هيلانه الاسر

part 17

هيلانه الاسر

زهور الـ سلطان

لا تنسون التصويت و علقوا بين الفقرات
.
.
تنبيه
البارت مال اشباه الابطال اكو ابطال انحذفو فهسه
حدثت البارت و ضفتهم الي ما طلعلها بسيل و الباقين
تحذف روايه من مكتبه و ترجعها حتى تطلع

هيلانه

اشر بعيونه على جنوده شمرونه بوحده من سياراتهم
اني و دريد الي بس هو بقى اعرفه بين لفحات
جحيم ايامي عيونه بيهن سواد داكن و جهه جان

شاحب انفه الي ما بطل يوگف نزيفه كرهت الساعات
الي جنت ادعي بيهن عليه كسر بقايا روحي منضره
المكسور مجنت اتمنى اله حتى لو كان سبب حبسي

ويانه داعشي ارهابي قذر مجطول و شخيره يوصل
للمريخ و احد يسوق و ثاني يمه الباقين موزعين
بسيارتهم كأنهم خليه نحل منضمين بشكل غريب

حتى الدعم الجايهم من سوريا اغلبهم يحجون فصحه
عرفت ليش خلوني البس عبايه لان عرفت من خلال
حديثهم يعتبرون المسيح كفار و قتلهم واجب

ماكو فرق بيني وبين دريد مسافه منعدمه تقريبا گبالي
انظاري عليه و هو هم بس باله ابد مو هنا باله و بالي
يم الي تركنه جثتها مرميه بأرض قاحله شلت طرق

عبايتي الطويله نضفت بيها كل طريق من گد مسحلت
ورايه صايره كلها جوايه رفعت انظاري على دريد شفت
انفه طگ للمره الالف اخذ الطرف عبايتي و قربتها من

وجهه امسح الدم بس مطال ثواني و وكمش ايدي
عصرها حيل

گتله بنبره صوت ناصيه و متألمه
هيلانه _ اخ اخخ اايي دي ع و عو وفها

حچه بحده و صوته بي خنگه بچيه
دريد _ ليششش جيتي و خليتييي سمااا تروححح

تجمعت الدموع بعيوني و رديت
هيلانه _ عفنا سما بعيد عناا

دريد _ اشش اشش جاي اشوفها جانت گدامي بسس
هسه راحت راحت ... و نتر ايدي حيل

خليت ايدي على حلگي امنع شهگاتي .....
هيلانه _ فدوه دريد كافي لتسوي بنفسك هيج

دريد _ اخ من نفسي

ردت ارد عليه بس حسيت بسياره وگفت
الي ويانه گعد و عبر من يمنه خليت ايدي على وجهي
فعلا راحتهم مقرفه درجه فضيعه ......

نزلونه سحل صفنت بالمكان جان عباره عن شي
مثل الوادي جان عباره عن كهف ما اعرف مكان غريب
جدا دخلنا و هم يدفعون بينه من قوه الدفعه احس

ظهري راح ينقسم نصين .....

..... صار نقاش بينهم

.....  اين ارسلت النساء

..... تعال بهم الا سوق شمالي من المنطقه .....

...... سنرسلهم الا سوريا

..... نعم سوف يكون ثمنهن زهيد

..... اجل بطبع

..... لدينا  **** اثنان برتبه نقيب

..... لا قتلنا كل الحمايه لا تقلقو

ضحك ضحكه مقرفه مثل شكله و گال
...... سوف تكون مكافئتك الجنه و حور العين .....

نهئ مكالمته التفتت النه ووهو يگول

.... ارسلوها الا غرفه النساء و هذا ابن الز***يه جهزو
للابو عيدان الرشدي .....

اجه و احد كمشني من ايدي يسحبني حاولت اسحب
ايدي وعطت بيي

هيلانه _ وخرررر عنييي قذررر چلاببب ولو عن وجهيي
درررريددد عفيه وخررره

ادفع و هو يسحب بيه اكثر دريد راح و اختفه عن
انظاري گلبي دگ بجنون

هيلانه _ لاااا لتاااخذووو يااارب ساعدنيي  ....

الي يسحب بيه ضربني على وجهي بقبضه ايده ....
عااهره اخرسي

عطت متئلمه انفي نزل منه دم بچيت بوجع و هو يمشي
بيه الغرف و مو بس اني اكو بنات من مختلف المذاهب
و المحافظات موجودات بهذا للمكان نشمرت بغرفه

متهالكه هواها قليل و بيها عشر بنات اعمارهن من عمري
لل ثلاثين اغلبهن مو محجبات حالتهن حاله من الضرب
و تعنيف اخذت يومين ما خذه سكوت مهرب الي مبتعده

عن كل الموجودات و ماخليت بحلگي شي جابو الصبح خبز حشا نعمه الرب يابس و بي ريحه تكشش الروح منها
اجتي يمي بنيه صغيره حلوه عمرها ١٠ ملامح و جهاا

خربانه من الضرب لمتلگيته منهم

باوعتلي و همست

_ تريدين مي

هيلانه _ لا

_ عادي اسالج

باوعت بخوف ماريد احجي خاف وياهم
هيلانه _ لا وخري

_ فدوه بسس شغله وحده

هيلانه _ شنو

_ من اجيتي ما شفتي طفل زغيرون و مراة

هيلانه _ لا

_ فدوووه ذكرري حاولي

هيلانه _ صدكي مشفت

شفت الدموع تجمعت بعينها
هيلانه _ تقصدين امج

_ يي امي جان وياها اخويه بس راحوو ما يجيبوهم
لهنا
بجت و كملت
_ هي حامل بطنها جبيره جينه لعرس اقاربنه بس

تحچي ويكل كلمه تنشغ بچي و تحاول تكتم صوتها

_ اخذوونه من سيااره و كتلوهم حتى الابسين ابيض
جانو فرحانين بعدين كلها صارت تبجي و نترسو احمر
الدم طلع بسرعه و يطگوهم هنا

