تَركت لي وجَعاً
، يكَفيني سَبعين عَاما، أهَذا كَرم المُحبين؟
___________________________________
برهم :- لاااااا نياااار
وكعت بأيدي دم ترس الكاع اجتي ايمان تركض من شافت منضرها بقت واكفه وتباوع علينه بصدمه كمشت جرحها وسديته بأيدي
طلعتها ركض وايمان باقيه واكفه بلغرفه بسرعه حطيتها بسياره ولفيت ايدها بقماش وحركت
امها طلعت ورانه بس مو مال انتضرهم مرتين ردت اسوي حادث عين عليها وعين ع طريق وجهه صار اصفر
وصلنا للمستشفى وكالو حاله انتحار صارت اهواي أمور والحمدلله اتلاحكناها وزينه ما مكصوص الوريد
طلعت بلحديقه مال المستشفى مختنك حيل
احس اني سبب حزنها اذا ماتت شلون اعيش ! وراح اكون اني المذنب الوحيد بموتها
اخابرت ايمان طمنتها دخلت عليها للغرفه
وجهه اصفر وحاطيلها دم كعدت يمها ولزمت ايدها هي بسرعه حست وفتحت عيونها
كوه تطلع الكلمه منها
:- ليش برهم
:- اششش لتحجين اسكتي
:- ارد اموت
:- اسكتي نيار
:- ليش خليتيني اعيش ليش تريد تأذيني اكثر
باوعت عليها ونار مشتعله بگلبي صديقت عمري جان هسه ماتت بسببي
:- تنسيني والله
غمضت عيونها ودموعها ينزلن كلساع متصله ايمان وامها كتلهم بليل اجيبها لا تجون جرح مو قوي
كاعد يمها ومتباوع بوجهي طلعتها بس كوه توكف وهم عدها فقر دم حاد
نيار ///
اتمنيت اموت بس شنو عشت وراح اعيش طول عمري بعذاب لو ميته بهل يوم احسن من راح اعيش واموت الف مره بليوم
حتى بوجهه برهم ما باوعت وصلنا للبيت اتكلتني امي وايمان يبجن ويعاتبني
الحجيه :- ليش يمه ليش ترديين تعذبيني هيج تردين تموتين واني وين اروح اموت وراج والله ليش يمه هيج اذيتني
ايمان :- انت صرتيي انانيييه حييل لدرجه متفكيرين بس بنفسججج تردييين تموتييين لجج نيار ما فكرتي بينه ما كلتي امي اختي اذا خسرني شلون راح يصير حالهن ماعرف شكلج والله بس الله يهديج
بس اباوع عليهن ومالي خلك حتى احجي برهم كاعد كبالي ويباوع عليه
اخذتني ايمان للغرفه نيمتني وطلعت بس يا نوم اليجيني
اسمع صوتهم بره من يحجون
برهم :- اني راح ارجع للبصره وكل فتره اجيكم وراح افاتح اهلي بموضوعنا اني وايمان علمود نجيكم فرد نوب
الحجيه :- بسلامه وليدي
ايمان :- لا برهم فدوه لتروح
برهم :- ماكدر والله لازم ارجع أهناك ومن غير شي مشاكل بيتنا اهناك
ايمان :- تمام
شويه واجتي ايمان دخلت للغرفه غطيت راسي سمعت صوت برهم بلغرفه
برهم :- ايماني لازم اروح اشوف اهلي وكتلج كل فتره اجي اشوفج والله ترا مو بس راح تشتاقيين اني هم راح اشتاقلج اهواي
ايمان :- احبك اهواي احبك
برهم :- اني هم احبج
عصرت ع ايدي المجروحه حيل اريد اتاذه علمود انساهم حسيت ايدي جوه الغطه اتنكعت بلدم
برهم :- ايد نيارر ايمان
بسرعه انرفع الغطه عني
