قسوة الشيخ وعذابي

البارت السابع والخمسون 💔

البارت السابع والخمسون

ـݪا احد يحبك مِثݪي
ـݪا تقل امك
اقسم ثلاثاً ﺄنـَيـﮧ اﺣﺣـٰبـٓكۦ اضعاف حبها لك
فقلبها ممتلئ بأخوتك
أما قلبـჂ̤ انا ممتلئء بك ﭑنت فقط!♥️

.........................

حسيت ضربه ضربتني ع راسي من حجيها شهكت شهكه توكف الكلب وانه اسمع كلماتها وهي تحجي بالتلفون فيصل خله ايده ع حلكي كاتم شهكاتي طلعت زهراء هو سد الباب وراهاا ويريد يحجي وياي دفعته وطلعت من المطبخ ودموعي ع خدي صعدت لغرفتي كبل سديت الباب وبيقيت ابجي صوت الهوسه خف عرفتهم راحوو بقيت حابسه نفسي وبجي اندك الباب كمت فتتحته بدون ما اصيح منو مالي خلك احجي صار فيصل اكبالي دخل وسد الباب

دلع..... شتريد

فيصل.... اريد تسمعيني

دلع..... واذا كتلك ماريد اسمعك وتفضل برا

فيصل....... لا ماطلع انتي فتهمتي غلط ولازم اصححلج معلومتج

دلع..... شتفهمني هو كل الكالته انته مسوي شلون حبلت لا اتنكر انته جنت اربعه وعشرين ساعه يمها ما سويت الي كالته

فيصل......جذاابه تصدكين بيها وتجذبيني

دلع..... تتبله عليك يعني

فيصل..... اي صدكيني دلع ما مجذب عليج انتي الوحيده الماليه كلبي وكل جوارحي

دلع..... لا فيصل لتجذب ع نفسك انته ماحبيتيني جنت تشفق عليه وتدور شهوتك يمي

فيصل...... هيج تشوفيني اباوعلج بس كجسم

دلع..... اي انته بعد ما تعنيلي ولا اي شي وتفضل اطلع برا ولا تراويني وجهك بعد

فيصل..... تشوفيني ساكت تاخذين راحتج بس والله يادلع اذا طلعت السالفه جذب بجذب ساعتها شوفيلج مكان يضفج غيري

نزلت دموعي ويه طلعت من الغرفه خلاص انه اختاريت هذا الدرب اتحمل كعدت ابجي وتوسل بدموعي ما ينزلل بس لا حياة لمن تنادي مسحت دموعي كارها كلشي بيه حبي تضحياتي وحتى شخصيتي وكفت كدام لمرايه مستضعفه نفسي لبعد الحدود انفتح الباب كل ضني فيصل اجيت اصررخ بوجه وبس تفاجأ برقيه صافنه بوجهي وداخل بدون ما تدك الباب مو من عوايدها

دلع..... شبيج رقيه

رقيه..... انتي الي شبيج عرس والناس فرحانه ليش ما رحتي ويانه تشوفين الوادم

دلع..... مالي نفس ومتعاركه ويه فيصل وزعلت ويه وماريد اروح لاي مكان

رقيه.....اعوذ بالله من الشيطان الرجيم توكم تصالحتهم ما صار الكم سبوع رجعتو تعاركتو جهال

دلع..... اخوج لا يطاق وكمت اتقزز منه وما اشتهي بعيشت الله انه يفضله عليه هاي الحيه ام الزلم الما تخاف اللله الله ياخذها كولي امين

رقيه...... هم زهراء بالسالفه والله عرفتها من راحت وراكم راح تسوويلكم سالفه مالها اول مالها تالي

دلع..... شقصدج مافهمت

رقيه..... كعدي خلي اسولفلج... انه اجيت صحتلج علمود فيصل يريدج وهيه طلعت ورا مباشرة اجيت اصيح ونبهج بس استحيت منا الوادم كاعده

دلع..... هااي لعبه مناا تخررب بيني وبين فييصل يااالله انه سووويت

رقيه...... شمسوويه

كمت ابجي اريد اطلع اريد اشووف فييصل وين لا يروح صدك يسوي الكال عليه ماكدر والله ماكدر اعيش بدونه امووت لزمتني رقيه