اشرت على رگبتها
_ و هسه خايفه ماريد ابقى هنا هذني بيهن لون احمر بوجهن اكرها اكره الدم گليلهن لا يبچن

هيلانه _ ماگدر امنعهن

_ حتى امي

هيلانه _ شبيها

_ جرى من راسها دم و اخويه خاف هم تأذى

هيلانه _ هو اخوج وين

_ بطن ماما

هيلانه _ يارب شلون افهمها .... بلعت ريگي و گلت يمكن اخذوها
غير مكان

_ يعني راح اشوفها

هيلانه _ يمكن

_ فرحتيني

گعدت يمي نامت على الگاع و عيونها حمر و دم يجري
و تباوع لسگف

رجعت لتفتت باوعتلي و همست

_ شنو اسمج

ردت اگول اسمي بس ذكرت دريد
هيلانه _ حليمه ... وانتي

_ حور

هذا الموقف خلاني ما انام طول الوقت خايفه و راسي
يأذيني بشكل فضيع مرت ساعات بطيئه قاسيه و بارده
و كل يوم يجون ياخذون بنيه و ماترجع بس تجي بدالها

خايفه يجيني الدور و بنفس الوقت منتضرته يجي
البنيه صارت مگابلتني كل الوقت ما اگدر ابعدها من
اشوفها ينكسر گلبي اكثر و ماگدر اكسر بيها و امنعها

تجي يمي و هيج باقيه و بيوم 
اجتي مره علينه مبوشايه مثلي تباوعلنه بغيض جبير

.... كيفهم الصبايا
سكتنه عنها رجعت گالت

..... شو مالون صبايا 
ردت وحده من الوياهه

.... معلمتي الئط اكل السانهم هههههه

.... يو عا اساس هم شو بيخافو من الئط
هم بيركضو للئط ركض

.... صدئتي معلمه

.... و هلا شو بنساوي

.... ناولوهم اواعي جديده نريد نولع السوق كلو

..... حاضر

اشرت على بنت شقره و ناعمه مبينه صغيره يجوز
عمرها ميعدي ١٤

.... دخلك شو اسمك

_ ليال

.... شو ديانتك

_ السلام

..... شو بتعرفي عن كربلاء

_ بيها حفيد رسول الله الامام الحسين

..... ميررررااان

.... نعمم معللمتي شو امرتي

.... خذيلي هي عاجبني شكله خليها بزنزانه الخاصه

_ شنوو خاصه بعدن عني

اجتنهه ثنين من ذني النسوان و كل وحده تعادل فيل

من كد مقاومتهن شمرنها على الحايط نضرب راسها
غمضت عيوني و خليت ايدي على راسي حسيت
بالالم مالها رغم ما نضربت راسها صار ينزل منه دم

نطرحت على الارض اجت وحده رجعت سحگتها من
راسها و گالتلهن ياخذنها طگطگت اطرافي من الخوف
روحي ودها تنهزم و ماتبقى جسمي .....

نفس المراة باوعتلي

..... شو يا حلوه
فگيت عيوني بخوف منها و من نبرتها

..... شو هدول العيون الحلوي نكسب فيكي ذهب انتي

....... مسيحيه ما

هزيت راسي برفض

.... خذولي هي كمان بس السوق سرايا .....

صرخت حور عليها

_ وخرريي عنهاا لتاخذونها

.... ماذا تفعلين كيف تجرء ان تقف امامي

.... معلمي بدك اخدا

..... سافله ام **** اخذوها نعطيها للمجاهدين

هيلانه _ عووفيها انتي ردتي تاخذيني

...... لا تستعجلي يا حلوي راجعتلك

هيلانه _ اخذينييي انييي تركنهاااا ساااقطاات لتجروونهاا

تهسترتت عليهن ابجيي و اريدهن يعووفنها بس بلايه
فايده صارن يجرن بيها اكثر سحلنها و سدن الباب
ضربته مثل المجانين ...

صرت مثل العصفور من يثور و يحتچ على سچانه
و يضرب بالقفص مطالب بحريته راحت روحي فرفحت
حيل و گلبي دگاته ما تنعد

بجت وحده من المشاركاتني الغرفه

_ مبينه ضغيره راح تموت من اول مره

هيلانه _ اول مره شنوو الله يخليج

_ متعرفين شيصير من ياخذوهن للمجاهدين

هيلانه _ لا

_ يغتصبوهن حتى الميته هم ينتهكون حرمه جسمها
مثل الوحوش يعتبرون المره مفرغه الطاقاتهم و استراحه
الهم

هيلانه _ فدووه لااا يارب ليش ديصير هشكل بينه
يا امنا العذراء

_ نصي صوتج لو عرفو بيج مسيحيه راح يذبحونج
حتى ما يبيعوج

هيلانه _ لييشش هشكلل فدوه جاوبيني

_ يا اختي يعتبرون المسيح و الصابئه كفاار

هيلانه _ هم قتلو مسلمين وين الاختلاف

_ يي الشيعه يسموهم روافض او عباده القبور ستغفرالله
و السنه يسموهم مرتدين لان مساندين الشيعه بالحرب
ضدهم

هيلانه _ شنو هذا الرعب الي ديصير بالعراق
يارب احمي عائلتي

رجعت المكاني
رچيت راسي للحايط هم شنو دينهم مستحيل يكونون
مسلمين

لمى سنيه زينب علويه من شيعه صديقاتي ابد ما بيوم
تعاركن بسبب طائفه الناس تحب بعضها و كل شي حلو
منين هذولي اجو عقلي راح ينفجر