نيار :- ها شبيكم
اجتي نور رفعت ايدي ودم ينكط منها
ايمان :- لجمتي ايدج حروح اجيب المعقم وضماد واجي لا تحركيها
هزيتلها راسي واجه برهم كعد يمي واني عيوني تجري
برهم :- ليش تأذين نفسج ليش نيره
نيار :- مادري بس بلكت هلوجع ينسيني وجع گلبي
برهم :- ماعرف شكلج والله
نيار :- اقنع امي اروح بيت خوالي
رفع راسه يباوع عليه مصدوم
برهم :- شدتحجين انت كل عقلج
نيار :- اذا باقي تعزني بس شويه اقنع امي برهم ارد ابتعد عنكم ماريد اشوفك لا انت ولا ايمان
دخلت ايمان كعدت داوتلي ياها وانطتني مسكن واجتي كعدت يمي هي وبرهم
نيار :- باجر اروح لبيت خوالي
ايمان :- شنوووووه وين ترحيييين
نيار :- مثل ما سمعتي
إيمان:- لج كل عقلججج انت مخبله انت شنو ترحين ولججج نيار لتخبلنيي
نيار :-ترا هو اصلا خالي فراس يريدني الابنه واني راح اوافق
برهم كاعد كبالي ومدنك راسه ويهز برجله
باوعت علي ايمان
ايمان :- ما تحجي شي برهمم احجيي وياها هاي تخبلت والله كلش اتخبلت
برهم :- شحجي وياها بلا متعرفين بأختج الي بالها تسويي
كامت وكفت ايمان ودموعها تجري
ايمان :- ايي بسس مو تزوج ابن خالي لا وتعيش يمهم وهي اكثر وحده تعرفهم شكد زباله وماعدهم غيره
نيار :- كافي ايمان انت كم يوم وياخذج برهم
ايمان :- لج نيار وإمي
نيار :- تروح وياج وبرهم بنفسه كال امي تعيش وياكم
ايمان :- اي انت هم تعيشين ويانه
عفتها ونمت تحت انضار برهم
ثاني يوم صبح كعدت رحت اشرب مي صار بوجهي برهم
دارجع للغرفه وحجه من وراي
برهم :- لا تدمرين نفسج بأيدج نيار شي تردين تسوي علمود تنسيني راح ياذيج اكثر والله
نيار :- ماكو شي يأذيني اكثر من شوفتك
برهم :- راح تتندمين بهذا قرارج والله
انداريتله وابتسمت
نيار :- ماكو شي اندم علي
برهم :- نيار ضيعتي نفسج وراح تضيعينا احنه هم
ضحكت ورجعت شعري وره اذني
نيار :- لا برهم اطمئن كل الاذيه راح اتحملها بس اني عود اذا اجه يوم وشكيتلك عود احجي
عفته واكف ورجعت للغرفه ماكدرت ارجع انام بدلت داطلع من البيت
برهم :- اوصلج
نيار :- لا شكرا اني اروح
ايمان :- ع ما اضن البارحه جنتي بلمستشفى وجرحج بعده اخضر وين ترحين
نيار :- لا مابيه شي ولا ديأذيني واليوم استلم الراتب ماريد يفوتني
عفتهم وطلعت وصلت للشغل اترزلت وقررت بس استلم الراتب ابطل
كملت شغل واستلمت الراتب لل٥ رجعت للبيت لكيت برهم ديودع ايمان وامي
برهم :- همزين اجيتي حروح اني للبصره
نيار :- الله وياك توصل بسلامه
قبل لا يطلع ندكت الباب ابتسمت طلعت امي تفتحها ودخل خالي
باوعتلي ايمان وعيونها متروسه دموع وهزت راسها بمعنى لا
الحجيه :- اتفضلي خويه تفضل
سلمنا علي وبرهم سلم علي وامي قدمت المي اله وكعدنا يمه حتى برهم ما راح
