سارة تكول العمر
.
انكسر كلبي بغيابك كسره ماتنقاس
لايوصفه شعري ولااله مقياس
العله البلكلب يندله يادكتور
ولاعدنه اختصاص يعالج الاحساس
فراكك والوجع واليكتشفه منين
لاكشفته اشعه ولافحص مفراس
.
الـ علي الجياشي
ــــــــــــــــــــــــــــــــــــــــــــــــــــــــ
سارة
كعدت الصبح اريد احرك نفسي ماكدر جسمي مكسر سحبت ملابسي من الارض وبدلت
ودخلت الحمام سبحت وطلعت الصاله شفت نور وكوثر
نور: صباح الخير
سارة: صباح النور حبيبتي وين ابوج
نور: التحق من الفجر
سارة: ليش ماكعدني شعجب
نور: ماعرف بس يمكن لان نايمه المهم راح هوة
سارة: هاا تمام اروح اكل شي تردن اسوي الجن وياي
نور كوثر: لا اكلنه
هزيت راسي ودخلت المطبخ كلبي يوجعني احس راح يصير شي سويت جاي وبيض بس ماكدر اكمل بسرعه كمت نفسي تلعب من الريحه
دخلت الغرفه تصالت على عمر ماكو مايرد كمت للبيت نضفته وطبخت ونور وكوثر يدرسن
تصلت على تيار بسرعه رد
تيار: هلا مرت اخوي
سارة: هلا بيك عيني شلونك
تيار: على الله الحمدلله انتِ شلونج نور شلونها
سارة: الحمدلله بخير اكول عمر وياك
تيار: لا والله اني بلانبار وعمر موصل
سارة: ها هيه مو تحررت بعد شكو يداوم هناك
تيار: لا يابه بعد بيها ومو بيده هذا الشي الازم يروح الدوامه
سارة: يعني اكو خطر
تيار: لا إن شاءلله ماكو وهوة مو واحده لا وياه ضباط
سارة: رحمة الله والديك تسلم طمنتني
تيار: والديج عيوني يله يابه يصيحون عليه الازم نطلع واجب مع السلامه عيونج على نور
سارة:الرحمن يحفظك الله وياك
سديته منه وكلبي مامرتاح اتصلت على عمر هم ماكو طلعت الصاله وكلبي يفور
نور: اهدي شي شبيج هسه تلكينه نايم لو طافي الجهاز شحن
كوثر: ااي صحيح ليش هذا القلق
هزيت راسي ودخلت المطبخ طلعت مي بارد حتى بس يبرد كلبي
صار اليل وعمر ماكو هنا بعد ماكدر خابرت على عباس هم ماكوو تصلت على سابين
سارة: هلا حبي شلونج شخبارج
سابين: هلا بيج عمري الحمدلله بخير انتِ شلونج شخبارج
سارة: على الله اكول فدوة عباس يمج
سابين: لا والله الصبح طلع الدوام عنده واجب
سارة: وين الواجب
سابين: الانبار ليش سارة خو ماكو شي
سارة: سابينن عمر ماكو مايرد اليوم راح الموصل
سابين: اهدي شويه هسه اخابر عباس بلكي يعرف شي عنه
صدك نص ساعه وتصلت
سابين: يكول راح اشوف صديقي هناك بلموصل
سارة: تمام فدوة كولي اله بسرعه يكول الج من بعرف
سابين: تمام حبيبتي لا تخافين يمكن طافي الجهاز شحن
سارة: إن شاءلله إن شاءلله طافي ولا البالي
سلمت وسديته مر اسبوع وعمر ماكو عباس يكول ما موجود اسم عمر ب التحاق
دخلت نور الغرفه وبيدها عصير
نور: كافي تعب سارة ترا والله زين بس خاف تلفونه ضاع شوفي ايدج كلها مزرفه من الكانونه
سارة: عمر بي شي والله لا ضايع ولا شي حتى تيار كال مفقود
نور: إن شاءلله ماكو شي خلي يمانج بالله كبير
عافتني وطلعت اعرفها تحجي هيج بس حتى مايصير بيه شي اني وطفلي
تذكرت من وكعت بعد فقدان عمر بيومين طلعت حامل ردت عمر وياي يفرح بس جانت فرحتي طافيه بله عمر كوثر راحت البيتهم بس اني ونور وعمتي اسماء بالبيت
هم صادف زواج اسماء وياه الفقدان عمر وماقبلت تروح ويه زوجها ضلت عندي
جهاد كل يوم يجي عندي يشوفني ويدز ناس بالموصل تبحث عن عمر بس ماكو فص ملح وذاب
غمضت عيوني حيل ماريد ابجي علي هوة زين اني اعرف
