انتَ شعجب صدگت ؟
جدمك بوكت الزعل
ظَل محد يسبقة
بالحُب اكو قاعدة
لا تبقى يعني ابقى .
فسفوسات صوتن للبارت وعلقو تعليقات هواي 🥹🤍
شكلي شكد تغير كبرت كومه ..
شعري طالع بيه شيب وجهي اصفر جوه عيوني كلها سود
جسمي ضعفان
اباوع على روحي والدموع بعيني
طلعت مكياج من المجر ومكيجت وبدلت ورحنا و اسد الكاع
ماسايعته من الفرحه كل شويه بايسني لو بايس عمه شعله
و ام طه بس تهلهل ، مرينا على رهف وطلعنا لبيتهم
سالفه جرت سالفه ونفتح الموضوع
شعله: عيوني انتي اليوم جيناكم رايدين منكم مره على شرع
الله و رسوله
زينب: نشرف
شعله : عدنا وليدنا اسد دره مال الله ادب اخلاق جمال
كامل مكمل والكمال ل الله وحنا سالنا عليكم ناس والنعم
منكم ومن اصلكم ف رايدين بتكم شمس ل ابنا اسد والي بيه
خير الله يقدمه
زينب : شنو شمس
ام طه : اس خيه شمس شمالج بلعتي العافيه خوما البنيه بيها
شي
زينب : ها لا لا بس ماكو شي
شعله : اي خيه بس لو تجي عروستنا انشوفها
زينب : ها هسه هسه اصيحها
شمس : واكفه بالمطبخ امسح الكاونتر اجت عمه زينب
سحبتني من ايدي
زينب : ولج حقيره كلبه
شمس : لزمتني وضرب بيه واسب ، عمه شبيج
زينب : اوي لسوين روحج فقيره احجي منو هذولي
شمس : شكو شبيج ، لزمتني من شعري قوي حيل
زينب : لو تموتين زين ما زوجج اضلين خدامه جوه رجلي
امشي يلا كدامي
شمس : دخلت عليهم واني شعري مكفوش وجهي صاير
احمر من الضرب سلمت عليهم وكعدت على صفحه
شعله بهمس : يمه لبوه هاي ليش هيج مهلوسه
لبوة: عمه انفضحنا
شعله : يمه شمالج باعي جنها انكتلت المسكينه
زينب : اي هياتها
ام طه : اي ما شاء الله سبحان الخالق المصور شهل جمال
كمر
زينب : اي اي هسه نحجي بالحاضر والغايب
شعله : ياالله
لبوة: الي تامرون بيه
زينب : عشرين ب عشرين
شعله : ليش يمه
لبوة: عمه كولي يالله ، خوش موافقين
زينب : شنو
لبوة: عيني بيج شي شنو ماعاجبج الوضع اكو شي
زينب : ها لا لا ماكو شي
لبوة: خوش عبالي
ام طه : ان شاء الله احنا فد اسبوع و انجيب الشيخ ونجيبكم
هي مشيه زلم وعقد قران ان شاء الله
زينب : الله كريم
لبوة: ان شاء الله خير
شعله: ان شاء الله
لبوة: استاذنا من عدهم وكمنا منضر زينب جان يبجي شوي
وتموت يالله كل شوي وكالت شنو تخبلت
شعله: يمه اسد هذولي مبين عليهم ناس ما شايفه
همج فد مره لا يعرفون بالاصول لا بشي شهل مهزله فوكاها
مهر ٢٠ مليون رادو ليش يمه شصاير خاطبين اليزابيث واني
مادري
اسد : هههههه خرب يومج عمه
شعله: انوب هاي اختك عساس تكحلها عمتها كبل وافقت
لبوة: عمه
شعله : جب ول انجبي خطيه الولد منينلا ٢٠ مليون
لو عنده جان سوده بوجهي جان اخذ مره من هيج ناس
لبوة: عمه بس اسمحيلي اول شي اسد يحبها ثاني شي
هاي عمرها وحده خليني ساكته عليها
رهف : صحيح اني كاعده يم الباب سمعتها تكول لشمس
لو تموتين ما ازوجج اضلين خدامه جوه رجلي هيج شي
مبين مجانت تريد تنطي بس انحرجت و كالت خل اضرب
بالعالي هسه يهونون
لبوة: لذالك اني وافقت
شعله : ياا دهر دهر مو قليلات انتن
لبوة: لعد شعبالج
ام طه : بس خطيه البنيه مبينه مسكينه لا تحل ولا تربطط
بس هاي مرت عمها استغفر الله ياربي ماريد اخذ غيبتها
ابد مو خوش مره
شعله : وانتي كلتيها ابد مو راحه
لبوة: رجعنا عمه شعله لـ بيتها و بقينه رهف ويانا
وصلنا للبيت ام طه راحت لبيتها و حنا نزلنا دخلنا جان مجتبى
وضرغام كاعدين يحضرون مباره وصدفه
اول ما دخلنا جان ضربه جزاء و الفريق ضيعوها ومجتبى
تخبل يسب ويلعن بيهم
مجتبى: ياالله يله يلا جيبها يلاااااااااا