ثاني يوم صار رعب جديد بحياتي ......
.
.
مارين

تحاضنن و عيوني تريد تاكلها منتضره دوري بهالقاء

اول مباوعتلي بهتت ملامحها كأن عرفتي و گالت

بنبره غاضبه

ميس _ ولاهله

قابلتها بنضرات مصدومه خلتني بحيره محجيت
شي تجاوزتهن و طلعت من الغرفه نزلت عيوني اجت
على فرح الي گاعده يم بيبي و تفركلها برجلها و بيبي
تمدح بيها و متونسين گعدت يم خاله لجين باوعتلي
بعطف كأن عرفت الي صار فوگ و سبب جيتي

.
.
تالين

طلعت مارين من الغرفه و نضراتها تحچي اليأس
الرافقها بموقف ميتجاوز بس ثواني من الوقت

من طلعت انداريت على ميس باوعتلها بغضب

تالين _ هاااي صدگ تحجي ميس اني شگتلجج

ميس _ فدوه اسكتو عني روحي ما حاملتها تريدين
تجي على گلبي وحده من تالي و جيبها بالاحضان

اريج _ صوچ اهلچ هي شعليهااا

ميس _ معليه عوفني منهم شحصلت من اخواني
البقيه حتى هسه احصل

اريج _ شصاير وياج

كمشتها من ايدها گعدتها على جربايتها گعدنه يمهه
اني و اريج
تالين _ رجع يضايقج

ميس _ يي و ما اعرف شسوي حتى للجامعه
وصل بي يجي بكل صلافه

اريج _ عزااا لا يدري رائد شيسوي بي

ميس _ هذا الخايفه منه

اريج _ و ليشش شكوو تخافين اني اگله حط حد
تصرفات اخو زوجتك

ميس _ وهج تگلبه عليه مثل كل مره لتعبين

تالين _ لا اله اندمه على خوفج منهم

وهج وحده من گرابت بيبتي خطبتها الرائد الي
ما اله حق غير يگول صار ويسكت لان الكلمه
المسموعه هنا بس للشيخ و مرته جدو شيخ

عشيره بس مو الاساسي يسمو حسب ما اعرف
بفخذ يعني جزء من العشيره اخو وهج شاف ميس
بصدفه و عجبته حيل من خطبها رائد لعب بي لعب

و مارضه رائد ركب راسه و راح خطبها من جدي بوقتها
رائد گال اذا رضيت اني اطلگ وهج صارت سالفه عناد
بارق رفض اخته تزوج و احمد هم

جدو عاند اكثر لان ما يحب احد يملي عليه رائيه و بقت
جدالهم مستمر لحد ورا سنتين تدخل ابن عمو صگر ادم
هو الوحيد اليگدر يمنع جدو ما اعرف ليش هو يگدر

بس بوقتها گال ميس صغيره و ما تزوج لحد متتوضف
و تعتمد على نفسها رغم جدو ما يقبل البنت تكمل حتى
فدوى بت عمو احسان بطلها و مخلاها تكمل بس ميس

اخوانها ما گدرلهم جدو و هسه غزوان اخو ميس يوميه
جايها للجامعه ميس بدت تعجب بي و خايفه من هذا
الشي و جاي تمنعه يوصلها بكل الاشكال بس عناد

غزوان اقوى و اني خايفه عليها منه وهج اخته كلمه
حيه و ثلعب مكار قليله بحقها هو شلون لعد
ميس دوم بيها خوفه رائد يلمحها واگفه ويغزوان

بمره جان رايح يجيبها و شافه عباله متواعده
وياه منعها داوم لحد ما اجه احمد تعارك وياه
يلا خلصت مشكلتهم و رجعت داوم طبيعي .....

اريج _ هسه اناديلج ياهه

ميس _ منيه

تالين _ مارينه لعد منو

ميس _ رايحه نام بعدين احجي وياهه

فعلا گامت متدت غطت وجهه باوعت الاريج بحيره
ما اعرف شسوي طلعنه من الغرفه صار بوجهنه احمد

باوع لاريج بعدين بعد انظاره ركز بيه و جهلي سؤاله

احمد _ مارين يم ميس

تالين _ لا نزلت يمكن

احمد _ اها حچن سويه

تالين _ لا

احمد _ خير ان شاء الله

گالها و راح دگ الباب على ميس

اريج بقت واگفه تباوعله الحد مدخل للغرفه

تالين _ اريج

_ لجج مو احاچبج

_ اريجج

اريج _ هممم

تالين _ انزلينه

_ لعع تعالي نسمع

_ عيبب شبيح لو يشوفونه

_ يوووو تاالين قابل شراح يصير

_ على اساس انتي ايمانج طاگ للسمه و تسمع على
الناس حرام

_ ياااا شوفي صحيح راح اگول لميس تسمعت عليكم
ما يعود حرام

_ قنعتيني

قربنا مثل الهبلات على الباب و سمعنه حديثهم

احمد _ هاي شلون سالفه ميس تنخمد هسع

عاطت بي
ميس _ لتحچييي هيجي يمي

احمد _ يولو اعصابچ لا يطگلج عرچ

ميس _ خلي يطگلي ما احبك اطلع خلي تفيدك اختك الثانيه

احمد _ يبويه لا تغارين كلچن بروحي راگدات

ميس _ ماريد

احمد _ هسع ما تحدرين يمها

ميس _ لاا

احمد _ ميسس انزلي بطلي رعونه انتي مو صغيره فهمتي ...

_ انت تصيح بيه بسببهن و بارق يگلي خلي انطباع حلو
انتم ليش تكرهوني

_ يمته كارهينج شعدنه غيرج

_ عدككمم كاافي ضحكوون عليه انتم هم تعوفوني
مثل امكم

_ شجااااي تخرربطين انتي بسس هينه ميسس

فلتنه اني واريج للغرفه الثانيه وراها بثواني سمعنه
صوت الباب انطبگ حيل انتضرنه دقايق و طلعنه

اريج _ نازله شويه و اجيج

تالين _ وين

_ شغله ما اتاخر

_ اوكي

رجعت دخلت الغرفه

تالين _ اكو وحده تسوي سوايتچ

عصرت اديها و گالت
ميس _ مادري طلعت مني لا اراديه

_ انزلي لا يسألون علينه ورا الغده اعتذري منه

_ هيج اشوفين

_ طبعا

بدلت ملابسها ولبست دشداشه مرتبه و نزلنه ......