نمت بله ماعرف بنفسي شويه وكعدت على صوت سابين
سابين: سارة حبيبتي كومي وياي
كمت كوه عيوني يحركني باوعت عليها دموعها على وجناتها
سارة: شبيج
سابين: جهاد يريدج برا تعالي حبييتي على كيفج
طلعت وياها شفت نور كاعده بحضن اسماء وتبجي واسماء حاضنتها حيل بلعت ريكي بس لا الي بالي صحيح
جهاد جان منزل راسه الكاع ويهز برجله رفع راسه الي من سمع صوتي واني اسأل
سارة: شبيكم
جهاد: احم سارة عندي موضوع وياج تعالي كعدي
كعدت وكلبي يدك حيل بطني موتتني من الالم سابين تبجي نور اسماء جهاد كوه ماسك نفسه من البجي نزلت دموعي بله مايحجي واني احس روحي طلعت وياه
جهاد: البقاء بحياتج
مجرد كال هاي الكمله حسيت روحي طالعه نار بصدري صرخت بعاله صوتي واملش شعري
سارة: عمررررر لاااااااا فدوةةةةة لا يماااا عفتنيييي عمررر
ــــــــــــــــــــــــــــــــــــــــــــــــــــــــ
سابين
كمشتها بس حتى تهدئة شعرها وكع بيدينها تضرب على خدودها كام جهاد وحضنها اله ويهدي بيها
سارة: اريـده جهادددد لااااا فدوةةةةة يماااا جهاد صرت يتيمه من جديد زوجيي راح مااات ابنه ابنه شلووووون يعوفهةةة اريده لا تجذبون ماميت هوة بله جذب ليششش تجذبون علية وخررررر والله بس يجي اكله عليكم وخرررر عنيييي
دفع بجهاد وتصرخ يريد بس يكمشها وهيه مثل الصراع صار بيها ترجف بيدينه شالها بسرعه القنفه وذب مي على وجها وهيه بس صريخ دفعت جهاد ورفعت صبعها تهديد اله يعوفها
سارة: وخررر لا تكمشني والله اكول العمررر عليكم بسيطه وخررر تريد يموت هااا ليش مو صديقك هااا وخرر لا تكمشوني لا احرك نفسي ترا
عافها جهاد وكعد كبالها نور بس تبجي حتى امها من ماتت هم بس تبجي يمكن طفله بعدها ماتعرف شنو شعور الفقدان بعد بعمرها ماتشوفه
اباوع السارة صافنه على الحلقة الي بيدها تذكر تصلت عليه فرحانه لان عمر جايب الها حلقة من الماس
سارة: مايعوفني هوة قبل لا يروح كال عمري ماعوفج انتِ بنيتي ماكو اب يعوف بنته هوة كال ماعوفج لان يحبني اي هوة كال احبج مايعوفني ليش تجذب مو عيب عليك والله يالله عود صديقه واخوي انت مو اخ عدو عوفني جذاب
جهاد: سارة حبيبتي تقبلي الواقع مات خلاص
هوة كال هيج لو جنه على عمره جان يمها مزهريه مال ورد شالتها وكسرتها وتصرخ وتضرب بي
سارة: لااااا جذب عمررر مايعوفني طلللععع برااا طلعع ماريدك بيتي طلععع
حضنها ويبجي وياها
جهاد: سارة كافي فدوة لا تسوين هيج بنفسج مو زين عليج ولا على الطفل
سارة: جان يكول سارة اريد بنيه اسميها اساور على ميزان اسمج هوة كال اكبرها وخليها دكتوره ونور اي ونور كال مازوجهاا ماريد تعوفني وتزوج اريدها عندي مازوج بناتي هوة كال ماعوفكم كافي جذب هوة مايعوفني هوة كال ماعوفج
جهاد: سارة الكو جثه محروك مات بابا مات
سابين: مو هيج جهاد ترا حامل
جهاد: لعدددد تضل هيج تضل حتى تتخبللل خليها هسه تبجي تصرخ ولا تتخبل
سارة: وخررر انت ليشش تجذب عمر ماميت
جهاد: عمر عنده واشم بظهره
سارة: ااي نسر
جهاد: هوة
سارة: موووووو هوةةةة لا تكذب
عافنه وطلع سارة بس صافنه نور تبجي بحضن امي
نور: بعد ماعندي اب ولا ام جنت اسوي مشاكل وماخاف لان عندي سند بابا سندي حتى لو اني غلط يكول نورتي صح ليش هيج بابا عافني مو يكول اريد ارفع راسي بيج مو جان يردني صيدلانيه ليش هيج عافني ليشششششش