فارس :- عيني ام ايمان جاي اخذ نيار وياي كم يوم وارجعها بأيدي والله
الحجيه :- ههههه شنو تاخذها منو كلك تريد تروح هي
فارس :- هي خابرتني كالت تعال اخذني
امي باوعتلي هزيتلها راسي عيني صارت ع برهم الما شال عينه عليه لحضه
ابتسمتله
هزلي راسه بمعنى لا ترحين
الحجيه :- هاهيه براحتها اذا تريد تروح بس ديرو بالكم عليها
فارس :- هي بنيتي ما يحتاج توصيني
ضحكت بصوت مستهزئه
فارس :- ها شو تضحكيين ولج
نيار :- لا تذكرت نكته
فارس :-, يلا حضري ملابسج علمود نروح
رحت طلعت جنطه حطيت بيها ملابسي ودخلتلي ايمان دموعها تجري
ايمان :- لا فدوه لترحيين والله اموت بدونج نيار
نيار :- وجودي وعدمه واحد
ايمان :- صح متسولفين وياي ولا تشاقين بس كافي انام يمج واحضنج لترحيين عليج الله
نيار :- اريد ارتاح كم يوم وارجع والله مختنكه من البيت وها صدك باعي
طلعت راتب من جنطه 550 اخذت خمسين وانطيتها 500
نيار :- شتحتاجين خابريني ومن تشتاقيلي خابريني واني مراح انساج والله
ايمان :- راح يأذوج نيار والله ابوي جان عايش ويأذوج شحال هسه
نيار :- لا محد يأذيني
طلعت ايمان ودخل برهم
نيار:- خير شتريد انت
برهم :- يعني حترحيين مو ؟
نيار :- اي طبعاً حروح شتريد لعد
برهم :- ترا اني راجع للبصره يعني مراح تشوفيني بعد ليش ترحيين..
نيار :- هههه مراح تفهمني ابد غير بس اذا اجه يوم وعشت مثلي
برهم :- الخاطر صداقتنه لترحيين
ابتسمتله
نيار :- يا صداقه هاي ههه راحت وي احلامي
رحت الكنتوري وطلعتله شال هو جابلي يا اول ما نجحت للسادس اعدادي
برهم :- شسوي بي اني
نيار :- ماكو شي راح يذكرك بيه لا صورنا لا محادثاتنه ولا راح تشوفني بعد بس هذا شال خلي يمك كل ما تشوفه ادعيلي اكون بخير
برهم :- اذا تعرفين نفسج راح تتأذين ليش ترحين
نيار :- مراح تفهمني برهم ابد مراح تفهمني
برهم :- نيار ديري بالج ع نفسج بويه وشتحتاجين بس اتصلي عليه اكون اول ناس يمج
نيار :- إنشاء الله
طلع وكملت ملابسي وطلعت امي تباوع عليه وعيونها مدمعه ابتسمتلها
رحت حضنتها وبجيت مسحت ع راسي وهمست
يم اذني
:- روحي يمه روحي ادري بيج عاشكته ومتتحملين تشوفينهم
خلت حيلي يرجف زدت بجي بحضنها
اجتي ايمان حضنتني وتبجي
ايمان :- ديري بالج ع نفسج تمام حبيبتي
هزيتلها راسي برهم عيونه دم صارت عيوني بعيونه مسح عيونه وانطاني ضهري
الحجيه :- ما وصيك بعد فراس بالك عليها فدوه
فارس :- صار
طلعت من البيت ع امل ارتاح وانسى وجعي شويه اذا بعدت عنهم بس لا رحت الجحيمي بيدي وصدكت دمرت حياتي بأيدي
برهم كال اني اوصلكم بطريقي صعدت وياه اول ما تحركت سياره دخت غمضت عيوني وارتجيب ع الباب
فتحت عيوني باوعت ع برهم بلمرايه عيونه عليهم وكلها ونضراته الي أذتني اكثر