لايا كلب لا يا زمال طيح الله حضك من امداك وامدا الي سواك
الاعب يا طايح الحض
اسد : ولك على كيف خزيتنا
مجتبى: ها هاا ا بس انفعلت شويه
لبوة: كل هذا وشويه تفضلي رهف عيني
رهف : زاد فضلج
مجتبى: رهف
لبوة: اباوع عليه مصدوم مامتوقع جيتها ومن صاحها
هي وجها صار احمر غلست عليه ومجاوبت
ضرغام: اسد تعال عندي حجي وياك وانتي لبوة روحي
سويلنا عشه
لبوة: ضرغام كال هيج وهو يغمز النا سحب اسد وصعد
صعدت وراهم واني ميته ضحك
مجتبى: احم تعالي بويه كعدي ليش واكفه
رهف: اي كعدت
مجتبى: تقربت من يمها وكعدت بصفها كلش قريب منها
رهف : ترا القنفه جبيره كلش واكو اكثر من قنفه هم
شكو كاعد بحضني
مجتبى: نجبي شو
رهف: وجع مجتبى ترا اروح
مجتبى: اي اي ، مددت وخليت راسي على رجولها
رهف: مجتبى كوم عفيه هسه اذا احد جه شيكول
مجتبى: اشش شمسوي اني قابل جاي انسوي استغفر الله ليش تخليني امسلت هو نايم على رجلج بعدين احنا راح تزوج
رهف : اي عون من نزوج نام على رجلي
مجتبى: لا من نزوج انام بحضنج
رهف: شكد ادبسز وخر وخر
______
ضرغام: ها لبوة بشري
لبوة: اي كطع شلون ناس
ضرغام: شبيهم
لبوة: كفيلك العباس كلشي ما يعرفون بالاصول
إسد: لا تحجون على عيالي ماقبل
لبوة: نجب لك ادبسز
نزلت جوه سويت عشه واجت رهف ساعدتني تعشينا
ومجتبى وصل رهف لبيتهم وكلمن راح الغرفته...
صعدت الغرفتي وراسلت عون
عون : اشتاقيتلك يا حلو
لبوة: امم
عون : ذره رومانسيه مابيج ولي من كدامي اشو
لبوة: وجع
عون : وجعه بيج شي حبيبي
لبوة: ضايجه
عون : ليش يروحي منو وياك
لبوة: محد
عون : اكيد مشتاقتلي
لبوة: اي
عون : هاا شنو
لبوة: عادي نلتقي
عون : مو تدلل ليش اني شكم لبوه عندي
لبوة: حروح انام
عون : تعاي اشو
لبوة: ها
عون : باجر نطلع
لبوة: ماعرف اشوف عندي مجال لو لا
عون : ديلا عيني ام الشركات والبزنس تصبحين على خير
يبعد روحي باجر نتفق
لبوة: والن بالف خير ، خوش باي
طفيت الاضويه ودخلت انام واكيد ماراح انام كبل ضلت فكره توديني وفكره تجيبني لين حسيت راسي صارهلكبر...
_____
رهف : خلصنا عشه وساعدت لبوة بالمواعين وراها مجتبى كلي
تعالي اوصلج استحيت كلش وكلت اله مايحتاج اني ارجع لوحدي
ضرغام: افاعيب عليج مرت اخوي مامقبوله منج ثلاث زلم
مشروبه كاعده كبالج وتردين ترجعين وحدج
رهف : مو ماريد اكلف عليكم
ضرغام: خيه احنا مكلفيج ومخليج تجين يمنا ف عليه لازم
مجتبى يوصلج وذا تخافين منه لا يسوي شغلات سريريه
ادز لبوة وياج عادي
اسد : ههههههههههه خرب يومك
رهف : كوه لزمت الضحكة اباوع على مجتبى خازرهم
مجتبى: انجب لك يلا رهف مشينا
رهف: مع السلامة
لبوة: الله وياج حياتي
رهف : فتحت باب السياره الي ورا
مجتبى: هيووو
رهف : شكو
مجتبى: سايق الخلفوج ست رهيف الخبر
رهف : مجتبى لا تكول رهيف الخبر والله ازاعلك
مجتبى: احبك يزعول
رهف : اوي اوي مجتبى نزول عليك
الطريق كله مجتبى مشغل هيثم يوسف ومنطلق ويغني
اول مره اشوفه هيج دائما متعلمه عليه عصبي وجدي واني صافنه
عليه والابتسامه لا اراديا شاكه حلكي لزم ايدي وباسها احس نفسي
صرت قطعه نار، بالكوه حجيت وكتله مجتبى هد ايدي حباب
مجتبى: خره بروح مجتبى
رهف : ياا ليش
مجتبى: رهيف الخبر شنو هل ايد الحلوه
رهف : من كال هيج جربت ايدي قوي منه وعيطت عليه
مجتبى ، اباوع عليه ميت ضحك
مجتبى: احتركو عشيرته
رهف : كافي لا تضحك ضوجني
مجتبى: سكتنا يلا عيني
رهف : وصلني واشكرت منه دخلت للبيت وكالعاده صوت العركه والصياح ماله والي واصل لسابع جار .....