رقيه..... فهميني شبيج

دلع.... ببجي ولج رااح يعووفني فييصل بسسب هااي الحقيير الحيووانه خرربت علييه

رقيه.... دلع هدي وفهميني شنو صاير

دلع.....اسولفلها وانه ابجي وناشق... جنت اسولف ويه فيصل وجان يحاجين ع الملابس وسمعنه صوت كعبها... زدت بالبجي

رقيه..... اي كملي وشصار بعدين شسوت

دلع..... بخنكه ودموعي ع خدي.. جانت تحجي بالتلفون وتكول رجعت

لقبل ساعات في المطبخ

زهراء....... لا ما يحبها يحبني بس انه... اي هو بنفسه كلي هو يريدها بس للونسه ويكضي وياها وقت... هاا اي هو بنفسه كالي هيج... ليله ينام بحضني وحتى من ينام يمها يعوفها تنام ويجي يمي..

رجعت من ذاكرتي وكمت ابجي ورقيه تريد تفتهم شي ما كدرت عفتها وطلعت ارركض ادور ع فيصل صارت كبالي عمتي ساميه

دلع..... عمه ويين فيصل

ساميه..... غير يمج ما شفته نزل

رجعت صعدت تاركتها وراي وبالها الف سؤال وسؤال  فتحت باب غرفه زهراء وشوفها خاتله بزاويه متزوركه زورك بقيت صافنه وفاتحه حلكي التفتت شفته كاعد ع الجربايه ومجنف رداناته ويلهث من التعب تقريت عليه وحنيت رجلي وصرت كباله

دلع..... فيصل

فيصل.... ماريد اسمع ايي كللمه زهراااااااء حجيلهاا كلششي هسهه

دلع..... مااريد اسمعها ادري بيك بريء

فيصل..... ما يكفي اتهمتيني صاحب شهوة وريدج للونسه هسه تحجييلج

دلع..... كام هو وانه لزمت ايده... ماريد فيصل والله ادري ما الك دخل بس عوفها

فيصل..... حضري روحج هل يومين توعفين البيت وترحين لبوج ماريدج

دلع..... لا فدوه فيصل لا والله اسوي كلشي تريدبس لتسووي بيه هيج

فيصل.... رووحي ناامي من اصبح افلح يلا

جراني من ايدي وصلني لباب غرفتي وعافني ونزل دخلت للغرفه وصرت ابجي وغلط ع نفسس انه شسوويت بنفسسي خسسرته بغباائي ماكدر اسستحمل والله ما عووفه... اخذت مده من البجي وغفيت ع كعدتي بالكاع... فزيت ع الباب كمت فتحته وانه تعبانه

رقيه.... صباح الخير

دلع..... صباح النور

رقيه...... يلا بدلي رايحين لشهد

دلع..... ماروح مالي خلك

رقيه..... فيصل كل لمي تاخذج ومحد راح يبقه بالبيت المن ضاله

هزيت راسي مستسلمه للامر الواقع لبست عليك يا الله وطلعت اياد وصلنه وراح وحنه دخلنه رحت وسلمت ع شهد وانه مالي خلك نفس بشي وريد ارجع لبيت اجه فيصل وصعدنه وياه  صرت ورا ع الكرسي جنت متقصده اكعد ورا بس هو فر الجامه من جهتي استهضمت حيل من سوايته ونزلت دمعتي ومسحتها بسرعه.... دخلنه للبيت وانه دخلت وبقيت انتضرة بالصاله هو دخل شافني ما هتم ركضت ورا

دلع..... انطيني فرصه خلي احجي وياك

فيصل..... خلصن من ساعة ماقبلتي تنطيني

دلع..... عاقبني بكلشي بس لتعوفني امووت

جان يتقرب عليه ويلزم ايدي وضغط عليها قووي حسيت العضم انكسر خلاها ورا ضهر وخله شفته يم اذاني وهمسلي

فيصل...... عقابج هو الموت بحد ذاته اتمنى ما طولين عند ابوج اسبوع وسمع مكتوله

دفعني قووي طحت بالكاع عافني وراح باوعلي بنضره بحياتي ما انساها نضرت استحقار سحبت نفسي كوه وانتجيت ع الحايط وغمضت عيوني بقهر شضامتلي الدنيه بعد... بعدني اجر بالنفس ونزل فيصل جايب زهراء واجه جرااني ويااها....

...........................