.
.
مارين

صبو الغده البنات منزلن طلعت من الصاله للممر اليودي
للدرج بس شفت ديصعد رجعت المكاني جان الاكل خير
من الله واشكال مسوين لحم غنم و دولمه و دجاج و سلطات منوعه الاكل يشهي بس اني نفسي مسدوده
مگدرت اكل

شيخه وضحه _ شبيج يمه الاكل ما عاجبج

مارين _ لا بيبي

_ شنوو بيبي گولي جده

ماربن _ جده الاكل طيب بس دايخ راسي من طريق

احمد _ ها العجوز شتردين من اختي

_ هازه كاروكك تگولي العجوزز ابنن سنيوه

احمد _ يعني هسع انتي شابه

_ شتگول شيخ

_ زينه النسواوين و شابتهن شيخه

احمد _ چا البارحه ياهو خابرني يگلي اريدلك جيبلي مره انباريه

_ انا اختچ يشويچه صدگ هسالفه شيخ

هز راسه نافي و خزه حتى يسكت

البقيه گوه كاتمين ضحكاتهم
نزلت اريج وراه و دقايق و اجن ميس و تالين

تغدينه و خلصنه و الكل اجتمع بصاله

الشيخ داود _ ام رائد احسان ما وصل

ام رائد _ شيخ ابو رائد اليوم يبات لان منتضر كل البضاعه توصل..

الي عرفته من خلال كلامهم عنده معمل سيراميك
و يتجار يشتري مصدر و يبيعه على تجار او هيج شي

هز راسه بقبول

_ و انتم اخوانكم وين ؟؟

احمد _ جدي بواجب

بسيل _ و ادم هم

الشيخ داود _ هالتقام ادم ماظن يجي هو امه

بسيل و اريج وجوهم انطعنت بالاحمر مايرضون على
اخوهم عمو فؤاد گال بسرعه

فؤاد _ بويه عوف هاي سوالف ما ناوي تاخذ البنيات لبيت
لمزرعه

الشيخ داود _ يي ذكرتني الجمعه نروح ما عندي گعده بيومها

الشيخه وضحه _ حتى الاثنين تكون ملچه (عقد القران) ايمن و فرحه

گلت بگلبي منيلها فرحه يا بيبي ام الكركم

خلص نقاشهم و رحت يم احمد

احمد _ ها مارينه شتاقيتلج

مارين _ و اني هم بس اجيت اسالك شغله

_ شنو گولي حبيبتي

_ بارق يمته يجي

_ مصالح جيتج

_ هههههه لا

_  بليل و صيحيلي ميس و انتي تعالي وياهه

_ بس

_ بدون سوالف زايده

رحت للمطبخ لگيتها تاكل من جدريه و تحچي ويتالين

_ ميس

لتفتلي و رجعت تاكل

_ نعم

_ احمد يصحيج

_ جايه

غسلت اديها و مشت گدامي اله گبل حضنته
و هي تگول

ميس _ اسفه بدون قصد صيحت اني احبك تدري مو

حضنها و رد 

احمد _ و اليحبك يحب التحبه مو صحيح لو غلطان

ميس _ صحيح

احمد _ اريدج سند الاخواتج انتي جبيرتهن و التوصل
و هاي سنتج الاخيره و صيرين احسن دكتوره اخصائيه
بدنيا لا تصرفين مثل الاطفال ميس

ميس _ ههههه صار

بعدين اشرلي بيده قربت منهم حضنه ثنينه عيوني
نملت دموع مارضت تنزل

بعدنه عنه و باوعتلي ..... وگفت ميس گدامي و گالت

و هي تباوعله .....

ميس _ اگلج تعالي بغير مكان اشو ستحيت

احمد _ تسلمين عليها بالختله

اخذتني من ايدي و مشت

ميس _ يي بالختله احلى هههههه

صرنا بالممر الي يودي للدرج

و عافتني صرت گدامها

ميس _ اني اسفه مارين بس صعب يدخل شخص بحياتك
بعد هالعمر

مارين _ اعرف شعورج اني ما مقتنعت بالبدايه باحمد
بس هسه احبه اكثر من كل شي بهالدنيا

ابتسمت بادلتها صعدنه للغرفتها و اندارت عليه
حضنتي و هي تردد اسفه

_ عادي مصار شي

نفتح الباب بقوه نرگع بالحايط ندارينه شفت اريج و تالين
صوفرت تالين صفيرها الاقوى من رجال هالبت مسترجله
زايد عن الزوم

تالين _ ها تصاحبن البزونات

ميس _ روحن منا گاعده يم اختي

تالين _ شو بسرعه صارت اختج و بعتينه و انتي بت عمو احجيلج شي

مارين _ منو ذني ميس

ميس _ ما اعرفهن اشووو طلعن

تالين سدت الباب و هي تضحك بعدين عبست
_ الله ناقصنه هلوله و تكمل فرحه گلبي

اريج _ ترجع ان شاء الله

الاجواء تكهربت و شتياقي الها ما طاب ورا شويه
حچت

ميس _ شووبووباتي ادخلوو خلي اطلعلكم حلويات

اريج _ شلون دكتوره هاي هي تدورنه المضار

ميس _ يمعوده سكتي و راويني فستاني

تالين _ يي جبتلح اكثر واحد تطلعين تخبلييين

طلعت الفساتين و صرنا نگلب بيهن فستان ميس
لونه فستقي و قصير يوصل جوه ركبه بس حلو
عدالك مسوي خاص بس الجسمها مارين طلعي
شوفي اكو احد موجود طلعت ملگيت احد لبست
عبايتها و اشرت تالين تطلع وياها

تالين _ شجاي تسون

ميس _ سالفه تخلص و نرجعلجن

اريج _ يااا ما تحمل

ميس _ اريج بس اصور شبيج

اريج _ ثول عبالي شكو

ميس _ هههههه ماكو شي

طلعن هنه و اني و اريج بقينه نشوف باقي الفساتين

ندگ الباب راحت اريج فتحته جان رائد

اريج _ ها رائد محتاج شي

عيونه تحجي الي يريد يگوله شكله غضبان و عاگد حواجبه و حجه بعصبيه
رائد _ ميس وين

اريج _:بالغرفه الثانيه
طلع من الغرفه و اريج صارت تفتر بالغرفه و تگول

اريج _ عزاا بس لا مرته ذبت سمها على ميس

مارين _ ليش شعدها وياهه

اريج _ يمعوده شماعدها وياها قصدج بعدين افهمج بس
خلي يجن .....