______
لبوة: نايمه واجوني ماما وبابا بالحلم جانو كاعدين ب مكان كلش
حلو مثل البستان بيه اشجار جانت ماما كاعده ومبين عليها الفرح
بس بابا جان تعبان حيل رحت ركض يمهم كعدت بحضن بابًا ابجي
واساله شلونهم كلي بالحرف الواحد
-يبويه بخير اني وخير ربج حثير بس عطشان حيل
لبوة بابا حيل عطشان هنا ماكو مي
انداربت على ماما باوعت عليها تبجي كلت الها ماما شبيج
كالت : ديري بالج على ...
وجان افز من نومي واني عاكانه وكلبي يدك دمام احس جنت
بسباق راسي بارد ويوجعني شعري منكع من كثر ما عركانه
كمت اخذت مبايلي فتحت قصيده ل بإسم الكربلائي
(لا ترد مات الورد )
طلعت على البالكون والجو بارد و اكو هوه قوي رغم بروده الجو
اله ان داخلي جان جمر دموعي جانت تنزل على خدي نار
واكفه اسمع القصيده واحس كل كلمه بيها تقصدني مكتوبه الي
ولجروحي ابجي والهوه يلفح وجهي
-شلي بيها وابويه ماهو بيها ..
شبه طفله الـ مضيعه ماهو ابوها
تحسد كل طفل باحضان ابوها ....
بويه تدري من غيابك موتي واحه
والـ يسافر يبقى عايش وي جراحه
ردت اشوفك حتى اكلك بالصراحه
ترجع المن دنيا ماكو بس نياحه
انتهينا وتركتلك ذكرياتي
وبصوركم تلقى دمعة امنياتي
تلقى حسره من دعائي في صلاتي
ابحياتي انته غايب وبمماتي
يا عتب شيفي الكلب وبيا كلب اعاتب
يا عتب واكبر عتب من انسال شجاوب
اسمعها وكعبالك اول مره اسمعها تخلص وارجع اعيدها
بكل مره يكول ايست مات الامل وبيا جرح تجيني
ايست لا ما ترد واني عفت انيني...
ضليت اسمعها وابجي لين اذن الفجر طفيته ورحت توضيت
وصليت ورجعت نمت....
بعد كم اسبوع...
لبوة: اهل شمس ردولنا خبر انو همه موافقين حددنا موعد للمشيه
مال زلم واتفقنا ودينا كل عرفنا و مجتبى جاب ربعه كلهم وصارت
مشيه كلش حلوه و ترفع الراس
شمس : عكب باجر المشيه مالتي و زينب اخذت بناتها وطلعن
اشترن ملابس وماخلني اطلع وياهن يعني باجر العقد مالتي
وماعندي اي شي بي خير البسه ظليت احوص واستحي اكول
لاسد فد مقهوره جنت
ماشوف الا لبوة جاي ادك عليه
لبوة: الو
شمس : هلا
لبوة: شلونها عروستنا
شمس : مو زينه
لبوة: افاا ليش
شمس : زينب النحسه ماتخلتني اطلع اشتري ملابس لباجر
لبوة: شكد حقيره هاي
شمس : لج لبوة فد مغثوثه راح ابجي
لبوة: افا ولا يهمج خليها عليه
شمس : شراح اسوين
لبوة: هسه خليها عليه
شمس : تمام
لبوة: يلا حياتي مع السلامة
شمس : يالله فد ارتاحيت من كالت لبوه هيج
لبوة: خابرت زينب ، الو عيني سلام عليكم
زينب : وعليكم هلا
لبوة: شلونج عيوني شلونها جنتنا الكمر
زينب : الحمدالله كلنا بخير وانتو
لبوة: الحمدالله الحمدلله عيوني زينب اني فد ساعه جايتكم
زينب : خير ان شاء الله خو ماكو شي
لبوة: لا حياتي بس كلت اجي اخذ جنتنا الحلوه للسوك و
اشتريلها شجم حاجه
زينب : خوش عيوني هسه اكللها
لبوة: ديلا عيني مع السلامه
زينب : في امان الله
شمس : شويه وخابرت زينب
زينب : باعي لج فد ساعه لبوة جايه
شمس : اي كالتلي
زينب : يلا اني جايه وراح اجي وياكم
شمس : ليش
زينب : انجبي ولج اجي وغصبا ما عليج
شمس : ديلا ..
