مساء الخير ...
#عوضي_الكَبير_رُغمَ_عُمرِها_الصغير
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
•••• 𝐓𝐞𝐥𝐞 ـ ٭ @i0lllil ••••
i الكاتبة فاطم i
insta : ifll18l للتواصل
•••• 𝐓𝐞𝐥𝐞 ـ ٭ @i0lllil ••••
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
- دبروَلي عذرِ حته ارجع وياه.
-الحچي بيناتنه مشتاقله هواي.
-فراغ بكَلبي عاف چنه صحراء.
-مثل صايمْ صرتِ مشتاق للماي .
-كلشي بلوجود اتخيلهُ فلان.
-وحيل ارتاَح اذا حسيت بي جاي.
-مثل عشق البدَوِ وتخيل شلوِن؟.
-اكتله البدوَي بس تاَخذِ الناي.
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
•••• 𝐓𝐞𝐥𝐞 ـ ٭ @i0lllil ••••
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
التفتت الها و شفتها وجها يجنن بالحجاب خدودها مدورات طالعه مثل تفاح و ابتسامتها الحلوه
ابتسمت و گلت
ـ و انا كملت ...
هزت راسها و طلعنه من الغرفه و سديت باب الغرفه ...
رحنه للمطبخ محد ما گاعد الكل نايمين
ـ رنده ..
التفت و باوعتلي و گالت ...
ـ ها عمو
ـ اگعدي خلي اسويلچ ريوگ
ـ بس عمو مو جوعانة أريد اروح للمدرسه
باوعتلها رفعت تك حاجب و گلت
ـ بس يا عمو لازم تاكلين و بنات الشاطرات لازم ياكلن اتفقنه؟
هزت راسها ما عاجبها
ـ ها
ـ ما
قوست حلكها و عبست وجها و كتفت ايديها منضرها يضحك و الحجاب مطلع خدودها ضحكت و كلت ...
ـ بنتي اذا تاكلين اجيبلج حلويات
ضحكت و كالت ...
ـ صدك عمو
هزيت راسي بـ اي ضحكت و سحبت الكرسي و گعدت و گالت ..
ـ يلا عمو اريد اتريگ
ضحكت شلون تحجي و قبل شوي تگول ما اريد هزيت راسي فتحت ثلاجه طلعت بيض و طماطة و خيار
سويتلها بيض و سويتلها زلاطه و ضفتله رمان و جزر لان بيها فائدة و طلعت حليب فورته و خليته بگلاص و خليتهن گدامها عبست وجها ...
حجيت ..
ـ ها ما عجبج؟
رفعت تك حاجب و گالت
ـ عمو كلهن طيبات بس الحليب ما اريد
ـ بس لازم تشربين يا بنتي
ـ عمووو ليش
سحبت كرسي و گعدت يمها و مسكت كاسة زلاطة و اريد اوكلها و احجي
ـ شوفي عمو الدكتور يگول :
يمد شرب الحيب صباحا على الريق الجسم بأغلب احتياجاته اليوميّة من الكالسيوم و البروتين و الفياتامينات و الأحماض الدهنية شرب كوب من الحليب صباحا على الريق قيوي الذاكرة، و يمنع من تراجع القدرات الإدراكية للإنسان، حيث أثبتت الدراسات أنّ ذاكرة من اعتادوا على شري كوبٍ من الحليب صباحا تكون أقوى بخمسة أضعافٍ من الآخرين.
استغربت و گالت
ـ يعني اذا اشرب حليب اصير اقوه منك مو عمو
ـ اي طبعا و تصيرين ذكية و محد يكدر يحجي وياج و هسه راح تشربين الحليب لو لا؟
هزت راسها و گالت ...
ـ اي عمو اي و يوميه سويلي كلاص حليب اريد اصير كلش كلش قويةه
هزيت راسي الها و سحبت كلاص الحليب و شربتها بأيدي و مسحت حلگها و رجعت وكلتها الزلاطه و البيض و كتلها روحي اغسلي ايديج غسلت المواعين لبين كملت هي صعدتها بالصدر بسياره و وصلتها للمدرسة
وگفت السيارة و باوعت الها و حجيت ...