.
.
تالين

نزلنه اني و ميس شفتهم مجمعين على سفره اجتي
بالي هيلانه دوم تگول احب المه و جمعات الجبيره
و هاي جمعه ناقصتها هي و ضحكاتها الحلوه

گعدت كلت كم لگمه بس ميس ما اكلت شي بس تباوع
للاكل رفعت انظاري شفت مارين نفس الحال و رائد مستغل انشغال الكل و نظرات عيونه مصوبهن بس على

ميس عضيت على شفتي بقهر بس لا البالي صحيح رجعت
نضري على البقيه هم زين وهج ملتهيه ويعمه نهله ام رائد
خلص الغده بسلامه گعدو شربو شاي و من طشو كلمن

بمكان رحنه للمطبخ اريج و ميس فتحت الجدر و صارت تاكل

تالين _ مو على اساس نفسج مسدوده

ميس _ عوفيني

_ اكلي يلمفجوعه الثانيه

دخل رائد للمطبخ يضحك من صارت عيون ميس عليه عبس بوجهه

رائد _ مارينه وين ؟

اريج بحلگها دولمايه و حجت و هي تلوچ
_ نسووتووني

رائد _ اكلي عدل لا تغصين و شيخلصنه من بسيل

ميس _ شنو ردت من مارين ابن عمي

رائد _ ماكو شي بت عمي ياالله اخذو راحتكم

طلع من المطبخ و شويه و اجتنه مارين اخذت
وياهه ميس اني اريج عزلنه الاكل و صعدنا شفناهن
متصالحات فرحت و بدينه نحجي و نشاقه سويه

طلعت فستانهه لبسته و رادتني اصورها بالغرفه الثانيه

تالين _ ليش مصورنا يم البنات

ميس _ يمعوده صوري عدل اذا طلعن حلوات ابقى لا بستها
و اذا لا اشوف غير فستان

_ و تمشين ورا الصور

_ طبعا

_ اخبال كون

_ ههههههه

صورتها كم صوره

ميس _ جيبلي كماشه الشعري بجرار الاول من الميز

تالين _ اشتغل عندج

_ اني الجبيره

_ يوووو رايحه
رحت للغرفه لا گاني رائد يمشي بسرعه
شايط تحس دخان طالع من راسه هو و غترته المدري
ليش يلبسها بالبيت رغم هو معاون طبي و ماكو با ناقته

مريت من يمه ركضت للغرفه
تالين _ صاير بنات شبي ابن عمچن

اريج _ شسووين جايه

تالين _ ليش

مارين _ سأل عن ميس

تالين _ عزاا العزاا وهيجه

مارين _ خاف يسويلها شي اروح اگل الاحمد

تالين _ اگعدي لا تكبرينها هسه تجيج مثل الورد

اريج _ شلون متحمله تعيش وياه

تالين _ شدرانيي

بقينه منتضريها على نار الحد ما اجت ورا نص
ساعه تقريبا العبايه علىمتونها و خدها احمر
و طبعت الايد مبينه بي

اريج _ كسرر بيده صاير ميس

بجت و بسرعه رحت حضنتها اهدي بيها اباوع
المارين شويه و اتبچي وياهه

مارين _ كافي ميس فدوه فهمينه شبيج

بقت على نفس و ضعها الحد مهدئت الوحدها

ميس _ اذا طلع غزوان گدامي بعد اذبحه

تالين _ صار

ميس بدت تحجيلنه

و گفت گدام المرايه اعدل شعري و العبايه على
متني

تفتح الباب بقوه نداريت متفاجئه شفته رائد
و عيونه يطاير منهن الشر بلعت ريگي اراجع افكاري
ما سويت شي غلط توترت و جاوبته بتلعثم

ميس ه هاا رائدد خيرر غير دگ الباب

رائد _ ها خاتون المثقفه الفاهمه

ميس _ شبيك رائد

تقدم عليه و محسيت غير ضاربني راشدي ندار
و جهي لجهه ثانيه حسيت رگبتي تكسرت بچيت
متألمه

كضني من ايدي و عصرها حيل و هو يگول

رائد _ تحچين و يغزوان التبن عليه و تراسلينه
من ورانه

بكاء رديت عليه
ميس _ شحاااجيه شنوو شبيك رائد 

رائد _ هشش صوتج ن****

طلع تلفونه بوجهي شفت محادثه

ميس _ شنو هاي

رائد _ محادثتج انتي و الحيوان مالتج

شفت محادثه على اساس بيني و بين غزوان
و اني گايلتله ما اگدر اطلع وياك ابن عمي واحد
ابن عشاير همجي وين يعرف بصداقه

ميس _ و غلات بابا مسويتها رائد مو اني الحاچيه

رائد _ مو هاي صورتج تستغفلينه بعد كل تلفون ما الج

ميس _ رائد

رائد _ ما اسمع صوتج سدي بچمچ اخخ منج ميس
واخ مني تالي عمري تجي مرتي تگول شوف بنت عمك
ما تعوف اخوي بحاله ما وگفت بعينج ايام اني معاند
جدي حتى اقدملج و اني بقرارات حياتي ما عاندته