اجت زينب ورا شويه إجت لبوه ورحنا لمول دخلنا محلات
يبيعون قفاطين جان اكو واحد لونه وردي فاتح كلش عجبني
بس استحيي استحي
زينب : شوفي هذا الاسود حلو
لبوة: كولي يالله اسود شنو البنيه عروس
عيوني شموسه اختاري الي يعجبج
شمس : اشرت الها على القفطان الوردي
زينب : ايع يلعب النفس
شمس : باوعت على لبوة بنضره صدك محلو
لبوة: بالعكس يخبل
شمس : صاحت ابو المحل وانطاني قياسي كدرته طلع
يخبل باللبس اشترينا ولبوة دفعت طلعنا من المحل بصفه جان
اكو محل يبيع مجوهرات ذهب وهاي السوالف
زينب : لازم شبكه هم خل ندخل هنا
شمس : لا لا ميحتاج
لبوة: لا حياتي طبي اني اسود موصيني عليج
كلي صوغياها بالذهب
شمس : لبوه تحجي وتشمر ل زينب وزينب محتركه
طبينا للمحل و الرجال عرض النا الشبكات الموجوده
زينب ياهو ثكيل و ضخم تختاره
بس اني ولبوة عجبنا تخم ذهب ابيض جان كلش نازك
وبيه حجر عقيق وردي يجنن يجنن
الكلاده زنجيل رفيع وبيه قلب حجم وسط وبداخله العقيق
وسوار نفس الشي والتراجي جان هم زنجيل طويل وينزل منه
قلب صغير
ضلينا نفرفر و زينب مثل المشايفه كل شويه دخلتنا مكان
وراها رجعنا وصلتنا لبوة اول ما دخلت للبيت بعد
حذائي ما نازعته (تكرمون) هجمت عليه زينب واخذت
العلاليك وكعدت تفتح بيهن طلعت المكياج والاكسسوارات
والعطور والماسكات وتخم الذهب وخلته بيد بناتها
متت قهر ردت اتعارك بس خفت لا اسوي سالفه
شلت القفطان واشتريت بعد فستان
هو لبوه اختارته جان قصير فوك الركبه ضيك من فوك ومن جوه
كلوش لونه على بنفسجي وردانه للوكبه مال ايد وشفاف
و الصدر مفتوحح ومن ورا شفاف هم اخذتهم وضميتهم..
ثاني يوم رتبت البيت ولمعته تلمع انطيت فلوس ل عمو
حتى يجب كيك وعصائر عيب
وقبلها جنت مراسله وحده من صديقاتي حتى اسوي
كوشه طلبت منها ارخص كوشه عرفت انو فلوسي مو هواي
ف ماقبلت تاخذ ربع دينار خطيه البنيه اجت سوت احلى كوشه
طلعت اجنن
ثاني يوم كعدت سبحت و رتبت البيت حضرت الاغراض
الي جابها عمو
صار العصر واجوي جنت بغرفتي استحيت اطلع اسلم
انتضر لبوة تجي تسحلني
دخلت عليه لبوة
لبوة: لك شهل جمال شهل وردريكو
شمس : صدك والله
لبوة: ولله العضيم حيل لايكلج ، اكلج ليش ما خاله مكياج
ما لابسه التخم
شمس : من كالت هيج الدموع اجمعت بعيني
لبوة: يا اسم الله شبيج حبيبي
شمس وهي تبجي : كلها اخذوها مني
لبوة: تقدمت عليها وحضنتها ، ياروحي ليش تبجين
هسه اروح اطيح حضها لزينب
والاغراض من ارجع اخذها وياي خوش
شمس : اي
لبوة: يلا مسحي دموعج هسه هم فد شويه تمارا اختي
توصل فنانه بالمكياج تمكيجج ونطلع
شمس : مسحت دموعي و هزيت راسي بالموافقه
لبوة: طلعت من يم شمس واني اعصابي نار صدك ما تستحي
شفتها كاعده يم النسوان ومبين جماعتهم وكاعد اشوف روحها
زوجي حبيبي اشترالي هل تخم وهو مال شمس ، ولج زينب
زينب: تفضلي
لبوة: انتي صدك ما تستحين جيبي تخم البنيه واغراضها يلا
زينب: لبوة عيوني اهدي تعالي نتفاهم فوك
لبوة: لا مانتفاهم يلا انزعي تخم البنيه ، لهل درجه ماشايفه
وفكر انتي ماخذه صوغه العروسه وعايفتها هيج
كامت متعرف شتحجي ، كامت وراحت للغرفه الي بيها شمس
عرفت راح تتعارك وياها رحت وراها
زينب: ولج الكلبه الحقيره تفتنين عليه ولج لو لافيتلي جلب
بالشارع احسن منج
لبوة : اباوع عليها شويه وتهجم على شمس
زينب عوفي البنيه لا قسما عضما اشهرج شهيره هي ماحجت
شي بس اكللها وين الاغراض الي اشترتها ماتعرف وأشوف انتي
لابسه التخم طبعا هيج استنتج ف رجعي اغراض البنيه وترا
حافضتهم حاجه حاجه ديري بالج اشوف حاجه ناقصه وانزعي التخم كدامي يلا والله يا الله الهوش للماكنتوش
نزعت التخم و راحت جابت الاغراض رحت صحت التمارا
عفتها تمكيج شمس واني رحت سلمت على النسوان الي اجن
واخذت رهف ترتب الحلا وياي لان لو شمس تشتغل لو محد
يشتغل خطيه البنيه
ورا شويه شفت تمارا طلعت يعني خلصت مكياج
دخلت على شمس ، الله الله شنو هل كمر عيني شهل جمال
شهل شعر الحلو
شمس : عزا لبوة خايفه
لبوة: من شنو
شمس : ماعرف بس اكو خوفه بكلبي
لبوة: ياروحي لا تخافين كولي يا الله
اقري سوره الفاتحه واهديها ل ام البنين وشوفي شلون ترتاحين
شمس : لبوة
لبوة: ها
شمس : شكرا هواي هواي
لبوة : على شنو
شمس : تدرين من يوم الي اجيت على بيت عمي
وتيتمت واني محد معاملني هيج معامله غيرج انتي و اسد
لبوة: يروحي انتي اخذتها بحضني امسح على شعرها
اشو هاي كامت تبجي ، يا شموسه لا تبجين
شمس : ماكدر مامتعوده على هل معامله
لبوة: لازم تتعودين منا وغاد كله هيج يلا اشو باوعيلي
امسحي هل دموع لا يخبر المكياج..