حسن...... يمته ناويه تحجيلي عن حبج القديم وغزلح ويااه شووووكت

طفرت مبتعده عنه هو تقدم عليه وانه اريد احجي الساني اربط ماعرف شنو اكول خله ايدي ضاغط عليه قووي ودفعني ع الحايط بقل قووه

حسن.... شوووكت نااويه تحجيلي عن صوورج الي عنده لو عن كعدااتج ويااه ولو عن شنوو تحجيلي

شهد.... بس خل اكلك

حسن..... شتكلييلي ولجج بحياااتي ما ششكيت بييج طللعت ملللعبه وتللعبين ع الولد يااا سااقطه

شهد...... لهنا وحدك اخلاقي تااج رااسك وخلي بالك مالاعبه ع الولد خووش اشرف منك ومن غيرك

حسن...... هسه انه مجذب الي حاجيه هل حجي كلشي اتوقع منها خاف تطلعين مو بنيه وضاحكين عليه اهلج

شهد..... حسن لا لتتشاقه ويه هيج بس فهمني شبيك وليش تحجي وياي هيج

حسن..... شححجي انتي مصصخمتتها ويه واحد كوواد ابن سسطعشش كوواد ولج والله عششكتج عشك ماا نطيته للبنيه بسس الج ليشش تخونيني

شهد..... ماا خنتك ولا جذبت عليك اصلان ماعرف عن شنو جاي تحجي

حسن....... للاسف وكعتي من عيني ومالي نفس بيج بس مهما يكون مو قليل اصل حتى اردج للهلج هسه ابوج دخلني بيته وهسبني ابنه وما بخل عليه بشي وهذا الشي شفعلج عندي وراح اخليج اربع تشهر ونطلك اذب الصوج بيه

دخلت للحمام وانتجيت ع الباب ونزلت دمووعي بحياتي ماجنت متخيله راح نوصل انه وحسن لهيج مرحله من الكره وحقد الي بعيونه كرهني بروحي وخلني اصدك حجيه عليه بقيت بالحمام دقايق معدوده ومسحت ادموعي وطلعت كعدت ع الجربايه وباوعله بسكته هو لازم جكارته بيد وتلفونه بيد ثاني
طلعت تلفووني حتى اكضي وكت بي جاان ينجرر مني....

شهد..... شكو

حسن..... منا وجاي تلفون ماكو تكعدين بهاي الغرفه وتنجبين وااضحح

ما ناقشته وهزيت راسي راضيه بحجيه اخذ تلفوني وراح كعد ع القنفه ويكلب بتلفوني خنجر وبنص كلبي صار وانه اشوف شاك بيه وبخلاقي تمددت ع الجربايه ودرت وجهي مغمضه عيوني بحسرة.. انطفه الضوه... ومادري يمته غفيت كعدت ع شهزنان تندهني كمت وجسمي متكسر

شهزنان..... كافي نوم صار دنيه لليل ما تتعشين

شهد...... مساء الخير

شهزنان...... مساء النور يلا كومي خلي نتعشه

شهد...... ما اشتهي والله

شهزنان..... عاد انتي كلشي ولا بطنج شنو اختلف هسه ماتردين بس لا اخوي مشبعج هههههه

شهد.... بتسمت مجامله لحجيها.... لا والله ماشتهي اي شي اريد بس انام

شهزنان..... ع راحتج بس لاتنامين هسه صلي ورجعي نامي

شهد..... ان شالله

كمت فرشت المصلايه متوجها الربي دعوت بنيه مضلومه وضلموها بليلة عرسسها وشوهو سمعتها كاعده ادعي وصلي وقراء قران دخل حسن صدقت وكتله...

شهد..... الله ساعدك

حسن..... لا هلا بيج ولا بصوتج كرميني بسكوتج

رجعت اقرا قران وما انطيته اهميه خلصت وشلت مصلايتي والقران ورحت كعدت ع الجربايه اريد انام اما اكدر نزلت جوه شفت شهزنان تسوي عشه دخلت يمها بالمطبخ...

شهد.... اساعدج

شهزنان..... لا حبيبيتي انتي عروس تلحكين ع الشغل

شهد..... والله ما عندي شي خلي اسااعدج

شهزنان...... لا حبي خلي طاقتج لحسن باليل

جريت حسرة بكلبي وكعت يمها ويه تسوي عشه اخذت منها المقبلات وكمت اسويهن اريد الهي نفسي بي شي حتى لا اتذكر حسن... كملنه عشه وخلصنه وحضرنه السفرة

شهزنان......روحي صيحي حسن وتعالو

هزيت راسي وصعدت ومالي نفس اكله تعال كابلني وكعد بس شسوي فتحت الباب ودخلت شفته متمدد ع الجربايه..