ـ يلا عمو انزلي امتحني و تعالي أنه أنتظرج هنا بالسيارة
ـ عمو اطول اسمي بحرف راء بعيددد كلششش
ضحكت لفضها بحرف الـ راء ثقيل شوي و گتلها ...
ـ اجي أخليچ تمتحنين اول وحده و اخذچ وياي؟
باوعتلي و وجها علامات الاستغراب و گالت ...
ـ وين تاخذني عمو؟
ـ اخذج لحديقة و أشتريلچ حلويات لأن شربتي حليب
ابتسمت و گالت ...
ـ عموو عادي بالطريق تحجيلي قصة اهل البيت الصبح ما كملته
فرحت بداخلي لان بعدها طفلة و گلبها اتعلق بعشق "أهلَ البيت و الامام علي و السيدة فاطِمة عليهم أفضل صلاة و سلام" اذا بگلبها راح اتابعها و مستعد أعلمها و أفهمها كل التريده ... ابتسمت و گتلها
ـ ماشي بنتي يلا ننزل
هزت راسها نزلت من سيارة و سدت الباب و نزلت قفلت الباب و مسكت ايدها و دخلنه للإدارة سلمت ع المعلمين
سفيان ::ـ السلام عليكم
ـ عليكم السلام هلا تفضل
مسكت ايد رندة و ابتسمت للمدير و گلت ...
سفيان ::ـ رنده حمد طالبة عندكم عندها امتحان اريد تمتحنوها و اخذها وياي
ـ العفو عيني انت من اقاربها
هزيت راسي بگلبي گلت
لو تعرف انه شقربلها تدك و تلطم
ابتسمت و گلت ...
سفيان ::ـ اي نعم
كال تمام و رحنه للصف لمعلمة رنده و امتحنتها اول وحده و جاوبت كل الاسئلة بس جانت متوترة
حسيت شخصيتها ضعيفة يحتاجلها اهتمام و تحفيز كملت و سلمت ع الاساتذة و اخذتها و رحنه للسيارة
صعدتها و سديت الباب و انا صعدت شغلت السيارة
تحمحمت و گلت ...
ـ عفيه
ابتسمت و گالت ...
ـ اي عمو انا شاطرة
ضحكت الها و طول الطريق ساكتين و نزلت الها الجامه تباوع للطريق و فرحانه وكفت سيارة نزلت اشتريت الها كل انواع الحلويات و اشتريت الها لعبة صغيرة
كملت و رجعت للسياره صعدت انطيتها العلاكة سديت باب السياره و ضليت صافن عليها شكد فرحانه و تباوع للحلويات طشرتهن كلهن بحضنها و شافت لعبة صغيره و صاحت ...
ـ االلــــــه عمووو شگد حلووو
ضحكت و گتلها ...
ـ عجبتج
هزت راسها فرحانه و اخذت كيك و فتحتها و قطعتها و مدت ايدها الي و گالت ...
ـ هاك عمو نص الك و نص الي كلش طيبه
ابتسمت اخذتها منها بدون رفض و لو انا ما احب حلويات ابد بس ما احب اكسر بخاطر طفله اكلتها شوي شوي بالگوه خلصته اخذت بطل ماي من علاكتها و شربت شوي
و هي تاكل بالحلويات و تنطي للـ العبه شكد ضحكت من تصرفها الحلو و البريء رفعت راسها و گالت ...
ـ عمو انا هم اريد ماي
فتحت قبغ بطل الماي و انطيتها شربت و سكتت انتظرتها تحجي ما حجت تحمحمت و گلت ..