نص ساعه وصلنا بيت خالي
برهم :- ديري بالج ع نفسج نيره
ابتسمت مستهزء ونزلت خالي فتح الباب دخلت واصلا ما ودعته اتلكتني مرت خالي حضنتني
بتول :- ولج وين هلغيبه والله مشتاقتلج
نيار :- ههههه خاله واني اكثر والله شلونج
بتول :- بخير ع الله راحت جابتلي مي ودخل خالي كعد كبالي ويحجي مستهزء
فراس :- ايي ست نيار شذكرج بينه وانت تتخبلين من عدنا ههههه
بتول:- فارس شجاك
فراس :- والله اني اكلج ليش اجتي
مدنكه واحس نار يطلعن من عيوني بعدني بسم الله وبده سم مالتهم
فارس :- لا يلا ما احجي خليني ساكت ههههههه
كام يمي واجتي كعدت يمي مرته
بتول :- لا تهتمين لكلامه شنو متعرفين بسوالفه
ابتسمتلها وهزيت راسي
نيار :- لا خاله عادي
اخذتني للغرفه بدلت ملابسي هم حالتهم كلش زينه وبيتهم اكبر من بيتنا بمرتين وكاعدين بمنطقه كلش راقيه
طلعت اجهز بلعشه وي ومرت خالي شويه ودخل ابنهم
كرار :- يا هلا شوف منو يمنه اليوم بنت عمتي باوعتله صفح مدلي ايده ديسلم عليه
هزيتله راسي
:- وبيك اكثر كرار
رجع ايده وضحك
كرار :- هسه نور البيت والله
غلست عنه
بتول :- يمه كرار روح بدل وتعال علمود تتعشى
مشت الايام عاديه خالي يسمعني كلام سم واسكت وها صدك مصروفي كله عليه اني جنت مجمعه واصرف منه من هيج متحمليني مرات خالي يمد ايده عليه
ب2 مدده داكلب بلفون وصلني مسج فتحته وايدي ترجف
برهم :- مشتاقلج
نيار :- تشتاقلك العافيه
برهم :- اذا انت نسيتي صداقتنه وكلشي بيناتنه فا اني ما نسيت
نيار :- اني ما نسيت شي كلهن لسه يدكن بگلبي
برهم :- خوما مأذيج بيت خالج
نيار :- لا الحمدلله مرتاحه
برهم :- وابنهم ؟
نيار :- مالي علاقه بي
برهم :- نيار اكلج ايمان صار فتره حيل مريضه وحتى ذبلانه وجهه اصفر وكالت مريضه بعديين اكلك
نيار :- صدك شو ما كلتلي اي شي باجر اخابرها واشوف
برهم :- يلا تصبحين ع خير
نيار :- وانت بخير
شافها وما رد ربع ساعه ودزلي صور فتحتهن اكلب بيهن ودموعي ينزلن
صورنا بلجامعه سوه وفيديو داكل ومصورني وصورنه بلحديقه
بجيت اهواي بهل ليله اهواي بجيت حطيت ايدي ع حلكي امنع صوت شهكاتي بس ما كدرت اتصل عليه رفضته
وبقيت ابجي بصوت واشهك ماعرف شلون سمعت صوته جان من الفون
:- لججج نيار كافييي فدوه
رفعت الفون طلع الخط مفتوح عبالي رافضته
دخل عليه كرار للغرفه بسرعه عطت بي
نيار :- هاايي شدخلك امشي اطلع
كرار :- بنت عمتي واجيت اشوفها شبيها
نيار :- كرار اطلع فدوه مالي خلكك
السانه ثكيل كوه يحجي
قرب مني دفعته بره داقفل الباب ودخل عليه
نيار :- لكك اطلعع حيوان والقرآن هسه اعيط اكعد حتى المييت
كرار :- بس ساعه شبيج
اتخبلت ضربته ع وجهه وهو عيونه صارن دم سد حلكي بأيده واني ادفر بي برجلي