شهد...... حطينه عشه

حسن..... جااااي بصياح

عفته وطلعت تغير تغير جذري ممقوله هذا الجنت احجي وياه وطاير بيه صير.. نزلت وكعدنه ننتضر حسن اجه وياكل وعيونه بالتلفون شهزنان حست الجو متوتر بيناتنه ما حجت... جان شويه وحسن سئلها....

حسن.....شنو قررتي بموضوع اياد

شهزنان...... قررت ارجع لخاطر بنتي وبس

حسن..... انه هم حاجيته وكتله لو رجعت بعد زعلانه راح اطلكها منك وخصمها للسالفه وماترجعيله بعد

شهزنان....... الله يحفضك الي خويه ويخليك

شهد..... ليش هو شنو صاير

حسن...... ماعليج ولا تدخليين

باوعتله وكمتت صعدت للغرفه وسديت الباب ورحت للجربايه وستهضمت كلش كعدت ابجي بحياتي مباجه علمود ارزاله بس حسن غير احسه كاهني... تمددت ع الجربايه وعيوني امسح بيهن ماريد ابجي عليه ميستاهل... انفتح الباب درت وجهي شفته هو جايب بيده صينه اكل

حسن...... كعدي اكلي لا تبقين جوعانه

شهد..... درت وجهي مااريد الحمدلله حجيك سسمني وما يخلين اشتهي اكل

حسن..... شهد اكلي بدون حجي

باوعتله يحجي بهدوء كعدت وخله الصينيه بحضني وراح كعد ع القنفه وتمدد عليه كليت وخلصت ونزلت الصينيه وغسل الماعين ورجعت صعدت فوك ماشفت شهزنان يمكن بغرفتها رجعت للغرفه ورحت للجربايه وكعدت عليها.....

شهد..... حسسن

حسن..... خيرر

شهد.... والله ملل عاد انطيني تلفون شويه

حسن..... ماكو تلفون

شهد..... التلفزيون ليش ميشتغل

حسن.... بعدني ما منصبه نامي

شهد..... ما نعسانه

حسن...... شسويلج ابقي لا تنامين

كام طفه والضوه وتمدد ع القنفه بقيت ع كعدتي ع الجربايه ومخليه ايدي ع عيوني وصافنه عليه هو بقه متمدد وسمعت صوت نفسه العالي كمت امشي ع كيفي اريد اخذ التلفون وجان....

......................

كمت فتحت الباب وشوفه كبالي صالي شكد ما شايفته صح شفته بالعرس بس ماركزت بي جان مدنك رفعت راسي وخليت عيني بعيونه شكد مشتاقه اباوعلهن وتمنى احضنه هو هم بقه يباوعلي اجيت اسد الباب خله رجله ودخل وسد حلكي ومشه بيه جانو حسن وشهد فووك هو دخلني للمطبخ وسد الباب....

شهزنان..... شجااي تسووي تخبلت

اياد..... اي تخبلت من وراج شنو الحجي هذا الكمتي تخرطينه عليه بدون ماتحسين

شهزنان..... لا جنت واعيه لكل كلمه كلته لا تخاف مشاعرك ماتهمني

اياد...... طزز بمشاعر وطز بيه بس همشي انتي ترجعيلي شهزنان وعدتج متنعاد ليش تكبرين السالفه اكبر من الازم

شهزنان..... لو انته شايفني ويه ولد 

اريد اكمل سد حلكي بووسه قوويه بين شفايفي وشفايفه ضعفت كدام بوسته بادلته بدون ما ادري هو كام يتعمق بالبوسه جان يكطعها ويخلي كصته ع كصتي

اياد..... احبج واموت بهواج

شهزنان..... اييي

اياد.... هههههه شبيج بعدج خدرانه من البوسه

دفعته واجيت اطلع سد الباب وحضني ماعرفت شسوي جنت محتاجته هواي خليت راسي بصدره هو زاد ع الحضن وبقينه ساكتين لحد ما هو بادر....