ميس _ رائد فدوه لا صدگ

رائد _ ميس سوي التردي بس لا جيبين طاريچ عسا ما تشردين وياه و تزوجي ازفج بيدي بعد اني الهمجي انسي عندج ابن عم اسمه رائد

ميس _ عافني و ركع الباب بنات صدگوني
ما حاچيه عليه

تالين _ ندري بيج مسويها سالفه من سوالف الحيات
بسيطه هينه اني الهن

گوه هديت ميس البنات ضاجن و كل وحده صارت
بجهه كل وحده عدها مشكله و عله بحياتها فتحت
تلفوني مفاتحته من البارحه

شفت ٤٤ رسائل و مكالمات من صهيب على الماسنجر

رديت عليه و اني خايفه

_ شصاير رسيل بيها شي

عفت التلفون دقايق و اجاني اشعار

صهيب _ يجوز بيه اني شي

_ شبيك

صهيب _ بيه تلوه و بلوه

_ سخيف

صهيب _ تالين تمنيت اشوفج گبل هاليومين

_ ليش

صهيب _ مو وقت احجيلج هسه اريد اسمع صوتج

_ ما اگدر

صهيب _ ليش

_ يمي ولد عمامي

صهيب _ صدگ تحچين ..... سكتت مرديت عليه

_ تالين

_ تالين قسم اذا مارديتي اسوي شي عمرچ ما تتوقعينه

تالين _ ها

صهيب _ ويامن انتي

_ يم بنات عمتي

صهيب _ شلونج

_ زينه

صهيب _ انتبهي نفسج صحوه

_ و انت هم
حسيت روحي جفصت رجعت كتبت
_ و على عائلتك ابنك و مرتك

صهيب _ ما عرفتي تكملين المعروف

_ لا

دز ايموجيات تضحك و طلع من المحادثه
و اني هم نمت ثاني يوم گعدنه من صبح
نزلنه اني و البنات صبحنه على الكل و فتنه للمطبخ

شفت وهج تسولف و تضحك ويالبنات

باوعتلنه و صبحت علينه

وهج _ يااا هاي شبي خدج ميس

اريج _ واضح نايمه على جهه خدها وين غريب

وهج _ و شحجيت خفت عليها

تالين _ شكرا خوفج ما نحتاجه

مر اليوم كله بشكل عادي بقينه گاعدين يمجده
نسمع سوالفها ......
.
.
مارين

مر ثاني يوم بدون احداث شي عادي و جدو البقيه
نشغلو بديوان لان عدهم گعده ما اعرف شنو و ثاني
يوم توجهنه للمزرعه طريق حلو و بي نسمه مريحه

المزرعه تجنن بالبدايه نعبر جسر و اكو شط جوه
صرت اطگطگ من الخوفه اتخيل اوگع اجه سامح
و مرته تماره و اخته فدوى يخوزرن بيه و هو و لا كأنه

سامح _ هههههه لا توگعين

مارين _ عفيه سامح لتخبث

كمش ايدي و اني كمشت ايد تالين المغمضه هههههه
و عبر وحنا وراه ميس عبرت بكل رحابه صدر و ترفع
رجليها تخليها بفراغات الجسر جدي يسميه گنطره
و گفتلي گلبي الادبسزز

.....  اكو نخل متوزع على المدخل بجهتين الارض خضره حلوه بس ما بيها زرع بس شجيرات بنهاياتهه بجانب الايسر و الايمن بي ديوانيه مبينه من طولها بس من طين

قديمه و متروكه و گدامنه بناء حديث ديوان جبير ما دخلنه منه رحنه بااتجاه البيت جبير و كل غرفه الها مساحه خاصه احذتني اريج و تالين و ميس تمشينه لحد

موصلنه الورا البيت جان بستان حلو و بي نهر ضيق مو جبير و اكو يمه اربع شجرات توت احمر (توكي)

تالين _ نجيب غدانه لهنا

اريج _ هههههه ميقبلون

تالين _ احاوول ويماما انتن ابقن هنا تعالي ميس

راحن و اريج بس تاكل عبالك مشايفه

و گفت فجاة و گالت ابقي هنا راجعتلج

مارين _ وين عايفاتني

اربج _ لا بس اكو شجره قديمه بس اشوفها بعدها
بمكانها لو گاطعبنها

مارين _ اوكي منتضرتج

اريج _ مو تتحركين اكو كلاب

راحت و تاخرت عليه شكيت بيها نشغلت بطنها الثوله
و خفت ابقى و حدي مشيت بنفس الاتجاه الراحت بي
انتبهت جلب لونه اسود نايم عزاا شسوي هسه فكرت

امر من غير جهه و اول متحركت صار گدامي واحد ثاني
صرخت و هو نبح ركضت  من يمهم ويركضتي عثرت بحجاره وگعت على وجهي گمزت بسرعه شفتهم ثينهم

يزمجرون عليه عزاا بعيني حصروني چلاب

مارين _ وخرووو ما فيدكمم شوفو مابيه لحمه

نبحوو عليه

_ عزاااا و خرووو حتىىى طعمي مر ما فيدكم و خررووو  باااااابااا

صار صوت طلقه بسماء هن بسرعه شردن خليت ايدي
على گلبي دگاته تخربطت و دمام راسي طگ

اجتني ضحكته التهز گلبي و تضغط على شراينه

دنگ گبالي

_ بيج شي

هزيت راسي برفض

ايمن _ لو اعرف جان سجلت صوتج و انتي تگولين لحمي مر

مارين _ و خرر عني 

ايمن _ ليش

نزلت راسي امنع دموعي بس متحملت رجعت برطمت شفايفي بقهر رفعت راسي اباوعله

مارين _ راسي راح يأذيني

ايمن _ ميخالف تعالي اخذي علاجج

مارين _ لالا راح تهيج الشقيقيه اكرها

مد ايده لورا راسي سحبني من رگبتي مقربني عليه
طبع بوسه طويله بگصتي نستني كل شي صار حسيت ايمن الحبيته رجع مره ثانيه بعد شفايفه عني و بعدني