ـ رنده
ـ ها عمو
ـ بنتي من تشربين گولي بسم الله و من تخلصين گولي الحمدلله و لعنة الله على اعداء اهل البيت ماشي طفلتي
ابتسمت و هزت راسها و گالت
ـ ماشي انطيني ماي
استغربت هستوها شربت بس عادي رجعت فتحت القبغ و انطيتها قبل لا تشرب گالت بصوت مسموع
ـ بسم الله
شربت ماي و انطتني البطل و گالت ...
ـ الحمدلله و لعنة الله على اعداء اهل البيت
ابتسمت و رجعت گالت ...
ـ ها عمو هيج
ضحكت ضحكة من كل گلبي و گلت
ـ اي يبعد تعب عمج صح
فرحت و گالت ...
ـ يلا عمو احجيلي قصة السيدة فاطمة
ـ خلي نروح نكعد بحديقة قريب من هنا
هزت راسها شغلة السيارة و رحنه لحديقة و گعدنا ع الكراسي و اللعبه بيدها باوعت الساعه بل 9
گعدنه و جان اكو ملاعيب و مراجيح للاطفال تحمحمت و گلت ...
ـ تلعبين؟
هزت راسها بـ لا و گالت ...
ـ لا اريد اسمع قصة مولاتي فاطمة
ابتسمت و گتلها ...
ـ شوفي عزيزتي رنده .. السيدة فاطمة ما تنوصف و شگد احجيلج عليها قليل اعظم إمرأة شهدها التاريخ البشري
و تعلمنا كومة شغلات منها و راح اعددلجن ...
مثل علمتنا الزهراء عليها السلام أن الصوم و الصلاة و العفة و الحياء كلها من الأمور التي ترفع المرء شيئا فشيئا إلى درجة الملائكة علمتنا الزهراء عليها السلام أنه ليس من الصعوبة أن يصبح الإنسان ملاكا يعيش على الأرض ... يعني مو تفهمنه مو شرط المرأة تطلع شعرها و تلبس قصير راح تكون حلوة بالعكس راح تكون مكروها بين المجتمع و الحجاب هو الاساس و مو اذا البنيه تحجي كلام غلط و ترفع صوتها و تفشر كلام مو حلو يعني هاي قويه و هيج لا غلط هيج بنات السيدة فاطمة الزهراء عليها سلام تزعل من البنات هيج فهمتي بنتي؟
ـ عمو سيدة فاطمة يا بنات تحب اريدها تحبني
ابتسمت و كملت كلامي و گلت ...
ـ السيدة فاطمة الزهراء عليها السلام تحب البنية الي تلبس ملابس محترمة و حجاب و ما ترفع صوتها و تقره قرآن و تصلي و تسمع الكلام و ما تكذب و تفتن و تسوي مشاكل
ـ يعني عمو السيدة فاطمة عليها سلام تحبني مو لان انا اصلي و اقره اسلاميه قليل لان ما اعرف كلش و ما اعرف اقره قرآن صعب و لبست حجاب و اسمع الكلام
ابتسمت و گلت ...
ـ اي بنتي السيدة فاطمة عليها السلام تحبج كُلشش و انا اعلمج تقرين قرآن اتفقنه؟
هزت راسها فرحانه و گالت ...
ـ عمو حيل شكرا لان ما جنت اعرف هاي شغلات
ابتسمت و گلت
ـ ولو تدللين
گامت و اجت يمي باستني بخدي فجأه بدون استأذان و حركة عفوية كلش ضليت صافن بمكاني و ما عرفت شرد
باوعتلها ابتسمت و گالت ...
ـ احبك عمو
فتحت عيوني بصدمة فركت وجهي و استغفرت ابتسمت لا اراديا و گلت ...
ـ رنده يله امشي نرجع للبيت
هزت راسها موافقة رحنه صعدنا بالسيارة وگفت بمحل نزلت شتريت شغلات لـ زينب بنت شهم و كم شغله لـ غفران عيب منها كملت و صعدت بسيارة
بالطريق هي تلعب وي اللعبه بيدها بس ما تعرف شسوت بحالي شعلتني بنار صافن بالطريق اندگ موبايلي
باوعت رقم ابوي رديت و گلت ...