شمس : طلعنا اني ولبوة سلمت على النسوان وكعدت بالكوشه
شفت نفس البنيه الي من اجو يخطبون اجت جانت
توزع مي النسوان سالت لبوة عليها طلعت صاحبه مجتبى تجنن
من الجمال شعرها اشكر وقصير لحد ضهرها و عيونها
لونهن فاتحه و هي قصيره شويه يعني ك بنيه طولها كلش زين
بس اذا نقارنها ب مجتبى تطلع كصيره
اجت قدمتلي مي وهي مبتسمه اخذت منها واشكرتها
صاح فد واحد وكال الشيخ يريد يعقد حضرو العروس
هنا دكات كلبي صارت عشره على عشره احس راح اموت
لزمت ايد لبوة مثل الجهال
لبوة: كومي ماما كومي
شمس : من كالت هيج صدك حسيتها امي لبوه كلش حنينه
وكلبها طيب لزمت ايدها ورحنا يم باب الاستقبال الشيخ كال
اريد اشوفها كومتني لبوه وخلتني بعيد من يم الباب شويه
بحيث بس الشيخ يشوفني بس الي بالاستقبال لا
بدا يحجي الشيخ
لبوة بهمس : باعي اسد راح ينفجر من الفرحه
شمس : رفعت راسي اله اشوف صدك راح ينفجر شكله كلش
حلو عيونه الزرك تضوي ضوي كاعد يم الشيخ
الشيخ : انت كنتِ موافقه قولي نعم انت وكيلي
اكرر انت كنتِ موافقه قولي نعم انت وكيلي
انت كنتِ موافقه قولي نعم انت وكيلي
شمس : ضربتني لبوة على ايدي ، نعم موافقه انت وكيلي
الشيخ: قرائه سوره الفاتحه مع الصلاة على محمد وال محمد
شمس : اسمع صوت الهلاهل صار طشار وصار بره رمي
لزمتني لبوه دك بوس وهي عيونها مدمعه
رحت للهول يم النسوان كلها تبوس بيه وتباركلي عدا زينب
كاعده و ماده بوزها تجاهلتها
ورا شويه كالو راح يدخل العريس يلبس ذهب
انصدمت ياذهب احنا بعد مامشترين حتى مهري هسه عرفته
من الشيخ دخل اسد ودخلت لبوة وراه ورها تمارا وراها رهف
بيدهن كل وحده صينيه ينزل منها قماش احمر وبيها ذهب
وكف بصفي واشتغل الديجي على اغنيه محمد عبد الجبار شمسين
اسد : مبروك صوتي مرت مال اني
شمس : مبروك الك انت هم
اسد بهمس: وذا طلعت شمس فوت انت للبيت لان شمسين
معناها احتركنا
شمس : اخذ ايدي ولبسني محبس وحلقه
وراها انطتني لبوة الحلقه حتى البسها اله انطاني ايده وهي ترجف
لبستها وصار يلبسني باقي الذهب ولبوة تساعده
خلص وطلع وراها اجت عماته باركنلي
وكل وحده جانت جايبه قطعه ذهب
شغلو الاغاني وبدا الركص وذبن لحم لبوة ورهم بس خطيه
تمارا جانت ماتركص هواي لان تخاف حملها مو مستقر
بعدها يمكن بساعه اجت لبوة وكالت العريس يريد يكعد ويا
مرته هنا نقطه دم مابقى بجسمي ماعرف ليش
رغم انو بالجامعه نكعد سوه وكلشي بس حيل خفت
اخذتني لبوه للغرفه خلتني اغير قفطاني والبس الفستان الي جابته
لبسته وجابت عطر غركتني بيه وطلعت وكفت يم الباب
غمزت وكالت
لبوة: ترا حلال
شمس : طلعت ورا شويه سمعت صوت الهلاهل عرفت اسد
اجا نبضات كلبي صارت الف دك الباب ودخل وهو مبتسم
سد الباب و فتح ايديه بمعنى تعالي بحضني
شمس : رجليه مشت من كيفها باتجاهه حضنته وهو هم
حضني ضليت هيج بحضنه شكد
وخرت من حضنه حاوط وجهي بايديه وتقرب مني
اسد : شهل جمال شميستي
شمس : انت شهل جمال عيني كلهن يباوعن عليك عبالك
ماشايفات
اسد : واني اشوفج كلهن واشوف كل الوجوه وجهج الحلو
شمس : اذوب على كلامك
اسد : يا عيوني شنو شايفه انتي بعد
شمس : اوي اوي ، تقرب عليه اكثر وصار يبوس بيه
اخر شي عضني من خدي دفعته شويه وكلت بصوت ذايب
اسسد وخر
اسد : اوي اسد وخورر
شمس : سحب ايديه وباسهن روحه ل اسد انتي
ورا شويه طلع راح وطلعت من الغرفه راحو بدلت ملابسي
وبديت الملم البيت لل ليل اني اكرف خلصت واحس
ضهري تكسر صليت ونمت ....