اياد...... باجر اجي عليج ترجعين وياي

شهزنان.... مو كتلك بس هل السبوع ورجع

اياد..... لا حبي ماكو هيج حجي انه مشتاقلج وريد مرتي هما عرسو وحنه هم ورانه هواي شغل

شهزنان..... منو كلك راح يصير الي بالك كطنه وشيلها من اذنك ما سوي الي بالك راح ارجع علمود بنتي

اياد..... صار ماكو مشكلي انه وبنتي نفس الشي حضري روحج باجر جاي

شهزنان..... عاد خليها لعكب باجر

اياد..... ماكو باجر جاي عليج

شهزنان.... اياد ترا والله ما ارجع

اياد.... شحدج اكدر اخذج هسه ودز لخوج خبر بس مخليج ع راحتج باجر اجي عليج.. يلا مع سلامه

ماكو راسه يابس ربي كلهم هيج الزلم لو بس هذا العندي شالع كلبي طلع وسديت الباب ورا ورجعت للغرفه ووزع بتسامات... نمت ع الجربايه وخدودي مورده ونفسيتي مرتاحه بعدني مبتسمه دك تلفوني شفته هو جاوبت

اياد..... شتاقيتلج

شهزنان..... هههههههه شسالفه

اياد...... اريد اكضي العمر وياج بس الحظ ما يكعد وياي لسوء الحظ

شهزنان..... حللل هههههه

اياد..... احبج

سكتت وهو رجع عادها وانه هم ما جاوبته هو هم سكت وشويه وكال..

اياد.... مو مشكله تكرهيني تحبيني المهم انه احبج وراضي بيج والج يوم راح ترجعين لحضاني وكلبج راح ينبض باسمي

شهزنان..... نشووف

اياد..... تتحديني خاف عليج تخسسرين

شهزنان..... ماكو داعي نتحده بعض مبين منو الفايز

اياد..... ههههههه شفتي شلون اقوه منج

شهزنان..... شايف نفسك هوواي

اياد..... مو مغرور بس ثقه زايده عندي

شهزنان.......اي مبين ثقتك عاليه

اياد..... باجر اجي واذا سويتي بيها اريد ابقه لو سويتيلج اي شي حتى تبقين ماراح اردج بعد

شهزنان...... الله كريم لباجر

اياد..... يلا باي عندي شغل

شهزنان..... ووييين

اياد..... يهمج وين

شهزنان..... اي يهمني

اياد..... بحضن المخده

شهزنان.... نام بدون مخده اغاار

اياد........ هههههههههههههه تدلل ام روحي

شهزنان..... لا تصدك اغار عليك اتشاقه وياك

اياد.... هو بدايتها شقه وبعدين تصير حقيقه

شهزنان..... يلا بااي

اياد...... ديري بالج ع نفسسج مو تشتغلين هواي خلي  اخوج يخدم نفسه

شهزنان..... صار اكو اوامر بعد

اياد..... اي خلي اشوف فتحي كامرة

شهزنان...... مافتح والله

اياد...... يصير خير مع سلامه

شهزنان..... الله وياك

سديته منه وكمت رحت وانه اشوفها الساعه قربت تصير5 يمته الحك اسووي عششه كمت للمطبخ حضرت اشياء خفايف دخل حسن من برا البيت وشرب ماي وصعد وجهاا معفووس... كملت العشه سويت بيذنجان وطماطه وشويه سنبوسه وطلعت لبن وطرشي وشوربه هم سويت وكملت صعدت اشوف شهد اليوم كله ما نزلت دخلت ندهتها وطلعت باوعت ع حسن توا طالع من الحمام والمنشفه ع راسه شعجب سابح بالحمام البرا عفته ع راحته ونزلت جوه..... نزلت شهد ودري بيها تحب المقبلات اكثر من الطرشي فخليتها تسوي ونقلنه الغراض وهيه صاحت ع حسن وكدنه نتعشه من حاجاني حسن اجيت اكله ماروح بس تذكرت حجي اياد كتله باجر مدري شبي حسن زمخ ع شهد وخلاها تكوم ما تدخلت بيناتهم هو هم كام كعد بصاله انه رحت اريد اغسل اماعين اجه حسن حضر صينيه وصعد بيها بتسمت ع حنيته خلصت غسل ورحت الغرفه وكعدت ادرس للمحاضرات فاتتني....

........ يتتبع...... لا تنسو التصويت 🌟