قفل الباب وهو ساد حلكي ماكدرت افلت منه هو ضخم بضخامة برهم
عيوني كامن يجرن انتبهت ع لفون بعده الخط مفتوح
واني بأيده كرصني من خاصرتي بأيده الثانيه حيل روحي شاطت غرفتي فوك بطابق الثاني وخالي جوه غرفته
متت من الوجع ماعرف شلون اجتي قوه ودفعته
عطت بعلو صوتي اجه شمرني ع جربايه وجر شال وكع من جتفي ع جربي جره سد بي حلكي ورفع ايدي
كرار :- شغلت ساعه اتحملي لا يكعدون امي وابوي
ادفر برجلييي ايدي مقيدها بأيده وبده يبوس بركبتي اتخبلتت لو باقيه ع ضيم برهم ولا جايه
كرار :- لج اثبتي ههههه تعبتيني والله
رفع نفسه عليه اكثر رفعت رجلي وضربته قوي بين رجله جريت فوني و فتحت قفل الباب وطلعت من الغرفه اخذتها ركضه من غرفتي الباب الشارع طلعت اركض بشارع
مثل المخبله وعاصره ع لفون بأيدي روحيي تعبانه شوارع فارغه ويين اروح ويين روحيي تلوب ركضت اهوايي ركضت وصلت الحديقه بيهه اضويه دخلت بيها عطت عيطه شكت گلبي
اتصل برهم بيه بسرعه جاوبت اسبه
نيار :-, الله ياخذككك برهم الله ياخذك الله يحرك گلبك إنشاء الله مثل ما هسه گلبي ديحترك يا برهم عسى وجع بكلبك ماله نهايه
عاط بيه
برهم :- انت ويييين لتكفريني بالله وييين انت اني جايج
نيار :- شردت طلعت اركض بشارع
برهم :- هاي اني راح اوصل بيت خاليي بس انطيني نقطه داله وجايج
نيار :- بحديقه بيها اضويه اهوايي
سده مني واني ع كعدتي بلكاع اشهك جاني برهم يركض كومني
برهم :- سوالج شي احجي اذاج
باوعتله وعيوني تجريي
نيار :- لا ضربته بين رجله وشردت
عاط بيه
برهم :- كتلجج نياااار يأذوج نيااار لا ترحيييين حتى اختجج حجت وياج بس لا انت عقلجج ماكوو اتخبلتييي انت رسمياً تخبلتييي هسه و مسويلج شي هاا احجيي لو هذا الكواد مسويلج شي جان شصار بينه شصااارر
بس لا انت نيار انت عقلج هذا ماكو
عطت بي ودفعته
نيار :- ايييي صيح بعد صيح عليه لككك برهم ما اتحمل لكك ما اتحمل ابقى بعد يمكم من هيج رحت لك ليل ما انام برهم ليل ما انام
انت ملاحكني وين ما اروح مدتطلع من باليي مدتطلع من بالي رغم هسه انت رجلها الاختي
برهم شذنبني اني ونار الي بگلبي يوم عن يوم دتزيد الوجع الوجع مينحمل لك برهم والله راح اموت والله راح اموت ارحمني
ماكدر اشوفك انت واختي سوه والله ماكدر اشوف الشخص الي حبيته من كل گلبي وي اختي علاقه وخطيبها لككك برهم ما اتحمل والله ما اتحمل
كافييي كافييي ارحموني
سحبني لحضنه ويهمس يم اذني
:- اششش كافي مو زين عليج كافي لتبجين
:- برهم ما اتحمل ليش محد يحس بيه وين اروح بس كلي
:- كافي نيار كافي عمري
بعدت عنه مسح عيوني صارت عينه ع ركبتي
برهم :-, اني أعلمه هلعار امشي يلا خلنرجع للبيت
سحبني من ايدي كبل سحبتها منا