________
لبوة: طلع اسد من يم شمس وهو عيونه تلمع من الفرحه
من زممان ماشايفته هيج فرحان.. رجعت عيونه تضوي
بعد ما جانت طافيه.. رجعنا للبيت وهناك اول ما وصلنا
هوسنا ب باب البيت
طبيت بدلت وخليت ضرغام يوصي على اكل مابيه اطبخ
كاعده بغرفتي بيدي المبايل اباوع على الصور اجتني
رساله من رقم غريب اتجاهلتها بعدين دز اكثر من صوره
صار عندي فضول اعرف شنو هي هاي الصور ....
_______
عون : كاعد بالكوفي ويا جماعتي فجاه خابرتني لبوة وهي
صايره نار وشرار
الو ها ضلع
لبوة: عون وينك
عون : ضلع الضلوع كاعد ويا الربع أأمر
لبوة: عون هسه تفتح نت وتفهمني شنو هاي
عون : شكو قلقتني
لبوة: انجبب عون يلا
عون : على كيفك عيني صار هسه يلا مع السلامة
هبطتني هاي شبيها هيج تحجي اشتركت ودزيت الها نقطه
حتى تعرف فتحت نت
وهنا جانت الصاعقه ، لا ياربي منين جابت هاي المحادثات
كلت الها دقايق
ترخصت من الشباب وطلعت خابرتها ماردت
رجعت خابرت عليها وهم ما ترد صعدت بسيارتي وضليت ادك عليها فد ساعه كامله ويمكن اكثر اكثر من ٥٠ مكالمه وماترد
خفت حيل لا صار بيها شي من وراى ..
ضليت صافن شويه وقررت اروح البيتهم الطريق
كله ادك عليها وهم مجاوب وصلت كلام باب بيتهم ودزيت
الها رساله
-ترا اني واكف كدام باب بيتكم اجاوبيني لا اجي اسحلج
كدام اخوانج
لبوة اعرفها لازم بالعين الحمرا بعد تقريبا عشر دقايق
سمعت صوت باب انركع بقوه طلعت لبوة وعيونها توج نار
اجاهلتني وصعدت بالسياره صعدت اني هم
لبوة: اخذتي ل (...)
عون : شسوين هناك تشربين عرك
لبوة بصياح: عووون مووو وكت سخافتك
عون : لبوة صوتججج لا بالقران اجنزج اهنايه
رجعت اجاهلتني
لبوة: مو جاي احجي تاخذني لو اني اروح
عون : لبوة انتي بعقلج لج المكان كله ملاهي و سكرجيه
لبوة: بحضني واني عبالي وياي رجال يداريني
عون : شعوطت اعصابي دست بانزين وسقت
للمكان الي رادته ، الطريق كله ما حجيت ولا حرف
بس اسمع صوت انفاسها تتنفس بسرعه مو طبيعيه عبالك بسباق
كسر حاجز الصمت صوت مبايلها وهو يدك
لبوة: الو ها
مجتبى: وينج
لبوة: اني يم تمارا
مجتبى: ديلا خوش محتاجين شي
لبوة: سلامتك
سديت الاتصال من مجتبى خابرت تمارا وكلت الها
تمارا خاف يصير شي ترا اني كلت لمجتبى اني يمج خوش
عون : لبوة ، لبوة مو جاي اكل نعل احجي
ممكن بلا زحمه عليج تردين عليه اريد احجي وياج
لبوة: عينك على الطريق
عون : وصلنا للمكان الي جانت تريده وكفت على صفحه
مابيها احد جان المكان هادء
لبوة: اخذت مبايلي ونزلت كعدت واحس راسي
راح ينفجر مديت ايدي على جيوبي لكيتت باكيت الجكاره
اخذتها ورثت وحده وكعدت ادخن وصافته على النهر والهوى
بارد ...
عون : اباوعليها مستغرب قبل شويه جانت راح تكطعني
هسه كل برود الكون بيها رحت كعدت يمها مديت ايدي
لزمت ايدها حاولت توخر ايدها بس شديت قبضتي عليها
لبوة بابا احجي شنو هاي المحادثات ومنين جبتيها
لبوة: كال هيج دموعي نزلت لا اراديا وتذكرت ..