ضلت تضرب على وجهه حسيت رجليني ترجف بعد ماكدر اوكف كعدت ودموعي تنزل بهدوء سارة صافنه على الحلقه
سارة: شييج نور جذب والله هسه يجي عمر شنو تصدكين بيهم
نور: مااااات مااااات ماكو رجعه باباااا ماااات
سارة: ششششش كافيييي طلللعي وياهم هم جذابه انت مثلهم
سابين: سارة حبيبتي الكو العمر مقتول وهسه راح يجيبونه حتى يسون فاتحه
ضلت ساكته ماتحجي بس تنزع وتلبس بلحلقه شويه ودخلن خوات عمر ونسوان اخوانه يصرخن ام مصطفى شكت ملابسها اخته الثانيه تضرب علي وجهاا موقف يوكف شعر الراس
وحده كابلت الثانيه ويلطمن ويصرخن
أم مصطفى: يماااااااااا راح ابو طول الحلووو راح عمررر راح عمرر راح ريحت ابوي يبوووويي ياااايابه راح ابنك راح مااااات ابو ضحكه الحلووو منووو بعد يسأل علية منوو بعد يكول ام مصطفى شنو محتاجه يبوووو يماااا اخووووي
النسوان وياها صريخ والطم سارة بس تبجي وصافنه تسمع الهن بس ماتقبل تصدك عمرر خلاص مات عمر بعد مايرجع
سارة: سابين خذيني الغرفتي وطرديهم من البيت كلهن جذابات
كامت من القنفه ودخلت الغرفه سديت الضوه وطلعت امي كاعده على صفحه وتبجي ونور بحضنها جهالي عند هادر عفتهم على طريق سامر هوة اخذهم الها صدك الظهر نصب جادر يم الباب والافته مكتوب بيها اسم عمر وصورته وتاريخ الوفاء
ثاني يوم بلشت الزلم تطبخ برا والملا يقره على اهل البيت وعلى الموته كاعد يم الباب وسمع اله وابجي يعني صدك عمر اليوم اول يوم اله بلقبر يعني التراب قطه جسمه
مات خلاص بعد صحيح ماعندي مواقف وياه بس جانت سارة هواي تسولف بي
نور ماتقبل تشرب مي ولا تاكل سارة عايشه على المغذي وتهلوس بسم عمر
مرت ثلاث ايام الفاتحه ورجعت الناس البيتهم نشال الجادر من الباب خوانه ثنين واحد ميت خذو خواتهم وزوجاتهم وراحو حتى بله مايسلمون على نور الي اخر شي بقه من اخوهم
دخل جهاد واني كاعد اسوي ممة الحسين وكرار جان الاف جراويه على راسه وخشمه نزلها وباسني من راسي
جهاد: شلونكم سارة شلونها الجهال
سابين: على حطت ايدك نفس ماهيه والجهال الحمدلله
جهاد: اروح اشوفها
سابين: تمام
راح الها واني وراه نسيت حتى حسين وكرار باسها. من رأسها ويحجي وياها ويقنع بيها تروح الدكتور
سارة: ماروح اله عمر يجي
باوعلي وعيونه حمر دم هز راسه وكام طلعت وراه بعد ماطفيت الضوة بطلب منها
دخلت الغرفه نطيت الممه الجهاد ونطيته كرار حتى يشربه كرار يكمش الممة بيده فـ ماخاف علي انطي الجهاد بس حسين صغير يغص بسرعه حطيته بحضني وارضعه
سابين: جهاد شوكت نرجع البيت
جهاد: بس تقبل سارة تروح ويانه نروح
سابين: خطيه بعدها مصدومه من الخبر
جهاد: الله يساعدها إن شاءلله فترة وتنسى
سابين: صعبه تنسى صعبه جهاد اني بس خنتني او تزوجت علية شصار بيه مو هسه هيه ميت زوجها جهاد عمر اب صار الها مو بس زوج جانت تخاف من الفقدان تخابرني تبجي خاف يصير شي بعمر ونور
عافني وطلع اعرف بي مقهور ويريد بس يبجي عمر صديق طفولته مو هين علي فجاء يموت مرت كم ساعه وجهاد ماكو طلعت برا هم ماكو خابرت علي اكثر من مره يله رد بصوت تعبان
جهاد: ها ام كرار
سابين: وين انت
جهاد: رايح اني وتيار العمر نامي انتِ
سابين: جهاددد رايحين بهذا الوقت القبور جهاد الساعه 1 الفجر ارجع فدوة لا يصير شي
جهاد: راح نوصل النجف إن شاءلله الصبح نرجع مع السلامه