نيار :- لا رجعني البيت خالي
برهم :- لج مخبله انت كل عقلج لو تموتين ما خليج يمهم لحضه
نيار :- برهم اذا رحت هيج شكول الامي لا برهم فدوه رجعني واني صبح اكول الخالي يرجعني والله
هزلي راسه ورجعني البيت خالي
برهم :- شيصير اتصلي عليه
نيار :- تمام
فتحت الباب محد حس استغربت من كعد منهم ما معقوله اني صرخت
صعدت ع كيفي ماهو كرار بلغرفه دخلت بسرعه وقفلت الباب
ب12 اتصلت ع ايمان كوه تحجي
نيار :- شبيج يروحي شبي صوتج شنو باجيه
ايمان :- اي نيار مرض ابويا تكرر بيه نيار راح اموت
تحجي وتشهك
كلماتها صعقت گلبي نزلت دمعه من عيني
ايمان:- نيار دتسمعيني
نيار :- ايمان لتشاقين
ايمان :- وروح بابا لا وداعت برهم داحجي صدك صار كم يوم من مسويه تحاليل وقبل يومين طلعن
نيار :- لا ايمان لا
ايمان :- كلت البرهم اليوم واتخبل ارجعي نيار محتاجتج اهواي
نيار :- ايي والله هاي هسه جايه
سديته منها وطلعت الخالي
نيار :- خالي اريد ارجع للبيت وهسه فدوه
فراس :- سايق لخلفوج اني
نيار :- خالي فدوه ايمان مريضه كلش ولازم اروح
فراس :- ايي روحي انت اصعدي منه تكسي البيتكم هاج هاي فلوس اني مابيه حيل
خزرته وشمرت لفلوس بوجهه
نيار :- ما عايزه لفلوسك اني
ماحس غير براشدي فر راسي وكمشني من شعري قوي لفه ع ايده
فراس :- اني تعلين صوتج عليه فوك ما كح وجايبج بيتي هيجج تحجييين وياي
اجتي مرته تركض
بتول :- لاال فراس عوفها شجاك
نيار :- اشرف منك انيي وما جايه من شارع فهمت لو لااا
فراس :- هههههه ضحكتيني ليش تحب رجل اختهل هاي شنو شريفه ؟
عطت بي
نيار :- اشرف منككك لككك
فراس :- اربيج من جديد سهله نيار
سحبني من شعريي قوييي اريد افك ايده من شعري ماكدر ومرته وراه تمشي
شمرني بصاله دفعني قوي بين ما داكون جاب واير كلش ثخين اسود
نيار :- خالي اريد اروح الاختي عوفني فدوه
فراس :- ههههه يعني هسه انت اشرف مني مو ؟
نيار :- ايييي اشرف منك وما خاف منك
ضربه قويه اجتي ع رجلي خلتني اصرخ روحي شاطت كمشت رجلي واجتني الضربه الثانيه ع جتفي كل ضربه روحي تشوط بيه
نيار :- لا خالي فدوه عوفنيي خالي عليك الله
فراس :- منو اشرف مني احجي
يحجي ويضربني
نيار :- خالي لتضربني فدوه بس خلروح عليك الله
مرته تدك بلباب قويي وهو مستمر يضرب بيه
كل ضربه جانت اقوه من ثاني الحد من كمت اتلوه ويا كمشت الواير دفعتي قوي وره انضربت براسي بحافة التخم
بنفس لحضه اجتي ضربه ع وجهي نزل دم ع حلكي
كمت دفعته قوي وفتحت الباب وصعدت لغرفتي خشمي يجري دم وراسي من وره احس دم
لبست بسرعه ودم ما وكف لحضه شلت شال حطيته ع خشمي وطلعت بسرعه اركض
بتول :- وجج تعاي وين ترحين
طلعت اركض وكفت تكسي
نيار :- خويا توصلني المنطقه .......