فتحت المحادثه شفت الصور عباره عن محادثة عون ويا
بنيه الصور مرسوله من طرف البنيه
ضليت اقرا بيها واني مصدومه هاي منو
من حجيهم مبين انو جانو بعلاقه
ورا شويه اجتني رساله من غير رقم مكتوب بيها
-game over .
ضليت مثل الاطرش بالزفه ماعرف خابرت على الرقم
الي دز الصور طلع حاضرني ، ضليت بحيره من امري
شسوي راسلت عون كتله وينك مجان عنده نت خابرته
لبوة: مادري شجه ببالي وحجيت
حَمد زلمة گليبي الما صرت حصتة
حَمد لـ بكُل قصيدة چنت قاصدتة
حَمد لـ بكُل وكت حلوة معانية
رغم هو الحلو بوكتة
ماضلت محطة لا سچچ لا ريل
ماتدري انا عاشگته
عون : اخذت الجكاره من ايدها وخليتها بحلكي
ورديت عليها
حمد ماذكر شي مني حمد
حمد ازوج وعاش متهني
حمد لو بي سوالف شوك چا ردّوشبگ ريله
وچا خله الهوى المتعوب ياخذ حيل من حيله ︎ ︎ ︎ ︎ ︎ ︎ ︎
لبوه: باوعت عليه وجريت حسره وحجيت
حمد گاصد يفارگنه
حمد چذاب ، هو بعُمره ما حبنه ..
حمد حب غيرنا ونسانه
حمد اخذت كلبه غير انسانه
عون: اباوع عليها عيونها غوركت من البجي
اخذتها بحضني وحجيت
حمد انه ذهب ومايتغير لوني
حمد ماحب غير لولي
لبوة: حاوطته ودفت وجهي بحضنه وكمت ابجي
بالزايد وكلت
حمد متعوب كلبي حيل
حمد مل مني حتى الليل
عون : حضنتها اقوى وحجيت
حمد انه ما مامل منك
حمد وحگ اعيونكك احبك
ضلت فتره هيج ساكته كلت الها يروحي احجي شبيج
شنو هاي المحادثات ومنين وصلتج
لبوة :يواحد روحي شحچيلك؟
بگد حسرة حَـمد ابچي واغنيلك ..
عون احجي الصدك انت تحب وحده غيري
عون : لا
لبوة: منو هاي لعد
عون : نزوه
لبوة: شنو
عون : اخذت جكاره و ورثتها ، يعني من ازوجتي حاولت
بكل الطرق انساج ومافاد
لبوة: اي
عون : اي بس ما طولنا يمكن شهر واتعاوفنا
لبوة: ليش
عون : اكثر من مرا اغلط باسمها واصيح الها لبوة
لبوة: وخرت من حضنه بدون اي كلمه احس كلش مشوشه
ومجاي اعرف اصرف ، عون يلا وجعني
عون : لبوة اسمعيني
لبوة: عون عفيه خل نوجع راسي يوجعني
عون : صار كومي
لبوة: رجعت للبيت واني دربي ما اشوفه من كثر
التعب احس جنت رايحه اشتغل عماله نمت
ومرت الايام واني بس بغرفتي ما اطلع منها الاكل يوصلني
للغرفه شكم مره الولد حاولو يطلعوني جنت اكلب الدنيا عياط
وعون كل ما يراسلني لو اتعارك وياه لو احجي ويا من ورا خشمي
لو اشوف الرسايل ومارد اخر شي افتهم ماريد احجي وياه
وسحب نفسه وكام ما يراسل
خابرتني شمس على مود الجهاز مالتها تريدني اطلع وياها
مجان عندي خلك بس ماحبيت اكسر بخاطرها خاصتا بهيج
ايام المفروض تكون احلى ايامها
______
رهف : دخلت للبيت كالعاده صوت العياط واصل لسابع جار
مازن : بعد وكت ست لو بايته بره
رهف : مازن عوفني بحالي
احمد : طلعه من البيت ماكو مفهوم
رهف : شبيك احمد البنيه يتيمه ماعدها احد ضلت تتوسل
بيه شنو اكول الها لا
احمد : يتيمه على روحها مو عليه يلا طبي طبي طلعه
بعد ماكو
ام مازن : مو بكيفكم بنتي اطب وتطلع وكت اليعجبها طبي
يمه طبي ماعليج بيهم
رهف : دخلت الغرفتي اجت امي ورايه
ام مازن : يمه ماعليج بيهم
رهف : ان شاء الله ، اخذت ملابسي ودخلت للحمام اسبح
وشريط حياتي يمر كدامي شنو الي عشتته وبشنو مريت
طفولتي جانت اقل من العاديه بين اسره مشتته اني البنيه الوحيده
بين قوسين المكفخه الوحيده بهل بيت
من بديت اوعى على الدنيا واني صار حلمي اصير مهندسه جنت احب القرايه كلش ومن صرت سادس ابن جيرانا كام كل ما اطلع المدرسه يشمرلي حجي الى ان خلصت سادس واني كل ضني
راح ادخل كليه واداوم حالي من حال البنات
لكن اخواني وكفولي بالمرصاد ازوج مازن بعد تخرجي من السادس
والتهيت اني بالتنضيف والطبخ الي صار ضعف بسبب الخطار والعالم الي تجي تبارك بعدها بسنه حملت مرت مازن واربع
اشهر و راحت بيت اهلها بقى الجاهل يمي ربيته وكبرته
وصار عمره ٣ سنوات ، وراها اجا ابن جيرانا الزنكين والي
ماكو وحده ما تتمناه و خطبني!