سابين: جهادددد
سده بوجهي اباوع الجهال نايمين كمت المطبخ اريد اشرب مي سمعت صوت لغرفة سارة دخلت على كيف شفتها نايمه بلكاع وحاضنه صوره على صدرها وتبجي تقربت عليها مسحت على راسها بسرعه رفعت راسها الي
سارة: سابين عمرر عافني وراح
سابين: شش اهدي عمري الله يرحمه ويجعل مثواه الجنه سارة لا تذين نفسج هوة عاف ثمرة حبكم. بطنج
حطت ايدها على بطنها مبتسمه
سارة: من يجي عمر راح اخبره اني حامل سابين شفت واحده على اليوتيوب شلون نطت زوجها حذاء مال. طفل وعرف هوة هيه حامل اني هم. راح اسويها وانطيه حذاء طفل حتى يعرف حبيبته حامل
سابين: لا تسوين هيج بنفسج سارة الله يرحمه برحمته الواسعه اقري اله. الفاتحه
سارة: سابين هوة عايش والله هسه يجي شبيج؟ انتِ طلععي..برااااا انتِ هم مثلهم
حضنتها حيل حتى تهدئة حضنت بطني وتهمس
سارة: س سابين فدوة كولي عايش والله اموت وراه سابين فدوة اريددده سابين والله قبل. لا لا يروح بليل نركص وفرحانين جان يعرف حامل لان كل شويه يحط ايده على بطني ويكول اريد بنيه منج سابين هوة عايش هوة يريد يتصالح ويه تيار لان متعاركين سابين هوة كال تيار زعلان مني لان متعارك وياه ويريد يحجي ويه هيج فجاء يموت سابين هوة مايموت والله هوة عايش
سابين: الله يرحمه تيار وجهاد راحو اله هسه. وصلو
سارة: مووو عمررر ليشش محد يفهم مو عمررر شلوننن عرفتو هوة هااا الجثه محروكه وجهه مشوه مو هوة
سابين: حبيبتي الكو جنسيته وكلشي يخصه يم الجثه المحروكه بس ظهره مو كله محروك فه الواشم مبين
تخبلت علية بس تبجي وتصرخ كوه نامت كمت من يمها ونمت يم الجهال
ــــــــــــــــــــــــــــــــــــــــــــــــــــــــ
جهاد
كاعد يم القبر أقرأه قران وتيار نايم بصفه ويبجي مثل الطفل الي فاقد امه
تيار: ليش ها مو انت كلت ماعوفك ليش عفتني مو كلت اني ابوك اخوك صديقك ليش عفتني عمرر اني عشت عمر بله سند من شفتك صرت الي سند عمر اني الي. الي بله اصل انت صرت اصلي امشي وراسي مرفوع واني اكول عمر اخوي هيج عفتني عمرر منو الي منو النور مو كلت بس ارجع ازوجكم ليش ماوفيت بلوعد ها خوش عادي ماتزوج نور بس ارجع عمر محتاجك عمرر منو الي ها عمر عادي عندك اضل بله اخو اضل بله اهل عمر ليش هيج عفتني مو كلت ماعوفك تذكر من اكلك عمر لا تطلع واجب خطر جنت تكول العار مايموت ليش عفتني ليش متت هاااا ليشششش عمررر ليشش
جهاد: كافي تيار كوم مو زين عليك كوم لا تصرخ
تيار: ماعندي اب راح مني راح ابوي صرت يتيم بعد ماعندي من الي يدافع الي راح راااااااااح ضليت بدون اب ااااااااا عمرر
رجع يبجي وراسه يم القبر مسحت وجهي وكمت جبت مي اله
جهاد: اشرب الخاطر عمر صارلك يومين بله اكل ولا ماي اشرب بعد اخوك
تيار: اني اكل واشرب وعمر جوه التراب ماريد شي ابو كرار فدوة عوفني اريد هنا يم عمر ابقه ارجع انت
جهاد: الله يصبركم
ضليت يمه هوة يسولف ويه القبر
تيار: شتريد بيت عود اعيش مثل العالم وعدلته وصار حلو عمر ردت اكلك وتجي تشوفه
حتى لا تكول تيار ماعندك بيت شلون تعيش بنتي عمر هاي سويت بيت البنتك عمر جنت حاب اشوفك قبل لا اروح واجب بسسس ااااااخخ من قدر الدنيااااا
تيار: جهاد ادعي اموت اريد اجي يمه ادعي عليك الله دعي اموت
جهاد: اسم الله عليك لا تحجي هيج حرام عليك دعي اله بالرحمه هسه يتذه من يحس بيك تعبان
