسم :- رجليه ابيض من وجهج الجبخه.
علياء :- متنه ضحك على سوالف قاسم وتماضر ما جنت متوقعه هيج ميانه بينهم وشقه واحد ينصب على الثاني كلش حبيت حسبالك عائله وحده وبيت واحد وكلهم خوه ومرتاحين طلعوا قاسم وعابد وبقينه احنه ننصب على فاطمه تمشي وبطنها كدامها جنها ركيه بقيت اسولفلهن عن الحلال والغنم والزرع وهن صافنات بوجهي.
تماضر :- ول علياء والعباس اذا اتعبون قسم اموتكم انتي ولمياء اخذن الشغل عنها بشرفجن خل تتونس ويه الحب.
لمياء :- يم حكيمه وجدو منو يعيش بسلام.
بسمه :- على الاقل احترمن وجودي تره امي هي ما حسيت اله تماضر شمرت النعال بوجهي.
تماضر :- حطي بحلكج وتلهي بي.
**
سأَصير يوماً ما أُريدُ
سأَصير يوماً فكرة ً. لا سَيْفَ يحملُها
إلى الأرٍض اليبابِ، ولا كتابَ...
كأنَّها مَطَرٌ على جَبَلٍ تَصدَّعَ من
تَفَتُّح عُشْبَةٍ ،
لا القُوَّةُ انتصرتْ
و لا العَدْلُ الشريدُ
قالت ِ اُمرأةٌ ،
وغابتْ في مَمَرِّ بياضها .
هذا هُوَ اُسمُكَ ، فاحفظِ اُسْمَكَ جَيِّداً
لا تختلف مَعَهُ على حَرْفٍ
ولا تَعْبَأْ براياتِ القبائلِ،
كُنْ صديقاً لاسمك الأُفُقَيِّ
جَرِّبْهُ مع الأحياء والموتى
ودَرِّبْهُ على النُطق الصحيح برفقة
الغرباء
واكتُبهُ على إحدى صُخُور الكهف،
يا اُسمي: سوف تكبَرُ حين أكبرُ
سوف تحمِلُني وأَحملُكَ
اُلغريبُ أخُ الغريب
سنأخُذُ الأُنثى بحرف العِلَّة المنذور للنايات.
يا اُسمي: أَين نحن الآن؟
قل: ما الآن، ما الغَدُ؟
ما الزمانُ وما المكانُ
وما القديمُ وما الجديدُ؟
سنكون يوماً ما نريدُ
لا الرحلة ُ ابتدأتْ ، ولا الدربُ اُنتهى... محمود درويش
حسام سنة الولاده 1989..
.
يتبع...
.
.
قراءه ممتعه احبتي.
.
النشر راح يكون كل يومين بارت
.
الشال الي هداه قاسم لقسم من تحجبت 👇
الشال من سنة ال1989 لحد الان محتفظين بي💕