:- اي صعدي
صعدت وطريق كله يباوع عليه شال انترس دم من خشمي واحس شي ينزل ع ضهري
وصلت للبيت انطيته ١٠ وعفته حتى باقي ما اريد رحت للبيتنا فتحت بابا شارع ودخلت
بابا صاله مسدوده دكيتها وطلعلي برهم شفته كبل بجيت
برهم :- هاا شبيج
اجتي امي وايمان يباوعن عليه وخرت شال من عن وجهي
وشهكن من شافني
الحجيه :- عزا العزاني يمه شبيج من سوه بيج هيج شو تعاي جرتني من ايدي كعدتني
ايمان :- سوده عليه منو سوه بيج هيج ولج
نيار :- خالي فراس كتلني
الحجيه :- كسر بيده كوه
برهم :- والله افلش البيييت ع راسسسه شلون يمد ايده عليهاااا هييييج
ديطلع برهم وكمت بسرعه
نيار :- عليك الله عوفه لتروح
برهم:- خاله البسي بسرعه خلناخذها للمضمد بسرعه
ديحجي وي امي وكعت علي كمشني بسرعه بعدني مفاقده بس دخت وكعت صارت ايده وره راسي
كمشتني ايمان وشاف ايده كلها دم فتح عيونه مصدوم
رجعت وكعت مره ثانيه بس هلمره فقدت
///////////////////////////////////////
في الوقت الحالي
مسار
ادهم :- تخطب منو ولك
برهم :- وحده اعرفها واريدكم تخطبولي ياها
اجرام :- منو هاي نوب
برهم :- كملو عشه واحجيلكم
بسرعه شلنا الماعين ورجعنه كبالنا برهم وكعدنا مصدوميين من كلامه زين هو يحب ايمان الحد الان يبجي ويون عليها.
اجرام :- اي برهم منو هاي
برهم :- اخت ايمان
نور شهكت وادهم ضحك
ادهم :- تشاقه ؟
برهم :- لا احجي صدك
ادهم :-, لكككك اخت حبيبتك شلون تزوجها
برهم :- معليكم اخطبولي وسكتو
ادهم :- لككك شنو اسكت لك بابا ميصير شذنب البنت تزوجها وعاشك اختها لسه
برهم :- ادهم متردون ترحون اني روح اخطبها وحدي
اجرام :- انجب لك بس البنيه قابله وشكد عمرها
برهم:- اي قابله وعمرها 28
ادهم :- اهاا بينكم سنتين حلو
مسار :- صدمتنا والله بس عادي تدلل شوف يو ونروحلهم
سيرين :- اي صح شوف يوم ونروحلهم
حسن :- وأخيرا حتعرس
ابتسم الحسن وكام
ادهم :- اخاف البنيه مغصوبه
اجرام :- شكد حجيت رحمه لابوك يعني شنو مغصوبه ماكو هسه بنيه تنغصب
ادهم :- لعد وياسمين مو هلمره ثانيه يغصبوها تتزوج
اجرام :- ذولاك ماعدهم عقل
سيرين :- صدك مسار منو الحط زيت ع درج وكعتي ؟
مسار :- حمودي جان بيده زيت شعر وكابه ع درج
سيرين :- يعني مو ياسمين
إجرام:-, لا مو ياسمين خابرتها وراها بيومين اصيح عليها وكتلها اله اجي الابوج وهاي سوالفج تحلف وتتكفر تكول مو اني والله عاد شكيت بمحمد من شفته خانس صحت عليه وكال اني وكعته بلكاع
حسن :- اول مره نضلمها الياسمين
سيرين :- اي عفيه
نور :- هسه شنو برهم ما كال شوكت نروحلها
دخل برهم ايده يرجفن كعد يمنه
ادهم :- ها شوكت نروحلهم هم بغداد مو ؟
برهم :- اي بغداد وباجر الصبح نطلع منه
_______________________________
ترا البارت طويل مو تكولون قصير اموتكم والله 😂🖤
والبارحه بعدني ممكملته ونشرته بلغلط ورجعت حذفته
حسابي الانستا :- mream_.98