تيار: عمر هوة الي نقذني من هلاكي عمر هوة الي نقذني من والد الشارع جنت طفل مشرد ماعرف منو أمي منو ابوي الي اعرف ابن شارع ربيت بلشارع مشيت ويه والد يشربون مخدرات وكبسله وغيره بين قوسين عصابه عمر نقذني من انهي حياتي نقذني واني طفل عمري 14 سنه عشت عند بيبيته خلاني اكمل دراستي وصرت ضابط وياه حتى نقذ الطفال مثل ماعمر نقذني بس ااااخ من الدنيا اخذته مني خلتني اكره كلشي جهاد عمر اب مو صديق
جهاد: الله يرحمه عند الله جبيره هاي هسه هوة بمكان احسن من عندي وعندك هوة هسه يم ربه ماكو احسن منه كوم أقرأ قران اله صلي خلي يرتاح بقبره كلنه على هذا الدرب
كام كوه وياي حاني ظهره ركبنه ورجعنه البغداد الطريق كله يبجي ويباوع الفيديوهات هوة وعمر يتشاقون وسفراتهم
باوعلي مسح دموعه وضم الجهاز وكال برود
تيار: باجر التحق الموصل
جهاد: تخبلت مو ماخذ اجازة شكو بعد وراجع ابقه من تصير زين روح
تيار: اريد اموت أن شاءلله باجر اموت
جهاد: نجب اكول ترا نتحار هذا تموت نفسك عناد
تيار: نور امانه بركبتك وسارة اختك هاي بعد
جهاد: لا صدك تريد كتله انت سد الموضوع رجاء
رجعنه البيت شكد حجيت وياه حتى يجي ماقبل نزل يم بيته ودخلت البيت جانت سارة كاعده يم الباب تباوع على الخضار تقربت يمها سحبتها الحضني
سارة: شلونه
جهاد: الله يرحمه
سارة: هسه وجهه الحلو صار كله تراب هسه ضحكته ختفت مو هسه جسمه مربوط مات وعافني ليش مو كال ماعوفج ليش عافني
جهاد: الموت حق سارة هوة جان ضيف بهاي الدنيا هسه رجع الربه كلنه على هذا الطريق
سارة: اجاني بلحلم يبجي ويصرخ وجلاب تجر برجلينه وتعض بي
جهاد: الله يرحمه الرحمه كومي بابا ناكل اني وياج
سارة: ماريد والله ماشتهي
جهاد: استغفر الله هاي انتُ شلون وياكم مساع تيار وهسه انتِ!!
سارة: اريد بس حليب بس انت ماتعرف مثل عمر
جهاد: ششش لا تبجين ياروحي اهدي هسه اسوي مثلهَ
سارة: بشهكه... ماريد بس اريد انام
جهاد: كومي حبيبتي بس شربي حليب ونامي الخاطر عمر
كامت وياي وعيونها حمر دم من البجي كعدت على الكرسي وايدنها على الطاوله اباوع عليها
ايدها بيها كانونه
جهاد: شلون هوة يسوي
سارة: ماتعرف شوف ماتعرف هوة يسوي
جهاد: ششش اهدي حبيبي اعرف والله بس اهدي بس شنو تحبن اسوي الج
سارة: مثله فور المي وحط حليب بودر و شكر و هيل!
جهاد: تمام حبيبي
حطيت مي وحليب وشكر بكدر وهيل وعلى النار كمل صبيته ونطيته الها شربت نصه وحطته علي الطاوله
سارة: مو مثله بس حلو
جهاد: المهم عجبج حبيبتي
سارة: مم وين غراض عمر
جهاد: عندي بالجرار اجيبهن الج
هزت راسها ب اي جبتهن بكيس الها فتحتهن طلعت المحفظة بيها دم قليل وبعض الغراض
فتحت المحفظه جان بيها فلوس وصورتها وهيه تضحك الصوره عشوائيه لان بملابس البيت وشعرها مفتوح على النص وصفها الثانيه صورت نور وهيه طفل عمرها سنه
سارة: شوف هذا اكبر دليل عمر عايش ليش ماحتركت المحفظه وياه هيه مو بجيب البنطلون هاي عود انتُ نصكم ضباط ماعرفتُو
جهاد: المحفظه بالسيارة جانت وعمر نقتل وحركو أن شاءلله ينمسك. القاتل
ــــــــــــــــــــــــــــــــــــــــــــــــــــــــ
هلووو شلونكم شخباركم
شنو رايكم بلبارت
اكثر بطل تحبو اكثر بلطل تكرهو البطلات همات
احبكم كثير مع السلامه
الكاتبه شيمان