بنفس القرب همس
ايمن _ مره ايامي منهد ما فز وجع براسج ابويه انتي

بعد عني و اني جامده احس بشعور غريب بس
ما اعرف شنو هو بقيت صافنه لحد مفززني صوته

ايمن _ يلا نرجع

همست
...... يي

گمت نكثت ملابسي ايمن مشه گدامي و صلنه يم بوابه الي ورا البيت دندخل بس صارو گدامنه احمد و ياه و احد حسيت نفسي شايفته

اول منتبهلي اجه صار گدامي فزيت متراجعه بس هو
سبقني و مد ايده ورايه سحبني من ظهري عليه حضني
و گال

بارق _ حياچ ربنا بعائله المشاهير

احمد _ ههههههههه شنو احنا مفضوحين

بارق _ يي وداعتك ياهو اشوفه بالعماره يدعي على الحچي داود و احفاده عبالك مزارعنه اموله العراق

راح ايمن و احمد

بقيت اني و بارق

بارق _ شنو ما راح تسلمين عليه

مارين _ شگولك

بارق _ شگد كبرانه اخر مره شفتج حيل صغيره عبالك
دبات انتي و الثانيه هيلانه

مارين _  ما اذكرك و اني صغيره بس مره وصلتنه للمدرسه

بارق _ بس اني اذكرج و انتي طفله .... يي صحيح وصلتجن

مارين _ عرفتني بيومها

بارق _ طبعا ..... تعالي لحضني بويه

مارين _ ليش عايفينه

بارق _ صوچ البشر موش الايام اعذرني

بقيت ساكته بحضنه لحد مسمعت صوت ميس

ميس _ برقاااوي

بارق _ تعالي انتي هم دكتورتي

بارق _ شگد خفيفات على گلبي بعده انتن

ميس _ فدوى اجت وياك

بارق لا بتها صغيره مريضه و حايره بيها
تعالن ندخل

دخلنه جوه جتمعنه اربعتنه بغرفه مكان هيلانه
فارغ و عيوني مشتاقه شوفتها .... بليل صعد ضغط
بيبي و كوه صارت احسن بدون روحه للطبيب

نمت يماخواني و ثاني يوم طلعو للكيعان و مااخذونه
لان بيها عمال

تريگت و رحت يم بيبي شفت يمها مدگاكه (هاون)
و ورد و غيرها

مارين _ بيبي قصديي جده شجاي تسوين

الشيخه _ حنه

مارين _ اعرف بس ليش تخلين اعشاب

_ افيد تعالي اخليلج

مارين _ لا ما يصير

_ صخام ولجج لجينه متخللهن حنه

لجين _ لا شيخه لان شگر بس هيلانه اخليلها و لمن
تبزعني يلا تقبل

دخل سامح و رائد سلمو و باسو راس بيبي

رائد _ شلون صرتي غاليتنه

_ كويويچه (احسن)

رائد _ الحمدالله

راح سامح يدخل لجوه
الشيخه _ صيحلي ميس وياك

سامح _ صار

وهج _ رائد عيوني نطلع للبستان

رائد _ مالي خلگ

وهج _ شبيك خلينا نتونس

ام رائد _ طلع مريتك رائد

رائد _ يمه تعبان ما تندل الدرب هيه

ام رائد _ روحي وين اگدر اقنعه

اجت ميس و هي لازمه راسها

ميس _ جده ليش دزيتي سامح عليه

الشيخه _ شسوالج الهتر

ميس _ ملش شعري عبالك ما شايف

تماره _ لا تغلطين عليه فهمتي

ميس _ يمته غلطت

تماره _ شنو تگولين مشايف

سامح _ تماااره

تماره _ سامح شوفها تگول عليك ما شايف

سامح _ اني راضي كافي سكتن

الشيخه _ تعالي ام البلاوي اخليليج حنايات

ميس _ چا گدامهم

الشيخه _ استحت جا غير انتي دكتوره و ت***** الناس

متنه ضحكك على حچايه بيبي

ميس _ يا جده شبيج وياي اني افحصهم بااجهزه طبيه
ما اولد نسوان

تجادلت ويبيبي بس ما فاد و راحت يمها تحنيهه
كل عاده رائد مگابلها و من تجي عينها بعينه يدور
وجهه امه كل شويه و مسخرته على طلعه مل وراح

رائد صحيح شكله يخوف بس حباب و يظل مزوج ما حبيت نضراته لميس بيبي گالت من صبح نرجع للبيت

انشغلو يلمون اغراضهم  تالين طلعت هي و ازاد مدري شعدهم و اني و ميس طلعنه و امير و احمد و بارق

طلعونه بسياره و جو جان حلو سياقه بارق سريعه

امير _ ولكك خفف سرعههه

بارق _ منو جاب هالممل ويانه

امير _ الله يهديك غير اخيتك مريضه شلون چا

بارق _ اسف بويه عذرينه

مارين _ عادي حبيبي مصار شي

ميس _ لتگووولين حبيبي

احمد _ شني اني مو بعينچن بنصچن و تغارن على بارق
چا اذا اولي شويه يمكن تبيعني

ضحكنه اني و ميس و هو يباوع من طرف عينه مراضي

بارق _ من يريد ذره مشويه

ميس _ انيي

مارين _ اذا طيبه جيبولي

بارق _ ولك امير ماموكلين اختي اذره

امير _ بكيفنه برقاوي

بارق _:يولو اذا تگلي برقاوي اشمرك بشط بهاليل و ابن امو
ليطلعك

احمد _ هذا مزامط شني بويه حنيتو للطفوله عكولت رائد

بارق  _ على طاري رائد تدرون ادم نازل البغداد و مخابري بليل انذار

احمد _ يي حتى اني التحاقي قربو التحق الثلاثاء

امير _ ثاري كنه راح نطلع بيومها

احمد _ شلون

امير _ حتى اني ثلاثاء و بارق  وانت

بارق _ الخميس

امير _ چا زين

وگف سياره و نزلنه يم محل او كشن صغير نزل بارق
جابنه ذره نزلنه اكلنه على هوى جان جو حلو و امير
كل شويه و عاط بيه ادخل للسياره حتى لا ابرد