بالبدايه ابوية كال القرار قرارج واني جنت ناويه ارفض
لان ببساطه احب مجتبى
بس بعدين تدخلت امي وضلت تقرا براس بابا حتى يزوجني
واخواني ما صدكو جبروني... وهيجي خسرت (مجتبى ، حياتي )
ادمرت نفسيا من ورا هذا الزواج الفاشل رجال اكبر مني
ب٨ سنوات كد بنته اني سكير وعركجي يجي ريحه العرك
فايحه منه يكتل يكسر يسب ويلعن...
وبعد فتره طلكني وشمرني شمره الجلب..
بس مجان طلاكي بهل سهوله اشترط علي كومه امور..
تنازلت عن كلشي حرفيا كلشي جنت مستعده هم ادفعله فلوس
حتى في سبيل اخلص منا..
بعدها رجعت بيت اهلي واني كارهتهم نفر نفر
امي ما اطايق اكعد وياها نفس المكان هي السبب هي العبت راس
ابويه ... جانت تعرف كلش زين روحها غلطانه وتحاول تكسب
رضاي باي شكل
اما اخواني ف هم هم نفس الطبع قاسيين وماعدهم كلب
تربيت واني ماعرف شنو الحب وشنو انو واحد يهتم بيه
ماعرف ماعرف اذا وحده من صديقاتي سالتني شلونج اخاف
اخذها بغير قصد..
بس كل هذا تغير من عرفت مجتبى صح هو شكله قاسي
وحتى من يحجي يحجي بطريقه جافه بس ماكو احن واطيب
من كلبه.. جان يهتم بادق تفاصيلي يزاعلني اذا ما اكلت
وموعد الدوه مو كل ست ساعات جان يضبط موقت حتى
يذكر هو ويجي يذكرني تعلقت بيه بشكل اذا طلع مكان
تاخر اموت بمكاني اضل ابجي اخاف اخسره بشكل
لان هو الشخص الوحيد الي جاي اعيش حياتي على موده
_________
لبوة: طلعت ويا شمس حتى تشتري جانت كلش فرحانه حاولت
شكد ما اكدر ابين انواني طبيعيه
شمس: لبوة خلي نرجع كافي عادي
لبوة : ليش ترا بعد ما مشتريه انتي شي وماباقي هواي مجال
اشتري يلا
شمس : لا عفيه لبوة ماريد خل نرجع تعبانه انتي غير
يوم من يصير الج خلك نطلع
لبوة: هسه ياعيوني اني العروس او انتي شدخل خلكي
بالتجهيز اشتري ياعيوني
شمس : لبوة عفيه شصاير احد مضوجج
لبوة: تعالي نكعد واسولفلج ، ماصدكت احس سالني شبيه
حرفيا جنت كلش محتاجه احجي لاحد واشكيله ، دخلنه
لمطعم
شمس : اي لبوة احجي كلبي
لبوة: حجيت الها كلشي واحس اكو شي فرع بداخلي
شمس : لبوة حبيبي شوفي اني من وجهه نضري صحح مبين انو
علاقتهم جانت نزوه شوفي شكم مره غلط باسمها وهاي المحادثات
مبين جاي يحجي وياها من ورا خشمه هي الي جاي تبادر
وتحاول اجرجره ليش هيج اسوين انتي هيج جاي تاذين عون هم
مو بس نفسج
لبوة: ماعرف شمس حايره
شمس : لبوة والله العضيم كافل انسي مو زين هو
تخطى زواجج صح لو لاء وهاي مو كل واحد يسويها بس
عون سواها لان هو يحبج حيل
دائما جنت اشوف نضراته الج شلون يباوع الج بلهفه عبالك
راح ياخذوج بعد مايشوفج ،
لبوة: الله كريم
شمس : الله يهديج ويصلح بحالكم
لبوة: امين يارب
__________
شمس : ب اسبوع كملت كل تجهيزاتي وخطيه لبوة
خطوه بخطوه وياي مااشتريت شي الا واخذ رايها ذوقها
حلو وتفهم..
واليوم اخذتني للصالون حتى احف و اسوي وجهي من هذن
السوالف لان باجر خلاص راح يجي اسد ياخذني انفقنا مانسوي
عرس مجرد زفه وخلص..
حبيباتي احنا جنا متفقين ورا رمضان بس لان احبجن نزلت
فف الرِواية راح تنتهي عن قريب ..💗✨
ان شاء الله تكون النهايه حلوه 💗✨
علقو هواي للبارت حتى انزل الكم اسرع..💗✨
ملاحضه البارت ٤الف كلمه واكثر
احبكم 💗✨
الجكاره التنشرب كدام وجهج
تدخل التاريخ محتركة بفخر