ـ هلا يابه
ـ وينك
ـ موجود
ـ بالليل هم تجي للمخزن
ـ يابه خما اكو شي رحمه لجدك
ـ سوي الگتلك عليه و بس
ـ صار ..
ـ ساعه بل 12 بالليل
ـ هاهي يابه التريده
سد الخط و باوعت للساعه بل 10 صبح ذبيته زفرت نفس جسمي بعده كله جروح من ضرباته هذا صاحي لو شنو باوعت لـ رنده تلعب وي اللعبه و فرحانه گلت بنفسي
ـ لخاطر ضحكتها اتحمل كل عذاب الدنيا و لا اتركها
وصلنه للبيت نزلت رنده و نزلنه و غفران فتحت الباب النه دخلنه و سلمت انطيتها علاليك الحلويات
غُـفـــران :;ـ يااا شدعوه يمعود كلفت نفسك
تحجي بطريقة تشاقه اعرفها ما ترد شي تحمحمت و گلت
سفيان ::ـ اي والله خويه صحيح كلفه رجعيهن
سحبتهن من ايدي تضمهن وراها و تگول
غُـفـــران :;ـ اي يمعود شدعوه اصلا كلفه زايده بس عادي احنه ناس نستاهل
ضحكت و هي ضحكت گتلها ...
سفيان ::ـ بس اخذ رنده للغرفة و اجي
هزت راسها مسكت ايد رنده و اخذتها للغرفه
انطيتها ملابسها راحت سبحت و انا اتمددت ع الجربايه مر ربع ساعه اجت رنده للغرفه تريد تمشط شعرها گمت گعدت على حيلي تحمحمت و گلت ...
ـ رنده
ـ ها عمو
ـ جيبي امشط الج
كيفت جابت المشط و اللعبه مالتها وياها و اجت گعدت ع جربايه گدامي و گالت ...
ـ يلا عمو
ضحكت و اخذت المشط صرت امشط بشعرها الحرير و طويل كلشش و لونها اصفر على قهوائي مشطتها و ربطتها و كملته و فرحت كلش
ـ شكرا عمو
هزيت راسي و گلت ...
ـ انا راح اسبح و اروح للكليه من اطلع اجي للبيت و انتي العبي وي زنوبه بنت شهم او اكعدي اقري لامتحانج تمام بنتي
ـ ماشي عمو بس استحي
ـ تمام ابقي بالغرفه اقري
هزت راسها و كمت اخذت ملابسي و رحت للحمام و سبحت كملت و هي گاعده تلعب وي اللعبه ع القنفه لبست ساعتي و تعطرت و طلعت سديت الباب عليها رحت لـ غفران جانت بالمطبخ تطبخ ...
دخلت تحمحمت و حجيت
ـ هلا غفو
التفتت الي و حجت ..
ـ هلا سيفو گول
ـ خويه رايح للجامعه اهتمي برنده و روحي احجي وياها و خليها تتعود عليج و على زنوبه
ـ هاذوا وصلت عيني تدلل
ـ اعتمد عليج
ـ غير معلمة بالروضة اكيد شغلة سهله
ـ ماشي ... يلا اشوفج بخير
طلعت و سديت باب البيت و رحت للجامعه و بلشت المحاضره طلعت حلقتي من جيبي و لبستها بس بالبيت ما البسه و التهيت وي المحاضرات ...
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
•••••• 𝐓𝐞𝐥𝐞 - @i0lllil ••••••
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ٭ـ
ﷺ{ صَلـو ؏َـݪـى مُحَمَـد ۅ آل مُحمَـد }ﷺ
يتبع بارت 21 ...
للحكاية بقايه 💙
بقلم الكاتِبة : فَاطِم
الفَـࢪاشــــــــــــــــــااتَ🦋💙 .
فضلا و ليس أمراً أضغط ع التصويت بـ نجمه
و علق بتعليقات جميلة كوجودك 💙