و يهيج وجع راسي

امير _ لتاكلين بسرعه و هو حار

مارين _ ليش

امير _ حتى تحسين بطعم و ما يلسع السانچ و تصير بي
فطريات

مارين _ تمام حاگل على كيف

خلصنه و رجعنه للبيت ميس نايمه على كتف و اني
هم من جهه ثانيه وگفت سياره گدام البيت بس من
الباب الثاني ستغربت مو من طريق الجسر كلمن راح

الغرفته بقيت بس اني و بارق و صاني اسويله چاي
دخلت للمطبخ خليت القوري على نار نداريت شفته
گاعد يدخن

بارق _ تعالي يمي مارينه

مارين _ جيت

گعدت يمه و هو طفه جگاره و باوعلي

_ ادحگي بويه

_ هاا؟

_ هههه شوفي قصدي

_ ههههه اوكي شنو ردت تگول

_ ليش مسألتيني ليش ما ملتقي وياجن طول
هالفتره

_ اعرف امك اخذكم من زمان من بيت جدي
و عمو فؤاد منطيكم خبر اني و هيلانه عند امي

هز راسه متفهم

_ عجل سهلتيها اعتذر عنج لان ما چنت سند بالوقت
الحتاجيتني بي

دنگت معرفت اگول شي

_ عرفت الصار ويهيلانه

حجيت بحزن
_ و عدوني ترجع بس الحد هسه مالها اثر

_ بويه ترد ما تطير بس مشكلتنه بزوج امها
قديس جبير عند المسيح حتى بيته مو سهل تفتيشه

_ لعد شلون

_ تصفى و لا يهمج

_ بس عندي سؤال

_ گولي

_ احمد و ميس ليش متحبهم

نزل الستكان من ايده و زم شفته شويه و اردف

_ منو گالج هالحچي ما احبهم ؟

_ اني اگول لان ما عايشين سوه

_ تدرين بجدي ما يرضى اجي اشوف ميس

_ يي عرفت بس و احمد

_ شغله مو يمالحقد بس صدگي بعدي عنه افضلنه
ثنينه

_ ليش

_ لا تهيجيهن بويه عوفي سالفه

_ براحتك

_ ايمن

_ رفعت انظاري اله

_ شبي

_ تريدين تبقين وياه

_ لا

_ متاكده

هزيت راسي بقبول

_ هاي هيه اصعدي نامي

_ تصبح على خير

_ و انتي من اهله حبيبه اخوها

فرحت بحچايته بسته بخده و صعدت فوگ دحست
روحي بصف ميس و نمت تالين و اريج فارشات بالگاع
و نايمات ثاني يوم رجنه للبيت و نشغلو بترتيبات

للعصر صاحني جدو للديوان

لبست شال من ميس و رحت لگيت عمو فؤاد و خاله
لجين و جده و امير و ايمن و اخواني

سلمت و بست راسه جدو  و  رحت گعدت يم بارق

جدي حمحم و سترسل بالكلام

الشيخ _ شلونج بويه

مارين _ الحمدالله جدو

الشيخ _ كونج مرتاحه

مارين _ يي حيل

الشيخ _ عساچ ... صدگ سمعته

دنگت راسي و عرفت الراح يحچي

مارين _ شنو

الشيخ _ رايده طلاگ من ابن عمچ

مارين _ يي جدو

الشيخ _ شلون حچي هذا عيبه بحگنه خطيبته و گاعدين بنفس البيت سنين و تطلگون

بارق _ عادي جدي هم زواجهم مو رسمي

الشيخ _ و الواجب يصير رسمي

احمد _ شلون يعني

الشيخ _ شني بويه تستغبون الولد لازم ياخذ مرته

صفنت بي كلهم سكتو و اني افكر وين ياخذني
ماريد اروح وياه المكان

بارق _ شنو هالظلم و انت الشيخ المفروض العدل شعارك

الشيخ _ هذا صحيح يزوجون بعدها يطگ شيصير يصير

احمد _ ما ارضاها على اختي

بارق _ اذبحه غير

ايمن _ احترمم نفسك

بارق _ احترم روحك شفتوها وحدها گلتو ناكلها .....

..... يتبع 😈🎭♟️

مقتطفات من البارت القادم .....
.
.

عوفوهم شبااب روحهم طلعت ....
.
.

يمه ابني كبرتي راحت
.
.

كل شي جان ربيع ليش فجاة اجه الخريف وقتل
فحوه ربيعنا و ذبل خضار رواحنه
.
.
رجوو اخوي يمهه گليلهم اريدده ما شبعت منه

.
.
صهيبب فدوه رجعني ما اگدر اتحمل بعد
.
.
_ خايفه عليك

_ لا تخافين اريدج تدعيلي و تنخين اهل البيت بكل
خطوه
.
.
اني النچر الماگدرلي غير خصرچ من يمل

.
.
اتمنى الكم قرائه ممتعه
لا تنسون تصويت عفتلكم ملاحضه مهمه بدايه البارت
اقروها

احبكم

الباقيات الصالحات
سـبحـان الله
الـحـمـد الله
لا الـه الا الله
الله اكـبـر
لاحـول ولا قـوة الا بـالله
اسـتغـفـرالله
سـبـحـان الله و بـحـمـده
سـبـحـان الله الـعـظـيـم
الـلـهـم صـلـي عـلـى مـحـمـد والـ مـحـمـد